اها يا مصطفى..ميطي ساكت من دون حكاية ناس استاذي وصديقي وشنوكده ما عارف... اهديك سنما الناس المساكين...الناس البعيد عن اهتمامك..سواءا كنت انتا او استاذنا اسامة الخواض..!!
وسلامات عبرك لصديقنا دكتور حسن الجزولي...
زمان يا مصطفى ، في واحدة من تجلياتو العجيبة..صديقنا دكتور صلاح البندر..قام اعلن انو مكسر في ناس مورتانيا...وهم ناس سمحين...لكن الغايظني..انو محل كسرة صلاح البندر كانت هي برضك كسرة المواطن السوداني حافظ الشيخ الزاكي..وده زول كانوا الشيوعيين والشيوعيات قاعدين يبتزونا بيهو ويقولوا لينا كيف يكون عميد كليتكم زول طييش؟!!!
حافظ الشيخ ، وهو من اهلنا المجانين في دار سافل بتاعة شمال كردفان ، كان طيش الجامعة..زي صاحبكم طيش حنتوب اياه..!!
المهم..
ده فيلم من سنما الناس المساكين يا مصطفى..وكنت داير اهديهو في مناسبة خاصة لأخونا المهندس ابراهيم فضل الله..لكن الهدايا ليها رافع...علي قول استاذنا و صديقنا دكتور حسن موسى..الله يرضي عليهو اينما كان يااااخ..
دوامة في باماكو...وباماكو هي عاصمة جمهورية مالي.. اش معنا صلاح البندر يتكسر في موريتانيا و نحن ما نتكسر في مالي؟.. غايتو البندر ، حكايتو زي ناس دار الرياضة امدرمان زمان..ناس اضرب اللون..!!!..غير كده ، ناس موريتانيا ديل والله اكتر شعوب الأرض وهم بشكل...ناس ضلهم ميت خلاس...!!!
ده الفيلم يا مصطفى...وشوفو بعين بعيدة عن ناس دريدا وفوكو وشنو كده ما عارف...!! المزيكا في المدخل ..حاجة اسكت ساكت خليها..وصوت القمرية.ده موضوع حنين تاني اعفينا منو..
و تفاصيل الفقر..ياخي اول مرة الواحد يشوف انو الفقر حاجة جميلة ..(ده طبعا بعد حديث اخونا عبد العزيز بركة ساكن في تمجيد الفقر ، التحية ليهو..)...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست