|
|
|
 Re: حاجات لآيوووووقة ... (Re: معاوية المدير)
|
زمان، زمن كنا بنشرّك للسمك في سنارة مسمينها شبكة لِبكة
دي وكِت تمسك في السمكة ياااااالله حتي تقدر تخارجا منها،
والعجب كان دقست ولِصقت في اصبعك يحلك الجليل الرحيم ...
| |
 
|
|
|
|
|
|
|
 Re: حاجات لآيوووووقة ... (Re: معاوية المدير)
|
| Quote: ويكة بس ما معاها كوارع |
تعرف يا جلال عندنا جماعة بتاعين سِنّة، أها وآحد علي حسب الطشمة
قالهم، اوعكم تنوموا قبل تغسلو خشمكم، فلآن دآك نسى يغسّل خشمو
الصباح داير يكورك لبنتو خشمو ابا يفتح . الجماعة قالولوا، ياخ ما تبالغ
الكلآم دا ما حصل . قالهم، والله حصل، حتي ما فتح إلا بعد كبو ليهو
سِنر ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
الكديسة من الحاجات اللآيوقة،
لآمن تكون بتاكل في لحم تجي تتلآيق ؤُ تقعد تتمسح فيك،
ؤُ تكتّر الحوامة تحت كرعيك، يا جدعتلآ شي يا إستمرت في
لياقتا لآمن تعدم الصحن نفاخ النار ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: تعرف يا جلال عندنا جماعة بتاعين سِنّة، أها وآحد علي حسب الطشمة
قالهم، اوعكم تنوموا قبل تغسلو خشمكم، فلآن دآك نسى يغسّل خشمو
الصباح داير يكورك لبنتو خشمو ابا يفتح . الجماعة قالولوا، ياخ ما تبالغ
الكلآم دا ما حصل . قالهم، والله حصل، حتي ما فتح إلا بعد كبو ليهو
سِنر ... |
هههههها
بى مناسبة اللياقة دى يا ود المدير قالوا الحمار و الغراب راكبين طيارة
شافو لك الناس تضرب فى جرس تقوم تجيهم المضيفة
اها قاموا اتلحو الجرس المضيفة تجيهم تسالن دايرين حاجة
يقولوليها لآ ضربنا ساكت
مشت شكت للكابتن قاليها افتحى الباب و ارميهم
قام الغراب قال للحمار بتعرف تطير
الحمار قاليهو لآ
فاليهو طيب بتتلايق مالك!
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: غايتو كان وقعت في شوك الكِتِر،
الله يكون في عونك ... |
ياخى دى جنس عكلتة لاحول و لا قوة الا بالله
الراجل ماشى فى الغابة لمّ فهو مرفعين زكاهو قام طلع فوق شدرة
المرفعين اتلايق عليهو و انتظرو تحت الشدرة بالساعات
صاحبك جاتو دقسة و راح واقع ليك فوق ضهر المرفعين
و قبض ليك اضنين المرفعين و اتعكلت فيهن
ما ادى المرفعين فرصة يهز رقبتو
اها وهو هى الحالة دى جا واحد مسكين ماشى ناداهو قاليهو تعال
امسك لي الاضنين ديل
مسك ليهو الاضنين صاحبك تلب و قام جارى
المسكنين ناداهو يا زول تعال امسك اضنينك ديا
قال ليهو كان حقاتى فكّهن
| |
|
|
|
|
|
|
|
|
 Re: حاجات لآيوووووقة ... (Re: جلالدونا)
|
Quote:
تغرف ملاح السبروق ده لو كان لونو رمادى زى اللامات ديل
كان بقى حكاية |
ههههههههههههههههههههه،
يا اخي في رماديين كدا لو لموا فيك،
وحات الله اخير منهم اللآمة . بكنكشو، تصدق ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: ههههههههههههههههههههه،
يا اخي في رماديين كدا لو لموا فيك،
وحات الله اخير منهم اللآمة . بكنكشو، تصدق ... |
وحات نضرى ما فلت الا الحق
شكلك كده يا مدير بتعرف عبد الحق و بتعرف اهلو كمان
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
ولا يفرغ الانسان من وصف الكسرة حتى يقفز الى ذهنه الإدام (الملاح) وإدام الكسرة الاول هو اللايوق ويكة ناشفة او المفروك بأنواعه . واللايوق عربي قديم وهو فاعول من ليق وأصله تليين الطعام . وفى حديث عبادة بن الصامت (لا آكل الا ما لُوِّق لي) يعني ما لُيِّن لي . واللين والالتصاق هما صفة الويكة واللايوق حتى اننا حين نصف الإنسان (اللزقة) نقول له (يا ويكة او: يا لايوق) وقطعا فان ملاح أم رقيقة هو سيد إدامات الكسرة وأطيب انواع أم رقيقة ما دخلت فيه لحمة الضان السمينة . ذكروا ان السيد عبدالرحمن المهدى – رحمه الله – قدم ملاح ام رقيقة للوزير المصري علي ماهر باشا لما زار السودان عام المعاهدة (1936) واعجبه الملاح ولكن لم تعجبه بداوة اشتراك الناس فى الاكل من اناء واحد ، فقال : (بس لو كان كل واحد مَعْجَنتو لِوَحديها).
..................
مقتطف من مقالة عن الكسرة والملاح
الكاتب بروفيسور ابراهيم القرشى
| |
|
|
|
|
|
|
|
|
Re: حاجات لآيوووووقة ... (Re: معاوية المدير)
|
ذكر ابن خلدون في المقدمة فقال
:أكل العرب الإبل فأخذوا منها الغيرة والغلظة
وأكل الأتراك الخيول فأخذوا منها الشراسة والقوة.
وأكل الإفرنج الخنزير فأخذوا منه الدياثة ،
وأكل الأحباش القرود فأخذوا منها حب الطرب
قيل ثم ماذا ايها الحكيم ؟ قال :
اكل السودانيون الويكة فصاروا لواييق لياقة شديدة
| |
|
|
|
|
|
|
|
|
|
Re: حاجات لآيوووووقة ... (Re: يوسف أبو صالح)
|
| Quote: (بس لو كان كل واحد مَعْجَنتو لِوَحديها). |
الوآحد يمد الصحن ؤُ يقولك، عليك الله لآيق لي كسرتي هنا .
يا يوسف أخوي يا ريت لو كنا نقدر نلآيق لكل زول في معجنو
كان الإمور وضحت . مافي طريقة غير الناس تتلآيق في بعض
واللآيوّق يجلبط التاني ...
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
| Quote: طيّب المقوّم نفس ابن المدير شنو |
الحسكنيت
أوعى بالك كمان في صنف أبرك منو أبو اللصيق فوق هدم الدمورية
سلام يا جلال و زيو لود المدير أب نفساً قايم
| |
|
|
|
|
|
|
|
|
|
Re: حاجات لآيوووووقة ... (Re: اْسامة اْباّرو)
|
سلامات يا ود المدير ويا جلي
والله يا خوانا ما من عوايدي البس طواقي ساكت, لكن ما عارف ليه النصيحة لله اتحسست من البوست
دحين كان قاصديني قولوا ما فيها شي, المحبة و التقدير نحوكم يخلق مساحات كبيرة من حسن الظن و التفاهم
وإن لم يكن فا جلّو المداخلة دي واعتبروها للسلام و المطايبة فقط
| |
|
|
|
|
|
|
|
|
|
Re: حاجات لآيوووووقة ... (Re: اباذر عبد العال)
|
Quote:
سلامات يا ود المدير ويا جلي
والله يا خوانا ما من عوايدي البس طواقي ساكت, لكن ما عارف ليه النصيحة لله اتحسست من البوست
دحين كان قاصديني قولوا ما فيها شي, المحبة و التقدير نحوكم يخلق مساحات كبيرة من حسن الظن و التفاهم
وإن لم يكن فا جلّو المداخلة دي واعتبروها للسلام و المطايبة فقط |
ههههههههههههههههههههههههههههههههههه،
مبالغة لكن، والله صحي .
تعرف يا ود البشرى، قاليك في وآحد سامع بقوة عنتر، قام قال لآزم يتأكد منها .
أها، مشى قابل عنتر ؤُ قال ليهو يا عنتر أنا سمعت بقوتك ؤُ داير إتأكد منها، دحين
دخّل اصبعك في خشمي، وانا بدخّل اصبعي في خشمك والنعضي بعض البيفك
رفيقو اللول التاني يكون اقوى مِنّو . أها، دخلو اصابعينُن ؤُ عضو بعض، عنتر
وكت عصر علي الراجل الراجل طوالي فكاهو . قام الراجل قال لعنتر، والله انا
امنت بقوتك يا عنتر . عنتر قالو، يا زول قوّة شنو ؟، علي اليمين كان صبرت
شوية انا كان فكيتك .
دحين يا ود البشرى اخوي كان صبرت شوية كنا جبناك بالمزيقا لأنّك اللول
في اللستة . والله صحي .
تعجبني لأنك لماح، ؤُ يا اخي والله بريدك في رب العالمين دا، لكنك لن ولم
تنجو منا اليوم ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
غايتو ما ضنيت البوست عن الويكاب وام رقيقة
علا بعمل رايح
اها قالوا اللسد خش ليهو في طين .. وقت بقا في النص رفع كراعو لصقت قبلها .. رفع التانية ابت جر ضنبو لصق قبلو
كورك لي ابوالحصين
ابوالحصين انا ما ورطت
ابوالحصين قال ليهو
هو انت شفت ورطة .. لسة .. خلي الشمش تمرق ويجوك الناس الاكلت بقرهم
ف دحين آ كلامك دة تحتو كلام ونحن فراجة
تحياتي يا صاحب ليك وللاصحاب معاك
| |
|
|
|
|
|
|
|
|
|
Re: حاجات لآيوووووقة ... (Re: عبدالحفيظ ابوسن)
|
يا هلا بيك ود البشرى
Quote: سلامات يا ود المدير ويا جلي
والله يا خوانا ما من عوايدي البس طواقي ساكت, لكن ما عارف ليه النصيحة لله اتحسست من البوست
دحين كان قاصديني قولوا ما فيها شي, المحبة و التقدير نحوكم يخلق مساحات كبيرة من حسن الظن و التفاهم
وإن لم يكن فا جلّو المداخلة دي واعتبروها للسلام و المطايبة فقط |
هههههههها
شنو كان قاصدينى دى
يا حبيب ود المدير ده شال اصبعو و ختاهو فوق نخرتك عديل كده
وعشان نمشى للبعدك عندك حل واحد بس
تعترف و تقر و تختار من اللستة دى درجة لياقتك
ام رقيقة
بامية مفروكة
سبروق
كوارع
بامية طبيخ
ملاح الورق
عسل نحل
اما اللامات الفى الفيديوهات الوفق ديلاك حقات ناس تانين
شفت نحنا بنعزك كيف .. خياراتك ظلعت كوللللها من الطيبات
__________
ود المدير يعرف عبد الحق و يعرف اولادو كمان
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: تعرف يا ود البشرى، قاليك في وآحد سامع بقوة عنتر، قام قال لآزم يتأكد منها .
أها، مشى قابل عنتر ؤُ قال ليهو يا عنتر أنا سمعت بقوتك ؤُ داير إتأكد منها، دحين
دخّل اصبعك في خشمي، وانا بدخّل اصبعي في خشمك والنعضي بعض البيفك
رفيقو اللول التاني يكون اقوى مِنّو . أها، دخلو اصابعينُن ؤُ عضو بعض، عنتر
وكت عصر علي الراجل الراجل طوالي فكاهو . قام الراجل قال لعنتر، والله انا
امنت بقوتك يا عنتر . عنتر قالو، يا زول قوّة شنو ؟، علي اليمين كان صبرت
شوية انا كان فكيتك .
دحين يا ود البشرى اخوي كان صبرت شوية كنا جبناك بالمزيقا لأنّك اللول
في اللستة . والله صحي . |
لكن لقيتك عضّاضن :)
يا ودالمدير ويا جلي, زي ما قلت ليكم مساحات المودّة و التقدير كبير و وافرة و الحمد لله ما كانت بتحيجكم لأسلوب ايّاك أعني دا
الواقع ان هذا الاسلوب يناسب الزول الانت خايفه يقبقبك وكدا تقوم تقول ليه انا سألتك ولاّ جبت اسمك وما إلى ذلك من الزوّاغات
لكن يا اخوان انا لاقي سؤالكم لي وين عشان اقبقبكم, بل العكس, نقد الأخوان و تبصيرهم لك بعيوبك الما شايفها دا انا بسعى ليه بإيدي ورجلي و افتّش ليه تفتيش
من باب بارك الله في من أهدى إلي عيوبي التي غابت عنّي , فا الإشارات و المواربة دي الخلّتني أتحسس أكتر, حيث اني لو عايز الخ واحد فيكم بجيه بالباب و بسلمها ليه في إيده و العمار البينا بديني الحق في كدا
عموما ما فات شي, ارمي بياضكم ووروني شنو الماخدنه علي وشايفنه لياقة
| |
|
|
|
|
|
|
|
|
|
Re: حاجات لآيوووووقة ... (Re: محمد البشرى الخضر)
|
Quote: يا ودالمدير ويا جلي, زي ما قلت ليكم مساحات المودّة و التقدير كبير و وافرة و الحمد لله ما كانت بتحيجكم لأسلوب ايّاك أعني دا
الواقع ان هذا الاسلوب يناسب الزول الانت خايفه يقبقبك وكدا تقوم تقول ليه انا سألتك ولاّ جبت اسمك وما إلى ذلك من الزوّاغات |
و ليك متلا من الاحترام و التقدير يا حبيب
عنوان البوست لايوووق عشان كده طبيعة البوست لازم تكون لايووووقة برضو
عشان يجيب تمنو ,, و الا يكون مافى داعى ليهو
و بعدين القصة اختلاف وجهات نظر برضو
احتمال الشى الشايفو ود المدير لايوووق انتا شايفو ما لايووووق
شفت اللياقة دى !!
بعدين تعال هنا .. انتا ذاتك ما تغز عودك معانا فى البوست ده و تورينا اللامات دى ماشة على منو
________________
ود المدير يعرف عبد الحق و يعرف اولادو كمان
| |
|
|
|
|
|
|
|
|
|
Re: حاجات لآيوووووقة ... (Re: محمد البشرى الخضر)
|
ود البشرى مالك يا فوفو اسمع جلالدونا قاصدك لكن ود المدير اتخيل لي وربنا يجعل كلامنا خفيف علي عليه قاصد هناي وانا خايف اقول اسمو يندرع فيني اصلو لياقتو زي مخاتة ناس ود المدير لمن كانو شفع في حلالهم المخاتة تنزل لمن تدق في الواطة يديها شفطة يجرها زي اليويو يرجعها نخرتوا
| |
|
|
|
|
|
|
|
|
|
Re: حاجات لآيوووووقة ... (Re: muntasir)
|
Quote: دحين كان قاصديني قولوا ما فيها شي, المحبة و التقدير نحوكم يخلق مساحات كبيرة من حسن الظن و التفاهم
وإن لم يكن فا جلّو المداخلة دي واعتبروها للسلام و المطايبة فقط |
اها هسع ياود عمى شوفلك جنس لياقة ,, اخير منها ويكة تطوان.
سلام يامدير ,,
| |
|
|
|
|
|
|
|
|
|
Re: حاجات لآيوووووقة ... (Re: عبدالعزيز الفاضلابى)
|
Quote: الحسكنيت
أوعى بالك كمان في صنف أبرك منو أبو اللصيق فوق هدم الدمورية
سلام يا جلال و زيو لود المدير أب نفساً قايم |
ود ابارو،
السلآم يغشاك .
وحات نضري صدقت، عارف النوع القلتو دا يقول للحسكنيت،
إنت وكت ما بتعرف تتلص بتتلآيقك مالك ؟...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: ود البشرى مالك يا فوفو اسمع جلالدونا قاصدك لكن ود المدير اتخيل لي وربنا يجعل كلامنا
خفيف علي عليه قاصد هناي وانا خايف اقول اسمو يندرع فيني اصلو لياقتو زي مخاتة ناس ود المدير
لمن كانو شفع في حلالهم المخاتة تنزل لمن تدق في الواطة يديها شفطة يجرها زي اليويو يرجعها نخرتوا |
هههههههههههههههههههههههههههه،
خلآس دفروك ؤُ جيت طاير ؟.
اليومين ديل اللياقة معاها مدافرة، بعدين نحن الزول دا خاتلو اللآمة، ما اللآمة اللولآ أُم عُرُف
اللآمة التانية المظعمطة القاعد تدافر دي . نصحوهو قالولو، أُخُد إجازة رفض !، ما عارف ليه ؟!.
يا اخي دا المفروض كان يشوف وآحد من دكاترة المنبر يديهو اورنيق إسبوعين ؤُ هو من عندو
ياخد عليهن إسبوعين، ؤُ بعد دا كلو ياخد فوقين يومين سلفقة ساكت كدا، لكن اللياقة نسوي معاها
شنو عاد !؟. تقول ليهو، يا اخي بالرآحة ما تطنبج المنبر بالبوستات، ينط ليك ود البشرى يقولك،
ما قلتو ديمقراطية، مع إنو دا abuse للسيدة الديمقراطية، بعد دآك تتمحّن ؤُ تمسك خشمك عليك
وإلآ العكلتة ثمّ العكلتة . بعدين يا منتصر قالوا، المكثار كحاطب الليل، أها، ترا طقتو عقرب
خلتو ينكرش الليل والنهار .
يا جلالدونا عليك الله شوفلنا ود المشرف لو بيكتب
ارانيق، نستفيد مِنو بدل يعديها لينا كولها لياقة ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote:
غايتو ما ضنيت البوست عن الويكاب وام رقيقة
علا بعمل رايح |
ما بتقدر،
هسّع بيحلآلك الكلآم ؤُ تجي ناطي .
بعدينك الموضوع هنا لياقة ؤُ بس، إن شاء الله تقول،
دخلت نملة وحملت حبة وخرجت لي باكر ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
معاوية يا غبى
الزول ده خاتين ليهو مسرحية انتهى الدرس يا غبى
تغالط فى الحتة دى بطلعك غواصة
ما ح اقول ليك مشاطة لآنها مخسسة لى زول تانى
Quote: هههههههههههههههههههههههههههه،
خلآس دفروك ؤُ جيت طاير ؟. |
و بينى و بينك ود المشرف ذاتو اتلايق فى الحتة اللايوقة ديك
اظنو قايم فيها جديد .. اورنيك شنو البكتبو ليك
قال عاز يوقع ليهو الكلام قال
Quote: يا جلالدونا عليك الله شوفلنا ود المشرف لو بيكتب
ارانيق، نستفيد مِنو بدل يعديها لينا كولها لياقة ... |
طلّق يا ود المدير تخش الحتة ديك تطلع زى الكانو رامنك فى برميل بتاع شحم تروس
اّمنت بالله ياخ
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: اها هسه سيدنا ابن خلدون اللت جلالدونا دي ما لياقة فايتة الحد
اي زول اسمو ابن فلان و ابن علان طوالي تسووه سيدنا... |
سيدنا بس ... و مريخابى كمان
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: حيث اني لو عايز الخ واحد فيكم بجيه بالباب و بسلمها
ليه في إيده و العمار البينا بديني الحق في كدا |
ها ها ها ها .
عندنا جماعة اهلاً لينا واحد صاحب لوري والتاني السواق بتاعو، ماشين
الباوقة وكِت جو عند البنطون إشكلو، قام السواق جدع المفتاح لسيد اللوري
ؤُ قالو، ما داير شُغُل معاك . أها، وكت البنطون جا صاحب اللوري مشى
مدّ للسواق المفتاح ؤُ قالو، هاك قوم نزّل اللوري دا في البنطون ؤُ شكلتنا
في محلها .
يعني دا زيّك سيّم سيّم ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote:
إنتو كُنتُ في الفيس بوك، واللآ في تُكل خالتي
عاشآ بت أحمد ؟... |
ههههه عرفتها يعني ....!!
الفيس بوك لانو فيهو ناس حناكيش وصغار سن ...لا يعرفون بعض الاكلات المحليه...ولا يعرفون انو في سمكه اسمها كأس
بالمناسبة من عندنا من ام دالات لكن ساكنيين البندر الكبير الحاليا
| |
|
|
|
|
|
|
|
|
|
Re: حاجات لآيوووووقة ... (Re: مصطفى البشارى)
|
Quote: و بينى و بينك ود المشرف ذاتو اتلايق فى الحتة اللايوقة ديك
اظنو قايم فيها جديد .. اورنيك شنو البكتبو ليك
قال عاز يوقع ليهو الكلام قال
طلّق يا ود المدير تخش الحتة ديك تطلع زى الكانو رامنك فى برميل بتاع شحم تروس
اّمنت بالله ياخ |
اخشها !، عشان بخشها، يخشوني في سِعِن كان اخش بهناك .
يا اخي دا جابليهو مدآخلة من الفين ؤُ طلطاشر تصدق !، عليك الله شفتلك
لياقة قدُر دي !.
هو بالله قايم فيها جديد، ياخي لكين مجضما جِنِس جضيم، مبالغة !،
غايتو انا متهمو يكون ضفدع بشري، ؤُ عليكم الله مافي زول يقول
لي دليل ؤُ ضنب فيل، حاجة جاتني ؤُ قلتها ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
سلام للأحبة ود المديرو جلال و ود ابوسن و البشاري و محمد البشرى و كل ضيوف البوست الكرام
أنا جيت اسلم و طالع من البوست اتمنى ما تحسبوها لياقة.
و يا ود المدير طولنا منك اعفي لينا.
و لكم جميعا وافر الشوق و الاحترام
| |
|
|
|
|
|
|
|
|
|
Re: حاجات لآيوووووقة ... (Re: مرتضى احمد عبد القادر)
|
Quote: الحسكنيت
أوعى بالك كمان في صنف أبرك منو أبو اللصيق فوق هدم الدمورية
سلام يا جلال و زيو لود المدير أب نفساً قايم |
ههههههها
يا اسامه ابو اللصيق ده بركتو فايتا الحد
ياخى ده ابرك من الضريسه برضو
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: ود البشرى مالك يا فوفو اسمع جلالدونا قاصدك لكن ود المدير اتخيل لي وربنا يجعل كلامنا خفيف علي عليه قاصد هناي
وانا خايف اقول اسمو يندرع فيني اصلو لياقتو زي مخاتة ناس ود المدير لمن كانو شفع في حلالهم المخاتة تنزل لمن تدق في الواطة يديها شفطة يجرها زي اليويو يرجعها نخرتوا
طيب وكت خايف بتتلايق مالك .. هسه الواحد يناديلك المعجب بيهو او كما قال
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
امانة فى ضمتك دى يا مرتضى
حصل لاقتك لامة رمادية
وللا ملاح سبروق رمادى
وللا حصل شفت ود المدير ده قاعد يحلق فى شعر راسو
يا ود المدير خت اخونا مرتضى فى اللستة
لياقتو خطيرة جد ... من العينة البشفطوها بالنخرة
حقت منتصر ديك
و برضو ما تنسى سيدنا سيف النصر بن مجى الدين
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote:
يا شباب
Quote: عموما ما فات شي, ارمي بياضكم ووروني شنو الماخدنه علي وشايفنه لياقة
أو قولوا كوع :)
ـــــــــــــــــــــــــــــــــــــ
أعرف الحق تعرف أهله |
عووووووك
اصحا يا مدير ود البشرى بدا .. عاد ال يحلك شنو ؟
غايتو الا تشوف ليك دستوكيا
_________
ود المدير يعرف عبد الحق .. لكن انا ما بعرفو 
| |
|
|
|
|
|
|
|
|
 Re: حاجات لآيوووووقة ... (Re: محمد البشرى الخضر)
|
ود المدير سلام يغشاك وجميع المتداخلين ..
مريت اسلم والله ، خليتوني اضحك واتكشم في المكتب ساي ..
لكن والله يقع في ايدكم العدو ، هسع دي نجاضة شنو ..
ملاح الخضرة المفروكة دا ما تجو جنبو ..
مش قالو تعلق جلابيتك ، تجي تلقاها مجلبطة ..
واحدة ما لايوق ..
________________________
إذا كنت ذا علم وماراك جاهل ** فأعرض ففي ترك الجواب جواب
| |
|
|
|
|
|
|
|
|
|
Re: حاجات لآيوووووقة ... (Re: هشام كمال عبادي)
|
Quote: إنا لله وإنا إليه راجعون .
ود البوش دا مالو كمان ؟،
يا جماعة دي ليآقة شنو الوقعنا فيها دي ؟!؟!... |
ود المدير أختاني الليام دي عندي وجع نوايط محرق روحي
لكن برضو بكون احسن منك واسلم عليك واطايبك وحت كمان ما بمرق ايدي فايضة
هيثم ود العبد ود اختي زماااااااااااااان كان صغير اسع بتو ذاتا دايرة تعرس
زمن الزمن الزين والبقر برعى سوا سوا مع الضان وحمارة امحمدية ما بتغرق مع البقر
داير اعلم هيثم ود اختي الحساب قت ليهو لو انا اديتك بلحتين وخالك احمد دا اداك بلحتين بقن كم ؟
الشافع طلع وبعد شوية جاب امو معاهو وقالت وينن بلحات هيثم ولدي ؟
بلحات شنو يا مرة قالت هيثم قاليها خالي عبدالله وخالي احمد شالو بلحاتي الاربعة وابوا ادوني ليهن
حمالتك علي ما كان عندنا حل ننحل من اللياقة دي الا اشترينا ليهو البلح
احمد اخوي قال لي اتا غبي ما كان تعلموا بالحجار الراقدة دي اها خم وصر ههههههه
ومن وقتها وحات الان صارت مقولة بقت عليك حكاية هيثم ود العبد
هذا مع التحية لك ولضيوفك
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote:
تحلّوا - وتحلّك - الموضوعية
أو قولة كوع :) وتواصلوا التهريج بي راحتكم |
يا ود البشرى يا اخوي شغلنا هنا شغل كوفات ساهى
اها الموضوعية و المشاط الدقاق اب مساير ماب تلقاهن هنا
و كان لا قولة كوع اها كووووع و معاها نبل و تى و لو داير جلبة و صليبة برضو موجودين
بس ما وريتنا المقاس كم .. عىدنا من نص بوصة لى اتنين بوصة
اها برضو عندنا المسلوب وسنة ضكر و سنة انتاية
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
اطلاق سراح المتهمين في قضية حاوية المخدرات ... ( صور ) 8 543 صلاح جادات 08-11-15, 11:03 PM
بواسطة صلاح جادات
قرار وزاري كارثي ... ( صورة من القرار ) 7 1133 صلاح جادات >>> 08-11-15, 11:03 PM
بواسطة صلاح جادات
حملة للدفاع عن الطالب بقاري بدأت بمخاطبة نارية ( صور ) 22 1159 صلاح جادات 08-11-15, 11:03 PM
بواسطة صلاح جادات
شوفو ضخامة مقر حزب المؤتمر الوطني الجديد ( صورة ) 15 1667 صلاح جادات 08-11-15, 11:03 PM
بواسطة صلاح جادات
انحطاط مخيف : لن تصدق ان هذا في جامعة الخرطوم حتي تري بعينك ( فيديو ) 38 7075 صلاح جادات 08-11-15, 11:03 PM
بواسطة صلاح جادات
جهاز الامن يخطف اثنين من المعارضين ومخاطبات حاشدة ... ( صور + فيديو ) 28 1905 صلاح جادات 08-11-15, 11:03 PM
بواسطة صلاح جادات
بدأت الامطار والسيول وبدأت الكوارث ... ( صور + فيديو ) 21 2859 صلاح جادات 08-11-15, 11:03 PM
بواسطة صلاح جادات
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote:
جلالدونا يا القاعدة فوق البنبر، |
تشيل و تغرف ساكت .. هسه امانة فى ضمتك دى ده شغل كوفات ده
| Quote: 11:03 دي بيعملوها كيف ؟.. |
تصدق انا ذاتى ما عارف
بس قربت اصل للحل ... ادينى 3سنه كده بكون عرفت الحاصل
بس انا المحرنى انو ابو صلاح ده قدر ما اتلايقو عليهو ما طلعوا منو بى ايتها حاجة
زئبق بس .. غايتو وراهم عيىة لياقة الله لا وراك ليها
يلمهم كوللللهم و يدخل بيهم بى حمد و يلف بيهم كم لفة كده و يطلع بيهم بى حمد
و المساكين قايلين نفسن طلعو بى خوجلى
و بعدين مافى فرق بين جنس حشن و جنس ناعم ... اللعب واحد و من العينة اياها
غايتو كان طلعونى مشاطة يانى الحاسبا عليك
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
| Quote: شغلنا هنا شغل كوفات ساهى |
عارف .. عارف ما عايزالها تاكيد
شوف زي قرايتك دي هسّي:| Quote: قدر ما اتلايقو عليهو ما طلعوا منو بى ايتها حاجة |
بالعكس لو قريتها صاح ح تلقانا - نلقاني أنا تحديدا - طلعت بكل حاجة عايزها, أسألني كيف:
- انا عارف ما ح اطلع منه بشيئ لا اثبات لإتهاماته أو التراجع عنها, لكن الفكرة مزيد من التعرية و التوضيح للمخمومين فوقه و جاعلين منه ايقونة نضال ومصدر أخبار لحقيقته و طريقة تفكيره و مدى هشاشة مصداقيته.
- ثانيا, كثيرين داخلين في النار عديل كدا لطبيعة المُتَهمين الأخيرة, لا قادرين يمررو اتهام جادات كالعادة لو كان المعني بالإتهام من المغضوب عليهم ولا قادرين كمان يآزروه و يثبتو الإتهام بالخيانة على المذكورين, فمنهم من طنّش و منهم من هرجل زيكم كدي :) وآخرين بين بين, الشاهد في ظهور المعايير المختلة و المكييل المتعددة و اللامبدئية الضاربة جذورها عميقا هنا.
- ثالثا دي بونص لي رقبتي دي ههههههه خليها اسي
ها .. أي سؤال يا مستجد منك له :)
| |
|
|
|
|
|
|
|
|
|
Re: حاجات لآيوووووقة ... (Re: محمد البشرى الخضر)
|
Quote: - انا عارف ما ح اطلع منه بشيئ لا اثبات لإتهاماته أو التراجع عنها, لكن الفكرة
مزيد من التعرية و التوضيح للمخمومين فوقه و جاعلين منه ايقونة نضال ومصدر أخبار
لحقيقته و طريقة تفكيره و مدى هشاشة مصداقيته. |
ها ها ها ها،
لا أحسن تطلع مِنو بشي، يخربو ما عندو التدعك، لكن باقيلكم زي اللستكة
المربوطة في مسمار تجرها توصلآ لحدي سدرك ؤُ تفكها ترجع تاني
للمسمار . المعترك معترك بتاع لياقة، لكن فوق ود المشرف ما خايلة، كل
مرّة شابكو ليك السلآم عليكم، عامل فيها حا يجيب حاجة . مااااااافي حاجة
مااااااااااااااافي .
اوعكم تلخبتو الهاهات حقاتي اربعة ما تلاتة ...
| |
|
|
|
|
|
|
|
|
|
Re: حاجات لآيوووووقة ... (Re: محمد البشرى الخضر)
|
المسنوح ود البوش الله لا تاجرك ههههه
بتي الصغيرة تقوم انصاص الليالي دايرة لبان تبكي وتتمخت وتساهر بينا سهرة عقرب
اها تاني يوم اشتريت لي صندوق لبان قلت بت الحنوت دى بجيب اخرها
قالت دايرة موز !
اي والله جد . يا بت في لبان
لا دايرة موووووز
عمرها سنتين
المهم
انتو بتكوفتو ساي بي قملا .. انقضو ليها اول وشوفو ليكم مخرزا سنين
| |
|
|
|
|
|
|
|
|
|
Re: حاجات لآيوووووقة ... (Re: عبدالحفيظ ابوسن)
|
Quote: بتي الصغيرة تقوم انصاص الليالي دايرة لبان تبكي وتتمخت وتساهر بينا سهرة عقرب
اها تاني يوم اشتريت لي صندوق لبان قلت بت الحنوت دى بجيب اخرها
قالت دايرة موز !
اي والله جد . يا بت في لبان
لا دايرة موووووز
عمرها سنتين |
هههههههههههههههههه،
يا بكري اوووووعك تديها باسويرد، يعرضلك كان اديتا
نحن ما ناقصين ...
| |
|
|
|
|
|
|
|
|
|
Re: حاجات لآيوووووقة ... (Re: عبدالحفيظ ابوسن)
|
Quote: بتي الصغيرة تقوم انصاص الليالي دايرة لبان تبكي وتتمخت وتساهر بينا سهرة عقرب
اها تاني يوم اشتريت لي صندوق لبان قلت بت الحنوت دى بجيب اخرها
قالت دايرة موز !
اي والله جد . يا بت في لبان
لا دايرة موووووز
عمرها سنتين |
عاين صاحبك ... بدا يتحاوم ..
التحية للامورة الصغينونة و ربنا يحفظ و يبارك
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
بالغت معاى يا معاوية يا ود المدير ..
Quote: لكن فوق ود المشرف ما خايلة، كل
مرّة شابكو ليك السلآم عليكم، عامل فيها حا يجيب حاجة . مااااااافي حاجة
مااااااااااااااافي .
|
أبدأ ليك بي ثانيا طوالي ..
لم أكتب حرفا واحدا الا وكنت عارف تماما ردود الفعل تجاهو ..
طيب السؤال المنطقي الممكن تسألو انت: طيب ليه بكتب ما دام عارف النتيجة
والاجابة بسيطة جدا: لا أكتب لصلاح ولكني اكتب للناس عن صلاح وامين وآمنة ونجالاء الخ ..
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
| Quote: يا ود المدير "ثانيا" دي ما اقتبستها ليه؟ فيها السمن صدقني |
ود البشرى يا حبيب
لا تنه عن خلق و تأت بمثلة .... و شنو كده ما عارف اذا فعلت عظيم
عملت لى شنو فى قولو كوع الاديناك معاها تيهات
بعد داك نشوف تانيا و معاها تالتا
ياخى تالتا دى لذيذة خلاس
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: ود البشرى يا حبيب
لا تنه عن خلق و تأت بمثلة .... و شنو كده ما عارف اذا فعلت عظيم |
هههههههه ذكرتني نكتة الزولة السمعت بكلمة (فجاة) أول مرة وعايزة تحشرها بأي طريقة في جملة مفيدة قالت لجارتها بالحيطة عليك االله اديني سكر وفجاة شوية ملح هههههههه
قلت ليك قول كووع وهرجل بي راحتك وانت ما قصّرت مواصل في الهرجلة وبتميز كمان, تاني شنو؟
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
سمح شوف ثالثًا ههههههههه
زمان جادات لامن يكون مالي يدو بمسك اي مداخلة بفنطها حرف حرف ويرد على النقاط كلها حتى لو بـ ها ها ها
اها لامن يكون ماسك ماسورة او لافح نص الموضوع او ملكلك بنقد الردود كما الدجاجة مع الحب, يختار الساهل ويفطفط البجيب الهوا :)
زيل عمايلك دي اسي كدي :)
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote:
أبدأ ليك بي ثانيا طوالي ..
لم أكتب حرفا واحدا الا وكنت عارف تماما ردود الفعل تجاهو ..
طيب السؤال المنطقي الممكن تسألو انت: طيب ليه بكتب ما دام عارف النتيجة
والاجابة بسيطة جدا: لا أكتب لصلاح ولكني اكتب للناس عن صلاح وامين وآمنة ونجالاء الخ .. |
طيّب ما تخليني اسعلك عشان تجاوبني،
غايتو جنس لياقة ...
| |
|
|
|
|
|
|
|
|
|
Re: حاجات لآيوووووقة ... (Re: محمد حيدر المشرف)
|
Quote: ود البشارى
اللياقة ام سكات دى بصراحة ما بتخارج معانا
و اخير ليك تجى تعوس عواستك عادى ما فوكا حاجة |
يا جلالدونا .. وحاتك يخربنى جنس عواستكم دى ما بعرفلها .. لكن النصيحة ليك يا الله بتمتعنى متعة جد
والله صحى 
Quote: يا ود البشاري، وحات الله الشوق ليك بحر،
وين يا زول غاتس المُدة دي كولها ؟... |
والله قاعد يا حبيب .. قاعد ومتابع بى ليآقة شديدة
لكن بوستيك ده جابنى "مدفور" للتعليق
تخريمة : ياخ وين الخبير وشلة العتالة ؟
| |
|
|
|
|
|
|
|
|
|
Re: حاجات لآيوووووقة ... (Re: مصطفى البشارى)
|
Quote:
تخريمة : ياخ وين الخبير وشلة العتالة ؟ |
ياخ إنت من زمن الخبير ؟،
يا زول اليومين ديل في وآحد حققو معاهو ناس جهاز الأمن الأريتري !.
اريتريا دي بلد تاكلنها بجبل ؤُ حكومة ما فيها ؤُ بعد دا عامل فيها سوبر مان
قال كان معتقل وين كدا ما عارف ؟، واليومين ديل قلب بقى ود الموية
الجماعة غلبُن يقبضوهو ؤُ غبو معاهو حيلة تب ...
| |
|
|
|
|
|
|
|
|
|
Re: حاجات لآيوووووقة ... (Re: مصطفى البشارى)
|
الوليد الشيخ
Quote: سلام للأحبة ود المديرو جلال و ود ابوسن و البشاري و محمد البشرى و كل ضيوف البوست الكرام
أنا جيت اسلم و طالع من البوست اتمنى ما تحسبوها لياقة.
و يا ود المدير طولنا منك اعفي لينا.
و لكم جميعا وافر الشوق و الاحترام |
كل المعذرة ياخ
و التحيات الطيبات تغشاك و تغطيك
شفت اللياقة اللايوووقة دى بتخليك تنسى المداخلات العقلانية زى حقتك دى
و تسلم يا حبيب
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: ياخ إنت من زمن الخبير ؟،
يا زول اليومين ديل في وآحد حققو معاهو ناس جهاز الأمن الأريتري !.
اريتريا دي بلد تاكلنها بجبل ؤُ حكومة ما فيها ؤُ بعد دا عامل فيها سوبر مان
قال كان معتقل وين كدا ما عارف ؟، واليومين ديل قلب بقى ود الموية
الجماعة غلبُن يقبضوهو ؤُ غبو معاهو حيلة تب ... |
ده خلو .. عارفو تب .. وقصصو جت متابعها .. من ارتيريا مرورا بكينيا وتوقيت غرينتش
ياخ مافى مقارنة بينو وبين الخبير .. نحن مافى شيتآ مصبرنا بلا تابلوهات الخبير ياخ .. عليك النبي شوفلنا خبرو وافزعنا بيهو
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: بتي الصغيرة تقوم انصاص الليالي دايرة لبان تبكي وتتمخت وتساهر بينا سهرة عقرب
اها تاني يوم اشتريت لي صندوق لبان قلت بت الحنوت دى بجيب اخرها
قالت دايرة موز !
اي والله جد . يا بت في لبان
لا دايرة موووووز
عمرها سنتين
المهم |
هههههههههههههههههه حلوه بت الحنوت ......هههههههه
الله يحفظها
دي لاحقة بتى مضرات شديده هههههه نوم النهااااااار وسهر بالليل
اها دي طبعا الليااااااااقه المن امها تتلايق فيك وانت تكون نعسان
| |
|
|
|
|
|
|
|
|
|
Re: حاجات لآيوووووقة ... (Re: محمد حيدر المشرف)
|
Quote: يا جلالدونا الساعة 2:30 صباحاً، عليك الله كان رفتوني شوف لي ود الموية
يكلم لي الصادق اسماعيل عشان يشوف لي تأشيرة لأرتريا ... |
غايتو الزول ده هبيش جنس هباشة
كدى اول حاجة ال نتحل من لياقة ود البشرى و ود المشرف
اها تالتن دى خليتا لى منو
و السؤال المثقفاتى اللايوووق ده برضو
كمان داير تاشيرة لى ارتريا عشان يعتقلوك
و تطلعنى مشاطة
وكذاب كمان
قال كضّب قال
هو ابو الجادات بكضّب
سواها فى الاخر نياضة
يا بكور و يا بكور
عاد نبقى فى جنس ده
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
Quote: اها هسه سيدنا ابن خلدون اللت جلالدونا دي ما لياقة فايتة الحد
اي زول اسمو ابن فلان و ابن علان طوالي تسووه سيدنا... |
يعني عاجبك البيحصل دا يا دكتور ؟، بدل ما تكتب للراجل خمستاشر يوم
ينجمّ ؤُ يستريح تخلي زي كورة البنقي ينط من دا لي دا !، ؤُ تمسك لي في
إبن بطوطة وإبن آوى !، غايتو زمالة منبركم دا!، يا لطيف ...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
_ اسمع .. بتعرف الزول الاسمو حاتم
_ حاتم منو ؟
_حاتم المهندس داك ياااخ
_ تصدق ما عرفتو !!
_يااااخ حاتم بتاع ابوللو ياااخ
_ اهااا مالو ان شالله خير
_ شكلو اتعلم اللياقة من بوستيهو داك و مشى يتلايق
_ يازووووول
_ظبطوهو ليك بى واحد غبى مصلح بى زيت السمسم
_عليك الله !!!
_ و معاها حكمة كمان
_ حكمة شنو مع الغباوة كمان
_ اها هاكا ليها
| Quote: - الفائدة من الرصة زي الفائدة من غير رصة . |
| |
|
|
|
|
|
|
|
|
 Re: حاجات لآيوووووقة ... (Re: جلالدونا)
|
| Quote: الفائدة من الرصة زي الفائدة من غير رصة . |
حكمة والله وحكاية، قلت لي بتاع الزمبارة رشوهو بوآحد غبي مصلّح
بزيت السمسم والشمار !، يا اخي صاحبك الصادق اسماعيل ملوهو
ليك جنس دبابير اسكت ساكت بس .
Quote:
الحكامة الصادق الحرامي المشاطة
ها ها ها |
دحين نفر العمل دا لاقاك قبل الليلة ؟...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
..
ود المدير والاحبة المتداخلين معاهو ..
والله مريت للسلام بس ... وانا اصلي ماني زولا مداخلاتي كتيرة ..
لكن والله اللياقة مكملا في القراية .. والضحك ..
ولياقتكم دي ..وطرتني كلمة لي عمنا الفكي ود نعيم .. الله يرحمه
طول عمره كان مزارع في مشروع الجزيرة ... لما كان مشروع الجزيرة ... مشروع
آخر سنوات عمره .. اتلمو فيهو اولاد أختو .. اقنعوه بي انه يرجع معاهم للبلد ( قرية الكمر ريفي ود حامد )
وبالفعل ... باع كل الوراهو والقدامو .. ورجع البلد ... وبعد شوية اكتشف انه معيشة اهل البلد ... اكل اللايوق ... بس
سبروق .. بامية ... ويكة ...
قال ليهم بعد مدة من الزمن .. انا الجابني شنو هنا ؟...
الناس كلها تاكل من فد شجرة ؟؟
| |
|
|
|
|
|
|
|
|
 Re: حاجات لآيوووووقة ... (Re: عبدالحليم حامد النعيم)
|
Quote:
سلام للأحبة ود المديرو جلال و ود ابوسن و البشاري و محمد البشرى و كل ضيوف البوست الكرام
أنا جيت اسلم و طالع من البوست اتمنى ما تحسبوها لياقة.
و يا ود المدير طولنا منك اعفي لينا.
و لكم جميعا وافر الشوق و الاحترام |
الوليد يا حبيب،
يا اخي البيناتنا عامرة ليوم الدين إن شاء الله .
لكن خبارك بتجي تسلّم ؤُ تمرُق، دا نوع جديد
كمان واللآ شنو ؟...
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote: وللا حصل شفت ود المدير ده قاعد يحلق فى شعر راسو
يا ود المدير خت اخونا مرتضى فى اللستة
لياقتو خطيرة جد ... من العينة البشفطوها بالنخرة
حقت منتصر ديك |
والله لياقة مرتضى دي اخير تختاها، وكان ما ختيتا علي اليمين توكر
وكرة زي الزفت، والوكرة هيّنة الكلآم بعد الوآطة تصبح ؤُ يجوك
الناس اللكلت غنمُن .
ها ها ها ها .
الهاهات اللآتي 4 عشان مافي زول يتلآيق ...
| |
|
|
|
|
|
|
|
|
|
Re: حاجات لآيوووووقة ... (Re: جلالدونا)
|
شرحو يا اباذر نفس اللياقة بذاتا
قلت انجما نجمتني
مشيت الاجزخانة اشتريت لبان نعناع حار حرة .. قلت تطير من اللبان طيرة الحمار الاكل الدريش .. عليك امان الله فتحت لي باب لياقة جديد
حارة اكلها لي .. اكلها لامن تبرد .. تلوكها لوكة لوكتين وتبلعها وانا الوك واحدة جديدة واديها
قلت اجهز ليها واحدة ابت لي .. الا تنفتح قدامها
اها زمان بديها اللبان وانوم هسة بديها اللبان وبحبسها
| |
|
|
|
|
|
|
|
|
|
Re: حاجات لآيوووووقة ... (Re: معاوية المدير)
|
Quote:
_ظبطوهو ليك بى واحد غبى مصلح بى زيت السمسم
_عليك الله !!!
_ و معاها حكمة كمان |
| ياخوي بتاع الزمبارة لايوق قديم، بس بنحترم التخسسات والأقدمية اللايوقية | الراجل في الحقيقة نبشناهو طلع بحكم عديدة:
1- إنو بينزل على طلب الجمهور القاعد ديمة يكورك (فوق) (فوق) جاداتنا (فوق) وبيطلب ويترجى منو، أهو درعا ليكم في عناقركم دي، أنا برلوم غايتو
2- أطلعنا على سر جديد، قال هبير إعلامي وبيفهم في الإعلام
3- الفائدة من الرصة زي الفائدة من غير رصة
التالتة الفوق والله ما فهمتها كلو كلو، فقلت أنزل ارتاح شوية وأجي تاني يوم أواصل دعفسة الروديو دي مع عزيزنا جوطاط دا.
t'was a tough ride thogh
|
| |
|
|
|
|
|
|
|
|
|
Re: حاجات لآيوووووقة ... (Re: حاتم إبراهيم)
|
عليكم الله انا لو بقيت فى محل الترابى ده
الببقينى غواصة شنو
ياخى كان بقيت حاملة طايرات عديل كدى
غايتو جنس طوطمة
ود المدير اوعاك تسعلنى طوطمة دى يعنى شنو
لما تعرف الارجلة و الايككةو الاسبروقة بعد داك بوريك
هاك اتسلى بالكورعننة دى يمكن تفهم
______
زول متبطسطس
| |
|
|
|
|
|
|
|
| |
معاوية المدير
جلالدونا
حامد الغبشاوي
يوسف أبو صالح
محمد البشرى الخضر
اباذر عبد العال
عبدالحفيظ ابوسن
عبدالعزيز الفاضلابى
سيف النصر محي الدين
مصطفى البشارى
مرتضى احمد عبد القادر
هشام كمال عبادي
عبدالله ود البوش
محمد حيدر المشرف
حاتم إبراهيم
فيس بوك
تويتر
انستقرام
يوتيوب
بنتيريست