|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: حبوبتي لابي الحاجة عائشة بت عبدالله كانت تمتلك دكان في سوق ابحهل في المربوع الواقع جنوب غرب المستشفى الملكي بالابيض وقد عملت هذا الدكان بعد وفاة جدنا عبدالله جادين عليه وعليهم الرحمة ومن ريعه ربت اعمامي وناس ابوي ولقد درجت على الذهاب اليها بعد الفطور اثناءالعطلة الصيفية لجلب المصاريف لعماتي في بيتهم الواقع شمال المدرسة الشرقية هذا السوق مرتبط في ذهني على ابداع المراة الكردفانية فهنا تجد البروش واعمال الزعف الملونة وبروش الزواج والطهور وحتى بروش الدخان (جعل الله ايامك كلها خميس ) وهناك المروحة التي تشبه علم الوالي هذه الايام غير خيرات كردفان التي تاتي مع موسم ناس دري وتعني لغير ناس كرفان البقارة عندما ياتوا في الخريف فهناك السمن واللبن الما خمج والجبنة العادية والمضفرة غير الاشياء التي ارى صورتها في هذا البوست ثم ان حبوبتي كانت تبيع الاكل يعني كسرة بملاح او عصيدة بملاح مع حبة سمنة كدة (تاكل وتبكي يا باسط والفاتح ) وفي هذا السوق ايضا الجزارة الصغيرة وسوق الخضر ناس المرحومة سكينة الحلبية جارتنا في الربع الثاني والتي نشتري منها لانها تزيد لينا اي حاجة نشتريها منها فيا باسط عصاري كردفان دي عصرتنا
|
مبارك جادين يالاروعتك ..غصت بالزمن مسافات وسنين وكاننا نحن في سوق ابجهل .. ونسة في حضرت الكباريات ........ بالغة عديل ....في الوصف الحي والسرد الدقيقق
كن بخير ووواصل
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: فى كردفان .. أجدادنا وحبوباتنا لا يدخلون بيوت العجزة والمسنين .. بل الأسرة ترعى شئونهم
|
بريمة ياخ الصورة دي بالغت فيها وقفت عندها كتير...واهو الدنيا مازالت بخير والرحمة بالكبار ..جذء من تربيتنا الاصيلة لاتبتعد يابريمة جرستنا بالصور وجااااااايك للمهن والحرف .. وصورة الكائن رهيبة رهيبة ..جايك بي مهلة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: بريمة محمد)
|
Quote: أحذية "تموت تخلى" .. يلبسها أبناء الرعاة فى كردفان .. وهى أختراع وصناعة كردفانية
|
اااااااخ يابريمة عذبتناااااا طعم التعب ....والفتر ..في ديداب غابات ووديان ..كم نجهلهااااااااا كم مشت عليها هذه الاخذية ...التي في يومن مااااااا اطاارات ...كم شققت ودايان ووحل ورمااال ما اجمل عقيلة انسسان كردفان .مبدع مبدع ياريت لوجبت لينا صورة صناعة الجفير للسكين البقارة المشهورة وواصل
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
ود مكي التلب
جاييييييييييييكم للجمال الهبشها ود ميرغني دا باقي لي زولك دا ركاب بالحيل في الجمال
يا اخوانا البحيراوي متابع ولا غفل مننا ؟
وين دكتور مجدي
وين الشيخ كبر
وين بريمة
وين تلب التلوب يحي ود عبد الكريم ؟
جاييييييييييييكم طب ان كانت في العمر بقية للنم السمح
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: البحيراوي)
|
Quote: جاييييييييييييكم للجمال الهبشها ود ميرغني دا باقي لي زولك دا ركاب بالحيل في الجمال
يا اخوانا البحيراوي متابع ولا غفل مننا ؟
وين دكتور مجدي
وين الشيخ كبر
وين بريمة
وين تلب التلوب يحي ود عبد الكريم ؟
جاييييييييييييكم طب ان كانت في العمر بقية للنم السمح |
الي الرائعين وكل من مرة من هنامشارك مشاهد وقارئ ومتااابع ابقو عشرة ..علي البوست. الي كل الذين يصنعون الفرح في دروب حياتنا .الي انسان بلدي الحبيب ....... احييكم دكتور عبد المجيد المقابل الاستاذ..التلب الطيب شيقوق الاستاذ اسماعيل حسن الاستاذ مبارك الجادين الاستاذ..يحي عبد الكريم الاستاذ هشام عبد الله الاساتذ ادم عمر الاساذ البحيراوي . الاستاذ فيصل محمد خليل الاستاذ محمد عبد الماجد الصائم الاستاذ كبر الاستاذ يحي عبد الكريم الاستاذ طارق جبريل الاستاذ جمال عنقرة الاستاذ عبد اللطيف بكري محمد الاستاذ خضر حسين الاستاذ بريمة محمد حبيب الكل واخو الكل الفاتح ميرغني انتم نجوم هذا البوست ..المتفرد بمشاركاتكم الرصينة والهادفة التي تسلط الضو علي .علي كردفان الغرة ام خيرا جوة وبرة وانسانها الطيب في الوديان والوهاد والجبال والغابات والطبيعة البكر التي يعشقها الكل في هذا الاقليم المتفرد في كل شي .. واصلو الكتابة والحضور.. تحياتي لكم جميعا واحد واحد .
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
Quote: لم أحظ من قبل بزيارة كردفان ياصديقي الجميل غير انني كنت واثقاً للغاية من جمالها ربما لكثرة ما اسمع عن هاتيك النواحي ـ السودان ده جميل للغاية ولا يجد الواحد منا سوي التحسر علي هكذا جمال ونحن نراه يتسرب كتسرب الماء من قبضة الكف ـ أنا ممتن لك ياباسط وانت تبرنا بهذه التصاوير البديعة شكراً لأنك وريتنا حاجة كما تقول الشفاهة السودانية . والأمنيات أن أرافقك في زيارة الي هناك حتماً ستكون الأجمل في حياتي . لك ولزوارك الكرام السلام والامنيات يا باسط يامكي |
استاذ خضر تحياتي عندمايتم التعاطي مع السياسة بمفهوم التجارة فالخطر لا يقتصر على حقوق العباد وإنما يتعدى ذلك ليطال الاوطان، وماشاء الله ناسنا ديل تجار دين ودولة.! شكري وافر على مرورك ونتمنى نلتقيك وتزور كردفان وتتعرف على جمال طبيعتها وإنسانها. محبتيQuote: عصاري كردفان دي عصرتنا |
مبارك جادين تحياتي أها إنت إتعصرت مع أنك فركة كعب او زي ما بيقول الفرنجة" One heartbeat away" من كردفان. طيب إنحنا المرقنا في بلادا طيرا عجمي نقول شنو غير نتساءل ونردد مع ود بارا " متين يا ربي يتحل قيدي". جاييك لطرائف اخوك ازرق. محبتي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
Quote: والله والله واله انتوا ما بتريحوا اصلا
يا اخوانا قلت ارتاح شوية من سودانيز دي اشوف لي هم غيرها .
الصباح دا قلت اتصفح اشوف البرامكة ديل كتبوا شنو في البوست اليتيم دا .
يا باسط شعر راسي قام حبة حبة لما لقيت الصور التي تفضلتم بها لاسيما صورة الصبي الراكب الجمل الانيق بالمخلوفة الانيقة . وصور الابالة والبقارة وشدر الطلح المتسولب عالي اعادني الى الطابق البوخة ... كما رحل بالذاكرة الى ايام الطفولة ونحن نركض في النهار من طلحة لطلحة لنحصد مناقيش الصمغ ( المنقاش يا الفاتح السحسوح هو الكعكول الكبير والمنقاش ايضا يا البحيراوي هو الالة التي تخرج الشوكة المكسورة في الراحة واعتقد تتشابه الاسماء عندنا في الصعيد مع المفردات الكردفانية . |
مستشارنا الطيب شيقوق. سحسوح شنو ياخ اولا انحنا طفولتنا دي كانت أكثر من عادية: كورة وام الصلص وام الحفر وكوركت . وكل يوم الواحد طاعناهو شوكة او خاشة ليهو سريحة، عشان كدة الواحد كان عندو معرفة بالمنقاش وبعرف ناس البيت خاتينوا وين. بمناسبة مفردة سحاسيح دي مرة إستخدمها السيد الصادق المهدي وقال " انا اولادي ما سحاسيح" وعلق على تلك المفردة محمد محمد خير( القديم) في صحيفة الخرطوم القاهرية حيث ذكر بأنه لم يكن يتوقع أن يكون السيد الصادق ملما بتلك المفردات " سحسوح وحنكوش" وقال مرة في ايطاليا كان معاهو شيخ قاطع جو مارين بمصيف في عز الصيف فما كان من الشيخ إلا أن صرخ " أحححححححححي السخانة"!.أها قال دي الحنكشة ذاتها إذا ما عرفنا بأن هذا الشيخ يؤدي اوراده مرات في فرن نووي( لوول). بمناسبة الحناكيش دي قالوا " حناكيش بتناقشوا في آخر السيديهات بتاعت شاكيرا .واحد قال ليهم أمس جدو عمر جاب سي دي( CD) للشيخ الحُصري فيهو سورتين Brand new!.( كويس ما دخل واحدة منهم في التوب الامريكي!!!). قلت لي المنقاش؟ محبتي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
فاتح
يا اخي جننتنا بالكمينة الجبتها دي بالجد حاجة ما عادية وفكرت اخمشها وافتح بوست بعنوان كمينة الطوب
والله يا الفاتح اكان ربنا قسم ليك ومشيت للطوابة في تايتهم ( تعرف التاية ولا برضك مسحسح هنا؟ ) ولقيتهم سوا ليهم ملاح كجيك بالبني كربو بتاع الدخن وقالوا كدا قلبوا ليك العصيدة على شوال مرشوش بحتحات دقيق ( دا لزوم الدقيق ما يلصق في الخيش) والله يا الفاتح تاكل فيها نامن راحاتك تحت يخمشن طين من العرق .
اها يا باسط انت متخيل الحاجة دي ولا برضك مسحسح ؟
Quote: سحسوح شنو ياخ اولا انحنا طفولتنا دي كانت أكثر من عادية: كورة وام الصلص وام الحفر وكوركت . وكل يوم الواحد طاعناهو شوكة او خاشة ليهو سريحة، عشان كدة الواحد كان عندو معرفة بالمنقاش وبعرف ناس البيت خاتينوا وين. بمناسبة مفردة سحاسيح دي مرة إستخدمها السيد الصادق المهدي وقال " انا اولادي ما سحاسيح" وعلق على تلك المفردة محمد محمد خير( القديم) في صحيفة الخرطوم القاهرية حيث ذكر بأنه لم يكن يتوقع أن يكون السيد الصادق ملما بتلك المفردات |
يا اخي انت حاشاك السحسة بس ربما اصابك فايروس السحسة الياباني
والله الصادق المهدي دا عندو مفردات برميها كدا تحيرك
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: بريمة محمد)
|
الفاتح
شفت صورة الحبيب البحيراوى التالية .. تحكى واقع يومى نشاهدوه فى البادية .. شوف لماذا تشرب الأبل من الموية التى يغرفها الولد ..
السبب الولد قاعد يضع الملح من الشوال المجاور له فى الماء (فى الباطية) .. وكل البهائم يتم تمليحها سواء بسقيها الملح مع الماء أو فى وضع الملح فى عناقريب عليها بروش كما فى حالة أبقار البقارة ..
تحية يا أخى البحيراوى على هذه الصورة الرائعة التى تحكى الكثير عن كردفاننا ..
بريمة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: بريمة محمد)
|
لماذا تحتاج الحيوانات للمحلح .. أقرأوا الأتى:
Quote: Salt deficiencies is more troublesome in cattle, as they always need salt every day for: (Na) osmotic pressure maintenance, acid-base balance, body-fluid balance, nerve transmission and active transport of amino acids, as well as cellular uptake of glucose carrier protein, and Na, as a part of salt, is a major cation of extracellular fluid and provides the majority of alkaline reserve in plasma. Chlorine is necessary for activation of amylase, formation of gastric HCl acid, and is involved in respiration and regulation of blood pH. Deficiency of salt include muscle cramps, rough coat, decreased feed intake, licking and chewing various objects, as well as decreased production. Dairy cows get hit the hardest first with salt deficiency, and may collapse and die if they have been salt deficient for a long period of time |
كيف عرف أهلنا أن البهائم تحتاج للملح .. هناك ظاهرة تسمى الحُيام .. تؤدى بالحيوانات إلى أكل البروش والحوايا والفرشات والملابس (التياب) مثل فراد الرعاة (غطى الرعاة) .. وحتى لعق الأرض .. تفادى هذه الظواهرة هو ما يفعله الصبى الذى يضع الملح فى الماء ..
ومالم يذكره التقرير .. الحيوانات التى يتم تمليحها ذات لحم طاعم ويزن أضعاف لحوم الحيونات غير المملحة وتنجب سنوياً وذات لبن وفير ..
بريمة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الطيب شيقوق)
|
ودشيقوق
والفاتح وبقية العقد المنضوم فى هذا البوست
المعذرة لعدم التواصل بسبب الباسورد وقلة المعرفة بتكنلوجيا النت
هذه دعوة مفتوحة للتلاقى فى أب قبة فحل الديوم الشهر القادم لنشهد بدايات الخريف " والرحلة
مما جميعه سأرتبها واخونا الفاتح يعرف المقدرة التنظيمية للعبدلله"
سنغنى فى العصارى مع القمارى تحت اشجار المانجو فى حدائق البانجديد وليت الاخ شيقوق يطلع هذه
المرة من دار البطانة الى بلاد حمر والبقارة وسيشاهد بام عينه حوريات يسقن الابقار فى ضواحى الابيض
فى دمرة من كثرة الامطار فى جنوب كردفان...والمحتفى به اوع تأخذك منا المشارق..فالمغارب فى هذا
الظرف من الزمان أحلى وأروع
لنرفع هذا البوست عاليا
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: وطعم الرحيل والحنين الابيض والملمات الرحيبة وضهاريها حيث الحياة مازالت بكر وسط تلك السهول. مااجمل مناظررحيل الابل محملة بالشيبريات في بدايات الرشاش |
أحبتي أبناء الأم الرؤم باسط والفاتح وكل من طل عليكم هنا زرفت الدموع لفراق تلك السهول الجبال وظل التبلدي وخرير الوديان وأريج الهشاب والدروت وسلايل الشعلوب والحنتوت وكوارق الضريصا وزهور البوده ورمال أبوقبة وزيوت أم روابة وفول النهود وضان حمر أأأأأأأأأأأأأأأأأأأأأأأأأأأأأأه لكم الود شـــــــــــــــــــطة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
سلام يا دكتور مجدي واستاذنا يحي ومستشارنا الطيب شيقوق.
عفوا فأنا قليل التداخل في المنبر بسبب مشغوليات الحياة، ولكن عندما تكتبون عن الفاتح ميرغني فالدخول يصبح فرض على كل من عاشره وعرفه.بعيدا عن المواهب التي يتمتع بها وإشادة الفنان الراحل عثمان الشفيع به كعازف بيز , وهو امر ليس محل خلاف ، فقد عرفته كأخ لي لم تلده أمي وكفى.
شكري العميق للباشمهندس باسط.
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
تحدثت لهم كذلك عن عدم وجود مهنة الحانوتي في السودان، ومسألة قيام اولاد الحلة بالمبادرة في حفر القبر عند وفاة أحد الأشخاص دون ان يطلب منهم أحد ذلك، بينما في اليابان عند الوفاة فلا بد أن يدفع أهل المتوفى حوالي 20,000 دولار هي ثمن التابوت وما يوازيها او ينقص قليلا ثمنا للقبر!!( يعني ميتة وخراب ديار!!).
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
" شين ودشن حر سيافى شين شين ودشن كلمة مافى شين وهظاره خشن بسموم وسوافى تسال شن الحبه الفيهو الحب في ذاتو مبرر كافي ماشين ودشن حار سيافى شين عشان بقعة خراب راويها سراب واطاطا حجر حصحاصا يولع في الرمضاء الحب سلطان مسلط نافى لغيره مرض لكن شافي الشعب الحر الفعله بسر آب لحما مر في الزنقة أم لوم قدام باينين البسمع فيهم يا أبو مروة بي فرارة ينط من جوه يبادر ليك من غير تأخير دا اخو الواقفة يعشى الضيف الحافظ ديمه حقوق الغير سيد الماعون السالي السيف الهدمه مترب وقلبه نظيف لا تسالنى عن حب وطني الفقران وغنى" ( صلاح أحمد ابراهيم) -------------- ذكر لي أحد الاصدقاء أن ظاهرة الحانوتي قد أخذت في الظهور في بعض مدن السودان، أتمنى ألا يكون محقا! محبتي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
الأخوة الأعزاء سلام
لقد تلقيت مكالمة هاتفية قبل قليل من الأخ باسط المكي , أفادني بأنه وصل السودان بخير ويرسل تحياته للجميع و كذلك أفادني بأنه مازال (مهكر) لا يستطيع الدخول راجيا" منكم مناشدة الريس بكري لمعالجة الأمر حتي يتمكن من التواصل
------ وعدني باسط بزيارة لي ببحر أبيض خلال إجازته.. يا باسط أنا في إنتظارك
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: البحيراوي)
|
Quote: سلام يا دكتور مجدي واستاذنا يحي ومستشارنا الطيب شيقوق.
عفوا فأنا قليل التداخل في المنبر بسبب مشغوليات الحياة، ولكن عندما تكتبون عن الفاتح ميرغني فالدخول يصبح فرض على كل من عاشره وعرفه.بعيدا عن المواهب التي يتمتع بها وإشادة الفنان الراحل عثمان الشفيع به كعازف بيز , وهو امر ليس محل خلاف ، فقد عرفته كأخ لي لم تلده أمي وكفى.
شكري العميق للباشمهندس باسط.
|
أستاذ إيهاب
تحياتي واشواقي الدافقة.
أتفق معك في أن كل من تعرف وعاشر حبيبنا الفاتح، لا بد وأن يفتخر بذلك.أردنا تسليط الضوء على نجاحاته لأنه نجاح أي شخص من ابناء الأبيض
في أي بقعة هو نجاح لابناء كردفان في كل مكان
تحياتي لك وللأسرة الكريمة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الطيب شيقوق)
|
Quote: العزيز عبد المجيد
تحياتي - والف حمداً لله علي سلامة باسط ويا بخت البلد بيك في هذه اللحظات الماطره.
بحيراوي
|
عزيزي البحيراوي
يا بختنا نحنا بباسط وبك أنت في كردفان ست الإسم او كردفان الإسفيرية، عشقها فرض عين ورفعتها أمانة نحملها كما حملها الذين من قبلنا
ولم يكلوا من حملها.
لك صادق المودة
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: عبدالمجيد المقابل)
|
Quote: يا طارق ما معقول مسهرنا الليل ومحسبنا نجومو وهسع جايب الصور المثيرة للحنين دي؟ غايتو الله يسامحك . أغلبية اصدقاء زمن الطفولة والصبافي حيى القبة كانوا من الشايقية والله يا طارق انا من يوم ما سمعوني محمد كرم الله في رمية" رسلت السلام يغريك يا الزين" ونفسي ازور ديار الشايقية ياخي ديل عندهم حنية في كلامم لو وزعوها تكفي إيتام العالم كلهم وتفيض.فإنت لازم تزور كردفان عشان تتمازج الحنية وشموخ النخل مع السجية الكردفانية وصمود التبلدي، زي ود خالتك المرهف عبداللطيف ما شايفو دمعتو قريبة كيف؟
محبتي المعروفة.
|
الفاتح كيفنك ابوي والله يا حبيب نفسي ازور تلك البقاع الجميلة ياخي ما تجوا نعمل لينا رحلة جماعية لي هناك
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: الفاتح ميرغني)
|
Quote: يوسف كوه وسط جنوده وفى حضرة زوجته أم مسار
من القرارات المصيرية بالنسبة للنوبة التى أتخذها القائد يوسف كوه .. ما يسمى بأجتماع المشورة الشعبية الشهير فى الجبال .. الذى صوت فيه النوبة إجماعات لمواصلة القتال ضد حكومة المركز .. لحظة تصويت النوبة لمواصلة القتال .. علماً أن النوبة لا يمتلكون ذخيرة أو مواد غذائية .. أنعدم ملح الطعام فى مناطقهم أنعدام تام .. |
عزيزي بريمة شكرا على إيراد صورة استاذنا الراحل يوسف كوة مكي، عليه شأبيب الرحمة.فقد درسني في الصف الثاني بمدرسة إسماعيل الولي " أدب إنجليزي". كان موهوبا في لعبة الباسكت والكرة الطائرة بشكل ملفت، ولكن إهتمامه بالشأن العام والهم السياسي، حالا دون مواصلته في مجال الرياضة.اذكر ذات مرة سألناه وجاري الصديق موسى بحر عن معنى كلمة" Disaster". فسألنا بشكل إستنكاري "ما عارفين معنى " Disaster ؟"فصمتنا وطال صمته، قبل أن يشرح لنا المعنى.لم نكن ندرك المغزى من سؤاله الإستنكاري وصمته ساعتها، إلا بعد أن تفتح وعينا في فترة لاحقة على شكل الصراع الدائر في السودان.إختلف مع حاكم كردفان آنذاك الفاتح محمد بشير بشارة، فتخير إنتهاج اسلوب آخر في خوض الصراع - الطريق المسلح- دفاعا عن قضية آمن بها وكرًس لها حياته .القائد الحق لا تتم صناعته على طريقة صناعة تعليب الفاكهة ولكنه شخص يتميز برؤية تتيح له النظر ابعد من الآخرين فيحدد اللحظة المناسبة لترجمتها على ارض الواقع. الأستاذ يوسف كان يملك تلك الرؤية والقدرات وفوق هذا وذاك :الإحساس باللحظة الثورية. نسأل الله تعالى له الرحمة والمغفرة.
محبتي
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: صورة استاذنا الراحل يوسف كوة مكي، عليه شأبيب الرحمة.فقد درسني في الصف الثاني بمدرسة إسماعيل الولي " أدب إنجليزي". كان موهوبا في لعبة الباسكت والكرة الطائرة بشكل ملفت، ولكن إهتمامه بالشأن العام والهم السياسي، حالا دون مواصلته في مجال الرياضة.اذكر ذات مرة سألناه وجاري الصديق موسى بحر عن معنى كلمة" Disaster". فسألنا بشكل إستنكاري "ما عارفين معنى " Disaster ؟"فصمتنا وطال صمته، قبل أن يشرح لنا المعنى.لم نكن ندرك المغزى من سؤاله الإستنكاري وصمته ساعتها، إلا بعد أن تفتح وعينا في فترة لاحقة على شكل الصراع الدائر في السودان.إختلف مع حاكم كردفان آنذاك الفاتح محمد بشير بشارة، فتخير إنتهاج اسلوب آخر في خوض الصراع - الطريق المسلح- دفاعا عن قضية آمن بها وكرًس لها حياته .القائد الحق لا تتم صناعته على طريقة صناعة تعليب الفاكهة ولكنه شخص يتميز برؤية تتيح له النظر ابعد من الآخرين فيحدد اللحظة المناسبة لترجمتها على ارض الواقع. الأستاذ يوسف كان يملك تلك الرؤية والقدرات وفوق هذا وذاك :الإحساس باللحظة الثورية. نسأل الله تعالى له الرحمة والمغفرة |
الاستاذ يوسف كوة مكي رجل يحمل .كل مبادي مالكم اكس وثورية بوليفار في امريكا اللاتينة رجل بمعني الكلمة..كان بيحلم بوطن ..جميل ومعافاة من كل العلل والحديث عنه يطول ويطول .
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: ومن الرحلات للبان جديد والتي لا تنسي رحلة جمعية الجغرافيا بالأبيض الثانوية، وكان من رفقاء تلك الرحلة صلاح حسن موسي غريبة الذي كتب عنها في صحيفته الحائطية التي كان يصدرها وحده، وكتب عن (الكمونية) التي صنعهتا ببراعة واقتدار، وكان من الرفقاء أيضاً الاخ محمد أحمد الدخيري، وياسر البعبوش وكمال عوض ومعنا من الاساتذة استاذ بشير المشرف علي الجمعية وصديقة الاستاذ ابراهيم جمعة استاذ اللغة الانجليزية والذي رافقنا ايضا في رحلة الجمعية المشهورة لمشروع الجزيرة والتي نزلنا فيها في داخلية جماع بمدرسة حنتوب الثانوية.. واذكر ان اول مكان زرناه في حنتوب نصب قصيدة الجرس التي كتبها ناظرنا آنذاك الشاعر الاستاذ الهادي ادم.. ولقد شربنا الببسي كولا في تلك الرحلة بعد غياب، وكنا نقضي امسياتنا في حديقة سليمان وقيع الله.. وكان فاكهة الرحلة اخونا الراحل المقيم عكاشة، وكذلك كافور.. وما زلت اذكر سؤال صلاح غريبة التقليدي عند زيارتنا لكل موقع (ما هي الصعوبات التي واجهتكم؟) |
استاذ جمال عنقرة
اعدت لي ايام وذكريات .....
الابيض الثانوية
واما عن الجريدة الحائطية فلي معاها كثر من الذكريات
والتي ساعود لها بالتفصيل
ولكنها امتداد صفحتي في جريدة الخرطوم ..... ظلال التبلدي
وساعود لهذا التاريخ لأنه جزء من توثيق حياتي الصحفية والاعلامية المستمرة حتى الآن
صلاح غريبة - الرياض
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: صلاح غريبة)
|
هذا البوست لا يجدي معه غير المتابعة بأدب جم ..
إلا أن المرء تنتابه رغبة أحياناً في البوح الشفيف .. بصوت أعلى ..
فيا ناس البورد هوي ...
مكتول هواك يا كردفان ...
منذ آخر رحلاتي لها في النصف الثاني من الثمانينات .. لماكاد القطار يفوتني بمحطة العين .. وأنا أتجاذب أطراف الأنس مع فتاتين كانتا على (صهوتي) حمارتيهما في طريق ضيقة بين جنينتي مانجو جنوب المحطة .. شدني المشهد فخطوت نحوه بشغف .. وغرقت في بحر من جمال الطبيعة ... والطبيعة ... وجاءني صوت صافرة القطار من بعيد .. وإن أنس لا أنسى مشهد الفتاتين وهما تضحكان علي محاولاتي اليائسة للركض على الرملة الدقاقة .. وأنا أنتعل حذاء عصرياً لا يناسب تلك البقاع .. أدركت آخر عربات القطار .. وشدني بعض القوم إلى السلم .. ولم يكن أمامي إلا اعتلاء (صهوة) القطار ..
فارقتها والحسرة تملؤني وأنا أردد .. نتلاقى نتلاقى في الرملة الدقاقة ..
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: عبدالمجيد المقابل)
|
Quote: هذا البوست لا يجدي معه غير المتابعة بأدب جم ..
إلا أن المرء تنتابه رغبة أحياناً في البوح الشفيف .. بصوت أعلى ..
فيا ناس البورد هوي ...
مكتول هواك يا كردفان ... |
يالله يالله ياعبد الباقي الجيلي الغبشة لسة بخير عبرك احي استاذي الجليل عبد الرحمن الداسوقي وكل من سكن تلك الديار.. ويلامواصل
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: باسط المكي)
|
Quote: يا سلام يا شباب انتو ملبدين الجمال ده كله وين؟؟؟
|
يا تراجي عشان كردفان حلوة شديد وخيرها برا وجوه قلنا الوحدة ما جاذبة وعاوز تقرير مصير عشان نصدر القنقليس والنبق والويكة والكركدي لجمهورية الخرطوم باليورو.
يا جماعة الخير عندي صور جميلة من أبو جبيهة الحُبّاك لكن ما عارف الصور بنزلوها كيف؟ الله يفتح عليكم وروني كيف؟ لو عاوزين تشوفوا البقر والضان بياكلوا في المنقة.
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: cantona_1)
|
Quote: يا جماعة الخير عندي صور جميلة من أبو جبيهة الحُبّاك لكن ما عارف الصور بنزلوها كيف؟ الله يفتح عليكم وروني كيف؟ لو عاوزين تشوفوا البقر والضان بياكلوا في المنقة. |
..cantona_1 تحياتي لك وعبرك احي كل ناس ابوجبيهة وكل من سكن تلك الديار. ونحن راجنك بالصور.. وقريبا جدا ننزل صور عن مدينة تلودي الجميلة ..وواصل ..يارائع الدرب طويل ومنتظرين المدد منكم
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: البحيراوي)
|
Quote: بريمة محمد أو فى وضع الملح فى عناقريب عليها بروش كما فى حالة أبقار البقارة ..
الفاتح ميرغني
إتذكرت ناس فريقنا القومي السنة كلها يضربوا في ام رقيقة ويجوا في المعسكر قبل المبارة بثلاثة ايام يحاولوا يرفعوا برنامجهم الغذائي لأقصى مستوى بمظنة أن هذه المسألة سوف تنعكس في الميدان!!.
|
بريمة ولد أبا أقطع دراعي لو ما إنت أكتر واحد مثقف في البورد دا. تعرف مِلِيح البقر في البرش أب جوقي المقلوب. عافي منك.
يا الفاتح ميرغني: الشئ بالشئ يذكر. تمّ تسجيل لاعب سوداني حريف في فريق كرة قدم درجة ثانية في اسكوتلاند. طلبوا منه عمل سويدي لمدة 3 شهور وفرضوا عليه نظام غذائي مضاعف. السبب: الشاب ممتاز من الناحية الفنية. لكن لياقته البدنية تحت الصفر ولا طاقة له.
يا كرام القوم: الله لا يسيئكم ورونا الصور بنزلوها في البوست كيف؟
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: cantona_1)
|
كلوه..يا دار أمّا.. ول ابا كانتونا ون..حبابك وين الدار اللكتك دي؟
حبابك و حباب ابوجبيهة الحبّاك جنة مني و جنة مناك.. غايتو يا ولد ابوك..العرفة طشاش.. لكن اعمل الأتي: 1. اكيد الصور محفوظة في الجهاز. 2. افتح صفحة اضافة رد..من الشمال للمين.. الأيقونة الثالثة..تحميل الصور.. انقر 3. في الخيارات المفتوحة..اضغط على..Browse 4.اختار الصورة الدايرها.. افتح.. 5. انقل رابط الصورة (قطع ولزق)..
لو ما مشت معاك كويس.. راسلني على الإيميل.. [email protected] لغاية ما يجي واحد حريف يشرح افضل..
تحياتنا لجميع الشباب و الشابات هنا..
و نشوفك كبر
| |
|
|
|
|
|
|
Re: الفاتح ميرغني ..مابين ..المشارق وعصاري كردفان (Re: cantona_1)
|
Quote: يا سلام يا شباب انتو ملبدين الجمال ده كله وين؟؟؟
الفاتح ميرغني يكفينا انه من كردفان الغره ام خيرا بره.
شكرا الفاضل باسط المكي وكل من اثرى البوست بمداخلاته القيمه |
Quote: كم هو مفرح بحق....وجود نجاحات لابناء الهامش مثل الاخ الفاتح ميرغني....مشرفه ببلاد صعب النجاح فيها مثل اليابان.
ربنا يغطي عليك اخي الفاتح وعلى نجاحاتك. شكرا مره آخرى اخي باسط ان جعلت لنا هذا ممكنا ان نعبر للفاتح عن تقديرنا وفرحنا بقلمه ونجاحاته هنالك. |
شكرا يا تراجي على الأمنيات الطيبات. وزي ما قلنا إنو كردفان دي ممكن تكون حالة وجدان قبل ان تكون موقع جغرافياوميلاد إنسان، عشان كده بتتميز بالتفرد، وعشان كده إنت ذاتك بنعتبرك من كردفان.
لك وافر تقديري وإحترامي
| |
|
|
|
|
|
|
|