|
|
|
 Re: عجائب ، متفرقات ، أوهـــــــام .. 2005 البوردية (Re: Tabaldina)
|
..
تنقـــا..
كل سنة وأنت طيب ياوجيه وربنا يبعد عنك الاوهام
والهموم
نحن نقف هنا على اعتاب مفارقات عجيبة ، اشبه بعجائب الدنيا السبعة ( واليس في بلاد العجائب )
احدهم سألني:
ايا تمبس .. البوست ده ما فهمتو قاصد بيهو شنو؟
قلت ليهو:
قاصد بيهو الحاجات الما قاعده تتفهم لي بسرعة .. أو حالات الانفصامات العرضية البتمر على بعض الناس هنا وهم في حالات تجلي ..
يعني بي اختصار كدا .. عايز اعمل فيها ( عالم ) بتاع علم نفس وتشريح ..
وفي النهاية الماسلة كلهــا
نفسيات
| |
 
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: ثابت محمد)
|
عام سعيد ياثابت مليان بالاشياء المفهومة
اسهل طريقة للوصول دائما تتم باصعب مسلك
ولذلك
مرات الحاجات البتتفهم بسرعة قاعدة تتصعب هنا بشكل خرافي .. احيانا الواحد بيجي داخل وما بيفهم اي حاجه ولا بيعرف الحاصل شنو ..
يعني البوست ده منزلو لي كم يوم وكانت في حاجات كتيرة مفهومة وماشه كويس ، فجاة اكتشفت انو الحاجات المفهومة اصبحت اصعب من الحاجات الما مفهومه
علشان كدا
نجيب من جوه خالص ،، علشان نفهم ..
اسمع الدنيا تحلى صعابه ساهلة وبتصلك الفكرة كلهــا ( دي نصيحة ونظرية لي 2006 )
مودتي برضو
| |
|
|
|
|
|
|
|
|
 Re: عجائب ، متفرقات ، أوهـــــــام .. 2005 البوردية (Re: tmbis)
|
أو حالات الانفصامات العرضية البتمر على بعض الناس هنا وهم في حالات تجلي ..
يعني بي اختصار كدا ..
اخي تمبس ... التعامل بحسن النية وطيبة اهل السودان ( اقصد التقليدين ) تعد نوعا من الغباء والسذاجة في زمننا الحالي بالذات عندما يتولى امر القوم مستعلي ومستبد وشايف روحو وهو لا يساوي جناح بعوضة او دون ذلك .. نسأل الله العافية ...
تمبس .. الاشياء هذه لماذا تكثر بيننا دون مخاليق الله الآخرين .... اهو ضعف في شخصية الانسان ام انانية مفرطة ام بلاهة البلهاء ...
... لو دامت اليك ما آلت لغيرك ... اصحي يا تمبس ....
ود الباوقة
| |
|
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: ود الباوقة)
|
الريس ود الباوقــة..
يبدو انها لحظات الصحو ، عادت لتنشط الذاكرة من جديد..
كلما انتصر اليأس ، تخاذل من جديد واصبح تحت رحمة جلاد لا يعرف للهزيمة مكان.
..
نقطة الضعف الاساسية وما نعانية من حسن نية تقليدية او كما اشرت هي من عوامل دفعنــا للخلف في الاتجاه السلبي الذي يعمل على نسف حقوقنــاالتي اصبحت في مهب الريح وتوزعت بين سلاطين وجلادين وبعض الشرذمة تحت مسميات كثيرة .. ( طبعا فاهمني مش كدا ) ؟؟
..
بلاهة البلهــاء وطيبة السذاجة ياود الباوقة ( وتضخم الـ انـــا ) كما رأيت وعايشت قبل ايام قليلة.
إذن
النوم لابد ان يكون بعين واحدة مفتوحة وأخرى لتمارس بها ( الاحلام ) الوردية وتمسك بيها موية من بابور ( لستر )..
باقي ليك كلامي ده بيصل هناك والا في بورديهو ده بس ؟؟
سنرى وفي انتظار أن يأتينا الدور ..
| |
|
|
|
|
|
|
|
|
 Re: عجائب ، متفرقات ، أوهـــــــام .. 2005 البوردية (Re: Munir)
|
منير ..
كيف أخبارك .. وعامك سعيد ومليان ( بالالوان ) والاماني السندسية
محاولات الركض خلف 2006 بدات من بداية 2006 وشكلنا كدا ح نسبقو لانو محاولات الجري والطيران ترتيباته ماشه كويس
ــــــــــــــــــــــــــــ
شكرا يامنير وياريت تبلدينا يطمنا
بالمناسبة
اللون البراون ده أول مرة اكتب بيهو . فكرة كويسه بس كان تديني فرصة معاك
| |
|
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: قرشـــو)
|
منقول
دى جاية من النقلتية
وديل قبيلة ظريفة
بتساعد البنى ادم على المشى
تصور من احترامه الكتيرة
ما يعاين ليك الا فى جزمتك
لكن الشغلة تعولمت
جابت ليها ناس درسو فى بلاد برة
شايل ليهم شنطة وفيها فتايل كتار
يمسحو الجزم وينقلتوها كمان
فضاع فى بحر العلولمة النقلتية
فاختفى اثرهم حتى فى سوق ابقوتة
كان لهم سوق جنب سوق السواسيو
انا كنت شغال فى السوق سمسار سوسو
ومرات ببدل وبمشى اسمن
كنت بجيب ليهم
شباطة خالتى علوية
دى حكايتى مع النقلتية..
اها نجى لمنقول
ياسيد العقول
وكل عام وانت كلامك عسول
وانا بجى بس حضر العشاء بالفول
خلاص الدوام خلص..
تصور ياتمبس انا الليلة استفدت كتير و تثقفت خلاص
لانى دخلت على الورطة..اول مرة .. والله اول مرة
ولقيت نفسى فاهم الكلام كله..بى حروفو ال28
شفت كيف...يوم طب مو خسارة..وضحوة كاربة خلاص
منقول
| |
|
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: هاشم نوريت)
|
أوهـــــــام .. 2005 البوردية
عارف يا تمبس
الاقنعة .... كضب النضال ..... وهم الشخوص
انفصامات .... الدجل المقنن ....والصوت العالي يغطي الحقيقة
كله كضب
والعالم كله كضاب
الضحية والجلاد
القاتل والمقتوووول
والوهم الشرور للبيع
كله وهم
ونحن برضو طلعنا وهم وبنصدق بسرعة
الشعارات وهم
والشخووووص وهم
ونحن بنتعامل مع وهم
انا زهجانة ومافي زول يقول لي كتبتي شنو
لاني فجأة اكتشفت اني في عالم وهم ولم افق من الصدمة بعد
| |
|
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: قرشـــو)
|
العمدة قرشــــو
يامليون سلام..
..
( منقــول ) .. كلمة ظريفة وعجبتني من تداعيات 2005 ..
المفردة في ذات نفسه ( عميقة ) جدا والاعمق منهــا السلوكيات المصاحبة ليها
علشان كدا استعملتها ( كصارقيل )
و أخفى عليك سراً .. أنا معجب خالص بالكائن الاسمو ( الصارقيل ) دا .. طبعا دي حريات شخصية ياعمدة مش كدا؟؟
..
طبعا في محاولات الايام دي .. لي مشروع ليهو علاقة بي خفة اليد
ولذلك
أنت كمان بخير وعــام سعيد جدا
| |
|
|
|
|
|
|
|
|
 Re: عجائب ، متفرقات ، أوهـــــــام .. 2005 البوردية (Re: عبد المجيد محمود)
|
ياعبد المجيد ..
..
طبعا انا مقدر مساعداتك .. بتاعت المرة الفاتت وإن كانت ما جاده خالص
اهــا نجي لموضوع الوهم الكبير جدا .. البيطلقو البعض في الفاضي وينفخو فيهو لحدي ما يطرشق وبعدما يطرشق بعداك الواحد بيعرف انو ده الوهم زاتو
اها المشكلة بتبقى في انو ، قبل مشكلة النفخان دي ، راسو والف سيف ما بيقتنع ليك
علشان كدا ياعبد المجيد ، احذر الوهم واعمل حسابك ، وبالذات الوهم بتاع برد الرياض دا ..
..
ووين انت ما ظاهر ؟
| |
|
|
|
|
|
|
|
|
|
Re: عجائب ، متفرقات ، أوهـــــــام .. 2005 البوردية (Re: tmbis)
|
العزيز تمبس ..
رغم أني ما لابس نظارة لكن برضو ستل ما شايف حاجة ..
أكون مالي يا رب ؟؟
وما دام البوست دا مفتوح ممكن نقول هاجة يا تمبس ::
أو
ألو ألو ::
ممكن نشارك
ممكن أتره سهال
ما المقسود بي عقارب أونلاين دوت كم ؟ Aqraribonline.com
ملهوزة:
الجايزة تاقية همراء ومركوب جنينه (أسلي).
| |
|
|
|
|
|
|
| |
tmbis
ALGARADABI
هاشم نوريت
walid taha
ثابت محمد
Munir
قرشـــو
abuguta
القلب النابض
عشة بت فاطنة
عبد الله عقيد
JAD
حسن الجيلى سعيد
Haydar Badawi Sadig
فيس بوك
تويتر
انستقرام
يوتيوب
بنتيريست