|
|
 عرب الجزيرة...... ينتفون قفة غذاء العالم
|
المزارع الامريكي يقوم من صباحات الله يقش عويناتو
ويقول بسم الله هو ومرتو ووليداتو بي تركتر وحصادة وحصانين
يقيف فوق حواشتو المد البصر و القدر مشروع الجزيره مرتين من غيرما يقول احح
|
|
 
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
ان راجينكوم تاكلونا الترابه دي في خشمنا
ريفي وجروف بحري (خضر الله أكف مزارعيها) تضخ وتوفر لاسواق العاصمه الثلاث
ويوميا خضروات وبرسيم واعلاف ماشاء لاهلها ان يتناولو
من خضر وفاكهة طازجه
الزراعه ابداع
والمزارع مبدع
لا تحده ولا توقفه اي مشكله الا وقد
اوجد لها حلا بنفسه وقبل ان ينتظر
تدخل اي طرف لحلحتها
باميه باميه باميه باميه
اكتر من الف مزارع وعلي مدي عشرات السنين هرونا ويكه
يزرعو وينشفو ويشيلو ويصدرو
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...
مع الاحترام لشخصك..
| |
|
|
|
|
|
|
|
|
 Re: عرب الجزيرة...... ينتفون قفة غذاء العالم (Re: ناذر محمد الخليفة)
|
Quote: ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...
مع الاحترام لشخصك.. |
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: سليمان القرشي)
|
المزارع الامريكي الجاي انت تضرب بيهو
المثل حكومتو موفرة ليهو كل المدخلات
الزراعية وكل التساهيل عشان كدا بقوم
علي شغلو من الصباح نحن من قشة
عينا من النوم بتلقي ناس الزكاة
بي شارع وناس الضريبة بي شارع
وناس امن المشروع بي شارع بتصحي
وانت اصلا مانمت بتفكر بكرة تسقي
كيف تجيب حق الادوية من وين تجيب
حق العمال من وين وتكون لافي زي
الساقية وتعبك يروح هدر واخرتا يجي
انقاذي يقوليك عرب الجزيرة عرب الجزيرة
تطير عيشتهم كان راجين انقاذك تعمل
ليهم حاجة بس كل العايزنو ارفعو يدكم
من المشروع واختونا بس
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: elhilayla)
|
Quote:
ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...
مع الاحترام لشخصك |
عبدالعزيز عثمان لك ودي
اولا حماكم الله من البلهارسيا والتلوثات
لكن كمان ياخوي تمانين سنه وينو نتاجه
ماتراهو الحال في حالو ومن سييء لي اسوأ
تمانين سنه وكل الحكومات التي مرت همشت ودمرت
واكلت ولحست وسحقت؟؟؟
شوف كم وزير زراعة ورؤساء مشاريع مرو علي مشروع
الجزيره؟
تمانين سنه تتزاوجون وتخلفون ومعروف نسبة زيادة
سكان ارض الجزيره وماحولها سنويا ماشاءالله وعيني بارده
بينما مساحة ارض المشروع هي هي مازادت متر
يعني كلها كم سنه وتوزع ارض المشروع كسكن شعبي
والساكنين الجالوص ديل بتعرفوم انتو
انما المزراعين الكل يوم ناطين في الخرطوم ديل
عمم بيضا مكويه ولاندكروزرات وجيوب شحمانه
وتاكلونا الكستليته وتاكلو الكسره البايته دي
واسعه منك حبه
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: عمر عثمان عبد الوهاب)
|
Quote:
ياخي في زول شال ليك سوط قاليك
تعال اكل ويكة ماتاكل من جناين بحري
حقتك دي في زول سالك وخلينا
نحن في ويكتنا دي وانت المشروع
شفتو ولاعارفو شفت الخراب
الحصل فيهو بعد حكومتك دي جات
ولابتتكلم ساي |
شفتو وعارفو ياسليمان ياقرشي
وكل السودانيين شايفين
المشروع خربتوهو اتو ياعرب الجزيره
بتقاعسكم ومكايداتكم في بعضكم البعض
ومعارضاتكم المتواصله لكل الحكومات
واكتر حكومه اشتغلت لاصلاح هذا المشروع
هي هذه الحكومه وماخلت ليكم شي ماسوتو
المحصله اللي عرفتها الحكومه وعرفوها كل
الناس انو المشكله فيكم انتم
تهتمو بالسياسه اكتر من اهتمامكم بالزراعه
علي الحكومه تشيل ارضها وتلمها عليها ان شاءالله تجيب كوريين يزرعوها
وانتو الاراضي الخاصه بيكم مخيرين فيها
واحد من وزراء الزراعة الذين اطيح بهم وكالعاده من قبل مزارعي المشروع
حلف يمين قال القي لي تلتين صعيدي اغتي السودان ده كلو قطن
بعدين جناين بحري دي الخرطوم دي من يومها بتاكل منها
ولي الليله ولي بكره
الطريف في الامر ان عرب الجزيره عندما ياتون للخرطوم
تلقاهم خامين مما لز وطاب ماخالين شي
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: عمر عثمان عبد الوهاب)
|
Quote:
بوست سخيف ينم عن حقد وضغينة بلا سبب
ليس أسخف منه إلا الذين يحرقون له البخور
ويدقون الطبول من وراء حجاب |
الحليله سلام
البوست ماسخيف ولا فيهو حقد ولا ضغينه
ومن حق اي سوداني وحقي اتكلم زيما انا عاوز
في هذا المشروع العاوزين تعملو لينا منو دارفور تانيه
مادام بقيتو تمعطو في الحكومات حكومه ورا حكومه وتسيسو المشروع
لغاية مادمرتوهو وبقي خراب خلي الناس تمعطكم
وياتنعدلو وتشمرو عن سواعدكم وتشتغلو ياترفعو عنو يدكم
وسالفة الحكومه مامساعدانا دي بقت اسطوانه مشروخه
(علي فكرة محدثك تربال ود ترابله)
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: عبدالكريم الاحمر)
|
مادام بقيتو تمعطو في الحكومات حكومه ورا حكومه وتسيسو المشروع
لغاية مادمرتوهو وبقي خراب خلي الناس تمعطكم
وياتنعدلو وتشمرو عن سواعدكم وتشتغلو ياترفعو عنو يدكم
وسالفة الحكومه مامساعدانا دي بقت اسطوانه مشروخه
تقول ليك حاجه ارجل راجل في حكومتك دي اليبقي راجل ويقول عاوز سرابه سرابه بس لو بتعرفها من ارض الجزيره
وتاعل عرب الجزيره انت قايلها نبزه ولا شنو مفتخرين باننا عرب جزيره واهل عوض كمان
بطل السخف والفياقه البتعمل فيها دافع عن حومتك في حته غير الجزيره لانو دي البتجيب نهايتها ليكم
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: abas)
|
يا اخ عمر،،قل ماتريد من حقك...
ندافع عن حقك في القول..
ولكن كلامك ده غير موضوعي...
غلط....
بل لو سسمحت للي مستفذ...
ينم عن جهل تام بما حدث ويحدث....
اللخبطة،التخريب،التشليع،الاهمال
االدمار دي حاجات كلها حدثت
وليس للمزارع علاقة بها..
دمر الري،البحوث وقاية النباتات ومكافحة
الحشرات الضارة الهندسة الزراعية السكة حديد
الفباريك الادارة...
هل دمر هذه المزارع المسكين
وحده الغابض علي الجمر
لن ولم يخون ارضه
نحن لسنا بسياسيين
نحن زراع
ولكن احس بان هناك مؤامرة علي المشروع
واهله
كلامك ده ابلغ دليل
نحن صناع حياة
ارجووك ناقش بعقلانية...
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: عبدالعزيز عثمان)
|
يا عمر
من حقك تتكلم في أي أمر سوداني وتنتقد ما شاء لك ...وهذه الجزيرة التي يتحكر فيها العرب اخذوها عنوة 1447، كل أهل الجزيرة منسجمين ولا يعانون امراض الجهل والعنصرية وكل قرى الجزيرة حواضر منذ 1907، ومعلوم أن تملك الأرض في السودان لم يكن ضربة حظ ولا خبط عشوا وانما سكن المكان من الناس يشهد لهم كل من عاشرهم بالصدق والعفة ...والجوقة التي تشارك في الجريمة جهلا أو عن قصد يشاركونك الفكر والمبادي الانقاذية التي تنم عن عنصرية وحقد لبشر يقاسمونكم الوطن ...ليت حقدكم موجه للخارج الذي يذل نظامكم المهتري كل ثانية والذي هو في حالة وفاة سريرية وسنضيفك لقائمة الحاقدين على أهل الجزيرة ...وسأتعهد اطلاع كل قروبات اهل العوض وأنسخ هذا الرابط لهم ...شكرا لك
| |
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: عبدالرحمن الحلاوي)
|
Mamoun Attayeb · الأكثر تعليقا · Telecom and IT SR. Eng. في Sudan Telecom Public Corp.STPC, (Now) Saudi Electiricity Co. SEC
يا عمر عثمان يبدو عليك رجل خالي الوفاض ولا تعرف عن مزارعي الجزيرة معرفة موثقة ..
نشأت مزارعاً فترة شبابي الأول حتى التخرج من الجامعة وطول فترة 15 عاماً عملت في كل أطوار العمليات الزراعية وأعرف ما تعني من جهد وتعب ..إذا أحببت نكلمك عنها عشان تعرف شنو مزارع جزيرة ..
مشروع الجزيرة كان بحاجة لأداوات المزارع الأمريكي العاجبك دا .. لكن غالبهم لم يمكلكو سواء سواعدهم وسواعد اسرهم بنين وبنات ..
ولن يكون المشروع منتجيً ومفيدا دون تمليك ادوات الإنتاج والتقنيات للمزارع بدل الشركات التي تريد أن تأكل جهده ..
رد · أعجبني · متابعة المنشور · أمس في الساعة 11:50 صباحاً
Dafaallah Ahmed Al Jaali · الأكثر تعليقا · Dammam, Saudi Arabia
لا ادرى من اين انت لكن لم يجانبك الصواب فى اختيار العنوان ولم تضع جملة مفيدة واحدة فى ما كتبت ، خواء ليس بعده
رد · أعجبني · متابعة المنشور · أمس في الساعة 11:34 صباحاً
ناس النفاج
تلبو
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: Dahab Telbo)
|
بوست عميق
وأهم شيء أن يتم النقاش بموضوعية ودون توترات
اليوم البرلمان صادق على قانون مشروع الجزيرة
فمن يؤيده ومن يرفضه ولماذا؟
Quote: البرلمان يجيز تعديلات قانون مشروع الجزيرة
الاثنين, 22 ديسمبر 2014 17:15 التحديث الأخير ( الاثنين, 22 ديسمبر 2014 17:16 )
التعديلات نصت على قومية مشروع الجزيرة وامتلاك أصحاب الملك الحر أراضي المشروع
صادق البرلمان السوداني على التعديلات الواردة في مشروع قانون مشروع الجزيرة لسنة 2014، في مرحلة العرض الثالث. ونصت التعديلات المجازة على قومية مشروع الجزيرة وشخصيته الاعتبارية إلى جانب امتلاك أصحاب الملك الحر أراضي المشروع.
وأوضح رئيس لجنة الشؤون الزراعية والحيوانية والمائية بالبرلمان حبيب أحمد مختوم، أن التعديلات أقرت أن تكون حيازة الحواشة مقيدة بالاستغلال لغرض الزراعة مع عدم تفتيت الحيازة.
كما وافقت على استئجار مجلس إدارة المشروع أراضي أصحاب الملك الحر بعقود إيجارة طويلة الأجل، وبفئات مجزية يتفق عليها مع أصحاب الملك الحر، ويدفع المجلس الأجرة سنوياً للملاك في بداية كل عام.
وقال مختوم في تقريره أمام البرلمان أن التعديلات المجازة نصت على قومية مشروع الجزيرة وشخصيته الاعتبارية إلى جانب امتلاك وأصحاب الملك الحر أراضي المشروع.
كما نصت التعديلات على أن يكوِّن محافظ المشروع لجنة مشتركة مع ملاك الأراضي لتقدير فئة الايجارة السنوية وتحديد الدورة الزمنية لتجديد هذه الفئة.
وأشار التقرير إلى أن التعديلات قضت بأن يحدد المجلس قيمة الإيجارة السنوية للحواشات المخصصة للمزارعين، كما يحدد قيمة رسوم المياه، وتتولى إدارة المشروع بالتعاون مع تنظيمات المزارعين تحصيل أجرة الحواشات ورسوم المياه.
شبكة الشروق
|
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: طلحة عبدالله)
|
Quote: ان راجينكوم تاكلونا الترابه دي في خشمنا
ريفي وجروف بحري (خضر الله أكف مزارعيها) تضخ وتوفر لاسواق العاصمه الثلاث
ويوميا خضروات وبرسيم واعلاف ماشاء لاهلها ان يتناولو
من خضر وفاكهة طازجه |
المتحدث الرسمي باسم سكان العاصمة المثلثة ,,
-----------------------------------------------------------------------------------------
يا زول اتا قايل السودان دا المنشية و الصحافة والصافية والموردة؟
| |
|
|
|
|
|
|
|
|
|
Re: بوست سخيف ينم عن حقد وضغينة بلا سبب ** لا أسخف منه إلا الذين يحرقون له البخو (Re: Dahab Telbo)
|
ههههههههههههههههه
يا عمر ياخي بالغت, انا ما عارف الناس الفوق دي انت تورت نفسها في شنو
انت جيبت البوست وكفيت الناس عنا الرد
ياخي انت انقاذي عينة
Quote: وزير الزراعة مسطح غيروهو
الوالي فاسد
رئيس وادارةالمشروع مرتشين
لجنة المشروع متواطأة
اتحاد المزارعين خونه
السماد- التقاوي - الجراد -ابوعشرين -ابو سته
تعويضات الاراضي
لامن وصلو الحكومه دار تبيع المشروع
والحقونا يااهل المروه |
الجاب الوزير منو
الجاب الوالي منو
الجاب المرتشين والفاسدين منو
الجاب النقاوي الفاسدة منو
الداير يلعب بالاراضي منو
موش الحكومة؟؟؟؟؟
يعني يا عمر في كل اسبابك الجبتها لم تتهم المزارع باي شيء
يعني حتى لسانك لم يطاوعك وتجيب سيرة انو المزارع تسبب في كذا وللا كذا
ياخي انت انقاذي مسكين
اظرف زول بتاع عميق لوووووووول
يا اخوانا ما تتوروا نفسكم ساكت، الزول دا بره الشبكة كلو كلو
| |
|
|
|
|
|
|
|
|
|
Re: الحيطة والحجر ( قصة) (Re: عمر عثمان عبد الوهاب)
|
صاحب البوست سلام...
يبدو انك ما عارف اي حاجة عن تفاصيل العملية الزراعية في مشروع الجزيرة
وإلا ما كان قارنت مزارع مشروع الجزيرة بمزارعي جروف النيل...
نلك مقارنة ظالمة بكل المقاييس..
فشنو ..
البوست دا ليس له مكان من الإعراب..
إلا لأهداف سياسية فقط تخدم منهج الكيزان الطفبليين الذين حولو اقتصاد السودان الى اقتصاد خدمي يحمل نفسه بالجبايات المضاعفة ويقوده الطفيليين اصحاب المضاربات والصفقات المشبوهة..
ارحموا مشروع الجزيرة من ترهات لا تمت للحقيقة بصلة..
إن عزمتم على بيعه.. فحاولوا.. ولكل حادثة حديث....
| |
|
|
|
|
|
|
|
|
|
Re: الحيطة والحجر ( قصة) (Re: اشرف السر)
|
بوست غير موفق ابدا ...
وكستليته في عينك وعين اسيادك يا كوز يا حقير...
ناس الجزيره او عرب الجزيره او اهل العوض اشرف من ان تكتب عنهم انت وحكومتكم الفاسده و شيوخكم الانجاس و الشواذ ورئيسكم الراقص...
وسنعرف كيف نحتفظ بحقنا في الرد علي الرغم من احجامنا عن الصراعات الاسفيرية...
بس تاكد ناس الجزيره اسيادك و عاشوا احرار وبالحلال وسوف يموت علي ما عاشوا عليه شوف من اين اتي امثالك يا وضيع!!!
| |
|
|
|
|
|
|
|
|
|
Re: الحيطة والحجر ( قصة) (Re: Omer Mustafa)
|
في ردك قلت الحكومة ماخلت لينا
حاجة كلو عملتو يلا تعال ورينا عملت
شنو غير انها دمرت المشروع باعت
الاصول باعت السكة حديد دمرت مصانع
الغزل والنسيج شردت المزارع والان
عندها نية مبيتة شكلها لكن قوليهم
عرب الجزيرة ديل بموتو في حاجتين
العرض والارض وجربو تعالو اهبشو
ليكم ارض مزارع عشان تعرفو حاجة
| |
|
|
|
|
|
|
|
|
|
Re: الحيطة والحجر ( قصة) (Re: Frankly)
|
سؤال موجه لصاحب البوست ـ وله ما بعده
ماذا تقصد بالعبارة أعلاه
علماً بأن الجزيرة مثلها ومثل سائر ولايات السودان يسكنها نسيج إجتماعي متنوع
يمثل كل الوان الطيف القبلي السوداني ،
أنتظر ردك على السؤال
| |
|
|
|
|
|
|
|
|
|
Re: الحيطة والحجر ( قصة) (Re: Frankly)
|
لاولئك اقول
ماكل من أيد الانقاذ كوزا
وماكل من سب وشتم وطنيا
اهل العوض علما لم اقلها وعرب الجزيره
هم اهلنا وانسبائنا واصدقائنا ومنهم من
هم اصدقاء الطفوله
ومنذ متي كانت عرب جزيره مذمه
بطلو عقد
وان كان المشروع ده تبعكم وخاصتكم النمرق
منها نحن بقية اهل السودان
لكن ان تخرج الشاحنات من ارض الجزيره الخضراء
المرويه وهي متجهة شرقا وشمالا الي العاصمه القوميه وهي محمله باصناف
العجور المختلفه فهذا مايحز في النفس ويملاها حسرة
غدا باذن الله وفي يوم ابلج موعودون بحكومه ناصعه لا عسكر ولا كيزان
حكومه منتخبه تهز وترز ونلقاكم اتو ياكوم اتو ونفس الملامح والشبه
وكيزان الجن ديل ماحاكمين تمانين سنه
قال حق الرد قال
-----
شكرا فرانكلي
| |
|
|
|
|
|
|
|
|
|
Re: الحيطة والحجر ( قصة) (Re: الجنيد حمد)
|
بعيداً عن قصة عرب الجزيرة او عرب الجن الاحمر
تصحيح
قصة السودان سلة غذاء العالم دي مستحيل تكون ببساطة
فشلت (الادارات) السودانية حتى في تحقيق الاكتفاء الذاتي
ثم
ما يختص بالجزيرة وبما انك افترعت بوست لمحاكمة مزارعي الجزيرة
طبيعي أن تكون ملم بالتفاصيل وتفاصيل التفاصيل
اتفق مع أن المزارع في الوقت الراهن هجر الزراعة والسبب ما فنكهة ساي
السبب يالحبيب انو بنزرع وبمشي بعيد .
وبعدين اتخيل في نص الزيفة وانت بتساستق من حواشتك للترعة عشان الطرمبة تشفط موية
وقرينا في الجغرافيا أن مشروع الجزيرة يمتاز بالري الانسيابي وحاليا اتحول لمطري وري بالطلمبات
يعني تمسك السبحة وتنادي يا الله مطرة وترعتك راقدة دلجة
نمسك قصة الري وبما انو الحكومة ذات توجه ديني فحقو تمسكو في الاية (وجعلنا من الماء كل شيء حي) صدق الله العظيم
زمان زمن قبل الحكومة دي كان في خفير لكل ترعة بتقاضى راتب من الكتب وكان في حاجة اسمها قييسسين ديل بجو
في (الكنار) (والجنابي) وبجيبو سيخة يدخلوها قبل (الغلاية) وبموجبه تقاريرهم بتجي الكراكات تشيل الطمي والقش
عشان الموية تصل بالطريقة المطلوبة طبعا ده شغل الخواجات الخلوه لينا . وبجي (دوسمن) بنضف (ابوعشرين)
الموية بتفتحها من (ابوستة) وبترجاها( في التقنت الوراء ) شغل اوتماتيكي .
بعدين ماف عيش بلبن ومويتو تقطع ابداً وماف عيش بكون في (التقا) ويغرق الظاهر تقديم الساعة ده لخبت اي حاجة
وزي ما قلنا وبنقول سنة تسعة وتمانين القمح بشيلو المزارع والحكومة بتشيل شوالين لانو تحضير القمح (مخسوم) من ربح القطن
جونا ناس الله اكبر ديل بقوا بدونا شوالين وبشيلو الباقي وارباح القطن ما معروفة مشت وين .
المحاسب في المكتب مشيتلو ستة مرات في ست سنوات وكل مرة بطلع لي دين سنة 1991 شفت الشغل ده كيف ده شغل محمي بربنا
وما بنقدر نتكلم فوقو .
دحين يالمبروك ومن غير ما تزعل روحك انحنا الزراعة دي طلقناها تب طالما ما منها فائدة بس الحاجة الاكيدة ماف ود مرة بجي يقلع ارضنا
في بترول في يورانيوم ماف زول بدي ارضو تاب .
دايرين اصلاح نبدأ نتحاسب دايرين كوار زي ما بقول نافع علي نافع هزو ضرعاتكم وجيبو جبخانتكم وتعالو تلقونا في الصقيعة .
لو انت ما من الجزيرة شوف اصحابك القريت معاهم وجيرانك خلهم اليحدثوك عن الحاصل والبحصل ولو زول ناوي اصلاح تراك خالفت الطريق
ولو بدور تفقع لك مرارة زول قطع شك نجحت تب ونقولك مبروك ما قصرت .
ده ردنا على الجوطة البتحصل
وان جيتو بالرواقة
بالعقل كدي لو ما الناس قعدت في الواطة وشافت مشاكلها وين ماف زراعة في الجزيرة بتقوملها قايمة
| |
|
|
|
|
|
|
|
|
|
Re: الحيطة والحجر ( قصة) (Re: سليمان القرشي)
|
Quote:
في بترول في يورانيوم ماف زول بدي ارضو تاب .
هزو ضرعاتكم وجيبو جبخانتكم وتعالو تلقونا في الصقيعة .
وان جيتو بالرواقة
بالعقل كدي لو ما الناس قعدت في الواطة وشافت مشاكلها وين ماف زراعة في الجزيرة بتقوملها قايمة |
شكرا ليك الجنيد اخوي
كفيت ووفيت والله وماقصرت تب
اتو اصلا قاعدين تزرعو شنو؟؟؟
ماياهو القطن والقمح ده ولا شيتن تاني؟؟؟
الجاب الجبخانه والضراعات والصقيعه شنو؟؟
كل سوداني محب وممتن ويفاخر بمنطقتو ومرتع صباه
ومسقط راسه ومهنة اهله واجداده اكان زراعة ولا دق طوب
ولا خلافه
لكن لاتصل لمرحلة تعصب وحمل السلاح في وجه الدوله
ومواطنيك
عموما مساله البترول والمعادن الثمينه دي موضحه في الدستور
ويظل هذا المشروع حكرا لكل الشعب السوداني وله تجبي منهم الضرائب
في رجاء اليوم الموعود والذي طال امده
| |
|
|
|
|
|
|
|
|
|
Re: الحيطة والحجر ( قصة) (Re: عمر عثمان عبد الوهاب)
|
Quote: واكتر حكومه اشتغلت لاصلاح هذا المشروع
هي هذه الحكومه وماخلت ليكم شي ماسوتو |
لم يسبق ان شتمت كاتب هنا ........ولكنك بصراحة لقلة معلوماتك ولتبجحك الزائد ولضعف قدراتك وده مفهوم من طبيعة انتماءك للانقاذ .......اعتقد انك لا تستحق اي نوع من الرد ولو اني متكيف جدا من رد الجنيد وبعض الذين ههدوك .....وسترى انت وجماعتك اللصوص قريبا من هم اهل العوض ؟؟؟؟؟؟؟؟؟؟
وكفى
| |
|
|
|
|
|
|
|
|
|
Re: الحيطة والحجر ( قصة) (Re: عمر عثمان عبد الوهاب)
|
Quote: 1ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...
مع الاحترام لشخصك.. |
=============
أيها الكوز الما ناقش
كل الحكومات التي تعاقبت على الحكم بالسودان لم يكن منها أو فيها كوز تعيس حاقد صدره مليء بالغبن على أهل السودان عموم والجزيرة خصوص
هل تعلم أنكم أيها الإنقاذي ما فعلتم بالمشروع نبدأ بالحساب ولا نؤجله ليوم آت لا محالة ...
فقط ، التمكين اللعين ، وجياد للحديد - الأول لا يخفاكم - الثاني قام بسرقة كافة أصول المشروع وآلياته ومعداته العاملة والمعطلة وحرقها بالنيران (خردة) لتكون حديد (مسلح) له هوى وحب في نفس الكيزان ... أتعلم كم تبقى من قطارات ومعدات وآليات وسيارات المشروع الآن ؟ وكمان تقارن بالأمريكان ؟؟
ونحن هنا بهذا البوست قعود ... أنت وواحد شايفو بقى مدير إدارة شبابية (كوز طبعا) الأخير قال سعيد أيما سعادة لتوطين القمح بالشمال وذهابه من الجزيرة ... وأنت على شاكلته تسير .. هذا ومع أكيد حقدنا وكرهنا الذي لا يخفاكم لراعي ما تسمى النهضة الزراعية التعيس (على عصمان) لأنه وفّر الآليات والتراكتروات بواقع تراكتور لكل 5 مزارعين ...
عربي جزيرة وأهل العوض كمان
الشفيع إبراهيم
| |
|
|
|
|
|
|
|
|
|
Re: الحيطة والحجر ( قصة) (Re: عبدالرحمن الحلاوي)
|
عمر انت عايز تصل لي شنو وفهمك شنو
المشروع مامنتج قول مامنتج حكومتك
عايزة تقلعو تعالو بالدرب عدييييييل
وشوفو اهل العوض وعرب الجزيرة
علي حقيقتهم وان شاء الله حنستقبلكم
بالسنابل وزهرة عباد الشمس !!
| |
|
|
|
|
|
|
|
|
|
Re: الحيطة والحجر ( قصة) (Re: سليمان القرشي)
|
ردينا فوق لكن قدر ما تجي للبوست دا اعصابك تبوظ
الله يفقع مرارتك ياخ
بعدين انت بتتكلم باسم ناس الخرطوم
جيتا متين
الخرطوم دي فيها مدرسة الدناقلة ولا جيتا
لدراسة الثانوية وحتلت قبلك
هسه كان سألتو يقول ليك ود قلبا
ياخ العقول الانقاذية دي بالجد مختلة
غايتو سامحونا الواحد بقا ينبذ غصب عنو
| |
|
|
|
|
|
|
|
|
|
Re: الحيطة والحجر ( قصة) (Re: Abdo Mustafa)
|
Quote:
.
Ahmed Mohammed · متابعة
نصيحة تخدرك يا عمر عثمان وماعدمناك .. عرب الجزيرة استمراءوا بيع الانكسة والستيانات في اسواق الخرطوم وتركوا المشروع والزراعة للتشاديين والبعض منهم اصبح طالب لجوء في المنافي البعيدة ركضاً وراء الكسب السهل وبيع الذمم والضماير للمنظمات ذات الاجندة المعادية للسودان امثال هؤلاء الذين لم يعجبهم كلامك ؛ فيكفي ان نصف السودانيين اللاجئين لاسرائيل من عرب الجزيرة ؛ والاخرين رواعية عند الخليجيين وفي نفس اللحظة بطالبوا بتعويضات .. مشروع الجزيرة لم ينتج الا في فترة الاستعمار لان المستعمر كان متخذ معهم سياسة العصا فقط والكرباج بدون اي جزرة .. لو قدر الله لهذا المشروع ان يكون في ولاية النيل او الولاية الشمالية او دارفور او كردفان بالتاكيد كان حال السودان اتبدل 180 درجة للاحسن طبعاً . لكن ماذا نقول اهملوا المشروع ويريدون ان يلصقوا فشلهم بالحكومة .. منذ الاستقلال تبدلت عشرون حكومة ومشروع الجزيرة مازال يراوح مكانه سر كحمار الشيخ في العقبة . عجبياها ياعبدو شوف فقع المرارة الصح
.
Ahmed Mohammed · متابعة
نصيحة تخدرك يا عمر عثمان وماعدمناك .. عرب الجزيرة استمراءوا بيع الانكسة والستيانات في اسواق الخرطوم وتركوا المشروع والزراعة للتشاديين والبعض منهم اصبح طالب لجوء في المنافي البعيدة ركضاً وراء الكسب السهل وبيع الذمم والضماير للمنظمات ذات الاجندة المعادية للسودان امثال هؤلاء الذين لم يعجبهم كلامك ؛ فيكفي ان نصف السودانيين اللاجئين لاسرائيل من عرب الجزيرة ؛ والاخرين رواعية عند الخليجيين وفي نفس اللحظة بطالبوا بتعويضات .. مشروع الجزيرة لم ينتج الا في فترة الاستعمار لان المستعمر كان متخذ معهم سياسة العصا فقط والكرباج بدون اي جزرة .. لو قدر الله لهذا المشروع ان يكون في ولاية النيل او الولاية الشمالية او دارفور او كردفان بالتاكيد كان حال السودان اتبدل 180 درجة للاحسن طبعاً . لكن ماذا نقول اهملوا المشروع ويريدون ان يلصقوا فشلهم بالحكومة .. منذ الاستقلال تبدلت عشرون حكومة ومشروع الجزيرة مازال يراوح مكانه سر كحمار الشيخ في العقبة . عجبي
|
Quote:
.
Ahmed Mohammed · متابعة
نصيحة تخدرك يا عمر عثمان وماعدمناك .. عرب الجزيرة استمراءوا بيع الانكسة والستيانات في اسواق الخرطوم وتركوا المشروع والزراعة للتشاديين والبعض منهم اصبح طالب لجوء في المنافي البعيدة ركضاً وراء الكسب السهل وبيع الذمم والضماير للمنظمات ذات الاجندة المعادية للسودان امثال هؤلاء الذين لم يعجبهم كلامك ؛ فيكفي ان نصف السودانيين اللاجئين لاسرائيل من عرب الجزيرة ؛ والاخرين رواعية عند الخليجيين وفي نفس اللحظة بطالبوا بتعويضات .. مشروع الجزيرة لم ينتج الا في فترة الاستعمار لان المستعمر كان متخذ معهم سياسة العصا فقط والكرباج بدون اي جزرة .. لو قدر الله لهذا المشروع ان يكون في ولاية النيل او الولاية الشمالية او دارفور او كردفان بالتاكيد كان حال السودان اتبدل 180 درجة للاحسن طبعاً . لكن ماذا نقول اهملوا المشروع ويريدون ان يلصقوا فشلهم بالحكومة .. منذ الاستقلال تبدلت عشرون حكومة ومشروع الجزيرة مازال يراوح مكانه سر كحمار الشيخ في العقبة . عجبي
andaelig; |
| |
|
|
|
|
|
|
|
|
|
Re: الحيطة والحجر ( قصة) (Re: عبدالعزيز عثمان)
|
مشكلة السودان هي ان هنالك وليدات جاءوا علي ظهر دبابه وقالوا عايزين يحكموا السودان. فحكموا من غير فكر وتخطيط الاقتصادي. وتم دمار هيبة مكونات الدولة بما يسمى التمكين. لم تكن لهم الرغبة لتطوير القطاع الزراعي. ولم يكن لهم اهتمام بالمزارع او الدورة الزراعية. زمن المشروع بخير. جهزنا ابان ستات ورفعنا التقانت. وزرعنا وروينا ونظفنا الحواشة وشلخنا ولقطنا القطن وقلعنا القطن و حصدنا القمح والعيش. كان الكل يعمل بجد واجتهاد في المشروع. والآن تجار الدين يعملون بجد واجتهاد لإثبات عدم جدوي المشروع حتي يباع. لكن هيهات فدمنا الذي انهكته البعوض وسكنت فيه الملاريا سوف يروي اول سرابه تباع في المشروع.
انور احمد
| |
|
|
|
|
|
|
|
|
|
Re: الحيطة والحجر ( قصة) (Re: عبدالعزيز عثمان)
|
Quote:
الله يفقع مرارتك ياخ
بعدين انت بتتكلم باسم ناس الخرطوم
جيتا متين
الخرطوم دي فيها مدرسة الدناقلة ولا جيتا
لدراسة الثانوية وحتلت قبلك
هسه كان سألتو يقول ليك ود قلبا
|
انا دنقلاوي جيت وحتلت في الخرطوم ياعبده
وجينا لقيناكوم قدامنا اول الحاتلين وكاسرين كرونه و ركب
العاصمه دي مليانه بي منو غيركم؟؟؟
ومحلما نقبل نلقاكم حاتلين قدامنا
بس بسعلك
اتا العوض البتخوفونا بيهو ده انحنه لاقريناهو في مدارس لا كتب
ولا في تاريخنا القديم ولا الجديد
بالله نورنا وادينا نبذه عنو
| |
|
|
|
|
|
|
|
|
|
Re: الحيطة والحجر ( قصة) (Re: عمر عثمان عبد الوهاب)
|
Quote: واكتر حكومه اشتغلت لاصلاح هذا المشروع
هي هذه الحكومه وماخلت ليكم شي ماسوتو |
فعلا الحكومة ما خلت شيء ما سوتو لخراب المشروع.. وامسك عندك:
1- الحكومة قامت بإحالة المهندسين الأكفاء للصالح العام من وزارة الري، والمفتشين ذوي الخبرات.. لتستبدلهم بأغرار من الموالين للحكومة.
2- الحكومة قامت بتشليع المؤسسة الفرعية للحفريات وأعمال الري، هذه المؤسسة العريقة المختصة بالترع واقنوات حفرها وصيانتها وهندستها، ليقوم بأعمال المؤسسة مجموعة شركات وهمية للمتنفذين من الموالين للحكومة تأخذ مقاولاتها بالباطن ولا عطاءات معلنة.
3- الحكومة قامت بتشليع سكة حديد الجزيرة التي تنقل مدخلات الزراعة وتنقل المحاصيل الي وجهاتها، شردت موظفيها وعمالها، وباعت عرباتها وقضبانها،، ولك ان تعرف لمن تم بيع العربات والقضبان..
4- الحكومة شردت حتى عمال القناطر والقياسين المسئولين عن مغرفة مستوى الماء في كل ترعة، وصارت البيوت المخصصة لهم في القناطر خرابات، واستبدلتهم بعطالى موالين للحكومة يحومون بالمواتر ولا يقر لهم قرار ولا بعملون عملا ولا يعلمون علما في شؤون الترع ومناسيب الماء فيها.
5- الحكومة شلعت الهيئات المختصة بفحص البذور ومعرفة صحيحها من سقيمها لينظر لنا وزيرها بالبذور التركية المضروبة التالفة.
حيكومة حيكومة سجم
حيكومة ما خابرالنا شيء
فلتذهب الى الجحيم
ولتذهب الى مزبلة التاريخ غير مأسوفا عليها تتبعها لعنات المزارعين والبسطاء وأهل الهامش
| |
|
|
|
|
|
|
|
|
 Re: الحيطة والحجر ( قصة) (Re: اشرف السر)
|
Quote:
الحليله سلام
البوست ماسخيف ولا فيهو حقد ولا ضغينه
ومن حق اي سوداني وحقي اتكلم زيما انا عاوز
في هذا المشروع العاوزين تعملو لينا منو دارفور تانيه
مادام بقيتو تمعطو في الحكومات حكومه ورا حكومه وتسيسو المشروع
لغاية مادمرتوهو وبقي خراب خلي الناس تمعطكم
وياتنعدلو وتشمرو عن سواعدكم وتشتغلو ياترفعو عنو يدكم
وسالفة الحكومه مامساعدانا دي بقت اسطوانه مشروخه
(علي فكرة محدثك تربال ود ترابله) |
| |
|
|
|
|
|
|
|
|
|
Re: الحيطة والحجر ( قصة) (Re: elhilayla)
|
Quote: واكتر حكومه اشتغلت لاصلاح هذا المشروع
هي هذه الحكومه وماخلت ليكم شي ماسوتو
|
فى تسعينات القرن الماضى استضاف الاستاذ بابكر حنين فى برنامجه ( بصراحة ) البروفسير فتحى محمد خليفة زول نافع على نافع والمدير الاسبق للمشروع , فى الحلقة دى اتصل واحد من المزارعين وقال ليه انت وعدت المزارعين باشياء كثيرة ولم تقم بتنفيذ ولا وعد واحد من هذه الوعود ,وكان رده نعم انا بشرت المزارعين لانو ديننا الحنيف يطلب منا تبشير الناس , فواحد ساخر علق قال , نعم هذا هو دين الكيزان الذى يبشر الناس بالكذب !
وهو نفس المدير الذى علق على طلب المتعهد الرئيسى الذى يقوم بترحيل الاسمدة الى تفاتيش المشروع المختلفة سنويا من مخازن رئاسة المشروع فى بركات والذرة والفول اليها بشاحناته وهو مزارع ايضا ومن نواحى الجاموسى بعبارة ( الله يكون فى عونك ) عندما طلب جزء بسيط من استحقاقاته المجمدة طرف المشروع لاكثر من خمسة مواسيم بحجة ادارة المشروع ما عندها سيولة وذلك عينا من الذرة الخاصة بادارة المشروع والمخزنة فى مخازن بركات بغرض تغطية قيمة شيكات مستحقة عليه والذى دخل بسببها السجن وخرج منه بضمانة شخصية حتى يتكمن من سداد قيمة الشيكات !
| |
|
|
|
|
|
|
|
|
|
Re: الحيطة والحجر ( قصة) (Re: خالد حاكم)
|
Quote:
Ahmed Mohammed · متابعة
نصيحة تخدرك يا عمر عثمان وماعدمناك .. عرب الجزيرة استمراءوا بيع الانكسة والستيانات في اسواق الخرطوم وتركوا المشروع والزراعة للتشاديين والبعض منهم اصبح طالب لجوء في المنافي البعيدة ركضاً وراء الكسب السهل وبيع الذمم والضماير للمنظمات ذات الاجندة المعادية للسودان امثال هؤلاء الذين لم يعجبهم كلامك ؛ فيكفي ان نصف السودانيين اللاجئين لاسرائيل من عرب الجزيرة ؛ والاخرين رواعية عند الخليجيين وفي نفس اللحظة بطالبوا بتعويضات .. مشروع الجزيرة لم ينتج الا في فترة الاستعمار لان المستعمر كان متخذ معهم سياسة العصا فقط والكرباج بدون اي جزرة .. لو قدر الله لهذا المشروع ان يكون في ولاية النيل او الولاية الشمالية او دارفور او كردفان بالتاكيد كان حال السودان اتبدل 180 درجة للاحسن طبعاً . لكن ماذا نقول اهملوا المشروع ويريدون ان يلصقوا فشلهم بالحكومة .. منذ الاستقلال تبدلت عشرون حكومة ومشروع الجزيرة مازال يراوح مكانه سر كحمار الشيخ في العقبة . عجبياها ياعبدو شوف فقع المرارة الصح
|
الاخ عبدالعزيز
ارفض وبشده هذا الاسلوب في حق اخوانا اهل العوض
مثل هذه التغريدات يستوجب اولا اخد الاذن من صاحب البوست
ونصيحة للاخوة الاعضاء( ماكل مادة تنقل للبورد من هنا وهناك)
عموما اعتذار كبير لاهل العوض
| |
|
|
|
|
|
|
|
|
|
Re: الحيطة والحجر ( قصة) (Re: عمر عثمان عبد الوهاب)
|
يا العشا أب لبن الكلام على عواهنة ودردرب كدا ما بغلب ليهو كائن له
يدين وعينين وكيبورد .. جيب احصائيات تعريفات أرقام تواريخ أدلة على إنو
عرب الجزيرة عملوا الحاجة القلتها دي لى لقفة ملاح العالم وإلا إتا متجني كبير
كايس الشهرة على حساب عرب الجزيرة أو بالضرورة مستفيد من وراء ما تجشأته من
خارم بارم وعوك عاك ..
إتا كدنقلاوي شنو البمنع الناس تجىء تخبت وتردم في الدناقلة بما فيهم وليس فيهم
إن لم يكن الخوف من الله أولا و الأخلاق وشرف الكلمة ثانيا .
من جهة أخري وحسب مفهومك الإستعدائي دا اتا كراجل يفترض أن تضرب
حجارة الجبل عشان تعمل ليك قفة غذاء لنفسك ولعالمك القلتو دا .. فليييي عايز تتفنقل
تنوم وتنتظر عرب الجزيرة عشان يزرعوا ليك ويطمعوك ليها ؟؟ لو كتا شايف
انو الجماعة ديل ما قادرين على المشروع دا فدق صدرك ان كان عريض واللا ضيق
وشمر ثم أمش اتولي الأمور عشان يكون بيان بالعمل مش وررررررك ورراك ساي.
يا عمر عثمان من أي فج عميق بالكون هبطت للأرض ؟
| |
|
|
|
|
|
|
|
|
|
Re: الحيطة والحجر ( قصة) (Re: طلحة عبدالله)
|
Quote:
يا العشا أب لبن الكلام على عواهنة ودردرب كدا ما بغلب ليهو كائن له
يدين وعينين وكيبورد .. جيب احصائيات تعريفات أرقام تواريخ أدلة على إنو
عرب الجزيرة عملوا الحاجة القلتها دي لى لقفة ملاح العالم وإلا إتا متجني كبير
كايس الشهرة على حساب عرب الجزيرة أو بالضرورة مستفيد من وراء ما تجشأته من
خارم بارم وعوك عاك ..
إتا كدنقلاوي شنو البمنع الناس تجىء تخبت وتردم في الدناقلة بما فيهم وليس فيهم
إن لم يكن الخوف من الله أولا و الأخلاق وشرف الكلمة ثانيا .
من جهة أخري وحسب مفهومك الإستعدائي دا اتا كراجل يفترض أن تضرب
حجارة الجبل عشان تعمل ليك قفة غذاء لنفسك ولعالمك القلتو دا .. فليييي عايز تتفنقل
تنوم وتنتظر عرب الجزيرة عشان يزرعوا ليك ويطمعوك ليها ؟؟ لو كتا شايف
انو الجماعة ديل ما قادرين على المشروع دا فدق صدرك ان كان عريض واللا ضيق
وشمر ثم أمش اتولي الأمور عشان يكون بيان بالعمل مش وررررررك ورراك ساي.
يا عمر عثمان من أي فج عميق بالكون هبطت للأرض ؟ |
طلحه السلام عليكم
ياخوي اتا مسخن كده مالك؟
ووين انا شتمتكم؟؟ شنو العشا بلبن وشهره وتشجأته والكلامات
الكباره كباره دي؟
انتو الكل واحد فيكم جايي فاتل شنباتو واهل العوض اهل العوض
من اين اتيتم بهذه العنجهيه التي لاتشبه اي سوداني اينما كان
وان لقيتلك فرقه في الدناقله ياللخو اخبت واردم
لا بنقول نحنا شرفنجي ولا فقيرنجي
واكان لي قفه الغذاء السودان ده كلو بزرع وبياكل
وكافين خيروم شرهم علما بانهم فقراء ومعدمين ولا يتلقون
اي دعم من اي جهة سوي من ابنائهم ومن خلال جمعياتهم وتعاونياتهم
التي يشكلونها هم انفسهم
واحد يقوليك ان قربته من ارض المشروع تنضرب جبخانه
والتاني يقوليك تعال ورينا البيان بالعمل وازرع
اها وكلاما يقد اضانك
اتو ماقادرين علي المشروع
وماعايزين غيركم يدق طوريه فيهو
وتمانين سنه واكتر مالاقين منكم غير العجور والشكيه
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: Frankly)
|
اللخو
متهمين سرقة أصول وأموال المشروع .. بتعرف فيهم واحد من ناس الجزيرة ؟
ثم ايها الإنقاذي الكوز ..بواكير ايامكم السوداء على أهل السودان ... القمح كان وارد روسيا؟
ومطاحن كبرو ، مارنجان ، حنتوب وغيرها .. كيف شغالة من وين بتستورد القمح ؟
محالج ، ومغازل ونسيج الجزيرة بتعرف عنها شيء ؟
قسما جاهل وراسك قرعة ... وباحث عن الشهرة وقلت أحسن شيء أدخل باب الشهرة من جهة الجزيرة (أهل العوض) لكن وقعت ما سميت ...
العوض ود أبو العوض
الشفيع
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: Alshafea Ibrahim)
|
العزيز / عمر والاخوة الافاضل تحياتي
سؤال لصاحب البوست
ما هو المطلوب من مزارعي الجزيرة ؟
هل نقوم باخلاء الارض ؟
هل نصمت ام ندافع عن حقوقنا ؟
ما هي الخطة الاصلاحية التي تريدها الحكومة ؟
وهناك سؤال لم تتم الاجابة عليها
ماذا قدمت حكومة المؤتمر الوطني لمشروع الجزيرة ؟ وبصورة اشمل للسودان ككل ؟
حيث ذكرت في مستهل البوست أن هذه الحكومة قدمت ما لم تقدمه حكومة اخرى
كدي نعمل جرد حساب ونسمع حسابك
............................
نحن ونحن هذه إنابة عن كل مزارعي الجزيرة
مع اي خطة اصلاحية تعيد لمشروع الجزيرة عافيته ويستفيد منها في الاساس المزراع .
اي محاولة لخلق صراعات داخل اوساط المزارعين ستواجه بما هو واجب
من الاخر كده
قلتو اصلاح حبابو
والاصلاح ما بخص الجزيرة بس
قضية الجزيرة جزء من قضية السودان .
اي أن الحديث عن الاصلاح يكون عن السودان ككل
ثم ياعزيزي
نحن لا نشتكي لاحد ولا نريد عون من احد ولم نستلم عون من احد
وقادرون على الحفاظ على حقوقنا مهما كان الثمن
بالنسبة للجبخانة
ممكن تجاوب على السؤال ده وتعرف ليه هي
لو جاك زول وداير يشيل بيتك حمرة عين اها شن بتسوي ؟
الحواشات دي بيوتنا
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: الجنيد حمد)
|
| Quote: ....انا دنقلاوي جيت وحتلت في الخرطوم ياعبده |
طيب بتتحدث باسم ناس الخرطوم مالك
ياخ لو عايز تشتهر في مليون طريقة بدل البتسوي فيهو دا
Quote: .من منحه الله عقلا يفكر به لابد ان يكون انقاذي
لاحظ (انقاذي وليس مؤتمر وطني)... |
وحكاية انقاذي وليس مؤتمر وطني دي .... بتاكد عدم الاتزان العقلي زاتو
عايز تورينا انو في تيار تاااااااني جوة الحركة الإسلامية بنادي بالانقاذ ويرفض الحزب
اها ديل دايرين شنو يقلعو الأراضي ويدوك ليها انت تزرعا
يا ذول ما تخليك في النعمة الملكوك ليها دي كان وظيفة ولا مزرعة
وارتع فيها ومالك ومال ناس الجزيرة
......الاخ فرانكلي الكلام راح ليك بقيت مركز في عميق
ما لقيت ليك فدان موز يبقالك مدخل
.... مش انت بتقول السودان اولا.... ولا خليتا
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: طلحة عبدالله)
|
التحية لاهل الجزيرة الميامين الذين كانوا شموعا تحترق لتنير الطريق لأهل السودان
فقد كان المشروع دعامة من دعامات الإقتصاد ال سودانى الى أن أتت مافيا الكيزان
فى العام 1989 فأتت بسياسة التحرير التى قضت على الأخضر واليابس وكان وبالا
على الزراعة فى كل السودان إذ أصبحت التكلفة عالية جدا وعند الإنتاج لا يوجد
تسويق مما أدى الى خروج المزارعون من دائرة الإنتاج الى رحاب السجون .
الأخ عمر عثمان أرجو الإستماع لكلام باشمهندس تاج السر مصطفى حتى تعلم
مدى الجرم الذى إرتكبته الإنقاذ فى حق مشروع الجزيرة .
جمال خضر
مزارع سابق بالقضارف ملدوغ من أفعى الإنقاذ التى لدغت مزارعى الجزيرة
وبقية مزارعى السودان .
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: جمال خضر)
|
للمرة الثانية ـ
سؤال موجه لصاحب البوست ـ وله ما بعده
ماذا تقصد بالعبارة أعلاه
علماً بأن الجزيرة مثلها ومثل سائر ولايات السودان يسكنها نسيج إجتماعي متنوع
يمثل كل الوان الطيف القبلي السوداني ،
أنتظر ردك على السؤال
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: سامى عبد المطلب)
|
Quote:
للمرة الثانية ـ
سؤال موجه لصاحب البوست ـ وله ما بعده
ماذا تقصد بالعبارة أعلاه
علماً بأن الجزيرة مثلها ومثل سائر ولايات السودان يسكنها نسيج إجتماعي متنوع
يمثل كل الوان الطيف القبلي السوداني ،
أنتظر ردك على السؤال |
محمد بصيري السلام عليكم
ياخوي اتا متحسس من عرب جزيره دي ليه؟
اي زول حتي لو شايقي يسكن الجزيره بنقوليهو
عرب جزيره ومما قمنا بنسمع ده جعلي وده سنجك
وده عرب جزيره وده غرابي وده ادروب وده حلفاوي
والجزيره لينا فيها اقرباء واهل ,عرب جزيره برضو
فما الغريب في هذا الامر
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: عمر عثمان عبد الوهاب)
|
Quote:
يا زول يا وهم انت نزرع عجور نزرع بنقوا واطاتنا ونحن حرين فيها
وان بقت حيكومتك ده عندها فيها حق خليها التجي تقلعوا مننا
|
اخ سامي سلام عليكم
لا ماحرين فيها والله
فنحن مازلنا متمسكين بقومية مشروع الجزيره
ومازلنا متمسكين بان يوفر هذ1 المشروع لخزينتنا
ودخلنا القومي عائدا يصلح حال البلاد والعباد
بدل مالحكومات حكومه ورا حكومه تشيل وتغرف وتكب قريشاتنا في
تعويضات وبدلات وترضيات وتسويات جل الشعب السوداني
لايعرف الي اين تذهب كل هذه الاموال
زمان كان بالعشرات ثم الوفات قفزت الي الملايين ثم الان بالمليارات
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: عمر عثمان عبد الوهاب)
|
Quote:
يا ذول ما تخليك في النعمة الملكوك ليها دي كان وظيفة ولا مزرعة
وارتع فيها ومالك ومال ناس الجزيرة
|
عبده مصطفي ياراجل ياطيب
وظيفه ومزرعة بتاعة فنلتك؟؟
اخوك في الله مغترب ميه سنه
وحياتك لا امتلك الا حتيته بويت سكن
شعبي قريب ليكم في الصقعي(الصفوه)
ولي يوم الليله بسدد في اقساطو
ماعلينا بي كيزان ولا طشاطه
حكومه عاجبانه وساره بالنا
ولن نفرط في معلقه منها
ومايهمنااداؤها علي الارض والذي تفوقت فيه علي كل الحكومات
ورئيس صادق قوي امين يخرج كلامه من القلب
ليستقر في قلوب الجماهير مباشرة
والتعامل مع كافة القضايا التي تهم الوطن
والمواطن بكل عقلانيه وحرفيه وحلحلتها
اعادة كرامتنا وعزتنا التي اهدرت لسنوات طوال
بعدما كنا ملطشه لليسوي والمايسوي
دع عنك النظر الي شكل الكوز من خارجه
وتفحص مابداخله تجده ماءا عزبا زلال ان شاءالله
والاتي من الايام مشرق باذن الله
بس اتو لوكو الصبر
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: عمر عثمان عبد الوهاب)
|
والله يا جماعة أنا ما قايل البوست ده ممكن يكون موضوعو كده
كنت قايل ناس السودان ديل بعرفو مشروع الجزيرة وأهل الجزيرة وفضلهم على البلد وأهلها
من سنة 1925 عرق ناس الجزيرة يعود خيرات على السودان وأهله ، وناس الجزيرة صابرين ومثابرين ، عشان الباقين يلقوا التعليم المجاني والصحة المجانيى
وعشاان ينهزم الجوع الكافر .. والله يا جماعة ولد فنطوط زي ده يجي في ظروف زي دي يعضي اليد القدمت ليهو الخير ،
ما كنّا متوقعين إنو التعليم الأنحنا كنا بننفق عليهو سنتج عنه مثل هؤلاء الأوغاد..
ويجي زاحد تاني معروف الانتماء يقول ليك بوست عميق .. طيب علمناكم كانت دي النتيجة .. هسة دايرننا كمان نأكلكم
تاكلوا الكريق إن شاء الله
نأكلكم ليه ؟عشان المشروع قومي ؟ قومي دي يعني نحن نسوي الكسرة وانتو تجوا تاكلوا لا شكرة لا حمدة ؟
الأرض دي ملك لجدودنا : مافيها شبر واحد ملك للحكومة ، ونحن متحكرين فيها ، نقعد نقوم على كيفنا .. ومتجذرين فيها ما بنقلع منها حتى يوم القيامة ذاتو يحاسبونا جوة أرضنا
والجنة ذاتا مادايرنها .. دايرين جزيرتنا دي .. وبكرمنا الذي غمرناكم به سيحرم الله لحومنا على النار .. ةسيدخل فيها كل من يجحد مثل جحودك ..
والله لو أن إنسكم وجنكم وأولكم وآخركم اجتمعوا على أن يأخذوا شبرا من ارضنا ، فلن يجدوا منا إلاا التصدي والمواجهة الشرسة
والله آخر زمن ، اتحاد ابناء المايقوما ، والملاقيط ، والمقاطيع ، والهوانات ، والمطرطشين .. جايين يتكلموا في عرب الجزيرة ..
ثورة أهل العوض المسلحةثورة أهل العوض المسلحة
http://http://www.sudaneseonline.com/cgi-bin/sdb/2bb.cgi?seq...902824andfunc=flatview
قال شيخ من أهل العوض :
نحن آجنيات سكتنا وشلنا الشيلة ، وقلنا الناس ديل أخوانّا ومافي مانع نقسم معاهن شقانا وعرقنا ، لكين هن ما رضوا ، وقالوا دايرين يقعدوا مع الحكومة ويقسموا معاها ، بس المشكلة هم ناسيين أنو الحكومة ذاتها بتاكل من عرقنا ومن شقانا نحن ، الحكومة لا زرعت لا حشّت ، ولا ربّت ولا رضّعت ، القطن ده من الله خلقنا نحن نزرعو ونحشّو ونسقيهو ونرفع جداولو ونشلخو ونلقطّو ونكبسو في الشوالات ونرحّلو للمحطة فوق جمالنا وحصينّا ، ونرجى الحساب البجيبو لينا ، ونرضى بالقاسمو لينا رب العالمين ، ونقول كان في شيتا شالوه منّنا بيمشي لي أخوانّا كان في الشرق وللا الغرب وللا الجنوب وللا الشمال .
بس أخوانا طمعو كتير وقالوا داريرين حقهم ، سووا ليهن حق في شيتا لا زرعوه ولا حشّوه ولا لمّوه ، عاد آجماعة الحق ده كيفنو ؟ نحن زرعنا وسقينا وحشينا ، ولما قطنّا نوّر قلنا ليكن تعالوا ، القطن قرّب يفقع ، تعالوا لقطوه معانا ، قتّو : لا ، نحن ما ناس لقيط ، نحن بنبيع الموية في الخرتوم ، ونحرس العمارات والبيوت البيبنو فيها جديد ، ومشيتوا وخليتونا ، ونحن قمنا اتحزمنا واتلزمنا وشمرنا ولقطنا القطن ، شيتا قدرنا عليهو ، وشيتا خليناهو في شدرو ، وصلناهو لمن بقى دولارات ، ولمن جاء وقت القروش جيتو قتّو دايرين حقكن ، عاد آجماعة حقا ليكن وين .
الحكومة قالت الناس ديل عندهن حق ، والناس ديل شايلين سلاح ، ونحن لازم نديهن حق ، وكان ما أديناهن حقهن بسوو لينا حرب ، دحين آجماعة إتو اتنازلوا من حقكن لي أخوانكن ديل .
قلنا آجماعة ما في مشكلة نحن اتنازلنا ، وعمرنا كلو نحن متنازلين ، لكن الجماعة ديل لما جاهم البترول والبلد بدت تصّلح فندروا فد مرة وقالوا تب ما معانا شريك . الحكومة قالت : آي ، كلام الجماعة ديل صاح ، بس نحن بنحنّسن عشان يدونا شوية بترول معاهن ، والحكومة حنست الجماعة ورضوا يدّوها شوية بترول ، لا حايق جاي ولا جاي ، أها قنّا ليهن ما دام أبيتو بي بترولكن نحن كمان بنابى بي قطنّا ، وكل زول يموت بي شغلتو ، قالوا لا القطن ده من زمان مقسم ، وما في طريقة يتغير تقسيمو ، ونصيبنا منّو ياهو نصيبنا ،
قنّا ليهم الكلام ده عيب ، وده كلاما بجيب اللوم ، قالوا والله يجيب اللي يجيبو ، نحن ما عندنا شغلة ، الحكومة قالت : آجماعة هوي ، الناس ديل معاهن سلاح ، ونحن ما بنقدر عليهن ، وامريكا معاهن ، دحين آجماعة ارضوا بالقسمة القالوها دي .
قلنا للحكومة : خلونا نقعد برانا ونشوف كلامكن ده ، ونقلّبو جاي وجاي ، وبعدين نقول ليكن راينا ، الحكومة قالت : بس ما تطولوا ، عشان أمريكا دي مستعجلة والجماعة ديل زي ما قّنا ليكن شايلين سلاح .
قعدنا أنا وحاج علي وحاج أمحمد ود الزين وحاج بخيت ود النور ومعانا فاطنة بت دفع الله ، قعدنا في ديوان حاج الطاهر ود اللمين ، والطاهر زاتو حاضر معانا .
آزول قدر ما نضمنا ما اتفقنا ، وشوية شوية جونا الوليدات ، وشوية آزول جاتنا البنيات ، والحلة كلها آزول إنخمت ، تقول في زولا كورك ليهن ، والله ناس جوة الديوان ، وناس قاعدة في الضل ، وحاج الطاهر ووليداتو ما قصّروا والله كفّوا الناس كلّهن ، شاهي وموية ،
أها آزول بيني وبينك الوليدات والبنيات راين غلب علينا نحن الكبار ، وقالوا ستين يمين ما نقبل بي جنس الكلام ده ، وقام ود الحسين آزول نضم ، باقي هو ولدا متعلم بلحيل وقاري ، وكمان كايس بلدة ، بعرف الناس كلهن ، لي ناس الحكومة ديل آزول بعرفن واحد واحد ، والله الجنا مو جنا نصاح ، مرق ليهن المدسوسة كلها وما خلا ليهن جنبا يرقدو عليهو ،
والله آزول أتاريهن كلهن حرامية ، ونحن أتارينا ما جايبن خبر ، قلنا الجنيات المتعلمين ديل مادام عارفين متل ده ، مالن من زمان ما فتوه لينا ،
آزول الجنا ود الحسين قال لينا تب ما ترضو ، أكان دايرن يقاسمونا في قطنّا ده ، نحن كمان نقاسمن في بترولن ، وأكان مادايرين يقاسمونا في البترول نحن بنمسك قطنّا علينا .
قنا لي ود الحسين ، تعال آجنا ، إت بتقول كلاما متل ده ، وأكان الحكومة دي جاتنا بي سلاحا نسوي شنو ؟
قال ود الحسين : اللي يقابلكن بالسلاح قابلوه بي السلاح ،
قنّا لي الجنا : آجنا سلاحا لينا وين ؟
قال :
العكاكيز والفرارير والسككّن .
قلنا ليهو الناس البيكاتلو ديل عندهن غابات وعندهن جبال ونحن ده كلو ما عندنا
قال :
أدخلوا غابات القطن ، والعيش ، ألبدو في أمّات عشارين ، ووسط العدسي
وهكذا انطلقت الثورة المسلحة تقودها جبهة تحرير السودان الجديدة جنودها وقياداتها هذه المرة من أهل العوض
| |
|
|
|
|
|
|
|
|
|
Re: مشروع الجزيرة ومسؤولية الفشل (Re: ودقاسم)
|
Quote: ......................عبده مصطفي ياراجل ياطيب
وظيفه ومزرعة بتاعة فنلتك؟؟
اخوك في الله مغترب ميه سنه
وحياتك لا امتلك الا حتيته بويت سكن
شعبي قريب ليكم في الصقعي(الصفوه)
ولي يوم الليله بسدد في اقساطو
ماعلينا بي كيزان ولا طشاطه
حكومه عاجبانه وساره بالنا
ولن نفرط في معلقه منها
ومايهمنااداؤها علي الارض والذي تفوقت فيه علي كل الحكومات
ورئيس صادق قوي امين يخرج كلامه من القلب
ليستقر في قلوب الجماهير مباشرة
والتعامل مع كافة القضايا التي تهم الوطن
والمواطن بكل عقلانيه وحرفيه وحلحلتها
اعادة كرامتنا وعزتنا التي اهدرت لسنوات طوال
بعدما كنا ملطشه لليسوي والمايسوي
دع عنك النظر الي شكل الكوز من خارجه
وتفحص مابداخله تجده ماءا عزبا زلال ان شاءالله
والاتي من الايام مشرق باذن الله
بس اتو لوكو الصبر... |
ياذول مافي ذول بباري الجماعة ديل الا لاقي فيهم كدة
وماتقنعني بإغترابك دا
لانو كان مغترب اكتر من عشرة سنين ما بتقول كلامك دا علي ناس الجزيرة
ومشروع الجزيرة
حتي لو كنت هاوي سياسة جديد
قومية المشروع دي غطسو حجرا ناسك البتتغزل فيهم ديل
فاحترامن ليهم قول كلمة حق ... علي الاقل كلمة الحق البقولوها هم
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
هسي نحن نعمل شنو ..
نقع في رقبتنا دي نكسره ..
البشير وحكومته يشتمونا ديل حسابنا معاهم بعدين ..
لكن الناس الزينا زيهم ديل نقع بيهم وين ..
واحد مطلعنا بتاعين لباسات ..
وواحد يطلعنا عرب ساي وعالة على البلد دي ..
كدي نحن خلينا جاوب على أسئلة الجنيد حمد دي ..
وجاوب إنت دورك شنو في البلد دي شنو وهل سددت دينك عليها ..
ما ياك حايم في بلاد الله وبعتها في اول ملف ما كان تنخجر فيها وتشيل ليك طورية تكدح فيها ..
والله سهل الشتيمة في خلق الله والتنظير من خلف الكيبورد ..
يمين أي واحد دخل ليك في البوست دا بكون بات حارس الموية عشان يسقي حواشته ..
بكون حافظ الحواشة سرابة سرابة وبكون حشاها ألفمائة مرة ..
أها النجي للجد والنوريك قناعاتي ..
زمان ودا رأيي إنه البلد ما ح تتصلح إلا النار المدسوسة تحت الرماد دي تمرق ..
وكل واحد يعرف مكانته لا فرق بين شمالي وجنوبي ولا شرقي ولا غرابي ولا أسود ولا أبيض ..
البلد دي حقت كل زول سوداني بدون تفرقة ولا عنصرية ..
لابد أن تكمل آخر طلقة في البندقية ويقتنع الجميع أن الوطن لنا جميعاً بدون فرز ..
وللكلام بقية ..
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: معتصم دفع الله)
|
لم تبخل الارض يوما علي الانتاج..
ولكن الارض مثل كائن حي تحتاج للنظام والرعاية...
فمنذ فجر الحكومات الوطنية اخذت الدولة علي عاتقها شئون ادارة وتنظيم المشروع،فكان مجلس ادارة المشروع المعين والمراقب والمحاسب من الدولة،وكان المشروع الذي وظيفة ادارته كامل التخطيط والتنظيم والاشراف علي العملية الزراعية...
بحوثا،عينات،تربة،تحضير،مدخلات،ري،هندسة زراعية،مكافحة حشرية،فباريك،تسويق،،نظام ورقابة وادارة كامل العملية الفلاحية...
الفلاح وظيفته ادارة وتنفيذ كل البرامج في حقله.
يشرف الغفير علي الري
يشرف الصمد علي المزارع
يشرف ويتابع ويدير المكتب منسقا مع كل الجهات.....
اين حدث الخللل.؟
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عبدالعزيز عثمان)
|
الاخ عمر،،اتمني ان تواتيك الشجاعة وتعتذر انت يا محترم.
فانا واضح جدا انك غير ملم بماساة الجزيرة،اهلا وارضا..
ولم تتحسس عن قرب اوجاعهم والزلزلة التي دهتهم..
انت عندك تصور مسبق خاطئ شكلته شائعات
ومكايدات وغبن لاسباب تخصها..
الا وان مابالجزيرة من مرارات واحن،احاسيس
الحسرة ان يملك الانسان كل هذه الارض البتول
وينام جائعا،ذلك ان ارضه اجدبت
وينام جائعا،ذلك ان ارضه اجدبت اهلكها العطش
فالت للبوار...
نحن فيي الجزيرة لسنا هواة سياسة،شكل المشروع حياتنا
وحين ادركه البوار بسبب سياسات خاطئة
امتلانا اسي،وزاد الاسي الحملات الجائرة
لابلسة المزارع الطيب المحب،الصابر علي الضيم
الفاعل السمح.
فنرجوك يكفي الجزيرة ما تذوقه من هوان وخذلان
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عبدالعزيز عثمان)
|
Quote:
والله يا جماعة أنا ما قايل البوست ده ممكن يكون موضوعو كده
كنت قايل ناس السودان ديل بعرفو مشروع الجزيرة وأهل الجزيرة وفضلهم على البلد وأهلها
من سنة 1925 عرق ناس الجزيرة يعود خيرات على السودان وأهله ، وناس الجزيرة صابرين ومثابرين ، عشان الباقين يلقوا التعليم المجاني والصحة المجانيى
وعشاان ينهزم الجوع الكافر .. والله يا جماعة ولد فنطوط زي ده يجي في ظروف زي دي يعضي اليد القدمت ليهو الخير ،
ما كنّا متوقعين إنو التعليم الأنحنا كنا بننفق عليهو سنتج عنه مثل هؤلاء الأوغاد..
ويجي زاحد تاني معروف الانتماء يقول ليك بوست عميق .. طيب علمناكم كانت دي النتيجة .. هسة دايرننا كمان نأكلكم
تاكلوا الكريق إن شاء الله
نأكلكم ليه ؟عشان المشروع قومي ؟ قومي دي يعني نحن نسوي الكسرة وانتو تجوا تاكلوا لا شكرة لا حمدة ؟
الأرض دي ملك لجدودنا : مافيها شبر واحد ملك للحكومة ، ونحن متحكرين فيها ، نقعد نقوم على كيفنا .. ومتجذرين فيها ما بنقلع منها حتى يوم القيامة ذاتو يحاسبونا جوة أرضنا
والجنة ذاتا مادايرنها .. دايرين جزيرتنا دي .. وبكرمنا الذي غمرناكم به سيحرم الله لحومنا على النار .. ةسيدخل فيها كل من يجحد مثل جحودك ..
والله لو أن إنسكم وجنكم وأولكم وآخركم اجتمعوا على أن يأخذوا شبرا من ارضنا ، فلن يجدوا منا إلاا التصدي والمواجهة الشرسة
والله آخر زمن ، اتحاد ابناء المايقوما ، والملاقيط ، والمقاطيع ، والهوانات ، والمطرطشين .. جايين يتكلموا في عرب الجزيرة ..
ثورة أهل العوض المسلحةثورة أهل العوض المسلحة
http://http://www.sudaneseonline.com/cgi-bin/sdb/2bb.cgi?seq...2824andfunc=flatview
قال شيخ من أهل العوض :
نحن آجنيات سكتنا وشلنا الشيلة ، وقلنا الناس ديل أخوانّا ومافي مانع نقسم معاهن شقانا وعرقنا ، لكين هن ما رضوا ، وقالوا دايرين يقعدوا مع الحكومة ويقسموا معاها ، بس المشكلة هم ناسيين أنو الحكومة ذاتها بتاكل من عرقنا ومن شقانا نحن ، الحكومة لا زرعت لا حشّت ، ولا ربّت ولا رضّعت ، القطن ده من الله خلقنا نحن نزرعو ونحشّو ونسقيهو ونرفع جداولو ونشلخو ونلقطّو ونكبسو في الشوالات ونرحّلو للمحطة فوق جمالنا وحصينّا ، ونرجى الحساب البجيبو لينا ، ونرضى بالقاسمو لينا رب العالمين ، ونقول كان في شيتا شالوه منّنا بيمشي لي أخوانّا كان في الشرق وللا الغرب وللا الجنوب وللا الشمال .
بس أخوانا طمعو كتير وقالوا داريرين حقهم ، سووا ليهن حق في شيتا لا زرعوه ولا حشّوه ولا لمّوه ، عاد آجماعة الحق ده كيفنو ؟ نحن زرعنا وسقينا وحشينا ، ولما قطنّا نوّر قلنا ليكن تعالوا ، القطن قرّب يفقع ، تعالوا لقطوه معانا ، قتّو : لا ، نحن ما ناس لقيط ، نحن بنبيع الموية في الخرتوم ، ونحرس العمارات والبيوت البيبنو فيها جديد ، ومشيتوا وخليتونا ، ونحن قمنا اتحزمنا واتلزمنا وشمرنا ولقطنا القطن ، شيتا قدرنا عليهو ، وشيتا خليناهو في شدرو ، وصلناهو لمن بقى دولارات ، ولمن جاء وقت القروش جيتو قتّو دايرين حقكن ، عاد آجماعة حقا ليكن وين .
الحكومة قالت الناس ديل عندهن حق ، والناس ديل شايلين سلاح ، ونحن لازم نديهن حق ، وكان ما أديناهن حقهن بسوو لينا حرب ، دحين آجماعة إتو اتنازلوا من حقكن لي أخوانكن ديل .
قلنا آجماعة ما في مشكلة نحن اتنازلنا ، وعمرنا كلو نحن متنازلين ، لكن الجماعة ديل لما جاهم البترول والبلد بدت تصّلح فندروا فد مرة وقالوا تب ما معانا شريك . الحكومة قالت : آي ، كلام الجماعة ديل صاح ، بس نحن بنحنّسن عشان يدونا شوية بترول معاهن ، والحكومة حنست الجماعة ورضوا يدّوها شوية بترول ، لا حايق جاي ولا جاي ، أها قنّا ليهن ما دام أبيتو بي بترولكن نحن كمان بنابى بي قطنّا ، وكل زول يموت بي شغلتو ، قالوا لا القطن ده من زمان مقسم ، وما في طريقة يتغير تقسيمو ، ونصيبنا منّو ياهو نصيبنا ،
قنّا ليهم الكلام ده عيب ، وده كلاما بجيب اللوم ، قالوا والله يجيب اللي يجيبو ، نحن ما عندنا شغلة ، الحكومة قالت : آجماعة هوي ، الناس ديل معاهن سلاح ، ونحن ما بنقدر عليهن ، وامريكا معاهن ، دحين آجماعة ارضوا بالقسمة القالوها دي .
قلنا للحكومة : خلونا نقعد برانا ونشوف كلامكن ده ، ونقلّبو جاي وجاي ، وبعدين نقول ليكن راينا ، الحكومة قالت : بس ما تطولوا ، عشان أمريكا دي مستعجلة والجماعة ديل زي ما قّنا ليكن شايلين سلاح .
قعدنا أنا وحاج علي وحاج أمحمد ود الزين وحاج بخيت ود النور ومعانا فاطنة بت دفع الله ، قعدنا في ديوان حاج الطاهر ود اللمين ، والطاهر زاتو حاضر معانا .
آزول قدر ما نضمنا ما اتفقنا ، وشوية شوية جونا الوليدات ، وشوية آزول جاتنا البنيات ، والحلة كلها آزول إنخمت ، تقول في زولا كورك ليهن ، والله ناس جوة الديوان ، وناس قاعدة في الضل ، وحاج الطاهر ووليداتو ما قصّروا والله كفّوا الناس كلّهن ، شاهي وموية ،
أها آزول بيني وبينك الوليدات والبنيات راين غلب علينا نحن الكبار ، وقالوا ستين يمين ما نقبل بي جنس الكلام ده ، وقام ود الحسين آزول نضم ، باقي هو ولدا متعلم بلحيل وقاري ، وكمان كايس بلدة ، بعرف الناس كلهن ، لي ناس الحكومة ديل آزول بعرفن واحد واحد ، والله الجنا مو جنا نصاح ، مرق ليهن المدسوسة كلها وما خلا ليهن جنبا يرقدو عليهو ،
والله آزول أتاريهن كلهن حرامية ، ونحن أتارينا ما جايبن خبر ، قلنا الجنيات المتعلمين ديل مادام عارفين متل ده ، مالن من زمان ما فتوه لينا ،
آزول الجنا ود الحسين قال لينا تب ما ترضو ، أكان دايرن يقاسمونا في قطنّا ده ، نحن كمان نقاسمن في بترولن ، وأكان مادايرين يقاسمونا في البترول نحن بنمسك قطنّا علينا .
قنا لي ود الحسين ، تعال آجنا ، إت بتقول كلاما متل ده ، وأكان الحكومة دي جاتنا بي سلاحا نسوي شنو ؟
قال ود الحسين : اللي يقابلكن بالسلاح قابلوه بي السلاح ،
قنّا لي الجنا : آجنا سلاحا لينا وين ؟
قال :
العكاكيز والفرارير والسككّن .
قلنا ليهو الناس البيكاتلو ديل عندهن غابات وعندهن جبال ونحن ده كلو ما عندنا
قال :
أدخلوا غابات القطن ، والعيش ، ألبدو في أمّات عشارين ، ووسط العدسي
وهكذا انطلقت الثورة المسلحة تقودها جبهة تحرير السودان الجديدة جنودها وقياداتها هذه المرة من أهل العوض |
ود قاسم السلام عليكم
والله ياخوي فلكلور الحرابه ده ان مسكتو فيهو يوم من ذات الليام تلقو نفسكم
في ضهاري بيوضه
وابشرك ان لم تكن حكومه الانقاذ من تحسم فالحكومات الاتيه قادره ان
تحسم ملف مشروع الجزيره وسكانها, ان خيرا او شرا
وابشرك مرة تانيه ان الحكومه التي ستاتي ايضا حكومه عسكريه
يعني نحن تاني خمسين ستين سنه لي قدام تحكمنا الكليه الحربيه طبعا
ذلك شئنا ام ابينا وياعالم يطلع زول نقاش ولا كلاش
تقول اكلتونا وشبعتونا
اكلتونا شنو ياللخو؟
في السوق المركزي الليل الخدار الليلنا الفي الخرتوم ده مزاحمننا تشيلو تخمو
لاخالين خدار لاخالين سمك لاخالين لحم لاخالين فواكه,للكستر ده
لاحقننا فيهو, ناس الخرتوم اللحمه يقطعوها بالربع اتو بالكتف
(لا زراعه لا هما يقولو عليهو ومليانين قريشات تعويضات وبدلات ساي)
ها زول وهاجنيات ووووووو وكلام كبار كبار وعينكم للبلد تستورد قمح
ودقيق واتو تشيلو تعجنو في العصايد وترمو في اللقيمات
سنه وري سنه وحكومه وري حكومه وتمانين سنه وفي النهاية ترمو الفشل علي غيركم
لا وفي النهاية الثوره المسلحه لاهل العوض
والله اول مره اشوف ناس تحمل السلاح عشان ماعاز تزرع
خلي بالكم اتو اهل العوض راقدين ليكم علي راي
عموما ننتظر لنري فشكلها الايام حبلي بقرنق الجزيره النتر
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
يا سبحان الله .. هي ( الهرتوم ) دي بقت بتاعة الدنااقلة وحرام على عرب االجزيرة ؟
طيب إيه رأيك امتداد المناقل المرحلة الثانية من مشروع الجزيرة عملوهو ناس عبّود ولأنك لا تعرف شيئا عن الجزيرة ولا عن غيرها
فإني أنبهك أن عبود وحكومته كلها كانوا عسكريين ، إذا استثنينا أحمد خير وهو لعلمك من مدني .. ومدني دي عاصمة الجزيرة
يمكن لأي حكومة أن تحسم أمر مشروع الجزيرة ، شريطة أن تكون حكومة وطنية صادقة وعادلة وجادة
غير ذلك فهو هراء وهرطقة وإضرار باالسودان كله
أهلا بالعدل وتبا للظلم
أهلا بالتنمية وتبا للإفقار
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Frankly)
|
Quote:
يا سبحان الله .. هي ( الهرتوم ) دي بقت بتاعة الدنااقلة وحرام على عرب االجزيرة ؟
|
ياود قاسم الشغله ماتبقي دناقلة وعرب جزيره وحقنا وحقكم
الشغله ومافيها انا بسأل كأي مواطن سوداني ومنما قلنا بسم الله
دخلنا مدارس مشروع الجزيره مشروع الجزيره
وسؤالي كان بسيط من مواطن بسيط فقط لاغير.
مافي زول بقتنع ليكم 80 سنه فشل واحباط وفنيات
وتقصير واهمالات
بعدين حكايه جيتنا للهرتوم(والغريبة لم تذكر الشوايقه) جدودنا زمان قالو لينا مما ختينا
رجلنا في هرتوم السجم ده لقينا عرب الجزيره قدامنا مالين الواطه
وعندهم مقوله شهيره اذكرها الي الان(أرب جزيرة ترتي كنجي)
ناس تفتيحه
يد في الخرطوم لمراجعة المؤسسات المعنية بالمشروع ويد في الجزيره لقاطه.
ناس في 2014م تطالب بمستحقات من سنه 1927م؟؟؟ ده بقي كوار ماحساب
الحكومات بقت تأكلكم وتدفع ليكم تعويضات وبدلات في ارض بور وخراب
وتأكل أسر حوالي مليون شخص من العماله الجبتوها من الدول المجاوره
تساعدكم في الزراعة البلد كلها بقت كمبوهات ونصهم كسر مدني والخرطوم
وبورتسودان والابيض, لا وبقو يطالبو بالجنسية السودانيه الهامله دي.(ديموغرافيات)
( اكثر من 180 الف عامل بأسرهم)
ارجع لي تاريخ الشماشه في الخرطوم والمدن الكبري في السودان
تجد منبعهم كمبوهات الجزيره.
-------
المرقو لينا من ما قلنا استقلال وجارين البلد لي وري
دي بمناسبة الاستقلال والماعارفين بنحتفل بيهو ليييه
وعموما كل عام وانتم بخير
(الجنوب - جامعة الخرطوم - مشروع الجزيره - الاحزاب - المثقفون)
المثقفون دي بعني بيها نقابات الاطباء والمحامين
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
Quote: ياود قاسم الشغله ماتبقي دناقلة وعرب جزيره وحقنا وحقكم
الشغله ومافيها انا بسأل كأي مواطن سوداني
|
كأي مواطن سوداني يعني شنو ؟؟؟
يا فخامة الناظر ما تقعد تتقافز حسب الزنقة .. عندك خيارين بلا تالت
يا إما اتا مواطن سوداني زي ما قلتا فوق وبالتالي الجزيرة دي حقتك وشايلا في قفاك
كان سمحة كان كعبة وعطفا على كدا كلام القفة الفوق دا سيك سيك معلق فيك ..
يا إما كمان كان ما بتهمك خليها لي ناسا ان شاء الله يعملوها
ميدان هوكي جليد .. شنو واقف شايل ماعونك ومستني الرجال يزرعوا ويحصدوا ليك ؟؟؟؟؟؟
.............
الخبير فرانكلي معلق خخخخخخخخخخخخخخخ
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
يا ابني انت مشيت شفت حسابات مشروع الجزيرة وللا ساكت قاعد تنطط من فكرة لي فكرة .. مرة تتكلم عن فشل المشروع ومرة تتكلم عن عرب المشروع
ومرة تتكلم عن هجرة عرب المشروع ومرة تحرّش حكومة الإنقاذ على المزارعين وأراضي المشروع
وفي كل مرة عندك وجه مختلف .. مرة حاقد ، ومرة موغل في الوطنية ، ومرة إنقاذي ، ومرة مراجع بتعرف حسابات المشروع بمجرد قعدة ونسة
ومرة بتلقي نظرة على السوق المركزي وبتدعي إنه ناس ( الهرتوم ) هم زرع الخضار
ومرة بتحاول تطرد ناس الجزيرة من 0 الهرتوم ) عشان تخصصها للدناقلة ..
الله يهديك ..
امشي اطّلع على حسابات المشروع حلال فترة الستينات فقط وشوف من وين كان السودان بيجيب عملات صعبة وشوف ميزانية الدولة وشوف كم مساهمة المشروع
في الميزانية .. وشوف كم مرة الشريف الحسين وزير المالية كان بيمشي المشروع في الشهر الواحد
وكمان شوف كم دنقلاوي كانوا خفراء ترع وكم أسرة كفلتها لكم الجزيرة
وشوف كم موظف وكم باشكاتب من الولاية الشمالية بحدودها القديمة كانوا مكفولين من قبل أهل الجزيرة
وانت مشيت أمريكا وحصلت على الجمسية وقد نالها من قبلك وقبل أن تولد صديقنا الحميم صديق عبدالرحيم ونال أهلك الدناقلة جنسية الكثير من دول الخليج
وفي السودان نال الجنسية بن لادن والغنوشي وغيرهم من كيزان الدنيا
فيها شنو لو ناس غرب إفريقيا الذين كفلهم مشروع الجزيرة ايضا تقدموا بطلب للجنسية السودانية ..
ناس الكنابي ديل ناس دارفور وهم جزء من أهل السودان انتقلوا للجزبرة للعمل واستقروا هناك
ونحن في الجزيرة لا ننفي لهم حقا ولا نرى أهلك الدناقلة الذين اقاموا قرى بأكملها في الجزيرة بأحق من هولاء
ولا ننفي حقا للجعليين ولا للشوايقة .. بل اصبحنا نعيش مع الجميع في مجتمع متجانس ومتسامح ..
ما تنسى ، ارجع للأرقام والحسابات عشان يكون كلامك دثيث وعلمي وما مبرجل ولا لقلقة أسافير ساكت
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: ودقاسم)
|
غايتو بديت اقتنع انو الحيكومة دي لو ما الناس وقفت ليها في صقيعة
الدواس ما بتخليهو في حالو ..
كلما التزمنا بالمشي جمب الحيط سلطت علينا واحد من حملة الأباريق عشان
(ينتف ) شوية الكرامة العندنا استفزازا وإستحقارا وقلة أدب .
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
Quote: مشروع الجزيرة (3): أسباب التدهور ومحاولات العلاج . بقلم: د. سلمان محمد أحمد سلمان
الإثنين, 16 كانون2/يناير 2012 06:54
1
تعرضنا في المقالين السابقين في هذه السلسلة من المقالات إلى تاريخ مشروع الجزيرة، وأوضحنا أن من أهم العوامل التي ساعدت على قيام المشروع هي وقوع منطقة الجزيرة بين النيلين الأزرق والأبيض والذي ساعد وأدّى إلى بناء السدود وتنظيم وتوسيع عملية الرّي بالمشروع، بالإضافة إلى طبيعة الأرض المنبسطة التي أوضحت أن مشروع الجزيرة يمكن ريّه عن طريق الرّي الانسيابي الطبيعي، وهذا يعني أن تكلفة عملية الرّي ستكون قليلةً جداً مقارنةً بالرّي الصناعي. تعرّضنا أيضاً للتطورات في المشروع، وملامحه الأساسية، وأصوله وتركيبته الاجتماعية والاقتصادية وبِنية الرّي التحتية، وكذلك علاقات الإنتاج وقضية أراضي الملك الحر بالمشروع.
سوف نتعرّض في هذا المقال إلى الأسباب التي أدّت إلى التدهور في المشروع خصوصاً البنية التحتية للرّي، والمحاولات المتوالية لإيقاف ذلك التدهور وعلاجه، ولماذا لم تأتِ هذه المحاولات بنتائجها المرجوة .
2
بدأ مشروع الجزيرة يشهد التدهور في أداء البنية التحتية للرّي والتدنّي التدريجي في الإنتاج منذ بداية السبعينيات من القرن الماضي. وما تكوين اللجان الكثيرة وفي الفترات التاريخية المختلفة إلّا دليلٌ على إحساس الحكومات المتعاقبة والقائمين على أمر مشروع الجزيرة بخطورة الوضع الذي يواجهه المشروع. وقد كانت هناك عدة أسباب وراء تدهور مشروع الجزيرة، يمكن تلخيصها فيما يلي:
أولاً: إن عمليات صيانة قنوات الرّي، والتي تمتد لأكثر من ألفٍ وخمسمائة كيلومتر، كانت ضعيفة ودون التحدي الذي كانت ومازالت تفرضه مشكلة الطمي الوارد من الهضبة الإثيوبية وبكميات كبيرة. وقليلاً قليلاً بدأ الطمي يتراكم في القنوات المختلفة مما أدى إلى البطء، أو حتى التوقف لتدفقات مياه الرّي وتبخّر وتسرّب جزءٍ كبيرٍ منها. وأدّى تراكم الطمي إلى نموٍ غزيرٍ للحشائش في القنوات نفسها، وهذا بدوره أثّر على أداء تلك القنوات وأدّى في النهاية إلى ضعفٍ متواصلٍ في أدائها في عملية الرّي.
ثانياً: أثّر تراكم الطمي أيضاً على أداء خزاني سنار والروصيرص، حيث فقدا نصف طاقتيهما التخزينية بسبب تراكم الطمي عبر السنين. وهنا لابد من الإشارة أيضاً إلى الأثر السلبي لاحتدام التنافس على استغلال مياه خزان الروصيرص بين الاستعمالات لأغراض الرّي والاستعمالات لأجل توليد الطاقة الكهربائية، إذ أن الخزان لم يكن، في الأصل، مصصماً لأداء المهمتين معاً.
ثالثاً: كان لزيادة أسعار المحروقات عالمياً، والتي بدأت عام 1973م، آثار واضحة على توفّر المدخلات الزراعية والوقود حيث فشلت الحكومة في توفير العملة الصعبة من أجل استيرادها، وقد أثّر هذا بدوره بالطبع على أداء مشروع الجزيرة .
رابعاً: أدت زيادة الإنتاج من القطن في آسيا الوسطى والصين والهند في منتصف سبعينيات القرن الماضي إلى تدني أسعاره عالمياً. وقد كان لذلك أثره السلبي على دخل المشروع والمزارعين من محصول القطن.
خامساً: أدّت الزيادة الكبيرة في تكاليف الإنتاج وانخفاض العائد إلى إضعاف رغبة المزارعين في الزراعة مما أدّى إلى هجر عددٍ كبيرٍ لها، وكذلك إلى توقف الكثيرين منهم عن العمل المطلوب فيها بسبب قلّة الحافز.
سادساً: تحت هذه الظروف غير المواتية لم يؤد التغيير من نظام الحساب الجماعي المشترك إلى الحساب الفردي للنتائج المتوقعة، خاصةً وأنه كانت هناك ليس فقط تحفظاتٍ وإنما معارضة من عددٍ من المزارعين لذلك التغيير.
سابعاً: دخل المشروع عملياً فيما يسمى بالحلقة المفرغة أو الدائرة الجهنمية والتي تبدأ بالرّي الضعيف الذي ينتج عن الأداء الضعيف لشبكة الرّي وعدم إشراك المزارعين في عملية الرّي. وذلك الرّي الضعيف يؤدى بدوره إلى تدني الإنتاج والذي ينعكس بدوره في مداخيل منخفضة وغير مجزية، مما يتسبب في تفشي حالة من عدم الرضا بين المزارعين، هذا من جانب، أما من الجانب الآخر فإنه يؤدي إلى عجزٍ في استرداد تكاليف الرّي وبالتالي إلى ضعف تمويل الصيانة والتشغيل. ومعلومٌ أن عدم القيام بالصيانة وضعف التشغيل لا يؤديان في نهاية الأمر إلّا إلى وجود شبكة للري متهالكة وغير قادرةٍ على أداء دورها مما يؤدي إلى ضعف عملية الرّي، ومن هنا تبدأ الحلقة الشريرة في التكرار والدوران الجهنمي.
ثامناً: التخبط في السياسات الزراعية وقصر فترات وزراء الزراعة ومديري المشروع زاد الوضع سوءاً. ففي فترة السبعينيات كان متوسط فترة خدمة وزير الزراعة عاماً واحداً، كما وأننا نجد أنه ومنذ العام 1955م تعاقب على المشروع أكثر من عشرين محافظاً ومديراً عاماً، بالإضافة إلى عددٍ كبيرٍ من المديرين بالإنابة الذين خدموا لفتراتٍ طالت في كثيرٍ من الأحيان بسبب عدم تعيين محافظٍ أو مديرٍ عام خلال تلك الفترة.
تاسعاً: لم تؤد محاولات إعادة تأهيل البنية التحتية للمشروع في العام 1983م والتي موّلها عددٌ كبيرٌمن المانحين وبمبالغ ضخمة إلى نتائج إيجابية بسبب غياب الإصلاح المؤسسي من علاقات إنتاجٍ وتمويلٍ وتسويق.
3
جرت عدة محاولاتٍ للتصدي لتدهور المشروع، وكُوّنت عدة لجان وفي فترات مختلفة. وقد اعتمدت تلك اللجان بشكلٍ أساسيٍ على كتاب السيد آرثر جيتسكل "الجزيرة ـ قصة تنمية في السودان"، والذي صدر في عام 1959م ولكنه ما زال المرجع الأساسي لقصة قيام وتطور مشروع الجزيرة. ومن أهم تلك اللجان والتقارير:
(1) تقرير محطة أبحاث الجزيرة الذي صدر عام 1963م وتناول بشكلٍ أساسيٍ القضايا المتوقع حدوثها بعد اكتمال العمل في خزان الروصيرص وإمتداد المناقل، وقد اكتمل العمل فيهما كما كان مُتوقعاً في منتصف الستينيات.
(2) تقرير البنك الدولي لعام 1966م والذي أُطلق عليه "تقرير ريتس" إشارةً إلى السيد "ليونارد ريتس" رئيس فريق العمل الذي أعدّ التقرير. وقد انتقد التقرير نظام الحساب الجماعي وأوصى بتبديله بالحساب الفردي، كما أوصى بإدخال نظام حريّة اختيار المحاصيل بواسطة المزارعين.
(3) تقرير "اللجنة العاملة لمشروع الجزيرة" لعام 1967م. وقد ترأّس تلك الجنة الدكتور حسين إدريس وقد ساهم معه في إعداد التقرير البروفيسر جون سمسن أستاذ الاقتصاد الزراعي بجامعة ليدز بالمملكة المتحدة. وقد إتفقت هذه اللجنة مع لجنة البنك الدولي في مقترح حرية اختيار المحاصيل.
(4) تقرير البنك الدولي لعام 1983م، والذي تمّت بموجبه إعادة تأهيل مشروع الجزيرة بقروض ميسرة من البنك الدولي والصندوق العربي للتنمية الاقتصادية والاجتماعية والحكومتين الإيطالية واليابانية. وقد كان شرط المانحين لتقديم عونهم إصدار قانون مشروع الجزيرة لعام 1984م، وهذا ما حدث، مُقنّناً ومُفصّلاً للحساب الجماعي.
(5) التقرير الوزاري لعام 1993م الذي جاء إثر التحولات الاقتصادية إلى السوق الحر التي تبنتها الحكومة في تلك الفترة.
(6) تقرير لجنة عام 1998م، والتي ترأّسها الدكتور تاج السر مصطفى، وقد أوصى ذلك التقرير، لأول مرةٍ، بقيام شركةٍ مساهمة تؤول إليها ملكية مشروع الجزيرة.
(7) تقرير الفريق المشترك بين البنك الدولي وحكومة السودان لعام 2000م، والذي أعقبه صدور قانون مشروع الجزيرة لعام 2005م متضمناً عدداً من التوصيات التي شملها التقرير.
(8) تقرير لجنة الإصلاح المؤسسي لمشروع الجزيرة برئاسة الدكتور عبد الله أحمد عبد الله لعام 2004م. وقد شملت اللجنة عدداً من الممثلين لاتحاد مزراعي الجزيرة والمناقل. وقد أيدت هذه اللجنة توصيات تقرير عام 2000م.
(9) تقرير ورشة العمل الأولى التي انعقدت عام 2004م حول مسوّدة قانون مشروع الجزيرة.
(10) تقرير ورشة العمل الثانية التي ترأسها الدكتور مأمون ضو البيت، والتي إنعقدت عام 2005م لوضع خارطة طريق لتطبيق قانون مشروع الجزيرة لعام 2005م.
(11) تقرير لجنة عام 2007م، والتي ترأّسها الدكتور عبد الوهاب عثمان. وقد ناقش تقريرها المعوّقات التي تقف في طريق تنفيذ قانون عام 2005م.
(12) تقرير بيت الخبرة التركي حول إعادة هيكلة إدارة وتمويل مشروع الجزيرة والذي صدر عام 2008م.
(13).تقرير لجنة الدكتور عبد الله عبد السلام والتي شملت أيضاً الدكتور أحمد محمد آدم، والدكتور عمر عبد الوهاب، والدكتور مأمون ضو البيت حول الحالة الراهنة وكيفية الإصلاح لمشروع الجزيرة، والذي صدر عام 2009م. وقد أثار هذا التقرير الكثير من الجدل بسبب نقده الحاد والقاسي للطريقة التي يتم بهل تطبيق قانون مشروع الجزيرة لعام 2005م، والكيفية التي يتم بها التصرف في أصول المشروع. وتأتي أهمية التقرير والنقد من حقيقة أن كاتبيه الأربعة عملوا في مواقع قيادية بمشروع الجزيرة، شملت نائب المدير العام للمشروع.
يدلّ تكوين هذه اللجان وتدّل تقاريرها المختلفة على الحجم الكبير للمشاكل التي تواجه مشروع الجزيرة، وأيضاً على إقتناع المسئولين في الحكومات المختلفة بضخامة هذه المشاكل. وبسبب الطبيعة الصحفية لهذه المقالات فإننا لن نتمكن من مناقشة مكوّنات وتوصيات أيٍ من هذه اللجان بالتفصيل المطلوب. وقد كان إصدار قانون مشروع الجزيرة لعام 2005م والذي انبنى إلى حدٍّ كبير على تقرير عام 2000م، أكبر معلمٍ لمحاولة حلحلة هذه المشاكل.
4
قبل التطرق لقانون عام 2005م لا بدّ من الوقوف قليلاً عند القوانين التي سبقته، فقد خضع العمل بالمشروع منذ قيامه لقوانين منظمة له ومنظمة كذلك للعلاقة بين أطرفه الثلاثة وهي حكومة السودان ، إدارة مشروع الجزيرة والتي جاءت خلفاً لشركة السودان الزراعية في عام 1950م، والزراع والذين يمثلهم اتحاد المزارعين. لم تظل تلك القوانين ثابتة وإنما تحولت وتطورت حسب مراحل التطور التي شهدها المشروع عبر تاريخه. ولم تكن تلك القوانين مرتبطةً بتلبية احتياجات تنظيم العمل في المشروع فحسب وإنما وبنفس القدر أو أكثر قد ارتبطت بالظروف وبالتحولات السياسية التي شهدها السودان.
سنشير إجمالاً للقوانين التي نظمت العمل في مشروع الجزيرة مع التركيز بشكلٍ خاص على آخر تلك القوانين وهو قانون عام 2005م. ويمكن تتبع تلك القوانين كما يلي:
منذ البداية قام المشروع وخضع لبنود اتفاقية 1925م التي تمت بين إدارة الحكم الثنائي وشركة السودان الزراعية. وقد أوضحت الاتفاقية حقوق وواجبات كل طرفٍ من الأطراف الثلاثة. وفي عام 1926م صدرت اتفاقية الإجارة بين شركة السودان الزراعية والمستأجرين (الزراع)، وتمّ تطويرها في العام 1936م. وأعقبها في عام 1927م صدور قانون أراضي الجزيرة والذي بمقتضاه تمت الإجارة القسرية لأراضي الملك الحر بمشروع الجزيرة كما ناقشنا من قبل، وقد حلّ هذا القانون مكان قانون آخر صدر عام 1921م.
وفي عام 1950م صدر قانون مشروع الجزيرة والذي انتقلت بموجبه إدارة مشروع الجزيرة من شركة السودان الزراعية إلى إدارة مشروع الجزيرة وتعدّلت نسب الأرباح لكلٍ من الأطراف الثلاثة. وقد حلّ مكان هذا القانون قانون مشروع الجزيرة لعام 1960م لتقنين إضافة امتداد المناقل ليصبح جزءاً من مشروع الجزيرة. وتلك هي الفترة التي شهد فيها مشروع الجزيرة توسّعاً كبيراً في مساحته وفي شبكة الرّي، وزيادةً في عدد زراعه، وبالطبع فقد أثّر ذلك في تطور المشروع وإدارته في جوانب عدة. ومن ناحيةٍ أخرى فقد أدّى التوسع إلى زيادة قوة واتساع نفوذ اتحاد مزارعي الجزيرة والمناقل. وقد تم تمثيل المزارعين بممثلٍ واحد لأول مرة في مجلس إدارة مشروع الجزيرة. ووضع القانون مشروع الجزيرة تحت إشراف وزارة الزراعة وأعطى وزير الزراعة الكثير من الصلاحيات في إدارة المشروع.
وفي عام 1984م صدر القانون الذي قنّن الحساب الفردي الذي طُبِق عملياً في العام 1981م، عند إلغاء الحساب الجماعي واستبداله بالحساب الفردي كما ناقشنا في المقال الثاني من هذه السلسلة. ويعتبر إلغاء الحساب الجماعي المشترك واحداً من التحولات الكبيرة والمؤثرة في مسار المشروع. أثار ذلك التحول جدلاً واسعاً بين المزارعين داخل مشروع الجزيرة، وبين أطرافه الثلاثة وخارج المشروع. وكما ذكرنا آنفاً فقد كان إصدار ذلك القانون هو أحد شروط المانحين لتمويل إعادة تأهيل المشروع عام 1983م. وقد رفع القانون تمثيل المزارعين في مجلس الإدارة من عضوٍ واحد إلى خمسة أعضاء، وتمّ تمثيل الموظفين والعمال بمقعدٍ لكل منهم. وقد وسّع القانون صلاحيات وزارة الزراعة الإشرافية على المشروع.
اما آخر قانون صدر بشأن تنظيم العمل في مشروع الجزيرة فهو قانون مشروع الجزيرة لعام 2005م والذي وافق عليه وأجازه البرلمان الحالي، أي المجلس الوطني، في يونيو من ذاك العام ووقّع عليه السيد رئيس الجمهورية في 3 يوليو عام 2005م.
وبسبب ما أثاره وما زال يثيره هذا القانون من جدلٍ وخلافٍ بين أوساط المزارعين والأكاديميين والسياسيين في تناوله لقضايا المياه والأراضي والتركيبة المحصولية وعلاقات الإنتاج، فسوف نناقشه بشيءٍ من التفصيل في المقال القادم في هذه السلسلة من المقالات.
بالتزامن مع جريدة الأحداث
mailto:[email protected]@gmail.com
|
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Frankly)
|
الحكومات بقت تأكلكم وتدفع ليكم تعويضات وبدلات في ارض بور وخراب
وتأكل أسر حوالي مليون شخص من العماله الجبتوها من الدول المجاوره
تساعدكم في الزراعة البلد كلها بقت كمبوهات ونصهم كسر مدني والخرطوم
وبورتسودان والابيض, لا وبقو يطالبو بالجنسية السودانيه الهامله دي.(ديموغرافيات)
( اكثر من 180 الف عامل بأسرهم)
ارجع لي تاريخ الشماشه في الخرطوم والمدن الكبري في السودان
تجد منبعهم كمبوهات الجزيره.
| بالله الكلام ده ماكلام فتنة...
يازول بديت اشك انك وسط مليس ولخبتة الكلام
لديك هدف غير فقع المرارة...
خرق النسيج الاجتماعي للجزيرة
ايقاد نيران لهدف تعرفه
اول والله ظنيت انك رايح ليك راس خيت...
شوف يازول.....
نحن الفي الجزيرة ديل،،جينا من واق الواق،ام صفقا عراض،ساكنين
حلة،خلا،كمبو،،،ناس جزيرة،اخوان اشقة جمعنا الشقاء ولمانا الشوق
ووحدنا الامل والالم الذي الشوك،يشاك احدنا بها،نتوجع كلنا....
يازول سهمك المسموم ده نحن ترا كلنا ملموين،،كوم واحد..
بطل لخبته
انا والله اصلا ما دائر الاويك....
لكن نسيجنا الاجتماعي خط احمرإ،،براح مقدس....
فلا تثير الغبار،تشككك،ده من وين وده من وين.....
نحن اشقا كلنا،،،،الجزيرة هي الوطن،وكل من بها مواطن صالح
سيدها وابنها..
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Frankly)
|
وكمان شوف كم دنقلاوي كانوا خفراء ترع وكم أسرة كفلتها لكم الجزيرة
وشوف كم موظف وكم باشكاتب من الولاية الشمالية بحدودها القديمة كانوا مكفولين من قبل أهل الجزيرة
--
لا باس ياود قاسم
بس الدنقلاوي خفير الترعه ده هو الدخل الزراعة
في البلد وعلمكم ليها ولا حتقول دخلت ليكم من ارتريا؟؟
ولا انتو اصلا كنتم زراع؟
تعال شوف اراضي ا لشماليه الدنقلاوي ده خاليهاكيف؟؟
قمح وفول وذره وخضارات لا وتمر ,التمر القاعدين
تهرسو فيهو ليل نهار ده
فعلا انا وصلت لقناعة انو والله مشروع الجزيره ده فشلو
سببو اهل العوض.
تنضمو وتحتجو وتطالبو وتاخدو اكتر مما تهتمو بالارض
اما حكاية كفالتكم لناس من الشمالية دي بفوته ليك
بمزاجي عشان مانعمل اشكاليه يقومو اهلنا الدناقله
يدقو خروج نهائي لي اهل العوض البسترزقو بي غادي
ويرجعو يعملو ليكم اذمه سكن
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
احدي مشاكل اراضي مشروع الجزيره تفتيت الارض الزراعيه بسبب تعاقب الاجيال والمواريث لنفس المساحه منذ جدود الجدود حتي ذهب ريعها وتقسَم بين الاجيال الي الدرجه التي اصبح طريق ونوع الحساب غير مجدي فردي/جماعي او حتي عشؤائي
اقل مساحه مزروعه يمكن تكون ذات جدوي اقتصاديه 50 فدان فاكثر. اتحدي واحد من اهل الجزيره يكون لديه هذا العداد من الافدنه وحده لا شريك له.
الحل في اعاده الهيكله والدمج حتي تعود بالفائده علي المللاك
دي وجهه نظري ارجو ان يتسع صدر اهل العوض عرب الجزيره لها
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: محمد هاشم ابوزيد)
|
Quote: حدي مشاكل اراضي مشروع الجزيره تفتيت الارض الزراعيه بسبب تعاقب الاجيال
والمواريث لنفس المساحه منذ جدود الجدود
|
كذبا كاذب، بل أكبر مشاكل أراضي الجزيرة وناس الجزيرة جنس
التحشر بتاعكم دا لأنو بلا فكرة ولا خبرة .. الواحد فيكم ينط ليك فجأة من ثغرة ما في
الكون ولا يتورع أن يفتي ليك حتي في إسمك السموك ليهو أهلك..
أرجو أن يتسع صدر محمد هاشم أبو زيد وأهله لوجهة النظر عاليه .
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: طلحة عبدالله)
|
Quote:
ما حكاية كفالتكم لناس من الشمالية دي بفوته ليك
بمزاجي عشان مانعمل اشكاليه يقومو اهلنا الدناقله
|
عشان ما تعمل اشكالية ؟؟؟؟؟؟؟
الله لا جاب اشكالية يا العشا بلبن .. الحكاية أخذ وعطاء
اتا تقول العندك والناس البتعنيهم بى قولك يردوا ليك
والحشاش يملأ شبكتو في النهاية .. كان سخرية كان شيطنة ..
كان تذاكي .. كان شراب شاي بى لبن كان أي شىء يعجبك ..
المنبر دا للحوار والحوار الآخر .. قال اشكالية قال ..هههههههههه
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: طلحة عبدالله)
|
نفره زراعية في شمال البلاد, والشماليه
تفتح زراعيها لتقبل المستثمرين واستثماراتهم
في المشاريع الزراعية
هبة من الله ان حبانا الله ارضا زراعية خصبة
وخاصة المحاصيل الشتويه والتمور.
كبريات الشركات والمستثمرين وجدو كل التساهيل
والاهم وفوق ذلك مرونه التعامل ان كانت من جانب
الحكومه او من اهالي المنطقة والمزراعين وتسهيل
كافة الصعوبات التي تواجة قيام هذه المشاريع والتي
تعود علي البلاد وعلي كلا الجانبين بالخير الوفير ان شاءالله
مزارع الولاية الشماليه ورثة الاجداد واباء الاجداد الزراع.
وبرغم التكاليف الباهظه والامكانات الشحيحه التي بين يديهم
لفتو انظار كبريات الشركات المستثمره لخصوصية خصوبة الارض اولا
ولجدية المزارعين ولخبرتهم وحبهم لبعضهم و لارضهم وسهولة التعامل معهم , فاقيمت المصانع
المتعلقه بهذه المحاصيل
وبدأ ابناء الشمال العودة لمناطقهم .
بلاشكيه ولا بكيه ولا اذيه
من احب ارضه وفلحها كبرت ام صغرت اعطته
فاتكم القطار اهل العوض
شكرا محمد هاشم
وشكرا فرانكلي
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: طلحة عبدالله)
|
لا شكر يا عمر عثمان ونحن بنتحشر علي حسب فهم اخونا طلحه عبدالله لمشاركتهم الاحزان وربما الخروج بفكره جيده
Quote: بل أكبر مشاكل أراضي الجزيرة وناس الجزيرة جنس
التحشر بتاعكم دا لأنو بلا فكرة ولا خبرة |
اخونا طلحه عبدالله
في عالم اليوم لا تستطيع ان تجزم ان هناك شخص ليس لديه ادي فكره عن اي موضوع ما، ثوره المعلومات حاصرتنا بالمعلومات عن اي ضرب من ضروب المعرفه الصناعه ، الزرعه ، الطب وكل شي والعاقل يميز
وزي ما وصفتني في مداخلتك
من الثغره دي انا مستعد الان اوريك ناس امدقرسي وبركات امبارح اتعشوا بي شنو بكبس كيبورد
تحياتي،،،
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: محمد هاشم ابوزيد)
|
والله يا أبو زيد أخوي لو طلبت المعرفة بالشىء في القالب المقبول
دي الحاجة الممكن تشكر عليها ونعتبرا ليك فعلا مشاركة إيجابية
لكن اتا لو طوالي جيت خاشي تفتي فيما لا تعرف ..
القال منو أنو الحواشات قاعدين يقسموها على الورثة فدان فدان ؟؟؟
كلام زي دا ما حاصل إلا في حدود ضيقة جدا ربما ( شخصيا ما سمعت
بي ناس عندهم حواشة ورثة قسموها بيناتم ) ..
البحصل في الغالب يا بيع وتقسيم القروش .. يا إما كمان تظل الحواشة
دي كما هي وتزرع بكامل أفدنتا كان خمسة كان مية وتقسم عوايد الزراعة
بين الورثة حسب الشرع .
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: طلحة عبدالله)
|
Quote: وتقسم عوايد الزراعة
بين الورثة |
هي دي النقطه المقصوده في جمله فكرتي يا طلحه. تختلف طرق التوزيع والعائد في تناقص. لذلك نقول ان المشروع بوضعه الراهن غير مجدي اقتصاديا لمالكيه، ربما مجدي للاتصاد الكلي. بمعني اذا تم توزيع عوائد المشروع علي 100 شخص او 100 مليون لن يؤثر في الاقتصاد ولكن يتأثر الملاك. وده بيفسر هجره مالكيه يعني نظريه عليا وعلي اعدائي. لازم نطلع من الدائره دي لفائده الكل.
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Abdullah Idrees)
|
Quote:
يا اخوانا والله الزول ده عملتو ليهو راس وقعر لمن هو ذاتو ما مصدق ..
سيبوهو خلو القرف بتاعو ده يشوف حفرتو وين .. |
سلام عليكم ود ادريس
طرح قضية قوميه زي مشروع الجزيره للنقاش ماهو بقرف
هسع انت تعال ناقش وانتقد زراعتنا في الشماليه
مابنزعل منك ياخ وبنناقشك وبكل اريحيه يااقنعتنا يااقنعناك
ياهو متل كلامكم ده مع كل زول مسئول يجيكم هو المعطل
حال المشروع.
كلها عوائق عوائق
حلول مافي
المسئول اليجيكوم شايل شيكات تضبحو ليهو التيران
واليجيكوم خبير بي خطط لحل الاشكاليات تضبحو ليهو الكديس
والله صراحة انتو السوو ليكوم راس وقعر
مصدر قومي حيوي زي ده عافصنو عليكم لاسباب وحجج ميته يمكن
حلها في قعدة جبنه
يعني لاترحمو لاتخلو رحمة ربنا تنزل علي الخلق؟؟
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
تحية طيبة
صاحب البوست وزواره الكرام اسعد الله اوقاتكم بكل خير
بدأية
في التقرير الذي انزله الزميل فرانكلي لا توجد اشارة من قريب او بعيد تشير الى أن المزارع هو السبب في تدمير مشروع الجزيرة
دي نقطة
طرحت بعض الاسئلة وتجاوزها صاحب البوست لذا ارجوا مراجعتها والرد عليها بصدر رحب .
العزيز محمد هاشم ابوزيد
فكرتك واضحة بس الواقع بقول غير
الدورة الزراعية بدت تقريباً ب 30 فدان ده في التلاتينات وبعد داك حصل التقديل
من دورة تلاتية لرباعية ومع بداية الحيكومة لخماسية والحواشة ما بين 5 لي 8 فدان ضرب 5
يعني حالياً كل مزارع يملك 25 فدان او 40 فدان .
في اغلب حالات الارث يتم التنازل للاخ الاكبر او الشخص المقيم بالقرية لصلته بالزراعة
وبقية الورثة ديل ما بسألوا من فردي بتاع قطن بس في نهاية دق العيش بصلهم شوال شوالين عيش والناس اهل
ورغم انو فكرتك بتنبه لمخاطر اعتماد الناس على ارض زراعية واحدة لكن بالرجوع للتاريخ نفس الارض فاتحة عشرين بيت والناس حامدين شاكرين
وبرضوا ياريت تتفضل بشرح تفصيلي للفكرة حتى تعم الفائدة .
.....................................
العزيز عمر
ارجوا توضيح اراء الخبراء الذين قدموا الى الجزيرة ولم يتم الترحيب بهم . كما اشرت كناية بضبح الكديسة.
وبعدين بالنسبة للقصة بتاعت النزاع في الاراضي دي ما افتكر ناس كجبار عاجباهم الوقفة تحت النخيل ولا المناصير كانوا مارقين يشركوا
في اي مكان يكون النزاع على الاراضي خط احمر .
بالجنبة كده
نخت الكورة واطة امكن نطلع بنتيجة وبالعدم كده الدرون ما بطال
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Abdullah Idrees)
|
Quote: ولجدية المزارعين ولخبرتهم وحبهم لبعضهم و لارضهم وسهولة التعامل معهم , فاقيمت المصانع
المتعلقه بهذه المحاصيل
وبدأ ابناء الشمال العودة لمناطقهم .
|
الكلام ده فى ياتو شمالية يا عمر عثمان عبد الوهاب
يا عمر انا من الشمالية ومن الريف الشمالى لدنقلا وتحديدا من ريفى ارقو ودى التسمية القديمة للوحدة الادارية لانى غير مقتنع بالتقسيمات الادارية التى حدثت فى عهد هذا النظام الشؤم الجابت لينا الفقر والذل ومولود ومتربى فيها وصرتى مدفونة هناك وتلقيت كل مراحلى الدراسية هناك من الابتدائى حتى الثانوى العالى
كده ورينا مصنع واحد فى االشمالية اذا استثنينا مصانع تعليب الخضر والفواكه والتمور فى كريمة التى من عهد عبود وبتمويل روسى ودى مصانع ما شغالة حاليا لاسباب ادارية وفنية .. وبعدين الشمالية خالية من السكان بفعل الحكومات وخاصة حكومتك دى التى قتلت الزراعة والمزارعين و الليلة ناس الشمالية كلهم يا فى دول المهحر او فى مدن السودان المختلفة وخاصة الخرطوم والناس القاعدين فى البلد بضعة اشخاص وغالبيتهم نساء عايشين على تحويلات المغتربين .. يا عمر طبل زى ما عايز لحكومتك دى , لكن انت شخص غير مؤهل وغير امين وغير صادق فى ان تتحدث عن مشروع الجزيرة والا عن اهلك فى الشمالية !
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: خالد حاكم)
|
Quote:
لكن انت شخص غير مؤهل وغير امين وغير صادق فى ان تتحدث عن مشروع
الجزيرة والا عن اهلك فى الشمالية ! |
سلام عليكم خالد حاكم
اذا انا غير مؤهل تعال انت وحدثنا عن نجاحات وانتاجية
مشروع الجزيره واخفاقات وانتكاسات اهلنا في الشماليه
فيما يخص الزراعة
واراك قد اختزلت الولايه باكملها في ارقو وريفها.
لو ماتقوله حاصل عندكم اقطع البحر بي غادي ا و اتجه
شمالا الي البرقيق وشمالها وشوف بنفسك
وان كان لك مأخذ علي الحكومه وعامل فيها معارضه اسكت
اردم ومافي زول ساءلك
اما ان كنت لا تعرف او لاتريد ان تعرف حقيقة الحراك الزراعي
وانشاء مصانع التعليب والاعلاف ومزارع الدواجن ودخول المستثمرين
ومجموعات الشركات والعامله الان في الولايه الشماليه
فتبقي دي مشكلتك
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: ودقاسم)
|
Quote: لو ماتقوله حاصل عندكم اقطع البحر بي غادي ا و اتجه
شمالا الي البرقيق وشمالها وشوف بنفسك
|
عمر عثمان عبدالوهاب
كلامك الفوق ده بيؤكد بانو انت حتى جغرافية بلدك ما بتعرفها
يا اخى ريفى ارقو الذى تحدثت عنه يشمل البرقيق الذى اصبح محلية فى عهدكم وانا من مواطنى المحلية االتى تسمى بالبرقيق ومن منطقة تمثل مركز ثقل لها !
كده ورينا المصنع او المصانع دى بتقع وين فى البرقيق وما هو نشاط هذا المصنع ومن هو المستشمر ؟
يا عمر احكى لينا وكلمنا عن زقاقات وحارات بحرى الشعبية , لكن الشمالية دى ابعد منها لانو كوزنتك براها ما بتؤهلك تتخدث عنها !
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: خالد حاكم)
|
بوست عميق
الكل متفق على أن هناك تدهور مريع في بنية مشروع الجزيرة البشرية والمادية والتقنية
وهناك من يرى أن إدارة المشروع هي السبب وهناك من يرى أن مزارعي المشروع هم السبب وهناك من يرى أن المسؤولية مشتركة
وأعتقد أن من مصلحة المزارعين عودة المشروع لسابق عهده أو أفضل في أقرب وقت ممكن وترتبط مصلحة مزارعي المشروع مع مصلحة المواطن ومصلحة الوطن
ولو عرف المنهج الصحيح لتحقيق الوصفة الصحيحة لمعالجة الأزمة فحتماً سيستفيد الجميع
الآن المطلوب هو معرفة الداء لتوصيف العلاج الصحيح والمناسب
والسودان أولاً
أحبك يا سودان
Quote: د. محمد يوسف: مشروع الجزيرة سيعود افضل مما كان رافداً للاقتصاد الوطني
01-01-2015 06:58 PM
وجه د. محمد يوسف علي والي الجزيرة كلمة لمواطني الولاية بمناسبة الذكرى الـ 59 لاستقلال السودان مشيراً إلي أنها جاءت هذه المرة متزامنة مع المولد النبوي الشريف وأعياد ميلاد المسيح عليه السلام داعياً إلي توحيد الصف الوطني لمواجهة التحديات التي تجابه الأمة السودانية .
وحيا والي الجزيرة الرعيل الأول الذين صنعوا الاستقلال بدمائهم ونضالهم لتحقيق الحرية والانعتاق من قوى الشر والاستبداد وقال إن الجزيرة ستظل علي العهد بها تحافظ علي الاستقلال بتحقيق التنمية والنهضة المستدامة في المجالات كافة مبيناً أن مشروعات نهضة الجزيرة مستقبل السودان انطلقت عبر مشروعات البنى التحتية والنهضة العمرانية لتمثل منصة لانطلاقة التنمية والإعمار ، وأبان والي الجزيرة ان مشروع الجزيرة سيعود افضل مما كان رافداً للاقتصاد الوطني وتحقيقاً للأمن الغذائي العربي والأفريقي وأوضح ان الجزيرة مؤهلة لبلوغ آفاق النهضة والتنمية الصناعية والاقتصادية والزراعية والخدمية وثمن تجاوب قطاعات المواطنين مع أطروحات وبرامج حكومة الولاية الهادفة لتحقيق طموحات وأشواق اهل الولاية .
سونا |
| |
|
|
|
|
|
|
|
|
|
Re: عرب الجزيرة...... ينتفون قفة غذاء العالم (Re: Frankly)
|
سلام للجميع ..
بالله يا جماعة أعذروني في جهلي .. لكين عندي سؤال .. هل أراضي المشروع ده ملك للشعب كله أم لأهل الجزيرة ؟؟ .. أعتقد أنها ملك لأهل الجزيرة بحسب أنها موطن لقبائل تسكنها منذ مئات السنين - شأنها شأن باقي أراضي السودان -
طيب نقول أن المشروع أُنشئ علي هذه الأراضي بأموال الحكومات المركزية زيه زي أي مشروع استثماري .. وبالجد نحن ماعارفين الحكومات بتصرف فيهو شنو وبتاخد منه شنو .. نقول أنها توفر البنية التحتية والإدارة لتجعل البيئة موائمة للأهالي للزراعة وياخدوا حق جهودهم .. المشكلة إنو حصل خلل وفشل كبير في تسيير المشروع علي النهج بتاع زمن الإنجليز - زمن البلد بي خيرها - ويخيل لي أن بعض الأسباب تكمن في الآتي:
1- ملكية الأرض .. فالمشروع نشأ في أرض قبائل يعتبرون الأرض أرضهم ، وكل ما ينشأ فوقها يعتبر ملكهم وليس ملك الدولة .. وهذه نقطة نفسية جوهرية تولد ممانعة لأي توجيهات من بره - لو كانت التوجيهات دي من الخواجة فمرحباً بها .. لكين عندما تكون التوجيهات والسياسات من سودانيين آخرين تحدث ممانعة غريزية سببها النظرية المغناطيسية بتاعة الأقطاب المتشابهة تتنافر ..
2- نجاح المشروع زمن الإنجليز والفترة القصيرة بعدهم سببه أنه كان متخصص قطن عندما كان للقطن شنة ورنة .. كان القطن مرغوب خارجياً وداخلياً حيث إنتعشت صناعة النسيج السوداني .. بحري كلها كانت شغالة في مصانع النسيج .. لكين منذ أن تراجع إستعمال القطن تراجعت أهميته داخلياً وخارجياً ، حين أصبحت الجلابية السلك مفضلة علي جلاليب وعراريق الدبلان والدمورية ..
3- النقطة الذكرها الأخ محمدهاشم أبوزيد نقطة مهمة ، وهي تتعلق بتضاعف المواريث لنفس العائد المادي المتناقص .. وهذه طبعاً العامل الأساسي الذي جعل أهل الشمالية أوائل الناس هجرة لأرضهم و إنتشاراً في الأرض طلباً لسعة الرزق في مجالات أخري .. الذي كان مدخله الإنخراط في التعليم الحديث .. فالأرض هناك صغيرة وتصغر أكثر من تعاقب الأجيال وتضاعف المواريث .. لكين طبعاً ياجماعة ناس الشمالية برضو عفارم عليهم فهم رغم صغر الأرض فإنهم أكبر منتج للعدس و للفول الذي يمثل ثلثي وجبات الناس - فطور وعشاء - ده طبعا قبلما نخش في عهد البيتزا والهوت دوق :)..
والسبب الرئيسي أن كل زول في الشمالية شغال في أرضه براهو ومسئول منها براهو .. إن نجحت زراعته يكسب، وإن فشلت يخسر .. ما بيكون راجي ليهو تقاوي من زول ولا سماد من حكومة - ماروقه زبالة الغنم والحمير ..
4- هناك سبب رئيسي آخر وهو عجز كامن في السودانيين عن النجاح .. شغلهم كله عشوائي - ضربه رماه - ونادراً ما السوداني يخطط ليهو مشروع كد وينفذه ويوصله لنهايات ناجحة مستديمة .. هناك روح الإتكالية علي الغير وعلي الميري .. وذلك ظاهر حتي في المغتربين .. ناس ميري ومرتبات ساي .. نادراً ما الواحد يدق صدره ويبدأ بزنس براهو.. روح المجازفة والإستقلالية منخفضة جداً .. قارنهم بالشوام واللبنانيين في بلاد الإغتراب .. عشان كده مرات الواحد يقول المستقلين ليها شنو؟؟ - الروح دي برضو عند أهل الجزيرة حين أصبحت أرضهم شأن حكومي .. فصار الإعتماد علي الميري الحكومي .. الحكومة جابت التقاوي، الحكومة ماجابت، المبيدات إتأخرت، الأسمدة فاسدة، الإدارة ما زارتنا ، ،،، إلخ إلخ من الحجج .. وده كله لأنو إدارة وملكية المشروع صارت كأنها شأن حكومي.. فأصبح المزارع زي الأفندي - الكهرباء تقطع في المكتب يقوم يطبق جريدته ويمشي يكابس المواصلات يمشي البيت ..
| |
|
|
|
|
|
|
|
عبدالعزيز عثمان
Abdo Mustafa
ناذر محمد الخليفة
قسم الفضيل مضوي محمد
سليمان القرشي
Frankly
elhilayla
عبدالكريم الاحمر
abas
عبدالرحمن الحلاوي
Dahab Telbo
طلحة عبدالله
أحمد ابن عوف
اشرف السر
Omer Mustafa
وضاح عبدالرحمن جابر
محمد علي البصير
الجنيد حمد
ibrahim alnimma
جمال خضر
سامى عبد المطلب
ودقاسم
معتصم دفع الله
محمد هاشم ابوزيد
Abdullah Idrees
Munir
فيس بوك
تويتر
انستقرام
يوتيوب
بنتيريست