|
|
 Re: يوسف السماني رئيساً لـ لجنة بورداب الرياض (Re: معتز زيزي)
|
شكراً زهير يا راقي على كلماتك في حقي ..
مع إني ما عارف مطمورة دي كويسة ولا كعبة .. :)
وإن شاء الله ربنا يقدرنا على تجاوز المرحلة السابقة .. ولو في زول كمان بعد الطلاق ده ما عجبتو طريقة تعييني فليسلك مسلكي هذا وبيننا الديموقراطية كما يقول أخي العزيز معتز زيزي ..
| |
  
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: معتز زيزي)
|
الاخوة الاعزاء
لكم الشكر
عبدالعزيز محمد عمر
لك التحية ندرك خطورة التكليف وصعوبتة لذ ا سنتجاوز كل ماهو شخصي من اجل استكمال مسيرة بورداب الرياض
للاسف الصراع ليس صراع رؤي وافكار ولكن هي مكايدات نتجاوزها ولنا في رسول الله اسوة وقدوة فقد اتهم بانة شاعر مجنون
وهو المبعوث رحمة للعالمين وهو مبعوث رب العالمين , فما بلك بشخص مثلنا .هي النفس البشرية جبلت علي الشر والانانينة .
الاخ بابكر قدور لك الشكر وسنكون عند حسن ظنكم بنا .
د. محمد الحسن الرجال تعرف اقدار الرجال لا عليك ياعزيزي هي ضريبة العمل العام ووفقا لنهج التربية الخاطئة في عدم قبول الاخر.
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: يوسف السماني يوسف)
|
Quote: ندرك خطورة التكليف وصعوبتة لذ ا سنتجاوز كل ماهو شخصي من اجل استكمال مسيرة بورداب الرياض
للاسف الصراع ليس صراع رؤي وافكار ولكن هي مكايدات نتجاوزها ولنا في رسول الله اسوة وقدوة فقد اتهم بانة شاعر مجنون
وهو المبعوث رحمة للعالمين وهو مبعوث رب العالمين , فما بلك بشخص مثلنا .هي النفس البشرية جبلت علي الشر والانانينة .
|
اوووووووووو صفقة كبيرة ..
قيام يا اولاد الريس وصل ..
بعد ثلاثة ايام عصيبة كابد فيها ما كابد من تباريح الهوى تمخض الجبل فولد فأراً .
تلاتة يوم و الناس دى تدقق و تدرش انت يا الفالح صمٌ بكمٌ و جايى تقول مكايدات ؟
غايتو يا ناس الرياض مصيبتكم ياجروا فيها ..
بالمناسبة :
انتو ود الصايم و تمبس مش فى الرياض ؟ غريبة و الله اللبدة دى و المتوقع انهم ماسكين الدفة .
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: Nasruddin Al Basheer)
|
كتب الاخ معتز زيزي في ذات جعلنة ما ات نصه:
Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا
أها (علي بالطلاق) لو جيت دقيت سدرك نبقيك رئيس جوه بيت الرئيس
وزيادة مني وزارة الشباب والرياضة..
النضمي الكتير ما بحل مشكلة وأخوك جعلي كان حلف برمي طلاقه |
مدخل اول:
الشر غادي وبعيد ( مثل فينيغي ) وترجمته في سياق النص ( لو السماء حتمطر زلابية كانت غيمت عجين ).
اكعععععب حاجة في عالم الكتشينة وفي الوست - تحديدا - لما الزول يتسيك في قبوله. دي عندنا هنا كان بقت عليك ,الدنيا دي بيبقى ليك لونها بمبي ..... ولطالما تجعلن الاخ زيزي راميا يمينا مغلظ
ولطالما اصر عمر علي حضور اللجنة - وانا علي يقين بانه سيفعل - فهذا يعني ان اخانا معتز قد تسيك في قبوله سيك ستجرى به السنة الكيبورداب باحرف من لهب وانه لعمري
جحر ضب اعور ادخل فيه اخانا معتز نفسه من حيث لا يدري. يعني يا معتز لسسسسسسا حليفة ابو جهينة ما بردت تقوم تدبلها بايمان اغلظ من ذي قبل!!! ياااااااا للهول وابيه.
هذا وقد علمنا فيما تعلمنا في سنة اولى (عمل عام ) بان لامفسد للعمل العام سوى غمسه في الخاص والطلاقين الاتفكو هنا انما يجعلان عزيزكم القارئ يصور -وهو محق-
ان لا في الجبة الا الخاص وهذا لعمري خلط بين للحلو مر مع الابري. هذا وقد رأينا فيما يرى النائم - وربنا يكضب الشينة - بان تفتقت الجمعية وتوبتقت ثم اينعت في الروض زهرة
ثم انبثقت عنها لجنتان واحدة جميلة لي جد جد والتانية شينة للحلايف.
وشكرا
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: الخير محمد عوض)
|
زيزي يا حبوب..
أي مداخلة لي تاني ح يكون ما عندها معنى وربما حوّلت مداخلاتي وكأنها للمهاترة وضياع الزمن..
تفضلت مشكوراً بحل إشكاليتي وتعهدت بحلفك للطلاق المغلظ وهو عندي كسوداني حلف مضمون ومعتمد بأن يتم إبعاد يوسف السماني وتعييني رئيس وده الكان مطلوب ..أي تساؤل أو أي إستفسار تاني ح أجاوبك عليهو بعد ما نتلاقى الليلة وتنفذ حلفك ونقفل الباب ده عشان ما نرجع لي إسكوير زيرو ..أصلاً ما حا ناخد وقت طويل تسليم وتسلم أجي أقيف قدامكم زي ما طلبت وأقول انا ما عايز يوسف السماني يبقى رئيسنا وإنت توفي بي كلامك و تجي تكتب رسمياً عمر بقى الرئيس وتم إبعاد يوسف السماني ..موضوع ح ياخد مننا بالضبط 40 ثانية وبعدها انا جاهز لأي سؤال وأي إجابة..
طلب بسيط ياريت تشووت لي في الخاص أو هنا مواعيد الحضور ووصف لي المكان بالضبط ولو أمكن تلفونك في حال حصل طارئ وروحت في الطريق لإعادة الوصف..
وأكون شاكر ومقدر ..
ولحدي الوقت داك دم بسلام وشكراً لتصديك للمهمة وحسم الخلاف وإيجاد الحل النهائي لهذه المعضلة اللي كانت حتشق كيان بورداب الرياض ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: ود الباوقة)
|
تحيات يا شباب
طبعا عمر الفاروق ما حيمشي حركات كيبورد ساي
ولو مشى أنا عندي ليكم فتوى
معتز زيزي يرشح عمر الفاروق رئيسا للبورداب بديلا ليوسف السماني
مافي زول يثني عمر الفاروق طوالي عمر الفاروق يقلب وجهو ويركب عربيتو ويتخارج
الدين يُسر ياخ
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: معتز زيزي)
|
| Quote: تفضلت مشكوراً بحل إشكاليتي وتعهدت بحلفك للطلاق المغلظ وهو عندي كسوداني حلف مضمون ومعتمد بأن يتم إبعاد يوسف السماني وتعييني رئيس |
أنا عند وعدي لك برئاسة ووزارة شباب ورياضة .. رغم أن الجمع بين الأختين (محرم)
أما قصة أبعاد يوسف دي يا حبيب أنت بتعرف دروبه كويس ولو كنت أملك حق قرارها
ولا يوسف نفسه يملك هذا الحق لما تأخرنا في تقليدك ذلك الشرف ..
تعال بدري راجينا شغل كتير
وكلمني على الرقم 0591333944 قبل الموعد ..
تحياتي.
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: معتز زيزي)
|
حمد يا عبد الغفار..
يبقا ما بتعرفني والله ..
كلامي حق الضحك والهظار براهو وكلامي الجادي براهو ..وما بكتب كلام انا ما قدرو ..ولمن قلت ح أمشي لأنو كنت ح أمشي ..انا زول عيني قوية وما بخاف في الحق ده و رأيي ده بوصل فيو الكضاب لحدددي خشم الباب ..
حالياً وصلت زيزي لحدي خشم الباب ..وفي الأثر تقول الحكمة اليونانية :
المقدم ما موصل ..
انا كده كفاني لي زيزي ..العندي قلتو وهو حلف طلاقو وانا كنت عند وعدي لكن كما تقول الأستاذة الفنانة الرائعة صاحبة الكلمات القوية الأستاذة حنان بلو بلو :
يا خسااارة وإنكشح العسل ..لطاان انا وانا غلطان ندمااان انا ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: عمر الفاروق)
|
Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا
أها (علي بالطلاق) لو جيت دقيت سدرك نبقيك رئيس جوه بيت الرئيس |
| Quote: النضمي الكتير ما بحل مشكلة وأخوك جعلي كان حلف برمي طلاقه |
Quote: ما جاء من خلال جمعية لا يذهب إلا من خلال جمعية، ومن تولى أمر الجماعة بالطلاق قد يذهب بطلاق مماثل له في الصياغة ومخالف له في المعنى
الكيان واحد وأن تشعبت النفوس وطفح الزبد
يا حبيبنا
الحلف على ما أحله الله لايجوز |
Quote: من ولي على أمر العامة بإجماع العامة لا يقصيه من ولايته إلا الجماعة
حق القسم المشروع للشخص وأن كان من تلك الجماعة واقع في حقه لا في حق الجماعة
أنا أقسمت في ما يجوز لي من حقي المشروط لا في حقوق الغير المطلقة |
Quote: عمر الفاروق وأي شخص يرغب في الرئاسة والعمل في مفهموها التكليفي فهو رئيساً،
الحضور والمشاركة شرطان ملزمان لتقليد هذا المنصب
ومن أبتغاءها في مفهومها الشرفي لا ينال شرفها إلا من خلال جمعية عمومية |
يا زول أمش ربنا يخلي ليك أولادك ..
بس تاني أوووعك تفرّط في أولادك بالسهولة دي ..ما بتستاهل يا مان ..
وأووعك تراهن على حاجات إنت ما قدرا ..وعلى ناس إنت ما بتعرفهم ومعتمد إما على كلام ناس أو قرايات أسافير أو كما قال حبيبنا حمد عبد الغفار (عمر ده بيكتم حركات كيبورد ساي وبتاع مغارز وما بجي كضاااب ساي عايز يدوورك )
كده رميت طوبتك يا معتز نهااائياً وح اواصل فيما وعدت به براااي..ح أعمل لجنتي وأكوّن رابطة بورداب الرياض ..إنجوووي إجتماعكم يا حبوب ولمن ترجع بيتك إستمتع مع أسرتك بلحظات جمييلة وأشكرني إنو ما جيت ..مع كل ضحكة طفل إتذكرني وقول الله يديك العافية يا عمر بالله كنت ح أفقد الضحكة دي بسبب أمور تافهة ولجان وقوشرانيز و كلام فاضي..
مع أيي شعليقة في رقبتك من الأطفال ما تنساني من صالح الدعاء ..وبرضو ما تنسى تدعي على اللي كان السبب في إنو يورطك في شي إنت ما قدرو ..
ما تجي تنفعل تان وترد وتشبكني مازلت عند وعدي فمداخلاتك الأخيرة أوصلت الفكرة تمااماً ..وانا زول بفهم والله يا معتز ما تشوفني كده ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: معتز زيزي)
|
معتز هووووي ما تاكلنا حنك. مداخلتك دي لسا حبرها ما نشف
Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا
أها (علي بالطلاق) لو جيت دقيت سدرك نبقيك رئيس جوه بيت الرئيس
وزيادة مني وزارة الشباب والرياضة..
النضمي الكتير ما بحل مشكلة وأخوك جعلي كان حلف برمي طلاقه |
تقوم تجي تقول :
Quote: أما قصة أبعاد يوسف دي يا حبيب أنت بتعرف دروبه كويس ولو كنت أملك حق قرارها
ولا يوسف نفسه يملك هذا الحق لما تأخرنا في تقليدك ذلك الشرف .. |
معتز بصراااااحة بنزينك كمل ممكن تستعين بصديق :)
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: حمد عبد الغفار عمر)
|
خالد يا سعيد...
إنت بتغش علي ولا على نفسك ..؟؟
بعدين يا الحبيب إنتو الزول الجاكم بالدرب عديييل وقال ليكم ما داير قمتو بقيتوهو رئيسكم معناها وحسب علم الإستدلال البيجيكم عشان يبقا رئيس ح ترفضوا طلبو مش؟؟؟
تخريمة :
حمد يا حبوب ..والله كانت وبنسبة 100% لكن نسوي شنو عاد ما هييع وانا أخوك وفي النهاية يطلع الموضوع كما يختصره السعوديين بطريقتهم المستفزة بتاعت إصدار صوت من خشمهم وبي لسانهم ثم بي يدهم يقولوا ليك : إخريطي ..أو كما يقول البنغالا هذا نفر في قر قر كتييير ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: عمر الفاروق)
|
يا كنكوجنه :
العمل اختيار والمنصب قرار
صدقني ما أنت براك العاوز يبقى الرئيس أنا واحد من الناس عاوز أكون (اللجنة كلها).
جيت طمعان في رئاسة، أدوني وزير شباب ورياضة ما أبيت، شىء خير من لاشىء
وفي نفسي ومن خلال مشاركتي الفعلية بالحضور والطرح داخل اللجنة
المناصب دي كلها قاعد أقعد في كراسيها، بالجد والله
وأعدك لو ربنا طال في أعمارنا أول مناسبة تجمعنا بتلقاني أول واحد بيستقبل الناس في الباب
وحا أوزع الشاي والم الكبابي الفاضية ، ولمن الساون يقول بمب بتلقاني جريت جري للمايك على قدر فصاحتي حا أتكلم
وكان في كشف تبرعات بلف على الناس وكان في زول أتاخر من الحضور بشيل التلفون وأفقده وكان في زول ما جاء بتصل أفقدوا
أم عيالي بجيبه معاي كان في حريم بوصيها ما تقعد مربعه أيدينه بحرشه تبقى الرئيس في مجلسهن
وعندي ثلاث بنات صغيرونات وحلوات عشان هم أطفال ما بدخل ليهم مفهوم الرئاسة دا في راسه من حسي عشان الهم دا كبير
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: عمر الفاروق)
|
حبيبنا أبوعمير ..
كيف بغشك .. وحات غلاوتك ياخ .. لو جيت واترشحته كان ثنيتك .. ولو بقيت رئيس وحاتك ما كن جيت في بوست كتبته ذي كلامك البتكتبه اسه في حق يوسف ده
ولو جه يوسف كتب ذي كلامك ده في حقك .. برضوا كان جيت كتبته ردودي الفاتت دي مناصرة ليك وقلته نفس الكلام عمر حبيبنا واخونا ومننا وفينا والجمعية جابته وبالتالي يجب نحترم خيار الناس الصوتت .. والقبلت باللجنة بي صورته دي رغم أنو باب الطعون كان مفتوح مافي زول طعن في أي من اعضاء اللجنة .
الموقف واحد لو الرئيس انته ولا يوسف ولا اي واحد من البورداب طالما أنه جه بي جمعية عمومية كما تعارف بورداب الرياض .. وطالما انو الجمعية العمومية ماكانت بالدس بل اعلن عنها في المنبر اللهو المكان الذي جمعنا والمكان الطبيعي للأعلان عن الجمعية العمومية وأي فعالية تخص البورداب .
طيب كدي قول معاي انته مشيت وحلفوا عليك وبقيت رئيس .. اها الشوره كيف لو جه واحد وقال عمر ده جنو شربكه وما بمثلني .. الخ .. وجيبوني بدله على شرط عمر الفاروق يغادر الرئاسة .. ههههههههههههههههه
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: Khalid Saeed)
|
عمر الفاروغ العكليتة.. طبعا مستغرب شديد لإنك كنت عضو في اللجنة الفاتت..
انا دخلت اللجنة دي من 2011 يعني ثلاث سنوات.. يادوب نقيب.. واكتشفت انك معاي في اللجنة
لكن لم يفتح الله عليك بحضور اجتماع أو تقديم مبادرة أو حتى التواصل مع أعضاء اللجنة..
أو المشاركة في النشاطات والمناسبات.. آخر مرة شفناك فطور رمضان القبل الفات.. وكنت لابس قميصك التركي السمح داك..
أنا عايز أعرف الاختارك ده منو.. وبناء على أي أساس.. انت مرفود بنص القانون.. وتم اسقاط عضويتك بصورة تلقائية..
وما مسموح ليك تترشح لي لجنة جديدة.. لأنك حتعوس نفس العواسة حقتك.. بالعجين المر والحامض..
والمعروف إنك زول نقناق وبتاع مغالطات وممكن تدخل للعقرب في جحرها وتقول ليها انتي ضفدعة مش عقرب..
والحمد لله انك بديت تتنازل وتتراخي عن مطالبك لأنو فورة الأندروس ما بتدوم كتير.. شححححح وتنزل..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: أيمن دياب)
|
Quote: يااا ساتر !
ده شنو يا موج؟؟ |
دينق يا الحبيب كيف حالك
لانه الشباب دايرين زول يعرف يخلص الجبايات ، ثانياً من خلا عادته قلت سعادته
ود الباوقه ما بقبل باى منصب مافيه قروش اقل شى كان ما لقى فيها عضه يستثمر
القروش يشيل الربح ويتحلل ويرجع راس المال،،،
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: صديق الموج)
|
عمر الفاروغ يا كضاب تعال وحات خوتك المافى ليها داعى احلف ليك عليهم
طلاق كلهم يتنازلوا ليك عن مناصبهم جت وانت تجيب العايزو بشرط انت تحلف
طلاق ما تغيب عن اجتماع وتقوم بعمل الرئيس كاملاً وما يتطلب من تضحيات
وتكاليف يا ابو درباً ماكن قلت لى بتعرف الزوله الاتصلت بى بخصوصها من السودان
بتعرفها معرفة شخصية؟؟ شفت يوسف المعارض ده حا يبقى رئيس فى كنكوجك
ده يا لك من امنجى كبير..وجبهجى متدثر ومتخفى زيك وزى اساسى،،،
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: Nasruddin Al Basheer)
|
لاخوة الاعزاء
الارباب خالد سعيد
لك التحية كما قال صديقنا الشاعر الجميل الطيب برير
بعض منك لا يلقاك الا في المداد
اذ.......هكذا النيران
تدفن غبنها
في حزن الرماد
فاحفظ لنفسك ضوءها
لو مسها شئ من التهميش
في غبش الحياد
الاخ دينق لك التحية
كما قال الطيبب برير
ان المقام هو المقام
لا عليك ...
فاننا باللون نقتسم المشاعر
ريثما تصفو الدواخل بالسلام
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: Faisal Elrasheed)
|
| Quote: لكن حسب علمي اننه في شيوعي واحد تحت التمرين ينتمي لبورداب الرياض جا سب الدين هنا في نص البوست ده ومشي في حال سبيله |
لا حولاااااااا يا فيصل ..
هي الشيوعية نبذة؟
وأنا اقول ريسنا بشكر فينا قال علينا تربية شيوعيين ..
هي اتاريها كدا ..
غايتو إتلومتوا فينا يا أبواتنا ..
بعدين النسألك البشير دا عنده دين؟
حكومته دي عندها دين؟
هل قتل الناس دين؟
هل تشريد المواطنين وزعزهة إستقرارهم دين؟
هل الفساد دين يتبعه أهل الإنقاذ؟
أين الدين مما يفعلون؟
ونحن نرى الوطن كل يوم يتمزق وأنهار من الدماء تسيل ..
أين الدين والكيزان يتمددون في حكم الوطن ويستبيحون أهله ..
اين الدين ونحن محاصرين من كل دول العالم بسبب أن رئيس حكومتنا قاتل ..
أين الدين ومطارات العالم كل يوم تستقبل المئات بل الآلاف من أهل السودان في هرجتهم القسرية ..
أين الدين ونحن نتصدر كل قوائم السوء في العالم ..
أقول قولي هذا وقد أستنفذ البوست أغراضه عندي ..
وأنا على يقين أن ما يحتاجه الوطن أكثر من ما نضيعه في صراع شخصي لا يفضي لشي ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: معتصم دفع الله)
|
| Quote: بعدين الله يسألك يا موج في كوز وجيه ؟ يعني معقول انا وود الباوقة سيم سيم صديق؟ :) |
عمر وحات الخلقنا انا الكوز بعرفه حتى لو دخلوه جوه الزير والحريش بنعرفه
والكلام المغتغت بعرفه، يوسف سيظل رئيس زى دورتين تلاته كده واساسى
قريب من البحر انت اختف رجلك امش على الشرقيه ساكت اكل سمك واشرب
وتعال صاد،،،
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: صديق الموج)
|
هسه يا الفاروق والموج لو كونتوا لجنة منبثقة من اللجنة التنفيذية لبورداب الرياض للغناء والموسيقى ما احسن ؟
الموج يكون سكرتير غناء الحقيبة وعمر سكرتير الفنانين الشباب وأنا لو خليتو لي الفنانات الشباب ما بطالة معاي رأيكم شنو
وتكون لجنة بي مستنداتها وتابعة لبورداب الرياض
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: حمد عبد الغفار عمر)
|
موج يا حبّوب..
انا حلفك ما برميهو ليك واطة وأحلف قصادو وبرضو عشان متوسم فيك الخيرالتلاتة وصفات الفوق دي ما أظنك قاصدني بيها انا لأني بأكد ليك لاني المحرّش لاني البغتغت ولاني الكوز (الطلاق ما بحلفو لكن لو حليفة الله دي بتصدقا بحلفا ليك)..
انا البحر جمبو 25 سنة وما أكلت منّو سمك وكمان ما أيي سمك سمك شعيب ..أجي أكلو هنا وأمرق ليو كمان لييي الشرقية!!!؟؟
والله يا موج نحن الرياض دي الواحد فينا شكلو بقا يحبها أكتر من أمدرمان عشان كده طلبك ده بحققو ليك لمن البحر ده يجينا ماري بي تحت كبري الخليج لكن أمرقا في الشرقية دي ضغطت علي شوية ..
يا موج لكم يوسفكم ولي لجنتي ..ما ترشحوهو دورتين بس لالا خلّوهو يقعد بيها كده لحددددي ما يسلما سيدنا عيسى ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: عمر الفاروق)
|
حمد يا عبد الغفار..
والله لجان البهجة حبابا ...صديق الموج ده بيذكرني السغيل بتاع بدون عنوان محمد سليمان داك لمن سأل في برنامجه عن أغنية حقيبة وقال شاعرا منو؟؟ الناس كلها ما جاوبت صاح أها في واحد عمك كبيير كده قاعد ورا هناااك راف يدو ..محمد سليمان قال ليو قوم تعال أها إسمك منو ؟؟ قال ليو إسمو محمد..قال ليو تعال تعال جاوب يا محمد والله انا خايف تطلع إنت زاااتك شاعرا :) :) :)
أها الموج ده ناس الحقيبة ديل بيكون كان قاعد جووووة الجك ..
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: خالد عبد الله محمود)
|
المرحوم سامي عز الدين كان حارس مرمى قبل أن يكتشفه مدرب حكيم ذو نظرة ثاقبة . اعتقد سيد سليم .ليصبح واحد من أفضل لاعبي الوسط في مسيرة الكرة السودانية ..
لو لم يتم تجريب سامي عز الدين في هذه الخانة عمليا لظل حارس مرمى وربما لن يجد فرصة في أندية العاصمة وماتت موهبته في مدينة ود مدني
اي نظرية تحتاج لتجربة ووقت وصبر لتثبت جدواها أو نفيها ..
لا توجد نظرية ثثبت وتنفي بنظرية أخرى
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: درديري كباشي)
|
هي لكن دا سامي عز الدين يا درديري.. لو واصل حارس مرمي كان برز ولما جابوهو النص قطعها ليهم عديل
العملية بتاعة بورداب الرياض دي زي الجابو علي دج المعانا في السدادسي بتاع الحلة الزمان ودوهو ريال مدريد وراجينو يوري ميسي حاجة .. واي زول مقتنع انه علي دج ممكن يقفل الفيفا زاتا وعمك بلاتر بعدها يسوق امجاد خط بانت سوق ليبيا
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: انور التكينة)
|
محمد الصايم والاخ تمبس غيابهم كان لظروفهم التي لا نعرفها
الاخ الكريم عبد اللطيف بكري كان لجنة الانتخاب وهو الذي ادار عملية الانتخاب بكل سلاسة
ولعلمك ودالصيام هو مدير لبورداب الرياض في الواتس
فلا تخمن اشياء ليست في الواقع
ورغم ان قد يكون للناس راي ولكن لك ان تعلم اخي التكينة ان كل بورداب الرياض اخوة
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: النعمان خوجلى)
|
حا افكر بصوت عالي وأكتب افكاري لاني أعتقد ما حدث هو الأتي
صديق الموج عمل مشاكل زملاء في البورد واطلق فيهم نمايم وقولات وتسبب في انشقاق بورداب الرياض وكلهم عارفين صديق الموج غلطان وهو سبب المشاكل ونبذوه لكن في جماعة لسه مناصرينو وشايفنو زول كويس وواقفين معاه وديل اصحابو وهم ناس اللجنة الجديدة ومنهم دكتور محمد حسن وابوجهينة وباقي الناس القاعدين يرقعوا الترشيح الماسورة في البوست دا ويوسف السماني برضه مع الشلة بتاعت صديق الموج الشلة دي عاوزة تكرم يوسف السماني وتسوي ليه رقعة لانه زول ماسورة قاموا كلفتو الكلفتة دي وبقوه رئيس مستغلين الخصام وانه ناس الشلة الضد صديق الموج ما حايحضروا المهم كم نفر جو وبقوا يوسف السماني رئيس تمهيدا رقع صديق الموج وضمه لنسيج البورداب مرة تانية خصوصا انه اغلب ناس الشلة التانية متوقفين عن الكتابة في البورد سوى أبوحسين المازال بكتب وهو من الشلة المناوئة يعني أي لمة تاني لبورداب الرياض اتوقع صديق الموج المنبوذ قاعد ومتحكر يتبادل القفشات مع السيد رئيس بورداب الرياض وتجري محاولات ترقعة حتى الأن على قدم وساق كمثال
http://www.sudaneseonline.com/board/480/msg/%d8%b5%d9%80%d9%...8%ac-1420271285.html
بوست لرقع وستر الفضائح والبلاوي الظهرت
أحزنني موقف الرئيس السابق للبورداب فهو رجل احسبه من الرجال المحترمين ومن قامات البورد أن يشارك في هذة المهزلة ويسعى لرقع يوسف السماني وصديق الموج متناسيا غضب وحزن بقية البوردب المؤسسين لكيان البورداب وأذوهم واطلقوا فيهم النمايم والاكاذيب وطاردوهم في البورد وخارجه
هؤلاء لا يمثلون بورداب الرياض وانا عن نفسي اعتبر كيان بورد الرياض اتفكك خلاس راح ببح وديل الشلة الواقفة مع الكذابين والمنافقين
--------
اعلاه تفكير بصوت عالي وتصوير لما حصل
| |
|
|
|
|
|
|
|
|
|
Re: يوسف السماني رئيساً لـ لجنة بورداب الرياض (Re: عبدالعزيز حسين عبدالرحيم)
|
Quote:
أحزنني موقف الرئيس السابق للبورداب فهو رجل احسبه من الرجال المحترمين ومن قامات البورد أن يشارك في هذة المهزلة |
انت يا عبوبى تحسب ابو جهينة من الرجال المحترمين ؟اقسم بالله يا برطوش يا ابن البرطوش اوسخ
جزمة عند او جهينة ده اشرف واكرم منك و من الربوك و من البحرشوك يا ابن الحـــــــــــ ـــــقير يا منـ ـــــحط
يا ترباية المواخير واى شخص اتربى على مال الارداف ما منه رجاء،،،
| |
|
|
|
|
|
|
| |
عمر الفاروق
معتز زيزي
يوسف السماني يوسف
انور التكينة
Nasruddin Al Basheer
الخير محمد عوض
حمد عبد الغفار عمر
حليمة محمد عبد الرحمن
د.محمد حسن
Khalid Saeed
صديق الموج
معتصم دفع الله
خالد عبد الله محمود
اساسي
ادريس خليفة علم الهدي
عصام دهب
محمود أحمد أبوشرا
محمد خضر بشير
فيس بوك
تويتر
انستقرام
يوتيوب
بنتيريست