Quote: السيل وهَّط العالي وعني الشَخَتور وإتخلط رحل عاد كبُّو مو معبور الوادي الرَّفَس سقَّايو في الصنقور ضَهبان سيلو في صدرو الشّدر مَدفور مِدّرِّع رقبتو ؤمِمّغي ومِمسُور ؤفار جِنحينو متمَدِّد بعيد مَغرور يوم التّالتة شقاقاً قبيل مغبور شقَّ خضارو مِن تحت التري المَمطُور سِنون البَضْرة تتلاصف مع الحيمور تقول زينة عروساً سَوُّوا ليها سِبور ودالعمدة قالو الليلة عندو طَهُور وفي قمرة وخريف عِز الشباب طمبور لي الصفقة ام رسيس وقفَنْ بنان الحُور ؤ كيف رص القزاز بِتلامَعَنْ في النور كفل البرمي سيدو وبي اللِّجام مهجور فِيهِن بينة كيف شُوفت المنلرة أم سُور مرقت مِنَّهِن راخيا القدم في فتور وبِتْوازن رزيز الهزَّة والحنجور الدّيس جرَّ فوق حِجْلَن رطَنْ معصور وشُبَّال ام سماح حرَْمان علي البزُّور تِتمايح فِريع بانة وحرير مجرور وتتفدَّع تقول دابي وصديرها نفور
دكتور جمعة الكباشي البري
الأستاذ باسط المكي والأستاذ الفاتخ مرغني والزوار والمتاوقين والتحيات الزاكيات للأستاذ والمستشار يحي عبد الكريم حاولت ان ارفدكم ببعض الصور ولكن النت لم يساعدني والله كمان اني زول ضهاري ارتكشت منو لا يسااااااااري محبتي
04-02-2013, 02:08 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
عشق كردفان. يا شيقا مش بقولوا : من بين ضروب وإحتمالات الموت هناك إمكانية أن يفنى المرء عشقا!.
Quote: اخخخخخخخخخخ ياخ اليوتيوب محجوب في المكتب
كويس عشان تركز لينا وتنورنا بحركة الاسهم في وول ستريت وبورصة هونغ كونغ اصلا اليومين دي مفكرين نستثمر في مجال الاسم والسندات بعد ما الذهب بقى ما جايب حقو.لووووووووووووول
قدرك تواريخ التواصل والرجوع .. لو تستري المطر الدموع .. لالوبه يا .... لالوبة في صحراء العنب .. يا غصة اللالوبه في صحرا العنب .. يا عورة الشرف المرفهة بي عرق حيل القطاطي .. وشدي حيلك يا القطاطي .. ويا بيوت الطين أقيفي .. (د. ابكر ادم اسماعيل) التحايا صاعدة لأصدقاء المنبر المتداخلين وإلي صديقي وملتقاي على الأرض الجميل باسط المكي .. لوحة طبيعية زاهية كانت هي الطالع من الحوار الفوق والممتد لاكثر من عامين ، والطالع دائما فيه تعبير عن قدرة المبتدر للفكرة وكانت خلاصات رائعة لذلك الانتقال في الغالب اللا محتمل ، جسدة الفاتح ميرغني ما بين المشارق وعصاري كردفان .. لكم الاحترام والتقدير
Quote: ]والتحيات الزاكيات للأستاذ والمستشار يحي عبد الكريم حاولت ان ارفدكم ببعض الصور ولكن النت لم يساعدني والله كمان اني زول ضهاري ارتكشت منو لا يسااااااااري محبتي
عبيد الطيب سلامات وين انت يالحبيب راجنك بالدلوكة وبالسلوكة لتيبة يوم وشراية يوم ولبنايتن تخدر في خريفنا الجاي جيب جديد الصور من عصاري كردفااان ومن كل بلاء تسلم منتظرك جد
04-03-2013, 02:27 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
Quote: الأستاذ باسط المكي والأستاذ الفاتخ مرغني والزوار والمتاوقين والتحيات الزاكيات للأستاذ والمستشار يحي عبد الكريم حاولت ان ارفدكم ببعض الصور ولكن النت لم يساعدني والله كمان اني زول ضهاري ارتكشت منو لا يسااااااااري محبتي
عزيزنا استاذ عبيد الطيب. مشكور على المرور بعدين يا حبيب البوست د لامي ضهاري على مدن وارياف. ويا حليل محاكم المدن والارياف! زمن!. في إنتظار البترول أصلا انحنا النوستالجيا هدت حيلنا وغلبت شيلنا.
Quote: عاشقي مشارق وعصاري كردفان ......................................ســــلام حقاً ما بين الفاتح ميرغني و باسط مكي كل الجمال
عزيزنا صلاح احمد عيسى تحاياي النواضر. باسط ده عبارة عن حائط مبكى وكتين الشجن يفيض ويدفق. إستدعاء لروح فينست من اعماق المدينة وفي عمق المواجع، تسمع منه قولا يزيح عنك كدر الغيوم!
محبتي
04-05-2013, 02:11 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
حكاية طريفة عن العالم ألبرت أينشتاين صاحب النظرية النسبية، فقد سئم الرجل
تقديم المحاضرات بعد أن تكاثرت عليه الدعوات من الجامعات والجمعيات العلمية، وذات
يوم وبينما كان في طريقه إلى محاضرة، قال له سائق سيارته: أعلم يا سيدي أنك
مللت تقديم المحاضرات وتلقي الأسئلة، فما قولك في أن أنوب عنك في محاضرة
اليوم خاصة أن شعري منكوش ومنتف مثل شعرك وبيني وبينك شبه ليس بالقليل،
ولأنني استمعت إلى العشرات من محاضراتك فإن لدي فكرة لا بأس بها عن النظرية
النسبية، فأعجب أينشتاين بالفكرة وتبادلا الملابس، فوصلا إلى قاعة المحاضرة حيث
وقف السائق على المنصة وجلس العالم العبقري الذي كان يرتدي زي السائق في
الصفوف الخلفية، وسارت المحاضرة على ما يرام إلى أن وقف بروفيسور متنطع وطرح
سؤالا من الوزن الثقيل وهو يحس بأنه سيحرج به أينشتاين، هنا ابتسم السائق
المستهبل وقال للبروفيسور: سؤالك هذا ساذج إلى درجة أنني سأكلف سائقي الذي
يجلس في الصفوف الخلفية بالرد عليه... وبالطبع فقد قدم "السائق" ردا جعل
البروفيسور يتضاءل خجلا!!! __________________
لوووووووول يا شيقا. اقول ليك حاجة محاضرتك القدمتها في قطر ديك انا حفظتها باقي أنت تحفظ محاضرتي بتاعت طوكيو ونتبادل الادوار ومراكز القوى ظااااتها. يا شيقا إنشتاين ده منو؟
محبتي
04-09-2013, 04:57 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
يا باقي ده كلام قاسي لكن بيؤكد إنو الحب خط احمر العوازل بحاولوا دايما إقامة جدار برلين والأحبة عينهم على قصر زيدان: " يا قصر الشوق لو هداك حبيبك ومر ليك صدا بأبنيك بغلاوة الريد محال انا قصري يتهدا" فرق بين جدار برلين ومونة الخرصان وقصر زيدان ومونة الوجدان ، مش؟
محبتي
04-13-2013, 10:00 AM
عبد الباقي الجيلي
عبد الباقي الجيلي
تاريخ التسجيل: 06-23-2004
مجموع المشاركات: 1613
طولنا من قدلة الشاب المعطر الفاتح واى قدلة هى بشارع القبة متجها غربا ليقطع قوز ارفع صدرك ويقبل على قوز قزح قبل ان تغيب الشمس
ونحن نختلس النظر لان الفاتح ماساير براه لكن معاه صبية اقل ماتحمل سماحة كردفان وسحرها لونها منقة من جناين البابجديد وعطرها جوافة من جنينة عمك عبدالباسط فى الملبس وبين هدا وداك فلها بسمة متل شخب الحليب تنز رغوته من حلة درى محلوبة قريب وجاية جرى لناس الابيض لتقول للفاتح نحنا هنا جمال فطرى من ديار البقارة ولك ان ىتختار بين البنت الجوافة وبين البن الحليب واى اختبار هدا وانا منيقن بان الفاتح لايقدر على الاختيار........ارح وقبال تصل ارفع صدرك اوع تزعل البنية الجوافة وتبوح لها بهدا العرض
04-14-2013, 04:59 PM
عبدالمجيد المقابل
عبدالمجيد المقابل
تاريخ التسجيل: 02-01-2010
مجموع المشاركات: 1099
من اليمين ؛ ياسر إبراهيم محمد صالح - كابتن المنتخب الفاتح ميرغني - عمر حسن سيد أحمد ( فريق تنس الطاولة المشارك في الدورة المدرسية بالدويم و الذي حاز علي الميدالية البرونزية علي مستوي السودان ) = إهداء لحبيبنا الفاتح ميرغني و حبيبنا إسماعيل حسن الذي حاز علي أفضل لاعب كرة قدم في تلك الدورة = يا عزيز سنغاقورة إنتو عاملين للزول دا مصدات عشان كدا ما داير يجينا في السودان يا مستشارنا شيقا الزول دا متجدع من زمان شي تنس و شي باص جيتار و مزازيك = الصورة من إلبوم الصديق الفنان عمر خليل مودتي و معزتي
04-15-2013, 03:18 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
يا عزيز سنغاقورة إنتو عاملين للزول دا مصدات عشان كدا ما داير يجينا في السودان
يا د. مجيد سلام (الصورة انما ايه... لقطة بديعة وفيها براءة كدا تسكن أعتى تسونامي)
ياخوي نحن شغالين بتكنولوجيا غربية.. ناس آبل ساي.. المشكلة في عملاق الشرق الاسمه سامسونغ ده.. الزول ده كم مرة بيقلع ويختفي في أجواء بحر الصين الشرقي نتصل على د. آدم عبدالحميد نسمع ليك صوت الجراري بهناك.. ياخي ديل شبكتهم قوية جدا..
كان وصلنا هنا بيكون أخذ زوادة نصف الدين ويكمل النصف الآخر عندكم..
مودتي
04-15-2013, 03:27 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: قدرك تواريخ التواصل والرجوع .. لو تستري المطر الدموع .. لالوبه يا .... لالوبة في صحراء العنب .. يا غصة اللالوبه في صحرا العنب .. يا عورة الشرف المرفهة بي عرق حيل القطاطي .. وشدي حيلك يا القطاطي .. ويا بيوت الطين أقيفي .. (د. ابكر ادم اسماعيل) التحايا صاعدة لأصدقاء المنبر المتداخلين وإلي صديقي وملتقاي على الأرض الجميل باسط المكي .. لوحة طبيعية زاهية كانت هي الطالع من الحوار الفوق والممتد لاكثر من عامين ، والطالع دائما فيه تعبير عن قدرة المبتدر للفكرة وكانت خلاصات رائعة لذلك الانتقال في الغالب اللا محتمل ، جسدة الفاتح ميرغني ما بين المشارق وعصاري كردفان .. لكم الاحترام والتقدير
محمد الحارث سلامات ياخ وياحليل ملح الارض صدقني مسكتني هاء السكت من زمن بعيد حاليا بمارس صفة الاندراوة الفاتح واحد من السنابل المشتته في في بلاد الله البعيد ة رياح التواصل زارتنا في ليالي طويلة الشتاء كان الانس والسمر من قناديل الدخن والسمسم في كردفان وضهاريها وتحاريق التبلدي ونغمات ابراهيم موسي اباوزمبارة الرعاة في نواحي سودري وهداي القوفل تلك الحسناء في بادية الكبابيش كماذكرها الاستاذ حسن نجيلة وويسلم لي خال فاطنةاغنية تراثية من تلك الديارالتي اوصلتها لمسامعنا مهلة العبادية التي سجلت كلماتها في ورقة وصرتها في طرف توبها وراحت نص كلمتها في البلل كما ذكرت كانت مبدعة لدرجةالف رحة ونور عليها ومن ادبيات الدونكي ورزاز المطر في عروس الرمال طلة علينا الفاتح من سمرتنا وحكاوينا ووغناوينا يشبه الكتير من الناس في لمة الافراح والاتراح ومواقف ود البلد له التحية ولك عبر هذا الحوش الجميل بوجودكم ودام الود بين كل شباب بلادنا وعلي نيلنا سلام وشباب بلادنا سلام
(عدل بواسطة باسط المكي on 04-16-2013, 03:49 PM) (عدل بواسطة باسط المكي on 04-16-2013, 03:58 PM)
04-16-2013, 04:18 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
Quote: أول مرة أنتبه للعلاقة بين العوازل المعنوية .. ودعنا نقول الوجدانية .... والعوازل العضوية ... مثل جدار برلين والخرصانة والأسمنت ....
العوازل داروا بيها ...... يختوا لي ريدنا النهاية
عزولنا نام مرتاح وأنا قلبي بنزف دم ....
ما عارف قصة العوازل دي شنو مع المحبين .... لعله الحسد
عبد الباقي الجيلي تحيتي واحترامي في كلمات وادبيات الجابودي واحدة وردة البيرتجيب موية وصادفة احد الشباب من المنطقة في نفس البير دار بيناتهم حديث عفوي عن الحياة وكداوونسة عادية وكل واحد راح لحال سبيله ثاني يوم الفريق كل يتحدثهم وانشدت قائلة يااخو الشقيقة تهموني بيك رفيقة الناس غشم مابتعرف الحقيقة نجد نفس الخيط من التامل كماذكرت البعاد عازل والهجرة عازل وقلت ذات اليد عازل والغلب عازل والبيع عازل والبدل عازل زي جدار الاسمنت وكلهم عوازل لعلي اصبت المقصد ياعزيز مروركم شرف سلمت
04-16-2013, 04:36 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
Quote: ونحن نختلس النظر لان الفاتح ماساير براه لكن معاه صبية اقل ماتحمل سماحة كردفان وسحرها لونها منقة من جناين البابجديد وعطرها جوافة من جنينة عمك عبدالباسط فى الملبس وبين هدا وداك فلها بسمة متل شخب الحليب تنز رغوته من حلة درى محلوبة قريب وجاية جرى لناس الابيض لتقول للفاتح نحنا هنا جمال فطرى من ديار البقارة ولك ان ىتختار بين البنت الجوافة وبين البن الحليب واى اختبار هدا وانا منيقن بان الفاتح لايقدر على الاختيار........ارح وقبال تصل ارفع صدرك اوع تزعل البنية الجوافة وتبوح لها بهدا العرض
الاستاذ يحي عبد الكريم سلامات طولة منك اخر مرة تلاقينا في تلك الليلة الحزينة النبيلة ما بين غفشات محمد المهدي عبد الوهاب ووعبرة الحزن علي قامات سامقة من الابداع والانسانية بكل اسف الكتير يجهل تلك الديار والجمال الفطري في اصائل تلك القيزان الحبيبة يا استاذ شهيتنا السيرة وسماحة كردفان وتلك البسمات متل شخب الحليب وصف مبالغ فيه لبن ابيض متل لون الضمير والحق ويا جمال الصفقة في تلك الليالي الكردفانية سلمت يا استاذ من كل بلاء
04-17-2013, 05:09 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
كردفان الحنين الرحيل دمعات عندالغروب في وداع الاعزاء لسفر بعيد بدون متاااااع البحيراوي الف رحمة ونور عليك بكتب وانا اتذكر كلماتك نتلاقي في الخوي يابحيراوي كردفان فقدت تلك الوادعة دخلها شيتن كتر كنت شايل هم البلد والاذن السامعة لهدير الغبن في دواخل الغبش يامن حملت الشهيدة التاية بين ذراعيك الف رحمة ونور عليك يابلد حي جوة كل شرفاء بلادنا ولاحولا ولاقوة الابالله
06-30-2013, 11:06 AM
باسط المكي
باسط المكي
تاريخ التسجيل: 01-14-2009
مجموع المشاركات: 5475
ااقالدكم شوق ودمع وحنين التحيات لكم كل سنة وانتو طيبن هدهدتونا في لحظات الارق والتعب ارتحنا علي تفاصيل خواطركم وتداعيات عصية البوح كالعطر المعتق لايام جميلة لنا معها موعد باذن كريم احد ومن حزننا الكبير بتطلع اجمل احاسيس بالتواصل الممتدد من الكيبورد حتي البيوت تراحم واخاء التحية لكم ياشباب
07-08-2013, 01:45 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: ااقالدكم شوق ودمع وحنين التحيات لكم كل سنة وانتو طيبن هدهدتونا في لحظات الارق والتعب ارتحنا علي تفاصيل خواطركم وتداعيات عصية البوح كالعطر المعتق لايام جميلة لنا معها موعد باذن كريم احد ومن حزننا الكبير بتطلع اجمل احاسيس بالتواصل الممتدد من الكيبورد حتي البيوت تراحم واخاء التحية لكم ياشباب
باشمندس باسط والأحباب الغوالي. ثمة أناس يرحلون عن دنياواتنا - ايا كان الرحيل - فتأبى أحاسيسنا ووجداننا تقبل ذلك الرحيل. ومع ذلك فإنهم يرحلون. وكما قال صديقي الوريف عبدالباقي الجيلي" People go".
محبتي
07-08-2013, 03:50 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
اتمنى ان تترى الذكريات وتتداعى الامانى بعودة عصارى كردفان والقدلة ما خمج فى القوز الطالع لا ورا والونسة البريئة فوق رمال القوز تبدا العصير ولا تنتهى ابدا ولعلها تنتهى بعد ان يرخى الليل سدوله وتطل خيوط الفجر وتتذكر البنية السكرية من يتنظرها من الاهل فى البيت وتقوم نافضة رمل بارد لصق ببعض اجزاء جسمها الناعم ولعله ما
ايقظها من ذلك الحلم الجميل ....هذا ليس نسج من خيال لكنه واقع عشناه وصديقى الاصغر الفاتح فى اب قبة .....هل لك ان تتذكر يا فاتح ...ام أخذتك النداهة ولاتزال فاغرا فاه فى بلاد اليابان والسحر والشيطان
01-12-2014, 06:36 AM
باسط المكي
باسط المكي
تاريخ التسجيل: 01-14-2009
مجموع المشاركات: 5475
وفي ديار شرق كردفان كان امحُمد ودالمكي أحد الشعراء والطمبارة الصعاليك يشد الرحال على ظهر ناقته إلى أى حله من الحلال يصله خبر عرس أو حفلة تتم دعوته ليشارك في ليالي الفرح التي قد تمتد لأكثر من اسبوع احياناً ، فهاهو يقول:
شديت العِصـير قاصِـد جناين بارا لي زولاً هِناك فايت البنات في الداره الزول القبيل قطع الطريق يتضارى زاد ليَّ خافِق صـدري ولَّـع نـارَه
شدّيت العِصـير لاح ليْ بِريقاً قِبلي طِريت ناساً هِناك أحبابي هُمَّ واهلي الزول القِبيل قطع الطريق من قبلي زاد ليَّ نيران قلـبي ، دمـي بيغلي
والمحبة للجميع
02-10-2014, 08:57 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
Quote: في ديار شرق كردفان كان امحُمد ودالمكي أحد الشعراء والطمبارة الصعاليك يشد الرحال على ظهر ناقته إلى أى حله من الحلال يصله خبر عرس أو حفلة تتم دعوته ليشارك في ليالي الفرح التي قد تمتد لأكثر من اسبوع احياناً ، فهاهو يقول:
شديت العِصـير قاصِـد جناين بارا لي زولاً هِناك فايت البنات في الداره الزول القبيل قطع الطريق يتضارى زاد ليَّ خافِق صـدري ولَّـع نـارَه
شدّيت العِصـير لاح ليْ بِريقاً قِبلي طِريت ناساً هِناك أحبابي هُمَّ واهلي الزول القِبيل قطع الطريق من قبلي زاد ليَّ نيران قلـبي ، دمـي بيغلي
ود المكي سلامات بالله تامل الكلام دة مرة تاني وشوف الكلام دة بصور واقع ذاك الزمن بادق تفاصيله تصوير دقيق تحياتي عبرك لكل بوادي كردفان
10-09-2017, 04:11 PM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
شجن فوّار ساي ياخ بوست زي دا ممكن عادي يستخدموه ترياق لأشد السموم فتكاً في الجسم والروح سلام الفاتح وسلام باسط ماهذا الجمال .. إنّا لله ياخ
كدي يا باسط ورهطه سوقوا البوست دا لي قدام خلوهو يفك الاختناق الفي المنبر دا شوية ........................ عمر ابوعاقلة سلامات وتحيات طيبات وانت كمان سوق وواصل نحنا وراك ..انت عارف بكل اسف لم نعرف مجاهيل بلدنا واريافنا الحبيبة لك كل الود وواصل
04-07-2014, 02:58 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
سلام المرهفين باسط والميرغني وشكرا على الترحاب من تداعيات البوست وبعد إذنكم طبعا أستعنت بصورة منه وفتحت بوست في الفيسبوك . قلت الانسان العصري يظل يحلم بفيلا جميلة في حي راقي ويجعلها هدفا . لكن عندما يحكي عن ذكرياته يحكي عن رحلاته في الخلاء والبراري مع الخضرة والريف والبسطاء والفلكلور . نحن قوم متناقضين طالما أنه رفاهيتنا تتعارض مع طموحاتنا .. أحلامنا كذلك ضد آمالانا . والا لما تركنا هذه الطبيعية الساحرة التي هي الحياة كما تقول كل الكتب وصرنا نتزاحم في المدن والعواصم حيث التلوث والكآبة والظلم والظلام والظلمات . تعرفوا أول ما جيت السعودية في أواخر التسعينات أول مرة أشوف التفاح الأخضر .. طبعا أول تعليق أنه ليه ما سابوه يستوي .. لأنه حسب علومنا وتجاربنا السابقة وعلى ندرتها أنه التفاح أحمر فقط . وأول قضمة جاني طعمه كطعم الكسرة بالروب و السكر , حموضة قوية مع قليل من الحلاوة .. لكن ذات الطعم وسرحت بالخيال والذكريات كأنه أدخلت سيدي في رأسي . الراكوبة والغنم والجدة تحلب وتخش السعن وتعمل الروب وتعشيك بطرقات كسرة مع السكر تمتلي وتشرب باقي ( الحترب ممزوجا مع اللبن ) .. وقلت لمن يسمعني والله نحن ربنا ما كان حارمنا من شئ فقط الاختلاف في الشكل والمضمون . مع أفضلية هذا الحنين الذي لا زال يؤرقنا كل ما قلبنا مثل تلك الصفحات .. واصلوا وكل ما قفلت معاي بطل عليكم .
10-10-2017, 00:21 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
رحم الله البحيراوي وكانتونا وأمد الله في أيامكم .. الظاهر فعلا الكبر دخل العضم .. معقول بوست توثيقي بهذه الروعة والحفاوة بالأرض والإنسان على شرف إبنها المبدع المتميز الفاتح .. يمضي بدوراته الزمنية وصفحاته الخمسة دون أن المحه إلا اللحظة !!!!.. الشكر لك أخي باسط المكي ورفاقك أن بسطتم لنا كل هذا الجمال الكردفاني . قلت ما اجيكم ايدي فاضية :
10-10-2017, 05:43 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
رحم الله البحيراوي وكانتونا وأمد الله في أيامكم .. الظاهر فعلا الكبر دخل العضم .. معقول بوست توثيقي بهذه الروعة والحفاوة بالأرض والإنسان على شرف إبنها المبدع المتميز الفاتح .. يمضي بدوراته الزمنية وصفحاته الخمسة دون أن المحه إلا اللحظة !!!!.. الشكر لك أخي باسط المكي ورفاقك أن بسطتم لنا كل هذا الجمال الكردفاني . قلت ما اجيكم ايدي فاضية .............. محمدطه الملك ..ياخ دة شرف كبير ياخ نحنا غافلين عن كل شئ جميل في بلدنااااا من الانسان الي كل مافي الطبيعة البكر والهواء العفا النقي كل اقراء هذا البوست اتذكر.رائعو محمد المكي ابراهيم.. سودان يقاسى يا شعراء الشع فدعونى أسمعكم شجوى شجوى أدعوه قطار الغرب
اللافتة البيضاء عليها الإسم باللون الأبيض باللغتين عليها الإسم هذا بلدى والناس لهم ريح طيب بسمات وتحايا ووداع ملتهب كل الركاب لهم أحباب هذى إمرأة تبكى هذا رجل يخفى دمع العينين بأكمام الجلباب "سلم للأهل ولا تقطع منا الجواب" وارتج قطار الغرب، تمطى فى القضبان ووصايا لاهثة تأتى وإشارات ودخان وزغاريد فهناك عريس فى الركبان
ها نحن تركنا عاصمة الإقليم ودخلنا وادى الصبر كل الأشياء هنا لا لمعة تعلوها كل الأشياء لها ألوان القبر الصبر الصبر الصبر الكوخ المائل لا يهوى والشجر الذاوى ليس يموت والناس لهم أعمار الحوت أحياء لأن أبا ضاجع أما أولدها فأسا يشدخ قلب الأرض يحتاز كنوز الأرض ويبصقها دما لتظل البورصة حاشدة والسوق يقام وقطار الغرب يدمدم فى إرزام تتساقط أغشية الصبر المترهل حين يجئ ألوان الجدة فى وديان الصبر تضئ والريح الناشط فى القيعان يمر يا ويل الألوية الرخوة يا ويل الصبر
10-13-2017, 12:27 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
Quote: طلب خاص:سلام يا عبدالمجيدبالله أعد الدرس دا (بسبب تقادم السيرفر) : فريق تنس الطاولة المشارك في الدورة المدرسية بالدويم مودتي لجميع من مرّ بهذا المقام الأنيق
حبيبنا عمر ابوعاقلة همسة شوق تصدق انا ذاتي الصورة دي شفتها وما سيفتها وبعد داك بروفيسور مجدي ابتزاني بيها1 لكن خليني اوصف ليك كان الوصف بينفع: شين ودِشِن
محبتي
10-15-2017, 01:51 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
حبيبنا عمر ابوعاقلة همسة شوق تصدق انا ذاتي الصورة دي شفتها وما سيفتها وبعد داك بروفيسور مجدي ابتزاني بيها1 لكن خليني اوصف ليك كان الوصف بينفع: شين ودِشِن
محبتي.. ............ ياخ شدتني شديد لمعرفة الوصف الشين ودشن تحياتي ياعزيزتصلك عبر تباشير الشتاء الدافئ
10-16-2017, 02:46 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: سلام المرهفين باسط والميرغني وشكرا على الترحاب من تداعيات البوست وبعد إذنكم طبعا أستعنت بصورة منه وفتحت بوست في الفيسبوك . قلت الانسان العصري يظل يحلم بفيلا جميلة في حي راقي ويجعلها هدفا . لكن عندما يحكي عن ذكرياته يحكي عن رحلاته في الخلاء والبراري مع الخضرة والريف والبسطاء والفلكلور . نحن قوم متناقضين طالما أنه رفاهيتنا تتعارض مع طموحاتنا .. أحلامنا كذلك ضد آمالانا . والا لما تركنا هذه الطبيعية الساحرة التي هي الحياة كما تقول كل الكتب وصرنا نتزاحم في المدن والعواصم حيث التلوث والكآبة والظلم والظلام والظلمات . تعرفوا أول ما جيت السعودية في أواخر التسعينات أول مرة أشوف التفاح الأخضر .. طبعا أول تعليق أنه ليه ما سابوه يستوي .. لأنه حسب علومنا وتجاربنا السابقة وعلى ندرتها أنه التفاح أحمر فقط . وأول قضمة جاني طعمه كطعم الكسرة بالروب و السكر , حموضة قوية مع قليل من الحلاوة .. لكن ذات الطعم وسرحت بالخيال والذكريات كأنه أدخلت سيدي في رأسي . الراكوبة والغنم والجدة تحلب وتخش السعن وتعمل الروب وتعشيك بطرقات كسرة مع السكر تمتلي وتشرب باقي ( الحترب ممزوجا مع اللبن ) .. وقلت لمن يسمعني والله نحن ربنا ما كان حارمنا من شئ فقط الاختلاف في الشكل والمضمون . مع أفضلية هذا الحنين الذي لا زال يؤرقنا كل ما قلبنا مثل تلك الصفحات .. واصلوا وكل ما قفلت معاي بطل عليكم .
عزيزنا الأديب القاص الدرديري كباشي ياخ شيل بلا استئذان وأحكي وتدفق! رجعتني لأيام مملؤة بالحنين والشجن: الراكوبة والغنم والخريف و" اللِبا" . والراكوبة قبل الخريف لمن يعملوا ليها صيانة كنا نقعد تتفرج في الأسطى أو المعلم وهو يؤدي علمو بهمة وترتيب مفتعل وكأنك تشاهد عملية هندسية لتفكيك برج خليفة.! وطبعا كان عندنا غنم بنوديهم الصباح للراعي ويجن المغرب راجعات البيت براهم زي المركبات مكنة سيارة قوقل ذاتية القيادة" . وطبعا كانت أجمل اللحظات بالنسبة لينا لمن الغنماية تلد لأنو الوالدة ،عليها الرحمة، كانت بتعمل لينا اللِبا، وده من أجمل وألذ الأشياء التي اكلتها في حياتي. أها مرة السفير بتاعنا عزمنا عشاء وجاب لينا "الليبا"*. وعرفت منه إنه في الإمارات يباع في السوبرماركت. والله العظيم دخلتني حالة شجن تمنيت في الساعة ديك لو أرجع الأبيض في لحظتها! "الغربة إن شاء الله تعقري" -- *اللِبا: أول حليب بعد الولادة محبتي
10-16-2017, 03:44 PM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
لا والله نحن كدا ما بنقبل خرخرة بس مننا .. ندك البوست دا ونوزع جماله دا من جديد انتو بتلعبوا بي مشاعرنا ولا شنو .. عشان برالمة يعني قال شين ودشن قال .. ما دي الحلاة زااااااتها ات قايل شنو !!!!
تخريمة: لو غلبتك رسلها لي في الخاص أها قصرت معاك ؟؟
10-16-2017, 01:47 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
يا الطبيعة الواديك ساكن مافي مثلك قط في الأماكن ... التحية لك الاخ الاستاذ باسط المكي والتحية لك الاخ الاستاذ القامة الفاتح ميرغني على البوست الجميل الدافئ وعلى هذا الجمال الوريف ... متابعين وواصلو في هذا الجمال الكثيف ...
تحياتي : ياسر العيلفون .... ............................................. الاخ ياسر السر التحيات عبرك لكل الاهل بالعليفون ..بلد ادريس ود الارباب خلوتو كم علمن وكم درسن الاجيال والاجيال شكرا لك ياعزيز وكمان نحن في انتظارك ان تنداح لنا هناااااااا ياخي تمنيت ازور العليلفونج الا القدم ليها رافع
10-16-2017, 06:07 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12482
حبيبنا باسط .. بوست جميل .. لا اعرف لماذا لم أنتبه لهذا البوست من زمان حبيبنا الفاتح ميرغني .. هذا الاعلامي الموهوب أعتبره شخصية عالمية .. كان في بوست عن ترشيح رئيس للسودان .. أذكر أنني رشحت الفاتح ميرغني لأنه مواطن عالمي لديه خبرة بكل بقاع العالم .. وهذا الابداع لم يأت من فراغ بل من هذه البيئة الكردفانية التحية لكم أيها الاحباب لهذا الجمال والطبيعة والابداع ================ نحن جيل زمان شوية .. كنا في عز الشباب في السبيعنات عندما ظهر الفن الكردفاني ودخل اهل كردفان في قلوبنا ودواخلنا بمجموعة ( فناني كردفان ) وأصبحت الصورة الذهنية للكردفاني هي الابداع والجمال والعمق وظهر فناني كردفان بعد موجة أهلنا الشايقية ( كرم الله ، ووداليمني وباقي المجموعة ) فكان ناس عبدالقادر سالم ، عبدالرحمن عبدالله ، أبراهيم موسى ... إلخ ونحن في اقصى الشمال وصلتنا الرسائل من كردفان .. لحن وكلمات وإبداع مصطلحات مثل ( شقيش ) و ( وقدريشنا ) وغيرها من المفردات التي كانت غريبة علينا بل كان الطلبة يطرحون معناها في مسابقات ليالي السمر .. الغزو الكردفاني جاء وعم الوطن بقفاز الفن والجمال والابداع .. هكذا سكنوا في اللاشعور السوداني بجمال الطبيعة والانسان .. فكانت أجمل صورة نمطية للكردفاني لدى باقي الوطن نعم بمجرد ذكر إسم كردفان يستحضر الشخص ( بارا ، أم روابه ، الابيض غرد .. إلخ .. التبلدية )
واصلوا هذا البوست الرائع شكراً باسط وشكراً الفاتح
10-17-2017, 11:35 AM
ياسر السر
ياسر السر
تاريخ التسجيل: 08-06-2010
مجموع المشاركات: 3204
حبيبنا باسط المكي اهل العيلفون يبادلونك التحيات بتحيات والف مرحب بك واكيد النية زاملة سيدا وان الله مد في الاجال بتزور العيلفون ونتشرف بك اخي الكريم .... وكم تمنيت ايضا ان ازور كردفان الغرة ام خيرا جوة وبره هذه البلد الجميلة المعطاءة التي الهمت كثير من شعراء بلادي بان يقولو ما لم يقله مالك في الخمر فهي مهبط فن وجمال ويكفيها فخرا ود القرشي الذي مازال يحيا بيننا بابداعه المدهش ولي في كردفان احباب واهل واصدقاء وزملاء اكن لهم كل الود والتقدير واتمنى ان اوفق في زيارتها والتمتع بجمالها الاخاذ ،،، ولكن هي الاقدار تحدفنا حيث تشاء ولا نشاء ولكن في البال وفي الخاطر ان شاء الله ... ولا يفتى ومالك في المدينة ياخ انت والاستاذ الفاتح قامات لا يمكن الدخول معكم في اي اندياحات فقط نحن نتابعكم من على البعد فواصلو في هذا الخيط البديع ... شاكر ومقدر كلماتك الطيبات وهذا من طيبك واصلك السامي ..
تحياتي : ياسر العيلفون .....
10-17-2017, 11:49 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
رحم الله البحيراوي وكانتونا وأمد الله في أيامكم .. الظاهر فعلا الكبر دخل العضم .. معقول بوست توثيقي بهذه الروعة والحفاوة بالأرض والإنسان على شرف إبنها المبدع المتميز الفاتح .. يمضي بدوراته الزمنية وصفحاته الخمسة دون أن المحه إلا اللحظة !!!!.. الشكر لك أخي باسط المكي ورفاقك أن بسطتم لنا كل هذا الجمال الكردفاني . قلت ما اجيكم ايدي فاضية : ------ عزيزنا الملك مشكور على الإهداء الجزل . ثم مرورك في حد ذاته( Per se) إثراء للبوست، ناهيك عن جلب هذا الكليب شديد الشجن والعذوبة! وبالمناسبة دي أهدي ليك أغنية لطاما أشجتني وأسرت بي إلى سموات الفرح والمسرة: البعض قالوا:" كتبها الشاعر في أستاذة للفنون الجميلة بكلية المعلمات بالأبيض" وآخرين قالوا:"كتبها في فتاة جميلة شاهدها في حفلة وكانت محننة"! " رسوماتك"
محبتي
10-17-2017, 05:03 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
يا الطبيعة الواديك ساكن مافي مثلك قط في الأماكن ... التحية لك الاخ الاستاذ باسط المكي والتحية لك الاخ الاستاذ القامة الفاتح ميرغني على البوست الجميل الدافئ وعلى هذا الجمال الوريف ... متابعين وواصلو في هذا الجمال الكثيف ...
تحياتي : ياسر العيلفون .... ............................................. ا لفنان الجميل يا سر العيلفون حمدا لله على السلامة، وبعد غيبة التقينا( بصوت عادل مسلم)! " يا الطبيعة الواديك ساكن مافي مثلك قط في الأماكن .." ياخ ده بيت مشحون عذوبة وشجن وجرس وموسيقى لمن مدفق بي غادي، رحم الله "فتى صاي الأبنوسي"، كما يحلو لمنصور خالد مناداته!. تعرف با عزبزنا، قبل فترة كنت بتكلم مع باسط، وجاب سيرة مبارك حسن بركات والعيلفون، فقلت ليهو العيلفون دي ارتبطت دوماً في الوجدان بالمبدع الراحل مبارك حسن بركات، زي ما ارتبطت جورجيا بالمبدع الراحل ري شارلس! ! واتذكرت عبارة ،أظنها منسوبة لماركيز لو ما اخاف الكضب، بيقول فيها" من بين الإحتمالات الجميلة، هناك دائما إحتمال أن يموت المرء عشقا أو جمالا". عايتو يوم بتكتل ليك زول في المنبر ده!!! فتشت " عيون الصيد" بصوت مبارك حسن بركات عشان أهديها ليك حتى تتحقق التوأمة الطربية بين الأبيض والعيلفون وما لقيتها ، رغم إني سمعتها بصوته الشجي في حلسة خاصة في الابيض!
محبتي
10-18-2017, 06:52 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
حبيبنا باسط .. بوست جميل .. لا اعرف لماذا لم أنتبه لهذا البوست من زمان حبيبنا الفاتح ميرغني .. هذا الاعلامي الموهوب أعتبره شخصية عالمية .. كان في بوست عن ترشيح رئيس للسودان .. أذكر أنني رشحت الفاتح ميرغني لأنه مواطن عالمي لديه خبرة بكل بقاع العالم .. وهذا الابداع لم يأت من فراغ بل من هذه البيئة الكردفانية التحية لكم أيها الاحباب لهذا الجمال والطبيعة والابداع ================ نحن جيل زمان شوية .. كنا في عز الشباب في السبيعنات عندما ظهر الفن الكردفاني ودخل اهل كردفان في قلوبنا ودواخلنا بمجموعة ( فناني كردفان ) وأصبحت الصورة الذهنية للكردفاني هي الابداع والجمال والعمق وظهر فناني كردفان بعد موجة أهلنا الشايقية ( كرم الله ، ووداليمني وباقي المجموعة ) فكان ناس عبدالقادر سالم ، عبدالرحمن عبدالله ، أبراهيم موسى ... إلخ ونحن في اقصى الشمال وصلتنا الرسائل من كردفان .. لحن وكلمات وإبداع مصطلحات مثل ( شقيش ) و ( وقدريشنا ) وغيرها من المفردات التي كانت غريبة علينا بل كان الطلبة يطرحون معناها في مسابقات ليالي السمر .. الغزو الكردفاني جاء وعم الوطن بقفاز الفن والجمال والابداع .. هكذا سكنوا في اللاشعور السوداني بجمال الطبيعة والانسان .. فكانت أجمل صورة نمطية للكردفاني لدى باقي الوطن نعم بمجرد ذكر إسم كردفان يستحضر الشخص ( بارا ، أم روابه ، الابيض غرد .. إلخ .. التبلدية )
واصلوا هذا البوست الرائع شكراً باسط وشكراً الفاتح ------ حبيبنا على عبد الوهاب نوّر بيتنا ناس عبدالرحمن عبدالله وابراهيم موسى ابا وصديق عباس وامبلينا السنوسي ديل كانوا سفراء لدى وجدان أهل وأقاليم السودان المختلفة، ولا ننسى طبعاً البلابل وخليل فرح ووردي خلونا نعرف عن حلفا أكتر من كتب التاريخ. وأعتقد أن الفن بشكل عام والقطار والبريد لعبوا دوراً محورياً في ربط أهل السودان بأكثر مما فعل الساسة وزارة الثقافة وبعض كتب التاريخ.! أهدي ليك " القمر بضوّي انا شِن بلاني بالنجوم"
محبتي
10-18-2017, 12:26 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
لا والله نحن كدا ما بنقبل خرخرة بس مننا .. ندك البوست دا ونوزع جماله دا من جديد انتو بتلعبوا بي مشاعرنا ولا شنو .. عشان برالمة يعني قال شين ودشن قال .. ما دي الحلاة زااااااتها ات قايل شنو !!!!
تخريمة: لو غلبتك رسلها لي في الخاص أها قصرت معاك ؟
خلاص يا حبيبنا ما بنختلف ولحدي ما نتفق على طريقة الإرسال، خليني أهدي ليك اأغنية ود الأبيض الجميل خليل اسماعيل، والتي عبّرت عن جمال التباين في السودان بأكثر من الدستور ذاتو: " الكمبا" بعربي جوبا وإنجليزي الدامر!! (يوم بيوم نبيع الكمبا في كافي كنجي ) محبتي
10-18-2017, 01:02 PM
عبد الباقي الجيلي
عبد الباقي الجيلي
تاريخ التسجيل: 06-23-2004
مجموع المشاركات: 1613
هسه أنا أقول شنو ؟ (وش عامل كيف كيف) في داعي تلقمني بحجر الكومبا ياخ دا إدهاش ما بعده إدهاش وأبو الخل زاتو يحسسك بالزمكان تسمع الأغنية كأنك حايم في سوق كونجو كونجو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة