|
|
 في عينيك دنيا غريبه..القاء د.عفاف الصادق..اداء أستاذ.ابوعركي البخيت
|
في عينيك دنيا غريبه
دنيا ملانه محنه (بهجه) وطيبه
مره تقطع
ومره تجمع
مره تاخد كل اعماقنا تابا تجيبا
وانا اتحيرت
شلت الخطوه
حتى الخطوه لما نشوف جمال عينيك
تبقا ترجع
وهي بتتطلع
قصة صوره في عينيك حروفا رهيبه
فصولا بتحكي للأيام عيد ميلاد حبيب وحبيبه
وبتروي كلام مطابق ليك
نابع وحيو من عينيك
و سماح عينيك عاد يا منيه
زيا ليها ما شفنا
فيها حديث جميل ورقيق
وبدي الناس جمال احساس اصيل وعريق
------
د. عفاف الصادق
أداء النجم رائع التكوين و اللمعان أستاذ/ ابوعركي البخيت
اعذب تحياتنا و اجمل امنياتنا لهم و لكم ولأبنائكم وبناتكم جميعا
|
|
 
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
Quote: بس بمناسبة (اللا مناسبه) عايز اسلم علي ناس حلوين
د.معز الملهم
فيصل نوبي دفعه الحميم
عبدالله عقيد
ترتسكي معتز
الخاله منى خوجلي
عزاز شامي
نهال كرار
القلب النابض
الحاجه بت الاحفاد
الحاج عصام دهب
و ناسا كتر |
أخو الحارة اخوي سعد الدين ...
بمناسبة التحية
شكرا لإدراجي مع الرائعين
ولك ولهم اهدي احلى الامنيات والدعوات بان تكون حياتكم أحلى وان تتحقق أمنياتكم...
اغنيتك رجعتني لشعور بعاني لي زمن أخدره.. شوقي للوطن!
شكرا على بعث هذا الجمال
| |
|
|
|
|
|
|
|
|
 Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: nazar hussien)
|
نزااااارو
والله انت زاتك فائض محنة وطيبه
Quote: ولو بتقدر تنكت لينا....
يا ........انا كنت قايلك....تبت من تعب السفر
ومن مباراة القماري ومن شراب موية المطر...
ولو بالعود تكون....مرقت روحي ....وبدلتها بروح تانية |
بس كده 
هي بتجي لكن كان لقيتا عود ما بجيك صاد..روحي بتمرق وراها 
------
طبعا اثناء ما بكتب شغال ابحت... مافي عود يا نزار والله
في دي بس.. ليك و للقلب يا قلب
وكل سنة و انتو بي الف خير و القابله ان شاء الله ربنا يخفف المآسي.
| |
|
|
|
|
|
|
|
|
 Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
| Quote: لا الصورتين ديل فيهم مالكوم X |
هي لكن يا ابو السعود ما طلعتني الطيش
يعني انا ما بعرف مالكوم X !!!!!!!!
انت ونوبي كلكم شادين صورو ونوبي شاديها بي هبودا كمان
ياخي مالكوم ومارتن لوثر ومانديلا ديل ما من اولاد حلتنا
ذكرتني بي قصة واحد صاحبنا كان بحب بوب مارلي حب عجيب عامل شعرو زيو ومعلق صورو في أي ركن ولابس ليك فنايل فيها صورو ولمن مات بوب بارلي كان عايز يفرش عديل الا خاف من ناس الحلة
المهم صاحبنا دا مشى زيارة بورتسودان وصدفة قابل ليهو واحد من اولاد الحي وسلامات وحق الله صاحبنا الفي بورتسودان قعد يسال فيهو من الناس واحد واحد فلان كيف وفلان كيف ودا يطمئن فيهو كلهم كويسين بعد شوية صاحبنا قال ليهو لكن بوب ما مات !!!! بتاع بورتسودان احتار في بوب دا منو قايلو لقب واحد من اولاد الحلة قال ليهو بوب دا منو ما عرفتو ؟ صاحبنا قال ليهو بوب مارلي ياخي قام قال لي ينعلك وينعل ........ذاتو ياخي هجمتنا ياخي انا قايلو واحد من اولاد الحلة
| |
|
|
|
|
|
|
|
|
 Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: وفاء تاج الدين)
|
Quote: شكـــــــــرررررررراا على هذا الجمال..
ويا سعد وكل محبى هذا الرائع ..فى أغنية إسمها بستنشقك سمعتها منه فى
حفلة قبل أربعة سنوات وفتشتها وقالو لسة ما نزلت لو أى زول عندو نزلوها لينا
وأغنية ديمة معاى فى جواى |
في اروع من كلامك ده يا وفاء!
ما سمعت الغنيه القلتيها دي و لو حصل بشفطا طوااالي
الغنية التانيه سامع بيها ورايحه لي في نفس الوقت..
كدي ذكرينا كمان
و كلو سنه و انتو الطيبه.
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
الاخ سعد الدين
كل عام وانت بخير
اداء رائع بالعود من عركى والقاءاً جميل من د.عفاف الصادق
مازلت اتذكر يوم غنى ابوعركى (ثمار دمى)فى قصر الشباب والاطفال
باداء خاص تحسه اكثر روعةمما يكون عادة..
حين اتت د.عفاف التى كانت جالسة فى الطابق الاعلى من المسرح
ومشاعر ظاهرة للكل تلفها لتحملها مباشرة الى حيث يقف ابوعركى
ووضعت رأسهاعلى كتف عركى الزوج والفنان ومن قبل الانسان..
كان المشهد غاية فى الجمال..تفاعل الكل معه
ومن بعد جلست د.عفاف على كرسى بالقرب من الفرقة على المسرح
وفى نظراتها كثير من شجن وكانها تقول:
تعال نفرش دروب الريدة للأحباب
وزهرة حب .. جذورها حنان .. غصونها أمان
ثمارها بتدي طعم الريد
وريدا بيسعد الانسان
هذا بعض من تآلف وكثير من مودة يجمع بين الرائعين
ودنيا ملانة محنة وطيبة..
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
الاخ nazar hussien
كل عام وانت بخير
Quote: يا ........انا كنت قايلك....تبت من تعب السفر
ومن مباراة القماري ومن شراب موية المطر...
ولو بالعود تكون....مرقت روحي ....وبدلتها بروح تانية |
اذا اذن لى الاخ سعد الدين -باعتبار ان الطلب موجه له-
لدى الاغنية المعنية وبالعود كمان ويسعدنى ان اهديها لك..
وللاخت وفاء اهديها هذي الابيات عسي ان تلبى بعضاً مما طلبت
بستنشقك
وأكتم هواك جواى على مر الزمن
وتعيشى فى على الدوام
وأبداً..أبداً ما أتنفسك
تتخللى الروح والمسام
وأتخطى بيك سخف الصغائر واللئام
وأحبك تانى ومن جديد
وابداك معاى انا ياسلام وأحدثك
عن الزول البرسل فيك الأغنيات
ومن الصغر كان بيعشقك
...
تزدهر فينى الفصول
ولما أنم انا بغناك
قامتى بتطول
وابقى قادر انى اتمدد على طول الزمن
...
ومن المحن
ومن المحن ياعازة يا أم الكرام
وحدة نضالنا بتحرسك
ومن المحن ياعازة يا أم الكرام
أنا والمعاى بنحرسك
| |
|
|
|
|
|
|
|
|
 Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: Naji A.Moniem)
|
Quote: اذا اذن لى الاخ سعد الدين -باعتبار ان الطلب موجه له-
لدى الاغنية المعنية وبالعود كمان ويسعدنى ان اهديها لك.. |
ناجي اخوي سلام
و يا سلام!
ياخي نحن بنتعشم في الزيك ديل يظهروا و يدونا من تحفهم (لا للاحتكار)
بس ارفع الغنيه و نزلا في بوست جديد تفاديا للمشاكل الصوتيه هنا
أو ضع الرابط هنا (بعد رفع الاغنيه طبعا) و الشفوت ما بقصروا ان شاء الله 
ولو عندك (بستنشقك) دي..عطرنا معاك عليك الله برضو
دمت أخي العزيز
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: Naji A.Moniem)
|
الأخ الرائــــــع ناجى
Quote: بستنشقك
وأكتم هواك جواى على مر الزمن
وتعيشى فى على الدوام
وأبداً..أبداً ما أتنفسك
تتخللى الروح والمسام
وأتخطى بيك سخف الصغائر واللئام
وأحبك تانى ومن جديد
وابداك معاى انا ياسلام وأحدثك
عن الزول البرسل فيك الأغنيات
ومن الصغر كان بيعشقك
...
تزدهر فينى الفصول
ولما أنم انا بغناك
قامتى بتطول
وابقى قادر انى اتمدد على طول الزمن
...
ومن المحن
ومن المحن ياعازة يا أم الكرام
وحدة نضالنا بتحرسك
ومن المحن ياعازة يا أم الكرام
أنا والمعاى بنحرسك |
حقيقى اللغة قاصرة عن كلمات شكر تتناسب مع هذه الروعة..
وشكرررررا كتيييير أخى ناجى وياريت لو عندك بصوت عركى تنزلها لينا مع لينك الحفظ...
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
سلام يا ناس يا زوق
لكم جميعا و الخواض تحديدا... حقيقة العنوان هو ما اثار فضولي و تقمصت شخصية شارلوك هولمز صرت املا ناظري الى ذلك الشعر المنمق بكل الذوق ... وجدت الكثير من ضالتي الوجدانية مسطرة في شكل انسان...
وفي عينيكم اجمل قصة للاطفال
و في عينيكم دنيا غريبة
و انتو الناس و الامال
بتملا بلدنا محنه و طيبة
و نعلم منها الاجيال
عشان عينيكم بلقي قصيدة
كل العالم يسمع صوتكم
نشوف بسمتكم
نشوف طيبكم
و نوري الكون السودان
و يعرفوا اهلنا بوحدتنا
و عشان عينيكم
كل محبة صادقة جميلة
و كل الود مقدم ليكم
مع خالص تقديري
مهندس/ وائل تاج السر
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
Quote: ما كنت فاكر انا يوم بلاقي الحب
ولا بمشي في دروبو
ولا قلبي من شدة اباهو بتقدر الاشواق تذيبو
لكن غرامك حبة حبة صلاني بناره ولهيبو
وسرقت قلبي يا ظالم تاني كيف منك اجيبو
ولو كنت ناكر للهوي زيك كنت غفرت ليك |
خليل اخوي
تصدق انا لي كم سنة بفتش على (لو كنت ناكر للهوى) دي ومشتهيها
..كويس انك طريتنا ليها...يا أخوانا علييييييكم الله العندو الرائعة دي
يباصيها لينا في بوست براها ولا يجدع لينا رابط تحميل هنا..عيديـة وكده 
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: عبدالكريم الامين احمد)
|
العزيز سعدالدين عبدالرحمن
لاتدري ما الذي يحدث لي عندما أسمع هذه الاغنية حينما كان عركي يؤديها.. أحس بأشياء لااستطيع تفسيرها, وهي مع المسافة لمصطفي سيد أحمد يشغلاني بأحاسيس لا أدرك معناها..ولكن المهم ربما شئ يدب في جسدي كالاكلان, كما قال ودالمكي.. عموماً أشهد أن إحساسك راق ٍ بدرجة..شكراً لك وللصديق عركي وأختنا عفاف الصدق حمدالنيل..مع الامل أن نلاقيك في قاهرة المعز قريباًإذا لم أخطي محل أقامتكم
| |
|
|
|
|
|
|
|
|
 Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: صلاح شعيب)
|
أخي الحبيــب /
صلاح شعيب
سلام وتحية طيبه و أشواق وبعد..
ياخي الكاروشه دي بتنطلق فينا كلنا لمن نسمع الوجع النبيل ده
والله الحلوين ديل حيرونا ومحنونا و خلونا نخت أصبع على شفة ونطرق
ساهمين ومبلمين و دواخلنا تعج بالنشوى والطرب...
الدكتورة دي نضمت الحنان ده كيف 
الأستاذ ده ولف الدن ده كيفن
الثنائي ده عجيــــــــب .. الله يحفظهم ووليداتهم و مريديهم
كل سنة وانتو طيبين و مرتاحين
و انا لا تائه ولا حيران
رجعوني (بس) للعينين
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: khaleel)
|
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..( saadeldin abdelrahman)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: saadeldin abdelrahman)
|
ابو السعود وقبيلة عشاق الجمال في كل مكان كل سنة وانتو طيبين وإنشاء الله كمان دائما تامين
يا سعد مرة في لقاء مع د0عفاف الصادق في تلفزيون السودان وكانت بترد على اغاني ابو عركي بابيات من عندها وكانت قمة وروعة في التعبير أتمنى يعيدوا اللقاء دا عشان تقتنع جد بي حواتنا
يا سعد لو تشوفا
شافني ما شافني
حواتنا دي بصراحة انا مستلفة من نادية عثمان من قصيدتها البتقول
الجمال ادوهو لي حواتنا
وقت يكفو القدور نطلع شبه اماتنا
سمحين بالوراثة الاصل حبوباتنا
ابو السعود انت الراستا مالو خت لينا تلاتة نقاط واحدة فوق واتنين تحت
غايتو الفوق دي حقتي وشكلها هرشه انت مخير شوف نقطتينك
| |
|
|
|
|
|
|
|
|
|
Re: في عينيك دنيا غريبه..القاء د.عفاف الصادق..اداء أستاذ.ابوعركي البخيت (Re: الأمين عثمان صديق محمد)
|
اللمييين عيدك عسللل يا عسل..
بختك البتحضر سهرات وبرامج عن د.عفاف و أستاذنا ابوعركي..
شايف البنبر بقا تقيل كيفن ..الشئ تقول أكل مع الناس الشيه والمرارة وعسسل بالشربوت ..تعرف الشئ
ده جاب لي خاطرة اننا بندخل المنبر ده مهوييين كان اختياري ولا اجباري..عشان كدي دواسنا كتير ..ماشاء
الله عيني بارده..الناس هاديه و رضيه رغم المغصات و القضايا العالقه و نفسا برد بعد الشيه لمن غلبا
تكتب..
الراستا ده خت التلاته نجوم مسدار:
يوم الخميس الفات
طلعن تلات نجمات
الأولى في الخرطوم
والباقي في شمبات
*عجيب الرباط
| |
|
|
|
|
|
|
| |
saadeldin abdelrahman
تيسير عووضة
معتز تروتسكى
Haydar Badawi Sadig
فيصل نوبي
nazar hussien
وفاء تاج الدين
khaleel
علوبه
Naji A.Moniem
wail tagelsir abdalla
عبدالكريم الامين احمد
القلب النابض
Ahmed Abdallah
صلاح شعيب
Tumadir
Sahar Abdelrahman
انعام عبد الحفيظ
الملك
altahir_2
فيس بوك
تويتر
انستقرام
يوتيوب
بنتيريست