Quote: درديري ود الكباشي من سنتين بقرأ قصصه وكل يوم برجع أعيد فيها .. لمن نسختها عندي بدون إذن منه لكن حفظت ليه حقوقه وتاريخ كتاباته يطوع المفردة كيفما يشاء
مشكور يا أستاذ النور على هذه الشهادة القيمة
ونهديك وجميع الحضور هذه القطعة الواقعية تماما وكما هي .
درس أنما أيه في بداية حياتي العملية بالمنطقة الصناعية كسلا لم يكرمني الله بدابة بعد لا معدنية ولا حيوانية .. بما أنه المنطقة الصناعية لا تقع في خط المواصلات مباشرة .. تعودت أن أمر ( اشاشق ) بوسط الحي ( حي الترعة ) بظهر بيتنا بمحطة الحجر .. المشوار في البداية بدأ شاقا .. ثم تحول لروتيني معتاد بمرور الأيام .. كل صباح تقابل نفس الوجوه الطيبة .. عبارات السلام تحاول أن تغير فيها لتكسر ملل الروتين (أصبحت كيف يا حاجة خضرة .. الحمد لله يا ولدي أمك كيف .. بخير والحمد لله .. و السلام عليكم يا عم بله ) الله يسلمك يا بني .. أبوك كيف زمن ما جانا بجاي .. ؟ الحمد لله بخير .. سلم عليه .. الهي يسلمك يا عمنا .. حتى الكلاب التي كانت تستقبلك بالنباح في بداية المشوار أصبح نباحها جزء من الروتين .. يخيل لي لو تأخرت قليلا لتغيرت نبرة النباح و فحواها سيكون ( شنو يا أخينا ما أتأخرت علينا وضيعت زمنا هو نحن ما في حد تاني ننبح فيه غيرك ؟.) غنيمات الشارع وغزل التيس المفضوح وديك يطارد في دجاجة ..وأمرأة تملأ زير السبيل . وأخرى تكنس الشارع أمام بيتها. تتغير الوجوه وتنكمش المعرفة كلما ابتعدت عن الحي وأقتربت من مكان العمل فتصبح التحايا بدون صحبة أسماء .. السلام عليكم .. أهلا يا أخينا أتفضل أشرب شاي .. شاكر جدا سبقتكم والله . يوم ما بذات المشوار مع خلو الشارع من المارة وندرتهم وجدت كوم رمل أمام أحد البيوت فيه طفلان يلعبان .. ولد وبنت أعمارهما بين ثلاث وخمس سنوات والولد أكبر .. ما أستوقفني منظر يتطلب الأغاثة العاجلة.. الولد يلقي أخته على كوم الرمل ويضرب فيها وهي تصرخ. انفعلت جدا وغضبت شديته عنها بعنف .. خاف الصغير لثورتي وجحظت عيناه رعبا .. لكني تفاجأت .. بالصغيرة أنتفضت فجأة و نفضت التراب عن ثيابها ومسحت دموعها بكفها .. ونهرتني بلكنتها ( اللجناء ) .. قائلة ( مالك وماله حليه يضلبني مش أحوي ) . .بصراحة أنا أتغظت منها وكدت أن أقول لها ( انشاء الله يطلع ... ) لكن كظمت غيظي منها وواصلت مشواري .. والمشوار لا زال طويل .. بت أفكر في تصرف هذه الصغيرة ( المفعوصة ) كيف عندما شعرت أن أخاها في خطر تجاوزت آلامها ونسيت ظلمه وهبت تدافع عنه بكل شجاعة أي درس هذا لقتني له تلك الصغيرة... وكلما مرة تطفو على سطح ذاكرتي هذه الحادثة كلما مر بي في الحياة موقف مشابه .. على مستوى السياسة أو الرياضة أو حتى الحياة بصفة عامة .. كم مرة أستغثنا بالغريب للجم أولى القربى وملكناهم زمام أمورنا .. وبتنا لا نعرف كيف نتخلص منهم .
لكني تفاجأت .. بالصغيرة أنتفضت فجأة و نفضت التراب عن ثيابها ومسحت دموعها بكفها .. ونهرتني بلكنتها ( اللجناء ) .. قائلة ( مالك وماله حليه يضلبني مش أحوي ) . .بصراحة أنا أتغظت منها وكدت أن أقول لها ( انشاء الله يطلع ... ) لكن كظمت غيظي منها وواصلت مشواري .. والمشوار لا زال طويل .. بت أفكر في تصرف هذه الصغيرة ( المفعوصة ) كيف عندما شعرت أن أخاها في خطر تجاوزت آلامها ونسيت ظلمه وهبت تدافع عنه بكل شجاعة أي درس هذا لقتني له تلك الصغيرة... QUOTE >>><<<<< >>>>>>>
انت ما سمعت بالمثل البيقول :" انا واخي على ابن عمي , وانا وابن عمي على الغريب.. اها الشافعة دي طبقت مثل انا واخوي على الغريب... ودمت بالف خير
10-01-2015, 11:00 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
لانها غداً ستصبح ماضى فالاحسن الواحد ينساها الآن ,, عشان ماتفسد الحاضر ,, لان المستقبل غيب ولاندرى ماالذى يحدث فيه ,, ومن اليوم داك وانا بحاول اتمسك بحكمة تبيان.. نامن القى نفسى مدلدل فى مشكلة ,,, وانتى زى ما قلت ليك مهمتك الاولى هى التركيز فى دروسك ,,, وما تخلِّى فرناغة بكرى دى تحجب الرؤيا لديك. ,,,,,,,, ,,,,,,, ,,,,,,,
نقلت الاقتباس ده من بوست فيصل خليل، ود حلة بت مصطفى وقلت هحسن ارد هنا ، عشان كمان ما يقوم يزعل مننا اكثر من كده...( وش ضاحك).. .. دي نصيحة غالية جدا وحأعمل بيها من اليوم .. وشكرا كتير كنير... .. بس كلمة فرناغة دي إلا يجو ناس ود العبيد واسحق ود بلة وود شيقوق وود البوش يشرحوها لينا... ودمت بالف خير وصحة وعافية .. وان شاء الله يخلي ليك تبيان ونشوفها فيي المستقبل استاذة في جامعة هارفارد
10-02-2015, 03:17 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
مخاليق مولانا الجميلين جميعا ، وحادي نوقنا الفاضلابي كل عام وأنتم ممهولين وبالكم رايق الأستاذ مامون ودالنور سلااام ومعزة، وشكرا لك للسماحة ،وإن نال مانكتبه إعجابك، ووقتك، تجدني فرحا بذلك، لأنك من مُداخلتك، والكاتب عنوانه المفردة، ومن كتابتك،أنَّك من مخاليق مولانا الجميلين الأخت بسمات ، تحيَّات نواضر الفرْناغة دي إن شاء الله لاتلاقيكي ولا تمرِّي ب دربها، يشهد الله تقول الكتاحة أخير منها، كما قال الزول السمح عبدالمنعم في منطقة ومشرع ومورد شهير ببادية الكبابيش إسمو "الفرجي..الفرجة"، أها المُشرع دي فرناغة عجيبة، يعني الرَّي من الدِّكَّة أو الفرقان،حتي يصل "عِد الفرجة " آبار، بكون من الفرناغة كل الوجوه إتغيرت من الغبار، وأصبحوا الواردين ، أشكالهم فرجة..! أي يتفرج عليهم الناظر لهم..! من قبحهم من غبار الفرناغة...! أها يا بسمات بت الشيخ، "الفرناغة" دي اساس هي مِيع أو ميعة أرض خليط من الرمل والطين، بتمسك ماء المطر في الخريف ، لفترة قصيرة، وفي الصيف عندما تمر فوقها، حوافر الدَّواب،تخرج غبارا كثيفا، وغبارها خليط من الرَّمل الناعم والطين النَّاعم، لذا يكون وقعه علي الوجوه صعبا الصديق الترايمو الروح، وإتشاشي لي شوفتو خالدودالمنسي سلااام ومعزة ياخ يشهد الله القلوب شواهد، الناس الجميلين ديل تابعتهم بأذنٍ مرهفه لشدوهم ، وخاصة حسن محجوب وضياء مرضيان سيادتك وقاصدك عيادتك... من نظرة خاطفة...وأقلَّ عاطفة... ألااااامي تُشفي وحرارتي تُطفي.. ل فكري توحي أدبي وطموحي. الله..... لي روحي...أطلق سراحا..وأضمد جراحا وأدِّيها راحا قول فيها وصفه... مع إبتسامتك الدنيا تصفه ياخ الزول حسن محجوب دي يا خالد أخوي ،غنَّاي وبغني من قلبو...! بعدين ، من الذين بعثوا في غنا الحقيبة الروح من جديد، بعد أن خربه مطوعين الطاري..! ود أب سن ياشفيف الجلافة منِّك بعيد
10-03-2015, 07:46 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكر العبيد اخوي ودة من فرط محبتك ولك مثلها اها الفرناغة ولا الفرنغاغة .. في خاطري التراب الناعم جدا ومنحل .. يعني كان ماشي فيهو كراعك تغطس جواهو .. ولامن يجبهو هواء علالتو بتربط .. عكس الارض العزازة تعرف البطانة رملة خشنة .. مرة الدنيا صيف وانا لابس بنطلون قميص وقام هوا بي ورانا وجانا . عليك امان الله سيطان بتمحط فينا .. الرقبة والكرعين تحت .. لو جلابية الزول بتصرف
يا سلام على هذا البوست الذي أصبح كل ما يكبر يكبر ود المنسي وود الطيب وود أبو سن وبت عمسيب أضافة لأهل الدار بت الشيخ والفاضلابي وباقي عقد الورود فأصبح البوست يشبه رائعة أستاذنا بشرى الفاضل التي عبقها مصطفى بعبقريته اللحنية الصحرا فى عينيا تتواثب جناين ماخدة صوتـك مـن جـداول وما خدة صورتك من كهـارب مـولـداً ميـدانـو حـافـل كـلـمــا يـصـبِّــح ... تجيهـو الـنـاس جحـافـلْ يـا سـلام .... يـا ســلام
ما نقولها كلها أحسن :
حلوة عينيك
نفسـى فـى داخلـك أعايـن وأروى روحى وأشوف منابعك يــــــا ســــــلام الصحرا فى عينيا تتواثب جناين ماخدة صوتـك مـن جـداول وما خدة صورتك من كهـارب مـولـداً ميـدانـو حـافـل كـلـمــا يـصـبِّــح ... تجيهـو الـنـاس جحـافـلْ يـا سـلام .... يـا ســلام *** لمّـا تعبـرى فـى الشـوارع شوفى كيف النـاس تصـارع ناس تطفِّـر .. ونـاس تدفِّـر فى البشابـى علـى نجومـك وفى البخبْ .. كايس تخومِـك وكل زول من عِنْ سُلافـك .. لا لا .. قـال دايرلُـو كـاسْ *** مرّة طربان .. شلـت صوتـك شــــان أغــنـــى.. قـلــت آه يـالـيـل .. وآه إنتى أول .. وإنتـى تانـى .. وإنتى تالت .. وإنتـى رابـع نافـرة زى صـيـد الـخـلا وصافيـة زى نبـع المنـابـع وقلتى لى غنـاى .. خـلاص *** حلـوة عينيـك زى صحابـى عنيدة كيف ... تشبه شريحتين مـــــن شـبــابــى حلـوة عينيـك زى صحابـى وزى عِنـب .. طـوّل معتّـق فـــــى الـخــوابــى وسمحة زى ما تقول ضيوفاً .. دقّـــــوا بـــابـــى .. فرحى بيهم سال .. مـلا .. حــتـــى الـكـبـابــى
************************** أجمل ما قرأت أو سمعت لا أذكر ومتعلق بالأغنية أعلاها رواها الراحل حميد . قال عندما كان مصطفى يلحن في هذه الأغنية قاطعه حميد وقال لو أستبدل بشرى الفاضل (وزى عِنـب .. طـوّل معتّـق فـــــى الـخــوابــى ) ببلح لآنه نحن نعرف البلح ولا نعرف العنب . قاطعه مصطفى ضاحكا وقال يا شايقي يا مغفل لم بلحك عليك دي بشرى الفاضل كتبها في واحدة روسية في موسكو . هههههههههههههههه يا سلام على الروح وألخوة في الانسانية .
Quote: اها الفرناغة ولا الفرنغاغة .. في خاطري التراب الناعم جدا ومنحل .. يعني كان ماشي فيهو كراعك تغطس جواهو .. ولامن يجبهو هواء علالتو بتربط .. عكس الارض العزازة تعرف البطانة رملة خشنة .. مرة الدنيا صيف وانا لابس بنطلون قميص وقام هوا بي ورانا وجانا . عليك امان الله سيطان بتمحط فينا .. الرقبة والكرعين تحت .. لو جلابية الزول بتصرف
ههههههههه بس دي الفرناغة ... وإن شاء الله بت الشيخ مولاها ما يداقشها بيها تب...! قلت لي بنطلون السواااااد وقميصو بقن ليهن سيحان من دُك الفرناغة اها بقيت فرجي ل العرب...! زمان عندنا دمر درت إسمو الفرينيغة، أها في إجازتي الأخيرة لقيتو بقي مناجم دهب..! شفت رحمة مولانا الناس الملاهن دُك... وصبروا علي علالتو وعجاجو .... قبَّل ملاهُن دهب الناقِِرشفت كيف..! وعن الدُّك وعجاجة الكرعين قال الشاعر الرائع ودقدَّال الكباشي: هِياج الصَّيف والبول المعبِّس لُكُّو قصدي إتسيبو والمُخ ب الزيادي تسكُّو دوديبا مقاصر الوادي جنبو بحكُّو باين لي بي جنقك بتطير دُكُّو شفت كيف يا شيخ العرب ، الدوداب خاطم الوادي وملاصقو أها بطيِّر علالتو ، وهو متوجه فرقان أُم عِروض أها العلال دي ودالمنسي جاب خبرها زمان مع "سايق الفيت" للنادِر جدا الشاعرالعبَّادِي
10-03-2015, 01:18 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
خليل فرح كان معروف من الشعراء الذين ناهضوا الاستعمار بالكلمة ومن قصائده المشهورة ( عزة في هواك ) وقد جراه في في القصيد الشاعر العبادي بقصيد ( عزة الفراق بي طال ) وقصيدة أخرى للشاعر مصطفى بطران ( عزة عزة وصالك ) وعزة هي زوجة المناضل علي عبد اللطيف ( رمزوا بها للسودان في غناهم )
لكن ما أجمل الكلام منظوم عندما عاد الشاعر الشاعر خليل فرح يذكر ايام حب له في مدني ( في شبابه )
مالوا عياهو النضال بدني روحي ليه مشتهية ود مدني
ود مدني الشاعر/ خليل فرح ما له أعياهو النضال بدني روحي ليه مشتهيه ود مدني ليت حظي سمح واسعدني طوفه فد يوم بي ربوع مدني كنت أزورو أبويا ود مدني واشكي ليه الحضري والمدني آه علي حشاشتي ودجني وا حنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروض والقصب صنفتن بعدها قالن إن تصب تربط الأحلام مع الخصب كان حبيبنا وحاشا ما نُصبي ومن زمان فارقنا وهو صبي تاني ما سمعنا انقطع خبره يا حليلم طشوا ما اتخبروا واحدة فيهن قالت انجبروا فقر ابونا وخدمة النبرو الكنانة أكرمت نزلي واغدقت من خيرها كل زلي إن حييت أو مت في الأزل ده مقدر طبعه في الازل غايته بختم نفثتي الخطرت بي تحية من حشاي شطرت للتدور والطاريى والما طرت وسلاما ما الغصون خضرت
روحي ليه مشتا قة ود مدني . يا سلام دي بقت جبنة بي الباسطة عديل . يا جماعة والله مافي أحلي من البوستات البتلم ناس جميلين زي ديل . لكم التحية وأحد وأحد و وأحدة وأحدة .
10-04-2015, 10:18 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الشاعر/ خليل فرح ما له أعياهو النضال بدني روحي ليه مشتهيه ود مدني ليت حظي سمح واسعدني طوفه فد يوم بي ربوع مدني كنت أزورو أبويا ود مدني واشكي ليه الحضري والمدني
يا عثمان جنى موسى فعلاً من عيون الشعر السوداني هذه الأغنية ( روحي ليه مشتهية ود مدني الخليل اي خليل فرح معروف أمتاز بخلط العامية السودانية بالفصحى وله في ذلك باع طويل في هذه القصيدة .زكنت كما يقال أستراحة محارب أعياه النضال ضد المستعمر بالكلمة ولفترة طويل كانت الذكرى باعث هذه الشجون ...
تذكر المحبوبة في ديار مدني ... أيام الصبا .. وهم في حقول ومروج الجزيزة أم دوح وكانت ضربة البداية مالو .. اعياهو النضال بدني روحي ليه مشتهية مدني لا يريد الإنسحاب من ساحة النضال لذا يتساءل وهبت نفسي للنضال ضد المستعمر ما هذه الأفكار في عشف وحب الصبا طفرت للعقل مرة أخر .. وما هذا الشوق الذي غمرني لتلك الديار ( ود مدني ) والشوق لم يكن للديار إنما لساكني الديار وكان الطلب من الله دعاء لو حقق الله الأمنية وزرت ديار المحبوبة .. طوفة ..و الطواف معروف فد يوم كل مناي في ربوع مدني وليت الحظ يسعدني بهده الزيارة .. زيارة فيها أجتر الذكريات من صبا قبل الخوض في بحر النضال ضد المستعمر .... نزرا أن أزور أبوي الشيخ ود مدني ( و هو مدني السني ) لما أشكي كم عانيت من في ديار الحضر والمدن ( البندر .. ويعني ما عناه من ضروة النضال )
Quote: حين سألنا حاوي الوصب من خمايل قرية القصب قالوا جات سيرتك علي النصب ونحن بين الروض والقصب صنفتن بعدها قالن إن تصب تربط الأحلام مع الخصب كان حبيبنا وحاشا ما نُصبي ومن زمان فارقنا وهو صبي
هيجتني الذكر والذكر كامنة في الذاكر لكن تحتاج لمن يحركها للطفح للسطح وكان اللقاء مع حاوي الوصب من عمال المشروع ( ايو مشروع الجزيرة ) ويظهر أن الشاعر كان ابوه يعمل في تلك الديار وشبَّ وترعرع هناك قبل الهجرة للبند أم در ماذا قال حاوي الوصب الذي لازمه في أيام الصبا القول كانبعد سؤال كيف الديار وساكني الديار ( المحبوبة ) قال : جات سيرتك على النصب ( النصب : شبه كومات القصب متساندة مع بعضها في شكل عمودي كأنها نصب ( كما النصب التذكاري ) من خمائل قرية القصب .. اي تلك الزارع التي فيها كان لقائنا بي الحسان ... نحن بين الروض والقصب فهمي لهذا البيت يعني به : عندما كانوا في عمر ترويض وغصب اي افعل هذا ولا تفقعل هذا والله أعلم والخليل أعمق من أنيكون يقصد المعني المباشر .. اي أيام كانوا يرتعون بين الرياض وحقول القصب .. ومع أنه يمكن أن نحمل هذا المعنى .. لكن الأول اعمق هناك جات سيرتك .. ووكت سيرتك إجيبوها أهلي كتير بريدوها صنفت : اي سكت بره عندما جات السيرة عن الخليل ... ثم بعدها قالت ... إن تصبي .. اي يحالفها الصواب كان حبيبنا وحاشا ما نُصُبي اي حاشا لم يكن نصاب اي مخادع في مشاعره ومن زمان فارقنا وهو صبي كتب الله الفراق لنا عند هجر الديار متوجه للبند وكان أيامها صبي يافع
10-05-2015, 07:37 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
Quote: الشم خوخت بردن ليالي الحرة والبراق برق من منا جاب القرة شوف عيني الصقير بي جناحو كفت الفرة تلقاها ام خدود الليلة مرقت بره
يا سلااام يا الحبيب ود كباشي درديري حديث البطان له في المفردة عمق وأبعاد .... والتي لها فطاحلتها ناس ود المقدم وابوسن و وضاحة نحن ناس حضر هههههههه تأمل هذه المفردة خوخُّت لم يقل مالت عليك الله شوف فصاحة العرب ديل والشم : وهو تفخيم لا تصغير للشمس تسلم يا يابا علي الأبيات السمحة لسيد شعراء البادية الحادلو
ها ناس وين بت مصطفى حت هي عندها أمتحان الشى شنو الله الامتحانات مطمورة فوق قوز بدر
بس طبعا الترجمة واردة للضلعاء ود البوش وود المنسي وود الطيب طبعا أولهم ود أبو سن خلي يجي يفسر لنا كلام جده
" مسدار الصيد " للشاعر الفحل الحاردلو (أحمد عوض الكريم أبو سن) >>>>>>> <<<<\
يعني يا ود ابوسن تراكا ما قاعد في الواطة...انت حفيد احمد عوض الكريم ابو سن وما تكلمنا.. هل انت بتعرف معلومات كافية عن ابو جدك عوض الكريم ابو سن...وهو من الشخصيات السودانية المعروفة التي اثرت في مسار التاريخ السوداني المعاصر.. وطبعا انا عرفت المعلومات دي من كراسات بت مصطفى التي تكتب عن الشخصيات البارزة في المجتمع السوداني والتي لها تاثير في مسار التاريخ السوداني المعاصر .. وقرأت عنها الكثير عن ناظر عموم الشكرية عبد الله عوض الكريم ابوسن وولده عوض الكريم الذي لزم اباه وتعلم منه فن نظم الإدارة وكان على درجة كبيرة من الاعتدال بالنفس وكان يمتاز بالذكاء الحارق وكان مسؤولا عن ادارة قبائل الشكرية في كسلا والنيل الازرق .. كمتا كان عوض الكريم ابوسن احد اعضاء الوفد السوداني الذي سافر الى انجلترا بعد نهايةى الحرب العاللمية الاولى نائبا عن والده الذي كان كبيرا في السن وبعد ذلك اصبح ناظر عمزم الشكرية من عام 1923م وحتى وفاته عام 1942م .. وكان حاكما نزيها غفيفا ومحبوبا عند جميع الناس وكذلك مهابا ومثالا صالحا للحكم الصالح ,, وتوجد معلومات كثيرة جدا عن هذا الرجل الشهير في كراسات بت مصطفى .. وما دام يا ود ابوسن هو والد جدك لازمن تكون عندك معلومات اكثر وممكن تمد يت مصطفى بهذه المعلومات.. ودمت بالف خير وصحة وعافية ودي صورة لزعيم قبائل الشكرية عوض الكريم ابو سن ( حاولت انزل ليك صورة والد جدك عوض الكريم ابو سن .. لكني فشلت..)
ههههههههههه زى ماقال ودالبوش ,, هسع الزول يبدأ من وين ,, فتنا خليناكم ,, جاريين وراء الهلال والمريخ ,, جابولنا (دَمْتَايِرْ) دى اسعلوا منها ودالبوش. وفى قول آخر ياعبدالمنعم ,, الفرناغة دى ضَرَّة الدَّلَجة
10-05-2015, 08:32 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: دي جيتي من حواشة الزهور الليلتي وكل واحد يشيل زي ما داير من ورود
هييييع بت نفيسة جات من حواشتا ,, وبعد جدعت صُرَّة الزُّوادة فوق النملية مشت اتمددت فى ديك البرندة الـ مِى خمج ,, وبعد ارتاحت شوية دَعَكَت كرعينا حتحتت طين الحواشة ومشكتِن بى زيت سمسم من الْنَتَحى من شِدَّة ما تعبت من العزيق ,, والـشَّليخ ,, والـقبيب. وبعد شربت ديك الجبنة التعدل المخ ,, قامت على اللابتوب ودخلت العولَمة
10-05-2015, 08:38 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: الفرْناغة دي إن شاء الله لاتلاقيكي ولا تمرِّي ب دربها، يشهد الله تقول الكتاحة أخير منها، كما قال الزول السمح عبدالمنعم في منطقة ومشرع ومورد شهير ببادية الكبابيش إسمو
هلا بالعبيد ,, ياخوى النوق دى مافى شيتاً بعجبها ويخليها تَرقِل فى صحراء التعب الا كلامك الجميل ده ,, أنا ماعارف ياود الطيب الشعر السمح ده وقف عند الناس السمحين ديلاك ليه؟ البادية ياها البادية والنوق ياها النوق ,, وحياتنا ما اتغيرت كتير,, تعرف يا ودالطيب مرة سمعت محاضرة فى الراديو للراحل المقيم عليه رحمة الله البروفيسور عبدالله الطيب وكان يشرح فى كلمة التَّمَدة وهى التى ينسب اليها البلح (بِتْ تَمُودَه) مكث اكثر من حلقة ,, يشرح فى تلك الكلمة ,, ياخ الكلمات التى استخدمها اهلنا هؤلاء لها وقع يمس القلب حتى ولو لم تدرك المعنى ,, واصل يازول ياجميل ,, بالمناسبة ياودالطيب كلامك عن بادية الكبابيش يجعلنى أخَمِّن انك تنتمى إلى تلك البقاع ,, وهذا يقودنى إن كنت تعرف مولانا القاضى حسن المهل؟
10-05-2015, 08:42 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: تعرف البطانة رملة خشنة .. مرة الدنيا صيف وانا لابس بنطلون قميص وقام هوا بي ورانا وجانا . عليك امان الله سيطان بتمحط فينا .. الرقبة والكرعين تحت .. لو جلابية الزول بتصرف
شيخ العرب ودابسن ,, عوافى جدنا لديه بنت كانت زميلتنا فى كلية القانون ,, جاءها صديقنا من كلية الاداب خاطباً وكان معه اهله جاؤنا فى الفاضلاب ,, وهم خرطوميين فباتوا ليلتهم فى الفاضلاب ,, قومى يالكتاحة ام كُبْسة ديك أسْرِى ليلك كله فوق الفاضلاب وما جاورها ,, حتى أهل بسمات ديل بكون نالهم منها نصيب ولى عِن ناس ودالمدير فى السيالة ,, المهم ما أطَوِّل عليكن أخوان البت الزبير وعامر ناس مستهبلين خلاس صحو بدرى ومشوا يصحوا خطيب اختهم فى الحوش التانى ,, لقوهو ليك مَكَندَّك بالغبار الناعم داك ,, غاتِس فى السَّفاية لى إضْنِينُو نوع السَّفاية ديك الـ نامِن تقوم من الفراش تلقى خرطتك انطبعت فى اللحاف ,, زى نجاتيف الصورة اها عامر عاين للزبير كِده وقال ليهو : الليييييييلة يالزبير الزول ده لو صحيناهو بقول نحن كَتَّحناهو عشان ماعاوزينو يتزوج اختنا.
10-05-2015, 08:47 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
لله درك ياودالكباشى ,, الفنجان ده مدَوِّر بى روائعكم وجمال الروح الذى يسكنكم ,, ولولاكم لما اجتمع لنا عقد ونرجو من كل الذين خفَّت زيارتهم ان يعودوا الينا فهنا زُر غِبَّاً تزدد حُباً لامكان لها فى هذا الفنجان هنا كلما زرتنا وجدتنا اكثر حباً لك ,, نتمنى على هؤلاء ان يعاودوا: طارق جبرين ,, بت وراق ,, اميرة السيد,, سماعين ودعباس ودالمحرب ,, شيقا,, ست البنات ,, الشبلى ,, رشا بابكر سلمى بت الشيخ ,, الفاتح ميرغنى ايرنست ,, فردوس ,, جلالدونا ,, كبر,, طلحة الصفوة ,, وياريت ينادى لينا صاحبو جرجير ,, احمدونا ,, ودقبانى ,, اسحاق ود بلة عشان جميل مُقِلْ ,, بت ابحريرة ,, العطبراوى العاشق ودالمدير ,, فيسل هليل ,, وضاحة المحيَّا الملكة ,, مى عوايدا ,, ودالفحل ,, عصام ود نصر ,, ودعمى خليل ,, نضرب الهم بالفرح ياخ ,, ابوجهينة ,, منصور عبدالرحيم ,, حسن حماد ,,, اشرف الباقر,, هيثم غالى ,,, أحمد سيد احمد ,,, محمد الشيخ ,, ود عمى عِتمان ولد موسى اللِرجال خوسة ,, يوسف ود طه ,,, ودالقوز ,,, احمد ياسين ,,, مجاهد احمد ,,, مامون ودالنور ,, وكل من هو كيييف جبنة مرحب بيهو
10-05-2015, 09:24 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكر درديري مسدار الخريف ومسدار المطيرق من اجمل ما كتبه الحردلو و نحكي ليكم حاجة عن عمي صديق عمل ليهو طاحونة وشغال معاهو ولد صبي حجار .وعمي كان مسمنو عنتر مابخاف ولا بهاب الدواس .. اها الود الحجار عاجباهو روحو وقدر ما عمي ينضم معاهو يحمر ليهو قال ليهو يا ولدبتحمر لي مالك قال ليهو والله انا زول وشي شبر ما بخاف منو عمي قال ليهو طلق تلقاني بي الليل وشي دة قدر ما تعبرو ما تعرفو كم
10-05-2015, 09:25 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
لله درك ياودالكباشى ,, الفنجان ده مدَوِّر بى روائعكم وجمال الروح الذى يسكنكم ,, ولولاكم لما اجتمع لنا عقد ونرجو من كل الذين خفَّت زيارتهم ان يعودوا الينا فهنا زُر غِبَّاً تزدد حُباً لامكان لها فى هذا الفنجان هنا كلما زرتنا وجدتنا اكثر حباً لك ,, نتمنى على هؤلاء ان يعاودوا: طارق جبرين ,, بت وراق ,, اميرة السيد,, سماعين ودعباس ودالمحرب ,, شيقا,, ست البنات ,, الشبلى ,, رشا بابكر سلمى بت الشيخ ,, الفاتح ميرغنى ايرنست ,, فردوس ,, جلالدونا ,, كبر,, طلحة الصفوة ,, وياريت ينادى لينا صاحبو جرجير ,, احمدونا ,, ودقبانى ,, اسحاق ود بلة عشان جميل مُقِلْ ,, بت ابحريرة ,, العطبراوى العاشق ودالمدير ,, فيسل هليل ,, وضاحة المحيَّا الملكة ,, مى عوايدا ,, ودالفحل ,, عصام ود نصر ,, ودعمى خليل ,, نضرب الهم بالفرح ياخ ,, ابوجهينة ,, منصور عبدالرحيم ,, حسن حماد ,,, اشرف الباقر,, هيثم غالى ,,, أحمد سيد احمد ,,, محمد الشيخ ,, ود عمى عِتمان ولد موسى اللِرجال خوسة ,, يوسف ود طه ,,, ودالقوز ,,, احمد ياسين ,,, مجاهد احمد ,,, مامون ودالنور ,, وكل من هو كيييف جبنة مرحب بيهو
10-05-2015, 09:37 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: نحكي ليكم حاجة عن عمي صديق عمل ليهو طاحونة وشغال معاهو ولد صبي حجار .وعمي كان مسمنو عنتر مابخاف ولا بهاب الدواس
اها يا اسحاق ود بلة ,, ود اسن جاب سيرة الطاحونة ,, وكلمة طاحونة دى هى كلمة السر اللى إكتشفنا بها موهبتك فى الكتابة ,, فى حوش الاميرة ,, الشالو السيل فجعة ,, فى ذاك الحوش كتبت انا فى مداخلة كلمة طاحونة فكانت البداية حيث التقطت انت الكلمة ونظمت لنا من حروفها روائع وحكاوى ,, لشد ما اعجبتنا فزدنا منها يارجل ياطيب ,,
بمناسبة الطاحونة عما لينا جا من نواحي مروي نزل عند قرايبنا بأمدرمان الثورة جايي يقضي غرض رسمي بالعاصمة ويرجع . نزلوه في الصالون ولسوء الحظ البيت فيه دكان فيه طاحونة . هذه الطاحونة يبدأ عملها قبل الفجر بقليل وينتهي قريب أنصاف الليالي . وعمنا زول ريف ينام من بعد العشا ويصحى قبل الفجر يصلي ويلزم الجرف يقرع ويزرع .. من أول يوم فرشوا له سريره في الصالون . تعشى وصلى العشاء . مع ونسة المضيفين والضحك والذكريات لم ينتبه لصوت الطاحونة .. حتى أنفضوا وتركوه وحده في حوش الصالون .. أعد فرشه وأستعد للنوم ليستفرد بالمصيبة التي تنتظره .. أكتشف أنه الطاحونة لم تكن تحدث ضجيجا فقط . بل هزة ترج السرير رجا . حتى كاد أن يجري به .. حاول أن ينام لكن هيهات .. وضع المخده في رأسه وضغط عليها عساها تخف عنه الضجة .. الى أن قاربت الساعة من منتصف الليل .. ثم هدأ الصوت حتى سكن .. بدون مقدمات دخل صاحبنا في نوم عميق قبل أن يقوم فذعا لانبعاث الصوت من جديد قبل أذان الفجر ( يا أخوانا دي مصيبة شنو ) .. الصباح راح زار المصالح الحكومية حاول أن يقضي غرضه في يوم واحد ويرجع لبلده قبل أن تصيبه هذه الطاحونة بالجنون .. لكن كيف السبيل مع شعار ( تعال بكره ) .. التي تبعتها تعال بكرة أخرى مع أخرى .. بعد أن قضى الأسبوع الأول بين بيروقراطية الحكومة وضجة الطاحونة .. شعر بأنه ليس في حاجة أن يدفن رأسه بالمخده حتى ينام .. وفي اليوم العاشر نام بدون غطاء وبعدها أصبح ينام والطاحونة في أوج عطائها ربما الأرهاق أو حتى يمكن الادمان .. حتى قضى غرضه وعاد الى بلدته . هناك حيث السكون لا يسبق أي عاصفة .. بث أشواقه ووزع هدايه لآطفاله .. أعدوا له فرشه .. رقد لينام .. ظهر له أرق جديد ..لم يعتاد السكون هذه المرة .. الصمت والظلام .. عدا أصوات كلاب تنبح من بعيد ثم تهدأ .. تقلب في سريره هجره النوم .. أخيرا أهتدى لفكرة نادى ولده ( يا ولد يا خالد ...) أجاب خالد ( نعم يابا )... تعال شيل العصاية دي دق بها في البرميل دا خلينا نعرف ننوم شوية . ههههههههههههه
10-06-2015, 08:50 AM
مامون عبدالله نور مامون عبدالله نور
تاريخ التسجيل: 04-22-2013
مجموع المشاركات: 44
متابع بمتعة أحسد عليها والله ...لم تعكر مزاجي هزيمة الهلال ولا المريخ
جابو لي خبيز من السودان تستاهلوه كلكم شاي سادة منعنع مع صحن خبيز 5 بوصة ياخي إنتو فعلا ناس جميلين والله ...أضحكتموني ..بفرح ..اسعدتموني لله دركم من ظرفاء ولطفاء وكتّاب أفاضل شكراً ثم شكراً ياناس
على فكرة انا ساكن في البوست ....فماتشرونا باليوم واليومين
مأمون-مكة
10-06-2015, 10:10 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
تسلم تسلم يا سليم الذوق أخي عبدالمنعم سيدأحمد الجمري دا يا منعم سمو علي قريباً لينا أتشتغل مأمور لفترات طويلة في الكرمك وقيسان .. اسمو محمد حامد الجمري ومشهور بالجمري كان رجل أحبه أهل تلك الديار حباً جمَّ عليه رجمة الله دخل على يده الكثير من سكان تلك المناطق في الإسلام هههههههه وكمان بعد إسلامهم جعل ولائهم للختمية ... طبعاً نحن ختمية أهلنا ما بتصاقعو
نور بت القاضي جوها بنات الجبهة الديمقؤاطية عشان تدي صوتها للحزب الشيوعي ... قالت ليهن سمح آ بناتي لكن كان نزل زول من ناس سيدي نحن لا نعصي و لا بندي ناس غير سيدي بنتها أمال قالت يا امي عليك الله ناس سيدي ديل من أنت شافعة تدي فيهم في صوتك عملوا ليك شنو ؟؟؟ قالت يا بت ..... تأدبي مع الأسياد ديل طردو الأنجليز من البلد ... أمال قالت لامها يا أمي كيف ؟؟؟ علي الميرغني ... جاء السودان مع الأنجليز جندي غازي ..... قالت ليها أمها ::: ايوا جاء معاهم ومن يوم دخل ما ملص بوتو ( البوت : حذاء الجيش ) يوم ملصو الأنجليز مرقوا ضحكت أمال وقالت ليها طيب هو معذب الناس ليه ما كان يملص بوتو دا من أول يوم ههههههههه
Quote: ودالمك يابسمات بقران منك انتى واميرة وامتثال بسوِّيلو فى ماجستير ,, ظنّيتو فى اللغة الانجليزية اظنه داير يترجم للخواجات كلام العبيد ودالطيب بس ماعارف الخنتيلة دى حايترجما كيف؟ * بقران دى مانى عارفها بالقاف ولا بالغين ,, تحول لودالبوش للفتوى
هههههههههههههه البغر فيه نعمة ما حسد حاسد ولا بغران ههههههههه والله يا الفاضلابي ما متأكد هل هي بالقاف ولا الغين لكن أنها بالغين مفروض يكون لانو لو قلنا بقر الفاضلابي من خالد .. معناها كل ثوتك من ماشية من عندنا ههههههه كنا ساكنين في كوسوفا في جبل أسمو بريقو ديلت .. بعيد من وسط المدينة .. عندنا واحد سوداني مسلط سمى الحي الذي نسكن فيه الكلاكلة ... اها اي زول يقول ليك ماشي الكلاكلة جاي من الكلاكلة .. اشتهرت بي الاسم دا ... مرة سالت أحمد ولدي حلتنا دي اسمها شنو ؟؟؟ قال الكلاكلة ؟؟ قلت لي لا ... باللغة الكوسوفية ؟؟؟ كعوج خشمو وقال ( كا لا كلا ) أها يا سيدي الخِنتيلة بترجمها ما تخاف علي ههههههه
>>> <<< >> عزيزي الفاضل حسن حماد هسع عليك الله انت خليت لناس ود ابوسن وود البوش وود شيقوق وود المنسي الناس السمحين شنو ؟؟ لان الاعتذار عن الخطأ من شيم الناس السمحين.. وانت اطنك من الناس السمحين والفايتين السماحة بغادي ودي عرفتها من ردودك الظريفة لود حلتنا ود الفاضلاب.. وانت بتناديهو بجدو... وتلقاهو هو اكبر منك بس بخمسة سنوات.. والمهم اعتذارك مقبول لانك غير قاصد الفظاظة في القول ولانك اعتقدت خطأ انا قلت الكلام القالوا المعلق في الفيس بوك.. وانا مستغربة ليه ود الفاضلاب ما عزمك في حوشه على فنجان جبنة ونسمع منك.. انا نقلت التعليق هنا في حوش ود الفاضلاب من بوست فيصل خليل عشان فيصل خليل قربنا نوقف ليه الزمن صحي صحي وقال لبت مصطفى في التلفون خليكم في الموضوع وما تطلعوا برة الموضوع زي ود الفاضلاب حتى لمن حكي قصة الزول الجاب ليه خبر الوفاة جاب جملة :" وقف الزمن".. ودمت بالف خير وصحة وعافية
أخوي الفاضل ود الفاضلابي وأخوانه الكرام وأخواته الفضليات سلام وشوق واحترام إت خابر يا ود الفاضلابي أخوي أن الأخ محمد آدم ( القديح ) هو اخ وتوأم روح صديقه ( محمود المحبوب ) في الطاحونة . كانا يعملان سويا : واحد يكب العيش في صبابة الطاحونة والتاني يستقبل الطحين ويضعه في الشوالات والمواعين .
من عباد الله الذين يمشون على الأرض هونا - الأخ محمد آدم " القديح"
ثيابة البالية لا تنبوء عنها أعين الناس، وذرات" الدقيق" التي تتطاير من ثيابه لا تزعج الناس، . كان ولم يزل يقف طوال اليوم لطحن قوت الناس، ورغم ضجيج دولاب وماكينة" الطاحونة"، لم يتخل عن عمله الذي فيه منفعة للناس.
"محمد" الواقف على رجليه طول اليوم لأداء عمله، مثال للصبر الذي يفتقده كثير من الناس، وفي قلة كلامه أبلغ درس للذين لا يتناهون عن الكلام والخوض في أعراض الناس، وفي مواظبته على الصلاة في المسجد شهادة له بالإيمان ، وفي حبه لأخوانه "الففرا"وملازمتهم محبة لا توجد لدى كثير من الناس في هذا الزمان، وفي كامل هندامه واستعداده لأداء صلاة الجمعة" جلابية وعمة وشال"، زينة لا يحرص عليها كثير من الناس.
إن الأخ محمد علم و" رمز" يعرفه جميع أهل القرية ،فإن غاب عن عمله يوما واحدا، افتقدوه، وإن مرض، سألوا عنه ، وإن انقطع عن عمله ضاقوا ذرعا !.
تنظر إليه فيحبه قلبك، تلاقيه وتسر بملاقاته، يسلم عليك فترد له التحية بأحسن منها.
في صمته حكمة تسترعي الإنتباه ،وفي نومه على الكرسي في مظلة المسجد العتيق، بعد صلاة الجمعة، راحة وهدوء بال يحسده عليها كثير من الناس.
كلما نظرت إلى أخي وصديقي محمد آدم، أذكر معنى حديث الرسول رب رجل أشعث أغبر لو أقسم على الله لأبره.
فحال الأخ محمد كحال كثير من الناس الذين قدموا إلى هذه القرية المباركة وألفوا الإقامة فيها ،وهم خيار الناس، إلا أنه للأسف لا يشعر بوجودهم كثير من الناس.
ادعوا معي الله مستجيب الدعاء، وفي هذه الأيام المباركة، أن ييسر لأخينا محمد الزواج وأن يرزقه زوجة صالحة تسعده وتملأ حياته بهجة بالذرية الصالحة.
10-06-2015, 08:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هو اسمه حيدر عطبرة...تاني فيه كلام....عنده حضور مسرحي ممتاز ويتحاوب مع كلمات الاغنية بانسجام جميل وصوته روعة ..مش هو شارب من الاتبراوي.. يا ود المدير عليك الله كان ما فتحت لينا بربخ اتبرا.... منو الحاب سيرة اتبرا هنا!!! ودمتم بالف صحة وعافية...والله يحقق جميع امنياتكم
10-07-2015, 05:41 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
شكرا لك يا ربيع الزينة، هدية منفَّلة رحم الله الشاعر المجيد حقا في وصف الطبيعة ودالشلهمة، لم يُدهشني شاعر، مثل ما أدهشني ودالشلهمة في وصف الخريف ونجوع البادية ، إلا الشاعر محمد أحمد عوض الكريم ودأب سن "الحاردلُّو" في مُسدار الصيد يوسف البنَّا ، شاعر مهول، في القوافي والمفردة وفي التراكيب، مربوعات ما بتراز، وكلها صُهُب.....! أنظر له في وصف الإبل رِِِِدْ الحي مِقاشراهو المقولب أباطه دايره بطــانه تتهرتم تحته وطَّاطه لي رزمي البروق أُمات تَكيك صنَّاطه شمَّت ريح دعاشها وصنقعت تتناطه
يوم متشعلقه الفرَّاع وضـاربه الخُن ومن حبشتها جابت فوق عُرُفها البُن حِس طنُّوبه في قرعتها زُن زُن زُن بِتقطَّع لبن مُرباعها نـــافشة غُن هذا الرجل من شعراء الدوبيت الكبار سألتني عن القاضي "حسن المهل" لم ألتقي به، ولكن إن كان عمل بمناطقنا في بادية الكبابيش، فسوف أسأل عنه شيوخ البادية وعمَّارها، عرفت في هذا المنبر سماحة المستشار،يحي عبدالكريم، وقد عمل بالبادية وصادق شيوخها، وله ذكرة طيبة جدا، الآن يعمل بالسلطنة، الصديقين الجميلين ودالمنسي وعبدالمنعم شكرا للهدايا، وغذاء الروح وتحياتي للمِسايلين إسحق وبسمات وودالمدير
10-07-2015, 07:38 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: هو اسمه حيدر عطبرة...تاني فيه كلام....عنده حضور مسرحي ممتاز ويتحاوب مع كلمات الاغنية بانسجام جميل وصوته روعة ..مش هو شارب من الاتبراوي.. يا ود المدير عليك الله كان ما فتحت لينا بربخ اتبرا.... منو الحاب سيرة اتبرا هنا!!! ودمتم بالف صحة وعافية...والله يحقق جميع امنياتكم
يا بسمات برضو ما تنسي الحضور والثقة بالنفس . بربخ اتبرا دا كان فتح زي القريق، كدي خليني احسبلك جيل حيدر من فنانين اتبرا بعد نخلي العطبراوي علي جنبة، كما هو وآضح قريب الفاضلابي دا كان بيقلد الكاشف، ؤُ هاشم خِليوة كان بيغني اغاني الكاشف، وكان في الساحة في عادل طحنية، بالإضافة للفطاحلة محمد الحسن قيقم والذي يعتبر مرجع لأغاني الحقيبة، وفنان الحقيبة العملآق جعفر أحمد، والفنان المرح المسرحي الذي كان لآمن يكفي الرق فوق راسو ؤُ يرقص يرقّص الحفلة بشيبها وشبابها دفع الله أخو تيمان عطبرة، وصاحب قطار الشوق بابكر الزكار، ومصطفى مضوي الذي بدأ بتقليد الفلآتية أما كدباس والعكام لآمن ينفضو الدلوكة هيجة الناس تفوت الحد ؤُ كان حجازا مدا اليد بتسمع كع .
رحم الله الفنان الصادق الشيخ، بحكيلكم حكايتي معاهو إن شاء الله ...
10-07-2015, 03:05 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
السماح يا السمحين طولت من القعدة معاكم في بطن بيتكم السمح دا كان شاغلني جواز الجن دا وعامل لي سافوتة وقبل بت عبدالرحيم تسعلني من معنى السافوتة بوريها لانو زي دي لا بتتلقي في قوقل ولا في المعاجم جت عليها السافوتة خيط قطن رفيع يتم برمو حتى يصير شبه مستقيم ويقوم الزول المسخوت في القعدة براحة ادخل الخيط دا في اضان أي زول مبرعم ول نايم اها الزول انفض اضانو مفتكرها حشرة وتاني المسنوح اكرر الحركة عدة مرات حتى يكتشفها صاحبو ويقول ليهو ياخ ما تعمل لينا سافوتة . . جيتكم برواقة والله اكفينا شر العوارض سلام عليكم جت
انت قلت في بداية البوست انك عاوز بوست نحس فيهو بانسانيتنا ونظهر الجانب المشرق فينا لان كثرة النقد توغر الصدر.. واحب اقول ليك حاجة . ان البوست نجح نجاح بهار في تحقيق هذه الاهداف السامية.. وطبعا نحن لا نرفض النقد ولكن لازم يكون النقد نقد ايجابي بدون سب وشتيمة وشخصنة الأمور,,, غبت منكم ايام ووجدت البوست ما شاء الله مزدهر ومورد وفيه حكاوي وقصص رائعة وجميلة .. وانا راجعة لورا اقرأ من البداية بعدين اجيكم للتعليقات.. ولكن في معرض تصفحي السريع للصفحات استوقفتني هذه الابيات الانيقة للشاعرة داليا.. وقلت اكررها ليكم هنا... والله يديكم الصحة والعافية
بيوت مليانة فرحة وحب
وخير وأمان
بيوت عدمانة من الود..
زمن مسكونة بالأحزان
بيوت زااااهية.. وبيوت وااااهية
بيوت تديك سلام وأمان
عشان فيها النفوس صافية.. وفيها التقوى والإيمان
٭ ٭ ٭ ٭
بيوت متروسة مال وإثاث
وخالية من الأمل والناس
بيوت لا لمبة ولا بوتجاز
وناسا لُطاااااف حُنان ولُذاذ
في بيت عاااالي وحوشو كبير
وسيدو وزير خيرو وفير
وليهو غفير .. وبيت من طين
في راكوبتو بس فد زير
ورغم الساكنو زول مسكين
بس حقاني عندو ضمير.. بيوت البهجة عنوانا..
وطول اليوم ضحك وهزار
وبيوت طوالي حرقانة
مولعة زي تقول من نار
بيوت بتراعي حق الجار .. وفيه من الخيار أخيار
بيوت لا بتعرف الجيران..
ولا بتستطلع الأخبار
بيوت تمليك.. بيوت إيجار
وماااابتلقاها بالهين .. ولازم تكرم السمسار
وشوف في سكتك كم بيت .. وفي كل البيوت أس
10-07-2015, 04:13 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: السماح يا السمحين طولت من القعدة معاكم في بطن بيتكم السمح دا كان شاغلني جواز الجن دا وعامل لي سافوتة وقبل بت عبدالرحيم تسعلني من معنى السافوتة بوريها لانو زي دي لا بتتلقي في قوقل ولا في المعاجم جت عليها السافوتة خيط قطن رفيع يتم برمو حتى يصير شبه مستقيم ويقوم الزول المسخوت في القعدة براحة ادخل الخيط دا في اضان أي زول مبرعم ول نايم اها الزول انفض اضانو مفتكرها حشرة وتاني المسنوح اكرر الحركة عدة مرات حتى يكتشفها صاحبو ويقول ليهو ياخ ما تعمل لينا سافوتة
هههههههههههههههههههههه سافوتة حليل زمن السافوتة والفساية وأبو الدرداق دق لي مرواد .... وقبيض القبور .. العوكل الغنماي والعوكل البقاري
مرة يا ود البوش أنا و محجوب أخوي ساكين لينا عوكل بقاري ( نحن بيوتنا جنب البحر أخر بيوت في شندي غربا ) أها جارين ورى العوكل وما بنعاين لي ورى وهو جاري بينا شرق عدينا السكة حديد ... همنا كلو العوكل والدنيا خريف الواطا خضرا ... العوكل ركا لي شدرة ... المهم قبضنا أظنو فتر من الطيران ... بعد تعال شوف بقينا في الرجعة يا ربي الحلة علي وين مافي أثر لي شندي ههههههه وضربتنا الحيرة عليك أمان الله نمش شرق ومرة غرب ومرة جنوب ومرة شمال ونرجع لشدرتنا ( معلم ) في النهاية قلتا لي محجوب أخوي فك السجم دا أمكن شيطان ... قلتا لي قوم دا دربنا ونحن جارين جينا من الأتجاه دا ومشينا قاصين الدرب مرة يمش كدا ومر كدا ومرة يختفي .. المهم في محلنا داك شفنا عربي جاي من بعيد راكب بعيرو ... ربطنا لي دربو .. سلمنا علي وقلنا نحن دايرين نمش شندي ... قال لينا أنتو الجابكم شنو ؟ قلنا جينا ساكين عوكل ..... ضحك وقال ياها فياقة ... الفياقة بتكتلكم المهم ساقنا لما وصلنا محلة أسمها بير ود اب دومات دا خلا شندي ... هديك شندي أختروا المهم وصلنا أهلنا قريب مغيب الشمس لقينا الحلة مقلوبة علينا العوكل كان جا يودرنا
10-07-2015, 04:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: بربخ اتبرا دا كان فتح زي القريق، كدي خليني احسبلك
[B]ودالمدير ,, سلام بطول المسافة من حى الارطة لغاية نواوى وفى عرض اتبرا من مشرع الفاضلاب وانت ماشى لغاية الهودى. ياخ انا ملاحظ فى كل البوستات اللى حكت عن اتبرا ماجابوا سيرة لأربعة اعتبرهم ,, لازمة من لوازم اتبرا وجزء لايتجزأ من نكهتها وهم: محمد عوارة (ابوجنزير) مَكَلِيَّة جكسا ورابعهم فاروق الـ دفق الزيت
10-07-2015, 05:01 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
قبل شوية وعن طريق الصدفة لقيت صديق في الفيس بوك منزل لي موضوع قديم كتبتو هنا سنة 2010 اها قلت افقع بيهو الجرة هنا . . سرحان .. العتامنة .. طابت .. الحصاحيصا .. مدني وبالعكس في اواخر سبعينات وبداية تمانينات القرن الماضي كان يتحرك هذا الباظ من قرية سرحان الحبيبة للنفس في الصباح الباكر من كل يوم عدا الجمعة الجامعة والكلمة السامعة فهو يوم الغسيل والظهرة التقيلة لكل الجلاليب البيضاء عدا عراريق الدمورية الغبشاء التي لاتنفعها ظهرة ولاصابون مائع الا صابون محلول .. يتحرك هذا الباظ الجميل من البلدة الجميلة سرحان محملا بقليل من الركاب عروس جميلة تلبس توب كحلي يظهر ما تحته خط راكبة قدام ويفصلها من السايق رجل يترنح الى الستين من عمره يحمل قسمات جادة على وجهه ويلتفت من حين الى آخر تجاه السائق ليقطع عليه نظراته التي لاتخلو من خبث عليه بهارات من الظرافة الشترا وهذا هو حال التندا . وداخل الباظ وفي الكنبة الملاصقة التندا والتي يطلق عليها وقتها اسم التلفزيون فكل الركاب يتفرجون عليها ويجرون النور باليمنى ويقضون عنها الطرف باليسرى ومن حين لاخر تجبر على قراءة الشريط العفش داخل البص على مسئولية صاحبه . في هذه الكنبة عند انطلاقه من سرحان كانت عليها أمراة واحدة كبيرة في السن تخشى على نفسها هزات الدقداق ولايوجد بجوارها من تمسك في تلابيب اطرافه فتسمرت يديها الضعيفتان بسيخة الصندوق بجوارها حتى فقدت الاحساس بها من السقط الشديد بالخارج . وتفرق باقي الركاب على الكراسي المتفرقة البسف حجز ليهو شباك والسقطان لبد تحت ستائر الباظ حتى تشرق عليه الشمس وبعد داك اشوف الفيها النصيب . عندما يطلع الباظ رزقالة العتامنة يشلخ نوره فيكشف عورة الحلة الهادئة فيقف من كان متكرفسا يقف مذعورا وفرحا في آن واحد صائحا باظ مدني جاء ونواصل الرحلة حلة حلة ومدينة مدينة ونجي بالعكسي تعبانين تعب السوسيو .......
................ السفر داخل قرى ومدن الجزيرة بالباصات السفرية كان هدفه في المقام الاول الترابط الاجتماعي او العلاج بالمدن وقليل جدا من الاعمال التجارية فالبص اما يحمل اليك حبيبا طال فراقه او قل او ينقل منك حبيبا كان معك بعضا من الوقت وبين الحالتين احاسيس متباينة حلوة و مرة والسفر داير دبارة عشان ماهو تجارة سفرة تبيع العتود وسفرة الديك السمين يكفيها ......................... العتامنة بلدتي التي احببت والتي ترقد هادئة مطمئنة شرق الكنار مولية ظهرها مع حبة همزة لمزة لقرى غربه مسوية لسانا كدا لفوق هذه القرية يسكنها جودا يتيح لسكانها قطع الطريق ليكرموا سالكيه قهرا وغصبا ....................... عند منتصف الطريق من المشاية للحلة تصل نغمة البوري معلنا الوصول وهو البوري بوري نصاح البوري ابو تلاتة غماسات اصفر واخدر واحمر ويتفنن سائقه المجنون فنا بارعا بالحان معروفة لركابه ... باظ مدني جا وجاب لي فتاة وشنو كدي ما تعرف قدر دا .... وانت تبري من الالم الالم مالينا نحنو انت شبهو ولا قدرو ..... السائق المابعرف اجنن البوري ماهو سواق ممتاز ومابقعد كتير في الباظ واهلنا النفيدية ناس حلوين يحبون الطرب
................. تجمع ركاب العتامنة جنب بيت ود البوشني وعند اقتراب الباظ السريع كل اهتم بتجميع اطرافه ونفض الغبار العالق على ملابسهم والتأكد من تكريب صرة القروش في طرف التوب او تحسس الجزال المكتوب عليه جمهورية السودان داك أهلي ناس العتامنة شهادتي فيهم مجروحة ولكني لم ارى لهم مثيلا لهم على وجه الارض واتحدى بهم وافاخر ..... اولك بالتبادي اتاتوا المريض او المريضة متاتة ثم الحريم بمهلة فالكبار وبعد داك ناس اخوك انا ..... ومن لم يتبع هذا الترتيب اللشوف ليهو بلدا تاني غير العتامنة ... ركبت بت ود ابكريق والليلة متيمنة ومتجزمة ولا تجيب البترينة ولا كمان تجيب قروشا صرو وخيط جت عليهن صادات عشان تيس الفكي التوم المسمنو الجنيات الترابي كسر كبابي الشب التلاتة بعد ما دخل تحت الكربيتة واندرعت الفوطة المقدودة في قرنو الله لاغزا فيهو بركة ولاكسبو ادخلي ليجوة يا بت ود ابكريق ... ودخلت وسكتت وخت ايديا فوق خشما باقي عجبناها البنات السمحات الماشات الثانوي العالي ودايرة تشوف روحا ديل بتعرفن ولا غبنها ..... يتبع............ هذه المحطة ركب بها عدد لابأس عليه .. اهمهم بت ود ابكريق عشان بتجي راجعة لبعدين بالبترينة فوق راس الباظ والحلة كلها تعرفا وتجي تبارك والمابتبارك الله قال بقولا في طهور ولدا مابتجيها وركب رئيس المجلس عشان موضوع سنة اولى لسع الشفع اقروا في النادي وعشان الشفخانة باقي الدكتور مأشر وماشي السعودية وركب يحيى ود جون ماش اجيب ليهو بوهية خدرا لباب ود ابهجانا عرسو قرب وزهجان من وصية بلولة ود علوبة بكيس الصعوط الكارب من عبدالحق لانو يحيى حديث عهد بالتوبة والنفيسة سغيرة وبلولة خالو ... ماعندو حل غير النقنقة التحت تحت تلاتة ركبن بنيات سميحات ماشات الثانوي العالي .... تتبعهن امهاتهن حتى باب الباظ ويرجعن تاركات ودعواتهن ترافقهن حيثما يسرن تحفظن من بنات الحرام واولاد الحرام........ .............
شوية مرض قطعت السواقة زي ما قال ادروب عندما مات ولدو في المستشفى وذهب لاحضار عربية توصل الجنازة البلد فساله السائق سلامات الولد مالو ؟ ادروب : شوية موت بس
ديل اهلي الغبش ... عركتهم عجلات الحياة حتى صاروا لايفرقوا بين الموت والعرس .............. اكتفى بهذا العدد من ركاب العتامنة واتجه شرقا الى الريداب بديها كحلة من بعيد لو في زول واقف بغشاها والا طويل على الفوار ، وبالفعل لم يرى مايشير الى وجود راكب من الريداب وسايرين على الفوار ،،، الفوار قرية جميلة ومنظمة وناسا طيبين خلاس وكمان فيها سماحة شديدة خلاس ... ركب من الفوار مشغل البيارة يضع على كتفه كرنك اللستر لخرطه في الحصاحيصا وايضا ركبت فتاة جميلة معلمة في ام جريس لسع ناس الفوار ما نقلوها وكل مرة مواعيد في مواعيد .... وتوجه الى ام بوشة ... زمان ام بوشة دي جابو ليها مدرس مصري اسمو حسن نصر وعند قدومه لاول مرة عشان يعرف كيف اجي ام بوشة جاء في السوق الشعبي يسأل فين اتوبيس امي بوشة ؟ .............. ام بوشة بها مشاية ( رزقالة ) تستعصي على الحمار الحر طلوعها فما بالك بالباظ وعليه يجب الاستعداد لها من مسافة طويلة لازم اجيها سارين ويقطع فيها التالت العاتي مع شدة الانتصاب وبعد داك ياخد نفس قبل النزول منها فكأنه قضى منها وطرا متنفسا صعداء الطلوع والراحة على ضهرا ... مشاية لايوقة .... اظنها الان رضخت من التمنع وبقت ام فكو ويجنح قليلا نحو ام بوشة عبدالباقي في طرف الحلة ياخذ ما بها وكذا ام بوشة الصديق فركب معه من ام بوشة عبدالباقي ود الليزرق ماشي طابت اجيب تيراب طماطم ممتاز ومبيد ومعاهو العولاق خدر ماشي اتعولق في طابت واجي لاقرش ولاتعريفة فعندما يقترب منه المساعدي عوضو معلم الله حافظا صم ومن ام بوشة الصديق ركبت بت الفكي عندها وضع ضرس حماها الرقاد الليل كلو لانامت ولا اكلت الطعام ماشة تقعلوا ترتاح منو وكذلك ركب شاب وشابة في ريعان شباهم ماشين اتصورو في استوديو ابرق بطابت صورة العرس رغم انواضانا بقت صفرا لكن دايرن حاجة للذكرى والتاريخ واكتفى بهذا العدد من امبوشتين واتجه نحو ام جريس خلال هذه المسافة القصيرة من ام بوشة لام جريس دارت بعض الاحداث داخل وخارج الباظ بعد ان اشرقت شمش الضحى وعرك الناس عيونن من النعاس داخل الباظ وعلى جنبات الطريق رعاة وزراع وعمال يبدأوا يتحركون نحو مواقعهم وكل يؤشر بيده او عكازو ومرات واحدين ادينو السواق ملاح خاصة الرواعية المساخيت ومعاها صرخة قوية ودعوتين تلاتة كونهم لم يجدو من الباظ شئ غير زعزة بهائمن وكتيحن بالتراب على التراب العليهن وحرقتن على الناس المسافرين الماشين المدن محل الموية الساقطة والرغيف وظهرت على الطريق حاجة حبيبة قادمة من ام كوراك سيرا على الاقدام تحمل الطعمية بالشطة والفول المدمس والتسالي وكمان بتبيع بالتش وبيع التش هو التجارة البكاء حيث يتم البيع بالمقايضة فول او تسالي بعيش لكن الطعمية لازم تكون حاضرة والحاضرة بخيتة والسواق لازم اديها بوري محترم وتهدينة وسلام سلاااااااام يا حاجة حبيبة فترد حاجة حبيبة ونقنق ام جريس ونقنق ام جريس يعني ماشة ام جريس رغم ان ام جريس فيها حاجات كتار ولكن حاجة حبيبة لها وضع خاص عند زبائنها . ودخل الباظ ام جريس هذه القرية فيها برينسات كتار ما بخلن ركاب ولكن عسى ولعل ودخلها الباظ ووجد في انتظاره أمراة على الشارع وعندما اقترب منها لممت توبها المتطاير عليها فظهر قوامها الممشوق ودنقرت شالت شنطتتها فظهر منها ماهو جدير بتمتمت السواق مع المساعدي كلاما غير مفهوم للركاب ولكنها مصطلحات بينهما وفي نص الطريق علم السواق من المساعدي الشويطين بانها ماشة المحكمة طالبة للطلاق لطول غياب زوجها بعد ان ترك البلد ومامعروف ليهو بلد خوفا على نفسها من الفتنة والفتن . ومنها توجه الباظ لحلة سعيد ومنها ركب معه شاب اسمر نحيف يلبس بنطال وقميص ونظارات مجرد دخوله الباظ لفت الانظار ناداهو احد الركاب ويعرفه جيدا تعال اقعد جنبي هنا يا ياسر ولدي .. كيف حال ابوك عرمان واهلك كلهن طيبين ... اها ماش وين كان الله هون .. فرد عليه ياسر عرمان ماشي مدني يا عمي .. وسكت عمو وسكت ياسر وسرو في بطنو .... وانطلق الباظ قاصدا طابت دربو عديل وانشغل الركاب بعضهم ببعض تلفتة وتدنقرة ومعاينة ببرا بين الترع والحواشات والمويات المكسرة وطلع العالي واتدلى بالدقداق ودخل طابت فرحا مستبشرا وتلب السواق منتشيا بالرحلة التي ما لاقتو فيها ترعة مكسورة ونفض جلابيتو وحت التراب وخت سفة وطقطق رقبتو وحام حول العجلات حومة لا ارادية يقوم بها دائما كلما نزل للوطا ومباريهو المساعدي يمتدحه ويثني عليهو ويخبره بما دار داخل الباظ في المسافة بين حلة سعيد وطابت ولكنه لم يعره انتباها فهو يحمل من الهموم ما يكفيه ,,,,,,,,,,,,,,,,,,,,,,,,
المقال دا كاتبو عبدالله ود البوش في سودانيز اون لاين......
10-07-2015, 07:39 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يشهد الله مشتاااقة ليكم نأمن خرمانة . اها يا المريود فاضلابي عقب لومتني وقت لي ماك راضي عني اها جيت ارضيك واقول ليك مسكلته ليك في الواتساب بطريق الخوي علا ماك رجعت لي اها جيت اقول ليك مسكل لي .
Quote: وسكت عمو وسكت ياسر وسرو في بطنو .... وانطلق الباظ قاصدا طابت دربو عديل وانشغل الركاب بعضهم ببعض تلفتة وتدنقرة ومعاينة ببرا بين الترع والحواشات والمويات المكسرة وطلع العالي واتدلى بالدقداق ودخل طابت فرحا مستبشرا وتلب السواق منتشيا بالرحلة التي ما لاقتو فيها ترعة مكسورة ونفض جلابيتو وحت التراب وخت سفة وطقطق رقبتو
وحات الله إت مسخوت غايتو ماري بين السطور مرات يعفصني واحدمن الراكب شايل قفتو وريحة كركار مراة قاعدة في قعر الباظ تجيني .. وحس التيس المربوط كتف راجع بي سيد بعد أن فشل في بيعة عشان يشتري كسوة للعيال ( مييييييع ) وفي طرف الباظ حاجعلي يضاير في قشو خوفاً من التيس ... سرحت سرحت والباظ قرب يصل البسابير ... هديك قبة بسبار العني وجنبو يرقد تور الجريف اب عنقريباً طار وركا عند باسبار وباظ الشركة شحن وقام وباظ الشايقي قام زعلان الشعيب تقول دُنان حسن النعيمة يا اب سنان الشعيت : سواق بص الشركة دا حق الجعلييين هههه وحسن النعيمة مساعد وظل مساعد حتى تقاعد ( قال لا أبوي والله يا خالي في الخلا اسوق سواقة الجن ... لكن اول ما اشوف الكهارب تجيني ركضة اي رجفة ويعني بالكهارب : مشارف مدينة شندي ) وحات الله مسلط ومسنوح يا ود البوش غايتو يوم بتكتلو ليكم زول بي قصصكم أنت و ود ابوسن
10-08-2015, 11:18 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: في بداية حياتي العملية بالمنطقة الصناعية كسلا لم يكرمني الله بدابة بعد لا معدنية ولا حيوانية .. بما أنه المنطقة الصناعية لا تقع في خط المواصلات مباشرة .. تعودت أن أمر ( اشاشق ) بوسط الحي ( حي الترعة ) بظهر بيتنا بمحطة الحجر .. المشوار في البداية بدأ شاقا .. ثم تحول لروتيني معتاد بمرور الأيام .. كل صباح تقابل نفس الوجوه الطيبة .. عبارات السلام تحاول أن تغير فيها لتكسر ملل الروتين (أصبحت كيف يا حاجة خضرة .. الحمد لله يا ولدي أمك كيف .. بخير والحمد لله .. و السلام عليكم يا عم بله ) الله يسلمك يا بني .. أبوك كيف زمن ما جانا بجاي .. ؟ الحمد لله بخير .. سلم عليه .. الهي يسلمك يا عمنا .. حتى الكلاب التي كانت تستقبلك بالنباح في بداية المشوار أصبح نباحها جزء من الروتين
هكذا ,, المدن العتيقة يادرديرى ,, كل مدينة لها لوحات صارت لاتتجاوزها الذاكرة مهما شاخت ,, ربما تبقى بعض اللوحات عالقة فى الذاكرة حتى وان اصبح زمنها عصياً على الذاكرة وربما تبقى اللوحة مطبوعة على رقائق الذاكرة فقط ولا اثر لها على الهارد درايف.
Quote: قبل شوية وعن طريق الصدفة لقيت صديق في الفيس بوك منزل لي موضوع قديم كتبتو هنا سنة 2010 اها قلت افقع بيهو الجرة هنا . . سرحان .. العتامنة .. طابت .. الحصاحيصا .. مدني وبالعكس في اواخر سبعينات وبداية تمانينات القرن الماضي كان يتحرك هذا الباظ من قرية سرحان الحبيبة للنفس في الصباح الباكر من كل يوم عدا الجمعة الجامعة والكلمة السامعة فهو يوم الغسيل والظهرة التقيلة لكل الجلاليب البيضاء عدا عراريق الدمورية الغبشاء التي لاتنفعها ظهرة ولاصابون مائع الا صابون محلول .. يتحرك هذا الباظ الجميل من البلدة الجميلة سرحان محملا بقليل من الركاب عروس جميلة تلبس توب كحلي يظهر ما تحته خط راكبة قدام ويفصلها من السايق رجل يترنح الى الستين من عمره يحمل قسمات جادة على وجهه ويلتفت من حين الى آخر تجاه السائق ليقطع عليه نظراته التي لاتخلو من خبث عليه بهارات من الظرافة الشترا وهذا هو حال التندا . وداخل الباظ وفي الكنبة الملاصقة التندا والتي يطلق عليها وقتها اسم التلفزيون فكل الركاب يتفرجون عليها ويجرون النور باليمنى ويقضون عنها الطرف باليسرى ومن حين لاخر تجبر على قراءة الشريط العفش داخل البص على مسئولية صاحبه . في هذه الكنبة عند انطلاقه من سرحان كانت عليها أمراة واحدة كبيرة في السن تخشى على نفسها هزات الدقداق ولايوجد بجوارها من تمسك في تلابيب اطرافه فتسمرت يديها الضعيفتان بسيخة الصندوق بجوارها حتى فقدت الاحساس بها من السقط الشديد بالخارج . وتفرق باقي الركاب على الكراسي المتفرقة البسف حجز ليهو شباك والسقطان لبد تحت ستائر الباظ حتى تشرق عليه الشمس وبعد داك اشوف الفيها النصيب . عندما يطلع الباظ رزقالة العتامنة يشلخ نوره فيكشف عورة الحلة الهادئة فيقف من كان متكرفسا يقف مذعورا وفرحا في آن واحد صائحا باظ مدني جاء ونواصل الرحلة حلة حلة ومدينة مدينة ونجي بالعكسي تعبانين تعب السوسيو .......
................ السفر داخل قرى ومدن الجزيرة بالباصات السفرية كان هدفه في المقام الاول الترابط الاجتماعي او العلاج بالمدن وقليل جدا من الاعمال التجارية فالبص اما يحمل اليك حبيبا طال فراقه او قل او ينقل منك حبيبا كان معك بعضا من الوقت وبين الحالتين احاسيس متباينة حلوة و مرة والسفر داير دبارة عشان ماهو تجارة سفرة تبيع العتود وسفرة الديك السمين يكفيها ......................... العتامنة بلدتي التي احببت والتي ترقد هادئة مطمئنة شرق الكنار مولية ظهرها مع حبة همزة لمزة لقرى غربه مسوية لسانا كدا لفوق هذه القرية يسكنها جودا يتيح لسكانها قطع الطريق ليكرموا سالكيه قهرا وغصبا ....................... عند منتصف الطريق من المشاية للحلة تصل نغمة البوري معلنا الوصول وهو البوري بوري نصاح البوري ابو تلاتة غماسات اصفر واخدر واحمر ويتفنن سائقه المجنون فنا بارعا بالحان معروفة لركابه ... باظ مدني جا وجاب لي فتاة وشنو كدي ما تعرف قدر دا .... وانت تبري من الالم الالم مالينا نحنو انت شبهو ولا قدرو ..... السائق المابعرف اجنن البوري ماهو سواق ممتاز ومابقعد كتير في الباظ واهلنا النفيدية ناس حلوين يحبون الطرب
................. تجمع ركاب العتامنة جنب بيت ود البوشني وعند اقتراب الباظ السريع كل اهتم بتجميع اطرافه ونفض الغبار العالق على ملابسهم والتأكد من تكريب صرة القروش في طرف التوب او تحسس الجزال المكتوب عليه جمهورية السودان داك أهلي ناس العتامنة شهادتي فيهم مجروحة ولكني لم ارى لهم مثيلا لهم على وجه الارض واتحدى بهم وافاخر ..... اولك بالتبادي اتاتوا المريض او المريضة متاتة ثم الحريم بمهلة فالكبار وبعد داك ناس اخوك انا ..... ومن لم يتبع هذا الترتيب اللشوف ليهو بلدا تاني غير العتامنة ... ركبت بت ود ابكريق والليلة متيمنة ومتجزمة ولا تجيب البترينة ولا كمان تجيب قروشا صرو وخيط جت عليهن صادات عشان تيس الفكي التوم المسمنو الجنيات الترابي كسر كبابي الشب التلاتة بعد ما دخل تحت الكربيتة واندرعت الفوطة المقدودة في قرنو الله لاغزا فيهو بركة ولاكسبو ادخلي ليجوة يا بت ود ابكريق ... ودخلت وسكتت وخت ايديا فوق خشما باقي عجبناها البنات السمحات الماشات الثانوي العالي ودايرة تشوف روحا ديل بتعرفن ولا غبنها ..... يتبع............ هذه المحطة ركب بها عدد لابأس عليه .. اهمهم بت ود ابكريق عشان بتجي راجعة لبعدين بالبترينة فوق راس الباظ والحلة كلها تعرفا وتجي تبارك والمابتبارك الله قال بقولا في طهور ولدا مابتجيها وركب رئيس المجلس عشان موضوع سنة اولى لسع الشفع اقروا في النادي وعشان الشفخانة باقي الدكتور مأشر وماشي السعودية وركب يحيى ود جون ماش اجيب ليهو بوهية خدرا لباب ود ابهجانا عرسو قرب وزهجان من وصية بلولة ود علوبة بكيس الصعوط الكارب من عبدالحق لانو يحيى حديث عهد بالتوبة والنفيسة سغيرة وبلولة خالو ... ماعندو حل غير النقنقة التحت تحت تلاتة ركبن بنيات سميحات ماشات الثانوي العالي .... تتبعهن امهاتهن حتى باب الباظ ويرجعن تاركات ودعواتهن ترافقهن حيثما يسرن تحفظن من بنات الحرام واولاد الحرام........ .............
شوية مرض قطعت السواقة زي ما قال ادروب عندما مات ولدو في المستشفى وذهب لاحضار عربية توصل الجنازة البلد فساله السائق سلامات الولد مالو ؟ ادروب : شوية موت بس
ديل اهلي الغبش ... عركتهم عجلات الحياة حتى صاروا لايفرقوا بين الموت والعرس .............. اكتفى بهذا العدد من ركاب العتامنة واتجه شرقا الى الريداب بديها كحلة من بعيد لو في زول واقف بغشاها والا طويل على الفوار ، وبالفعل لم يرى مايشير الى وجود راكب من الريداب وسايرين على الفوار ،،، الفوار قرية جميلة ومنظمة وناسا طيبين خلاس وكمان فيها سماحة شديدة خلاس ... ركب من الفوار مشغل البيارة يضع على كتفه كرنك اللستر لخرطه في الحصاحيصا وايضا ركبت فتاة جميلة معلمة في ام جريس لسع ناس الفوار ما نقلوها وكل مرة مواعيد في مواعيد .... وتوجه الى ام بوشة ... زمان ام بوشة دي جابو ليها مدرس مصري اسمو حسن نصر وعند قدومه لاول مرة عشان يعرف كيف اجي ام بوشة جاء في السوق الشعبي يسأل فين اتوبيس امي بوشة ؟ .............. ام بوشة بها مشاية ( رزقالة ) تستعصي على الحمار الحر طلوعها فما بالك بالباظ وعليه يجب الاستعداد لها من مسافة طويلة لازم اجيها سارين ويقطع فيها التالت العاتي مع شدة الانتصاب وبعد داك ياخد نفس قبل النزول منها فكأنه قضى منها وطرا متنفسا صعداء الطلوع والراحة على ضهرا ... مشاية لايوقة .... اظنها الان رضخت من التمنع وبقت ام فكو ويجنح قليلا نحو ام بوشة عبدالباقي في طرف الحلة ياخذ ما بها وكذا ام بوشة الصديق فركب معه من ام بوشة عبدالباقي ود الليزرق ماشي طابت اجيب تيراب طماطم ممتاز ومبيد ومعاهو العولاق خدر ماشي اتعولق في طابت واجي لاقرش ولاتعريفة فعندما يقترب منه المساعدي عوضو معلم الله حافظا صم ومن ام بوشة الصديق ركبت بت الفكي عندها وضع ضرس حماها الرقاد الليل كلو لانامت ولا اكلت الطعام ماشة تقعلوا ترتاح منو وكذلك ركب شاب وشابة في ريعان شباهم ماشين اتصورو في استوديو ابرق بطابت صورة العرس رغم انواضانا بقت صفرا لكن دايرن حاجة للذكرى والتاريخ واكتفى بهذا العدد من امبوشتين واتجه نحو ام جريس خلال هذه المسافة القصيرة من ام بوشة لام جريس دارت بعض الاحداث داخل وخارج الباظ بعد ان اشرقت شمش الضحى وعرك الناس عيونن من النعاس داخل الباظ وعلى جنبات الطريق رعاة وزراع وعمال يبدأوا يتحركون نحو مواقعهم وكل يؤشر بيده او عكازو ومرات واحدين ادينو السواق ملاح خاصة الرواعية المساخيت ومعاها صرخة قوية ودعوتين تلاتة كونهم لم يجدو من الباظ شئ غير زعزة بهائمن وكتيحن بالتراب على التراب العليهن وحرقتن على الناس المسافرين الماشين المدن محل الموية الساقطة والرغيف وظهرت على الطريق حاجة حبيبة قادمة من ام كوراك سيرا على الاقدام تحمل الطعمية بالشطة والفول المدمس والتسالي وكمان بتبيع بالتش وبيع التش هو التجارة البكاء حيث يتم البيع بالمقايضة فول او تسالي بعيش لكن الطعمية لازم تكون حاضرة والحاضرة بخيتة والسواق لازم اديها بوري محترم وتهدينة وسلام سلاااااااام يا حاجة حبيبة فترد حاجة حبيبة ونقنق ام جريس ونقنق ام جريس يعني ماشة ام جريس رغم ان ام جريس فيها حاجات كتار ولكن حاجة حبيبة لها وضع خاص عند زبائنها . ودخل الباظ ام جريس هذه القرية فيها برينسات كتار ما بخلن ركاب ولكن عسى ولعل ودخلها الباظ ووجد في انتظاره أمراة على الشارع وعندما اقترب منها لممت توبها المتطاير عليها فظهر قوامها الممشوق ودنقرت شالت شنطتتها فظهر منها ماهو جدير بتمتمت السواق مع المساعدي كلاما غير مفهوم للركاب ولكنها مصطلحات بينهما وفي نص الطريق علم السواق من المساعدي الشويطين بانها ماشة المحكمة طالبة للطلاق لطول غياب زوجها بعد ان ترك البلد ومامعروف ليهو بلد خوفا على نفسها من الفتنة والفتن . ومنها توجه الباظ لحلة سعيد ومنها ركب معه شاب اسمر نحيف يلبس بنطال وقميص ونظارات مجرد دخوله الباظ لفت الانظار ناداهو احد الركاب ويعرفه جيدا تعال اقعد جنبي هنا يا ياسر ولدي .. كيف حال ابوك عرمان واهلك كلهن طيبين ... اها ماش وين كان الله هون .. فرد عليه ياسر عرمان ماشي مدني يا عمي .. وسكت عمو وسكت ياسر وسرو في بطنو .... وانطلق الباظ قاصدا طابت دربو عديل وانشغل الركاب بعضهم ببعض تلفتة وتدنقرة ومعاينة ببرا بين الترع والحواشات والمويات المكسرة وطلع العالي واتدلى بالدقداق ودخل طابت فرحا مستبشرا وتلب السواق منتشيا بالرحلة التي ما لاقتو فيها ترعة مكسورة ونفض جلابيتو وحت التراب وخت سفة وطقطق رقبتو وحام حول العجلات حومة لا ارادية يقوم بها دائما كلما نزل للوطا ومباريهو المساعدي يمتدحه ويثني عليهو ويخبره بما دار داخل الباظ في المسافة بين حلة سعيد وطابت ولكنه لم يعره انتباها فهو يحمل من الهموم ما يكفيه ,,,,,,,,,,,,,,,,,,,,,,,,
المقال دا كاتبو عبدالله ود البوش في سودانيز اون لاين......
Quote: هكذا ,, المدن العتيقة يادرديرى ,, كل مدينة لها لوحات صارت لاتتجاوزها الذاكرة مهما شاخت ,, ربما تبقى بعض اللوحات عالقة فى الذاكرة حتى وان اصبح زمنها عصياً على الذاكرة وربما تبقى اللوحة مطبوعة على رقائق الذاكرة فقط ولا اثر لها على الهارد درايف.
ود البوش..الدرديرى..والفاضلابى كتر خيركم..على الكلام الطاعم وسمح ده والله كانما كنا معكم..متوهطين..ونشرب فى الجبنة عندنا باقى فى الشمالية بدل السكر بتتشرب بالبلح اها انا عازمكم فى مدينتى الحصاحيصا نتقهوج ونتنوانس..مدينتنا مضيافة وكريمة. ورايكم شنو..كل يوم واحد..ياخدنا فى جولة فى منطقته زى جولة اخونا ود البوش الممتعة دى.
10-09-2015, 10:35 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
مدينة هادئة ..بسيطة وعنيدة تحب القمر ..واشعة الشمس والاطفال الصغار وكل شى اخضر تسكنها العلاقات الحميمة .. تبسط ذاتها لكل زائر وتحتضن كل حبيب مقيم لها جدلية خاصة بها فى لحظة واحدة تعانق الجهات الاربع تقاوم الريح العتية لها مقدرة عالية فى تذويب الكراهية ..كما تنتف ريش طائر الشؤم لطيفة كالحرير ..وضحكات الربيع ..واشعة شمس الاصيل لها شموخ النخل ورقة الحمام مدينة باقية رمز للعطاء والتجدد نهر متدفق ملء الشاطئين ..وفية كالام الرؤوم وكذلك عقل يجمع الفكرة والخاطرة والشجن المقيم مدينة ترضع من ثدى الكون وتعيش فى امتداد المدى .. وتنتقى كل القلوب المحبة لها نقش خاص فى خاطرى هذه المدينة الساكنة هدوءا وروعة ندية كالزهرة صبوحة كالطفولة كالاحلام ابتسم من فضلك فانت فى مدينة الحصاحيصا ((الشافعة مى شافعة نصاح)) هذا المقطع كان مكتوبا على الزجاج الخلفى لعربة اجرة..اكتشفت لاحقا انه مقطع لاحدى اغانى الحقيبة كثيرا ما غنيتها واسمعتها غنائى عند كل مساء ايتها المقوشة من كل الاشياء الجميلة ايتها المنفلتة من ضلع النيل اخذة اجمل مافيه ايتها النسمة الاتية من ضوء المستقبل اهديكى مواويلى واشتياقاتى واغنياتى الكثيرة لك تضحك عصافير الامل انت الاضاءات الاولى..المسارات كلها اشتعال المدى..بالمنظور الاتى خلف الغيمة انت الهمسة والبسمة المفرحة تتوغل فيك ..كل المعانى النبيلة انت يامن ملكت الهناءات كلها واجبرتنى على الرحيل اليك باختزال المسافة..عند بداية التأمل تمتلئين فرحا يا ذات الصبح النبيل هذه المدينة التى تنام على ضفة النيل الازرق الذى يحدها يمينا ويسارا يمتد مشروع الجزيرة حيث الخضرة الدائمة بزراعة القطن والقمح ومحاصيل اخرى مدينة كالغمام المدينة التى التى اختارتها الايدى الصينية المدربة لاقامة مصنع الصداقة للغزل والنسيج والذى صار نواة لمصانع اخرى عديدة تحيط المدينة شمالا اى انها مدينة صناعية زراعية ولها اهمية قصوى فى المساعدة فى انتشال الوطن من وهدته ولمن لا يعرف عنها شيئا فهى المدينة التى يتشكل سكانها من كل الجهات السودانية..فى وحدة وطنية رائعة تجمعهم علاقات انسانية حميمة فالكل اهل واحبة والكل يعشق هذه المدينة بجنون اتذكر كثيرا..عوض ادريس صاحب محلات السنجك الشهيرة الاخ الصامت المبدع ومكتبته الخاصة العامرة هل لى ان انسى محمد حترى اظرف شخصية فى الوسط الرياضى وهو الهلالى المطبوع..ام حماده الذى تعرفه جماهير الكرة السودانية وهو المهووس بحب المريخ ام انسى جلساتى واصدقائى امام شجرة النيم الظليلة هذا المعلم الهام..فقد غرسناها اما منزلنا ورعيناها حتى صارت جزء من هذه المدينة بحى الامتداد العريق هل اتحدث عن مساهماتها الفنية بمن ابدأ بعبد المنعم حسيب الذى شدا بأجمل الالحان ام مصطفى سيد احمد مجدد الغناء السودانى الحديث الذى انطلق من ربوعها محلقا فى عوالم الطرب والغناء الى سمية حسن المطربة..التى كانت بحق امتداد للجيل النسائى الغنائى المبدع هذه امثلة لبعض فنانى المدينة الذين كثيرا ما عطروا سماءها بالنغم الشجى وبالاصوات الدافئة وبالجمال الساحر ومن ثم كانوا اضافة حقيقية لفنانى الوطن هذه المدينة التى امدت واضافت للمثقفين والكتاب والادباء مجموعة متميزة من فرسان الكلمة الكاتب المسرحى اللامع حمدنا عبد القادر صاحب الاضافات الثرة فى هذا المجال ..كمال وكلماته المميزة هاشم كرار وتحقيقاته الجريئة عثمان عابدين ومحطاته التى ينتظرها الجميع الى الاخ فيصل محمد صالح احد ربان جريدة الخرطوم ومن شعراءها..الطيب الماحى..وعوض ود الكامل والشاعر المبدع.. عفيفى اسماعيل هذا المتمكن مع مجموعة اخرى من الكتاب والمبدعين لا يفوتنى ان اذكر ابناءها من الرياضيين الذين مثلوا السودان فى كثير من المحافل الدولية فكلنا قد شاهدنا وعاصرنا شواطين..عروة..وابو العز..وعليوة جاد كريم وايوب..مركز وكندورة زاهر مركز الذين كانوا نغمة ترددها جماهير الهلال العاصمى وابناء السودان عموما فى اللقاءات الدولية وهناك لاعبو المريخ العاصمى جاديكا..ونميرى الشبل المعجزة الذى صال وجال فى ملاعب العالم لاعبا فى فريق الشباب عرفه العالم بفنه وسحره الذى استمده من مدينة الحصاحيصا لاعبا بنادى الهلال مع عشرات الموهب الفنية التى لعبت فى اكثر من نادى سودانى مازال الالم يسكننى تحتوينى النهايات الحزينة اين انت اين يا بعضا منى يا كلى اشتهى ان التقيك يبكينى حزنى..تشطرنى دواخلى تتعمق الكلمات داخلى فانبرى الى نفسى حزينا
المدينة التى تكتمل نقوشها..بتفردها وحسها العالى فى الانتقاء.. تشابه كل المدن الحالمة المشبعة بالندى والرؤى حتى الاغتسال..تتوضأ نورا وضيا والقا الجناين تستظل بظلها.. الحمامات الفاردة الجناح تبدو خجولة عند مقامها فعند حضورها كل البهاء كل من اتى اليها زائرا..او فى اقامة مرتبطة باداء مهام معينة ينجذب اليها..ويحط رحله ويقيم اقامة دائمة لانها المدينة التى يحس كل انسان بانسانيته..وسودانيته وحريته هذه المدينة التى قاومت كل اشكال القهر هذه المدينة المتمردة ..القادرة على اقتلاع كل باغ من ارضها الطاهرة هذه المدينة معشوقة المدائن ان كان على المك عاشقا لامدرمان وجماع يهيم بالحلفايا وعبد الحى يتباهى بسنار وود المكى بالبيض بل والسياب بجيكور فاننى اغرس قلمى بدمى لارسم احرفها حرفا حرف ومن كل هذا انضم مسبحة واطوق بها جيد المدينة الحبيبة التى تكتسى مسحة من الوقار بجلال شيوخها وكبارها فاكتسبت اصالتها من اصالتهم وازدانت جمالا بحسانها..والفة ومحبة من وفاء الامهات
لك الله..ايتها المدينة الصامدة يا اميرة المدائن احتويك اقر بانى انتشلتك من ذاتى بعد ان كان الضياع فريسة سهلة لعمرى تتفتح المسافات بينى وبينك رقصة البدء تجاوزنها مرارا تأملينى فانت سهم اضاء عمرى توحدت فيك اقسم انى..ما وجدت سرك الذاتى الا فى الحنايا ترواحنى اشياؤك الصغيرة نبيلة انت ترقصين فى ضوء المسافة تتجلين كوردة مسقية دوما بتبع راق شتاؤك القارس يحتوينى دفئا وحرارة كلما ابتعدنا ازددنا لقاء
Quote: هو اسمه حيدر عطبرة...تاني فيه كلام....عنده حضور مسرحي ممتاز ويتحاوب مع كلمات الاغنية بانسجام جميل وصوته روعة ..مش هو شارب من الاتبراوي..
كتَّر خيرك يابسمات ,, إنتى وودالمدير جبرتو خاترى لكن باقى المسانيح الـ الفيهن اتعرفت ,, الخال ده اول مرة يظهر كان فى مهرجان الثقافة الثانى حوالى العام (1981),, فى مشيتى الأخيرة للبلد جانى فى البيت والغريبة مازال بنفس الصورة اللى فى الفيديو ,, التقول محَنَّط ,, ما شاء الله ما اتغير.
10-10-2015, 00:02 AM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: اها انا عازمكم فى مدينتى الحصاحيصا نتقهوج ونتنوانس..مدينتنا مضيافة وكريمة. ورايكم شنو..كل يوم واحد..ياخدنا فى جولة فى منطقته زى جولة اخونا ود البوش الممتعة دى.
ياسلام ياعبدالمنعم ,, الحاحيصا دى من المدن التى تذهب عن الغم ولى بها صديق ,, هو مولانا جعفر بشير كان يعمل قاضياً بمدينة سنجة عندما كنا واخوى المسنوح شيقا قضاءاً واقفاً ,, جئنا الى الحصاحيصا وشاركنا اخونا جعفر الزواج وكانت ليلة لن تنمحى من الذاكرة لجمالها ,, وسحرها ,, الغريبة مولانا جعفر ده كان من المتمردين على الزواج وكانت حُجَّته فى ذلك أنه لايُحب أن يسكن مع زول مابِدْفَع ميَز ,, وطبعا هو كان يقيم عزابى فى ميز القضائية وبتشاركوا ويدفعو مصاريف الميز ,,, مرة كان عندهم احد المساجين يعمل لديهم فى الميز يسمونهم (المضامين) والزول ده زول خلا ساكِت حتى واحد من القضاة مسَمِّيهو (روماتِريال) يوم نزل عليهم قضاة المديرية الدمازين فى طريقهم الى الخرطوم وكانت مواعيد غداء ,, فمولانا جعفر رَسَّل المضمون (روماتيريال) ده عشان يجيب ليهم جداد من السوق ليكرموا الضيوف ,, روماتيريال غَوَّس فى السوق نامن القضاة افتكروهو هرب ,, فعملوا الاكل بالموجود ,, بعد داك جاء روماتيريال ايدينو فاضية فبادره مولانا ,,, يازول انت مشيت وين ووين الجداد الـ رسَّلناك ليهو؟ روماتيريال قال ليهو : هو يامولانا انتو الجداد بِدُّوروهو أكل ولاَّ سعاية ,,مولانا قرَّب يعضيهو ,, بعد اكلوا قالو ليهو: امش السوق جيبلنا حاجة نحَلى بيها ,,, اشترى ليهم حزمة عنكوليب. فكرتك حلوة يا عبدالمنعم ذكريات المدن بلوحاتها التى يرسمها ودبلة ودرديرى وود البوش وود المنسى دى لوحات ,, لاتجدها حتى فى معرض سوزبى. ولاننسى ودابسن وتحريره كم شخصية من اضابير التاريخ واستجلبها لمسرح الواقع الحاضر ,,, ونرجو ان يحدثنا بقية الاحباب خاصة المسنوح شيقا رويسو ده ملاااااان كلام غايتو حكاية ودالبوش دى الله يديهو العافية كان جبتلا يوسف ادريس كاتب ويوسف شاهين مخرج مايعملوها بالجمال ده.
ياسلام ياالفاضلابى على جمال الاداء للفنان الرائع..حيدر عطبرة رحلنا معه لعوالم الخالد الكاشف صوته نادر لديه مقدرة عالية فى تلوين الصوت حروفه واضحة ومنغمة فهو مطرب حقيقى.. له التحية
10-10-2015, 01:17 AM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
لحين ميسرة والله الأميرة بقت مسنوحتن بس تدخل في كل مكان بجيكم بي رواقة ماني عارف الرواقة دي الليلة العام الهجري الجديد بدا يكون يوم أتنين في المولد ......
ود الفاضلابي زمان الفلسطيني ولدو أخدو الديش قعد يبكي قالوا لي ليه تبكي .ز الرجل للجيش والجيش خِدمة الرجال وليش خايف علي ؟؟؟ قال ليهم أنا ما خايف علي ... لكن الولد إيدو فارطا ... وعقلو خُزق وخايف يسويلي طوشة مع أمريكا
جمال الجمال لوحة في قِدومك أخي عبد المنعم سيد أحمد
10-10-2015, 02:21 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أكثر أغنية حقيبة تشجيتي هي أغنية ما بخاف من شئ برضي صابر
د. احمد القرشي
تعرض الشاعر محمد الامى لوشاية من احدهم اتبعها ذلك الشخص بشهادة زور في حقه فحزّت هذه الحادثة في نفسه وأثرت في معنوياته وأكسبته حزنا وآلما لكنها لم تفقده ثقته في نفسه ...فنظم قصيدته المشهورة ما بخاف من شئ والتي تحدث فيها عن نفسه وعن صفاته من شجاعة وكرم وشهامة وصبر وعزيمة وإيمان وتوكل على الله وإيمان بالقضاء والقدر..وانه قد سلح نفسه بالصبر إذا زحفت نحوه جيوش الهم والغم محاولة النيل من ثباته وقوته وعزمه ....كما تحدث عن أخلاقه الفاضلة وانه لا يبادر بالعداء ولا يخون الجار ولا يضمر الحقد ويظهر تواضع الشاعر في قوله ( مابقول للناس مثلى نادر ...بل بقول للخالق شئون ).....ذكر أيضا عفته وعدم فجوره وانه لم يرتكب المعاصي ولم يتاجر بالمبادئ ولم ينافق احد وان نفسه فيها من القيم والأخلاق ما يردعها عن فعل ذلك...ويرسل الحكم في بعض أبيات القصيدة
ما بخاف من شئ برضي خابر......المقدر لا بد يكون *** إن اتانى الهم جيشه دافر....يلقى يا خلاي صبري وافر يلقى عزمي التام ليه خافر....يلقى قلبي شجاع ما جبون *** بالعدا معروف ما ببادر .......ما بخون الجار مانى غادر ما بقول للناس مثلى نادر......بل بقول للخالق..... شئون *** ما عصيت مولاي مانى فاجر.......لا... ولا بالعالم بتاجر نفسي يا أحباب ليها زاجر........لم أكون كل يوم لي لون *** الثبات معروف لي معاصر ......لو بقيت في داخل معاصر و الإله غير شك لي ناصر........رغم انف الواشي الخؤن *** قول لشاهد الزور فيما ثائر.......هدى روعك قبل الخسائر يا ما قبلك عميت بصائر........من لساني ...وقولي الهتون *** قول لأهل الجور والمساخر .....مافى أول ما ليه آخر مابدوم العز والمفاخر.......وما بدوم الظل والحصون *** عن لسان الحق مانى نافر....وما جحدت الخير مانى كافر ما ضمرت السوء مانى حافر......للصديق هاويات السجون
هذه الأغنية من الحان الحاج محمد سرور لكنه لم يسجلها بل سجلها للإذاعة المبدع بادي محمد الطيب بلحن رائع جميل مع احتفاظه بهيكل لحن سرور .
يبدو أنه عادة التخوين سمة سودانية قديمة ووصم الناس بالعمالة رغم أن وقعها مرير على الأبرياء
يا ريت نسمعها يا منعم ويا منسي (أخوكم عاجز تقنية وسواق كيبورد ساي )
10-10-2015, 03:32 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
غايتو نحن المغتربين او زي ما بقولوا علينا في السودان المختربين مغستنا تشرط عديييييل كده.. ووجعتنا مافي زول بحس بيها غيرنا براااانا والشكية بس لله ..تبدأ الحكاية بفكرة مشؤمة تبدأ تراودك من الجامعة واول ما تبدأ تحب زميلتك في سنة اولي وتفضل سنة مقطع في مصارينك وتستجمع شجاعتك وتلمح ليها في سنة تانية وتبدا صاحبتنا تلقط سنارتك في سنة تالتة وتبادلك الاحساس وتعيش اجمل ايام عمرك في سنة رابعة وتشيلك الهاشمية وتقرر تغترب بأسرع فرصة عشان ترجع بعد سنتين وتعرس حبيبتك وتفضل شايف الدنيا كلها حلوة ومزهزهة قدام عيونك وتتخيل خطتك حتمشي زي ما عايز, تعرس الجو المكسر ضلعك ده وتبنوا عشة سعيدة وتجيبوا اولاد وبنات وتفضلوا تتغزلوا في بعض العمر كلة...وفعلا تركب الطيارة التعيسة وتحط الرحال في أي دولة خليجية ما بفرق الاسم كتير كلهم زي بعض قطر السعودية الامارات كلوووووو صابون.
المهم تبدأ الدوام بعد معافرة.. وتقبض اول راتب.. وتستلم اول جواب.. وتحول اول حوالة.. وتتلقي اول ضربة شاكوشية علي راسك لما تعرف انه حبيبتك عرست بعد سفرك باسبوع وبرضو عرست مغترب بس جاهز من خمستاشر سنة قاعد يكد ويكدح وعمل ليها حفلة كاربة.. وشيلة رهيبة.. وشهر عسل ماحصل ووووو وتقعد انت تبكي وتتحسر وما تخلي شريط لهاشم ميرغني ما تستلفه وتنسخه وتحضن المسجل الليل كلة وتبكي وبكده تكون خسرت اول هدف في حياتك ..وتتوالي الخسائر وتلف السنين وانت ما عملت أي حاجة غير ربيت كرش وعملت صلعة وكل سنة تنزل السودان نفس الموال : الهدايا للاهل.. والجيران ..والحبان.. الملايات.. التياب.. الستائر.. الساعات.. الريحة..و فلان عايز شيلة.. علان داير دواء.. فلتكان داير تلاجة..شيطان داير تلفزيون ملون.. امك وابوك ماشين الحج رسل..البيت عايز تصليح حول.. ود عمك مقبوض في شيك ومسجون رسل ..بت خالتك اليتيمة دايرين يعرسوها حول ..اخوك الصغير مسافر يقرأ الجامعة رسل..رمضان علي الابواب حول..ما تنسي خروف العيد........... رسل..المدارس قربت تفتح حول..المرقة اتعدمت اشحن..اللبن اختفي من السوق اشحن..المطر كسر البيت حول..جدك مات والبكا للحول رسل.. وتقضي حياتك بين رسل وحول واشحن واشحن وحول ورسل وهكذا دواليك ...وفي نص المعمعة دي تطلع ليك الوالدة لازم تعرس وانت تائه بين شاكوشك القديم واختيارك الجديد وفي النهاية حتي اهم قرار في حياتك تتركه لاهلك ويحددوا ليك شريكة حياتك وعشان تسافر وتكمل باقي المشوار لازم تجر ليك سلفية كاربة لانك طبعا طول السنين دي ما وفرت ولا تعريفة المهم تأخد السلفية وتتكسي وتكسي العروس والاهل والحبان القاعد تكسي فيهم من سافرت يعني مافي شي اتغير غير المقاسات المهم العروس تطلب ود الامين وانت تقول حاضر.. عايزة قسمة ترقصها حاضر.. عايزة تسافر شهر العسل اثينا حاضر برضه ..المهم يتم زواج الندم والسجم وعشان تجيب العروس لازم ترقع السلفية تاني وتفرش الشقة وتصلح العربية و المكيف لزوم الحوامة والفرجة علي البلد ..المهم يمر عليك العام وانت شايل ولدك او بتك والفرحة غامراك للطيش وجية جناك بردت عليك الفلس والقرف وقبلما تشبع منه تفاجاك زوجتك المصون بخبر الحمل التاني والتالت والرابع وتنقد فيك ولادة وتتوه انت بين جحيم الشغل وازعاج البيت وطلبات السودان وترقيع السلفيات وسنة وراء سنة وراء سنة تلقي ابنك علي ابواب الجامعة وبعد الدروس الخصوصية والمصاريف في المدارس الخاصة ووووو تفرح بالنتيجة الحلوة بتاعة ولدك وتسترجع ذكريات فرحتك بقدومه وقبل ما الفرحة تتم تتفاجا بعدم قبوله في أي جامعة حكومية وتسوء حالة ولدك النفسية وانت تتقطع عشانه وتسوقه وتمشي بيه السودان بعد ترقع السلفية طبعا وتدخله الكلية العايزها وتجبر بخاطره وانت تائه ما لاقي البجبر خاطرك ولأ يطبطب عليك تتقاذفك الايام وتتوسد الهموم وتحيط بك امراض الشيخوخة من كل حدب وصوب المهم بعد تطمئن علي ولدك وتدفع كل الضرائب والجبايات والنفايات والتفاهات تسلم الولد لاخوك الانت قريته في الهند وعرست ليه وساكن في بيت ناس ابوك الانت صلحته بدم قلبك وتتفاجا انه بتهرب منك وما عايز يمسكه وبديك نصيحة انك مفروض بعد كدة ترجع نهائي وتستقر..تجرجر اذيال خيبتك وتمشي لاختك الكبيرة عشان تشكي ليها ليس الإ وتفهمك غلط وتبادرك انه راجلها ما حيقبل يمسك ولد مع بناته الفتوات ديل وتطلع من عندها العبرة خانقاك وتعرج علي ود عمك بتاع الشيكات الطايرة الطلعته مية مرة من السجن بعد ما طلع قروشه السارقها وبني بيت من 3 طوابق وربا ليه دقن وشال ليه سبحة وصدق انه شريف مكة وقعد ينصح فيك الولد في عمر مراهقة والبلد مليانة مخدرات وعصابات وووووو المفروض انت كان تعمل حساب اليوم ده وتبني ليك بيت عشان علي الاقل الاولاد ديل يرجعوا مع امهم وبعد درس الوعظ ده تطلع وانت بتتقطع من ظلم ذوي القربي الاكلوك لحم ورموك عظم..بتبكي علي الناس العزيتهم ورزيتهم وما عزوك ..منهار نفسيا علي الهبل بتاعك والغباء العشت فيه السنين دي كلها ...واول قرار تأخده تلم شنطتك وشنطة ولدك وترجع للغربة وتكتشف بعد سنيييييييييييين طويلة انه الغربة ارحم من اهلك وترقع السلفية وتقرر تسفر ولدك أي بلد اخر غير السودان وتحمد ربك انه ولد.......... 🙌... وتستوعب الدرس بعد حقك راح وعرضك فاح.
* **
10-10-2015, 07:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
انت فاكر يا ود المنسي بانو الاميرة بت السيد بتقرا القصص السمحة زي قصص اسحق ود البلة وود كباشي وود البوش مرور ساكت ..هي يا سيدي بتتمعن في كل سطر وتعلق بصوت عالي على كل فقرة..وبعدين هي ما زي عبد الحفيظ ود شيخ العرب ابو سن بتزهج من القصص الطويلة لان بالها طويل وممكن تقعد فد قعدة خمسة ساعات ما تتحرك من الكرسي ..وهسع هي طلعت مشت الاستاربكس عشان تقرا قصصكم وحكاويكم الرائعة والانيقة على برميل جبنة ..وانا بقول برميل عشان هي بتختار اكس لارج ...عشان تفلسنا...وعشان كده بقول ليها امشي براكي ....واصبر حتجيكم فعلا برواقة بعد ما تكمل قراءة الصفحة الاخيرة (وبالمناسبة انتو ما شفتوها في التلفزيون الاسبوع الفات في جلسات الامم المتحدة ولا شنو؟؟ وهسع هي اتفرغت للكتابة وحتعمل ليكم وجع وش... ودمتم بالف خير وصحة وعافية.. (لوحة روعة لوحة الغروب)
10-10-2015, 08:02 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: عبد الحفيظ ود شيخ العرب ابو سن بتزهج من القصص الطويلة لان بالها طويل وممكن تقعد فد قعدة خمسة ساعات ما تتحرك من الكرسي ..وهسع هي طلعت مشت الاستاربكس عشان تقرا قصصكم وحكاويكم الرائعة والانيقة على برميل جبنة ..وانا بقول برميل عشان هي بتختار اكس لارج ...عشان تفلسنا...وعشان كده بقول ليها امشي براكي ....واصبر حتجيكم فعلا برواقة بعد ما تكمل قراءة الصفحة الاخيرة (وبالمناسبة انتو ما شفتوها في التلفزيون الاسبوع الفات في جلسات الامم المتحدة ولا شنو؟؟ وهسع هي اتفرغت للكتابة وحتعمل ليكم وجع وش... ودمتم بالف خير وصحة وعافية.. (لوحة روعة لوحة الغروب)
الله يديها العافية والصحة وأنت كمان كانت قاعدة وين ما شفناها ........ بعدين يا بت عبدالرحيم أنتن راقيات ما بشرب القهوة إلا راقي عشان كدي ود شيقوق بشرب شاي وأنا الفاضلابي بنشرب قهوة ههههههه شفت يا ستي كان في واحد مجنون في مشرع بنطون شندي المتمة ... مزاجو يكون قاعد بس يعاين في الناس النازلة من البنطون ( من أشوف لي راجل سمين ) يحددو ويكورك لي أقرب نسوان هي هي الماشا دي عايني التلح شوال الملح أرمي ليك ... ويجري علي الراجل يشيلو فوق ويرمي في تراب الشاطى يكندك جلابيتو الرجال بقوا يضايرو منو من أشوفوا هههههههههههههههههههه
اها يا ود المنسي بت مصطفى رجعت بعد خنسة ساعات وقرت صفحتين لكنها رجعت معنوياتها عالية ولمن سالناها السبب قالت انها قرت انو ود الباوقة الجبهجي اكد انو حيحفروا ٢٥٠بير بترول في الشمالية وانا مخططة ترجع سريع عشان تحجز ليها بير من بدري..والله امتثال وقعت من كترة الضحك وقالت ليها انتي تصدقي ود الباوقة انو في بترول في الشمالية لكنها حاولت تقنعنا بقولها ليه يكون في بترول في السعودية وفي مصر وفي ليبيا وكلها دول محيطة بالسودان...يعني اشمعنى السودان..ردت ليها امتثال ان الله غضبان على السودان لان الناس الحاكمينها بتاجروا بالدين.... ما عاوزة اواصل الحدوتة عشان قلبناها سياسة والسياسة دائما بتجيب وجع الراس والتوتر والمشاكل... وتصبحوا على خير وتحلموا بابيار البترول ودمتم بخير وصحة وعافية
10-11-2015, 09:16 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
فاضلابي ياولدنا .. لمتك حلوة بالجد مرة جالسين في لمة حلوة برضو- زواج جارنا الفنان الخلوق محمد جبارة - الامتداد الشرقي مربع 2 حفلتو كانت حديث المدينة لانها استدرجت فناني الطمبور من كل فج .. 3 يوم يازول قاعدين في بروفة صديق احمد ،، واحد من الشيالين (الكورس) غالط جماعتنا في مفعول عرقينا مقارنة بحق كريمة جارنا وغد كده مشى الموردة وجاب عرقي بكر من الصنف البتعمل مخصوص للمحافظ والقضاة وميز الدكاترة زولنا الشيال وهو في غمرة انفعاله في البروفة يطلع ويكشح ليهو كاس كاسين وتاني يدور في الصفقة والرقيص كأنه الزين يوم عرسه البيت الكان فيهو البروفة بينه وبين الاتبراوي مساحة خالية الا من ميدان كورة ومدبغة جلود في زحمة البروفة الناس افتقدوا الشيال .. قعدنا نفتش كل ركن في البيت .. حتى قفص الجداد ماخليناه دورنا عرباتنا وعجلاتنا نبحث في الفضاء المظلم ده لحدي ما وصلنا قيف البحر لقينا ليك زولنا قاعد فوق صخرة عريان ممدد رجليهو في الموية ويغني: عديلـة عليـك مـشاويـرك عديـلـه عديلـة أن كان قـصيـرة ان كان طويلة عديلـة علـيـك محـل ماتمشي تمشي يـا عديلـه أبقيلـو زي الغيمـه رشـي .. الجماعة رشوه ليك كف وخموه في ضهر بوكس ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعزيز الفاضلابى
عبد المنعم سيد احمد
خالد علي محجوب المنسي
مني عمسيب
عبيد الطيب
عبدالحفيظ ابوسن
Osman Musa
عبدالله ود البوش
إسحاق بله الأمين
مامون عبدالله نور
وضاحة
معاوية المدير
Abdelrahim Mansour
حيدر حسن ميرغني
فيس بوك
تويتر
انستقرام
يوتيوب
بنتيريست