إقترحت تغيير إسم الحزب الشيوعي إلى الحزب الاشتراكي السوداني

Quote: .... ........ناس الجزولي سعيد لمن كانوا شغالين فى مشروع الشيوعية فى السودان كان عامل ليهو مكتبة للقراءة فى اروما. اروما دي الحكومة ما عندها فيها موظفين! هذا هو الجيل الشيوعي بحق و حقيق اما ما يحدث الان فهو شغل فى كتير منه طق حنك. كلنا منصرف فى اكثر الوقت لتدبير شؤونه و شؤون اهله و يساهم فى العمل العام فى اوقات قليلة مقارنة بمتطلبات مشروع التغيير الاجتماعي.

..
..طيب ...لو قلنا او او إتوجد الان في عضوية الحزب من هو مثل الزول ده (الجزولي سعيد) ...عليه الرحمه
..ممكن انت او من يشاركك الفكره كالشفيع خضر او غيرو...من ناس طق الحنك ؟؟؟؟؟؟!!!!!!!

(غايتو اذا دي نفسها رؤية الشفيع خضر ..طق حنك..الله يهون علينا و علي الشيوعيين الحيين شاكلة الجزولي سعيد)

... إدا شاكلة الجزولي ديه لسه موجوده....

اها ممكن تخلو ليهم حزبم دا زي ما هو و زي ما لقيتوهو لمن انت و الشفيع بتاعك ده قدمتو ليهو طلب ودخلتوهو ؟؟؟؟
و تغادروهو بدون ضجيج و ازعاج ....و لا دايرين تعملو ليكم هلوله زي الخاتم عليه الرحمه ...
غايتو الخاتم تحسب له ترك الحزب باسمو زي ما لقاهو ..بدون طفاسه و رزاله....ومشي عمل حزبو بالاسم الدايرو ...
....عليهو سهل و علينا مهل ... و انشا الله عليكم يسهل و علينا يمهل ...
...
...وبعدين انت منو القال القال ليك الحزب الشيوعي ده فِضا و عدم نفاخ النار من امثال الجزولي سعيد ؟؟؟؟؟
اكان انت ما بتعرفم ...غايتو هم كتاااااار ...وانا بعرف منهم كان اتنين ..كان تلاته ...حيين لسه و عندهم مكتبات كمان ...
....و فيهم واحد في دارفور ....محل الحكومه عندها جنجويد ..و كلاشات ...مش موظفين ...قصرت معاك (يقصر الملح )!!!
المهم احسن منك انت البتعرف الجزولي سعيد وبس...
..
..حاجه تانيه ..
..
..ياخي ارض الله دي ما وااااااااسعه و شايلنا كلنا ....وبلدنا دي زااااتا شايلانا ....
فاذا هي قادره تشيلنا نحن كبني ادميين بثقل و وزن...و نحن حيين بنتنفًس
...و حتشيلنا و نحن ميتين مدفونين في ترابا ...زي ناس الجزولي ده و بقية رفاقو الرحلو قبلو او بعدو
.. تفتكر ما حتقدر تشيل افكارنا معاها و معانا ...
بس ضاقت علينا للدرجه دي وعشان شنو ...عشان الافكار الفي راسنا دي و الاسامي الكلهم هوا و ماليهم حتي وزن زاتو !!!!
...
...معقولا ياخي؟؟؟؟؟؟؟؟؟؟!!!!!!
..
...بعدين .. المشكله شنو ...؟؟؟؟
....
..انو يكون هناك في الخرطوم او في السودان في الحزب الاشتراكي بتاعك ده ....و الحزب الاشتراكي القياده الجماعيه بتاع الشفيع ...كان ما اتفق معاك ...
.و الحزب الاشتراكي بتاع صاحبي عبد الله نقد ...كان ما اتفق معاكم برضو ....و الحزب الشيوعي السوداني (أ) القياده الورديه بتاع هنادي فضل مثلا...و الحزيب الشيوعي السوداني (ب) القياده البنفسجيه...بتاع امال جبر الله ... و الحزب الشيوعي (ج) القياده الخدرا بتاع احسان فقيري ... مثلا
....وديل كوووولهم ....جنبهم ....او بعيد منهم ....الحزب الشيوعي بتاع الجزولي سعيد ؟؟؟؟؟ اها المشكله وين ...؟؟؟؟
...
.في زول قال ليكم ما تعملو احزاب بالاسامي دي؟؟؟
...
...انتو لازم تتطافسو علي حاجات الناس التانين ...و تاريخم و تاريخ بلدم و مستقبلا و قادم اجيالا .....
و تضحياتم من اجل شعوبم الاحبوها و احبتم و مقاومتم المبدئيه و الشرسه لكل صنوف السقوط الانساني القبيح ...
...عشان في الاخر تجي تحول ده كوووولو لحزب (طق حنك ....) ...لاوقات التسليه ...انت الله ما ليك ي زول؟؟؟
..
..بعدين يا ابو بكر كل مره مع الضيق و خوار النفس و الشفقه الناس تجي فاكه جوكر الاسم ده ...انتو الاسم ده مالو ....بقرًص و لا بعضي ؟؟؟؟
...مشكلتو شنو الاسم ده معاكم ؟؟؟؟ مالو ؟؟؟ ياخي كلمة شيوعي دي مالا ...فيها شنو مقزز ولا بضايقكم ...هي ماااا كلمه ماركسيه
...هي كلمه عربيه عاديه جدن جدن جدن عن اب...و معناها جميل جدن ....من شيوع ...من مشاعي ...بس ما من المشاعيه البدائيه بتاعت الانسان الاول ..او الكيفمان
...لا لا ممكن تقول عليها ...مشاعيه حديثه ...بتركب مع عصر الاتصالات و العولمه ده و بتناطحو مناطحة تيران كان اسبانيه كان بقاريه
...و من صميم حروف اللغه العربيه المبينة بتاعت الحلوف حسين خوجلي...اها المشكله وين؟؟؟؟
..
..
...غايتو اذا حزبك الفي راسك ده هو بالمواصفات دي...
...

Quote: اما ما يحدث الان فهو شغل فى كتير منه طق حنك. كلنا منصرف فى اكثر الوقت لتدبير شؤونه و شؤون اهله و يساهم فى العمل العام فى اوقات قليلة مقارنة بمتطلبات مشروع التغيير الاجتماعي.

..
...فحقو تضع انت و الشفيع الفقره دي في برنامجو ...و يكون برنامجو برنامج مرحلة طق الحنك الوطنيه الديمقراطيه
..
...و تسموهو حزب طق الحنك الاشتراكي السوداني ...
..
..و بالله ماتنسي انت و الشفيع بتاعك ده تضموني لحزب طقك الحنك بتاعكم ده ...لانو انا زاتي بتاع طق حنك و قاعذ في استراليا
...هربت يعني ...اها الشفيع زاتو بتاع طق حنك لكن طلع احسن ممنا الاتنين ...واطي الجمره مغ اهلو وناسو و قاعد يواجه عصابة الاوباش ديل
..
..لكن علي الاقل ...ياخي بنكون اتخلينا عن رزالتنا و طفاستنا ...كان انا ...كان انت كان الشفيع ...كان اي زول تاني غيرنا ...
...انو الناس ديل لمن قدمنا طلباتنا ليهم في الحزب ...كان اسمو الحزب الشيوعي السوداني ...و لمن ضقنا منو و بقينا ما محتملنو ..
...نتخارج منو من غير ما نطالبم انو يغيروا اسمو الكان موجود بيهو لمن التحقنا بيو..
...و نمشي نحن نكون حزبنا ونشوق الاسم المقاسنا كان اشتراكي طق حنك ...
....كان اشتراكي طق صمغ ...
......
...
..
...تحايا لصاحب البوست و زوارو ...
...مع اتفاقي مع كلامو الاخير....
...
............ و ود مقيم للجميع
...
...