إقترحت تغيير إسم الحزب الشيوعي إلى الحزب الاشتراكي السوداني

مرحبا Guest
اخر زيارك لك: 05-06-2024, 11:38 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
09-09-2015, 03:27 PM

Hololy
<aHololy
تاريخ التسجيل: 08-30-2006
مجموع المشاركات: 1266

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: إقترحت تغيير إسم الحزب الشيوعي إلى الحزب � (Re: abubakr salih)

    Quote:
    تعليق على قضية اعتبر انها مهمة:
    الحزب هو الناس. الحزب الشيوعي فى اي لحظة من الزمن
    t هو
    هو الاعضاء، و المؤسسات و اللوائح و البرنامج. لكن الثلاث الاخيرات ديل ما بينضمن و يتحركن لوحدهن. انما يحركهن و يفسرهن و ينفذهن الاعضاء.


    ي ولد ي بتاع الزمن (t) انت !!!!!!!
    وهو في زول قال ليك الحزب هو النسناس ما هو الناس و لاكيف؟ و ناس حزبك ديل فيهم الناس المخرو في عباب البلد و انسانا ورفعو راسم في سماها وبطلع نضيد... حفروا اسمو بظفرهم و نابهم وجرتقو سيرتو و مسيرتو بالدم ودموع اطفالم و امهات اطفالم و اصدقاؤم و مضو الي حال سبيل ربهم ...و لا الناس ديل انت و صاحبك الشفيع خضر ومن علي شاكلتكم (وبث) ؟؟؟؟

    Quote:
    هؤلاء الاعضاء يمتلكون مطلق الحرية فى التفكير و التحليل و التقرير فى اي شئ يخص الحزب و مستقبله. لا يحتاج اي من الاعضاء الي اذن من حلولي او من يشاركه الراي، للتفكير و التنظير فى اي شأن يخص الحزب صغير ولا كبير. و ليس من حق اي احد تجريم الزملاء و الاعضاء على قرار اتخذوه طالما تم بالطرق اللائحية المعروفة. معظم كلام حلولي فى هذا الصدد عبارة هرج و غاغة عاطفية لا معني لها. الحزب هو الناس، يشروح ليك الحكاية دي بياتو لغة؟ و الناس ديل متساويين فى حقوقهم..


    ي زول برضو ما في زول قال ليك ناسينك و ناساتك البخيتين و عزيزين عليك انت و الشفيع والبقيه ما بتمتلكو مطلق الحريه ...لا لا و الله انتو بابا و انتو ماما و انتو انور وجدي زاتو ...و تمتلكون كامل الحريه ....وانسانين وانسانات كاملي الدسم و العقليه و مافي اي زول يقدر يتطاول عليكم و يقول غير كده ...انتو ما الناسات و الناسين الجداد القادمين...(ضُم الجيم في الجداد او اكسرا ..شوف البريحك ...و كل مسخر لما خلق له) ...و قالو الجديد شديد ....و بعدين ما تراكا إنت بتلعلع و عامل غاغه في الفارغه و المقدوده في زول سالك و لا في زول قال ليك ما تعمل غاغه ....طيب ما انا زول زيك ياخي في الحزب ده ...العلي الاقل لسه ما غيرتو اسمو ...يعني زميل زيي زيك ...ما تديني فرصه ...العلع و اعمل غاغه ...انت قايل عمل الغاغه دي بيشتروها من السوق الاسود ...و لا دايرا ليها اذن من كوز يزيدا مويه ولحس كوع؟؟؟
    تصدق ي ابو بكر انا ذاتي عضو في الحزب ده و لي الحق ايضا ان اتكلم في اي شأن يخصه بمطلق الحريه ....كسائر ناسك وناساتك البتتكلم عنهم ديل ..و لاٌ انت دايرني اخد الاذن منك و من ناسك ديل عشان اقول رايي فيما يخص شئون الحزب؟ انا غايتو ما شاعر بالدونيه من اي زول لا في الحزب و لا خارج الحزب ..و بتكلم كلامي الداير اقولو ... في اي لحظه دون وصم او ركون لكلام الاخر في حقوقه وبمثل ماتقول و اذا انت و ناسك ديل شاعرين بالدونيه في كل زول يقول رايو و يخالف رايكم انو هو وصي عليكم وانو شاعرين بيقول ليكم تاخدو الاذن منو عشان تقرروا فده شعور خاص بيك ...فيجب ان تتخلص منو.....لانو اعتراضك علي عدم اخذ الاذن و الوصايه من قبلك يؤكد الشعور داخلك انو الامر كذلك!!!!!!! شفت انا بفيدك كيف و انا شاء الله ناسك زاتو يكونو بيقرو في الكلام ده عشان يستفيدو و بالله اذا ما بيقروا فده واجبك نحوهم تكلمم... اما الناس الساي و بيقروا فمقدور عليهم بالنقاش و الاطلاع زي الزول الفوق الجا ناطي من وين كده ما تعرف وقال الحزب المرحوم او الميت ما عارف... و بتابع برضو....عسي و لعل يستفيد!!!!!!!

    و لا ياربي تكونو انتو بتتبعو مثل هكذا اوصاف للاخر المناؤي لكم في اراءكم كتضليل.... تحشدوا بيهو حيرانكم تحت دعوي ...ديل ناس متعسمين ....و ديل ناس اوصياء ...و ديل ناس وارثين .....الخ من الكلام البطيخ ده ....و تقدرو تغطوا علي ثيمة الصراع الاساسيه و نقطتو الجوهريه بضباب كثيف و تمشٌو العايزين تمشٌوهو من ورا ضباب تلك الاوصاف؟؟؟؟؟
    بس احب اطمنك ....( شخصيا ما عارف الباقين من كثير من الاصدقاء و الزملاء وان كنت اثق فيهم و قدرة حجتهم في الدفاع عن وجهات نظرهم)....احب اطمنك انو بالنسبه لي شخصيا كلو عندي القدره عليو و الحمد لله...و احب اقول ليك وليهم ايضا (ناسك وناساتك)... ان كان الامر كذلك فمثل هذه التاكتيكات اضرت كثيرا في الصراع الفكري داخل الحزب سابقا و ستضر به لاحقا ....رضينا ام ابينا بذلك !!!!!!!فان كنا حقا نستفيد و نتعلم من التجارب و المعارك الجماهيريه التي نخوضها مع جماهير حزبنا و شعوبنا من اجل تحسين حياتا وحقوقا فحقو و قدر قدرتنا نستفيد من تجاربنا علي الاقل في حزبنا ده ...
    ..
    ..و بعدين ما تضايق ...و مالو ياخي ما تاخدني علي قدر عقلي الصغيروني ده ....و بسط لي الاشياء و اشرح لي ..انشا الله باللغه العماليه القحه البسيطه لغة اهلي ....بس ما بالسويدي بالله و لا بالاسكندنافي لانو انا ما قدر ده !!!!

    Quote:
    يا ما مروا على الحزب اعضاء و اتخذوا قرارات بعضها كان كارثي على عمل الحزب و جسده لكن مافهم زول جرّمهم. طالما القرارات تمت بحسن نيه دون تعمد الايذاء او التخريب.


    لا لا ما كده ......اها النعلمك تاني ....انا عندي شنو غير اعلمك هنا ..و قارن بين سعة صدري دي عشان اعلمك و بين ضيقك و تهكماتك العبرتا عنها فوق ...بس ما تتحسس كتير ...من كوني اعلمك لانو انا ذاااتي اتعلمت في الدنيا دي و ما طلعت من بطن امي متعلم ....لكن انت اتعلمت المناقره وطق الحنك و اللياقه من الماركسيه بتاعت الكتب و الترف الفكري....و انا تعليمي غير ....انا اتعلمت من حبوبتي الله يرحمها و يحسن اليها ومن عمال عطبره الدخلوني الحزب وعلموني الماركسيه دي شنو علي واقع الحياه الحي المتحرك تماما كقوانين حركة نيوتن دون اصباغ اي قداسه عليهاو علي من ابرزها للناس لانو لا ماركس و لا نيوتن ولا غبرم من خلق هذه القوانين من العدم بل كانت موجوده و تفعل فعلها في الانسان و الطبيعه من قبل ان يخُلقوا في الوجود هم انفسهم و كل ما عملوهو هو كشفها ...و علموني اعاين للماركسيه كيف و من ياتو زاويه ..وبيفهموها ويستفيدو و يتعاملو معاها كيف ....وده كولو يا ابو بكر والله والله والله ما عندو اي علاقه بماركسيتك البتعبر عنها في كلامك رايح جاي وهترشتك الفوق ديك ...لانو العمال ديل برضو تربية حبوبات بالمناسبه و تسعين في الميه من دخلو الحزب الشيوعي هم تربية حبوبات (معسمين) والعشره في الميه الباقين الحبوباتم ماتو قبل ما يلحقو يربوهم ....ربوهم حبوبات الجيران ...يعني برضو تربية حبوبات و معسمين ....
    ...
    اها نرجع لموضوعنا ...عشان اعلمك
    ...
    تعرف ......كنت بسمع حبوبتي بتقول زمااان ..ومن كتير من توارد مقولاتا ... و نحن صغار ولحدي ما كبرنا .
    ((حسن النيه ...ما بزيل جنيه)).....و جنيه دي مقصود بها جنايه ...او فعل جنائي ...شفت التكنلوجيا دي كيف ؟؟؟؟.اها جو المثقفاتيه الزيك من اسكندنافيا وعوجو خشمم ...و لبسو كرفتتاتم و خلفو رجل في رجل ...و بقينا نسمعم يقولوا لينا..(( حسن النوايا ...لا يبرر سؤ الاعمال)) ..و يرددوا فيو ويكوجنوهو.... زيك كوجنتك دي ويبدو انو ده السبب البخليهم لافين في مربعم الاول زاتو محلك سر لا يتعلمو و لا يمشو لقدام تماما فهو حال مثقفاتية بلدنا في جهاز الدوله البكررو دايما في الاخطاء و التجارب مع سبق الاصرار...لكن بالنسبه للناس المتعسمين في الحزب المساله ماااكده .فالارتكبو غلطات كارثيه و غض النظر عن نواياهم كيف كانت فقد تمت التحقيقات و محاسبتم وفق اللوائح الداخليه
    ومن اثبت عليه خطاؤه الكارثي او غير الكارثي ...ادين بذلك ...وفق العقوبات اللائحيه ...و منهم من يهبٌط من هيئات حزبيه قياديه و منهم من استكتب نقد ذاتي لابراز الخطاء بشكل واضح و جلي ...و الاقرار به و الدافع لاتخاذو ذاك القرار ...= و غالبا ما يكون فردي وذاتي خاص بيو وانعكس علي عمل الحزب بشكل سلبي = ...و مالاتو و البدايل الكانت ممكنه ....الخ و عرض النقد الذاتي علي العضويه ...لتعميم الفائده منه و التطور ..كل ذلك لا لشئ غير تكثيف الاضاءه و بشكل جاهر للعين لابانة النقاط السود و مكامن الزلل و الاخطاء في العمل العام و بين كادر الحزب ومن ثم تطوير عمل الحزب بين الكادر ووسط الجماهير و بين منظماتها في العمل العام وده ما معناهو ان لا يخطئ هذا الكادر مرة اخري فلا باس ان يخطئ مرة اخري و ثانيه ثم ثالثه فالحياه متجدده و متغيره علي مدار الساعه و اليوم و الشهر و السنين ولا خوف من ارتكاب اخطاء هنا و هناك فقط الخوف من عدم وضع الاصبع عليها و الاعتراف بها لاستعدالها و تصحيحها ثم تجاوزها الي مرحله ارقي في مدارج التطور الحزبي و الذاتي و الجماهيري ....فقط كي لا يكون هو نفسه الخطأ المرتكب سابقا ....بل يكون متجدد بتجدد و تغير الحياه ذاتا..و ذلك لاننا كلنا بشر في النهايه وكلنا نخطئ ونصيب و لسنا بالهه مطلقين و معصومين ... و هذا طبيعي ان نخطئ لنحتفظ بانسانيتنا ...لكن ما هو غير طبيعي ان نلوك ونكرر نفس الخطاء ..او ان لا نخطي مطلقا...و حينها نكون قد تجاوزنا الحمرنه و الاستحمار الي مراحل حيوانيه بائسه اذا افترضنا ان الحمار نفسه بتعلم من تجاربو (قصة شوالات الملح و الصوفعلي ظهره) هذا في الحاله الاولي ..و نكون ارتقينا لمصاف الالوهيه في الحاله الثانيه ...
    ..و هذا ما يفارق كلامك الفوق ده كلية ...فمبلغ علمي و في كل حياتي الحزبيه واستنادا علي فلسفة الحياه الداخليه و النظم التي تحكم ذلك داخل الحزب فليس هناك من كادر اخطاء خطاء كارثي و لم تتم مساءلته ...اللهم الايكون عندكم حزبكم براكم شغال من زماااان في الضهر غير الحزب الشيوعي السوداني البنعرفو ....فالقرارات الكارثيه ...هي في حقيقها جريمه تستوجب التحقيق ...لانها تنسحب في تاثيرها علي اشياء كثيره ..بعيداعن حسن و سؤ النوايا هنا .....فان تصدم احدهم بسيارتك وانت تقودها في السويد او السودان و لاتحمل تجاهه تكشيره او ثأر او شئ (يعني تكون نيتك حسنه تجاهه – صديق ...قريب ..اخ...زميل ...الخ - او محايده تجاهه –شخص لا تعرفه - و يفارق الحياه بهذا الحادث ... فلا تعني حسن نواياك تجاهه انك مبرأ من المساءله بارتكاب جريمه في حق اخر و بالضروره ستسجن ...او تدفع ديه او غيرو ...لانك ارتكبت جرم ..غير مهم نواياك هنا...و يجب ان ترتدع عشان تعرف حاجه .....فشنو الحزب الشيوعي ده يا زول ما طلقيتا ...و ام فكوساكت كده ...
    وحزبك ده المابسائل عضويتو في القرارات الكارثيه ده حزب غير ...و ما الحزب الشيوعي السوداني البنعرفو ...لكن الفيك و الفيكم اتعرفت
    Quote:
    أكرر: في النهاية الحزب هو الناس فى اي لحظة من زمنية ما و اذا الناس اجمعوا بشكل ديمقراطي على أي قرار، فهذا حقهم المشروع وليس فيه اي مشكلة (شئ مرهق ان تشرح الماء). كون الناس وجدت الحزب باسم محدد و برنامج محدد هذا لا يحجر عليهم حقهم فى تغييره و تجديد طالما الامور بتم بشكل متوافق مع اللوائح. ياخي اذا الاعضاء بامكانهم تغيير برنامج الحزب، موش بالضرورة يكون عندهم الحق فى تغيير اسمه؟ لانو الاسم هو انعكاس للمحتوي و المشروع السياسي


    حقو بعد شرحي و تعليمي ده ليك ....تشيل الجمل بتاعت التهكم دي العلي شاكلة ...(يشرحوها ليك كيف)!!!!!(وشئ مرهق ان تشرح الماء) يا ود ي اسكندنافي انت يا بتاع اللحظه الزمنيه(t)
    ولا انت ما قاصد كده ...داير تعملا لي رياضيات و اينشتين كمان .....و لو ما شلتهم برضو ما مشكله ....حامشي معاك لاخر الشوط ..وعلي كلام حبوبه ...وصٌل الكضاب لـــــ خشم الباب...والله في
    ..
    ..
    ..نعيدو تاني و ما ح امل التكرار ...عشان تامن ....
    .مافي زول بيحجر عليك لا انت لا غيرك ..و ازبد زي ما داير في البوست ده ....لكن بس ما قلت لي ..لانو شايفك بتتكلم باطلاق كده ..وكانو البلد خلا
    ..
    ..اذا العضويه ...قررت تغير برنامج الحزب للضفه المغايره المعاكسه تماما لبرنامجو ولوايحو ...ان تعملو حزب يمثل الطبقه الراسماليه ...(بافتراض حقيقة ان الاحزاب هي واجهة الطبقات الاجتماعيه التي تمثلها و بالتالي من صميم مهامها في شكلها التنظيمي المؤسسي تدافع عن مصالح تلك الطبقات البتمثلا)......او اذا العضويه قررت تغيٌر برنامجو و تعملو زي برنامج المؤتمر الوطني او حزب الامه مثلا و بالاغلبيه الميكانيكيه المتاحه و المقرره في اللوايح .. فهل ده من حقها؟؟؟؟؟؟؟
    ...
    عشان اذا كان من حق الاغلبيه الميكانيكيه ان تفعل ذلك ...فالواحد يقوم يجتهد مع ناس المؤتمر الوطني وجهاز الامن ديل شويه ويساعدم في تطوير شغلكم لانو شايف قبل فتره عمك صلاح بندر عامل ليهو بوست جايب فيو كلام عمك التاني يوسف حسين ...و البوست كان خاص باختراقات و غوصنه و تغويص و غواصات...يجتهد ويقترح و يقول لي ناس عصابة المؤتمر الوطني و عصابات الامن ي خوانا بدل الشلهته مع الشيوعيين اولاد الذين امنو و الذين لم يامنو و الذين خاتفين لونين ... ديل ...احسن حاجه ...تكتروا غواصاتكم...و تغوصوهم ليهم جوه الحزب الشيوعي بعدديه كبيره... بحيث يكونوا اغلبيه ميكانيكيه ...و تجو في اي ملف بتاع مؤتمر قادم ...قول السابع لانو السادس الله اعلم يلحقو ....تقولوا لواحد من الغواصات بتاعتكم دي يقترح ان يُحَل الحزب الشيوعي السوداني مثلا ...او ان يتحول برنامجو الي برنامج راسمالي طفيلي يخدم الراسماليه الطفيليه ...ويقوم واحد مغوص تاني يثني اقتراح المغوص الاول و يعملوا تصويت و بالاغلبيه الميكانيكيه المغوصه يحلو الحزب المستغوص او يرسملوهو و يطفلهو ...و يا دار ما دخلك شر ..لا تكون في حوجه لمنع طلب ندوه للحزب الشيوعي ..و..لا تلاحق ناس الميدان ....و لا تعتقل صحفييها و لا ترفع عليهم قضيه و لا رقابه قبليه ولا رقابه بعديه ولا راقابه ما بينهما (وسطيه)....ولا ...ولا ...ولا. الخ من اللاءت و اللا يحزنون ...رايك شنو بالله في السناريو ده ...حقو ناس الامن يدوني عموله عليهو ...و علي الاقل اكون قتلت ليكم انتو الدش في يدكم (انت و الشفيع و من معكم) ...عشان تعرفووا حاجه و تسيبو شغل الفهلونجيه ده و تبقوا قدرها تمشو تكونوا ليكم حزب بقدراتكم...بدل النصب
    ...
    ...ال ايه ...
    ..ال من حق العضويه تعمل اي حاجه ال ...
    ..بالله؟؟؟
    ..العضويه يا ود ي ما معسم ي مرن لمن تعاكس و تعمل ضد البرامج و الاهداف المعلنه الواضعا الحزب المحدد بتكون فارقت موقعا كونها عضويه وبتكون بقت في موقع الاعداء زيها و زي عصابة المؤتمر و عصابة جهاز امنو ...بس مع الفهلوه و الفهلونجيه ...و الناس المرنين ما عارفين الحكايه حتكون كيف ...فعشان كده بالله ما تزبد و تتكلم باطلاق
    Quote:
    بل الحزب يحتاج بالذات لمن يفكرون. و ليس اي تفكير و هرج خارم بارم بل يحتاج لنوع التفكير that can balance the budget. ندي مثال: الحزب الشيوعي السوداني قبل ان يعمل و يشارك سياسيا فى نظام الديمقراطية البرلمانية. بل فى الحقيقة، كل تاريخ الحزب المعاصر تجده عبارة عن نضال من أجل اٍستعادة الديمقراطية البرلمانية من براثن الدكتاتوريات. و ديمقراطية السودان دي بالتحديد تعد من عيون الديمقراطية البرجوازية، وراد لندن (ديمقراطية وستمنستر) حيث مهد الثورة الصناعية و مهد ام البرجوازيات الغربية. انا شخصيا ليس لدي مشكلة مع هذا القرار، بل اعتبره قرار برغماتي و ذكي. لكنه قرار غير ماركسي، بالمعني الحرفي. الماركسية لا تري فى الديمقراطية البرلمانية نظام سياسي مناسب لحل التناقضات الطبقية فى المجتمع الانساني. لو قريت البيان الشيوعي بتلقاهم بينتقدوا الديمقراطية البرجوزاية على انها نظام يساعد على تكريس مصالح طبقة البرجوازية و مساعتدها على الاستمرار فى استغلال العمال و الفقراء. و الديمقراطية البرجوازية ما ممكن توصلك فى اي لحظة من التاريخ لبناء الاشتراكية. ليه؟ لانها نظام قائم على المنافسة الطبقية ذاتها. كل الطبقات الاجتماعية لديها الفرصة فى المنافسة على السلطة و الحصول على نصيب و تمثيل فيها و اي تمثل هو.


    بالله مع اللياقه الزي لياقتك دي ...و بالمناسبه في لواييق كتار زيك في الحزب ده ...طالما اللياقه موجوده في بعض بنات و ابناء شعوب السودان و طالما الحزب بيتكون من بعض منهم ...اها زي اللياقه بتاعتك دي بتخلي ليها زول يفكر ..يفكر شنو ياخي ...ياخي هسه انا جاني وجع رموش من قفلة و فتحت العين عشان اقرا كلامك المهبب ده !!!!! قال عايز مفكرين قال .... سيبك من ناس خارم بارم الزيي ديل ...انت المانعك شنو ما تفكر ؟؟؟ خاتي ليك فردة برطوش في راسك ده و لا شنو ...و لا انت ما في الحزب الشيوعي ......بس اذا تفكيرك ده يا هو زي الهباب البتقول فيو ده فبالله احسن ما تفكر للحزب ...فكر لحاجه تانيه توديك لقدام بس الزم الجابره و الضل في تفكيرات و تفكرات الحزب ... وزي مثالك الجايبو ده ...اوع يكون نوع من انواع التفكير المحتاجا الحزب ؟؟؟؟

    غايتو اكان كده الله يهون ...علينا و علي الحزب و علي الطبقه العامله ...
    ..
    منو القال ليك انو انجاز الديمقراطيه و ترسيخا لا يؤدي الي الاشتراكيه ...و الشيوعيه ... ومرحلة الثوره الوطنيه الديمقراطيه دي حتنجزا كيف من غير تحقيق الديمقراطيه و بياتو ديمقراطيه من الديمقراطيات الحايمه في العالم دي ..و المشكله شنو في انو كل الطبقات تنافس من اجل مصالحا ما ده من حقها بس مايكون باستخدام جهاز الدوله و تكريسو لخدمة طبقه واحده محدده لانو جهاز الدوله ما بتاع طبقه واحده ...بل بتاع الطبقات الاجتماعيه كلها بما فيهم طبقات الكادحين من عمال و مزارعين ....مع استصحاب حقيقة انوالطبقات المتجانسه او في مستوي افقي واحد في هرم البنيان الاجتماعي ذاتا ما متوحده في حزب واحد ...كالراسماليه و تعدد احزابا...ومعني ذلك ان احد احزابها التلاته اذا اعتلي دست الحكم فلا يعني هذا ان يشوف راسماليتو المحدده و مصالحا في العطاءات و الصناعات بشقيها الخفيف و التقيل و الانتاج و يفك راسمالية الاخرين عكس الهواء ...لانو ديل برضهم مواطنين ....وكيفية توحدم في حزب واحد فهذا شانهم لكن المطلوب من الدوله الديمقراطيه غض النظر عن مسميات الديمقراطيه في هذا المنحي ضرورة وقوفها علي مسافه متساويه من كل الطبقات ومن كل الاحزاب بل و من كل المواطنين
    ...بس داير اقول ليك ان النضال من اجل الوصول الي مجتمع اشتراكي لا يمر و لا يتحقق ولن ...الا عبر النضال من اجل الديمقراطيه وترسيخا كسلوك و منهج و طريقة تفكير في المجتمع و الديمقراطيه البرجوازيه البتقول عليها دي او ديمقراطية وستمنستر دي او وارد لندن او سمهيها كما يحلو لك و زي ما تكون ...فنضال الحزب الشيوعي ...حولها بعيدا عن اكلاشيهاتا المتعدده هو جرها لاتاحة و اطلاق الحريات و التعبير والضمير والفكر و المعتقد وحرية تكوين المنظمات الجماهيريه و النقابيه و استقلاليتا التامه عن السلطه كي تعبر عن وجهة و مصالح مكونيها في المؤسسه او المصلحه او الشركه المحدده ووقوف الدوله مسافه متساويه من مواطنين البلد كمعبرو ممثل لهم عن السلطه في البلد وسيادتا و سيادتم عليها و مصالحا و مصالحم بيها غض النظر عن من يعتلي دست الحكم في الدوله و باعتبار ان البلد ملك لمواطنيها و قاطنيها و الدوله المعبر عن مصالح الجميع فيها البتتمثل في تطورم وتنوع ثقافاتم و نهل العلم و مباشرة الدوله لمسؤلياتها في تحقيق ذلك وفق مدخرات و مصادر ثروات البلد ...استقلالية الجامعات و البحث العلمي و دور العلم و الخطط الاقتصاديه وفق مخططات استراتيجيه مدروسه وموضوعه محددة الاهداف و المعالم تتجدد بانتهاء مراحلها وانجاز اهدافها الي مرحلة اخري ارقي من الكم و الكيف...اطلاق الطاقات و حشدها للسودانيين في التعبير عن ذواتم ... بما يصب في الارتقاء و إغنا حياتهم الثقافيه و الروحيه و الاقتصاديه
    Quote:
    الحل الماركسي هو الثورة على هذا النظام بواسطة البروليتاريا (عمال، فلاحين الخ). هل هذا مشروع الحزب الشيوعي السوداني، الان؟ الاجابة لا؟ هل هو مشروع فى اي مستقبل قريب؟ لا، او لا نعرف ذلك. طيب تسميه الشيوعي دي فوق ام كم؟ (اشرح لي يا حلولي) دا نوع التفكير الذى يساعد الناس على التقدم للامام Because it connect the dots and balance the budget. على عكس من العوة بتاعت حلولي لانها كلام loose ساكت و غير مضبوط.


    .هو بالله الحل الماركسي قال كده ؟؟؟؟.يعني اي حزب شيوعي او اي حزب تاني كان ماركسي لينيني كان لينيني ماركسي ... كان ماركسي بهلواني كان لينيني بهلواني ممكن يقوم بالثوره البروليتاريه بتجميع العمال و الفلاحين كده بضربةعصايه موسويه مسحوره يعني؟؟؟ ...يعني يصحي العمال و الفلاحين ديل من نومم في يوم من الايام ووفقا لنداء و مشروع حزبهم وطرحو و برنامجو يتجمعو مع بعضم و يهتفوا و يثورا ...و يمشو جهاز الدوله يمسكوهو بناسو الفيو يثوروا عليو ويكسروهم و يكسروهو معاهم و عشان يتخلصو من عصابة الجبهه الحاكمه و يحاكموهم و يحلو محلهم ؟؟؟؟؟

    هو وينا منظمات العمال و وينما منظمات المزارعين و وينا حقوقم من تحسين بيئة عملم و تحسين ظروفم المعيشيه و وينا نقاباتم ..بل وينو حقهم في البقاء في مواقعم كعاملين و مزارعين في البلد حقتم ذااااتا؟؟؟؟ وياتو ماركسيه ...بل ياتو نظريه وياتو و ياتو اليه برامجيه و لا بهلوانيه حتي .... الممكن حزب يحقق بيها ثورة عمال و(فلاحين)علي انظمه دوله ظالمه بالتهريج بتاعك الطارحو ده بدون تهيئه و تجهيز و اكتمال توفر ظروف موضوعيه و ذاتيه انتاجيا و عقليا و نفسيا و توجه عام للانتقال من مرحله ديكتاتوريه ظالمه الي مرحله ثوريه اخري يتوفر فيها حد ادني من العداله و الحقوق ؟؟؟؟ ..يا زول انت جادي ...و هسه لو اتوفر لحزبكم ده تكوين و نشؤ لكل الياتو و مشاريعو ...حتقدرو تثوروا علي النظام ده طوالي و تغيروهو؟؟؟؟طيب ما تعملوا كده ينوبكم عننا ثواب تخلصونا من العصابه دي وندعي ليكم 30 ساعه في اليوم عشان ربنا يدخلكم الجنه اول ناس قبل الحور العين و الملايكه ....انتو حزبكم ده ناساتو وناسو حبكونو مولدين بسنونم و شنباتم و نهودم ...و بخشو الجامعه و بحضروا طوالي من المهد
    ...
    ..و بعدين عشان اوريك الضبابيه و ذر الرماد في العيون البتستخدما و بيستحدموها معظم شرائح البرجوازيه الصغيره البتجي والجه صفوف الحزب ده كقشره و كادر وجاهه ....في لحظه ما من مسارات دروب الحياه و هي اصلا ..ما مقتنعه ...لا ببرنامجو ولا بلوايحو ولا بطرحو غير اللحظه الانيه اللقت فيو ممثل لطموحاتا الوجاهيه ...و دخلتو ...وفي اللحظات الفارقه في مسارات الصراع و العصِر الطبقي ...تتساقط كاوارق الخريف و غير ماسوف عليها حينما تبوح و تفصح عن تفكيرا و مناهجا و رؤيتا للاشياء بضيق افقا ...و بالمناسبه منطقا في التفكير ومنطقك ده زاتو لا يختلف نوعا عن تفكير الترابي ...و البشير و عصاباتم ...بل يختلف درجة فقط ...و باختلاف المواقع بينكم كلكم ليس الا ....زي حكاية او مقولة (اذهب للقصر رئيسا و ساذهب الي السجن حبيسا) ... مافي اي فرق بينم اللهم الا في المواقع !!!!!!!و تساؤلاتك او سؤالك (طيب مسميهو الحزب الشيوعي ليه ؟؟؟؟؟) بيأكد الحقيقه و طريقة التفكير دي ليك وللناس الزيك ...!!!!!!!
    ..
    ..و عشان نخت الاحداث في تسلسلا و مسمياتا ...و اشرح ليك (اي خليك متواضع كده ...وان كنت اشتم رائحة تعجيز وتحدي من السؤال ..لكن بديك حق حسن الظن) ...
    .. هو انا السميتو الحزب الشيوعي السوداني ؟؟؟؟ انا ما سميتو ...سموهو الناس الكونوهو و انشأؤوهو منذ بواكير الاربعينات في خضم صراعم مع السلطات الاستعماريه ونضالم من اجل تحرر بلدم و عزتا وتحررطبقتم العامله و تكوين نقاباتا و منظماتا لتحسين حياتم و ظروفم المعيشيه وكانوا منتمين ليها موقعا و فكرا ...(الطبقه العامله) ....و لمن صاغو برامجم و لوايحم عشان ياسسو حزبم و بوعيهم انو الاحزاب في تكوٌنا هي بتكون واجهه للطبقه المحدده الكونتا وبتدافع عن مصالح و اشواق هذه الطبقه ... حددوا طبقة حزبهم ده ...وربطو واضافو ليها كل القوه البيهمها انجاز البرامج الوطني الديمقراطي بتاعم ده و بيحقق مصالحا معاهم والذاكرينها في برنامجم فبالاضافه ليهم جات طبقات المزارعين ...و القوي الوطنيه الاخري من مثقفاتيه و مثقفاتيه طق حنك زيك بس من مواقع الاستناره ما من مواقع الوجاهه...و تكنوقراط و راسماليه وطنيه ....الخ ...لكن في الاساس هو حزب الطبقه الكادحه كان العامله كان المزارعين و اللهي بتمثل البيز او القاعده المتينه للهرم الاجتماعي لاي مجتمع ومحمول من فوق قاعدته او قل علي اكتافم و عرقم و انتاجم و رفاهية البلد كل الطبقات الاجتماعيه الاخري ...فاذا كان هناك امكانيه لصيانة حقوق هذه القاعده التحتيه في الحياه ناهيك الحياه الكريمه احسب انه علي الاقل كل الطبقات القايمه و تستندعليها من فوقها هي بالضروره مصانه الحقوق ...و يكفي الطبقه العامله و المزارعين الاقحاح ديل ورغم بؤس تعليمهم و موقعم الاجتماعي يكفيهم فخرا انهم هم و ليس غيرهم من ادخل ثقافة المجتمع المدني المتحضر البدون مسدسات و كلانشنكوفات و تدمير يمكنه ان يناضل و في سلم و تحضر بالمطالبه بتحسين حياتهم و اولادهم المعيشيه..عبر منظماتم النقابيه العملوها و نافحو بيها من اجل حقوقم ... ...و بالضروره بلدم ..لانو دي حقيقة علم الاقتصاد و كل العلوم الانسانيه ان رفاهية و انتعاش اي بلد يقاس بالحد الادني لدخول مواطنيه وملامسة هذا الحد للايفاء بكل متطلبات الحياه الانسانيه ...من انتاجيه واستهلاكيه وصحيه و ثقافيه وروحيه و تعليميه ...و انتقلت عدوي هذه المنظمات النقابيه لكل شرايح المجتمع المدني و المهني كان اطباء كان مهندسين كان علوميين طق حنك كان موظفين ...كان تكٌاسا...بل حتي الي الاحياء عبر مجالس الاحياء و تعاونياتا ...وانديتا ....لكن ما في زول بيقدٌر الحقيقه دي ....و لا حتي ذكرها ....(ما الحقاره الزي حقارتكم دي انت و الشفيع و من يفكر مثلكم) ....و ده كوووولو ما مهم

    نجي للمهم...
    ...
    لمن انا قدمت طلب للحزب بالانضمام ليهو ...كنت عااارف حقيقه انو هو حزب طبقي خاص بالطبقات الكادحه و في القلب منها الطبقه العامله ... والمزارعين .. واعيها تماما ...بل واعي ان شرط القبول بها من اساسيات الانضمام للحزب والمتمثله في القبول و الاقتناع و العمل علي تحقيق البرنامج المكتوب و المعلن و القبول و الاقتناع باللائحه ......مع الشروط الاخري من صيانة الحياه الداخليه و المحافظه عليها و تطويرها ...و صراع فكري ...الخ ......و يقيني انك كذلك ...قرات هذا البرنامج و تمت مناقشتو معاك واقتنعت به و باللوائح ...و القوانين البتنظم عمل الحزب و مواصلة النضال من اجل تحقيق برنامجو ....و هو برنامج الثوره الوطنيه الديمقراطيه ...كان انت ...كان الشفيع كان اي زول دخل الحزب ده ونال شرف عضويتو ....طيب هسه الجدٌ شنو؟؟؟؟
    ...من زمان لمن انت او غيرك قدمت طلب انضمام للحزب الطبقي العمالي الاسمو الشيوعي السوداني و الكان فيو زمااان عمال و مزارعين كتااااار بالهبل ....بالاضافه لبعض من بقية الشرايح الاجتماعيه الاخري ...و كانت الحكايه ماشه في تنامي و اتساع !!!!! الجد شنو هسه ؟؟؟؟ انو مثلا انتوا الطبقه الغير عماليه و مزارعيه بقيتو كتاااار اكتر المزارعيه و العمال و بالتالي يجب ان يتحول الاسم لاسمكم العايزنو انتو عشان يعبر عنكم ؟؟؟؟ و لا كيف ؟؟؟
    .. .بعدين المشكله ما انو اشرح ليك و الا ما اشرح ليك لانو انا ما عبد الشراح الديمقراطي ...المشكله انو انت عارف الحقيقه دي والكلام ده كوووولو ومن اول يوم انت قدمت طلب انضمام للحزب و حاتجاوز الخلاك تقدم ليو شنو رغم معرفتك السابقه و حاقول انت ما كنت فاهم الكلام ده و فهمو كان كبيييير عليك ...لكن لمن بمرور الزمن علموك و عرفت و فهمت...المخليك قاعد فيو شنو؟؟؟لحدي هسه؟؟؟ وده فرقو شنو ...من كلام العصابه و عرابا .....( (اذهب للقصر رئيسا و ساذهب الي السجن حبيسا) ...وبتصرف وتعديل بسيط للمفاهيم و المواقع ...هل ممكن نقول عليو او نطلق عليو؟؟؟؟ ..(اعرف ثم اتامر) ؟؟؟؟ولا ممكن نقول عليو (تمسكن ....حتي ....تتمكن)؟؟؟...باعتبار انو العصابه الحاكمه نفٌذت سياسة التمكين!!!!بعد حدوتة القصر و الحبس.... وهل تمكٌنكم ده بعد ما عرفتو واتمكنتو بيعطيكم الحق انكم تسرقوا او تخطفوا حزب ناس متعسمين و انتو ما عندكم بيهم علاقه طبقيه ؟؟؟ ياهو دي اخلاقكم ؟؟؟؟ بئس الاخلاق!!!!!! لكن للاسف هي فعلا دي اخلاق طبقتكم طبقة البرجوازيه طق الحنك الصغيره و البتزيد في السؤ و السقوط لمن تبقي كبيره بتاعت سوق محلي و اقليمي و عالمي و عولمه
    ...
    و لاحظ ده كوووولو مع وجود امكانيه انكم ما تكونو حراميه و قراصنه بتعيين خطف ...يعني اذا انتو لقيتو نفسكم كتار و ما عندكم حوجه للانتماء لحزب الرجرجه و الدهماء بتاع العمال و المزارعين الاقحاح ديل بعد ما عذبتم العصابه و شردتم من مؤسساتم و مصانعم بالالاف للصالح العام و بتبيع في مشاريعم كان مشروع الجزيره كان غيرو وبقو مشلهتين في لقمة عيشم و معيشة اولادم و امهات اولادم البقو ستات شاي ... او اذا ضاق بيكم المكان بتاعم و لقيتوهم (متعسمين) وما محتملين ململتكم دي وهم ما عندهم رغبه ولا دايرين يكتمو علي نفسكم و يجبروكم علي البقاء معاهم ...ما تغورو منهم ياخ و امشو اعملو الداير تعملوهو ..بس سيبو ليهم حزبم ده زي ما كان اول ماجيتوهو...لانو حزبم و لانو حقهم ولانو لمن انشأؤوهو كانت سخونة انفاسم و مدرار عرقم هو المحايه الكتبو بيها برنامجم و احلامم و تطلعاتم وعزة بلدم .... ولا مستكترنو عليهم لانهم اقحاح و رجرجه؟؟؟؟؟
    ...
    ..
    ..اها قدرت اشرح ليك و لا لسه؟؟؟ ...وعرفت ليه اسميهو الحزب الشيوعي السوداني؟؟؟ و عرفت ليه العمال و المزارعين؟؟؟ وعرفت ليه متعسمين في حزبم؟؟؟...انا ما قلت ليك ما عندي شغله غير اشرح ليك و اعلمك ..و كولو هين و مقدور عليو ..بس انشا الله تفهم وتتفهم وتخلو القرصنه وختف حق الناس
    Quote:
    شايف في زول سالني عن الماركسية. انو انا قلت مافي مانع نستخدم الماركسية كاداة فى تحليل ظاهرة الصراع الاجتماعي. فى زول قال لي لو انت بتقول كده مفروض تصر على بقاء اسم الحزب الشيوعي. طيب انا مع بقاء الماركسية، لكن كذلك مع الانفتاح على التراث الفكري الانساني كله (هذا موقف المؤتمر الخامس)، جميل كده؟ الماركسية زاتها انا ما بتعامل معاهم على انها صحيحة و مطلقة على الدوام، كما ذكرت فى مداخلة سابقة. النظريات الاجتماعية لتستطيع التنبوء بالمستقبل لان النظام الذى تدرسه معقد جدا و اي نظام مقعد من المستحيل التنبوء به (حتى فى الطبيعة دع عنك المجتمعات). بعدين برضو ما بحب حكاية الفلسلفة الماركسية اللينينية دي. باقية لي زي مسمي الطريقة الدسوقية الشاذلية. عشان كده ما بتعامل مع الماركسية مثل اوراد الطرق الصوفية، لكن بتستخدمها كاداة فى التحليل من ضمن ادوات اخري و قلت ننتبه لحدود قدرتها. مثلا الماركسية لا تقدم حلول جيدة لحل ازمة التناقضات الطبقية، مثلا اي نظام سياسي فيه دكتاتورية سياسية سوف يتحول لنظام استغلالي. يعني تكون استبدلت استغلال البرجوازية ببرجوزاية اخرى، حدث هذا فى التجربة السوفيتية. اذان هنالك حوجة للتنظير و التفكير فى نظام سياسي بديل غير الذى اقترحته الماركسية. بالنسبة للوقت الراهن و علمنا من خلال الديمقراطية البرلمانية -حسب ما هو المطروح- النقطة الجوهرية فى موضوع الماركسية و استخدامها هى ان يكون فى حزب طبقي. حزب معني بخدمة اجندة مصالح الفقراء. الاسم ما هو القضية الاساسية، القضية هى الفعل و التاثير و انجاز خدمة قضايا الفقراء (موش حزب زينة و ارضاء للغرور الفكري)


    يعني الحزب الشيوعي ده حزب زينه و عاجباني لارضاء الغرور الفكري بتاع الناس المتعسمين!!!.... مش كده!!! ؟؟؟؟ يعني هو ما حزب طبقي ؟؟؟؟ ولا معني بخدمة اجندة الفقراء والكادحين في الارض ؟؟؟؟
    ياربي تكون انت قاصد بالفقراء ديل ناس شيخ الامين....ولانو ما لاقين حزب معني بيهم و بقضاياهم في الجكسي و البيبسي و محايات شئون القصر ولاشنو؟؟؟

    Quote:
    موضوع تجديد الاسم و تجديد الحزب دا انا قاعد اتعامل معاهو كموضوع اغاثة. اي و الله، السودان دا محتاج اٍغاثة عاجلة. لو ما الناس اتحركت عليهو ما اظن تلقوه زاتو عشان تعملوا فيهو الشيوعية، بعد عمر طويل! و المسلسل بتاع تمزق السودان دا حاصل، بداء بانفصال الجنوب و لن يتوقف عنده. فنسال انفسنا كيف و لماذا عجزنا عن المحافظة على وحدة السودان؟ لو لا ضعفنا لما تمكنت الجبهة الاسلامية من تمزيق السودان امام اعيينا. ضعفنا ليس بعيد من هذا النقاش. فشلنا فى تحويل ان نتحول لقوة اجتماعية كبيرة لتستطيع التاثير فى مصائر البلاد بالشكل الايجابي. الناس فى السودان جعانيين اليوم العلينا دا، الجوع الواحد دا و شوف نحنا بنتناقش فى شنو؟ أفتكر انو دا حاصل لانو نحن ما مكتويين بالنار بشكل مباشر. معظم كادر الحزب الشيوعي حاليا ليس من عداد الفقراء او العمال و المسحقوين زاتهم. معظم كادر الحزب الان هو من افندية طبقة وسطي و برجوزاية صغيرة. و بحسب راي الحزب نفسه انو الصراع الفكري داخل الحزب هو امتداد للصراع الطبقي فى المجتمع. عشان كده بتلقى مجهود كبير مننا منصرف For such intellectual exercies أكثر من مجهود ينصرف لـتحسين حياة الناس المعدمين ديل. قال ليهو عيش يا حمار لمن النجيلة تقوم!


    غايتو انت بتعرف لطق الحنك و الاستهبال عشان تختف سريع سريع و في احسن الاحوال بتعرف للجغمسه و هسه ممكن اجزم انو البشير ده لمن قال خطابو بتاع الجغمسه ....ما كان قاصد في الدنيا دي غيرك انت ...يلا ابسط ياعم ..بشه زاتو قاصدك !!! .هسه انت موضوع اسم الحزب عندك .....هو...
    (انعاكس للمحتوي و المشروع السياسي) ...
    ولا ....
    (الاسم ما هو القضية الاساسية)....
    ولا ...
    ( موضوع تجديد الاسم و تجديد الحزب دا انا قاعد اتعامل معاهو كموضوع اغاثة. اي و الله،)...؟؟؟؟؟
    ...
    ...يا عوض ..ياخي الزول ده مهرج و بهلوان و بتاع طق حنك ساي...فحقو تشوف طريقه تبعدو من النقاش ده...لسببين الاول ما ملتزم بنقطة الخلاف المحوريه مثار النقاش و عنوان البوست وداير يناقش اي حاجه في اي حاجه ..و يجغمس مواضيع كتيييره في بعض ...مره ماركسيه لينينيه ...مره مابعرف شنو قدرة العضويه ..ومره وصايه و مره اخد اذن..و...ومره فلاحين (بالمناسبه مصطلح فلاحين ده ما مستساغ لانو ما تبعنا ...التبعنا و البنعرفو و الحميم لوجدانا السليم ...هو مصطلح مزارعين)... وداير يزحم لينا البوست بما لا يحتملو في هجص ونقه ما جايبه تمنا...و السبب التاني ...انو زي ود المويه تمسكو و تحاصرو في النيل الازرق ...يطلع ليك في بحر ابيض تحاصرو في السوباط يطلع ليك في المحيط الاسكندنافي والا الباسفيكي ..... يعني هسه في كلامو الفوق ده امسك ياتو فهم فيهم عن اسم الحزب واناقشو فيو؟؟؟؟ ....
    ...,وبعدين يا بكري ياخي ..طيب ما تريحنا و تريح نفسك ياخ اذا موضوع الاسم ده ما مهم ...اذا اقنعت بانو الحزب حزب طبقي ..و تتنازلو من حكايت تمسكم بتغييرو دي !!!!
    او ياخي في الحاله التانيه لو عندكم ضل في السويد بتاعتك دي ....فشنو امشي اخد ليك قعده فيو شويه ...و خلي عمك شوقي بدري يرفع الابنس شويه عن المحن السودانيه . ويكتب عن المحنه السويديه الجاتو مقنطره جنبو دي ...اهو دي جاهزه.....و يبعد لينا شويه من المقارنات الاشتراكيه الما متسقه دي.. .عالم محن!!!!!

    (عدل بواسطة Hololy on 09-09-2015, 04:30 PM)
                  

العنوان الكاتب Date
إقترحت تغيير إسم الحزب الشيوعي إلى الحزب الاشتراكي السوداني Elawad Ahmed08-30-15, 12:03 PM
  Re: إقترحت تغيير إسم الحزب الشيوعي إلى الحزب � Elawad Ahmed08-30-15, 12:08 PM
  Re: إقترحت تغيير إسم الحزب الشيوعي إلى الحزب � Elawad Ahmed08-30-15, 12:10 PM
  Re: إقترحت تغيير إسم الحزب الشيوعي إلى الحزب � Elawad Ahmed08-30-15, 12:15 PM
  Re: إقترحت تغيير إسم الحزب الشيوعي إلى الحزب � Elawad Ahmed08-30-15, 12:23 PM
  Re: إقترحت تغيير إسم الحزب الشيوعي إلى الحزب � Elawad Ahmed08-30-15, 04:27 PM
    Re: إقترحت تغيير إسم الحزب الشيوعي إلى الحزب � محمد شرف الدين09-04-15, 08:37 AM
    Re: إقترحت تغيير إسم الحزب الشيوعي إلى الحزب � محمد شرف الدين09-04-15, 08:47 AM
  Re: إقترحت تغيير إسم الحزب الشيوعي إلى الحزب � Elawad Ahmed08-31-15, 08:03 AM
    Re: إقترحت تغيير إسم الحزب الشيوعي إلى الحزب � abubakr salih08-31-15, 08:53 AM
      Re: إقترحت تغيير إسم الحزب الشيوعي إلى الحزب � محمد أبوالعزائم أبوالريش08-31-15, 09:01 AM
      Re: إقترحت تغيير إسم الحزب الشيوعي إلى الحزب � هشام عباس08-31-15, 09:05 AM
  Re: إقترحت تغيير إسم الحزب الشيوعي إلى الحزب � Elawad Ahmed08-31-15, 09:40 AM
  Re: إقترحت تغيير إسم الحزب الشيوعي إلى الحزب � Elawad Ahmed08-31-15, 09:46 AM
    Re: إقترحت تغيير إسم الحزب الشيوعي إلى الحزب � Hololy09-03-15, 07:52 PM
  Re: إقترحت تغيير إسم الحزب الشيوعي إلى الحزب � Elawad Ahmed09-04-15, 07:02 AM
    Re: إقترحت تغيير إسم الحزب الشيوعي إلى الحزب � abubakr salih09-04-15, 09:26 PM
  ززز mohmmed said ahmed09-05-15, 05:24 AM
  Re: إقترحت تغيير إسم الحزب الشيوعي إلى الحزب � Elawad Ahmed09-05-15, 06:25 AM
    Re: إقترحت تغيير إسم الحزب الشيوعي إلى الحزب � abubakr salih09-05-15, 09:37 AM
      Re: إقترحت تغيير إسم الحزب الشيوعي إلى الحزب � abubakr salih09-05-15, 09:56 AM
  Re: إقترحت تغيير إسم الحزب الشيوعي إلى الحزب � Elawad Ahmed09-05-15, 02:35 PM
    Re: إقترحت تغيير إسم الحزب الشيوعي إلى الحزب � عبدالمنعم الطيب حسن09-05-15, 03:35 PM
      Re: إقترحت تغيير إسم الحزب الشيوعي إلى الحزب � abubakr salih09-05-15, 04:04 PM
  Re: إقترحت تغيير إسم الحزب الشيوعي إلى الحزب � Elawad Ahmed09-05-15, 03:53 PM
    Re: إقترحت تغيير إسم الحزب الشيوعي إلى الحزب � abubakr salih09-05-15, 05:23 PM
  Re: إقترحت تغيير إسم الحزب الشيوعي إلى الحزب � Elawad Ahmed09-05-15, 06:20 PM
  Re: إقترحت تغيير إسم الحزب الشيوعي إلى الحزب � Elawad Ahmed09-05-15, 07:31 PM
    Re: إقترحت تغيير إسم الحزب الشيوعي إلى الحزب � Hololy09-06-15, 02:27 PM
      Re: إقترحت تغيير إسم الحزب الشيوعي إلى الحزب � Hololy09-06-15, 04:07 PM
        Re: إقترحت تغيير إسم الحزب الشيوعي إلى الحزب � Hololy09-06-15, 04:33 PM
  Re: إقترحت تغيير إسم الحزب الشيوعي إلى الحزب � Elawad Ahmed09-06-15, 04:16 PM
    Re: إقترحت تغيير إسم الحزب الشيوعي إلى الحزب � Hololy09-06-15, 04:46 PM
    Re: إقترحت تغيير إسم الحزب الشيوعي إلى الحزب � Hololy09-06-15, 05:13 PM
  Re: إقترحت تغيير إسم الحزب الشيوعي إلى الحزب � Elawad Ahmed09-06-15, 05:26 PM
    Re: إقترحت تغيير إسم الحزب الشيوعي إلى الحزب � Hololy09-06-15, 06:13 PM
  Re: إقترحت تغيير إسم الحزب الشيوعي إلى الحزب � Elawad Ahmed09-06-15, 05:41 PM
    Re: إقترحت تغيير إسم الحزب الشيوعي إلى الحزب � abubakr salih09-06-15, 06:54 PM
      Re: إقترحت تغيير إسم الحزب الشيوعي إلى الحزب � ناصر حسين محمد09-06-15, 06:57 PM
      Re: إقترحت تغيير إسم الحزب الشيوعي إلى الحزب � عبدالعظيم عثمان09-06-15, 07:15 PM
    Re: إقترحت تغيير إسم الحزب الشيوعي إلى الحزب � Hololy09-06-15, 09:07 PM
  Re: إقترحت تغيير إسم الحزب الشيوعي إلى الحزب � Elawad Ahmed09-06-15, 08:10 PM
    Re: إقترحت تغيير إسم الحزب الشيوعي إلى الحزب � عبدالعظيم عثمان09-06-15, 08:21 PM
      Re: إقترحت تغيير إسم الحزب الشيوعي إلى الحزب � Hololy09-06-15, 09:35 PM
        Re: إقترحت تغيير إسم الحزب الشيوعي إلى الحزب � Hololy09-06-15, 11:00 PM
        Re: إقترحت تغيير إسم الحزب الشيوعي إلى الحزب � Hololy09-06-15, 11:00 PM
          Re: إقترحت تغيير إسم الحزب الشيوعي إلى الحزب � عدلان أحمد عبدالعزيز09-07-15, 06:10 PM
            Re: إقترحت تغيير إسم الحزب الشيوعي إلى الحزب � عبدالعظيم عثمان09-07-15, 06:35 PM
              Re: إقترحت تغيير إسم الحزب الشيوعي إلى الحزب � elsharief09-08-15, 03:31 AM
                Re: إقترحت تغيير إسم الحزب الشيوعي إلى الحزب � Hololy09-08-15, 06:13 PM
                  Re: إقترحت تغيير إسم الحزب الشيوعي إلى الحزب � Hololy09-08-15, 07:15 PM
                    Re: إقترحت تغيير إسم الحزب الشيوعي إلى الحزب � خالد العبيد09-08-15, 11:15 PM
                      Re: إقترحت تغيير إسم الحزب الشيوعي إلى الحزب � abubakr salih09-09-15, 00:10 AM
                        Re: إقترحت تغيير إسم الحزب الشيوعي إلى الحزب � elsharief09-09-15, 04:33 AM
  Re: إقترحت تغيير إسم الحزب الشيوعي إلى الحزب � Elawad Ahmed09-09-15, 06:19 AM
    Re: إقترحت تغيير إسم الحزب الشيوعي إلى الحزب � abubakr salih09-09-15, 08:21 AM
      Re: إقترحت تغيير إسم الحزب الشيوعي إلى الحزب � عوض محمد احمد09-09-15, 09:06 AM
        Re: إقترحت تغيير إسم الحزب الشيوعي إلى الحزب � abubakr salih09-09-15, 11:39 AM
          Re: إقترحت تغيير إسم الحزب الشيوعي إلى الحزب � Hololy09-09-15, 03:27 PM
            Re: إقترحت تغيير إسم الحزب الشيوعي إلى الحزب � Hololy09-09-15, 05:10 PM
            Re: إقترحت تغيير إسم الحزب الشيوعي إلى الحزب � abubakr salih09-09-15, 05:16 PM
              Re: إقترحت تغيير إسم الحزب الشيوعي إلى الحزب � Hololy09-09-15, 06:03 PM
              Re: إقترحت تغيير إسم الحزب الشيوعي إلى الحزب � Hololy09-09-15, 06:04 PM
                Re: إقترحت تغيير إسم الحزب الشيوعي إلى الحزب � elsharief09-10-15, 05:09 AM
                  Re: إقترحت تغيير إسم الحزب الشيوعي إلى الحزب � عبدالعظيم عثمان09-10-15, 05:59 AM
                  Re: إقترحت تغيير إسم الحزب الشيوعي إلى الحزب � عوض محمد احمد09-10-15, 06:23 AM
                    التحكيم الأفريقي مخجل بشرى محمد حامد الفكي09-11-15, 03:03 AM
                      التحكيم الأفريقي مخجل بشرى محمد حامد الفكي09-11-15, 03:08 AM
                        Re: التحكيم الأفريقي مخجل elsharief09-11-15, 05:55 AM
                          Re: التحكيم الأفريقي مخجل خالد العبيد09-11-15, 11:10 PM
                            Re: التحكيم الأفريقي مخجل خالد العبيد09-11-15, 11:19 PM
                              Re: التحكيم الأفريقي مخجل خالد العبيد09-11-15, 11:23 PM
  Re: إقترحت تغيير إسم الحزب الشيوعي إلى الحزب � Elawad Ahmed09-12-15, 12:01 PM
    Re: إقترحت تغيير إسم الحزب الشيوعي إلى الحزب � Hololy09-13-15, 00:13 AM
      Re: إقترحت تغيير إسم الحزب الشيوعي إلى الحزب � HAYDER GASIM09-13-15, 02:58 AM
        التحكيم الأفريقي مخجل بشرى محمد حامد الفكي09-14-15, 06:14 AM
          Re: التحكيم الأفريقي مخجل خالد العبيد09-14-15, 06:57 AM
            Re: التحكيم الأفريقي مخجل elsharief09-16-15, 00:10 AM
              Re: التحكيم الأفريقي مخجل elsharief09-16-15, 00:15 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de