الجنجويد يسألون عن بيت العزبة .. ما هى المشكلة يا محمد عمر الفكى؟

Quote: بريمة كيفك تعرف مدرسة الجيلي الثانوية مدرسة عريقة إمكن تأسست 1905 - إن لم تخني الذاكرة - وأنا من طلابها، مدرسة عريقة وكبيرة، فيها عدد كبير من الفصول والداخليات وكان يبلغ عدد طلابها حوالي ال500 طالب والله كان فيها طلبة من تشاد، جو ناس الإنقاذ وهم أعداء كل شيء ناجح وعريق، قامو قفلو الداخليات وقلصو مساحة المدرسة بحوالي 20%، والباقي حولوها لمعسكر لطلاب الخدمة الوطنية، تخيل المليون ميل مربع دي كلها ما لقو مساحة تكفي إلا مدرسة الجيلي الثانوية طفشو الطلبة وشردو الأساتذة وخربو المباني العريقة دي شان يحولوها لمعسكر !!! تعرف مرة واحد من الطلبة ديل دخل الحلة جوة بفنيلة داخلية وعلى ما اعتقد كان في مناسبة زواج وفي حفلة يعني جاي يحضر الحفلة ببنطلون وفنيلة داخلية ، تخيل الفنيلة دي كانت سبب في يموتو شابين من ناس الجيلي وكمية كبيرة من الجرحى من الحلة ومن المعسكر وانتهت في النهاية بإغلاق المعسكر تماماً، والله يا بريمة المسألة دي لولا تداركها من العقلاء الكبار في الجيلي كان حرقو المعسكر بمن فيه، وعندنا أهلنا بغرب النيل لم سمعو بالمشكلة جو جاريين جري القطع بالمركب أو بالطوف أو عوم لم لقو المشكلة انتهت وبدون ما يشاركو زعلو زعل شديد قالو كيف ما تضربو لينا ، الموبايلات في المانع شنو؟؟ وقربت تحصل مخاصمة بين ناس الجيلي وأهلنا بغرب النيل لأنه عدوه استفزاز ما بعده استفزاز وتعدي على عروض الناس، وديل لو حضرو المشكلة والله أنا أعرفهم ناس شرسين شراسة عجيبة كان ممكن المصيبة تكون كبيرة وفادحة، وهم المشو لاحمد البلال الطيب وكانو دايرين يحرقو مباني الدار شان كتبت الزول القتل الموسيقار عجاج من الجزيرة اسلانج. ولحد الآن المدرسة بحالها شيء قسمو مركز صحي وأشياء أخرى لا فائدة منها للبلد ولأهل الجيلي، فاعتقد انو معرفة ثقافة المنطقة للإنسان الغريب بتكون مفيدة وبتكون مدخل تعايش معهم زي ما بعملو الخواجات