|
|
 Re: ► حاتم ابراهيم ... موضوع تعريفى ..◄ (Re: قسم الفضيل مضوي محمد)
|
أليس مثيرا للتساؤل انو زولكم المدعو حاتم ابراهيم ماانفك يشغل جمهور هذا الموقع بثيمات ما أنزل الله بها من سلطان، مثل هبوط الإنسان على سطح القمر، ويلا يتطرق الى المسائل السياسية، كما جاء على لسانه، حين اعترض على اغلاق نافذة الفيس بوب في ذيل هذه الصفحة؟.
ما الداعي اصلا لتخفيه، وهو يحمل اسما لايقودك إلى زعيم سياسي معروف او قائد نقابي شهير او ناشط تترصده أجهزة السلطة الامنية؟.
| |
  
|
|
|
|
|
|
|
 Re: ► حاتم ابراهيم ... موضوع تعريفى ..◄ (Re: جلالدونا)
|
الزميل أبوبكر عباس،
لم افهم ما الذي تعنيه باللغة العنيفة، أهي من شاكلة تلك اللغة التي اتهمتني فيها بانني" المصدر" الذي يمد أخي وصديقي معاوية عبيد عليه أفضل الصلاة والسلام بالمعلومات عنك انا الذي لااعرف عنك شيئا. وهذا اتهام باطل ألبستني إياه عنوة، ثم زعمت انك كنت تمازحني، وهذا ضرب من الكذب الممجوج الذي لايايق براشد ينبغي عليه أن يزن كلماته قبل ان يطلقها في الأثير. ومع ذلك اتقبل اعتذارك.
أما بخصوص حاتم ابراهيم ، فعبثا تطنب في امتداحه. فمهما فعلت لنيل رضاه لن يرضى عنك، ولن ينسى انك انت من أفسدت خطته الرامية للنيل من الاستاذ يوسف الموصلي والتبشيع به على رؤوس الأشهاد. لن يخسرك حاتم الآن. سيغض الطرف عما جرى مؤقتا. أما غدا فعلمه عند الله . والسلام.
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: معاوية الزبير)
|
أقصد يا عثمان، اللغة العنيفة من شاكلة طلائع رسائلك التي بعثت بها عن طريق الخواض ومحمد سيد أحمد.
مداخلتي مجرد نصيحة حاولت أن أستبق بها وأحميك من شر وألم العنف المضاد،
والأمر يعود لك، فانظر أي خطٍ تراه في منافحة حاتم عليه "أفضل السلام".
أما بخصوص اتهامي لك، فلك أن ترفع ذلك البوست أو تفترع بوستاً جديد حتى نتمكن من نقاش المسألة في سياقها، فنحن لا ننام وفِي رقبتنا دين سائل.
-----
* اللغة الأدبية الرفيعة جداً في المداخلة مقصودة
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: أبوبكر عباس)
|
Quote: لا لا .. ابو حسين حاله هنا عنده تشبيهين
الاول زي الرفع الكورنر و جرا حصل الكورة قبل تنزل دقاها هيد لكن للاسف قلشت منو - تقرأ اتزحلقت في الصلعة - وطلعت آوت
التشبيه التاني حال اشعب الزهجوه الشفع قال ليهم في وليمة عن ناس فلان لامن جروا بعد شوية قام لاحقهم قال يمكن فعلا تكون في وليمة.
في تشبيه تالت لكن سغيل ما في داعي ليه 😁😁 |
لا يا ود البشرى
ابو حسين زي لاعب كورة كان قاعد في كنبة الاحتياطي ودخل الملعب ومجتهد عشان يبهر الجمهور والمدرب
باحراز هدف من الدقايق الاولى الدخل فيها .. لكن ما قدر
اها المشكلة انو المدرب شفق ودخل بعدو (مسي) بتاعهم
وانت عارف لمن مسي يدخل الملعب حتى لو جا قون بالصدفة بكون السبب مسي هههههه
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Haytham Ghaly)
|
ياجلي ،هسّ دا تشبيه وللا خطبة جمعة؟
ياخوانا التشبيه دا ركن أساسي ووضئ من أركان التواصل،فاشنو ،ماتخرمجوا ساكت،الشغلانة دي تخصصية بحتة*،يعني مابنفع فيها التناول الموسوعي..
المابعرف يشبه أحسن يبعد من التشبيه...ماتبقى من اللغة واسع جدا
*الأيام دي انا مغرم بكلمة بحتة
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
من نافلة القول ان أؤكد على أمر هام وهو أنني لا استخدم وصف شبح عندما مخاطبتي لأحدهم بغاية الازراء به، وليس كمرادف لصفة طيف يزور بعد ان يسدل الليل استاره، بل بدلالة مجهولية الهوية. ان يكون المرء شبحا لاينفي انتماءه لجنس البشر. هو انسان ولكن لا احد يعرف له بيانات تدل عليه تتصل بالميلاد او السكن او الدراسة او الاقامة.
عليه فإن اعوان المدعو حاتم ابراهيم مطالبون اكثر من سواهم بالتقدم لنفي صفة الشبح عنه . فهل فيهم من يتقدم الصفوف - واخص بالذكر منهم امير بوب وعبد العظيم عثمان ومحمد الأمين موسى- ويخطئوني؟.
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Osman M Salih)
|
| Quote: فيا ابو حسين ياخي ما تحاول تلزق فيني موضوع الدفاع عن الباطل بالعافية |
ثم قال :-
| Quote: بعدين يا عليش نصيحة ليك .. اركب معنا ولا تكن مع .............. |
********************************************************
أخونا عثمان محمد صالح أهلاً و مرحب بيك ... نورت المنبر ...
********************************************************
Quote: بتبالغ يا هيثم ياخ ..
ده شطر افتراضي ساي ..
وملان لبن بدره ..
غايتو الا أبو حسين يزيدو موية ..
الدلائل كلها بتشير ..
إنه الزول داك ياهو ده ذااتو ..
فبعد ده يقولوا ليك الا يعترف ..
ده اسمو كلام ده ..
أبو حسين ما تحسس يأخ ..
أسامي مافي ليك ..
حمد الله ع السلامة ..
ونوّرت المنبر .. فانت رقم هنا ..
وحقيقة ابتعادك زعّلنا جدا .. |
خذلتني يا ود القوز ..... !!!!!!!
ياخ ود البشرى و ما عارف منو كدا غالي ديل المفروض و إنت مغمض تمشي عكسهم ... الإتنين مواهيم ساي ...
الله يسلمك من كل شر ياخ ...
***************************************
| Quote: حررررررم زي نوعية ابو حسين دا أخليهو ليك يلف عكس عقارب الساعة |
غايتو بجد أبو حسين بقى ملطشة إذا كان كل من هب و دب جايب سيرتو و عايز يعمل صاحبو من أجل الشهرة
غايتو تواضع مني بديك الفرصة دي ... بس لي فترة محدودة و بعدها بدخلك مع عقارب الساعة ...
دا من زمن الساعة عندها عقارب ...
***************************************
ود البشرى و مين كدا غالي
عوسو عواستكم عارف حملكم تقيل في البوست دا و أكيد بتكونو معسمين .....و الأيام بيناتنا ... يا مواهيم
**************************************
محمد الحسن إنت مع البطل و ل مع الخيانة ....؟؟؟؟؟
شنو عملتها لي فايتاهو ركعة و بتاع ركز ياخ .......
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: ABUHUSSEIN)
|
Quote: ثم قال :-
Quote: بعدين يا عليش نصيحة ليك .. اركب معنا ولا تكن مع ..............
|
يا ابوحسين الظاهر عليك ما متابع
ياخي فترتنا زاتو بالشرح
مقولة اركب معنا دي عندها دلالات وتاريخ .. حاول فتشها في البورد واعمل الهوم وورك بتاعك
ثم ثانياً انت لاقي تلعب مع مسي .. بالله شوفو الجاحد دا ههههههه
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالحفيظ ابوسن)
|
عثمان م صالح يا صديقي عودا حميدا
وقفنا معك يوم التداعي عليك (لا نجوت ان نجا)
واليوم طليت علينا فرحنا برجوعك
بس يا ريت كان تكون دخلتك اروع من دخلة الزقاق دا .
كتييير من الناس الساكين حاتم عندهم غبينة و بعضهم عامل فيها المفتش كرومبو .
انت حاتم غبنك في شنو .
مع مودتي
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: علي دفع الله)
|
Quote: أخونا حيدر حسن ميرغني (ناس خط ميه شرغ) كتب في بوست هشام هباني ,,,,,
اللفحي-والقلع-واللطش-والهبر-الاسفيرى-(مولانا-بدر-الدين-اسحق-انموذجا)!!-1307679932
Quote: طلعت كمان حرامي قوقل ياشيخ
ماغريبة عليكم
غايتو افلح في التبريرات الراقدة عندكم باالكوم
لو قرشت المصحف مابصدقك ... حرامي حرامي
اسمع كلام محمد الامين الفوق داك واعتذر
يالقبحكم
والله جنس ردم ,,,,, ههههه ,,,,, هنا مالك ,,,, قارش المصحف ما تقول كلمه في
المهيب أركانحرب بتوعكو دا ,,,,,, |
وانت منو عشان تلزمني اوقول ولا ما اقول .. شرطي المنبر لاسمح الله
ما حصل تداخلت معك في اي بوست عشان تخاطبني بالشكل ده ياصلاح
لم ادافع او انتقد حاتم في اي بوست حول هذا الاتهام (السرقة)
هل من حقي اطالب برأيك في اي موضوع يطرح في المنبر
خليك بعيييد جدا مني لو تكرمت .. لا بتاع نقة ولابطيق الدش الكثير
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: علي دفع الله)
|
عثمان محمد صالح عودا حميــدا يا زميل المنبر
صراحة خيبت ظن الكثيرين ممن كانوا يتوقعون أن تأتي وتفترع بوست عن حرية التعبير
وتوضح لأعضاء المنبر موقفك وتشرح موضوع أيقافك
بهذا الدخول ومباشرة تركب قطر الفلول
يا زميل دا بعني إنك عاوز تدفع الفواتير أولا (فاتورة الوساطة أو أي فاتوره أخري ) تبر بها
من أسهم في عودتك للمنبــر وفك وثاقك بعد تصفيدك ومنعك الكتابة في المنبر
دا موقف غريب يا عثمان وصادم ويحتاج الي تفسير وشرح
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
| Quote: وانت منو عشان تلزمني اوقول ولا ما اقول .. شرطي المنبر لاسمح الله ما حصل تداخلت معك في اي بوست عشان تخاطبني بالشكل ده ياصلاح لم ادافع او انتقد حاتم في اي بوست حول هذا الاتهام (السرقة) هل من حقي اطالب برأيك في اي موضوع يطرح في المنبر خليك بعيييد جدا مني لو تكرمت .. لا بتاع نقة ولابطيق الدش الكثير |
ياحيدر انت مهكر ولا شنو 😳😳😳😳 منذ دخولي المنبر اول مرة اشوفك زعلان
-------
لكن بالجد مالك زعلان شديد
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
Quote: يا زميل دا بعني إنك عاوز تدفع الفواتير أولا (فاتورة الوساطة أو أي فاتوره أخري ) تبر بها
من أسهم في عودتك للمنبــر وفك وثاقك بعد تصفيدك ومنعك الكتابة في المنبر |
قلنا ليكم الدفاع عن الباطل مرهق و مكلف جداً ....
جابت ليها إتهام بي دفع فواتير كمان ...؟؟؟؟
دفعها لي منو ...؟؟؟؟
حالتكم بقت صعبة شديد ....
موضوع الكيزان ما جاب مريسة تامزين .....؟؟؟؟؟
و الجنازة كيف .....؟؟؟؟
و سباق الحمير الفاز بيه حمار منو ..؟؟؟؟
وخط هيثرو الحصل فيه شنو ...؟؟؟؟
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: ABUHUSSEIN)
|
Quote: قلنا ليكم الدفاع عن الباطل مرهق و مكلف جداً ....
جابت ليها إتهام بي دفع فواتير كمان ...؟؟؟؟
دفعها لي منو ...؟؟؟؟ |
أعضاء المنبر والمتابعين عندهم من الحصافة ما يكفي
ورهاني علي وعيهم في كشف هذه المؤامرات الشللية
ضد زميل من زملاء المنبــر ما فعله فقط هو داقش "الزعماء"
وأصحاب الألقاب وهم يرون في هذا تطاول وتجاوز للخطوط الحمراء (الوهمية)
وياهو الناس شايفه حملتكم التأديبية شغالين حشد حتي أتيتم بكمال فرانكلي
وعثمان محمد صالح (باقي ود الباوقه)
أمشوا جيبوا أمين حسن عمر وكمال عمر وعلي عثمان محمد طه
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
عزيزي أبو حسين إيرادك للموضوع بإسم معروف أبو الحسن وأنه حاتم جاب نفس الموضوع للمنبر ، ما بثبت سرقة حاتم ، لأنه حاتم لمن قال أنا ما عندي إسم مستخدم غير ماهر ، ده ما دليل لأنه ممكن إكون ناسي أو ناكر عديل و في الحالتين يظل إستنتاجك ضعيف ، لانه ممكن يكون معروف هو نفسه حاتم لكن حاتم زايغ من الحتة أو أنه نسى اقول كان مشترك في منتديات تانية بنفس الأسم . فحاتم لو أنكر عديل صراحة إنه هو ما معروف يظل حاتم برئ من السرقة إلا إجي واحد عديل إسمه معروف أبو الحسن اقول أنا صاحب الموضوع ، غير كده تظل الحقيقة غائبة لا دليل عليها .
بعدين جلال لمن جاب الموضوع ده ، قال في واحد كلمه ، طيب معقول ما قادرين إجيبوا الزول الأسم معروف أبو الحسن الكان طالب ماجستير كلية العلوم جامعة الخرطوم ، أفتكر سهل جدا الناس دي هنا معظمها إتخرجت من الجميلة ومستحلية، شدوا حيلكم جيبوا معروف ده خلوا يعترف أنه الموضوع ملك خاص له ومن مجهوده الفكري.
معذرة يا أبا حسين إن أخطأت في حقك فلك كل التقدير والإحترام ، هذا والله أعلم إمكن تكون في معلومة غائبة عني .
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
| Quote: فحاتم لو أنكر عديل صراحة إنه هو ما معروف يظل حاتم برئ من السرقة إلا إجي واحد عديل إسمه معروف أبو الحسن اقول أنا صاحب الموضوع |
looool
يا زول دا منطق شنو دا؟
المستنير حافظ بشير على حق
يا حتومة احسن ليك البس كدارتك وتعال...الناس دي حتضيعك
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد المسلمي)
|
| Quote: يا حتومة احسن ليك البس كدارتك وتعال...الناس دي حتضيعك |
يا هواري
حاتم اذا جا داخل البوست دا الجماعه ديل الكاروشه بتفك منهم
وحرقان الحموضة الزايدة برضه بيروح
عشان كدا هم هسي عدم جيته للبوست حارقاهم ومورمة فشفاشهم
بعد شوبة حيقنعوا
انا خبرة في سلوك الفلول لأكثـر من 10 سنوات
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: معاوية الزبير)
|
اخونا عثمان محمد صالح
الحمد لله ياخ ، لم تخيّب تحليلاتنا و توقّعاتنا !
يبدو انو مساعيك و رسايلك المحمولة جوّاً جابت نتيجة أسرع مما كنت اعتقد !
...
بعدين ياخ حكاية انك تخاطب من يختلف معك بكلمك المدعو فلان و إشارات ذلك ، الحركة دي الناس خلّوها زماااان !
يبدو لي انت كذلك مأمور ، و لذلك دخلتَ علي إستحياء و تخيّرت هذا البوست دون سواه لتحط عليه رحالك ،
طوالي كرّبت تكّتك ، عضيت جلابيتك بسنونك و بديت تجري مع الناس !
...
حكاية الإصطفاف الأعمى و محاولة الإنتقام لصاحبك بالطريقة المضحكة دي ، لا تتناسب و المكانة و الألقاب التي ظللتم تتبادلانها
فيما بينكما !
الراجل قبل يومين قال عليك انك واحد من أنبغ كتّاب النثر في السودان !
يمكن عشان كدا شايفك مُصِر تمعطنا بلغتك المعسّمة دي !
يا خوي ، اللغة و الكتابة وسيلة لتوصيل المعني و بأبسط الطرق و ليست غاية في حد ذاتها !!
فأرجو انو تكلّمنا بالسوداني ياخ و تبعد لينا عن التكلُّف دا !
انا كمان زي ترباس ، جنّي و جن الزول البكون طارح نفسو أديب و يقضّيها لينا تشكيل و يقعد يمسك لينا في الضمّة و الكسرة و الهمزة علي نبرة !!
و يتخيّل نفسو بذلك احمد طه أمفريب ! 😜
بعض الناس هنا عرفناهم و متفهّمين دوافعهم النفسية و إن حاولوا ان يتجمّلوا !
لاكين يا خينا انت مالك !
حارق رزّك على شنو ؟!!
أوعك تقول لي بحثاً عن الحقيقة و بتاع !!
...
يا حاتم ياخ والله أبتبالغ أبتشز !!😂
تسفه ليك خمسطاشر راجل بشنبات
و كل واحد فيهم متخيّل انو كل الصيد في جوف الفرا !
...
تضامناً مع هؤلاء ، نقتطف هذا البيت من حطيئة المنبر و نقول :
أظهر و بان ... يا حاتم يا جبان
عليك الأمان
* هذا البيت ، تناصص فيه الشاعر و الأديب و زميل المنبر الاستاذ الخواض
مع قصيدة ( ثعلوب المكار) ، لذا وجبت الإشارة لذلك !
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
أيوة حتى لو أنكر ، لأنه إنكاره يمكن يكون لغرض ما ، مثلا ما عايز الناس تعرف أنه كان بيستخدم الإسم ده لشئ في نفسه، عشان كده تظل حقيقة الكتب المقال هو حاتم رغم إنكاره لي أنه هو ما معروف .
الحل معروف ابو الحسن ، أنا غايتو لو ما جاء معروف ده ما بقتنع بالكلام ده أبدا ، ما زال عندي معروف هو حاتم ولو أنكر كتكتيك منه.
ود البشرى يا حبيب ، كان كوعت ولا وقعت ارررر ما بقتنع كله كله ، هوانا حاتمي .
هذا والله أعلم
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
يا ابو حسين حاتم دا فردتي من قديم الزمان ما شايفني فازعو بهناك مع فرانكلي
لكن هنا عايزو اتكربن لاني زعلان منو عشان ما وراني حكاية معروف ابو الحسن دي
ف بالله حاسب ما تستعجل ولو ما جاكم هنا انا بجيبو ليكم بس هسه باصرو براكم
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
دكتور أيوب ، البوست ده ، محاولة لإدانة حاتم بالسرقة ، على الرغم من وصول النقاش للورقة التاسعة ، ما في أي دليل كلها إحتمالات .
ما لم يجئ واحد ولو معروف ده ما اسمه الحقيقي ويقول حاتم سرق موضوعي ، يبقى الكلام ده كللللله إحتمالات ساي .
قصة حاتم قال أنه ما معروف أبو الحسن ، إستنتاج فهو لم يقلها صراحة ( أنا ما معروف ابو الحسن ) بل قال لم أستخدم غير علي ماهر ، ممكن أكون ما متذكر قصة إستعماله لمعروف .
فالموضوع عندي منفس ، ما لم يجئ معروف ابو الحسن ويقول الموضوع حقي . غير كده حاتم برئ رغم هذه المجهود الهباء .
معذرة يا أخوان
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
| Quote: قصة حاتم قال أنه ما معروف أبو الحسن ، إستنتاج فهو لم يقلها صراحة ( أنا ما معروف ابو الحسن ) بل قال لم أستخدم غير علي ماهر ، ممكن أكون ما متذكر قصة إستعماله لمعروف . |
عوقه ياحكم 😂😂😂😂😂😂😂😂
-----
غايتوا جنس ده يغتس حجر حاتم
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد المسلمي)
|
| Quote: بس بدور اسأل صلاح الزبير, وينن مداخلاتي في بوستات السرقات التانية؟ |
هههههه ياخي والله لقيتك حويط بي شكل مبالغه ....
المنبر من 2005 مدوره فيهو السرقات دي ... لكن
سرقات زي حقت حاتم دي ما لاقتني ... ناس بتسرق
para وتحشرو حشر جوا الموضوع ... وبرضو بكشفوهو
وفي واحد كتب موضوع في موقع اخر حا التاني
اخد الفكره (بس) وعمل منها موضوع هنا في سودانيز
ولسوء حظه كان صاحب الفكره عضو هنا وجا فتح
بوست وتعال شوف كم واحد سكا الحرامي ...
يا باش رماديتك المتجذره جواك حمتك من بلاوي
كبيرة حصلت في المنبر دا ....
اظرف تعليق عملتو انتا في بوست ابو سرقه
كان السارق كوز والمطاردين صحبانم والشايل
ليهو فرار والشايل سكين والقال نعمل مظاهره
نمشي الإدارة عشان تفعل اللائحة ويشطبو السارق
وفي منتصف هذه المعركه جيت اتا داخل وسألت
صاحب البوست مستفسرا" وقتا ليهو إتو ساكين
الزول دا عشان سرق ولا عشان هو كوز .... ههههه
اموت انا في الدغه (اكسر الدال) ...
تحياتي
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
Quote: دكتور أيوب ، البوست ده ، محاولة لإدانة حاتم بالسرقة ، على الرغم من وصول النقاش للورقة التاسعة ، ما في أي دليل كلها إحتمالات .
|
سلام اخونا ياسر
إنت بي صِحٌك عايز تشرح لي الحاصل شنو ؟!!
...
ياخ انا كنت بدحّك معاك بس !
او كما قالت المعلّمة فضة المعداوي !!
...
تحياتي !
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Haytham Ghaly)
|
عندهم لاعب بقى يصرجا ليهم في مرماهم 😂😂😂
يدوه باص قون يلف يجي راجع بيها على مرماهم 😂😂😂
غايتو إلا يلعبو معاه واحد منهم مان تو مان ...
الزول دا اشتر و لو لقى فرصة بختها ليهم في التمنيات ..
و الله ميسي ما يسويها ...
دي ياها زاتا إستجابة دعوة اللهم اشغلهم بنفسهم ... 😂😂😂
مرهق شديد و مكلف ....
عندكم إحتياطي جاهز و ل تلعبوا ناقصين ....؟؟؟
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: ABUHUSSEIN)
|
يا جماعة والله عيب عليكم
يعني معقولة تكونو كدا
زي الزول البِجي بي تِحت تِحت
...
كدي ياخ عاينو لنفسكم من جووووه
من معدتكم و من بطنكم !
أكيد عندكم أهل و بيت و أصدقاء و ذكريات !
يعني معقولة بس كدا 😉
ياخ شوفو ليكم موضوع تاني !
بوست آخر الليل دا 😂😂
...
او كما قال ! 😜
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: ABUHUSSEIN)
|
تحياتي حيدر حسن ميرغني ....Quote: وانت منو عشان تلزمني اوقول ولا ما اقول .. شرطي المنبر لاسمح الله
ما حصل تداخلت معك في اي بوست عشان تخاطبني بالشكل ده ياصلاح
لم ادافع او انتقد حاتم في اي بوست حول هذا الاتهام (السرقة)
هل من حقي اطالب برأيك في اي موضوع يطرح في المنبر
خليك بعيييد جدا مني لو تكرمت .. لا بتاع نقة ولابطيق الدش الكثير |
هون علي نفسك يا رجل ...
تفتكر لو كنتا احسب ردة فعلك (هذه)
كنتا جبت سيرتك؟ لن يحدث ابدا".
تداخلتا معاي اكثر من مرة وليس من
حقي ان اطالب برأيك في اي موضوع
وسوف احتفظ بالمسافة التي حددتها ...
واعتذاري الشديد واسفي علي ما سببته
لك من عنت والمداخله سحبناها.
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Haytham Ghaly)
|
| Quote: ياسر والله انا بديت اصدق انك شبح |
لا لا ما شبح, دا حاتم زاتو عايز يشتت الكورة بالطلاشة*
يا ياسر انت ما كان كوّعت بي رقبتك ما مشكلة بي راحتك انت مكوّع بالطربيزة لو بتلعب هارت بتعرف الألم البسببه تكويع الطربيزة لباقي اللعيبة!
________________________
* هوي يا تيم ناسا الونّاسة كلامي دا مزاح مع هيثم وياسر و غيرهم ما يقوم واحد من الكونانـ (ـز) يضيفه لملف القضية باعتباره دليل و يبني عليه ههههه
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
Quote: عشان كدا هم هسي عدم جيته للبوست حارقاهم ومورمة فشفاشهم
بعد شوبة حيقنعوا
انا خبرة في سلوك الفلول لأكثـر من 10 سنوات |
مافي زول محروق رزو ومتفشفشه كبداتو .. وقربت تبيض غيرك
بدليل تلاتة مرات بتحاول تنتهي من البوست وما قدرتاااا ...
فعلا طلعت خبرة وخيت ... حاول مرة رابعة يمكن تظبط معاك .
يااخ لو ماعاجبك البوست دا .. تااني ما تدخلو ... قديتنا ..قد ...
انت المورم فشفاشنا مش عدم مجي شيخكم الحرامي كما تظن ....
وانا شخصيا ما عاوزو يجي عشان الحرمنة والسرقة تلبس فيه ...
عااالم بطااالـــــــــــــــــــــــــة ,,
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد مجيدو)
|
| Quote: يا باش رماديتك المتجذره جواك حمتك من بلاوي |
علي اليمين خوّتك طلعت حلاوة قطن يا ابو صلاح! رمادية شنو الله يهديك ياخ, دي هنا اسمها اتّساق ووضوح رؤية
الرمادية ديك في مجالات تانية أرحب
واحدة من مشاكل الناس هنا في الموضوع دا - بما فيهم انت يا زعيم - انو الناس ما قادرة تتجرد وتنظر لاصل الموضوع والأغلبية بتاخد موقفها من الموضوع حسب موقفها من حاتم, أكان عفصك في مكان ما أو عفص صديق ليك أو نسيب أو صاحب جميلة عليك تلقائيا تجي جاهز بي ادانتك و الوروروك و مدوّر كيتتك من الشارع الحرامي المنتحل الكذّاب البتاع
دون حتى الإتساق مع موقفك نفسه في حوادث اخرى شبيهة أوذات علاقة - بالمناسبة يا ابو صلاح دايرك برضو تشوف بوستات كشف سرقات هشام آدم للبروف أمين نوتة و قارن مواقف بعض حملة قميص عثمان الأمانة والبتاع هنا وكذلك شوف لي ناس احترام الخصوصية و النهي عن تتبع عورات الناس و ما أدراك
وفي الجانب الآخر برضو نفس المشكلة بعض مناصري حاتم و بعض من عفص لهم أعداء أو ناس شامينهم وكدا ما شايفين غير حملة ظالمة و تكالب عليه يعميهم عن رؤية المشكلة الأساسية و الدليل الواضح عن النقل من صابر الحسن دون الإشارة إليه و هذه إحدى كبائر البورد بالطبع
عشان كدا يا قريبك البوست دا من فوائده ابراز لأي مدى الإتساق و التجرد أقرب ليكون رابع العنقاء و الغول .. إلخ
_________________
ود المسلّمي ما تقلق جاييك
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
عزيزي أبو حسين ، عايز تثبت حاتم حرامي وسراق ، بي كلامك ده ما بتقدر
جبت موضوع لواحد إسمه معروف أبو الحسن ، قلت حاتم جاب الموضوع ده هنا ، وبتعتبر دي سرقة ، مع إنه ليوم الليلة معروف أبو الحسن ده بالنسبة لينا نكرة ، وبالتالي في إحتمالات يكون حاتم نفسه من هنا تبدأ الإحتمالات ببراءته
1. حاتم إبراهيم ما هو معروف أبو الحسن ، دي معلومة لم تثبت بعد ، وفيها إحتمالين ، يا يكون هو حاتم نفسه يا يكون غيره ، ودي ما بتدينا الحق نقول عليه حرامي ولا كذاب إلا لمن يظهر واحد أسمه معروف
2. حاتم ما قال صراحة أنه هو معروف أو غيره ، وحتى لو أنكر صراحة مع عدم ظهور معروف يكون حاتم ما حرامي لكن بكون اي حاجة تانية سميها براك .
يا أبا حسين والمؤيدين لفكرته ، هل تقدروا تثبتوا أنه معروف ما هو حاتم نفسه ؟؟
لو دليلكم نقل الموضوع بي ضبانته ، دي شوفوا غيرها .
في الموضوع ده حاتم ممكن تطلقوا عليه أي شئ تاني ، ناكر كذاب ، لكن ما حرامي ، ما لم يظهر معروف ، هذا آخر كلامي
عن أبي هريرة - رضي الله عنهُ- أن رسول الله صلى الله عليه وسلم قال:" أتدرون ما المفلسُ؟" قالوا":المفلس فينا من لا درهم له ولا متاع. فقال:" إن المفلس من أمتي من يأتي يوم القيامة بصلاة وصيام وزكاة، ويأتي وقد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته ، فإن فنيت حسناتهُ قبل أن يقضي ما عليه، أخذ من خطاياهم فطُرحت عليه ، ثم طُرح في النار" رواه مسلم
والله أعلم
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
معاوية حسين يا صاحب
حركة تشكيلة واحتياطي وخطة لعب وما عارف
شنو في تبادل وجهات نظر وأراء دي فيها استخفاف مهين
جدا بمبدأ النقاش اللي من أجلو قامت المنابر .. هسة اتا بنفس
فهم التشكيلة الرسمتو دا المفروض تكون في الجهة المقابلة من
الملعب البقودوا سيد البوست وبالتالي تصبح كل الألقاب
والتشبيهات الما كريمة الشايلنها الناس الضد حاتم تعنيك ومن
معك تلقائيا في التشكيلة المقابلة يعني حملة أباريق حاتم يقابلم
حملة أباريق جلالدونا .. والما عارف شنو حاتم عكسها المعارف شنو
جلالدونا وهكذا يضيع النقاش الراشد بتاع الناس العاقلين الكبار وسط
هرجلة أطفال الروضة المزعجين.
بقول الناس أحسن تتجنب التصنيفات الاستعدائية دي لأنو غير
بتأزم موضوع البوست وتعقدو زيادة ما بتفيد الحقيقة المطلوبة ..
اتا عندك قدرة على تصنيف الآخر وتشبيهو بما يرضى ولا يرضى
أنا برضو عندي نفس القدرة الممكن أرد ليك بيها ويمكن زيادة
وهكذا عفرة ودوشمان وكتاحة .
طلحة عبدالله عمرو في البورد أكتر من عشرة سنة ما حصل انضم
لشلة أو عصبة ولا يعنيه ذلك بقدر ما يعنيه أن يقول رأيو الشايفو
صاح له أو عليه والكبير عندو ربو الخالقو ما عندو شىء بخاف
منو أو عليهو .. فااااشنو خليني لاعب محترف أحسن .
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: طلحة عبدالله)
|
قالوا واحد جا لفقيه و قال ليه : يا مولانا ، انا على مذهب ( ابن حنبل) ، وإني قد توضأت وصليت
فبينما أنا في الصلاة ، إذ أحسست ببلل في سروالي
يتلزق، فشممته فإذا رائحته كريهة خبيثة !
فقال له الفقيه : عافاك الله يا هذا ، لقد خريت بإجماع المذاهب !!
...
* اعتقد قريتها في المستطرف في كل فن مستظرف !!
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
| Quote: في الموضوع ده حاتم ممكن تطلقوا عليه أي شئ تاني ، ناكر كذاب ، لكن ما حرامي ، ما لم يظهر معروف ، هذا آخر كلامي |
غايتوا ياود البشري الله جاب ليك خبير في صمة خشمك شوف جنس الكلام ده كيف
-----
ياامير بوب الزول ده عوق حاتم عديل 😂😂😂😂😂😂
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد المسلمي)
|
انا يا معاوية قبيل في المكتب ما ظهرت لي الصور شفتها اسي
اول حاجة ما توقف لينا ياسر دا حارس بتنتهي مننا, وديه طرف شمال أو قدمو الهجوم احسن أصلوا دفاعكم منتهي وما محتاج هجومن كدي لامن يقولوا عليه يكفي الكورة تجي خط 18 براكم بتموّها و تدخلوها فيكم
الشي التاني انا رجّعني الإرتكاز ما شايفني زابط الميدان وبلم الكورة و اشتتها في آن كيف :) وبعرف متين افتح اللعب و متين اشد الميدان
باقي التشكيلة كويس لكن حقّو تطلّع تنظير بشبكنا منضمة وتنظير يحمينا التركيز اخير النلعب ناقصين
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
Quote: وفي الجانب الآخر برضو نفس المشكلة بعض مناصري حاتم و بعض من عفص لهم أعداء أو ناس شامينهم وكدا
ما شايفين غير حملة ظالمة و تكالب عليه يعميهم عن رؤية المشكلة الأساسية و الدليل الواضح عن النقل من صابر الحسن
دون الإشارة إليه و هذه إحدى كبائر البورد بالطبع |
بعض يا حريف، عايز تخت مراقة لمنو؟
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: معاوية الزبير)
|
Quote: يعميهم عن رؤية المشكلة الأساسية و الدليل الواضح عن النقل من صابر الحسن
دون الإشارة إليه و هذه إحدى كبائر البورد بالطبع |
صابر دا واحد جديد لأنو جلال بتكلم عن معروف ابوالحسن ...
بعدين كبائر البورد دي فيها تحلل ولا اعتذار كامل غير منقوص.
في سودانيز دي واحد جاب ليهو مقطع من موضوع ما حقو
وحشرو في موضوع طويل عريض وكان كل جمهور البورد
بيطالب بتطبيق اللائحة بشطبه نهائيا" ...
يا باش اللائحة بتقول شنو في حالة حاتم دي ....
بعدين تعال خوتنا فيها ملح وملاح وقعده وونسه ... إتا قايل
اللغو الهنا دا بحدد علاقتنا ... حلاوة قطن إتا ياخي....
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Salah Zubeir)
|
حقيقة يا ود الزبير هي مش بعض هم اتنين لا ثالث لهم عبد العظيم واخيرا ياسر موقفهم من جزئية نقل المقال دون الاشارة لمصدره ما عاجبني نهائي
بعدين يا قريبك مرّاقة شنو ولمنو ومن شنو اساسا, اختلاف آراء الناس ووجهات نظرهم حول اي موضوع مفروض يكون أمر عادي ولا يخرج عن هذا الإطار,وحتى هذه المواقف مفروض من يتبين له خطأ وجهة نظره يتراجع و ينحاز للحق دون مكابرة, وهذا ما اتوقعه منكم وانت بالذات.
يا ابو صلاح مافي لايحة متعلقة بالموضوع دا, من زمان موضوعات اللفحي و اغفال المصادر معروفة التعامل معها محصور في مستوى الأعضاء الإدارة الفيها مكفيها وما فاضية كمان تقوقل و تباري المصادر خلّت الشغلة دي لناس ابوحسين وكدا
و عموما البسخّن المواضيع دي موقف و تصنيف الزول المقبوض و القابض, و اصحابهم وعداواتهم و شللياتهم وكدا
عشان كدا بقول ليك راجع لي معاك بوستات البروف و سف وقارن
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
البوست دا اطاح بي رؤوس كبيرة و كتيرة .....
عملوا الموضوع ونسة و ضحك .....
نسوا إنو في مشاهدين جادين بقدروا يحكموا كويس على الموضوع ..
موضوع السرقة واضح وضوح الشمس لكن نقول شنو ...؟؟؟
معروف ابوالحسن طالب الماجستير كلية العلوم جامعة الخرطوم كتب موضوع في 2010
نفس الموضوع بي ضبانتو كتبو و ناقش فيه ككاتب حاتم إبراهيم هنا في سودانيز في 2014 ما جاب سيرة انو منقول أو جاب المصدر ...
سرقة واااااااضحة للناس كلها إلا فريق الدفاع الكسيح ...
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
جزيل الشكر للإخوة أبو حسين وعبد الحفيظ أبوسن وعلي دفع الله لترحيبهم بعودتي.
يا علي دفع الله: لست مغبوناً من الشخص المدعو حاتم ابراهيم، بل حانقاً بسبب لغته السوقية، وسعيه للحطّ من قدر الأستاذين يوسف الموصلي واسامة الخواض وآخرين في سابقة من التعالي الكريه. العجيب أنه تعالٍ غير معزّز بأية مساهمة أصيلة في أي حقل من حقول المعرفة.
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Nasser Amin)
|
Quote: سرقة واااااااضحة للناس كلها إلا فريق الدفاع الكسيح
|
كدا يا أبو حسين سؤال بهدوء زي ما بقول أب سن
شنو البخلي رأيك اتا ليهو قيمتو الاعتبارية والمنطقية والرأي
المخالف ليك مجرد دفاع كسيح ؟
مفهوم انك تفند الرأي المخالف ليك وتظهر موضع الخطأ فيه
لكن الما مفهوم ولا مهضوم انك تحرفو وتختزلو في مجرد
فريق دفاع وكمان كسيح .. ساي كدا رجالة وحمرة عين .
مسألة التصنيف والتشبيه لمجرد اختلاف الآراء غلط وموجبة
للمشاكل والضغائن يا حبيب واتا أكتر زول اتضررت منها لمجرد
دفاعك عن وجهة نظرك والناس اتضامنت معاك فيها بمن فيهم
صاحبك جرجير الهسة اتا مصنفو ضمن أعضاء فرقة الدفاع الكسيح .
خليك حلو وحريف يا حبيب عشان ما تدخل نفسك في زقاق ضيق .
الحماسة والعوك عاك عمرها ما حسمت نقاش .
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: Osman M Salih)
|
Quote: أهلا يا عمر
| Quote: ونادرا ما يعترف أو يعتذر عن خطأ |
عندما هدده ود المشرف بالطلب من الإدارة الكشف عن هويته سارع بالاعتذار
وفعل نفس الشيء معي في موقف مشابه عندما وصفني بالكذب، لكنه لم يقدم اعتذارا واضحا
هاتان حالتان سارع فيهما بالاعتذار
السؤال: لماذا يفعل ذلك عندما يتم تهديده باللجوء للإدارة لكشف هويته؟ مـمَ يخشى؟
---
ود البشرى عندو مداخلة كتب فيها:
Quote: انا لم اقل انني اعرف حاتم انا قلت واقول انني مقتنع بانه شخص حقيقي وباسم حاتم ابراهيم لتواصلي معه بالهاتف
و لسبب آخر اعتذر عن ذكره لأنه لن يكون مقنعا للآخرين ولا استطيع المحاججة به لكنه أكثر من كاف لإقناعي |
ماذا لدى ود البشرى ويخفيه؟! |
غايتو يا معاوية البوست دا وراني ليك وجه آخر غريب جدا لم اعهده منك من قبل, تخليت عن موضوعيتك وكسرت رقبة الحقائق لتصل للنتيجة المسبقة التي وضعتها
ليه تعتبر الاعتذار ناتج خوف من التهديد وليس لقيمة الاعتذار نفسها! ليه ما يكون الطريقة التي عبر لها المشرف عن غضبه و استيائه و تأثر المجتمع الصغير المحيط به نبه حاتم لقسوة ما بدر منه وتجاوزه للحد المعقول لذا اعتذر عنه؟ لنقل انه دا افتراض منك اتعامل معه على هذا الاساس وانه مجرد فرضية تقبل الصواب و الخطاوليس حقيقة كونية تبين عليها
ثم تتناقض وتقول فعل نفس الشيئ وهنا تشير للمسارعة بالإعتذار لكنه لم يقدم اعتذار واضحا!! يلايقوها بويكة وين دي؟ سارع بالإعتذار ولم يقدم اعتذار واضح !! معقول يا معاوية!! شفت التحيز وداك لي وين؟
تقول ماذا اخفي!! افا يا معاوية.. كلامي الكوّته دا وااااضح جدا وبسيط ووضحت سبب اعتذاري عن ذكره وبرضو تتساءل عنه كأنه امر اخفيه! طيب الجابرني شنو من الأوّل اذكره لو عايز اخفيه - بما تحمل كلمة يخفي من ايحاءات !
اضف لما سبق المنطق الغريب العايز كنت تقنع البعض انه حاتم نفى استخدامه لأسماء غير علي ماهر
دا كلو يدي احساس ان المسالة بالنسبة ليك ليست بحث عن حقيقة مجردة بل سعي محموم لتجريم وإدانة كسر رقبة, مّما يدعوني للتساؤل لو كان موضوع البوست عن سرقة شخص آخر غير حاتم وتحديدا شخص محسوب على النضال وكدا هل كنّا سنرى نفس هذا المنطق الغريب و السعي للتجريم !!
ود المسلمي | Quote: فعلا ماذا يخفي ود البشري حسب متابعتي دكتور امير بوب والمستنير كانوا اقرب لحاتم ولم يصلوا الي مرحلة ود البشري معاه في المعرفة امير بوب قال اتصال بواسطة الايميل ود البشري قال اتصال تلفوني واشياء اخري اقنعته ان حاتم ابراهيم اسم حقيقي وانسان (ياكل الطعام ويمشي قي الاسواق ) دي مني انا .. المهم ياود البشري في زملاء هنا تتضرروا من حاتم ابراهيم في سودانيز اولاين ده واخفايك لمعلوماته التي تعرفها يجعل في النفس شي من ناحيتك |
سيب الدراما يا حاااااج, اقرا مداخلتي الاقتبسها معاوية هل من الممكن اعتباري اخفي معلومات حاتم!! المعلومة المتاحة عن حاتم و الكلكم تتغاضوا عنها هي نفسها المتاحة عن مئات الأعضاء غيره.
بعدين شنو استدرار العواطف دا بزملاء تضرروا!!المتضرر قدامه القضاء أو الادارة للحصول على المعلومات السجل بيها حاتم هنا, الحاجة القلت انا انها تقنعني شخصيا لكن لا استطيع اقناع غيري بها لن تضيف او تخصم من سعي المتضرر للتقاضي .
مرة تانية اعيد السؤال لكل من يعتبر حاتم شبح, ما الذي دفعك لذلك الاعتقاد و اتمنى ان لا تكون الاجابة لأنو الموصلي قال كدا !!
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
ود المشرف Quote: ود البشرى ..
تحية طيبة ..
علاقة (النص) بالكاتب اكثر حيوية وتفاعلية بكثير من حالة البنيوية الطوباوية التي تتحدث عنها... نحن لا نتحدث عن نصوص ادبية او حجج علمية عمياء عبر وسائط غير متفاعلة .. نحن بازاء حراك اسفيري متفاعل وحيوي جدا يحتمل الكثير من (الشخصنة) ويحمل الكثير من السمات الشخصية للكاتب ويشترط وجود حيز انساني لا يمكن, على الأقل, أن يتم الغاءه من ناحية واحدة.
هناك نموذج خيالي من الممكن, على الاقل, إستحضارو هنا كيما تستقيم طوباويتك دي .. أن يتم الغاء الحيز الانساني للآخر المختلف مع الحساب الحاتم. لا سخرية, لا إساءة, لا شيء على الإطلاق الا ايراد نقاط الاختلاف والاتفاق بمنتهى الانضباط. عندئذ يكون في مجال للكلام بتاعك ده .. حالة مجردة كده من اي متعلقات تفترض استدعاء الكاتب (او زمن الكتابة) في النص. حالة من التفاعل المحض للافكار التي لا مجال فيها للسخف بتاع (صباح "قاده عربي" والمشرف مصاب باضطراب نفسي ومعاوية كذاب والموصلي عايش على اسمو الرنان الخ الخ الخ كنموذج ليس الا لتورط الكاتب عميقا في الحيز الشخصي للآخر المختلف معه)
أها ده كلام كويس جدا معانا.. اللا يتورط الكاتب عميقا في حيز الآخر المتفاعل معه عشان (الآخر) ده بدوره يجي يلقى كلامك (السمح) و (المثالي) ده ويقول يا سلااااااام ده كلام زي الورد. يبقى التصور الخيالي الليلك ده دي ياها مطلوباتو الخيالية كي يستقيم كلامك حول (بنيوية النص ولا انتماءه بالمطلق) .. وفي المجمل هي طوباوية منك ساي. ليس الا يا محمد!!
كده انتهينا من دائرية النقاش كما اظن ولكن..
ابوبكر عباس عرفتو ..
تنظير ده منو؟!!
|
أخشى ما أخشاه ان يكون هذا رد على حديثي عن ضرورة مخاطبة المشاكل الحقيقية ومجابهة تحديات حاتم و حتى اساءاته بافتراض شبحيته و التنقيب وتحسس آثاره و تتبعها على السايبر!
كلامي ليس طوباويا او مثاليا, بالعكس كلام واقعي وبسيط, طليع حاتم شبح و كونه سرق مقال اوكتب قبل سبعة سنوات في مكان آخر بأسماء اخرى لن يمحو ما قاله عنصباح او عتك او الموصلي او غيركم ولن يدحض حججه او انتقاداته للمشاريع و الاعمال و الافكار التي طرحت
الاساءات الرد عليها و اخذ الحق إمّا بنظام العين بالعين أو باللائحة اوحتى القانون و في الجزئية الأخيرة ملزم بكري بالإفصاح عن المعلومات التي اعتمدها لحظة تسجيله ولو طلع فيها مشكلة تلقائيا سيوقف كما جرى لمحم ناصر من قبل
اما التحديات و الحجج و الأفكار فمجابهتها بطريق واحد لا ثاني له
مسالة انو شبح و سرق و فعل وترك كما قلت مريحة للضمير وشهوة الانتقام في لحظتها لكن لبست ذات جدوى وكان الاساءات او التحديات الاتنين لازالن قاعدات
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: طلحة عبدالله)
|
| Quote: سيب الدراما يا حاااااج, اقرا مداخلتي الاقتبسها معاوية هل من الممكن اعتباري اخفي معلومات حاتم!! المعلومة المتاحة عن حاتم و الكلكم تتغاضوا عنها هي نفسها المتاحة عن مئات الأعضاء غيره. بعدين شنو استدرار العواطف دا بزملاء تضرروا!!المتضرر قدامه القضاء أو الادارة للحصول على المعلومات السجل بيها حاتم هنا, الحاجة القلت انا انها تقنعني شخصيا لكن لا استطيع اقناع غيري بها لن تضيف او تخصم من سعي المتضرر للتقاضي . مرة تانية اعيد السؤال لكل من يعتبر حاتم شبح, ما الذي دفعك لذلك الاعتقاد و اتمنى ان لا تكون الاجابة لأنو الموصلي قال كدا !! |
الصديق ابوحتوت ياخ اقول ليك مشطناها في قملتها 🏃🏿🏃🏿🏃🏿🏃🏿🏃🏿🏃🏿🏃🏿🏃🏿🏃🏿
| |
|
|
|
|
|
|
|
|
 Re: ► حاتم ابراهيم ... موضوع تعريفى ..◄ (Re: tabaldy)
|
سلام محمد البشرى
| Quote: اعيد السؤال لكل من يعتبر حاتم شبح, ما الذي دفعك لذلك الاعتقاد |
قبل البوست ده موضوع إنو شبح (بمعنى يكتب بيوزر غير إسمو الحقيقي ) ماكان بيعني شي ، بعد البوست ده و المقال المكتوب من 2010 و اتكتب بأسمو هنا 2014 ، و عدم جرأة حاتم على الحضور عشان يفسّر التطابق ده ، إحسان الظن بحاتم بيقودك إلى إنو شبح .. الخيار التاني إنو حرامي .
لا أحد غيرو ممكن يفسّر المسألة دي يا محمد ، مبرّراتية حاتم طبعاً ، بيفتكروا التساؤل المشروع ده بحث عن خصوصياتو !!
مع وضوح المسألة تماماً لكل صاحب بصيرة .. أذاً البيمنع حاتم شنو يجي و يفسر المسألة دي ؟
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: tabaldy)
|
كتب عثمان محمد صالح
Quote: هو انسان ولكن لا احد يعرف له بيانات تدل عليه تتصل بالميلاد او السكن او الدراسة او الاقامة.
عليه فإن اعوان المدعو حاتم ابراهيم مطالبون اكثر من سواهم بالتقدم لنفي صفة الشبح عنه . فهل فيهم من يتقدم الصفوف - واخص بالذكر منهم امير بوب وعبد العظيم عثمان ومحمد الأمين موسى- ويخطئوني؟. |
إنت يا المبروك ما تعرف حاجة إسمها الخصوصية؟
المعلومات الفوق دي معلومات خاصه ما عندها أي علاقه
بالحوار والأفكار والنقاش والكتابة في المنبـــر
( دا إنت الجابوك فزع بقيت وجع)
للمرة المليون المعلومات البسأل عنها الزول دا دي معلومات خاصه
مافي أي زول عنده الحق يقعد يبحبت ويسأل منها إذا كان حقا يحترم الخصوصية
ويعترف بهذه الخصوصية أو كان يعلم أصلا بي حاجة إسمها الخصوصية
دي ماياها زاتها طريقة الكيزان والأمنجية في التلصص وتتبع خصوصيات الناس
بجمع المعلومات عن الناس بهذه الطريقه (في النقطة دي فرقكم شنو من الكيزان والأمنجية)
عشان ما تدوشوا رأسنا في الفاضي المنبـر دا محكوم بلائحة وبكري هو من يطبق هذه اللائحه
أي تجاوز من أي عضو يحاكم باللائحة واذا في تجاوز أكبر هنالك قوانين المعلوماتية
يعني مافي أي زول عنده الحق يتبع خصوصيات أي زول .. فهمت يا عثمان
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
كتب عثمان محمد صالح
| Quote: فإن اعوان المدعو حاتم ابراهيم مطالبون اكثر من سواهم بالتقدم لنفي صفة الشبح عنه |
بالله في زول مثقف بيطلب طلب زي دا ؟
تعرف كلامك يعني نقوم بنبش خصوصية زميل في المنبر
عشان حضرتك طالبتنا "بنفي صفة الشبح" عن الزميل حاتم
واحد من الفلول يدرس الزول عن الخصوصية ويكلمه
دا من أول مداخلات ليه بدأ يشوت في مرمي الفلول
يمكن الإبتعاد عن الكتابه في المنبر خلت أفكاره مشتته
ومافي مراعاة للحقوق والخصوصية ....
بطل تتلصص في خصوصيات الناس وما تسأل أسئلة غبيه زي دي
لأنه منظرك ببقي بايخ والناس ديل معولين عليك كثير
ما تخزل الفلول يا عثمان ركز ركز بالله
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
كتب Yassir Ahmed في بوست الأخ عبد الصمد رداً على الأخ كبر :
| Quote: طيب إذا كان الموضوع بهذه السهولة لي كل الأعضاء ديل عملوا زي البيعمل فيه حاتم ، ثم لي ما قبضوه كحرامي نت ؟ |
:
وكان هذا البوست بعدها بأيام .
قالوا ( الفال تحت اللسان يا ياسر )
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد محمود محمد)
|
مش توارد خواطر و بس يا اخونا محمد محمود
لاكين دا يدل ليك انو فعلاً الراجل دا كتابتو معسّمة
و متكلّفة و انو ييهتن بالشكل و الإخراج لكتابتو أكتر من مضمونها !
و الملاحظة دي ما دايره ليها شطارة !
أي زول ممكن يتوصَّل ليها و يحسّها بسهولة
...
بعدين ياخ ، حركات المثقفاتية و محاولة جعل الكلام كُبار كُبار دي الناس خلوها زمان !!
دي بوستات حوار تفاعلية و إعتقد يناسبها خطاب بسيط و مباشر
اما محاولات التمسّك بشكل الكتابة و محاولة الإبهار باللغة المتكلّفة و التلاعب بالمصطلحات و غيرها من لغة الصوالين
فليس مكانها مثل هذه البوستات بالتأكيد !
انا بالتحديد ، لديّ حساسية تجاه هذه الكتابات المحنّطة
و لا أستسيغها في غير موضعها !
...
تحياتي
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
Quote: كدا يا أبو حسين سؤال بهدوء زي ما بقول أب سن
شنو البخلي رأيك اتا ليهو قيمتو الاعتبارية والمنطقية والرأي
المخالف ليك مجرد دفاع كسيح ؟
مفهوم انك تفند الرأي المخالف ليك وتظهر موضع الخطأ فيه
لكن الما مفهوم ولا مهضوم انك تحرفو وتختزلو في مجرد
فريق دفاع وكمان كسيح .. ساي كدا رجالة وحمرة عين .
مسألة التصنيف والتشبيه لمجرد اختلاف الآراء غلط وموجبة
للمشاكل والضغائن يا حبيب واتا أكتر زول اتضررت منها لمجرد
دفاعك عن وجهة نظرك والناس اتضامنت معاك فيها بمن فيهم
صاحبك جرجير الهسة اتا مصنفو ضمن أعضاء فرقة الدفاع الكسيح .
خليك حلو وحريف يا حبيب عشان ما تدخل نفسك في زقاق ضيق .
الحماسة والعوك عاك عمرها ما حسمت نقاش . |
اذا كان الدليل الموجود امامك يا تنظير و الموجود في بداية البوست و عدناه 20 مرة ما شايف انو دليل قاطع على السرقة ابقى ما حا تقتنع او ما انك ما عايز تقتنع ... و مافي داعي اضيع وقتي معاك في الحتة دي .....
انت و معاك اتنين تانين سيم سيم في الحتة دي ...عشان كدا بقول الدفاع كسيح و مش لأنكم معارضين لي رأيي لكن لأنكم بتعكوا في حاجة ما اظن يختلفو عليها اتنين .... الكساحة دي كيف هي ..؟؟؟
صاحبك جرجير ما مختلف معانا في السرقة موضوع البوست
صاحبك جرجير بجرجر ميتين اهلنا في حاجة كلها تنظير في تنظير و طبعا حتة التنظير دي هو بموت فيها و اللي هي التشبيح ... و دي انا ما لي فيها انا شايف انو المنبر دا مافيه اي شبح الآن ...
لم نخلص من موضوع السرقة دا بنشوف موضوع الاشباح الحايمة في المنبر ...
دا كل ما عندي
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: ABUHUSSEIN)
|
يا تهريف يا خطير .. بتعجبني لما تعمل فيها واثق من نفسك .
خليك من زمنك البتضيعو والدليل القاطع وحركات التسنير دي.
رأيك تقولو بدون ما تصنف الناس دا مدافع ودا ثيردباك لأنو
العملية نقاش ووجهات نظر متبادلة .. ما في زول أو بالاحرى
أنا ما قلتا ليك هنا اتا بتدا فع عن جلالدونا .. بناقش فيك باعتبارك
صاحب وجهة نظر ورأي مخالف فالمفروض تكون معاملتك
بالمثل لو اتا عايز تناقش ومالي يدك.. لكن ورررراك وعاك وتدبيج
الألقاب والتشبيهات دي بتنقلب عليك كان هنا في البوست دا واللا
في غيرو فأحسن تنتهى عنها.
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: طلحة عبدالله)
|
نذكر السادة المشاهدين بأن عضو المنبر حاتم إبراهيم سرق في 2014 موضوع كتبه معروف ابو الحسن طالب الماجستير كلية العلوم جامعة الخرطوم في 2010
و رغم الدفاع المستميت من جماعة الحرامي إلا ان الحقيقة ظلت ثابتة كما هي ...
😂😂😂😂😂😂😂😂😂😂😂😂😂😂
😂😂😂😂😂😂😂😂😂😂😂😂😂😂
😂😂😂😂😂😂😂😂😂😂😂😂😂😂
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: طلحة عبدالله)
|
Quote: قبل البوست ده موضوع إنو شبح (بمعنى يكتب بيوزر غير إسمو الحقيقي ) ماكان بيعني شي ، بعد البوست ده و المقال المكتوب من 2010 و اتكتب بأسمو هنا 2014 ، و عدم جرأة حاتم على الحضور عشان يفسّر التطابق ده ، إحسان الظن بحاتم بيقودك إلى إنو شبح .. الخيار التاني إنو حرامي .
لا أحد غيرو ممكن يفسّر المسألة دي يا محمد ، مبرّراتية حاتم طبعاً ، بيفتكروا التساؤل المشروع ده بحث عن خصوصياتو !!
مع وضوح المسألة تماماً لكل صاحب بصيرة .. أذاً البيمنع حاتم شنو يجي و يفسر المسألة دي ؟ |
وعليكم السلام يا محمد محمود
انا قصدت بسؤالي من اعتبر او يعتبر حاتم ابراهيم شبح - بمعنى انه يستخدم اسم غير اسمه الحقيقي - في هذا المنبر و المسالة دي من قبل هذا البوست
بالنسبة لقولك ان المسالة كانت لا تعني شيئ قبل هذا البوست يمكن بالنسبة لك لكن بعض الزملاء تعني لهمكل شيئ في صراعهم معه وبعضهم ترك كل الحجج و التحديات وتفرغ لهذا الأمر
نقطة عدم جراة حاتم على الحضور دي حركات ساي زي محاولات قهر المختلفين باوصاف مثل حواريين و شيل اباريق وبتاع.
سؤالي اعلاه اهميته ان مسالة فلان شبح ولا نعلم عنه شيئ تم توظيفها كأداة في الصراع لا اكثر, وإلّا لم لا يتم السؤال عن كل عضو يقدّم نفس أو أقل من المعلومات عن نفسه مثل ما فعل حاتم
عموما لا يزال السؤال قائما لكل من استخدم هذا الكرت في صراعه هو أو صراع احد اصدقائه أو شيعته أو ردا لجميل أومجاملة لنسيب أوقريب ...
ابو حسين ياخي ما تكون ممل, قضيتك واضحة ووصلت نهايتها بالنسبة ليك, اها قول للسنة الجاية حاتم دا ما دخل هنا ولا هبّب لموضوع السرقة دا في اي مكان كدي ورينا خطوتك الجاية شنو؟ حتعمل شنو وفي ايدك شنو؟
خلاص طالما الموضوع مطروح وما فيه اضافة ممكن تقدّمها خلّينا بي راحتنا نمارس المعط و التفشيل و تسخين الآكشن ياخي انت براك شايف الحالة و الملل الفيه البورد ما صدّقنا لقينا لينا بيت لعبة
ثم للريكوردز - انا ما متفق معاك تماما, انا اقول ان المعطيات القدّامنا تقول ان حاتم هو الناقل عن معروف وحاتم مطالب بالرد على النقطة دي, لكن قناعتي و حدسي غير الملزم لأحد غيري يقول أن حاتم هو صابر غذن لا سرقة هناك
فا شنو... ممكن تقول انا معك في جزئية ان هناك قضية ومطالبة حاتم بالرد عليها فقط
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
يا محمد البشرى
شبحية أو وجود اليوزرنيم حاتم ابراهيم بنفس الاسم دا دي انا بعتبرو موضوع آخر ممكن يطل برأسو حسب إجابة حاتم وانا بعتبرو غير ذو جدوى كبيرة لكثير من الناس
ياهو الناس كانت متقبلة اسماء حركية كتيرة في المنبر دا ولا زالت تكتب
البوست مبني على فرضيتين
1- حاتم ابراهيم = معروف ابو الحسن
2- حاتم ناقل للمقال ومتبني ما فيه من حقائق دون ذكر المصدر ما يندرج تحت السرقة الاسفيرية
اثبات الفرضية الأولى بنفي الفرضية التانية وبعدمها من الوجود
نفيها بثبت الفرضية التانية ما لم يأتي حاتم بمبرر واضح لعدم ذكره المصدر
دخول حاتم للإجابة بخلي النقاش ماشي في اتجاه واحد وقد يصل لنهايتو
وإلا سوف تظل الفرضيتان موجودات في البوست بفرص متساوية
اتمنى جدا دخول حاتم
بوست اكشن من الزمن الجميل على عكس ما يحاول أن يصورو بعض أفراد فريقكم
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: حمد عبد الغفار عمر)
|
سبق و ان تداخلتُ في هذا البوست
واصفاً ما يحدث بأنه نوع من الإنصرافية أشبه ما تكون بسبق حمير بالقلبا !
و فات عليّ انو ربما تكون هناك إشارة في العقل الجمعي الي قبيلة ما بعينها
و عليه ،فإن إستخدامي للعبارة جاء من باب الرمزية لإنصرافية البوست حسب اعتقادي
و لم اقصد الإساءة لأي شخص او قبيلة و اعتذر عن أي خطأ او إشارة خفيّة غير مقصودة .
و للجميع العُتبى حتي يرضوا ، خاصة الزملاء و الأشخاص الذين راسلوني في الخاص و نبّهوني لذلك .
...
تحياتي و إحترامي للجميع !
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
احصائية سريعة :
امير بوب = 119 مداخلة
ود البشرى = 60 مداخلة
ابوبكر عباس = 59 مداخلة
عبد العظيم عثمان = 52 مداخلة
.............
محمد المشرف = 48 مداخلة
معاوية الزبير = 40 مداخلة
جلالدونا = 35 مداخلة
عبد الغني = 30 مداخلة
وهبة الشبلي = 17 مداخلة
.
.
.
اقترح لفريق الاتهام الانتقال للخطة (ب) او اعلان الاستسلام ...
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
الاخ عثمان محمد صالح
كانت صيغة التخاطب معك دوما بصفة الاديب الاريب
مع اني لم اطلع علي كتاب لك مطبوع او منشور اون لاين
لكنك تملك كل الملكات الفنية للاديب .
ويبدوا انك غير متابع لخلفيات الاختلاف
الذي يُراد له ان ياخذ طابع (قومي) وانت
بمداخلاتك المرسلة عبر الاصدقاء
عرجت بنا الي منحي (ديني ) وبذلك نكون
في منطقة افتراق مفصلي وعلينا الخيار
بين الحق والباطل
بحكم متابعتي للمنبر في تلك الفترة
اصل الخلاف سؤال لحاتم عن بوست
افترعه الخواض ينسب فيه الاختلاف
بيننا والاثوبيين في الغناء ان اصواتهم
جبلية واصواتنا صحراوية ووصفها اسامة
بالدسمة ، حاتم انكر عليهم التصنيف والدسامة
علميا ، وقيل الاجابة عليه طُولب بالاوراق الثبتوية
وشهادة الميلاد واللجان الشعبية وغيرها ، ومارس
الشاعر الحداثي كل جهالات الجاهلية ، هسه انا عاوز
اسالك سوال في تاريخ الادب ممكن تجاوب عليه
باعتبارك في نظري اديب اريب ام سوف تمحو
ذاتي ويتهمني انصارك بالموبقات لاني خالفت
او اعترضت علي اجابة السؤال /B]
| |
|
|
|
|
|
|
|
|
|
Re: ► حاتم ابراهيم ... موضوع تعريفى ..◄ (Re: الامين عباس احمد)
|
الأخ الأمين عباس أحمد،
لك التحيّة وبعد،
ليس عندي تقديس للأستاذين الموصلي والخواض. بل أقدرهما. وقد ساءني جداً ماتعرّضا له من قبل حاتم
ابراهيم وشيعته الذين قصدوا ال ازراء بهما في حملة منظمة سلاحها لغة مغرقة في التفاهة والسوقية التي تنحدر بالذائقة الى أسفل سافلين. أمّا النقد فلا أحد يعلو عليه مهما سمت منزلته٬ وكيفما سُمّي محمداً أو يوسف أو أسامة أوغير ذلك. ولك أن تعلم أنني بإستثناء والديّ وجدتي من أمي٬ لا أقدس أحداً٬ والسلام.
عثمان محمد صالح
| |
|
|
|
|
|
|
| |
Osman M Salih
عمر دهب
معاوية الزبير
عليش الريدة
محمد البشرى الخضر
Maawya Hussein
Nasser Amin
ABUHUSSEIN
عبدالحفيظ ابوسن
علي دفع الله
حيدر حسن ميرغني
عبدالعظيم عثمان
محمد المسلمي
Hatim Alhwary
حمد عبد الغفار عمر
Salah Zubeir
محمد مجيدو
محمد محمود محمد
قسم الفضيل مضوي محمد
MAHJOOP ALI
فيس بوك
تويتر
انستقرام
يوتيوب
بنتيريست