نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: حسن الجيلى سعيد)
|
Quote: إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وهذا وعيد شديد لمن يحرص على إفشاء الفاحشة، الَّذِينَ يُحِبُّونَ أَنْ تَشِيعَ الْفَاحِشَةُ؛ يدخل في ذلك الذين يدعون إلى تبرج النساء؛ فإن ذلك دعاية إلى فشو الفاحشة وشيوعها، وكذلك الذين يدعون إلى سماع الغناء؛ فإن سماع ذلك مما يسبب الوقوع في الفاحشة، وكذلك الذين يدعون إلى خروج النساء وإلى اختلاطهن بالرجال وإلى مزاحمتهن، كل ذلك من أسباب فشو الفاحشة؛ فالذين يدعون إلى ذلك يدخلون في هذه الآية أي أنهم يحبون أن تشيع -يعني تنتشر وتشتهر الفاحشة- والفاحشة هنا: فاحشة الزنا أو مقدماته، وسميت فاحشة لفحشها وقبح اسمها، وقبح فعلها، تستفحشها النفوس وتستقبحها والله -تعالى- قد حرم الفواحش في قوله تعالى: قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ . فإذا كان الزنا مثلا خفيا فهو مما بطن، وكذلك مقدماته الظاهرة تكون مما ظهر، كالتبرج والسفور، وكذلك وسائل ذلك، وكذلك نشر الصور سواء في الصحف أو في الأفلام أو في الأشرطة ونحوها؛ إذا كانت صورا فاتنة لا شك أن ذلك كله من إشاعة الفاحشة، يدخل الذين يدعون إلى ذلك في الإثم المذكور في هذه الآية إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا يعني أن تفشو وتنتشر وتتمكن في المؤمنين الذين هم مؤمنون مصدقون مطيعون لله تعالى. فالواجب أن المسلمين جميعا يحرصون على حماية أنفسهم وحماية إخوانهم من هذه الفواحش، ومن تمكنها ومن ظهورها، وأن يحرصوا على حماية وصيانة أعراضهم وأعراض إخوانهم وأخواتهم، وأن يحرصوا على صيانة المؤمنات وحفظهن عن أن يظهرهن أو يبرزن مما يكون سببا في انتشار وفشو الفواحش التي هي الزنا أو مقدمات الزنا؛ وذلك لأن ظهوره سبب للعقوبات، وسبب لكثرة الأمراض التي لم تكن في الأمم السابقة -كما ورد ذلك في الحديث- وسبب في منع الخيرات ومنع البركات، فالذين يحبون أن تشيع هذه الفواحش لهم عذاب أليم في الدنيا والآخرة، أي يجب أن يعاقبوا في الدنيا؛ يعاقبون بما يزجرهم وبما يمنعهم ويمنع أمثالهم إما بالتعزير والعقوبة أو الحبس، وإما بإبطال شبهاتهم، والرد عليهم وتفنيد أقوالهم وأكاذيبهم. |
منقول من موقع الشيخ بن جبرين حفظه الله
http://ibn-jebreen.com/book.php?cat=7&book=90&toc=6518&...age=5756&subid=29820
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
الأخ الفاضل دينق صباحاتك مخضرة كلون الوطن جلدهم لبنات وطني العفيفات هو جلد لذواتهم القبيحة الذي يؤذي الشعور العام فعلا هو أن ترى جارك المعدم الفقير وقد تطاول في البنيان وسارت باسمه الركبان فقط لأنه انتمى لجبهة الكيزان . الذي يؤذي الشعور العام فعلا هو أن ترى عديم الرأي يتشدق في التلفاز وينظر لمستقبل السودان المغلوب على أمره.
العز والفخار للصحفية لبنى وهي تلقم هذه العصبة حجرا من قلمها.
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: كمال عباس)
|
كتب عبود الاتي:
Quote: [وليس بسبب تصرف فردي معزول يمكن أن نقول ذلك ] |
فعل يمارس على مدى عشرين عاماً وبنفس الاصرار ..واحكام تطال حرية امة كاملة وظلم لاكثر من عشرات النساء ..يكون معزول... عشان ما اظلمك يمكن اكون ما فهمت فهمك للعزلة شنو...
______________
يا جماعة انتو قايلين المشروع الحضاري للانقاذ ده كلووووووو شنو ما ياهو هدوم النسوان .. وتحديداً نصف المتر المسمى الطرحه وربع المتر التحت الركبة والموضوع كله هوس وعقد نفسية _______________
والان يوجد توظيف سياسي لهذا القانون لخدمة المؤتمر الوطني ___________
B]يا لبني لو حكموا عليك بالغرامة ماتدفعيها..اتسجني بشجاعة
عشان ده موقف ... يتمسح في وش قانوني واعلامي ودستوري بلادي وفي وشي انا العاجزة عن نصرتك يا ابنة امي واشجعنا [
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Manal Mohamed Ali)
|
*** الناس بعد تضامن بتمشي وييييييييييين !!!!!!!!!!!! شوفوا ليكم حاجة غير التضامن حقيقي هي حيلة العاجز المجتمع السوداني الان مافي شئ بفوقه غير حصولة هزة عنييييييييييفة من جواه تخيله يغير مفاهيمه دي فلو دايرين تتضامنو صحي صحي معها..... شوفوا ليكم موضوع غير كامل تضامني معها وووووووو ** حاجة تانية يا دينق لو زي ما انت بتفتكر ان سبب تحامل النظام العام عليها هو مقالها اللي سياتك جبت الرابط بتاعه ما افتكر دا السبب لانو كان طاله مقص الرقيب (في حالة انو المقال اتنشر في الصحيفة اللي تكتب فيها) ولا ناس الرقابة ما بجوا الصحف بليل ياربي............ ** وناس النظام العام ديل ما شايفين بنات الجامعات جنبهم في المقرن في جامعات السودان والنيلين والخرطوم الحال من بعضه .........يعني ما جات على واحدة بس تلبس زي ما هم بتهموها
ننتظر المزيد من التفاصيل
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: mayada kamal)
|
Quote: الناس بعد تضامن بتمشي وييييييييييين !!!!!!!!!!!! شوفوا ليكم حاجة غير التضامن حقيقي هي حيلة العاجز المجتمع السوداني الان مافي شئ بفوقه غير حصولة هزة عنييييييييييفة من جواه تخيله يغير مفاهيمه دي فلو دايرين تتضامنو صحي صحي معها..... شوفوا ليكم موضوع غير كامل تضامني معها ووووووو
|
موافق ميادة أبدى : إقتراحك شنوإنتى؟؟؟
Quote: ** حاجة تانية يا دينق لو زي ما انت بتفتكر ان سبب تحامل النظام العام عليها هو مقالها اللي سياتك جبت الرابط بتاعه ما افتكر دا السبب لانو كان طاله مقص الرقيب (في حالة انو المقال اتنشر في الصحيفة اللي تكتب فيها) |
ده حيجاوبك دينق فيه بس قبل ما يقول حاجة ...داير أسال بس ...تفتكر السبب بيكون شنو ؟؟؟ دينق واى زول هنا بشوف سبب التحامل هو قلمها .... بس كلامك بيوحى أنك عارفة اسباب تانية ممكن الافادة والتنوير ....وخلى حكاية الرقابة دى قصة تانية خالص
Quote: ** وناس النظام العام ديل ما شايفين بنات الجامعات جنبهم في المقرن في جامعات السودان والنيلين والخرطوم الحال من بعضه .........يعني ما جات على واحدة بس تلبس زي ما هم بتهموها
|
ولله دى ما فهمتها ميادة....ممكن لو سمحتى علشان نقدر نرد
___________________ التفاصيل كلو هنا.....ما مقتنعة بشنو ؟؟؟ علشان نوضح
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Manal Mohamed Ali)
|
التحية للحضور جميعا
مجرد واطة لمة ناس....
نظام ما عندو شغلة بلا لبس البنات كان في الشارع أو في الجامعات ويجي زي عبود يقول
Quote: شييء مؤسف جدا والله وبعيدا عن ما نراه هنا والذي يؤكد ان الاستاذه لبني في كامل احتشامها واحترامها لنفسها ومكانتها الاجتماعية ... فان (بعض) افراد النظام العام أصبحوا يتصرفون بشكل انفرادي يتسبب في احراج قياداتهم وهؤلاء يجب علي (قيادة) النظام العام الذين نعرفهم أن يوقفوا مثل هذه التجاوزات من (أفرادهم)... عرفنا عن قيادة النظام العام أنهم أصحاب أسر وآباء بنات ولهم من الاساليب التربوية ما يساهم في تجاوز الكثير من التفلتات في الشارع العام ... ومن هنا ودون تقليل من الدور التربوي الذي تقوده قيادة النظام العام ندعوهم لنقل موجهاتهم لبعض افرادهم الذين فشلوا في استيعاب العلاقات الاجتماعية المتنوعة في بلد مثل السودان ..
وليس لأن الاستاذة الزميلة لبني صحفية ... ولكن لانها انسانة محترمة ولم تتجاوز أخلاقها الفاضلة فان الواجب عدم تعريضها لاي مهانة ... وقبل ذلك الاعتذار المعلن لها ممن اعترضها . |
شنو المعيار البيتبني عليهو الإحتشام من عدمو حتى لو كانت لبنى أو غيرا ما محتشمة (في نظرك) ولابسا ضيق متل فهمكم ده ما من حق أي كائن يعترضا. المسالة ما بعض ولا هم يحزنون كلهم دقة واحدة وطريقة تفكيرهم واحدة فما تطلع المسألة تصرف فردي وحركات الكيزان دي (الكوز هنا سلوك) الله يقرفك!!!
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: بشري الطيب)
|
ميادة سلام
Quote: وناس النظام العام ديل ما شايفين بنات الجامعات جنبهم في المقرن في جامعات السودان والنيلين والخرطوم الحال من بعضه .........يعني ما جات على واحدة بس تلبس زي ما هم بتهموها |
هذا الجزء من المداخلة قد يفهم منه ما يشبه التحريض على اوليك الطالبات (و ارجو ان اكون اخطات التقدير) فالمعركة هى ضد مبدا التفتيش على ازياء الناس من الاساس و ليس ضد استهداف زيد من الناس و غض النظر عن اخرين
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
الشكروالتقدير الى محمد سليمان الباقر عثمان الفاتح ميرغنى Malamih امين محمد اذهرى طة ادم عيسى تبارك شيخ الدين عاطف عمر د.نجاة محمود حسين مكاوى ندى على حيدر الذين علاء عابدين فيصل الزبير معتصم دفع الله عمرر الحاج شمائل النور ابراهيم بقال ابوساندرا جنى سيف بخيت طة كروم عبدحماد ابراهيم قمر بوبا طارق جبريل عبدالله شمس الدين عبود عبدالرحيم زهير الذناتى احمد امين سهام المجمرى الاستاذة الفاضلة سعاد ابراهيم احمد نادية عثمان مهيرة طارق مصطفى محمد عبد الماجد الصائم عبد الغفار محمد سعيد كمال عباس Deng لكم جميعا ودى وتقديرى وحاحاول ان اجاوب على بعض المداخلات واجاوب على كل الاسئلة ____________________ نسيت حد؟؟ سورى مقدما
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Zakaria Joseph)
|
Quote: Quote: على السودان السلام
كلمات محدودة تحمل معاني كبيرة وعميقة تنتزع القلب
لا يا اخي شول اشوانق لا تياس وليس بسبب تصرف فردي معزول يمكن أن نقول ذلك ولكننا ندعو لمعالجة مثل هذه المواقف بحسم |
اخى عبود البتقول عليه تصرف فردى معزول انا بقول عكس ذلك ده ما تصرف فردى معزول ... ده شغل تم بتخطيط سليم الموضوع هنا ما لبنى الموضوع هنا البلد الحكومتها بتتفنن فى إزلال مواطنينها الموضوع اكبر من قماش قصير وقماش طويل الموضوع قوانين بتتنجر حسب المزاج الشخصى او من قبل فئة معينة لإخضاع الكل إتفاقية السلام الشامل كانت نهاية ما يسمى النظام العام والدفاع الشعبى وكل الأجسام الطفيلية التى جثمت صدر المواطن ولكن هى التحايل على الشركاء ونقض لعهود تم التوقيع عليها. شنو يعنى النظام العام؟ شنو يعنى تلقانى ماشى فى الشارع مع بنت او قاعدين فى شارع النيل مثلاً تجينى وتسال دى تبقى ليك شنو؟ لو زوجتى مثلاً الإثبات فى الوكت داك شنو؟ إلا اكون حايم بالقسيمة فى الجيب!
شنو يعنى النظام العام ومحاولة اللعب بعقول البشر وإذلالهم بهذه الصورة المهينة
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Zakaria Joseph)
|
يا عبود ....
Quote: ومن هنا ودون تقليل من الدور التربوي الذي تقوده قيادة النظام العام ندعوهم لنقل موجهاتهم لبعض افرادهم الذين فشلوا في استيعاب العلاقات الاجتماعية المتنوعة في بلد مثل السودان .. |
جماعتك بتاعين الدور التربوى ديل .... عندهم دور تربوى علينا نحن السودانيين ديل؟
قلعوهو من المربين والشيوخ والقساوسة والكجور والآباء والأمهات والمدرسين؟
بربّوا بى محكمة؟
وجلد فى السوق؟
هسى انا لو عندى "كديسة مجنونة" بجيبا لى واحد من قيادات الدور التربوى بتاعينك ديل يروّقوها لى؟
وبى أسالبم التربوية المستفزة دى؟
يا زول انت جادى؟
مرتك ربوها ليك بى سوط النظام العام؟ ولاّ بتك؟ ... والله بئس التربية لو الكلام دا صحى ...
انتوا عندكم الحكومة هى البتربى؟
وانتو بتعملوا شنو؟ بتهببوا شنو؟
قال ... متنوعة ... قال ...
(دا قانون جنائى، وقانون جنائى متجاوز للعرف ومستفز للشعور العام، وعلى قيادتو ضباط بالماهية، لايدخل عملهم فى مقدراتهم التربوية، ولا تدخل مقدراتهم التربوية فى عملهم، وليس لديهم سلطة تربية أى شخص غير من يكفلونهم فى بيوتهم)
... المهم ...
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: tasneem)
|
Quote: وناس النظام العام ديل ما شايفين بنات الجامعات جنبهم في المقرن في جامعات السودان والنيلين والخرطوم الحال من بعضه .........يعني ما جات على واحدة بس تلبس زي ما هم بتهموها |
ولماذا تسألين عن التفاصيل ،، بعد محاولتك التشكيك بسبب القضيه
الاساسى ،،، محاوله بائسه وغير مستبعده من النظام وأنصاره الهتيفه
لبنى حسين أشجع وأطهر من محاولتك هذه ،، لبنى حسين واجهت هذا النظام
البائس القمعى عندما كانت طالبه وتعرضت للفصل مع كوكبه من شرفاء
الطلاب ،،
لك الله يا لبنى حسين ونعتذر لاننا ما زلنا نشجب وندين فقط هذا النظام
الفاشل البائس ،،، ( ذيل الكلب عمرو ما يتعدل ) كما يقول المثل بمثل الشجب والادانه فقط !!!
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: عبود عبد الرحيم)
|
Quote: شييء مؤسف جدا والله وبعيدا عن ما نراه هنا والذي يؤكد ان الاستاذه لبني في كامل احتشامها واحترامها لنفسها ومكانتها الاجتماعية ... فان (بعض) افراد النظام العام أصبحوا يتصرفون بشكل انفرادي يتسبب في احراج قياداتهم وهؤلاء يجب علي (قيادة) النظام العام الذين نعرفهم أن يوقفوا مثل هذه التجاوزات من (أفرادهم)... عرفنا عن قيادة النظام العام أنهم أصحاب أسر وآباء بنات ولهم من الاساليب التربوية ما يساهم في تجاوز الكثير من التفلتات في الشارع العام ... ومن هنا ودون تقليل من الدور التربوي الذي تقوده قيادة النظام العام ندعوهم لنقل موجهاتهم لبعض افرادهم الذين فشلوا في استيعاب العلاقات الاجتماعية المتنوعة في بلد مثل السودان ..
وليس لأن الاستاذة الزميلة لبني صحفية ... ولكن لانها انسانة محترمة ولم تتجاوز أخلاقها الفاضلة فان الواجب عدم تعريضها لاي مهانة ... وقبل ذلك الاعتذار المعلن لها ممن اعترضها . |
ما توقعت المداخلة ده من عبود!!! لكن كان لازم اتوقع منه كلام رافض ومتضامن ظاهريا ومدافعا ومنافحا عن واحدة من اساسيات المشروع الحضارى !!! عبود ! هل تعتقد ان الافراد يتصرفون لوحدهم ؟؟؟ حتى هذه البعض !!!هل يتحركون بمحض ارادتهم ؟؟؟؟ أنهم لا بتحركون دون وجود ضابط برفقتهم كذا الذين يحاكمون النساءء ويسببون الازلال اليومى هل فقط ( بعض ) من القضاء ؟؟؟؟ عبود!! على المستوى القومى ما قانون سارى المفعول للنظام العام( عارف المعلومة دى ولا ما عارف؟؟؟) تم الحاقهم لشرطة الولاية وحتى الان انت عارف تعقيدات الحاصلة فى قانون الشرطة لولاية الخرطوم ....ديل قاعدين فى الهوء الجابين الهواء ديل ....وانت عارف قاعدين ؟؟؟ عبود!! ياتو دور تربوى تأتى من سلطة قاهرة ومستفذة؟؟ ومتين التربية تفرض ومن متين التربية بتكون من قيم مصادمة لقيم الناس؟؟؟؟ عبود! هل انت قاعد تفتكر انو الوهمة الاطلقتها الانقاذ بأنها حتغير انسان السودان !!! تفتكر بعد عشرين سنة (تربية عسكرية ) والاذاعة والتلفزيون والشارع وغيرها والنتيجة صفر كبير والدليل استمرار حوجة النظام لشرطة النظام العام دى يعنى العيال الاتربوا فى زمنك طلعوا ما ( مربيين ) شوف كمية المخدرات .....الخمور ....الجريمة شفت مستوى الجريمة السنةالفات فى الخرطوم ؟؟؟ومقارنة لعشرين سنة وراء شفت اعمار مرتكبى الجرائم المختلفة ؟؟؟؟ أنتى صحفى ودى تقارير متاحة... عبود!! انت ربوك ببوليس !!! لو نوع البوليس تدخلو فى لبس اخواتك او بناتك او خالاتك فى الشارع حتقول شنو ؟؟؟؟ حتقول انو انتو ما ربيتوهن؟؟؟؟؟ لا لا لا عبود ما صحيح كلامك ده انصح الجماعة انو يشوفوا اليات تانية خااااالص للتربية
____________________ دفاعك ما قبلتوا ....بس انت حر
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
Quote: هل سرقت المال العام ليست بخدش وجرح وقتل للذوق العام
هل الفساد المستشرى فى مفاصل البنوك ودواوين الدولة اليست هو خدش وجرح وقتل للنظام العام
هل الكذب والتلفيق من قبل مسؤولين كبار اليست هو خدش وجرح للنظام العام
هل التستر على الجرائم اليست هو خدش للنظام العام
هل قتل الابرياء وتجويعهم وترويعهم وتشريدهم اليست هو خدش وجرح وقتل للذوق العام
اين تذهب تقارير المراجع العام الا تذهب للارشيف اليست فى ذلك خدش وجرح للنظام العام
التحية للاستاذة لبنى السودانية الصميمة وهى تفضح عقلية هذا النظام المتآكل المهترىء والذى يخاف من الاقلام الشريفة . |
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
حكم الجور و الظلم ... ارفعي راسك و اعفي لينا قصر اليد و الحيلة كل سوط حيلامسك حيجي ماري على ظهورنا الكسرها طول الانتظار متين تزول الغمة متين يشرق ضو الصباح؟
من وين لينا سوط نجلد بيهو الاذونا في انسانيتنا؟
دا زمن قواسي .. زمن ضلالة .. اوانطجية .. زمن حقارة .... زمن مهين لاقين هواكن ضروا .. ضر .. يا عسكرياً ما انتعظ .. كتل الرقاب بيودي وين ضر .. يا جلاليباً رهاف .. ذمماً خفاف .. ضر يا ضرر .. ضر .. يا دقين _____ حميد
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
الصديقة الشقيقة المناضلة لبنى أحمد حسين لن يستطيعوا تكميم فمها ولن يستطيعوا كسر قلمها او كسر عينها بهذا الباطل فهي لمن لا يعرفونها تسمى لبنى الشجاعة تعرضت الشقيقة لبنى احمد حسين للكثير من المضايقات إبان دراستها في جامعة الجزيرة حيث كانت في رابطة الطلاب الإتحاديين في الجامعة وكان النظام في أوج قمعه وجبروته وسجلت تاريخاً مشرفاً في الصمود والشجاعة امام النظام وأجهزته القمعية ولاقت ما لاقت بسبب تلك البسالة والشجاعة حيث تم إعتقالها مراراً إستمرت لبنى تعمل في مناهضة النظام الإنقاذي وكانت المسئولة عن إصدار صحيفة المرأة بالحزب الإتحادي الديمقراطي وبسسب ذلك تعرضت للإستدعاءات والإعتقالات وقد شهدت بنفسي تلك الفترة لبنى صحفية شجاعة وصاحبة قلم جرئ ولذلك يسعون لكسر قلمها ولكن هيهات لهم ان يحدث ذلك فهي تزداد بذلك صلابة كما عهدناها وأقول لـ لبنى يا جبل ما بهزك ريح
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: انعام عبد الحفيظ)
|
Quote: قاعد افسر مداخلة محمد سليمان من الزاوية ...والله اعلم |
سلامات يا اخي
الكوز الزعلان محمد سليمان لو شافني كاتبة لزول مبروك الوليد ويتربى في عزك بجي يكتب نفس الكلام...ويريميني بدائه وينسل فهل للكوز دين؟
مسألةجلد النساء دي ماحصلت ولا دخل لها بالاسلام.. يجي اي اوحد يورينا هل دي عقوبة دينية ولا شنو.. لانه لا في تأريخ الاسلام لم بحدث جلد للنساء في لبس. وديل هم سبب اذى الاسلام في السودان..
الغربية الاسبوع الجاي دا ماشة احضر لي لقاء نسوي في موضوع الدين والقوانين دي عايزين نفرز بين الدين والقانون الوضعي ولما الناس تحاول تضفي على القانون مسحة دينية عشان يسكتو الناس لازم نحتج
لبس ما شرعي يجلدوا بيه؟؟؟؟ وين الشرع هنا؟ في اندنوسيا في حتة تحكم بالقانون الاسلامي كما يدعون قبضو مديرة شركة في اجتماع عمل قالو خلوة وما معها محرم علما انه بالقاعة اكثر من 10 رجال معها.. القوانين ذات المسحة الديينةالتي تهين المرأة لا دخل لها بالاسلام.. لها دخل بالعقلية الذكورية القبلية.. وصورة لبني دي صورة تظهر فيها زولة ما انيقة بتصلح في طرحتها واخذت الصورة على حين غرة.. مندهشة كيف طلعت للعامة حى تخدش احاسسيهم وتجلد فيها. المفروض الناس تبدا تكتب في بتشن للنائب العام لوقف جلد النساء جميعهن تمشيامع روح الشريعة السمحاء والمحافظةعلى التقاليد الحميدة التي تكرم المرأة وتحترمها... جلد امرأة يمكن يولد انفجار كبير وتسيل انهار من الدم. غياتو ما بعرف لو يوم عايزين يجلدو بتي بفجر مبنى المحكمة. ومحل رهيفة التنقد. يا قوم اني ارى شجر يمشي.
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: د.نجاة محمود)
|
Quote: الصديقة الشقيقة المناضلة لبنى أحمد حسين لن يستطيعوا تكميم فمها ولن يستطيعوا كسر قلمها او كسر عينها بهذا الباطل فهي لمن لا يعرفونها تسمى لبنى الشجاعة تعرضت الشقيقة لبنى احمد حسين للكثير من المضايقات إبان دراستها في جامعة الجزيرة حيث كانت في رابطة الطلاب الإتحاديين في الجامعة وكان النظام في أوج قمعه وجبروته وسجلت تاريخاً مشرفاً في الصمود والشجاعة امام النظام وأجهزته القمعية ولاقت ما لاقت بسبب تلك البسالة والشجاعة حيث تم إعتقالها مراراً إستمرت لبنى تعمل في مناهضة النظام الإنقاذي وكانت المسئولة عن إصدار صحيفة المرأة بالحزب الإتحادي الديمقراطي وبسسب ذلك تعرضت للإستدعاءات والإعتقالات وقد شهدت بنفسي تلك الفترة لبنى صحفية شجاعة وصاحبة قلم جرئ ولذلك يسعون لكسر قلمها ولكن هيهات لهم ان يحدث ذلك فهي تزداد بذلك صلابة كما عهدناها وأقول لـ لبنى يا جبل ما بهزك ريح |
شهادة قوية، من إمراة قوية، عن إمراة قوية! شكرا، يا إنعام، وشكراً يا دينق!
ويا لبني، ما تهزك ريح!
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Haydar Badawi Sadig)
|
الحقيقة لم اجد عبارة تعبر عن غضبي
لم اجد مفردة تعينني على القول الفصل
لم استطع استيعاب ان يجلد احد اي كان لاجل لبسه او زيه
فما بالك باللبس المزعج للشعور العام (أضحك الان وشر البلية ما يُضحك)
لبنى يا جسورة عرفناك تكتبين عمود كلام رجال وهو كلام حريم عديل واقوى
من الرجال , يريدون اذلالك ولايعلمون انهم قد حولوك لرمز كبير من رموز
هزيمة قوانيين الزيف والتزييف تحية قوية ليتها تصلك وتعلن عن فدائي لك
بأقوي واقسى وابلغ العبارات ادين محاكم التفتيش في خصوصيات الناس .
.................................................................حجر.
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: مزمل خيرى)
|
Quote: كامل تضامنى مع الصحفية لبنى واعتقد ان القاضى لن يتجرأ على جلدها وسيطلب منها كتابة تعهد بعدم التكرار !!
اعتقــد .. |
من وين يا خوى ..... الاعتقاد ده ؟؟؟ مرحلة التعهد انتهى لانو انتهى كان فى نفس الوقت ....قول ممكن القاضى يشطب البلاغ ( ودى قاعده تحصل عندما يظهر محامين بعرفوا القانون كويس قدام القاضى) بس المؤكد والشائع عن محاكم النظام العام الجلد بس
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: د.نجاة محمود)
|
Quote: سلامات يا اخي
الكوز الزعلان محمد سليمان لو شافني كاتبة لزول مبروك الوليد ويتربى في عزك بجي يكتب نفس الكلام...ويريميني بدائه وينسل فهل للكوز دين؟ |
ساكت كده بس دكتورة...؟؟؟ انا لاول مرة افك ما التبس على عن افكارك من خلال االمداخلتين ديل كيف؟؟؟ كنت بلاحظة وبعتقد انك قاعدة تدافعى عن المؤتمر الوطنى وممارساته بشكل لا يصدق...او بصورة ادق تهاجمى معارضيه بصورة تخدم بيهو مصالح المؤتمر الوطنى اكتر منه مجرد اراء وأعتقاد.....(ده كان رأئى فيك دكتورة ) ده على مستوى السياسى ...شخصية الاخرى لذيذة و( وناسة وغياظة ) خاصة وقت يكون عن (العقلية الزكورية) وده قصة تانية داير اقول ليك ممكن تدو انفسكم مساحة نقاش هادى بدون تشنج مع محمد سليمان....ممكن يغير رايهاو انتى
Quote: مسألةجلد النساء دي ماحصلت ولا دخل لها بالاسلام.. يجي اي اوحد يورينا هل دي عقوبة دينية ولا شنو.. لانه لا في تأريخ الاسلام لم بحدث جلد للنساء في لبس. وديل هم سبب اذى الاسلام في السودان..
الغربية الاسبوع الجاي دا ماشة احضر لي لقاء نسوي في موضوع الدين والقوانين دي عايزين نفرز بين الدين والقانون الوضعي ولما الناس تحاول تضفي على القانون مسحة دينية عشان يسكتو الناس لازم نحتج
لبس ما شرعي يجلدوا بيه؟؟؟؟ وين الشرع هنا؟ في اندنوسيا في حتة تحكم بالقانون الاسلامي كما يدعون قبضو مديرة شركة في اجتماع عمل قالو خلوة وما معها محرم علما انه بالقاعة اكثر من 10 رجال معها.. القوانين ذات المسحة الديينةالتي تهين المرأة لا دخل لها بالاسلام.. لها دخل بالعقلية الذكورية القبلية.. وصورة لبني دي صورة تظهر فيها زولة ما انيقة بتصلح في طرحتها واخذت الصورة على حين غرة.. مندهشة كيف طلعت للعامة حى تخدش احاسسيهم وتجلد فيها. المفروض الناس تبدا تكتب في بتشن للنائب العام لوقف جلد النساء جميعهن تمشيامع روح الشريعة السمحاء والمحافظةعلى التقاليد الحميدة التي تكرم المرأة وتحترمها... جلد امرأة يمكن يولد انفجار كبير وتسيل انهار من الدم. غياتو ما بعرف لو يوم عايزين يجلدو بتي بفجر مبنى المحكمة. ومحل رهيفة التنقد. يا قوم اني ارى شجر يمشي. |
طبعا متفقين انو ده ما عنده علاقة بالاسلام والناس ديل قاعدين ينجروا حاجات من راسهم ويقول دينا قال كده !!!!عندكم كلام فى دينا ؟؟؟يبقى الصحيح انو انتى الشايفة الكلام الصحيح ده تقوليها فى عين الشمس ده ....بعدين على فكرة اغلب المعارضين_ اقول اغلب _ رفضهم للجماعة ديل للممارسات العاملينهابأسم الدين .. يبقى فضحهم الاول ومن ثم نورو الناس بالطريق الصحيح..... يبقى فعلا :-
Quote: وديل هم سبب اذى الاسلام في السودان |
والاذى ده ما بروح بسرعة....صدقنى
انا فى بداية البوست قلت انه الحاصل ده ما عنده علاقة مع بالدين ...بس حاجات ثقافية وسياسية انتى قلتى ده عقلية زكورية دى دايره تعريف شوية لو حيشمل كل النوع الذكرى....وفاعد اشوف انا حاجة تانية... انو الموضوع ده عنده علاقة بالقيم وثقافة البستندو عليه المؤتمرجية( أفتحى بوست احسن )
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
وتذكرت محاكمه الاستاذه فاطمه احمد ابراهيم امام محاكم النظام العام وقد نزل ثوبها من راسها فامرها القاضي بان تغطي راسها وبطريقة استفزازيه ومعروف عن الاستاذه (سدلة الثوب )
ردت بسخريه بن والدها شيخ احمد كلمها بان تغطي راسها امام الرجال فقط ولكن هسع ما شايفه لي رجال هنا ؟؟
ضجت القاعه بالضحك فامر القاضي بجلد الجميع
واليوم في حكومه الانقاذ محاولة لاهانه النسا في لبني انه الفكر السلفي الذي انتجته الانقاذ وعلي مدي عشرون عاما الفكر السلفي الذي اباح تشويه خلق الله (الخفاض) وجعل التعدد فرض والزواج الذي فيه الموده والرحمه واستمراريه الاسره جعله مؤقتا وايثارا وعرفا وحلل سرقة المال العام طارد ستات الشاي وهن يدفعن ضريبة النزاعات فغالبيتهن اتن من مواقع النزاع وعملن في هذه المهنه لحفظ اسرهن ولكن النتيجه ادت الي موت ناديه صابون والنظام العام لم يتضرر من وجود المتسولين ومعظمهم كبار السن ولم يهتم بالمعاقين الذين يجوبون الشوارع متسولين لقمة العيش والنظام العام لم يلتفت الي جيوش صغار السن وهممن المفترض ان يكونو داخل فصولهم --يبيعون امام العربات السلع الهامشيه ولكن النظام يتضرر من وجود امراة واثقه من نفسها وتعمل وقال شنو لو ملصتي الطرحه حيكون لبسك شاذ وبهذه المقوله سوف نحاكم كل النسا --بمعني لو ملصتي التوب حيكون اللبس شاذ اليس هذا امرا مضحكا فمن هم الشواذ الان نقف بشده ورا الاستاذه لبني وياريت لو لقينا رقم التلفون
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: ihsan fagiri)
|
Quote: وتذكرت محاكمه الاستاذه فاطمه احمد ابراهيم امام محاكم النظام العام وقد نزل ثوبها من راسها فامرها القاضي بان تغطي راسها وبطريقة استفزازيه ومعروف عن الاستاذه (سدلة الثوب )
ردت بسخريه بن والدها شيخ احمد كلمها بان تغطي راسها امام الرجال فقط ولكن هسع ما شايفه لي رجال هنا ؟؟
ضجت القاعه بالضحك فامر القاضي بجلد الجميع
|
هههههههههههههههههه انا معجب بجيلهم وعلى راسه فاطمة احمد ابرهيموفى البوست عندى سؤال كان لى الاستاذة سعاد ابرهيم احمد اتمنى يكون عنها وقت تجاوبنى
Quote:
واليوم في حكومه الانقاذ محاولة لاهانه النسا في لبني انه الفكر السلفي الذي انتجته الانقاذ وعلي مدي عشرون عاما الفكر السلفي الذي اباح تشويه خلق الله (الخفاض) وجعل التعدد فرض والزواج الذي فيه الموده والرحمه واستمراريه الاسره جعله مؤقتا وايثارا وعرفا وحلل سرقة المال العام طارد ستات الشاي وهن يدفعن ضريبة النزاعات فغالبيتهن اتن من مواقع النزاع وعملن في هذه المهنه لحفظ اسرهن ولكن النتيجه ادت الي موت ناديه صابون والنظام العام لم يتضرر من وجود المتسولين ومعظمهم كبار السن ولم يهتم بالمعاقين الذين يجوبون الشوارع متسولين لقمة العيش والنظام العام لم يلتفت الي جيوش صغار السن وهممن المفترض ان يكونو داخل فصولهم --يبيعون امام العربات السلع الهامشيه ولكن النظام يتضرر من وجود امراة واثقه من نفسها وتعمل وقال شنو لو ملصتي الطرحه حيكون لبسك شاذ وبهذه المقوله سوف نحاكم كل النسا --بمعني لو ملصتي التوب حيكون اللبس شاذ اليس هذا امرا مضحكا فمن هم الشواذ الان |
100 ال100
Quote:
وياريت لو لقينا رقم التلفون |
شوفى الماسنجر
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
Quote: كنت بلاحظة وبعتقد انك قاعدة تدافعى عن المؤتمر الوطنى وممارساته بشكل لا يصدق...او بصورة ادق تهاجمى معارضيه بصورة تخدم بيهو مصالح المؤتمر الوطنى اكتر منه مجرد اراء وأعتقاد.....(ده كان رأئى فيك دكتورة ) ده على مستوى السياسى ...شخصية الاخرى لذيذة و( وناسة وغياظة ) خاصة وقت يكون عن (العقلية الزكورية) وده قصة تانية داير اقول ليك ممكن تدو انفسكم مساحة نقاش هادى بدون تشنج مع محمد سليمان....ممكن يغير رايهاو انتى |
دينق يا اخوي ماحصل دافعت عن الحكومة اما المعارضة فانا معارضاهم شديد لانهم بتاجروا بالشعب زلانهم بعرضو ولا يعارشو بس عشم القى لي معارضة محترمة تليق بالشعب دا راجع البوست دا حتعرف انا تصنيفي شنو
Re: المناضل المضاد.. لعناية الناظر هباني ظاتو
بعدين انت بتقصدنقاش هادي مع محمد سليمان الواحد دا ؟
يا زول اقنع ساكت.. اما العقلية الذكورية دي ممكن تتلبس اي زول راجل مرة مافرقت زول بفتكر انه المجتمع بنصلح لو المرة دي حشروهافي كستبانة ولو حجبوها من الشارع عشان الرجال ما يتفتنوا بدلا ان ينادوا بعفة الرجل وقض البصر ينادوا بابعاد النساء من موقع البصر..
والله ي دينق بالج القع في يد ناس النظام العام ديل ذي الشقي البقع في القيد
بالله لبسة لبنى دي ولا اللبسات البنشوفهن في التلفزين والشوارع عشان كدا لبنى دي بس بتكون مرة غياظة وطويلة اللسان وديل ما بنفعن في السودان. عشن كدا وقعت في قيد مثلث برمودا
والى الان بطالب بعمل بتشن للنائب العام يا فيهايا نطفيها..
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: د.نجاة محمود)
|
التحية والاجلال للجسورة لبني وهى تقلق مضاجع ومعاقل الهوس وانصاف الرجال مليون تحية وانت تلبسين الرجال طرحتك وتقارعى الظلم والظلام عننا جميعا صمودك فى وجه الظلم ضريبة تدفعينها نيابة عنا ونحن لا نملك سوى الدعاء والتضامن معك يا بؤسنا وخيابتنا نحن معشر السودانين اقترح تقديم عريضة للنائب العام ولمحكمة الموضوع بخصوص جلد النساء وطرق معاملتهن من قبل النظام العام على ان تنشر فى الصحف السيارة والالكترونية وليكن تظاهرة قانونية ضد سلطة النظام العام ومحاكمة اخلاقية لنظام الانقاذ والمطبلاتية والانتهازيين مرة اخرى مليون تحية للبنى الصديق
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Elsiddig A. Ahmed)
|
شكرا ً دينق علي البوست تسليط الضوء علي هذه القضية ..
بدءاً تدين شبكة صحفيون لحقوق الانسان (جهر) الاعتداءات المتتالية علي الصحفيين السودانيين ، وتسجل بالغ استنكارها لما حدث للزميلة لبني أحمد حسين ...
وجهر اذ تعلن رفضها وادانتهات للاعتداءات علي الصحفيين واستهدافهم من قبل اجهزة الدولة ، تطالب الجهات المختصة برفع يدها عن الصحفيين ، واحترام حقوقهم .
وتهيب (جهر) بكافة اعضائها وكل الزميلات والزملاء الصحفيين/ات بالحضور الي قاعة المحكمة اليت ستتم فيها محاكمة الزميلة في الزمان والمكان المحددين ....وذلك لتنظيم وقفة احتجاجية امام المحكمة ضد انتهاكات حقوق الصحفيين واستهدافهم والاعتداء عليهم .
للتنسيق مع الجهات المعنية يرجي الاتصال بـ(جهر) علي الايميل :
[email protected]
>>
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: جهر)
|
"والسؤال الذي لم يتطرق إليه أحد بشكل مباشر: هو لماذا حين يصبح الركود والتخلق من سمات الواقع الاجتماعي والفكري، يصبح "وضع المرأة" قضية ملحًة؟! ولماذا حين ينسدل ستار الركود على عقل الأمة وثقافتها يتمظهر هذا الاحتلال أول ما يتمظهر على المراة روحاً وعقلاً وجسداً؟! "
د. نصر حامد أبوزيد
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: نهال كرار)
|
Quote: بالضبط يا منال, ياريت يحضر بورداب الخرطوم المحاكمة لمساندة الأستاذة لبنى
أعتقد أن للأستاذة لبنى عضوية في سودانيز
القضية ليست قضية لبنى فقط , بل هي قضية الشعب السوداني كله في مواجهة قانون النظام العام |
كوم ريد منال العزيزة نهال سوف نعلن لكم عن تاريخ و زمن المحاكمة اما الموقع فهو محكمة النظام العام - الخرطوم-السجانة
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
Quote: From: lubna hussein ( ) Sent: Saturday, July 11, 2009 3:10:11 PM To: denggoc 1 attachment 5.jpg (97.4 KB)
سلام عليكم ايها الصديقات و الاصدقاء .. اشكركم كثيرا وأود ان اعرب عن سعادتى عن هذا التضامن ، الذى ارجو ان يسلط الضوء على المادة 152 من القانون الجنائى لسنة 1991م، ذلك ان قضيتى فى بدايتها ليست قضية استهداف شخصى لى انا ككاتبة... ولا هى تفلت عرضى من بعض افراد شرطة النظام العام .. كلا .. رغم انها يمكن ان تتحول أو حولت بالفعل لتكون هكذا بعد ان ان اتخذت القضية منحى آخر هو دعوة الناس والعالمين ليكونوا شهودا على هذه الفضيحة " فضيحتى ام فضيحتهم " ذلك ما ستحددونه انتم بعد سماع اقوال الاتهام وشهوده وليس اقوالى انا .. .. قضيتى هى قضية البنات العشرة اللواتى جلدن فى ذات اليوم ..وهى قضية عشرات بل مئات بل الاف الفتيات اللواتى يجلدن يوميا و شهريا وسنويا فى محاكم النظام العام بسبب الملابس .. ثم يخرجن مطأطأت الراس لان المجتمع لا يصدق ولن يصدق ان هذه البنت جلدت فى مجرد ملابس .. والنتيجة الحكم بالاعدام الاجتماعى لاسرة الفتاة و صدمة السكرى او الضغط او السكتة القلبية لوالدها وامها .. و الحالة النفسية التى يمكن ان تصاب بها الفتاة ووصمة العار التى ستلحقها طوال عمرها كل هذا فى بنطلون ..والقائمة تطول ، لان المجتمع لا يصدق انه من الممكن ان تجلد فتاة او امراة فى "هدوم " .. ولهذا طبعت 500 كرت دعوة ليحضر الناس والعالمين المتضامنيين والاصدقاء والاخوان والشامتين ايضا .. انها دعوة عامة .. وكما ترون اننى لم اسرد حتى الآن تفاصيل ما جرى .. تعمدت ذلك .. وحتى يسمع الناس بآذانهم ويروى باعينهم من اقوال الاتهام وشهوده .. وليس منى انا .. وواذا كانت هناك ثمة اسئلة تدور حول لماذا يقبض على البعض ويترك البعض الآخر ؟ فان هذا سؤال وجيه يمكن ان يطرح على الشرطة او النيابة ..ولنرى بماذا يحكم الناس .. ولنرى ما هى الافعال الفاضحة ما البسه انا ولبسته البنات اللواتى جلدن ؟ ام هذه المهزلة التى قاموا بها و تتكرر يوميا دون ان تجرؤ واحدة على الشكوى خوف الصدمة على والديها الفضيحة .. اذن القضية هى المادة 152 التى تعاقب بالجلد 40 جلدة أوالغرامة أو العقوبتين معا ... فى موضوع الملابس الفاضحة دون ان تحدد ما هى مواصفات هذا الزىّ الفاضح .. وفوق ذلك اسم المادة فى القانون : افعال فاضحة .. تخيلوا ماذا يمكن ان يتبادر الى الذهن حين تسمع ان فلانة بنت علان جلدت فى النظام العام بسبب افعال فاضحة ؟ هذا ما اردت ان اشهد الناس عليه .. وليسمعوا من الاتهام وشهوده .. اما انا فلن اقول يوم المحكمة سوى " نعم " " هكذا صحيح " ولنرى ما هى الجريمة .. جريمتى التى ارتكبت؟......
|
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
Quote: رغم انها يمكن ان تتحول أو حولت بالفعل لتكون هكذا بعد ان ان اتخذت القضية منحى آخر هو دعوة الناس والعالمين ليكونوا شهودا على هذه الفضيحة " فضيحتى ام فضيحتهم " ذلك ما ستحددونه انتم بعد سماع اقوال الاتهام وشهوده وليس اقوالى انا .. .. قضيتى هى قضية البنات العشرة اللواتى جلدن فى ذات اليوم ..وهى قضية عشرات بل مئات بل الاف الفتيات اللواتى يجلدن يوميا و شهريا وسنويا فى محاكم النظام العام بسبب الملابس |
100 ال100
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Deng Goc)
|
كانت هناك دعوة نشرتها اجراس الحرية ولكن كالعادة حذفتها الرقابة الامنية
Quote: أجراس الحرية: وزّعت الأستاذة الصحفية لبني أحمد حسين كاتبة عمود "كلام رجال" الدعوة لحضور محاكمتها تحت المادة "152" من القانون الجنائي لسنة1991 م، ملابس تسبب مضايقة للشعور العام، بمحكمة النظام العام محلية الخرطوم وسط بالسجانة، ولم تحدد السلطات المختصة تاريخ ومواعيد المحاكمة بعد.
مرات القراءة: 706 - التعليقات:
|
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: مؤيد شريف)
|
.....
لبني ودينق والحضور ،،، تكرر شبكة صحفيون لحقوق الانسان مناشدتها للزملاء الصحفيين لتنظيم وقفة احتجاج أمام المحكمة في اليوم المحدد للمحاكمة ....
التضامن العالمي مع لبني ..
--------------------------------------------------------------------------------
Quote: الانتقام من صحفية سودانية معارضة بتهمة "ارتداء ملابس مُضايقة للشعور العام" لبنى احمد الحسين مهددة بالجلد 40 جلدة والشبكة العربية تطالب المنظمات الدولية بمساندة الصحفية وتدعو الحكومة السودانية وقف هذه المحاكمة
11 يوليو 2009.
أعربت الشبكة العربية لمعلومات حقوق الإنسان اليوم ، عن بالغ قلقها إزاء قرار إحالة الصحفية السودانية المعارضة" لبنى احمد الحسين" للمحاكمة بتهمة ارتداء ملابس "تخدش الحياء والذوق" حيث رأت الشرطة القائمة على تنفيذ قانون النظام العام في ملابس (لبنى) خطراٌ على المجتمع وقيمه السمحة !! والعقوبة لهذه الجريمة هى الجلد 40 جلدة وبشكل علني وذلك وفقاً لنص المادة (152) من القانون الجنائي السوداني لسنة 1991 بتهمة "ارتداء ملابس مُضايقة للشعور العام".
وتكتب لبنى الحسين لسنوات عديدة عمودا شهيرا بالصحف السودانية تحت اسم " كلام رجال " تنتقد فيه الأوضاع السودانية وتوجه انتقادات لاذعة و شجاعة للحكومة السودانية وللمتشددين الإسلاميين على حد السواء.
وقالت عبير سليمان مديرة البرامج بالشبكة العربية لمعلومات حقوق الإنسان" هذه اتهامات رخيصة لا تلجأ إليها سوى حكومات مستبدة ،كان على الحكومة السودانية أن تتحلى بالشجاعة وتعلن ضيقها من كتابات هذه الصحفية الشجاعة ، بدلا من اتهامات وانتقام وحشي هدفه الأساسي كسر قلم هذه الصحفية".
و يعد قانون النظام العام السوداني من أشد القوانين تمييزا ضد المرأة السودانية لانتهاكه حريات أساسية من حق المواطن التمتع بها.وقد استهدف هذا القانون المرأة العاملة والطالبة بشكل خاص، وكأنه قد سن لاضطهادهن وإذلالهن وتقييد حريتهن وعزلهن عن المشاركة فى الحياة العامة وقد تفتق الذهن البوليسي عن استخدامه الآن ضد صحفية معارضة .
وطالبت الشبكة العربية لمعلومات حقوق الإنسان المنظمات الدولية المهتمة بحرية الصحافة والمدافعة عن حقوق المرأة بالاحتشاد خلف لبنى لوقف هذه المحاكمة غير العادلة التى تنتهك كافة المواثيق الدولية التى تدافع عن حرية المرأة وحرية الصحافة ، مؤكدة ان الحكومة السودانية تنتقم من معارضيها بشتى السبل وتستخدم القوانين سيئة السمعة للانتقام منهم .
وأشادت الشبكة العربية بجرأة وشجاعة الصحفية السودانية التى لم تهتز او تخاف من القرار بل قامت بطبع كروت دعوة لكافة الإعلاميين والصحفيين لحضور جلسة محاكمتها وفى حال اتخاذ قرار بالجلد تدعوهم أيضا إلى حضور تنفيذه. |
.
للتنسيق : [email protected]
..
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: جهر)
|
كامل التضامن مع الاستاذه لبني وانحني احتراما لشجاعتها في مواجهة هذه المحنه للتفكير مع الجميع اود ان ابدي الاسي الذي يعتريني وانا اتذكر ان مساله الزي وسيله لازلال المرأه في السودان وبصلاحيات مفتوحه حيث ان تحديد مخالفة الزي لقانونهم تعتمد علي المزاج الشخصي للشرطي ,هو الذي يقرر مصير هذه المسكينه رغم جهله حتي ماهي مهمه الشرطي الاصليه وعدم تاهله لهذه المهنه ,بالاضافه لان الدوله تحفز فيه عدم الحياديه بتخصيص نسبه من الغرامه التي تدفع من المتهم الذي يقبض عليه هذا الشرطي, وفي راي الشخصي ان هذه الغرامه هي الحافذ الاساسي لهم للبحث عن ضحايا وجمع اكبر عدد منهم. بالاضافه للسعي لاغتيال الشخصيه كما حدث الان للاستاذه لبني.
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: Asma Ali)
|
الاخ دينق سلامات
Quote: .. قضيتى هى قضية البنات العشرة اللواتى جلدن فى ذات اليوم ..وهى قضية عشرات بل مئات بل الاف الفتيات اللواتى يجلدن يوميا و شهريا وسنويا فى محاكم النظام العام بسبب الملابس .. ثم يخرجن مطأطأت الراس لان المجتمع لا يصدق ولن يصدق ان هذه البنت جلدت فى مجرد ملابس .. والنتيجة الحكم بالاعدام الاجتماعى لاسرة الفتاة و صدمة السكرى او الضغط او السكتة القلبية لوالدها وامها .. و الحالة النفسية التى يمكن ان تصاب بها الفتاة ووصمة العار التى ستلحقها طوال ع |
.. فعلا القضية اكبر من كده القضية اصصلها تحطيم معنويات شعب كامل و اذلاله وكسر عزيمته وكبريائه من خلال هذه المادة بعد ان عجز النظام عبر اليته الاقتصاددية النيل منه فلجأوا لتنيفيذ ماهو احقر واتفه مادة
| |
|
|
|
|
|
|
Re: دعوة لحضور محاكمة الصحفية الاستاذة لبنى احمد حسين (توجد جلد) (Re: HAYDER GASIM)
|
152- (1) من يأتي في مكان عام فعلاً أو سلوكاً فاضحاً أو مخلاً بالآداب العامة أو يتزيا بزي فاضح أو مخل بالآداب العامة يسبب مضايقة للشعور العام يعاقب بالجلد لما لا يجاوز أربعين جلدة أو بالغرامة أو بالعقوبتين معاً 0 (2) يعد الفعل مخلاً بالآداب العامة إذا كان كذلك فيمعيار الدين الذي يعتنقه الفاعل أو عرف البلد الذي يقع فيه الفعل0 عرف البلد
نفس المادة الجلدوا بيها بنات الأحفاد الكانن "مستورات" جوة البص واللا نسيتوا؟
واجدة من جالتين يا إما هناك مركز قوة الحكومة ما قادرة عليه أو غيمة وراها حاجة.
في التاريخ الإسلامى شفنا البنطلون لبس النسوان والجلباب الفضفاض لبس الرجال لكن الدكورة الإسلامية بقت لابسة غربي شن قدر النسوان على محاكاتها. بعدين عرف البلد -السودان- فى اللبس شنو غير أنه سانر وكاسي؟
| |
|
|
|
|
|
|
|