|
Re: بوردابية تخطط لتشييد اكبر مستشفي لعلاج س (Re: وضاحة)
|
Quote: الحمد لله الذي باسمه تتسم الصالحات الحمد لله اله الخلق رب العالمين الحمد لله الذي ساق رزقا حلالا طيبا لي يسعد به أطفال هم فلذة أكباد اهلهم العفيفين
الحمد لله الذي جعل حلمي لتحقيق أمل ونور ينتظروه اهلي في السودان ممكننا الأخ عمر صديق والصديق والأخ الخلوق ناصر جِبريل الغالي بكري ابو بكر شكرًا لكم اخوتي جميعا الذين مروا من هنا فمنكم استمد القوة والضوء الذي يرشدني ويبعث في الأمل في سودان متعافي وكلماتكم ملائتني بالفخر والاعتزاز و اني هنا بين نفوس طيبة مليئة بالخير والمحبة وأنتم المعين والسند فمنكم تعلمت الكثير مشروع مستشفي أطفال السرطان حلم روادني منذ زمن طويل بعد ان رأيت بعيني معاناتهم في مستشفي الزرة وحديثي المتواصل مع دكتور الخطيب في كيفية توفير الأجهزة الطبية والأدوية والجرعات للاسر المتعففة وكانت تجربة منظمة بسمة امل بالنسبة لي واجتهادها لتوفير سكن للأطفال القادمين من أقاليم السودان بعد أخذ جرعة الكيماوي وعدم وجود ماوه يحتويهم هزت كيائني واحزنتني ولكن وقتها لم تكون عندي الإمكانية للمساعدة بالكثير لكن إرسال الله لي خيرا لم أكن اعلم به من جدي والد ابي من رجل معروف منذ القدم من أهل الخرطوم القدام اصحاب الاملاك والثروة والخير جدي الذي كان رجلا عصاميا بداء حياته بقهوة في سوق الخرطوم ٢ وكبر مع الزمن وكبرت مشاريع الخيرية والتجارية وأصبحت في الاسواق الأوربية
فاختارني دون احفاده لاني منذ كنت طالبة في المدرسة الابتدائية كنت اجمع مبالغ واخصه بالجانب الأكبر لمساعدة الاخرين من الأسر العفيفة تعلمت ذلك من المدرسة الابتدائي في كندا فكنت في جمعية Free the childern والمنسق والمسؤل نرسل المبالغ للدول الافريقية الفقيرة والتي يعاني فيها الأطفال من أمراض وجوع قد يكون هذا الحلم كبيير واعلم ان الطريق ملئ بالعقبات والمحبطات وان هناك الكثيرين الذين لا يعجبهم نجاح احد وان الحرب سوف تكون ضروس وأنها ستبداء من لحظة ميلاد الفكرة الي العلن هكذا هي الدنيا والحياة فيها الخير والشر ولكن انا علي قناعة تامة ان الله معي وناظري ومسهل امري وباذن الرحمن يتحقق هذا المشروع مهما كلفني ماديا ومعنويا وانا متكفلة بجميع التكلفة فهو مشروع خير لا استثماري أرجو ان تدعوا لي هذا ما احتاجه منكم ودعمكم المعنوي وتشجيعكم وآراءكم ستكون هي القوة الدافعة والمواجهات الي ستصل بهذا المشروع الي بر الأمان والتي ستعينني علي مواجهة الصعاب وتجاوز العقبات فا اسالكم بالله ان تكونوا معي بدعواتكم الطيبات لي ولي صاحب هذا المال الذي رحل عنا وهو يحب الخير أرضه ووطنوا تحياتي لكم جميعا اختكم وضاحة
|
بل الشكر لك الاف الاف وربنايوفقك ياوضاحة
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Khalid Saeed)
|
Quote: يا ﺑﺮﻕ ﺍﻟﺴﻮﺍﺭﻯ ﺍﻟﺪﺍﻭﻯ ﺟﺎﺏ ﺍﻟﺴﻴﻞ ﺍﻳﺪﻙ ﻋـﻴﻨﺔ ﺍﻟﻄـﺮﻓﺔ ﺍﻟﺴــﺤﺎﺑﺎ ﺗﻘﻴﻞ ﺍﻟﻨﻴﻞ ﺍﻟﻄﻤﺢ ﻛﺴﺮ ﺍﻟﻘﻴﻮﻑ ﺑﻰ ﺍﻟﻠﻴﻞ ﻋﺸﻤﺎﻧﺘﻚ ﺗﺠﻴﻚ ﺗﻐﺮﻑ ﺗﻜﻴﻞ ﻭﺗﺸﻴﻞ
التحية والتقدير للعزيز جدا وضاحة
وضاحة التي ادمنت فعل الخير وادمنها ليس بغريب عليها هذه المبادرة .. وهذه الهمة وهذا الأقدام للقيام بعمل كبير مثل هذا ، فهي التي تداعت من قبل لأجل السودان وانسانه وجدناها مع اهلها في محنتهم أول الملبين وأو من يشمر عن ساعد الجد .
لكي تحياتي ودعواتي بالتوفيق ،
ومثلها من التحايا للأخ العزيز عمر
|
ولك اسمي واخلص التحايا والتقدير يا الارباب
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: طاهر بدر)
|
Quote: Ùيا سلاااااااااااااااام ياخ الدنيا بي جاي مقلوبة فرحة وميتة في الاميرة وضاحة وانا ما جايب خبر دائما صيدي ناجع انتظر منك تلفون يا الاميرة اسع تيا دي عشان نجيك ترسي انا و ود شيقوق وود اب سن و ود المنسي و ود اب اسنينة والفاضلابي والاميرات التلاتة وعلي اخوي ود شيقوق المستشار القانوني ومدير البورصة ود اب سن الناطق الرسمي ود المنسي مدير المشاريع الفاضلابي مدير الاعمال الاميرات التلاتة مديرات الاعلام ابو سنينة وانا وعلي اخوي أي زول زعلانة منو كلمينا بيهو ناس لفخ ساهي |
والله يا حكيمة الحرررروم شغلتى الراى العام كله شوفى شغل العريبى جاى بعكازوا عليك الله ماتنسى من ضمن برنامجك مدنية ملاهى لناس البردانة كان يرتاحووا من خواجة الطين وتقطع وتشقق الكورعين والغبشة الفازلين ما يجيب خبرها
عووووووووووووك ناس سرحان ود البوش وربعة
البرنامج حافل اطفال السودان كلهم فى اشد الحاجة اليك
يا طويلة العمر
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Yousif A Abusinina)
|
الدكتورة ياسمين ..
من اللائي يدهن ممدودة .. و عليا ..
و( رجلها واصلة) لكل الأعضاء الذين تسمع بأنهم لازموا فراش المرض.
كما أن جميع من احتاج دواءا فى السودان كانت سباقة لتوفيره من قطر او غيرها.
و هي حضور فى كل الندوات الهامة تقريبا .. . متواضعة بقدر ماهي معطاءة و صاحبة رأي ..
تقبل الله عملها ..وجزاها خيرا ..
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Basamat Alsheikh)
|
من نواحي الفيس بوك ود الامام ................ ود الامام ... جزاك الله خير ... وخطط براحتك .... لكن من ثقتى في وضاحة ومقدرتها على تنفيذ ماقالت به اقول لك لمن وضاحه تقول بتخطط يبقى حتنفذ الافي حاله واحده ان تضع الدوله العراقيل امامها .. ولو وضعت الدوله العراقيل امامها في مثل هذا المشروع يبقى طظ فى الدوله وفي الوافقين وراها اذاماوقفت ضد مستشفى للأطفال... وسأقف بجانب وضاحه .. ... أما مايدور بيني وبين حسين ملاسي فحسين ملاسى اقدر بالرد على منك ...
هذا مع وافر احترامى
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: عمر صديق)
|
التحية والتقدير للدكتورة وضاحة طبعاً أفضل لو تم مثل هذا العمل الخيري في الخفاء أو حتي يري المشروع النور ويكون في أرض الواقع وعلي كل حال ربنا يسهل دربك ويبعد عنك العراقيل وتثبيط الهمم وتماسيح الكيزان
إقتراح جميل أن تستعيني بشركة كندية متخصصة في مثل هذه المشاريع الكبيرة
يا ملهم يا أخي قول ليه الأعمال بالنيات ولكل إمرئ ما نوي
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: عمر صديق)
|
معليش عايز أضيف حاجة تانية وهو إقتراح أن تستعين الدكتورة وضاحة بواحدة من الجمعيات الخيرية القطرية مثل الهلال الأحمر القطري أو جمعية قطر الخيرية أو الشيخ عيد الخيرية أو راف فهذه الجمعيات تعرف كيف تنجز المشاربع الكبيرة في إفريقيا عامة والسودان خاصة بدون الحرامية وسارقي قوت الشعب ما يلهفوا نصف التكاليف
وسدد الله خطاك يا دكتورة
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Ahmed Tuhami)
|
يا سلااام يا احباب والله ماعارفة ارد اقول شنو والله ما قادرة أُوصِّف مدي السعادة إلانا فيها دي انشاء الله ربنا يقدرني وأكون قدر المسؤليه دي وأشرفكم واعمل شي يسعدكم ويسعد اهلي وبي وقفتكم معاي وتشجيعكم واقتراحاتكم ان شاء الله المشروع ينجح وفي كم اخ هنا اقترح علي في مداخلاتن آراء جميلة وأحاول أستفيد من عمل ناس سبقوني في هذا المجال وان شاء الله حا احتاج لي خبراتكم في مختلف المجلات و الخطوات من دراسة جدوي وخرط ...... المشروع دا حقنا كلنا ويا ريت نقدر نحققوا وربنا يبعد مننا اصحاب النفوس المريضة وطمع الكيزان
تحياتي لكم جميعا مع تمنياتي لكم بدوام الصحة والعافية
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: عبد المنعم سيد احمد)
|
حافغظ الإمام والله العظيم انا مازعلان قدر ما انا متحمس للمستشفى وعارف مقدرة وضاحه وكمان لاني فقدت ناسى واهلى بي سبب السرطان ياود الأمام انا لمن شفت معاناة اختى طلبت من الله يشيل منها السرطان ويحولو لي .. وعلى فكره لو الطوب والاسمنت ماجاء حرم انا ده اعمل نفير عشانهم جنيه جمب جنيه طوبه جمب طوبه الف الكماين كمينه كمينه .... المسأله مسألة مبدأ ودعم نفسى وتنفيذى بلاأى تردد ... ... وبرضو عليك الله خلى الحوار بينى بينك ده يستمر ماعندى مانع ..
بس برضو ملاسى أقدر على الرد بما يتناسب ...تانى وتالت
احترامي
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: عمر صديق)
|
من المؤكد أنها خطوة تدفعنا لإشادة بالدكتوره وضاحه وسعيها لكل ما هو خير لأهل السودان، فإلى الأمام وكل محبي البلد من خلفك، وياحبذا لو راجعتي مشاكل المستشفى الإيطالي مع السلطات ومحاولة الإستفادة منها، فهو أيضا عمل خيري ولكن توضع كل يوم في مواجهته العراقيل.
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Elawad Ahmed)
|
شكراً عمر وبالتأكيد وجودكم بورداب الداخل مهم في تذليل كل العقبات إن وجدت
الأخت وضاحة ربنا يديك قدر الفي مرادك ويثيبك كل خير وأعجبني ردك البعدتي بيهو من جرجرة الموضوع لي حتات دا ما مكانها ولا زمانها
وعشان نقدر نساهم معاك لو حبيتي وصلتي وين أو على الأقل في دراسات جدوى وحاجات زي دي؟
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: tabaldy)
|
بعد الترحيب الحار بخطوة الأبنة الدكتورة ياسمين(تنطق الجيم ياء في قطر) سائلا الله التوفيق لها وللوطن الغالي في كل خطوة مثل هذه. اقول للمتشككين هل قامت وضاحة باعمال انسانية موثقة لاتشبة مخزون الذهب السوداني او كبرى جدة بورسودان؟ يمكن برضو لم تسمعو بها. اخاف ان ياتي متشكك آخر يبحث في اخطاء وضاحة اللغوية العروبية كمان! نحن معاك يا بنتنا وبس قولي عوك وتحياتي لك واسرتك الكريمة وأسال الله ان يديك الفي مرادك ياااارب آآآآآمين.
| |
|
|
|
|
|
|
Re: بوردابية تخطط لتشييد اكبر مستشفي لعلاج س (Re: Elawad Ahmed)
|
السجمانه هاك .....
هاكي يالسجمانه هاك .... نمه من روعة غناك .... ورده للمرحوم صلاح ... تصحى في الخاطر هناك ... زكريات مره وأليمه .... سطرتها حروف أساك ... لمه زول حابينو يرحل .... في فدى الوطن الرعاك ... كم سيوف بالعزه تنهل .... تملا بالأزهار رباك ... يا وطن شلناهو قيمه .... تبهر النجمات سماك .... تبقى ترنيمة مناضل ... سامقه عاليات السماك ... داير أفرح ماني قادر .... عزت الضحكات بلاك .... شفتا كيف الكل حزانى .... سالت الدمعات وراك كنت يا سنهوري زولاً ... تضوي في هيئة ملاك.... كنت بسماتنا اللي غابت ... في دموع الدم معاك .... بس أكيد الشعب صامد ... فيهو لهب الثوره واقد.... نار بتبرد في حشاك ... بكره تنزاح من طريقنا ثلة الخونه وعساك ... في الجنان ترفل وتنعم في النعيم لامن هناك .... إنت والشهدا الكرام .... تصدح الأطيار حداك ... يا وطن شلناك آهه ... تغزل الأحزان دماك وفي سبيل باكر نهضنا ... ترخص الأرواح فداك .....
إدريس محمد إبراهيم
| |
|
|
|
|
|
|
|