كيف يمكن أن نؤسس لإحداث ثورة عملية شاملة ضد إدارات الفشل ؟!

Quote: شنو يا شباب شايفين الفيل وتطعنوا في ضله سبب الوساخة والمشاكل الاقتصادية وغيرها طبعاً الحكومة في الإساس مش بس حكومة الكيزان دي، بل أي حكومة تجي برضه لو في وساخة سببها الحكومة. لي؟ قبيل منير ضرب مثل بالمقشاشة والحوش؟ المواطن بيقش بيته لأنه هو مسؤول عنه، والأهم إنه هو مسؤول من صرف موارد البيت دا، عشان كدا بجيب مقاششة وبيخصص ميزانية لنظافة البيت. أنا مواطن بدفع رسوم نفايات وضرائي وقروشي المشترك فيها مع الشعب السوداني دا ماسكة إدارتها الحكومة (أياً كانت تلك الحكومة) منير وأنا عايشين برة السودان، وعارفين إنه (قانو كهي جبار كهي) يعني الأمريكي ما أنضف من السوداني ولا البلجيكي ولا الألماني لكن القانون ما بيرحم والغرامة بتصلك في محلك مش لو بقيت وزير لو بقيت رئيس ذاتو.