|
|
 Re: المصادر و أشياء أُخر... (Re: فردوس جامع)
|
Quote: عشان متعلم اقعد قدام
لا مرقت مسيرة و لا يحزنون زول اتجاهلني انسحبت و نبهتو و دا وضع طبيعي
لا سرقت لا شردت لا جريت
+++
انا لم اقل لماذا لم ينتقوني و انما عبت الانتقائية ذات نفسها
شفت كيفن |
هههه العذر الأقبح من الحادث!
(متعلم) قلت لي؟ إذن إما خدعوك ولا انت واهم نفسك!
وشفقتك لقعاد قدام انجلت عن عدم شوفتك بواسطة الجميع، صغير ولا فارض نفسك ولا شايف دا حقك؟
وبالتأكيد الزول الاتجاهلك لو (شايفك) كان رحب بيك أقلاها
رديت عليك أنا، لأنو نظري قوي ممكن أشوف (أصغر) حاجة 
+++
الانتقائية ما عيب!
خاصة إذا كانت ممارسة بطريقة منطقية
والمنطق بيقول أنك حشرت نفسك في مكان ما مكانك
وأنا نبهتك أمس لتحشرك في بوست الكيك
____
قدرك لرجلك قبل الخطو موضعها، أهو عبروك يلا رجع مداخلتك المهمة.
| |
 
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
الأعزاء أمجد و كبر...
النار تأكل بعضها إن لم تجد ما تأكله...
دعوه " ينجض" براحته!
زي ماقلت فوق التجاهل أو عدم الإستجابة لل bullying و محاولات بث السموم .
كبر
ننتظر منك الكتابة عن أشياء أُخر ...
فأنت من البارعين الموهوبين فيها.
لكم مودتي و تقديري.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
تحياتي مجدد يا فردوس ،
يا بارقة،
والتحية للكبير كبر أينما كتب أو حكى،
والذي أمتعني بمداده المسكوب في هذا البوست، كالعادة
طبعا عملية امتاع الكتابة ده شعور لا بعرفه إلا من به حس طبيعي
وفي برمجيات الذكاء الاصطناعي ممكن البرمجيات تنتج أرقام ، سرد ، معلومات ،تخيلات ، صناعات
لكن من المستحيل تنتج إحساس وشعور بمتعة قراءة كتابات لاناس طبيعيين
ومن الصعب أن تشعر الروبوتات بعبء الملل من كثرة تدخلاتها واسهالاتها المنبرية
أقول هذا وأنا مقدر لحجم معاناتك وأنت تواصلين بتواضع وحب مسيرة المعرفة المستدامة
وتتوهجين في إقرار المراجع كجسم أصيل من المعرفة البحثية.
| |
|
|
|
|
|
|
|
|
|
Re: المصادر و أشياء أُخر... (Re: عمر التاج)
|
Quote:
هههه العذر الأقبح من الحادث!
(متعلم) قلت لي؟ إذن إما خدعوك ولا انت واهم نفسك!
وشفقتك لقعاد قدام انجلت عن عدم شوفتك بواسطة الجميع، صغير ولا فارض نفسك ولا شايف دا حقك؟
وبالتأكيد الزول الاتجاهلك لو (شايفك) كان رحب بيك أقلاها
رديت عليك أنا، لأنو نظري قوي ممكن أشوف (أصغر) حاجة
+++
الانتقائية ما عيب!
خاصة إذا كانت ممارسة بطريقة منطقية
والمنطق بيقول أنك حشرت نفسك في مكان ما مكانك
وأنا نبهتك أمس لتحشرك في بوست الكيك
____
قدرك لرجلك قبل الخطو موضعها، أهو عبروك يلا رجع مداخلتك المهمة. |
يا زول انت موهوم و لا شنو عذر شنو و ذنب شنو
و هم منو الخدعوني ديل
و القالك منو حشرت نفسي و لا دي تقديراتك قدس الله سرك
في بوست الكيك اديك في راسك و هنا اديك في راسك
و في بوست جلالدونا اديك في راسك
و اكان وريتني محلك بجيك اديك في راسك
اها رأيك شنو
انت قايلني انا موصلي و لا خواض و لا الناس الكتار السكتولك ديل
سكتوا احتراما لانفسهم لكن انا برشك لمن يبينلك صاحب
عامل فيها الولد قليل ادب يعني
عملت شنو في موضوع جلالدونا
| |
|
|
|
|
|
|
|
|
|
Re: المصادر و أشياء أُخر... (Re: امجد الجميعابى)
|
تديني في راسي ليه يااااخ؟
هسع في البوست دا لقيت منو وضع ليك وزن غيري؟
وبعدين الكلام الشين دا قبا ساعات مش قلت ما حقك:
(و لكني اقول ما اراه حقا مجتهدا في ذلك
دون المساس باي كان او خشن اللفظ ما استطعت الى ذلك سبيلا)
فإذا ما عندك معي غبينة يستحسن تقضي وقتك في محاولة صنع شخصية
ليها وزن هنا، أحسن ليك بدل ما يلطعوك وتقعد تكورك (ردوا علي يا انتقائيين)
ما أخير؟
| |
|
|
|
|
|
|
|
|
|
Re: المصادر و أشياء أُخر... (Re: امجد الجميعابى)
|
نقاط فوق بعض الحروف...
إضافة لمداخلة الأخ المحترم أمجد لم أستطع الرد على مداخلتين أُخريات تقريباً....
قدر ما باصرت أسلوب الرد غلبني!
ده قصور مني أنا و ما عنده علاقة بالأخوة الكرام اللذين أكن لهم كل الود و التقدير و أتفهم و أقدر شعورهم تجاه " حاتم"
القصور جاء لأني ما عاوزة أزيد إلهاب البوست ... درءاً للمزيد من بث السموم و " القرف" الذي أكره... و أحاول أن أنأي بنفسي عنهما...
يبدو إنه كان تقديري غلط و زِدت الطين بِلة!
عشان كده ... أنا بعتذر لكل من لم استطع الرد على مداخلته.
فأنتم أهل للإهتمام و إخوة و زملاء أعزاء و ستظلون 
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
مناداة و رجاء للأخ الجميل كبر...
يا كبر... عاوزة أطلب منك طلب بإسم معجبي كتاباتك الثرية و سلسة و جميلة حد الإدهاش!
أجعل آخر مداخلة كتبتها في أمر الحرب و المكايدات ضدك ... آخر مداخلة.
و فِط آي مداخلة تؤثر على سلامتك النفسية... نريد كبر المبدع متأبطاً كيبورده و بيبدع... هكذا و ببساطة.
الحرب دي عبثية و ما عندها نهاية ... حتهرق زمن كتييييير في مصارعة طواحين هواء لا تعرف كنهها!
عُد كما كنت جميلاً ... إتفقنا أم إختلفنا في وجهات النظر تظل بالنسبة لي و لمعجبيك قلم نتطلع لرؤية الجديد عنده.
و نغفر لك هفوات الذاكرة ... كُلنا نسايين... كان كتلت زول و هو حي* أو كان كتبت معلومة رسخت في اللاوعي بتاعك و هي مغلوطة!
فهو بالنسبة لنا سيان... هفوات بشرية لا مناص منها!
قد تنكر العين ضوء الشّمس من رمد ... وينكر الفم طعم الماء من سقم
و القارئ حصيف بيفرز الغث من السمين!
و بما إنك تعلم مقدارك و نحن نعلم مقدارك ما مُحتاج تبرر لآي زول آي حاجة!
سر في دروب إبداعاتك غير آبه و إنا لك من القارئين.
و التحية لك و التقدير
..................................
أنا أمس القريبة دي كتلت بنت جيراننا و هي حية تُرزق... خبر قديم لخبطتها مع شخصية تانية.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
مرحبتين يا ثاقب...
Quote: وفي برمجيات الذكاء الاصطناعي ممكن البرمجيات تنتج أرقام ، سرد ، معلومات ،تخيلات ، صناعات
لكن من المستحيل تنتج إحساس وشعور بمتعة |
شكلك كده من هواة الذكاء الإصطناعي ...
بالظبط كده... الجدل حول مسألة الإحساس ده مهم و مُتجدد!
سعيدة بتداخلك...
دايرة أقول ليك أبقى معنا ... لكن ما عارفة البوست ده يستاهل يرحل و لا مافي داعي :)
للضمان كده ... أبقى معنا لحدي ما قبل الأرشفة.
تحياتي لك و تقديري.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: القصور جاء لأني ما عاوزة أزيد إلهاب البوست ... درءاً للمزيد من بث السموم و " القرف" الذي أكره... و أحاول أن أنأي بنفسي عنهما...
يبدو إنه كان تقديري غلط و زِدت الطين بِلة!
+++
و نغفر لك هفوات الذاكرة ... كُلنا نسايين... كان كتلت زول و هو حي* أو كان كتبت معلومة رسخت في اللاوعي بتاعك و هي مغلوطة!
فهو بالنسبة لنا سيان... هفوات بشرية لا مناص منها!
قد تنكر العين ضوء الشّمس من رمد ... وينكر الفم طعم الماء من سقم
و القارئ حصيف بيفرز الغث من السمين!
و بما إنك تعلم مقدارك و نحن نعلم مقدارك ما مُحتاج تبرر لآي زول آي حاجة! |
النشوف القرف بيجي من وين!
هسع لما واحدة تتهمك في صمة خشمك اتهام باطل زي دا
| Quote: الشيء الآخر ... حاتم تَوَعّدْ إنه حيلاحقني و يسطر لي جداول و و و إلخ في بوست قوقل بعد ما كتبت آخر مداخلة لي بهناك ظناً منه أن الأسلوب ده بيمشي علي... |
وغرضها منه واضح طبعاً
ثم تعجز عن إثبات اتهامها ويتضح أنو مجرد (كلام ساكت) ويحصل الحرج.
فدا باعث للقرف طبعاً.
وباعث للقرف عند حاتم بالتأكيد.
+++
نصيحة جديرة بأن تكتب بالحبر السائل!
لكن مش ملاحظة أنك أولى بالنصيحة القدمتيها لكبر دي؟
فالأعراض واحدة سواء سميتيها (نسيان) أو (هفوات)!
هو يتهمني مثلاً بتهكير المنبر وبإزالة صورة بروفايله وبأني ...إلخ
وانت تتهميني بتوعدك بالملاحقة والجداول المسطرة واتهامات تانية
لكن قطعاً انتي محتاجة تبرري اتهامك هنا تبرير منطقي مقبول
عليه ليس من المنطق تقديم النصائح للآخرين قبل أن تجتازي هذا الاختبار.
____
(الغريبة) أنا ما قاعد أنسى وأخطرف وأهرجل واتهم الناس بالباطل ليه؟ يكون دا (مرض)
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
| Quote: و بارك الله في من زار و خف... |
قاااااعد أنا في (المنبر العام) دا
وترا زيارتي أخف من النسيم في الليل البهيم
ومداخلاتي منطقية ومتسقة ولا فيها شتيمة ولا قليلة قيمة واتهامات سقيمة.
___
انتظري الأرشفة.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: 10-16-2017, 03:22 AM
متابعي البوست و زواره الكرام...
ستتعذر علي المتابعة اللصيقة للبوست.
+++
10-16-2017, 04:29 AM
لا أملك إلا و أن أكرر نفسي...
|
في تكرار ألصق من كدة هسع؟
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
Quote:
يعلم الله يا أمجد الجميعابي مداخلتك حول (أبعراقي) دي هي الكتابة الأكثر ملامسة للروح ومنذ زمنٍ اسفيري طويل.
رحمه الله رحمة واسعة. |
يا ود الشكيري يا صديق
و الله يا محمد كأنو اول زول يموت لينا موجوعين عليهو بالحيل
ربنا يجعلو في الجنة.
الجنا آ محمد اخوي كلس بالحيل الناس دايرين يصبروا بقى هو البيصبر فيهم
و برسلك فيديو قبل شنقه باقل من ساعة شوف فراسة الجنا و الله يا محمد دمعتي
بتنزل براها من يوم مقتلو لغاية الليلة اسأل الله ان يجعله في الجنة
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
معقولة عشرات الأعضاء ضد شخص واحد وبهذه الغبينة والملاحقات ، الغريبة يسامح بعضهم العبض فيما ينكرونه على الآخرين .
حاتم ياخ خلي ليهم المنبر ده خليهم يسرحوا ويمرحوا
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: الغريبة يسامح بعضهم العبض فيما ينكرونه على الآخرين .
حاتم ياخ خلي ليهم المنبر ده خليهم يسرحوا ويمرحوا |
ياسر إزيك!
كبر أبو نقطتين (تقديرا لحسرة) طلعوهوا نساي وهفاي ههههه
وأنا الما نساي وهفاي قالوا بتاع سموم ساي
____
سرحان ومرحان على حسابي مافي ليهم.
| |
|
|
|
|
|
|
|
|
|
Re: المصادر و أشياء أُخر... (Re: عبدالعظيم عثمان)
|
ما قريت البوست بس فتحت الصفحة التانية على سبيل الشمار واتفاجأت بالمقتبس دة | Quote: الشيء الآخر ... حاتم تَوَعّدْ إنه حيلاحقني و يسطر لي جداول و و و إلخ في بوست قوقل بعد ما كتبت آخر مداخلة لي بهناك ظناً منه أن الأسلوب ده بيمشي علي |
الكلام دة ما عندو علاقة بي حاتم قلته أنا ممازحاً محمد البشرى
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
| Quote: الكلام دة ما عندو علاقة بي حاتم قلته أنا ممازحاً محمد البشرى |
أهاااااا
يلا شفت الحالة بتاعة أختنا دي ما غريبة علي
زماااااان قبال سنتين
يقوم الصادق اسماعيل يقلد أسلوبي في بوست من الأبستة
بالله يجيك واحد اسمو يحيى دمو فاير ويقعد يلاطع فيني
وليوم الليلة دمو فاير.
____
لأختنا نقول العتب على (النظر)، بس.
| |
|
|
|
|
|
|
|
|
|
Re: المصادر و أشياء أُخر... (Re: Yassir Ahmed)
|
الأخ الفاضل محمد أحمد عمر السلام و الرحمة...
نعم أنت كنت جزء من الحديث... في حالة زي دي الأمريكان بيقولوا you are insulting my intelligence يعني إستحمرت فهمي ....
عموماً ال عاوز يصل لقرار الكلام ده البوست هداك مفتوح و المداخلات موجودة صاااح :)
و عشان أرجع للمربع الأول ده تكتيك أو أسلوب تنتهي من العدو بخطط إن كنت على حق أو باطل و ما بتمشي علي !
ثم إني خالص ماقاعدة أخاف من حتة إني أكون inadequate و بعتذر لما يبين لي ذلك...
دي مبادئ آخر زول ممكن يلاحقني بيها حاتم ده!
شكراً جزيلاً
| |
|
|
|
|
|
|
|
|
|
Re: المصادر و أشياء أُخر... (Re: أحمد محمد عمر)
|
ده تعبير معناه إستحمار ما إنجليزي كتير و لا حاجة...
خير ...
زي ماقلت البوست موجود و كلامكم موجود لمن يرغب المتابعة.
ثم التكاتيك تتحدث عن نوع التكتيك ده...وزي ماقلت ما بيمشي علي!
شكراً جزيلاً
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
مبدأ شيل من دا ولصق في داك!
معناها في (نقطتين) تقديرا وامتدادا لحسرة.
حليل الكان بهديء الغير صبح محتار يكوس هداي
من ناس ديلا واااااا أسفاي من زي ديلا واااااا أسفاي
ههههه
نمشي على باقي اتهاماتك ولا مافي داعي؟
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
بالله شوفوا المكابرة!
البوست موجود نفتش عشان نلقى فيهو شنو؟
اقتباساتك وتحليلاتك عديمة الفائدة!
ولا أكون فعلا توعدتك ومسحتها هههه
اتهمتيني بالباطل وأنا نبهتك لعدم صحة محاولتك دي
وسيد الكلام قال ليكي دا أنا
تقلبيها انجليزي معربن؟
ههههههه
هو سيد البوست ذاتو سواها قبل كدا
حالة صعبة!
الديجافو دا.
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
Quote: ده تعبير معناه إستحمار ما إنجليزي كتير و لا حاجة...
خير ...
زي ماقلت البوست موجود و كلامكم موجود لمن يرغب المتابعة.
ثم التكاتيك تتحدث عن نوع التكتيك ده...وزي ماقلت ما بيمشي علي!
شكراً جزيلاً |
أنا هسة دخلي شنو بالتكاتيك؟!
يعني بعد ما شلتي كلامي لصقتي لي حاتم شلتي التكاتيك ولصقتيها فيني !
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
اللخت دي متكلفة جدا
وطريقتا في دفس العبارات بالمصطلحات الانجليزية عمال على بطال
مثيرة للسخرية .. كما أنها دلالة على الشلاقة والمقابضة للفارزاهو
والما فارزاهو بس عشان يقولوا بتعرف تناقش ههههههه
يا جماعة صفقوا ليها عشان ترتاح وتفكنا من الصدعة والخوتة العاملاها دي.
خخخخخخخخخخخخخخخ
| |
|
|
|
|
|
|
|
|
|
Re: المصادر و أشياء أُخر... (Re: طلحة عبدالله)
|
أنا المحيرني كمية التقعر اللفظي البتبذل فيها خوفاً من الاعتراف بالخطأ
غلطتي قولي معليش .. الموضوع عادي مالم تكوني عادة روحك نبية
واجعاك فكرة إنك غلط وحاتم صاح
اتصالحي معاها عشان السلام الداخلي وكدة
| |
|
|
|
|
|
|
|
|
|
Re: المصادر و أشياء أُخر... (Re: طلحة عبدالله)
|
يا طلحة الدكتورة إتكلمت عن مشكلة نفسية ملانة مشاكل وإتعرضت ليها من خلال منظورين ال CBT وال Anti-social personality
انت بتسمي دا دفس عبارات عمال على بطال بشكل مثير للسخرية ومقابضة في الفارزاه والما فارزاه
بدون إستهزاء بيها وهي أعلم منك مليون مرة فيما تقول وعيب عليك اذا كنت جاهل بما قالت
أن تسخر منه بهذه الطريقة غير المحترمة خالص
انت بتفهم شنو في السي بي تي وThe anti-social conduct
عشان على الأقل نقول إنك بتتكلم عن فهم ما عن جهالة وعليها تنطع كمان
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
قبل شوية سألتك من الاستحمار قلتي الكلام موجه لحاتم
أنتي مرتبكة ولا أنا ما بملك الذكاء الكافي لفهمك
المهم
أنا عريبي جزيرة عنقالي ساي
عشان كدة لما تتكلمي معاي حاولي أنزلي لأقل مستوى ممكن
أنا علاقتي بالاستحمار الحاصل ليك شنو ؟
| |
|
|
|
|
|
|
|
|
|
Re: المصادر و أشياء أُخر... (Re: أحمد محمد عمر)
|
يا محمد أحمد عمر...
الكلام ال بيحاول حاتم ينفذ خطة البيلياردو بتاعته ال بيقول عنها بالحق و الباطل دي تكاتيكه هو
الإستحمار بيجي في حتة علاقة حاتم و رده ليك في ذلك البوست و فهمي ليه.
يبقى كلامي كله هنا لحاتم...
إنت نعم قلت الكلام هناك وخلاص.
ثم كلامك عن إرتباكي و إنه واجعني إنه حاتم صاح و و إلخ
دي وجهة نظرك و تلقى عندي التقدير و الإحترام.
و دمت زميل و أخ محل تقدير و إحترام.
إتمنى إني أكون أزلت الإشتباك .
تحياتي لك.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
إدريس عندو نظرية خجلان منها
بتقول إنو اللغة الإنجليزية بتدي السوداني احساس بالتفوق ومظهر اجتماعي.
وقال إنو السودانيين بيدعوا إجادة اللغة العربية.
حاتم إبراهيم اختزل دا كله في كلمة (كرتونة).
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
Quote: إدريس عندو نظرية خجلان منها
بتقول إنو اللغة الإنجليزية بتدي السوداني احساس بالتفوق ومظهر اجتماعي.
وقال إنو السودانيين بيدعوا إجادة اللغة العربية. |
يا زول انا ماقلت كده ..
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
المحيرني
ليه نظرية عبد الله إدريس خصصت لغات معينة؟
وليه أصلا السوداني يفتش عن الاحساس بالتفوق باللغة؟
وليه يكمل مظهرو الاجتماعي بمفردات اللغة الإنجليزية؟
ما ممكن يبدع في مجاله ويطوره ويضيف ليهو بدل الغاغة دي؟
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: إتكلمت عن مشكلة نفسية ملانة مشاكل وإتعرضت
|
ودي شنو المشكلة الملانة مشاكل دي؟ عنقودية؟
بعدين هسع مفردات زي inadequate و bullying بيباهوا بيها؟
زمان كتبت لي مشمئز من نفس الأسلوب الانت بتتبعو حاليا دا.
والمكابرة بالغلط على الناس مسألة غير كريمة.
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
أذكر نفسي و كل من يتعرض لهذه السموم أو يقرأها و يصاب بالقرف...
رسالة علها تجد آذان صاغية...
الناس ال بيعمل ليهم حاتم bullying أو ال حيعمل ليهم bullying لأنه في حالة قلق و عدم سلام دائم و متعطش لضحايا...
ما تخلوه to get under your skin كما يقول الأمريكان... بمعنى أنه ما تسمحوا ليه يستفزكم عشان يطلع the worst in you!
هو شخص غير معروف و got nothing to loose...
غير كده الشخص السوي بيخجل من نفسه قبل الآخرين... he doesn't have that quality either!
و تذكروا أنه الحلم سيد الأخلاق... ربنا يهبه لنا! وأيضاً أن ليس الشديد بالصرعة ، إنما الشديد الذي يملك نفسه عند الغضب ... كما قال (ص)
ذكرت في مرة من ذات المرات هنا ال internal locus of control ... إنه نحن نتحكم في طريقة رد فعلنا و ما نتأثر بالخارج.
كونوا أسياد روحكم ... و ما تدهو الرموت كنترول عشان يبث سمومه في بدنكم!
أيضاً أقبلوا أنكم inadequate... مافي زول كامل... حتى هو ولكن لجهله بيكابر و يترصد أخطاء الآخرين ظاناً أنه كامل!
لما يقول ليكم عندكم غلط أياً كان نوعه كونوا متصالحين معاه لأنكم عارفين إنه إنتو ما perfect
و هو مليان عيوب و أخطاء من غير ما تبادلوه الترصد... ده بيشفي غليله و gets you!
لما يقول ليكم غيرة و حسد ...كلام ما عنده معنى و بيصدر من عقل خاوي... أيضاً don't get worked up...
ما بيستاهل ... و مافي حاجة بتستاهل و أيضاً لأنكم عارفين مقدار أنفسكم...
حاولت أديكم tips من الحصل معاي في البوست ده...آمل أنكم ما تبدلوا سلامكم الداخلي و تقعوا تحت تأثير هذه السموم...
فهذا مبتغاه و يستلذ برد فعلكم و نزولكم معاه لمستواه!
سلامكم النفسي لا يقدر بثمن حافظوا عليه... لأجلكم و أحبابكم...
و ادعوا له بالشفاء و السلام... ما معروف الحاصل عليه شنو!
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
بس ما شرحتي للناس كيف يستحمروا ويتهموني بالباطل!
وكيف يجهزوا نفسهم (للحالة) دي نفسيا
ههههه
+++
طبعا هي قصدت تدفس العربي بمفردات إنجليزية
معاكسة لتوقعات حاتم.
______
وفات عليك تلتزمي بنصيحتك للناس بالتجاهل هههههه.
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
يا زول بتتراجف مالك هسع هههه
موضوعنا بسيط
واحدة أسست لتحليل فارغ بناء على اتهام باطل
ناقضت نفسها من حيث المبدأ والتوصيات البتدعو ليها
ثم كابرت وقالت اعتبروهوا لي (استحمار) ههههه
وحتى نصائحها لم تفلح هي باتباعها
تجي انت تكلمنا عن السلوك؟
_____
طبعا من حقك تضحك عشان طلعناك من الهامش.
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
شفتي يا دكتورة أهو دا نوع البولينغ البمارسه على الناس
إبتعد نهائي عن محتوى ردي عليه
وبدأ بالعبارة دي
يا زول بتتراجف مالك؟
طبعاً العبارة موجهة للقاريء المتابع قبل ما تكون موجهة للمحاور
طبعاً وظيفة عبارة زي دي
ترسم صورة ذهنية بأنه المحاور بدأ يتراجف
أو تخوف المحاور من إنه شكله بقى ما كويس
ودي حرفنة شديدة في الهروب من محتوى المحاورة لفهلوة البولينغ والبوليار
يعني عاوزني أنفي إني بتراجف؟ بتراجف لأنه المثل بقول الفيك بدّر بيه
تحليل الدكتورة صاح
انت زول بتعاني من مشاكل نفسية منتشرة وسطنا كلنا وأنا ذاتي بعاني
من واحدة فيها وهي سرعة الغضب عشان كدا سألتها عن جدوي
السي بي تي
وقالت لي لابد تبدأ بالinsight
لأنه بدون إعتراف الزول بالمشكلة ما ممكن يبدأ تقبل العلاج
مشكلتك انت بتكابر ودي واحدة من مشاكلك
الأيقو السرطاني
الدكتورة واضح من برود أعصابها وسماحة ردودها إنها متسقة نفسياً
بس أنا وانت المحتاجين مساعدة
المشكلة إنه انت بتكابر
بينما أنا معترف بمشكلتي وحوجتي للمساعدة
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
ما عارفو يا اللخو
كل العارفو انو أختك دي بتقابض وتهابش البتعرفو
والما بتعرفو وتشيل تدفس في الانجليزي ساي كدا خبت رماهو
ولو على دا بسيطة ما في زول بمنع زول يتفشخر بالفيهو والما فيهو
لكن المشكلة الكبيرة لما تسىء وترمي الطرف الآخر بالافك
وبالهتان زي ما علمت معاي قبل كدا في بوست يخصني رغم اني
لا بعرفا ولا شفتها ولا عندي بيها علاقة من أساسو ..
دي قصتي معاها .....
أها اتا يا اللخو الحشرك شنو في البوست دا شايل ركوتك
ومكفكف وجائي ..؟؟؟
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
أنا إتدخلت لأني إتغظت من الألفاظ البذيئة الانت وصفت بيها الدكتورة
وسألتك السؤال التالي Quote: انت بتفهم شنو في السي بي تي وThe anti-social conduct
عشان على الأقل نقول إنك بتتكلم عن فهم ما عن جهالة وعليها تنطع كمان |
فهل عندك إجابة أم مزيد من التنطع
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
جاوب على السؤال الحشرك
Quote: انت بتفهم شنو في السي بي تي وThe anti-social conduct
عشان على الأقل نقول إنك بتتكلم عن فهم ما عن جهالة وعليها تنطع كمان |
ودعك من المثل البينطبق عليك
أسمع طنيناً
ولا أرى طحيناً
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
كل ردودك علي ما فيها أي حاجة غير هواجس حقتك براك ما عندها علاقة بيQuote: أيضاً أقبلوا أنكم inadequate... مافي زول كامل... حتى هو ولكن لجهله بيكابر و يترصد أخطاء الآخرين ظاناً أنه كامل!
لما يقول ليكم عندكم غلط أياً كان نوعه كونوا متصالحين معاه لأنكم عارفين إنه إنتو ما perfect |
الغريبة طالعة ليك في برج عاجي وداخلة في دور استاذ وبتنصحي في الناس نصائح انتي أحوج الناس ليها
هسة انتي لصقتي ليك عبارات لحاتم بدم بارد وهي ما حقته وقعدتي تتلولوي مرة تتضاري وراء تكاتيك ومرة استحمار شاردة من الاعتذار زي الكأنه وباء فتاك
تعالي أدي الناس درس عملي في التصالح وقولي اعتذر للأخ حاتم عن شلاقتي وإلصاقي ليه ما ليس فيه
صعبة موش ؟ حارة ؟
ما تنصحي الناس بحاجات انتي ما بتقدري تعمليها
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
الفاظ بذيئة كيف يا بذىء انت
حكاية كونها ما فارزا كوعا من بوعا
وبتدفس انجليزي وين البذاءة في دي ..؟
ياخ اتا غير أنك عبيط أكيد عبيط يا بذىء ..
وفوق قلتا ليك ما عارف أي حاجة في أية حاجة
كدا ساي عشان النوعيتك دا يجىء شايل ابريق السرة
ويعمل لي فيها عنتروف .
اللخت دي ما فازرا أي حاجة وبتتشعبط ساي
لو خايف عليها كلما تاني ما تقابض .
أها تعال جاهد فيني واللا أعمل أية جركة عايزا .
عبيط وكمان بذىء وفوق دا كلو شايل أبريق السرة .
خخخخخخخخخخ
| |
|
|
|
|
|
|
|
|
|
Re: المصادر و أشياء أُخر... (Re: طلحة عبدالله)
|
رد على السؤال الموضوعي والحشرك في البوست
Quote: انت بتفهم شنو في السي بي تي وThe anti-social conduct
عشان على الأقل نقول إنك بتتكلم عن فهم ما عن جهالة وعليها تنطع كمان |
وأنسانا من المثل البينطبق عليك
الأواني الفارغة تحدث جلبة عالية
| |
|
|
|
|
|
|
|
|
|
Re: المصادر و أشياء أُخر... (Re: عبد الصمد محمد)
|
أنا كواحد من أعزاء بشاشا القراء ديل لقيتك فاتحة بوست بتكوركي إنه أي زول يسألوهو من المصادر مفروض طوالي يطلعها
وأول ما زروك في مصدر ما شفنا إلا عجاج كرعيك ولم يفتح الله عليك بكلمة
لقيتك شغالة استذة في الناس والمفروض تعتذروا وبتاع وأول ما زروك في غلط قعدتي تلتخي في الكلام
بتتكلمي عن التنمر وانتي عايشة دور الشفتة المقرمة الشغالة توصف الناس بالأمراض النفسية وترمي الكلام يمين وشمال ولما يسألوها ترفض تجاوب نظام انتو منو ذاتكم عشان تسألوني!
عاملة فيها ما شغالة بي حاتم وانتي ساكاهو من مكان لمكان ومبطلة شغلتك وحارساهو
كتبتي ليك كلام خير وايمان وحقو نخت الكورة واطة والناس شالت كلامك وبقت تشكر فيك وفتحوا بيه بوستات وقبل الكورة ما تستقر في الواطة كويس نسيتي كلامك وكفكفتي وقمتي تشاكلي وتقولي حقي ما بخليهو
شلتي كلام أنا كاتبه وجيتي درعتيهو في رقبة حاتم ونقزتي بيه والكلام الكان تعبير مرح قلبتيهو وعيد وتهديد ولازم تردي على حاتم .. هو حاتم مالو ومال كلامي!!
وقلتي لي كمية من الكلام ما فرزت فيه أي حاجة وكل ما أسألك تقولي لي بتكلم مع زول تاني
مع تحيات رابطة أعزاء بشاشا
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
| Quote: بس ما شرحتي للناس كيف يستحمروا ويتهموني بالباطل! |
طيب ممكن تورينا الاستحمار و الاتهام بالباطل فى الحتة دى وين
هل اخذ حاتم الموضوع من معروف ابو الحسن و لم يشر الى المصدر
فى هذه الحالة ماذا يسمّى الزميل حاتم هذه العملية
أو
حاتم ابراهيم هو نفسه معروف ابو الحسن
هنا سؤال يطرح نفسه
هل كان حاتم ابراهيم سنة 2010 طالب ماجستير بجامعة الخرطوم ؟
ثم ماهر على مهندس الكمبيوتر
و حاتم ابراهيم دبلوم الكهربا, ديل موقفن من الاعراب شنو
و بعد ده شايفك بتتكلم عن المصداقية و الحياء
ياخى عليك جنس قوة عين
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
يبدو لي دا طبعها مهما حاولت التطبع بمظهر الواعظ الحكيم
كدي شوفوا معاي القطعة دي
Quote: كلامي ال كتبته هنا ده يعبر عن رأيي في كتابات الأخ حاتم منذ تاريخه بالمنبر و ربنا ما طلق كيبوردي ... البوست ده كان بالنسبة لي القشة التي طلقت الكيبورد :)
كما ذكرت سالفاً هو لم يأتِ هنا لحوار البتة ... فهو مراوغ من الطراز الأول و لا يعترف بخطأه المنهجي ( الكلام ده ما البوست ده فقط دي ملاحظة عامة)
حصل شفت حاتم يتراجع عن أفكاره حين يُثبت خطلها بواسطة محاوريه؟
دي المشكلة هنا!
+++
و كما أسلفت فهوعنده منحة الزمن أها خمسمائة مداخلة و عشرين جدول و عشرة بوستات حتى يُخيل له و " لمتابعيه" أنه على صواب...
مأساة و لا ما مأساة!
و يجيب ليك مصادر و ويبسايتات و يفحم " جمهوره" و حتى لو كان كله Pseudoscience
عشان يطلع هو ال صاح ...
قادر تتخيل معاي فداحة الأمر ده!
يله دي نظرتي الشخصية لخطورة الأخ حاتم وهو في رأيي مثال حي للجهل النشط...
كلنا بنخطيء و معظمنا عندنا المقدرة و الشجاعة إننا نقول إننا أخطأنا لإعتبارات كثيرة لبعضنا لراحة ضمائرنا و من ثم حتى لا نملك القارئ معلومة غلط لا سمح الله....
و صراحة دي أول مرة أقابل لي زول ما بيغلط كلو كلو بل يُكابر و يعمه في غيه و إستفزازه لمحاوريه بطريقه تثير الشفقه عليه
Re: كاونتربوينت؟Re: كاونتربوينت؟ |
كلام كتيييير عن المقدرة والشجاعة والضمائر والمكابرة، وهي نفسها صاحبة الاتهام الباطل دا
| Quote: الشيء الآخر ... حاتم تَوَعّدْ إنه حيلاحقني و يسطر لي جداول و و و إلخ في بوست قوقل بعد ما كتبت آخر مداخلة لي بهناك ظناً منه أن الأسلوب ده بيمشي علي... |
هي بترمي اتهام باطل ويظهر ليها الحق تقعد تقول استحمار، وامشوا البوست داك، داك شنو ما عرفناهو
وللأسف فشلت في أول اختبار نصبت نفسها واعظة من أجله.
ولسة مصرة تستمر و(عشان تطلع هي ال صاح، قادرين تتخيلوا فداحة الأمر ده)
نجي للافتراء، وكدي شوفوا معاي القطعة دي
Quote: ما عندي حاجة شخصية تجاه الأخ حاتم...
كل ما هناك إنه دائماً في حالة فتونة على خلق الله ... شوف معايرته لوهبة ولا أبوبكر ما متأكدة بإنه إنجليزيته تعبانة في الإيميل !
وسيلة ما شريفة لقهر الخصوم...
و أشياء كهذه من الإستفزاز الذي يصرفه هنا و هناك و التقليل من شأن الآخر مع تصفيق الجماهير الحار و مباركة هذه الممارسات
و التي يختال بعدها حاتم مزهواً ليمارس المزيد منها كيفما إتفق مزاجه في ذلك اليوم...
جني و جن الزول البيتفرعن على الناس و ما شايف عوجة رقبته !
هذا كل ما في الأمر...
و بالجد ممنونة لتنبيهي لمسألة التشفي دي ...
حأجاهد الأمارة بالسوء دي إن شاء الله!
Re: كاونتربوينت؟Re: كاونتربوينت؟ |
ههههه
لاحظوا بتقول ما عندها حاجة شخصية مع حاتم، كويس!
وتفتح بوست وتملاهو تحليلات وحط من شخصية حاتم وافتراءات
ولما حاتم يجي يدافع عن نفسه
تكتب ليهو بكل جلافة اطلع من البوست بتاعي عشان آخد راحتي وأكلم الناس عنك
Quote: لا أملك إلا و أن أكرر نفسي...
أساليبك المذكورة أعلاه ما بتمشي علي...
مع ألف سلامة...
+++
ثم
بارك الله في من زار وخف! |
دي هي ذاتا البتتكلم عن (الأمارة بالسوء) وعن (عوجة الرقبة)
نجي للنرجسية، شوفوا معاي القطعة دي
Quote: الأخ حاتم يمارس التجهيل ال غير متعمد في البداية ثم يتبعه بمكابرة في النهاية ... " الأنا" تطغى على طابع شخصيته مع مزيج من ال narcissism
وهذا لا يتسق مع مبدأ المعلم ...لذا أستغرب لمن يجعلون منه مصدر لعلمهم!
---
و يحشو البوستات بمصطلحات و هلمجرا و هذا لا يجعل منه الموسيقي العارف أو العالم بآي شيء آخر يحاول جاهداً أن يكون
Re: كاونتربوينت؟Re: كاونتربوينت؟
|
لاحظوا البتتكلم عن الأنا والنرجسية هي نفسها البتكابر عشان ما تقر بخطأها
مع استمرار وعظها للناس وتذكيرهم بأنهم ما (perfect) وعليهم يتنازلوا.
أهو كلامها الما قادرة تطبقه على نفسها
| Quote: لما يقول ليكم عندكم غلط أياً كان نوعه كونوا متصالحين معاه لأنكم عارفين إنه إنتو ما perfect |
وشوفوا معاي القطعة دي
Quote: ثم آي زول يقرا ليه كتاب و مقالين عاوز يفلق رأس الناس و ينظر تنظير لا تسطيع معه إلا الحوقلة....
البعض ...كما المثال عندك " حاتم" هنا يُمارس التجهيل عينك عينك و من ضهر قوقل ... خليني أديك مثال... بوست الموسيقى بتاعه!
الرابط في نهاية البوست...
بهذا البوست خم ليك الناس بدايةً بتبويبات و شروحات " مغروفة" و مترجمة بحرفنة ( تُحسب له) و رص صور و جدولة كالمعتاد...
أها شغل ذي ده ( يحسبه الظمآن ماء) ركز لي في حتة الظمآن دي...
+++
سبق و أن درست كلاس وحيد زمن ال undergraduate كبداية في المعارف الموسيقية... أربعة أشهر من أصعب ( عكس ما توقعت) و أمتع الكلاسات...
بدأ الكورس من Medieval, Renaissance, Baroque, Classical, Romantic, and Modern periods إضافة لعلوم الموسيقى العامة
و جزء من الإمتحان كان سمعي... نسمع سبعة- عشرة مقطوعات و identify المؤلف , ياتو عصر, ....الخ من بينهن كانن سوناتات موزارت....
المهم الفكرة هنا إنه قريت الموسيقى كمبتدئة بمنهجة مكنتني إني بعديها أقدرcritically أن أميز الغث من الثمين في الموسيقى ...
ما معرفةً كبيرة في لُج بحر الموسيقى لكن الحد المعقول للتمييز و التمحيص إذا أردت ذلك ثم إتمكنت من أني أواصل شوية شوية لوحدي من أجل المتعة و عشان أعلم بناتي ...
أها لما شفت البوست و بخلفيتي المتواضعة في الموسيقى قلت في سري خرمجة مؤصلة في شكل وهمة للظِماء... حيث البدايات لا تكون هكذا... منهجياً!
خصوصاً الطرح كان عشان يعلم الناس أ , ب الموسيقى!!!
Re: قوقـــل ... قُلْ هَلْ يَسْتَوِي الَّذِينَ �Re: قوقـــل ... قُلْ هَلْ يَسْتَوِي الَّذِينَ � |
طبعاً واضح حجم التباهي بقدرتها على النقد، طبعاً الكلام هنا عن الموسيقى
الأصلا ما شفنا ليها ولا سطر واحد في موضوعها، فهل نحن أمام شخصية تشعر بالغيرة والحسد؟
لا يوجد تبرير غير هذا، فكان من المتوقع أن تأتي في بوستات الموسيقى وتناقش
خاصة مع الكمية الكبيرة من المزاعم والتهم الفشلت في إثبات أي منها.
باختصار شديد
أنا صراحة ما شايف غير إنها وضعت ملف تفصيلي لتحليل شخصيتها
وشالت اسمي وكتبته في موضع الشخص المعني بالتحليل
يعني تماماً زي ما لجأت لأخذ نص واتهمتني بيهو مع سبق الإصرار.
دي كل القصة.
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: يعني بقيت تختار ترد لي وين
وتفطني وين..أما مستهبل
أفهم ياخ
مش أنا قلت ليك انت بتتكلم مع زول أذكي منك |
الشيء الأنا ما قادر أفهمو يا عبد الصمد أنك في لحظة ما شعرت بالخطأ ضد حاتم
ودا بعد ما وجهت ليهو كلام بذيء والظاهر وصلك شيء انت اشمئزيت منو جداً خلاك تعقل
دلوقتي الظاهرة قدامك مسألة بسيطة ولا تحتاج للتفكير أو لذكائك (المفترض)، ما يهمني وين تضع نفسك
فالمرء حيث يحب أن يكون، لكن على الأقل زي ما نفسك أبت الخطأ يوما ما، بذكاء متواضع
فكر على الأقل مرة واحدة أن لا تعود إليه من الشباك (بغباء مفرط) بعد أن خرجت منه بالباب
دي ما نصيحة، بل مجرد تذكرة.
بعدين حكاية أنت ذكي دي أنا بعتبرها نوع من الغباء في ذاتها
ياخي خلي الناس تكتشف أنك ذكي بدل تطلعها في مانفستو اسبوعي
أنا عارف انت شنو وإلا ما كان همشتك، وصدقني رجعت أرد لأنو غباءك مثير للشفقة.
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
حاتم إنت لم تأت لحوار...
حأعيد كلامي الفوق تاني...
حاتم كتب
: حأعرض الأساليب والخطط بتاعة المداخلات وكيف تستلم البوست وكيف تنتهي من عدوك
أيضاً
: كل الخطط هنا تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص.
و أيضاً كتب
: ولو صبرت هسع عندي خطة بلياردو شغالة وحأجيب سيرتها وحأنفذها للنهاية وأنا موجود وانت قاعد والضحايا تشوفهم قدامك شوف العين.
شخص بمثل هذه الأفكار ... لن يجدي التحاور معه فتيلا!! رأيي الشخصي.
و كما ذكرت سابقاً ... من الواضح أنه الأخ حاتم لديه مشكلة ما! أدعو له أنه ربنا يديه السلام الداخلي و يفرج كربته. و يقي الناس شرور تربصه بهم
و الذي كما واضح أعلاه أنه سلوك مع سبق الإصرار و الترصد!
لذا ما حتلقى أجوبه لآي سؤال منطقي غرضك بيه أن تحاوره...
كل ما هنالك سخرية , إستفزاز , شتيمة مع تصفيق حار من البعض للأسف!
أها لعب البيلياردو والخطط ال بتنهي بيها أعداءك دي ما بتفوت على فطنة القارئ ...
و لن تجد عندي مبتغاك...sorry
النار تأكل بعضها إن لم تجد ما تأكله!
أنجض على قولك ههههه
ثم
بارك الله في من زار وخف
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
شوف يا حاتم خليني أكون زي ما أنا صادق مع نفسي
التميمة الوحيدة الكتبتها أنا وانت كل مرة ترفعها لي كرت أحمر
دي كانت بعد ما شتمتك في إعتداءك غير اللائق على الموصلي
ولأنوا أنا عندي مشكلة إنفعال سريع وغضب حأحاول إستعمل ليه نظام االسي بي تي
حسب نصيحة الدكتورة لي وليك
رحت زعلان من الموصلي لمان دافع عن حق هاشم صديق في إعطاء
أغنية النهاية لمكارم وقلت بإنفعال إنه أنا ندمت على دفاعي عنه
ودا واضح في المداخلة الجيت ترقص وتبشر بيها
ولله الموصلي راجل فاضل وما كان أترجم زعلي منه بالصورة دي
انت يا حاتم عشان إنتهازي ومريض
طوالي تصورت إنه دا إعتذار ليك انت
لا يا معلم دا فهم بليد
الكلام واضح زعل من الموصلي وندم على الدفاع عنه
يا رب تساعدني في التخلص من مشكلة الإنفعال السريع
وتساعد عبدك حاتم على الإعتراف بأمراضه النفسية والسعي للعلاج منها
برضو هنا غلط لما تقول المرء يضع نفسه حين يحب أن يكون
لأنه المرء ما بتحكمه العوامل الذاتية بس
في عوامل موضوعية هي قد تلعب دور أكتر من الذاتية وتحدد وين يكون المرء
مثلاً انا عاوز أكون مع واحد صاحبي في ماليزيا شفت كيف
بس ما قادر؟؟؟؟؟؟؟؟؟؟؟
أرجو أن تكون فهمت معنى المداخلة دي لأنه نفسك العليلة
بتخليك تفهم الأشياء بمقاسات عليلة برضو
حكاية إني أذكى منك دي أنا بوردها يا بليد عشان أضرب أوتار حساسة فيك
وعرفت إنها حتتعبك جداً لأنه دي واحدة من أعراض المرض
ومن ناحية تانية أنا ما قاعد أذكرها
إلا في المواقع البكشف فيها ليك عن غباءك
وما دام أنا الإكتشفته
فيحق علي أعذب ذكاءك الموهوم ولا لع
انت حاولت تركب مكنة إنك ما بترد علي لأنك همشتني
لكن برضو عارف صبرك حبله قصير
وهواجس الأنا داخلك أوسع من لجام حلمك
أها جيت براك ترد ردود مطولة على المهمش
ههههههههههههههه
يلا خلينا نتونس بيك فما زال الليل في مهده يسوح
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
Quote: حاتم إنت لم تأت لحوار...
حأعيد كلامي الفوق تاني... |
وانتي فتحت البوست دا لحوار قال يعني؟
ما ياها دي أقوالك الفجة تحدث عنك:
Quote: لا أملك إلا و أن أكرر نفسي...
أساليبك المذكورة أعلاه ما بتمشي علي...
مع ألف سلامة...
+++
ثم
بارك الله في من زار وخف! |
عايزاني أسكت عن الكلام الفارغ البتكتبيهو هنا مش؟
ما سويت شيء، رفعت ليك المراية وكشفت ليكي صفحة من كتابك القبيح
ولو مقتنعة (بالمحاضرات) البتقدميها على استحياء هنا جربيها عملي
زي ما اقترح عليك أحمد عمر.
| |
|
|
|
|
|
|
|
|
|
Re: المصادر و أشياء أُخر... (Re: حاتم إبراهيم)
|
لا مانع لدي من تكرار نفسي....
حأعيد كلامي الفوق تاني...
حاتم كتب
: حأعرض الأساليب والخطط بتاعة المداخلات وكيف تستلم البوست وكيف تنتهي من عدوك
أيضاً
: كل الخطط هنا تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص.
و أيضاً كتب
: ولو صبرت هسع عندي خطة بلياردو شغالة وحأجيب سيرتها وحأنفذها للنهاية وأنا موجود وانت قاعد والضحايا تشوفهم قدامك شوف العين.
شخص بمثل هذه الأفكار ... لن يجدي التحاور معه فتيلا!! رأيي الشخصي.
و كما ذكرت سابقاً ... من الواضح أنه الأخ حاتم لديه مشكلة ما! أدعو له أنه ربنا يديه السلام الداخلي و يفرج كربته. و يقي الناس شرور تربصه بهم
و الذي كما واضح أعلاه أنه سلوك مع سبق الإصرار و الترصد!
لذا ما حتلقى أجوبه لآي سؤال منطقي غرضك بيه أن تحاوره...
كل ما هنالك سخرية , إستفزاز , شتيمة مع تصفيق حار من البعض للأسف!
| |
|
|
|
|
|
|
|
|
|
Re: المصادر و أشياء أُخر... (Re: فردوس جامع)
|
كونك تنبهري بالخطط وتهجسي بيها دا في ذاتو أمر غير طبيعي
وموضوعك أسهل من يخسروا فيهو تكتيك
وأهو زي ما شايفة براك بتكشفي نفسك
عدم اتساق المباديء مع الأقوال والأفعال
اعتبريها (dissonance)
أعتقد واضح.
| |
|
|
|
|
|
|
| |
حاتم إبراهيم
فردوس جامع
عمر التاج
امجد الجميعابى
محمد حيدر المشرف
ABUHUSSEIN
معاوية الزبير
Yassir Ahmed
عبدالعظيم عثمان
ادريس خليفة علم الهدي
جلالدونا
فيس بوك
تويتر
انستقرام
يوتيوب
بنتيريست