|
Re: لا تسبوا الهتنا (هبل واللات) تباً لكم (Re: عبدالقادر محمد)
|
يا غضبان في وجه الحاصل
ويا مستهجن كل الحاصل ويا مغبون ويا مسجون ويا مطعون ويا ممكون مع باقي عقاب الشعب الفاضل ايوه معاك في انك تغضب ايوه معاك في انك تشجب لكن لمن تغضب لازم تعرف انو تفرق بين محتال هو النهبك وسلبك وهو القهرك وضربك وبين الوطن الضاع بي سببك وما تستغرب!!!! ايوه الوطن الضاع بي سببك عارف كيف ضيعتو بسببك؟؟؟ انك ساكت وعارف وشايف....!!! عسكر طالع ليك في رأسك ماسك ليك في يدو حديدة قسم بلدك زي ماداير وطلع ليها خريطة جديدة شرد اهلك بالآلاف وطلبوا لجوء لي دولة بعيدة عطل كل مشروع كان قومي مشفى ومنهج محلج ومزرع سكة ومصنع وحتي خطوط طيران الأمة خصخص فيها واصبح سيدا وحتي العيش والزيت والسكر كل دقيقة اسعارا بذيدا وكل العملو..... عرش النيل بسدود و كباري وغرق فيهو مباني مجيدا وسفلت ليهو تلاتة شوارع كتلت ناس يوم وقفة عيدا وفالق رأسك بإنجازاتو يرقص بيها يعيد ترديدا وانت تعاين ولسع ساكت كأنو الخوف سويتو عقيدة وعرف العسكر انك خايف وكل الناس ما بترفع ايدا وما حا تطلع برا الشارع تعلن ثورة تعيد تخليدا زاد واتمدد في طغيانو وطبق كل نظرية بجيدا جوع شعبك بمشي وراك وفعلا جاع بي صورة شديدة وصبح الزيك مالكو العسكر يعمل فيو كل حاجة بريدا وضاعت بينك وبينو بلد حدادي دايرة سنين ضوئية تعيدا وماها بعيدا بس... كل الحاصل....!!! انك ساكت واستسلمتا وقلت خلاص العسكر غلبك يبقي أكيد ضيعتو بسببك وزي ماقلت هناك في الاول انت براك ضيعتو بسببك
|
|
|
|
|
|
|
العنوان |
الكاتب |
Date |
لا تسبوا الهتنا (هبل واللات) تباً لكم | عبدالقادر محمد | 08-01-18, 08:27 AM |
Re: لا تسبوا الهتنا (هبل واللات) تباً لكم | عبدالقادر محمد | 08-01-18, 08:35 AM |
Re: لا تسبوا الهتنا (هبل واللات) تباً لكم | عبدالقادر محمد | 08-01-18, 08:41 AM |
Re: لا تسبوا الهتنا (هبل واللات) تباً لكم | عبدالقادر محمد | 08-01-18, 08:52 AM |
Re: لا تسبوا الهتنا (هبل واللات) تباً لكم | عبدالقادر محمد | 08-01-18, 08:55 AM |
Re: لا تسبوا الهتنا (هبل واللات) تباً لكم | Haytham Ghaly | 08-01-18, 11:46 AM |
Re: لا تسبوا الهتنا (هبل واللات) تباً لكم | عبدالقادر محمد | 08-01-18, 05:38 PM |
Re: لا تسبوا الهتنا (هبل واللات) تباً لكم | منتصر عبد الباسط | 08-01-18, 11:33 PM |
Re: لا تسبوا الهتنا (هبل واللات) تباً لكم | Mohamed Adam | 08-02-18, 06:05 AM |
Re: لا تسبوا الهتنا (هبل واللات) تباً لكم | عبدالقادر محمد | 08-02-18, 01:04 PM |
Re: لا تسبوا الهتنا (هبل واللات) تباً لكم | Hassan Farah | 08-02-18, 08:04 AM |
Re: لا تسبوا الهتنا (هبل واللات) تباً لكم | عبدالقادر محمد | 08-02-18, 01:11 PM |
Re: لا تسبوا الهتنا (هبل واللات) تباً لكم | Mohamed Adam | 08-02-18, 01:17 PM |
Re: لا تسبوا الهتنا (هبل واللات) تباً لكم | عبدالقادر محمد | 08-02-18, 04:13 PM |
Re: لا تسبوا الهتنا (هبل واللات) تباً لكم | منتصر عبد الباسط | 08-02-18, 05:12 PM |
|
|
|