|
Re: مظاريف، مصطفى مدثر (Re: Kabar)
|
وبرضك يا صديقي (دور الشولة ،او في اهمية الترقيم)..
عن مظاريف: او التحايل في تكنيك الحكي..
دور الشولة ، قال به صديقنا واستاذنا اسامة الخواض في مكان اخر وهو يهاتف صديقنا واستاذنا مصطفى مدثر(صاحب نص مظاريف)..الوكت داك مصطفى استنكر الفكرة ، وغابت عليهو بقية الفقرة بتاعة (اهمية الترقيم) ، او كما تهيأ لنا..!!
(مظاريف) نص قد يكون جميل لمن يتذوقه وفق اجندته الخاصة..فمن يبحث عن الفكرة..فكرة الحكي وموضوعه الأساسي ، قد يجد ضالته (مع انو مصطفى تعب شديد خالص عشان يخش الحالة ، حالة الزول الجنينة ويكتبها بكل امانة بي ضبانتها ، ياخي ده موضوع بالجد متعب خلاص)..وقد يجد فيها البعض ضالته في اللغة المستخدمة وسموها كلغة ادب رفيعة..و قد يجد فيها مفارقة..اخرى قد لا تخطر ببال العامة..وهي طريقة أو تكنيك الحكي(ديل السادة والسيدات النقاد ، ان كان يوجد هذا النفر في امسودان)..وهنا مصطفى اظنه داخل في مرحلة تجريب بالطول والعرض..والكلام هنا نخاطب به صديقنا اسامة الخواض اكثر من ان نخاطب به صاحب النص..طبعا صاحب النص اكيد ح يخط الخمسة في الإتنين ويعاين يمين وشمال..ثم يهز اكتافه من شاكلة (من اين اتى هؤلاء؟)..
في نص مظاريف..وقلنا هو نص قد يهتم به نفر كثر وكل من الزواية التي تروقه في المشاوفة..ومن جانبنا كان يهمنا امر جوهري ..وهو تكنيك الحكي.. بمعنى اخر القصة دي منو القاعد يحكيها بالضبط..؟يعني منو القاعد يقول لينا رؤيتو تجاه الحاجات؟.. هل هو راوي يحكي الحاجات مباشرة عن نفسو (حصل لي كيت وكيت ، ولمن كنت كيت وكيت)؟..هل راوي زايغ من الحاجات وبيقول لينا ياخي دي قصتكم وكل واحد يخش في الشخصية زي ما داير..(اتخيل انك كنت فلان ، وشنو كده ما عارف..الخ)؟..ام هي حكاية بتاعة زول خارج الأحداث وبيحكيها عن ناس تانين (الزول ده كان في الحتة الفلانية ، لاقى فلان ، وحصل ليهو كيت وكيت )..؟..بمعنى ادق شديد...هل المريض (الجنينة ده) هو من يحكي الحاجات بنفسو..ولا مصطفى مدثر قاعد ليهو في حلقو وبيحكي الحاجات نيابة عنو؟..
شيوخ الأدب قالوا هي تلاتة عناصر: رؤية الحكي (نظرة تجاه الحاجات والوجود ) ، وصوت الحكي (منو قاعد يقول شنو) ، وزمن الحكي (الموضوع ده حصل متين ووين..الخ).. ثم اضافوا تلاتة طرائق للحكي (في الحقيقة هم اربعة والرابعة دي دايرة مباصرة لأنها بتظهر في نص مظاريف هنا).. الأولانية.. ان يكون الحكي بضمير المتكلم ( كنت في الحتة الفلانية ، حصل لي كيت وكيت..الخ) ، والثانية بضمير المخاطب ، ودي نادرة شديد للغاية ، يعني يكون في زول (راوي مستتر* في حتة ما ويقوم يقول ليك افترض انك انت في الحتة الفلانية وحصل ليك كيت وكيت)..يعني نظام انو القارئ او المتلقى هو ذاتو جزء من الحكي.. والتالتة..وهي اسهل طريقة وكتير من ناس الرواية والقصة القصيرة قاعدين يطبقوها..يعني نظام راوي..أو حاكي.. يقوم يقص ليك الأحداث( كان يا ما كان...في زول في الحتة الفلانية..حصل ليهو كيت وكيت..الخ)..وفي طريقة رابعة.. بتقوم تجازف ، وتتجاوز الحدود ( يا اسامة الخواض)... زي ما حاصل في نص مظاريف..يعني ممكن تلقى فيها بعض العناصر المشتركة..!!
طريقة ضمير المخاطب ، الطريقة التانية.. في الحكي ، في الرواية السودانية.. ممكن نلاحظها في نموذج لأبكر ادم اسماعيل في روايته الثانية (هل يذكر احدكم رواية ابكر ادم الأولى؟؟؟)..والتي عنوانها (الطريق الى المدن المستحيلة).. فيكون الحكي ..وفق اول عبارة في الرواية كالآتي (هب انك الحاج عثمان سنين ، وانت في الطريق الى المدرسة الشرقية لزيارة ابنك، بعد ان هبطت قبل قليل من لوري الحاج عمر القادم ، لتوه من ام شقايق)..هنا مافي راوي بيحكي الحاجات عن نفسو أو عن زول اخر.. لكن مطلوب منك (كمتلقي) ان تكون انت بطل الأحداث ..!!! (وهي كما ذكرنا اصعب طرائق الحكي وتكنيك الرواية ، على حسب علمنا حتى الآن..)..!!
نص مظاريف ، قام عمل ابتكار (وهو جائز للغاية في عوالم الحكي في زمن ما بعد الحداثة)..حيث خلط بين عناصر الحكي (طبيعة الراوي وهويته ، يا اسامة)..وعشان القصة توضح ممكن نذكر امثلة..
في بداية النص :
Quote: "لقد كنت منتصباً.." - منتصب القامة؟ - بالطبع لا. أية قامة؟ الطبيب قال لي أكتب بصدق وأكتب كل شيئ.
|
لاحظوا الأقواس ، التنصيص.. ودي مسالة شكلية لكنها عندها دلالات كبيرة خلاص (دي مظاهر الشولة الأباها مصطفى مدثر في مكان ما ، وبدون ما يشعر شغال بيها في نصوصو..!!!).. الأهم حكاية (كنت) ، و (الطبيب قال لي..الخ).. هنا قد يتبادر للمتلقي أن تكنيك الحكي يعتمد على صوت الراوي باعتباره (متكلم اساسي) ، أي هو من يريد ان يحكي لنا الأمور والأحداث باعتبارها هي تفاصيله الخاصة...(صوت المتكلم الأول ، بحسب تقسيمات شيوخ الرواية )..!!
لكن الأمر يختلف قليلا ، ويتحول الراوي الذي اعتقدنا انه يروى الأحداث عن نفسه بصفة الأصالة ..الى زول اخر.. يعني في راوي في مكان ما قاعد يراقب الأشياء والأحداث ويحكيها لينا بلسان نيابة عن زول تاني ..!! عشان كده النص ، في العبارة الرابعة تقريبا..دخل في مووود او تون اخر تماما..حيث نقرا:\
Quote: وضع القلم وأخذ يفكر في كلام الطبيب.
|
حكاية الفعل (وضع).. دي بتدي اشارة انو نحن (كمتلقيين).. كنا معشوشين في مسالة (كنت منتصبا)..يعني الموضوع اصلا في زول تاني / في مكان ما قاعد يحكي لينا..والحتة دي مصطفى ، كاتب النص ، فطن ليها مبكرا ، عشان كده خطاها بين علامات الإقتباس ، والمدقق سيفطن لإشارة الترقيم ، بان هذا حديث مقتبس من شخص اخر.(شفت حديث الشولة ، ده مهم كيف يا مصطفى؟؟!!).!!
الخلط في تناصيص الراوي (ودي شغلة بتهمني لوحدي ، تقريبا) ، بتظهر في الفقرة الأخيرة من نص (مظاريف) ، طبعا من ناحية شكلية ، نسى مصطفى مدثر حكاية ترقيم التنصيص ..يعني في أول فقرة القارئ ممكن يلاحظ علامات ترقيم الإقتباس واضحة ، في الفقرة الأخيرة الكاتب وضع نصف وتجاهل النصف الآخر..وممكن الناس تلاحظ الشغلانة دي في النص الموجود..!!
(اكتشفت ان الفلك ، الخ)..هنا في صوت راوي يبدا يتكلم ليك كانو مصطفى مدثر كان غير موجود..يعني يقوم يرجعك تاني لأول عبارة بتاعة (لقد كنت منتصبا..الخ)..!!
التبادل في خانات الراوي/الحاكي ، وتبدل هوية الصوت من مرحلة الى اخرى..هو ما قصدناه في عنواننا..بعبارة (التحايل على تكنيك الحكي)..وفي هذه الناحية نجح نص (مظاريف) الى حد كبير..و الأكثر دهشة ، ان فكرة النص تقوم على اضطراب نفسي ما ، فان الكاتب نجح كثيرا في توظيف كل المقومات الممكنة لكي يدخلنا في تلك الحالة..!!
اخر فقرة في النص** ، سقطت علامات التنصيص في بدايتها وثبتت في نهايتها، وهي ، امور شكلية قد لا يضع لها القارئ العادي ايتها اعتبار ، ولكن عندنا تعني تكثيف لحال المفارقة والجنون والخلل العقلي الذي قامت عليه الحكوة اساسا..!! وما يضيرنا يا صديقي ، يا مصطفى ، ان نكون في زمرة المجانين ، اولاد الحرام اياهم؟!!!
لم يذكر ، مصطفى مدثر ، زمن النص/الحكي بتاع مظاريف..ولكن في اخر عبارة ، لجأ الى لغة الإشارات الصوفية.. فذكر في اخر فقرة يقول..( أكتشفت أن الفلك يمكن أن يُحَب وأقتنيت بسبب هذا الحب للفلك بعض الكتب الفلكية وصاحبت الناس الفلكيين من كليات العلوم والآداب والأقتصاد.
ثم افصح اكثر وهو يقول:
Quote: وأهملت دروسي إهمالا فلكيا لكنني كنت شاطراً في مادة إسمها الفارماكوجنسي، أي أنها مادة غنوصية والغنوص لله، وعلمت لاحقاً انها أُلغيت أو استُبدلت. كنت في خلواتي الفلكية أختار مثلاً شاطئ النيل.
|
وفارماكوجنسي في عينك يا صلعوك (يا حسن الجزولي ، والله هذا افضل ما عندنا من تعبير محبة..!!)..
في تفسيره لتلك المادة العجيبة ، ذكر صاحب النص ، صديقنا واستاذنا مصطفى مدثر ، ان تلك المادة / مادة الدارسة ، انها غنوصية (عليك الله يا مصطفى اكتبها بالإنجليزية حتى يطمئن فؤادنا ياااااااخ) ،..ولأن مصطفى اختار نشر نص مظاريف في هذا الأسبوع من الزمان ، فهو اسبوع غريب للغاية ، هو اسبوع يصادف نياصة الجمهوريين والجمهوريات باحتفالهم بالذكرى الثلاين لإغتيال شهيد الفكر السوداني محمود محمد طه (طبعا اغرب حاجة على وجه الأرض وحتى الآن ، ناس تحتفل بذكرى اغتيال زول؟ّ!!!!..ياخي احتلفوا بعيد ميلادو ساكت..!!)..
الثابت ***، محمود محمد طه ، خلا خلوة بذات نفسو في رفاعة ، ثم خرج بافكاره ، والشاهد ان اخونا ابوبكر القاضي ، جمهوري سابق ، اول من تحدث صراحة وبيانا وعيانا ، بشبهة الغنوصية في تفاكير شهيد الفكر السوداني محمد امحمد طه (لغاية شيخنا الهميم ذاتو..!!).. المفارقة ، ليه زول كاتب قصة قصيرة ، زي مصطفى مدثر ، يلف ويدور عشان يثبت واقعة معينة ويتعاطف مع فعاليات شعب امسودان؟..ليه ما يكون نص (مظاريف) هو حكوة لشعوب امسودان الوهم ان تتفكر في عقلها؟..هل يريد مصطفى مدثر ان يقول لنا ، ان اصدق حكاياتنا ، هي ما نظنه انه جنون و مفارقة للعقل كما فعل محمود امحمد طه؟...
كبر
ــــــــــــــــــــــــــــــ
اشارات: * رواية ابكر ادم اسماعيل (الطريق الى المدن المستحيلة) ، طبعة اولى..مركز الدراسات السودانية سنة 2000 ** حينما كتبت الخاطرة اول مرة تبدو ان العبارة اختفت فيها اقواس الإقتباس في اولها..وحينما راجعت النص ظهرت اقواس الإقتباس في اول العبارة لتعطي انطباع بان سامر كان يقرأ ما كتب بطل القصة..يعني الجزء الأخير من النص كتبه بطل النص والحيلة ان يكون القارئ شخص اخر (سامر).. *** النص لم يتطرق لزمن الأحداث..ومصطفى تركه مفتوح..يعني جايز يكون هو نص جديد أو نص قديم..تجاهل زمن الأحداث ممكن يدينا جواز التفسير وربط الحاجات مع بعضها البعض..يعني لوصدق حدسنا فعلا بان نص (مظاريف) كتب حديثا فربطنا بواقعة محمود محمد طه قد يكون جائزا من ناحية دلالة..اما ان كان النص قديم نسبيا فقد يكون هناك خطا في تصورنا للدلالات..وعندها تكون حجتنا الوحيدة هي توقيت نشر النص..
|
|
|
|
|
|
|
العنوان |
الكاتب |
Date |
مظاريف، مصطفى مدثر | mustafa mudathir | 01-22-15, 03:19 AM |
Re: مظاريف، مصطفى مدثر | عبدالعزيز عثمان | 01-22-15, 05:16 AM |
Re: مظاريف، مصطفى مدثر | عبدالله الشقليني | 01-22-15, 12:33 PM |
Re: مظاريف، مصطفى مدثر | mustafa mudathir | 01-22-15, 04:13 PM |
Re: مظاريف، مصطفى مدثر | mustafa mudathir | 01-22-15, 11:50 PM |
Re: مظاريف، مصطفى مدثر | معاوية الزبير | 01-23-15, 06:07 AM |
Re: مظاريف، مصطفى مدثر | راشد سيد أحمد الشيخ | 01-23-15, 12:38 PM |
Re: مظاريف، مصطفى مدثر | mustafa mudathir | 01-24-15, 04:19 PM |
Re: مظاريف، مصطفى مدثر | mustafa mudathir | 01-24-15, 09:37 PM |
Re: مظاريف، مصطفى مدثر | إسماعيل حميم | 01-24-15, 10:30 PM |
Re: مظاريف، مصطفى مدثر | محمد على طه الملك | 01-25-15, 02:15 AM |
Re: مظاريف، مصطفى مدثر | عثمان الأمام | 01-25-15, 04:34 PM |
Re: مظاريف، مصطفى مدثر | أبوبكر عباس | 01-25-15, 10:06 PM |
Re: مظاريف، مصطفى مدثر | mustafa mudathir | 01-25-15, 10:41 PM |
Re: مظاريف، مصطفى مدثر | طه جعفر | 01-25-15, 10:51 PM |
Re: مظاريف، مصطفى مدثر | mustafa mudathir | 01-26-15, 04:39 PM |
Re: مظاريف، مصطفى مدثر | راشد سيد أحمد الشيخ | 01-26-15, 07:17 PM |
Re: مظاريف، مصطفى مدثر | محمد على طه الملك | 01-26-15, 09:59 PM |
Re: مظاريف، مصطفى مدثر | عمر عبد الكريم علي | 01-26-15, 11:00 PM |
Re: مظاريف، مصطفى مدثر | أبوبكر عباس | 01-26-15, 11:19 PM |
Re: مظاريف، مصطفى مدثر | mustafa mudathir | 01-27-15, 01:41 AM |
Re: مظاريف، مصطفى مدثر | معاوية الزبير | 01-27-15, 02:58 AM |
Re: مظاريف، مصطفى مدثر | mustafa mudathir | 01-27-15, 04:08 AM |
Re: مظاريف، مصطفى مدثر | mustafa mudathir | 01-27-15, 07:35 AM |
Re: مظاريف، مصطفى مدثر | راشد سيد أحمد الشيخ | 01-27-15, 11:23 AM |
Re: مظاريف، مصطفى مدثر | ibrahim fadlalla | 01-27-15, 11:38 AM |
Re: مظاريف، مصطفى مدثر | محمد على طه الملك | 01-27-15, 12:43 PM |
Re: مظاريف، مصطفى مدثر | راشد سيد أحمد الشيخ | 01-27-15, 02:03 PM |
Re: مظاريف، مصطفى مدثر | ibrahim fadlalla | 01-27-15, 03:00 PM |
Re: مظاريف، مصطفى مدثر | عثمان الأمام | 01-27-15, 04:20 PM |
Re: مظاريف، مصطفى مدثر | محمد على طه الملك | 01-27-15, 04:25 PM |
Re: مظاريف، مصطفى مدثر | راشد سيد أحمد الشيخ | 01-27-15, 04:27 PM |
Re: مظاريف، مصطفى مدثر | محمد على طه الملك | 01-27-15, 04:47 PM |
Re: مظاريف، مصطفى مدثر | راشد سيد أحمد الشيخ | 01-27-15, 04:48 PM |
Re: مظاريف، مصطفى مدثر | راشد سيد أحمد الشيخ | 01-27-15, 05:07 PM |
Re: مظاريف، مصطفى مدثر | mustafa mudathir | 01-27-15, 06:04 PM |
Re: مظاريف، مصطفى مدثر | راشد سيد أحمد الشيخ | 01-27-15, 06:36 PM |
Re: مظاريف، مصطفى مدثر | راشد سيد أحمد الشيخ | 01-28-15, 01:39 PM |
Re: مظاريف، مصطفى مدثر | Kabar | 01-28-15, 06:17 PM |
Re: مظاريف، مصطفى مدثر | Kabar | 01-28-15, 06:32 PM |
Re: مظاريف، مصطفى مدثر | معاوية الزبير | 01-28-15, 07:29 PM |
Re: مظاريف، مصطفى مدثر | محمد على طه الملك | 01-29-15, 01:08 AM |
Re: مظاريف، مصطفى مدثر | معاوية الزبير | 01-29-15, 03:44 AM |
Re: مظاريف، مصطفى مدثر | mustafa mudathir | 01-29-15, 05:28 AM |
Re: مظاريف، مصطفى مدثر | osama elkhawad | 01-29-15, 12:34 PM |
Re: مظاريف، مصطفى مدثر | ibrahim fadlalla | 01-29-15, 02:19 PM |
مصطلح الاستقامة السياسية:" Political correctness "PC | osama elkhawad | 01-30-15, 02:45 AM |
Re: مظاريف، مصطفى مدثر | Kabar | 01-30-15, 10:22 AM |
Re: مظاريف، مصطفى مدثر | Kabar | 01-30-15, 10:32 AM |
Re: مظاريف، مصطفى مدثر | محمد على طه الملك | 01-30-15, 12:52 PM |
Re: مظاريف، مصطفى مدثر | ibrahim fadlalla | 01-30-15, 03:45 PM |
Re: مظاريف، مصطفى مدثر | ibrahim fadlalla | 01-30-15, 03:53 PM |
Re: مظاريف، مصطفى مدثر | ibrahim fadlalla | 01-30-15, 04:09 PM |
Re: مظاريف، مصطفى مدثر | محمد على طه الملك | 01-31-15, 00:46 AM |
Re: مظاريف، مصطفى مدثر | mustafa mudathir | 01-31-15, 07:05 PM |
Re: مظاريف، مصطفى مدثر | محمد على طه الملك | 01-31-15, 10:55 PM |
Re: مظاريف، مصطفى مدثر | mustafa mudathir | 01-31-15, 11:44 PM |
Re: مظاريف، مصطفى مدثر | راشد سيد أحمد الشيخ | 02-01-15, 00:59 AM |
تصويبات؟؟ | osama elkhawad | 02-01-15, 04:58 AM |
Re: تصويبات؟؟ | mustafa mudathir | 02-01-15, 07:51 PM |
تمهيد؟ | osama elkhawad | 02-01-15, 09:15 PM |
Re: تمهيد؟ | mustafa mudathir | 02-01-15, 11:25 PM |
Re: تمهيد؟ | osama elkhawad | 02-02-15, 03:43 AM |
Re: تمهيد؟ | فضيلي جماع | 02-02-15, 06:05 PM |
Re: تمهيد؟ | mustafa mudathir | 02-02-15, 06:58 PM |
Re: تمهيد؟ | فتحي الصديق | 02-02-15, 08:47 PM |
Re: مظاريف، مصطفى مدثر | فتحي الصديق | 02-02-15, 08:52 PM |
Re: مظاريف، مصطفى مدثر | osama elkhawad | 02-03-15, 08:52 AM |
Re: مظاريف، مصطفى مدثر | mustafa mudathir | 02-04-15, 03:24 AM |
Re: مظاريف، مصطفى مدثر | osama elkhawad | 02-04-15, 03:42 AM |
تصويبان إضافة لتصويب "اليد الخفية" | osama elkhawad | 02-04-15, 07:16 AM |
Re: تصويبان إضافة لتصويب andquot;اليد الخفيةandquot; | Kabar | 02-04-15, 08:06 AM |
Re: تصويبان إضافة لتصويب andquot;اليد الخفيةandquot; | Kabar | 02-04-15, 08:08 AM |
Re: تصويبان إضافة لتصويب andquot;اليد الخفيةandquot; | Kabar | 02-04-15, 08:10 AM |
Re: تصويبان إضافة لتصويب andquot;اليد الخفيةandquot; | Kabar | 02-04-15, 08:12 AM |
Re: مساهمة كبر الأخيرة | mustafa mudathir | 02-04-15, 10:49 PM |
Re: مساهمة كبر الأخيرة | mustafa mudathir | 02-05-15, 05:23 AM |
Re: مساهمة كبر الأخيرة | محمد على طه الملك | 02-05-15, 12:45 PM |
Re: مساهمة كبر الأخيرة | فتحي الصديق | 05-01-15, 10:52 AM |
Re: مساهمة كبر الأخيرة | mustafa mudathir | 05-01-15, 06:54 PM |
Re: مساهمة كبر الأخيرة | معاوية الزبير | 05-01-15, 07:08 PM |
|
|
|