إقترحت تغيير إسم الحزب الشيوعي إلى الحزب الاشتراكي السوداني

Quote: و الله يا جماعة دي حكاية مؤسفة، انو الواحد يتحدث فى قضايا فى وطنية هامة من دافع اشفاق على الوطن و على الناس و حياتهم و يجي زول فارغ و غير مسؤول زي حلولي دا يبتذل النقاش بهذا المستوى. نفس الاساليب الرخيصة لتشويه اي شئ: انت و ناسك و ناساتك غاغ غاغ غاغ. قلنا ليك فى اول مداخلة ليك معاك انو انا ما عندي ناسات ولا انا ناسات بتاعت اي زول. لماذا هذا الاصرار الغبي و الغريب على تصور هذا الامر على انه مؤامرة مدبرة من مجموعة من الناس؟ بعدين بندر انت اتصديت ليهو متين؟ انا من أكتر الناس الذين تصدوا لبندر و غيره من الدعافيس الكانوا بتعرضوا للحزب و الشيوعيين بالسوء و الاساءات و العدوان. انت كنت وين؟ و الله ... يحق لي ان ازعم اني نجدت زملائي الشيوعيين و الديمقراطيين فى المنبر دا و مسكت منهم بلاوي. اي نجدتهم عديل كده نجدة و خالد العبيد دا لو بقول النصيحة يشهد بذلك. ما كنت عضو فى المنبر لكن اضطرت لكتابة بوست كامل بالمراسلة عن طريق الايميل مع خالد العبيد دفاعا عن الجبهة الديمقراطية جامعة الخرطوم عندما قاد بعض الدعافيس حملة تشويه لموقفها فى قضية من قضايا اتحاد طلاب جامعة الخرطوم. اول يوم اكتب راي حول مستقبل الحزب و اشياء من هذا النوع يظهر لنوعك دا يشتمني و يصورني كمتأمر؟ اختشي على دمك يا راجل!