طيب يا سيف لو كانت الهجمة مرتده بمعني السودانيين يغنوا أغاني الحبش زي ما عمل عبد العزيز المبارك ونادر خضر عليه رحمة الله وقبلهم سيد خليفه عليه رحمة الله وياسر تمتام وحنان بلوبلو وأخرين. تفتكر لو واحد من نجومنا الحاليين غني لي إمبيت نقاش أو سماهن بلو أو جيزاجو تشومو ، امسال متيكي ، تيدي أفرو ، جاكي قوساي وبقية المنظومة مش حا يكون إبداع معادل لإبداع الحبش في أداء الأغاني السودانية ، تخيلت الراحل إبراهيم عوض أو الجابري وهو يؤدي أغنية بلغة الأمهرا يا أخي خيالي كسح لمن أم أحمد صحتني قالت لي هوي يا راجل قوم جيب القش للغنم. غايتو داير أقول ليكم ደህና ሁኑ dehna hunu إتخيلو ساكت كل حسب بعد خياله وملاح الغدا لكين في حته الرقص دي أنا بعفي للفرقة المصاحبة والفنانة لأنه دا شغل من مرحلة الأساس وصعب علينا والدليل البنية التحت دي في برنامج مشابه لي نجوم الغد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة