|
Re: مــوضة الاعتــذارت .... بكــرى امسك داك ..ادسه هنا (Re: bob)
|
الله يجازيكــكم انتــو بركــة النبـــى ... حبـــوبتى السره بت عبد القادر كانت بتقوله طوالى لزول الشــكاى وبكاى... جننتنى انتا يا العــوير الاولاد ديــل ما قــدرك مالك ,,,انتا مجنانا كرهتنا ياخى اتهمد نــوم وانا الساعه ديـك اتنهدهع هع هع ... والله ما بخليــهوا الا اطقطقوا ... بكرى دقوا دق العيش بس اتسجم وانا تحت البطانية .. دايــر امى تجى تقول معليش يا حبيبــى لــكن ما جات..............؟
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: bob)
|
صدقنى يابوب فى ناس عادتهم الشكاوى وكان اشتغلت بيهم تتعب سيبك منهم وخليك مبتسم دائما وانسى بلا هم.... بكرى غايتو خا يتعب المجكمة العليا ما بتقدر على كم الشكاوى دى .. وعشان الشكاوى الواحد يبتعد عن الاحتكاك مع بعض الناس يازول ادروب واحد وماسى بعرجوا عشان كدا لازم الواحد يحافظ على الباس وورد دى ... اشوفك فى معركة اخرى عليك الله انسى وخلى قلبك كبير هسى داير افتح ليك بوست بتاع نكات ادروبية
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: القلب النابض)
|
Quote: اخوي الدقاك منو ؟
ما تبكي خلاص معليش , بعدين بديك قلم وورقة تكتب كل الدايرو ومعاه حلاوة.
لكن الدقة بالدقة والبادي اظلم
والشكية بالشكية والبادي اظلم.
اختك القلب |
اخــتى / القلب الحــنون
الدقانى منــو كتار هم وانــا قلته ليهم ياخوانا احسن تفارقوا دربى ده بربط ليكم بالليل بالنهار معى الدشانجـو ....لكن يا قلب والله نعم الاخت ربنا اديك العافيه ... خلاص ادينى الورقه النعبر فيها طالما التعبير هنا بجيب مشاكل
الـهوك بالهــوك والبادى راح فيها
الخرخره بالخرخره بى الخرخره والبادى بكرى ما بحــلو الا اجــى اكتب ليهو مقاله اعتذار هنا
تحيانى ياقلب الحنان
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: بكرى ابوبكر)
|
الحبيب / يكور
سمح الشفتك طيب ,, ربنا اديك العافية وماقصرته والله كونك اتحتا لينا فرصة للتلاقى ... وانا بشــرح يا جماعه بكرى ده شغال عشره ساعات ومعا مناقرت السوبر فايسر اجى اتمها هنا .... الحكاية كلها خرخره فى خرخره ... لكن اعمل حسابك قريب بطالبك بالاعتذار ده الاستايل اليومين دى ... الدعاوى تانى حترفع لى قبل ما تجيك لنظر فيها... لكن طلعت سودانى اصيل ومعاك
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: بكرى ابوبكر)
|
Quote: نطالب بتطبيق اللائحة العلانية على فلان لانتقاده المرغنيى نطالب بفصله ورجمه ..... يا بكرى ده ما احترم الميرغنيى |
بوب، أعتقـد أن حديثك هـذا لا سنـد لـه.. لأن النقـد شئ مطلوب دائمـا، وما فى زول قال ما تنتقـدو الميرغنى.. أنا شخصيـا نقدت الميرغنى أكثر ممن تدافـع عنـه.. وهـو فى الحقيقـة لم ينتقـد الميرغنى وإنما كال له السبـاب والشتـائـم والتكفيـر.. وهـذا لا يحتاج إلى مفكـر ناقـد.. أى شـرامى ممكن يقوم بهـذه المهمـة.. فهل هـذا هـو مفهـوم النقـد عندك؟
نفس الشئ يقال عن الإحتـرام.. هل فى زول مسكـوه من أضانو وقال ليه تعال احتـرم الميرغنى؟ بمعنى أدفع له الولاء والطاعـة؟ أما الإحتـرام بمعناه الإجتماعى، فعليك أن تحترم كل إنسـان بصـرف النظـر عن إتفاقك أو اختلافك معـه. ولولا الاحترام المتابدل لما كانت لك أنت أيـة قيمـة عند من تختلف معهـم.. والاحترام لا يعنى الإتفاق أو عدم النقـد، وإنما يعنى النقـد الحقيقى الذى يوجـه ضـد فكـر من تنتقـد بحجـة أكبـر تستطيـع تدافـع عنهـا بالبراهين وبنفس بارد وفى نقاش موضوعى علمى. فهل صـاحبك قام بهـذا المستـوى من العمل النقـدى.
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
Quote: الحبيب بوب شكرا للبوست الظريف و الذى يعبر و يعكس جزء من معاناتى اليومية لكن كان ما عملنا كده ما حا نكون سودانيين و لا شنو؟؟؟؟؟؟؟؟؟؟ |
ربما لا اعود كما خرجت من السودن ولم اعود يا فيصل حسب لوائح المنبر وهذا هو المقصود اعلم ذلك وليس من اليوم واصر انها حملة كبيرة ولكن لا يهمنى انتظر يوميا جديد العواصف فنحن لها................................ هشام مدنى اتحادى ديمقراطي وختميى بالميلاد...................
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
الأخ هشــام،
أرجـو أن تقبل توضيــح الأخ بوب الأخيــر. نحن نختلف ونتفق ولكن الإحتـرام واجب على الكل.. وعلينـا أيضـا أن نذكـر بعضنـا بواجب الإحترام فى النقـاش، وهـذا ما قمت بـه وأقوم به. ولا تعتقـد أن السيــد محمـد عثمـان زجاجـة يمكن أن تكســر بمجرد رمى حجـر عليهـا.. ولولا زيادة النفس الحـار هنـا لما تجـرأ من اتصل بك مهـددا كما قلت.. فعـد إلى الثقـة يا أخى.. فإن الزبـد يذهب جفـاء وما ينفـع الناس يمكث فى الأرض. واصل كتاباتك العاديـة.. والبيحـرك ضنبـو يكون الضـرب فى الرأس.. واللا شنـو.. كما تقول!!
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: Abureesh)
|
ابو الريش
Quote: أرجـو أن تقبل توضيــح الأخ بوب الأخيــر. نحن نختلف ونتفق ولكن الإحتـرام واجب على الكل.. وعلينـا أيضـا أن نذكـر بعضنـا بواجب الإحترام فى النقـاش، وهـذا ما قمت بـه وأقوم به. |
شكرا علي الكلمات
و اختلاف الراي لا يفسد للود قضية
و الخال هشام يعرف مساري جيدا
لست متحيز لبوب و لا لصالحه
و الخال دايما يوصينا باصلاح ذات البين
ولا كيف يا خال !!!
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: bob)
|
Quote: صدره هنا منى شخصيا... نعم شخصيا ولا اخفي ذلك لاننى صوت اتحادي ديمقراطي وختميى في نفس الوقت .....
|
بسم الله ده كلام شنو يا حبيب هناللك العديد من قيادات الحزب الاتحادى الديمقراطى يطلعوا على سودانيزاولاين بصورة يومية بل هم اعضاء هنا و ينشرون اخبار و بياتات الحزب مباشرة فى صفحات الموقع المختلفة بدون الرجوع لشخصى .... ولو فى اى حاجة بتمس الحزب و مولانا لتصدوا لها بدون ان اتدخل او طلبوا منى التدخل ..... يا اخى ما تعطى المواضيع اكبر من حجمها and take it easy و خلى نفسك طويل
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: بكرى ابوبكر)
|
الخال العزيز هشام الختمية ديل نمشي منهم وين يا هم أهلنا ابوي ختمي وعماتي ختمية وكل الاسرة ختمية وهذا حال غالب الاسر في السودان إما ان يكونوا ختمية أو أنصار من جذورهم , والله اقول ليك حبوبتي كان شافت الميرغني دا في التلفزيون بتقيف ويتخايل لي تقرب تملص شبشبها احتراماً له, لكن أجيالنا دي تحررت من القداسة للجماعة ديل . ودا لا يعني عدم احترامهم أو الحديث عنهم بقول يخلو من الادب والذوق والاحترام.
لك العتبى حتى ترضى ويعجبني ولاءك وصدقك ودفاعك. ودي قيم برضو الناس بتتعلمها منكم, حتى ولو لم يتفقوا معكم في هذا الولاء. ودمت يا خال ياكا البتنصحنا وبتصحح مواقفنا... بس المرة دي نحن بنقول ليك خد الامور ببساطة. ياخ شفت الرسول صلى الله عليه وسلم لى يوم الليلة بقولوا فيه شنو؟ دي سنة الحياة يا خال. عليك الله ارجع لينا الخال هشام مدني.
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: bob)
|
شـايف ناس بتعاركوا هناك ....سمعنا اى شكوة او خرخره ... وبكا سترفع هنا لى لللحكم فيها قبل ان رسله الى القاضى العام بكــور ... فالناس يعنى كدى تحس فرى وما تكبكب لان مرات القاضى هنا صعب شوية فى الحكم .. وعلى الجميع التحلى بروح الرياضية ممــنوع بتاتا العلــب بــدون كــورة كونك تشد وتشلت ما معنا هنا..
وجاى المره الجاية باستايل جديد للشكيه ومواضاتها وفنونه
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
Quote: يا راستا
شكوة كبيرة
سليمة ما جابت اللبن و حايمة توزعو في البيوت
لبن زايداو موية دي ما شكوي !!!! |
يا فيصل دى شكوة الشكاوى وده طبعا اسايل جديد المستعمله حليمه ده اسمو فى مصطلح الموضات والشكاوى نـــط الحــبل وقد اجدته حليمه بت على بى جدارة .....وكما يطلقون عليه اسم اخر الهو فلــق واجر وطبعا دى كلها اساليب وموضات .... لبنه اصلوا رايب حليمه وكونه زادتوا مويه احسنت فيه ... طبعا ستتبع معها الاجراءات القانونية
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: bob)
|
Quote: ظهــر استايل جديد من احدى الاخوان وتم اكتشافه بواسطة مراقبه لصيقه من بعد ومن قريب
الفنان دافتشــى تميز بالهجوم الضاغط على الفريق المحاور ورمى الدراب وللعب من غير كورة ويلجا الى الشـد والز والتليب من البوست والهروب الى بــوست اخر ليكون درون معا الخصــم ..... يعنى انتا ما تدقس يا توافقوا رايهو بغض النظر صــاح غلط بس تكون ما مختلف معاهو ... وغالبا فى النهاية ما يلجا الى العنصريه ويتهم بها الفريق الاخر لتقوية مفرداته الكلاميه للاستعداد للهجــوم من جديد .. يطلق عليها سياسة بــاك وجدع بالشباك ..... ومعا كل ذلك يريــد فرض رايه رجاله كدا مافى طريقه ... وقد استلمت هذه الشكوى الان من المواطمنين الابرياء الذين يجتجون من لعبه البيزينطى والقريص والدفع من الخلـف ..... والاخ دافنشى بعض دراسة الى حالاته اتضح من اختيارات المعمل ان امثال دافنشى لديهم صفات مميزه تربطهم ببعض اللعلعه العب من غير كوره عندما يحس ان نتيجة المبارة سوف لاتكون من صالحه يحس ان ثقافته ملك له فقط من تراث وما الى الاخر ... |
الفريق الخصم يتبع سياسة الضرب في الانكل خلف الحكم
دافنشي يعتمد علي حركة التسلل
ده اسلوب خطير لانو هجمة انفرادية من نص الدفاع ممكن تجيب قون من السنتر
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: bob)
|
فى اعضــاء فى المنبر ده قالوا هم عنـدهم دكتــاوره ولمن تشوفم بس اقول بلعبوا بــلى هنا خرخره لــمن بهناك... عندى واحد صحبى عزيز جدا وهو طوالى بضرب امثال ... فمره من المرات قــام قال مثل... الفرق شنــو بين الدكتــور والتــــور اها انتو ياهلناعارفين داير زول حريف اعرفوا؟
لا زلنا نعانى من البــكه والخرخره .... بــكرى قــال ووب اها تانى الببكى اقش دميعتوا واسكت مافى خلاص حبيبى ياسكر ولا على قاقارين تاكلها ساى كدا وترقد الصباح بتصحى كويس
الاحــداث مــرصــوده والكلامك ليك ياالمزوق عينيك ...... شــوف ده ؟ مخيــر الله
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
Quote: عوضية بت محمد الحسن دي اصلها ما بتسكت قوالات و سواطات شديدة قال راقت قال كل ما تقفل ليك باب تلقاها مشت فتحت شباك تقفل الشباك تلقا الطاقة انقدت مشاكل شديدة |
ســـــوطة قالت شنو انا ما كلمتها قلته ليها قنبى ســـــاى يا بت الناس ... الظاهر اهله طالقنها لى القلنا وقالوا
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
Quote: استايل جديد عنصرية بالكريمة قال شنو قال فلاتي و دساها بي الردم الردمو قال هاك المسنجر ده ، استايلات جديدة كرت |
عنصــريه بالكريمه اعتقد انو فيها شويه من زيت البطيخ .. اسمو منو ده معذور وقايل نفسو معا شله فى بص ولا قعــده يعنى انا بعرف الناس البتسنن ما حتى بتجيب العنصريه بالكريمه المخلوطه بالويكه دى.. وطبعا هو زاتو جايب اكسر تلج للاعضاء بالماسنجر عشان الناس تكييف يااخى انتا ما فقرى عديل كدى جبت الحاجات دى من وين التلفون والايميل وماتعرف ده كسير تلج فوق الحيطة حقو نزار اضيفوا للاستيلات الاتموسفيريه بتاعته
وسامع كده الزول ده متكسى ليهو بى حاجه كدا ما حقة رجال ..
| |
|
|
|
|
|
|
Re: مــوضة الاعتــذارت .... بكــرى امسك داك ..ادسه هنا (Re: فيصل نوبي)
|
Quote: ده ما كسير تلج ده اسمو فليق تلج و اول شي فلق روحو و دشدشه |
الشكيه لى الله ..هو فلق روحوا ودشدشه .. لكن فليق التلج البعرفوا ما جنس ده ده غايتو ذى ما قال عبد الرازق ذى الشغل اللابسوا داك ..غايتو اله امشى اغير البسوا داك لانــوا غايتوا انا اتحرجته ليهو ..وبعد ده قال هو بتكلم فى السياسه بى الحاجه الابسه ديك
Quote: عشان كدي جابت ليهو كسره وويكة و تقلية و معاهم كجيك
|
كتــاحة:
وهو تانى بعد اللبســه المكشب بيها نفسو دى بياكل جنس الجبتوا ده
| |
|
|
|
|
|
|
|