الكوليرا تفتك بأهلنا.. وتحتاج حملة عالمية للتصدي لها..

Quote: أهلي........ صباح يملاكم عافية (الكل يعمل كوبي للمنشور) 🚯الاطباء🚯المهندسين🚯اصحاب الاعمال الحرة🚯المعلمين والمعلمات🚯كافة شرايح المجتمع من كبيرهم لي صغيرهم 🅾عشان بكرة ما نرفع هاشتاق #انقذو_السودان الان #السودان_يحتضر... الان وصلت احصائية الكوليرا الى ما يفوق الالف اصابة ومن ضمنها حالات الوفيات🚯 ي جماعة بالعربي البسيط..ماف زول شغال بيكم ...انتو البتحموا روحكم..لا وزير...لا رئيس ..لا صاحب منصب.. لا منظمة... انتي ي #ربة المنزل البتقدري تحمي شفعك انت ي #رب المنزل البتقدر تحافظ ع اسرتك 🚯الحصل حصل...والاصابات وقعت...والموت نزل.يلا نقيف في المعدل دا وم نزيدو 📌محتاجين لي شباب من الحي يعملو توعية 📌محتاجين لمعلمين يتكلمو في اخر خمسة دقايق من الحصة 📌محتاجين لمنظمات تدعم المستشفيات بالمحاليل الوريدية الكوليرا ما مرض خطير..📍.الكوليرا مرض الفقر والظلم والجور..📍.الكوليرا بس بتخلي الجسم يفقد السوايل وفي ظرف ٢٤ ساعة الجسم اذا ما عوض الانسان بكون في رحمة ربنا 📌الكوليرا لا سرطان لا ايدز لا رحلة علاج بالسنين 📌الكوليرا في ظرف تلاتة يوم بس الزول ممكن يقوم منها 🚯نعرفها كيف؟؟؟ 🚯 ..لو زولنا استفرغ (طراش) وجاهو اسهال مزمن او زي م بقولو ليهو مائي 🚱عارفين شكلو كيف؟؟؟🚱 ما اي اسهال اسفة ع استخدام اللفظة بس بيشبه عندنا في الطب زي موية الرز...ايوا عامل زي موية الرز دا اسهال الكوليرا 🚯عليكم الله اقرب مستشفى لي اي زول حصلت ليو الحاجة دي بدون تفكير..📌.يا امهات اسقوا اولادكم ملح التروية اقل اسهال لحدي م الناس تصل المستشفى..عوضوهو بي ملح تروية #السودان_يحتضر فضيحة والله نحن في القرن ال ٢١ ويجي يموت لينا عزيز بي اسهال لمن يتفشى الوباء دي م وظيفة الطبيب لوحدو لازم كل المجتمع يشارك👬👫👭👫👪👭👪 🚯ربات المنازل..اغلووو الموية كويس م تشربو اسركم من الماسورة طوالي...⚠غسلي الخضروات والفواكة بالخل والملح وفي اسوأ الظروف بالصابون ويشطف كويس بالموية...⚠.عدتك غسليها وغطيها بي قطعة نضيفة من الذباب.⚠.بيتك ولعي فيو الدخان عشان تطردي الزباب 🚯شباب الحي .⛔..احرقوا الاوساخ ..⛔.اردمو الكوش..⛔.اكياس النفايات تبعدوها من جنب البيوت..⛔اتلمو كل اتنين وتحت اي شجرة لمو ان شاء الله خمسة نفر ثقفوهم الكوليرا هي شنو..وبتعمل شنو ...ونحمي روحنا كيف..العلمتوهم بنقلو المعلومة لغيرهم 🚯نجي لاصحاب الدور الاكبر ..المعلمين والمعلمات.♻.الماسكين امل باكر..♻مستقبل البلد...وعوهم الشفع بعد كل حصة النضافة الشخصية ...♻غسل اليدين كويس قبل وبعد الطعام...♻.ما ياكلو من الشارع الحجات المكشوفة خوفوهم اااااي الاطفال اكتر فئة عنيدة نخوفهم عديل ونبشع ليهم صورة المرض دا ⛔ي جماعة في قعدة الافطار المغرب ناخد كم دقيقة ونتكلم #ي جماعة نسيب الفارغات نحن ماشين ع منحدر خطير ..بقينا بنتآكل داخليا #الكوليرا م خطيرة محتاجة بس تعاون مننا وتكافل وان شاء الله ما تصيبكم مصيبة ارفعوا المنشور عشان يصل لاكبر عدد من الناس ونؤجر كلنا وكل يوم حننزل منشورات توعية في القروب وان شاء الله من سيلفي استيك حيطلعوا ناس واعين ومدربين للعالم الخارجي لدرء #الكوليرا #Cholera_killing_Sudanese_people #الكوليرا_في_السودان