|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
سلام على الناس المكملين السماحة
وسلام مربع على الناس اللى سألت عنا.
ومع ذلك يامنى اناطالبك كباية شاى بى لبن
مقنَّن ,,
معليش تصاريف الحياة وآهٍ من تصاريف الحياة
واقول لكم كما قال سيف الدسوقى:
أحبائي إذا ما التأم سامِركم وجالت احاديث السنين المـــاضـــيات
فاخلو مقعدى فأنا عليه باهازيجى وبالنشيد بمعطــــــــــــــــــياتى
أحبائي الذين عصرت قلبى اهازيجاً لهم فى اغنياتى انا غدا سآتى
ولتسمح لى ست الحوش الاميرة بنت الامراء ان امتع ناظركم بذكريات
من الفاضلاب وعطبرة مهد الصبا ,,, وراجى منك رد ياجميل وافى.
| |
 
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: الطيب شيقوق)
|
السادة المسانيح والمسنوحات
اخبارك جميعا بدون ان شاء الله يوم فرزكم ما يجى
بسم الله نبدا بالاميرة ست الحوش قلت العريبى ماليه امان اول ما بت عمسيب اختفت قبل عليم وجاب ليك كلام اهلووو الكل دراب والله الكلمة الا تسجيلها وتسميعا من الضحوة لين الضهرية حتى تفهمى نطقها .
ود اب سن سخن من شيل الفواتح الله يرحمهم جميعا ويجعل الجنه مسواهم
ود المنسى والفاضلابى ما بقصروا
الفاضلابى سعال العريبى ما تشتغل بيه بس قله غتسان فى خيرى والله يشوتم عين الحقك امات طه
البقية والعقد الفريد الله يحفكم
وضــــــــــــــــــــــــاحة يا خالد دكتور تنا غايبة ما بعرف وين لا تكون سوت لها دروب غير هولنا هى الوحيدة الان معى على العريبى وانا مشغول عنه باقفالات السنة المالية اريتها تنقفل ما تفتح كان كملت اصابعينا من الكتابة
غايتو النفضاااااااااااااااااااا واجى براوقة اخمج بت عمى بت عمسيب مستمتعة بالايجازة ونستنا كلنا الاميرة شوفى ليك سند اخر
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عواطف ادريس اسماعيل)
|
Quote: ومع ذلك يامنى اناطالبك كباية شاى بى لبن
مقنَّن
|
يا سلاااام شاهي مقنَّن..
بدوي ود المنسي قال ليك
الشَّاهي أب لَبَن خلاَّني أمشي وأنود
عانج عنجة الصقر اللِّقالو عتود
إتنين وتلاتة ما بتمَّن المقصود
وخمسة وستّة في الراس بفتحلُّو قدود
أما بدوية العزيزة مني فقالت ليك
الشَّاهي الفي البرَّاد
كُبَّايتو ما بِتنزاد
أني وتومِي أرواحنا أندَّاد
في الآخرة نومنا قلاد
Quote: أحبائي إذا ما التأم سامِركم وجالت احاديث السنين المـــاضـــيات
فاخلو مقعدى فأنا عليه باهازيجى وبالنشيد بمعطــــــــــــــــــياتى
أحبائي الذين عصرت قلبى اهازيجاً لهم فى اغنياتى انا غدا سآتى
|
ويامراحب بعودتك ، وبالفاضلاب وبعطبرة وعبق التاريخ
تحيَّات للجميع ، أها أسكت كب ذكرياتك
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عواطف ادريس اسماعيل)
|
سعيدين جدا بطلتك الرائعة يا عطوفي
وان شاءىالله تداومي الزيارة عشان انتي واحدة من الناس
السمحين ديل.
وانصاف مدني ما اظنها تكون مطربة البوست وهي تكررت هنا بالصدفة
عشان اغنية الحماسة والدلوكة.ويا ريت كان حضرتي معانا الربع الفات
كنت حتشوفي الفنانين والفنانات الما خمج..
وسمعت سمع ان انصاف مدني بقت بليونيرة من الغنا ..صحي؟
ودمت بخير وصحة وعافية وما تغيبي كتير
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: أحبائي إذا ما التأم سامِركم وجالت احاديث السنين المـــاضـــيات
فاخلو مقعدى فأنا عليه باهازيجى وبالنشيد بمعطــــــــــــــــــياتى
أحبائي الذين عصرت قلبى اهازيجاً لهم فى اغنياتى انا غدا سآتى
ولتسمح لى ست الحوش الاميرة بنت الامراء ان امتع ناظركم بذكريات
من الفاضلاب وعطبرة مهد الصبا ,,, وراجى منك رد ياجميل وافى. |
سمرنا يطيب معاك يا غالي
ودالفاضلابي كيف حالك
وزي ما قال الحبيب ود ابوسن الجابك يجيب اخوك ود البوش
وبكما تحلو قعدتنا ونسي
ها زول ها شيتك دا مابدور لي أذن وارتع فوق عديلك وجيب الفاضلاب وجيب حلة ناس بسمات ذاتها
ونحن في انتظار كل جميل من هناك
| |
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
للإخوة والأخوات الذين/ اللائي طال غيابهم / غيابهن / أهدي هذه القصيدة للشاعر بركات بله الأمين ، على أمل عودتهم/ عودتهن قريبا.
اللحظات التي تهبها لنا الأيام صدفة ، ودون سابق وعد منها باللقاء، لهي لحظات جديرة بأن تخلد، وليس سوى الشعر بأقدر على تخليدها ومثال ذلك ساره.
ساره – بركات بله الأمين - الخرطوم 1975
دنيا ما عارف مسارها
وليلها شابه لي نهارها
مرة في أحزانها تمضي
وتهدي مرة أفراحها سارة
ونحنا ماعرفنا لها مرسى
وغايتو سابحين في مدارها
مرة كم أهدتني لقيا
ما كنت بحلم بانتظارها
لما فجأة ودربي نوّر
ورددت أنفاسو ساره
حاضنة كل طيبة أهلنا
وفيها دل كل العذارى
راسمة كل أفراح بلدنا
وشايله في عويناتا بارا
ولونها بين أندادها حاكى
خضرة جناينا ونضاره
وصوتها من أنغامو فايح
نكهة عناقيدها وثمارها
كانت بس لحظة عابرة
وفجأة صبحت ليلة ساهرة
وسهرت طول الليل أردد
في حروفها سارة ساره
وغلبني والله أفلت
من تصاويرها وإطارها
وما في طريقة تشفي
إلا تاني أشوفها ماره
تحكي تاني وتاني تحكي
عن مفاهيمها وشعارها
أصلي برحل لما تبسم
ولما تحكي تقول عباره
دنيا ما عارف مسارها
وليلها شابه لي نهارها
مرة في أحزانها تمضي
وتهدي مرة أفراحها سارة
ونحنا ما عرفنا لها مرسى
وغايتو سابحين في مداره
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
دنيا ما عارف مسارها
وليلها شابه لي نهارها
مرة في أحزانها تمضي
وتهدي مرة أفراحها سارة
ونحنا ماعرفنا لها مرسى
وغايتو سابحين في مدارها
مرة كم أهدتني لقيا
ما كنت بحلم بانتظارها
لما فجأة ودربي نوّر
ورددت أنفاسو ساره
حاضنة كل طيبة أهلنا
وفيها دل كل العذارى
راسمة كل أفراح بلدنا
وشايله في عويناتا بارا
ولونها بين أندادها حاكى
خضرة جناينا ونضاره
وصوتها من أنغامو فايح
نكهة عناقيدها وثمارها
كانت بس لحظة عابرة
وفجأة صبحت ليلة ساهرة
وسهرت طول الليل أردد
في حروفها سارة ساره
وغلبني والله أفلت
من تصاويرها وإطارها
وما في طريقة تشفي
إلا تاني أشوفها ماره
تحكي تاني وتاني تحكي
عن مفاهيمها وشعارها
أصلي برحل لما تبسم
ولما تحكي تقول عباره
دنيا ما عارف مسارها
وليلها شابه لي نهارها
مرة في أحزانها تمضي
وتهدي مرة أفراحها سارة
ونحنا ما عرفنا لها مرسى
وغايتو سابحين في مداره
ود بلة اجدع البيت بيتك والحوش هول الاميرة دخلوه العرب خليك
يا شيقا انت اختنا فى الله عواطف كانت وين
والله بجد ليك وحشة ومشتاقين وشوف زولتك جات نا طة ساكت لا احم ولا دستور
اخبارك والاهل وجميعا يا رب يكونوا بخير وعافية
غايتو الاميرة بنت الامراء الله يعطيك الف عافية وكتر خيرك رجعتى لينا ناس من زمان ما منهم خبر
مصاقرنا العريبى لما عمل لينا وجع وش انا وود المنسى
الله يصبرنا عليه
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
معذرة يا سمحين ـ الصور حلفت ماتنزل بقول اتجاوزت حد شنو كدى مش عارف ,,
لكن ارجونى عندنا اربَعتْيَّام من يوم الخميس بباصرا خسوساً بنتى اليومين ديل جاتنا اجازة من الكلية.
ونامن القا لى فرقة نعديها نكات.
*******************
شحَّات جا لى سيد فرن :
الشحات: لى اربعة يوم ماضُقْت طعم الرغيف.
صاحب الفرن: ياهو زاااااتو ما اتغَيَّر.
*************************
ود ابوسنينة وود العبيد بجيكن صاد كلامكن سمح بلحيل.
اما انتى يابسمات الـ فيك اتعرفت ,, فولة بْتِتمَلى وبقارة بتجى
ويا الملكة وضاحة شايفك رخيتى الحبل للمسنوح ده ,,
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: يا سلاااام شاهي مقنَّن..
بدوي ود المنسي قال ليك
الشَّاهي أب لَبَن خلاَّني أمشي وأنود
عانج عنجة الصقر اللِّقالو عتود
إتنين وتلاتة ما بتمَّن المقصود
وخمسة وستّة في الراس بفتحلُّو قدود
أما بدوية العزيزة مني فقالت ليك
الشَّاهي الفي البرَّاد
كُبَّايتو ما بِتنزاد
أني وتومِي أرواحنا أندَّاد
في الآخرة نومنا قلاد |
يا ود المقدم العبيد
ما قلت ليك آ زول أنا رايمك
تسلموتسلم ايامك
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
شحَّات جا لى سيد فرن :
الشحات: لى اربعة يوم ماضُقْت طعم الرغيف.
صاحب الفرن: ياهو زاااااتو ما اتغَيَّر.
غايتو الفاضلابى شكيت محنك ــــــــــــــــــــــــــــــــــــــــ لكن باقى ليك دا فرن يمانى الزول المسيخ دا او من عروبنا ناس لالالالا الصعيد
نكتك دى نكة العريبى واشك انه من البردانة الرجل رسل ولده قال امشى لعمك الطيب قول ليه ادينى حمارك الله يكرم السامعين ماشى بيه الخلاء ( ناس البندر الخلاء يعنى الحواشة )
الراجل قال لية الحمار والد
الجنى قال ليه عمى فى حمار بلد
قال ليه انت ابوك قوله لا ما بتعرفوها
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
Quote: شحَّات جا لى سيد فرن :
الشحات: لى اربعة يوم ماضُقْت طعم الرغيف.
صاحب الفرن: ياهو زاااااتو ما اتغَيَّر.
غايتو الفاضلابى شكيت محنك ــــــــــــــــــــــــــــــــــــــــ لكن باقى ليك دا فرن يمانى الزول المسيخ دا او من عروبنا ناس لالالالا الصعيد |
صديقنا محمد السيد"خلف"، في أوائل الثمانينات ،كان طالب بمدرسة خورطقّت" "طقة" ، الطلاب أضربوا من الطعام، أها خلف مشي الصُّرفة وإتغدا تمام..
بعد خروجو من الصُّفرة ، جوهو الطلاب جارين وصاحوا فيه:
ياجبان ليه تاكل ، إنت كباشي جبان، يا ناس البادية ماقلتوا شجعان..
تركهم بعد أن أكملوا، ثم قال
هاناس نحن والله الرَّغيف دي عندنا مافي وزاتو عيل تسمكك الوِرْدَة، حتي يرسلوا زول في جمل لي الدَّيم،
يجيبلك رغيفات، عشان كدي أني شايفو سمح وشايف الطعام الفي الصفرة دي كلو حلو،
فما بكذب علي نفسي وآباهو.! كان عندكم إضراب من شي تاني، والله عندكم دُبال أني معاكم....،
لكن الرَّغيف دي ما باباهو شحمة قنطور ساكت.....!
المنسي ترايمك السعادة
ود أب سن كل عام وأنت بخير
المشايخ أبوسنينة وإسحق سلاااام ومعزة
وتحيَّات للجميع
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
ست الحوش بت مصطفى ما بتكوس لكنها كايسة الكريسماس في كاليفورنيا عند اختها
وكلفتني كالعادة بقصة الاسرة اليمنية واتاوق من وقت لوقت لحوشها هنا ..بس صخب
وازعاج نيويورك الايام دي بتشغل الناس..
وكل سنة وانتو طيبين
يا ود حلتنا ود الفاضلاب كدي ارجع صفحة لورا وشوف بت مصطفى قالت شنو عني وعن سؤالي
عن ود الحلة الوقف من الكتابة وشوف ردها
ويا الف مرحب بالضيوف وافتقدنا بت عمسيب وان شاء الله ما تكون طشت في زحمة القاهرة الفظيعة
ديك .وهي طبعا ماشة لزيارة خير ..والله يكتر من امثالك يا بت عمسيب يا رائعة
والف شكر للكلمات الطيبات ود المنسي ويا هي دي المجربة فيك ..وسلام للاتبراوي
ودمتم جميعا بالفىخير وصحة وعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
الحبيب يوسف ابو سنينة
شكرا للتنبيه
وكل يوم تثبتوا لينا انكم فعلا ناس سمحين وزينين وما عدمناكم يا ناس الشهامة والمروءة
وهسع قبل شوية بقرا في بوست بلدنا عطبرة قريت الوصف الجميل المطبق فيكم حق وحقيقة:"
الواحد في وقت الحارة والضيق لاخوه يشيل
وفي الافراح والاحزان ديما حاضرين
ودمتم بالف خير وصحة وعافية
(قمنا بالواجب في بوست العزاء وهاتفت صاحبة البوست وكلفتني بل حلفتني
ان اعزي نيابةىعنها ايضا وقد فعلت ..لانها دائما في الحاجات دي ما بتقصر وبتتحرك
فيها مروءة اهل البادية والقرية)
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
والله نعم الانابة يا بت الاصول
صراحة ما قصرت وصورة طبق الاصل من بت الاميرة بت الامراء ومشاء الله عليك كثر الاميرات عندنا
بس انتى طلعت نائبة اول هههههههههههههههههه
والله نيابتك دى نوابنا ناس البرلمان مفروض ياعلموا منها الدروس على الاقل يبطلوا رفع الاصابع شغلة ودون شغلة رافعين اصابعهم لوقف قدام مسيلمة هم رافعين اصابعهم
نعم الاخت انتى ولك كل التحيه والتقدير
الحبيب يوسف ابو سنينة
شكرا للتنبيه
وكل يوم تثبتوا لينا انكم فعلا ناس سمحين وزينين وما عدمناكم يا ناس الشهامة والمروءة
وهسع قبل شوية بقرا في بوست بلدنا عطبرة قريت الوصف الجميل المطبق فيكم حق وحقيقة:"
الواحد في وقت الحارة والضيق لاخوه يشيل
وفي الافراح والاحزان ديما حاضرين
ودمتم بالف خير وصحة وعافية
(قمنا بالواجب في بوست العزاء وهاتفت صاحبة البوست وكلفتني بل حلفتني
ان اعزي نيابةىعنها ايضا وقد فعلت ..لانها دائما في الحاجات دي ما بتقصر وبتتحرك
فيها مروءة اهل البادية والقرية)
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
Quote: يا ود حلتنا ود الفاضلاب كدي ارجع صفحة لورا وشوف بت مصطفى قالت شنو عني وعن سؤالي
عن ود الحلة الوقف من الكتابة وشوف ردها |
بت عبدالرحيم إنتى صدقتى انى جاد
لا لا انا عارفك مابتقصرى حتى كان ماكنت ود حِلَّتْكُم
وازيدك من الشعر بيت ـ سعالك عنى شفتو قبل لا تكلمينى بيهو
علا قُتَّا اعكنِنِك شوية عشان شايفك مُقِلَّة رغم اننا عارفين ظروفك
بس كمان ده موسم اجازات فقلنا نكشكشك يمكن ترمي لينا حاجة
طاعمة طعامة الـ زّونيا الرامية فوق بيتكن ـ عليك الله طعِّمى خشم عريبى
البردانة ده بالزونيا عشان بِكون جاهو جِلاخ من اكل العنكوليب.
فى نيورك يا بسمات لقيت لى حاجة شكلها شكل الزونيا لكن طعمها طعم عنكوليب.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
عليك الله يا ود الفاضلاب نحن ناقصين عكننة في نيويورك اذا انت بتلقى في كل خطوة مصيبة
والحياة السريعة حتى في الشوارع بتزيد التوترات النفسية..وهسع اذا ما بوست بت مصطفى
وبوست النكات البتفرق الهم زمان كنا قطعنا الدراسة ورجعنا انا والمسنوحة بت مصطفى
لكن بس لازمين الصبر..ويني الاجازة البتقول عليها دي قضيتها كلها في قراءة كتاب اسرة
بن لادن ..لكن الكتاب بيستاهل التضحية بالاجازة.
ودمت بالف خير وصحة وعافية
وامشي اخد ليك سياحة في بوست "عطبرة ذكريات"
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
| Quote: فى نيورك يا بسمات لقيت لى حاجة شكلها شكل الزونيا لكن طعمها طعم عنكوليب. |
يا الفاضلابي أخوي مو غريبة تلقى ليك حاجة تشبه الزونيا بطعم العنكوليب، قبال كدي ود شيقوق جاب لينا آيس كريم بنكهة الدانبوي.
بمناسبة العنكوليب أنا غنيت وقلت:
عنكوليبتي خضرا وفصوصها دقاق
مروية من موية النيل وسلسله الدفاق
بت الكرام مهرتي أم "سوساق"
بحلاته في الحلق تسوي العشراق
هسي أخوي ود شيقوق بجي ناطي، أصلو مما يسمع بطاري العنكوليب يقعد يتمطق !
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
مناسبة العنكوليب أنا غنيت وقلت:
عنكوليبتي خضرا وفصوصها دقاق
مروية من موية النيل وسلسله الدفاق
بت الكرام مهرتي أم "سوساق"
بحلاته في الحلق تسوي العشراق
يا ودبله اخوى العريبى فى موسم العنكوليب مو جلاخ وبس تلاقى الكضوب بيوووووووض التقول ماسلكوا طاحونه
واليدين ساعة ما خشن تقول جازين بيهوهن نجيلة
وات الطيب الحبيب جاى تقصد فى العنكوليب .............................. الليلة بتقوم ام هلاهلاهلا فى البوست
شكلو مروس زى رويسوا دا يا ود المنسى
يا خى الريسان عند الخواجات والامريكان اتووو بتوع يدين سنه ســــــــاكت
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
نورت يا اميرة
يالله النائبة عملتى فيها شنو هههههههههههههههههههههههههه
لا تكون شغل حقاااااارة واديتها الصالح العام ................... ذى ما سوى فى صاحب شيقا قريبى القاضى زبط ليك واحد باعدام مندكل تانى يوم لقى خطابة بين يدية
نورتى ونور حوشك وربنا يرجع لينا الحبيب شيقا بعد هذه الايام الحزينة هههههههههههههههههه صراحة خرمت ليه عديل كدة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
شُفْتَن يا اميرة وبسمات
الجماعة كووولهم زاغو
من كلمة (سُونَقْتا) حتى المك
الجماعة يا الاميرات طلعو ولاد بنادر
عشان كده اطالب ست الحوش وضامن
تثنية بت حِلَّتى الدخول للبوست يكون بى
باصورد خاس لايُعطى الا لمن تثبت غَبَشْتو
ولو اتولد فى ساقية زيِّى كده...
ربنا يجعل ايامكن كلها سعادة
ياود ابوسنينة انا قلت لك فوق مالقيت البوست اللى فيهو
نعى قريب ولد الطيب ـ اذا عندكن ليهو تلفون اجدعوهو لينا
فى الخاس والله كان ما العوج كان وصلتو لى عنده.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
يا ود ابو سنينة قدر ما سُونقتا البوستات دي مالقيت بوست العزاء حق ودالطيب
...............,,,,,,,,,,,,,,,,,,,,,,,,,,,,,,,......................
والله يا ود الفاضلابي كلمة سونقتا دي حتى اذا جاك واحد مولود في فداسي الحليماب وقرأ الخلوة في خلوة الشيخ الجعلي وقرأ الاساس في حجر العسل والثانوي في الفاضلاب واشتغل عمره كله في قرى الكواهلة
ما اظنه يعرف اصل الكلمة دي ... عشان كده جماعتنا كلهم زاغو من الكلمة .. لكني ومن سياق الجملة عرفت معناها (وهي قدر ما فتشت...) هسع ده ما اجتهاد.. ولكل مجتهد نصيب..
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
ماقصرتى يالاميرة ,, اجتهادك داخل فى المعنى
لكن مو هوَّ زات نفسه ـ (سنونقتا) دى تشبيه صورة بى صورة
لكن المشبه به ما بنكشفو علا جماعتك ديل يقولو يالفاضلابى
نحن صاح اتولدنا فى الريف لكن اتبندرنا.. ودى ليها قصة طريفة
كان ماجات بت حلتنا وطلبت نحكيها مابنحكيها ولازم تمضى اسمها
وتقول انا بسمات بت عبدالرحيم بطوعى واختيارى وكامل اهليتى المعتبرة
شرعا فى السودنة وقانونا فى نيويورك آذن لود حلتى عبدالعزيز الفاضلابى
يحكى الحكاية ـ وتعلق على مداخلة الزونيا عشان المسنوح ده يعرف الفرق بين العنكوليب والزونيا.
ويسلم من سماك الاميرة يابت مصطفى الارباب.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
وانت مفتكر بت عبد الرحيم بتعرف الزونيا دي شنو!! وهي عشان كده زاغت من الكلمة..
وانا شايفها شغالة ترجمة في الكتاب وانا ما حاقابلها الا يوم الجمعة لاني الايام دي في كونتيكات
وهاتفتها وخليت ليها رسالة عشان تدخل البوست عشان نعرف حكاية الصورة من الصورة دي .. ومرة
واحدة كمان اشرح ليها الزونيا دي شنو..
شوف عليك الله علقت على جياة زوجة ابراهيم بن لادن كيفن في آخر مداخلة ليها في بوست اسرة بن لادن
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: نعمات عماد)
|
عزيزي ود الفاضلابي
انا كمان مشيت لعم قوقل ولقيت عنده معلومات كثيرة عن شجرة الزونيا وثمارها .. وصور كثيرة للشجرة .. وفي الحقيقة
لانا ماشفت الشجرة دي قبل كده واظنها بتكون خاصة بمنطقة عطبرة وشندي فقط... وهل ثمارها بياكلوها الناس؟؟
واذا كده تكون بت عبد الرحيم شبعت منها وهي ماشة للمدرسة وراجعه منها..
ووجدت مقال كاتبه صلاح الدين عووضة عن هذه الشجرة .. وهو بالمناسبة عضو في البورد هنا.. ويا ريت كمان يجينا بهنا وينورنا كمان وكمان
والله يديك الصحة والعافية
صلاح الدين عووضه
mailto:[email protected]@yahoo.com
* بعيداً في المدينة النيلية تلك كنا نعشق شجرة الزونيا الشهيرة بجوار الشاطئ..ٍ
* كنا تلاميذاً في المرحلة الابتدائية يجمع بيننا - الى جانب ضروب من العشق أخرى - عشق تلكم الشجرة..
* ورغم أنها لم تكن ذات صلة بالشجرة التي أخرجت أبوينا من الجنة إلا أن (الكبار) كانوا يصيحون فينا كلما علموا بممارستنا للعشق ذاك: (ألم ننهكم عن تلكم الشجرة؟!)..
* أما صنوف العشق الأخرى تلك التي كنا نمارسها فهي (الدافوري) ، وتسلق الجبل، ومشاهدة الأفلام مع (الخواجات) مساء كل خميس..
* ومن الأفلام المترجمة هذه عرفنا مصطلح (ممارسة الحب!!)..
* ولكن ما كنا (نمارسه) من حب - أو عشق - نحن لم يكن ذا صلة بـ (الممارسة) السينمائية هذه..
* ثم إن (كبارنا) هؤلاء، ما كانوا (يُحرِّمون) علينا من هواياتنا المشار اليها تلك كافة إلا الخاصة منها بشجرة الزونيا..
* ولم نكن نعلم سببا (وجيهاً) لذلك..
* فقد كنا نراها شجرة (وجيهةً!!) جداً..
* ثم إن تسلقها يتيح لنا متعة التحديق في جمال النيل من علٍ..
* وفضلاً عن ذلك فإن ثمارها كانت في نظرنا أحلى طعماً - وشكلاً - من عنب جنينة حاج الريح..
* وحاج الريح هذا - للعلم - هو الذي كان يقال عنه آنذاك: (ليس أجمل من عنبه إلا بناته)..
* وبما أنه لم يكن لنا في بناته (من حق) - حاج الريح هذا - فقد قلنا إن ثمار الزونيا كانت (أحلى) من عنبه، ولم نقل: (من بناته)..
* و (الحق) الذي أشرنا إليه هذا مرده الى صغر أعمارنا وليس إلى الذي عناه قوم لوط في الآية التي اقتبسنا منها البلاغة التوروية هذه..
* وما زال كاتب هذه السطور يذكر كيف أنه أجهد ذهنه - وقتذاك - في فهم الصلة بين (البرتكان) و (النهد المدردم) في رائعة وردي (القمر بوبا)..
* ثم تشاء الصدف أن يجيء وقت تتسع فيه دائرة عدم الفهم هذه تجاه (صلات!!) بين أشياء عدة...
* بين (ممارسة الحب!!) - مثلاً - كما فهمناه عبر أفلام سينما (الخواجات)، وما كنا (نمارسه) نحن من ضروب الحب المذكور..
* وبين البرتقال والنهود...
* وبين العنب وبنات حاج الريح...
* وبين المانجو و (المنقة!!) التي أسفل شجرة الزونيا..
* وقد كان ذلك ذات ليلة مقمرة تخيرناها لممارسة عشقنا (الزونيوي!!) بعيداً عن أعين (الكبار)..
* وهي الليلة التي علمنا فيها لِمَ كان الكبار أولئك ينهوننا عن تلكم الشجرة..
* فما أن طاب لنا المقام أعلى شجرة الزونيا - مجلساً ومطعماً ومنظراً - حتى أحسسنا بأن ثمة رفقةً لنا (غير مأمونة!!)..
* كان ذلك أسفل الشجرة عند الجزع..
* ثم سمعنا شهيقاً وزفيراً و (فحيحاً)..
* وما استطعنا تمييزه من كلمات - في خضم (اللهث!!) ذاك - كان ربطاً بين (البرتكانة والنهد المدردم)، وبين (المنقة واللون)، وبين (العنب والشفاه)..
* ومن بين الأغصان والفروع والظلال حاولنا أن نبصر ما يحدث أسفل الشجرة دون أن نصدر أصواتاً تدل على وجودنا..
* ونجحنا في ذلك بفضل ضوء القمر..
* وتجمدت الدماء في عروقنا...
* فلم يكن هنالك برتقال ولا عنب ولا مانجو ولا يحزنون..
* ولكن كانت هنالك (ممارسة للحب!!)..
* أما نحن فلم نعد (نمارس حب!!) شجرة الزونيا..
* فقد غدت - بالنسبة لنا- (الشجرة الملعونة!!!!)
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: الحبان منجم مشتاقين
اتمنى فى هذا العام الجديد ان تعود الحيوات التى عشناها
والامال التى عقدناها والاحلام التى طالما ارقتنا ان تعود مكان الفعل وان نعود
الى تلك الديار ندفع بها لبر الامان والمحبة والانسانية التى كانتها ،
لكم محبتى بالدرب العديل |
الحنينة بت سلامة سلمى
زفت العين دموع من فرحة ( بالدرب العديل )
وتنعدل ايامك شقيش ماتقبلي
ومشتاقين وليت اللمـــة تبقيك وهنا مكانك يا جميل ي راقي إحساسّك
الزول السمح أخوي العبيد ود المقدم
زولك بتاع الأضراب حرّم نجيض كان دواس معاهم كان اي شئ تاني معاهم لكن في الغيف دا تب ما معاهم
عفي منو وزول نصيحة والواضح مو فاضح
حكى لي ود السراريج
كان في يوم من الأيام عمه مريض ( عضتو عقرب ) مو شدت لي رز بي لبن مقنن ( للمريض )
أخو قال يدو معا رز
الأم قالت لي لا .. الرز لي أخوك المريض
زولك شال الأريق اي شق في حيطة كبا في موية ويمد أصبعو
لما عضتو عقرب
لما عضتو العقرب ما صرح ما ألم لعضة
صرخ ( الرز بي اللبن )
الحببة سمات والله قايمة بي الواج على أتم الكمال الله يديك العافية وكيف امتثال تحياتنا لها
ود ابوسن عوافي يا الضو ومابقول لك سّو
زولك بقى بتع واط سب
بجدع ليك عنوان الملف عشان تلم في
أخو الحوبات يوسف ابوسنينة
أشواق كتيرة
الفاضلابي مالك سمعتو ولا جابو ليك
عافص لي كدا
لكن العمر لي حدّو
والسير لي مردّو
البدورنا بندورو
واليبانا .........
ههههههههه
شيخنا ود البله
تسلم أالجميل كلك ذوق
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
افو يامك ـ ده كلام
ياخ انا سمعت انك متجدِّع فى جروف شندى
وتغنى تقول يالمريودة شتلة شندى اقول انساك قول ماعندى.
قلنا بدل نزعجك اخير نخليك تستمتع بحدايق المتمة والجوير
وتشرب شاهى المغربية فى مويس.
فى اخر زيارة قابلت فيها الوالد الارباب رحمة الله عليه وعلى الولدة.
كان معاى لابتوب اشتريتو لاختى الصغيرة رُبا ,, والوالد كان مشغول
بتوزيع الاطيان وميراث ابوهو ,, وكنا انا وهو فى عشرة ونسة فقلت ليهو
يا ارباب اشغِّل ليك قناة الجزيرة؟ قال لى: يازول جزيرة شنو انا عندى جزيرة فى راسى ده.
اها يامك قلنا نخليك تستمتع بى شندى بلد الجمال عندى ومانسوى ليك جزيرة فى راسك... شفت المحامين بى عَدلوا الكلام كيف؟
عمى المبارك رحمة الله عليه كنا معاهو انا وولده عبدالمنعم وكلينا محام
تحت التمرين وقتها وكانت محاكمات سدنة مايو فى التلفزيون والناس متابعنها ..
عمى نامن شاف ناس شِّدو قال لينا غايتو كله منكم انتو ديل الزول يكون مذنب تجو انتو شايلين شِنِيطاتكُن ديل تمرقوهو.
| |
|
|
|
|
|
|
|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
والله كان جينا للحق البمشي العمرة والحج هو البدعو للناس التانين ،وخاصة اذا الناس التانين ديل
قاعدين في السودان يدعو ليهم الله يخلصهم من الشقاوة العايشين فيها ...
بس كمان الحاجة الغريبة انا لمن امشي السودان اجازة بلقى الناس تضحك من الاعماق وكانها ما عندها هم
ولا غم بالرغم من صعوبة المعيشة وصعوبة الحياة بصورة عامة ولمن تسال السبب تسمع البقول ليك :نحن
اتعودنا على كده وبيقولوا ا ذ ا كترت عليك الهموم ادمدم ونوم....
وتراهو عشان كده الناس ما بتنتفض ضد النظام الحاكم....(اها خلاص اخير اقيف هنا قبل ما اقلبها سياسة
ووجع راس..والسياسة دائما بتفسد كل شئ حتى المودة والرحمة والعشرة والالفة..عشان نحن عندنا في السودان
قاعدة بتقول :" اختلاف الراي يفسد للود قضية""
السياسي الوحيد السمعنا بيه انه بيختلف معاك في الراي ويحترم رايك ويعاملك كصديق هو الزعيم السياسي
عبد الرحمن المهدي وقرانا مرة ان الحزب الشيوعي السوداني دعا وفد من الحزب الشيوعي الروسي لزيارة
السودان ووصل الوفد الروسي للسودان ..وكانت ميزانية الحزب الشيوعي السوداني شحيحة وضعيفة ولا تسمح
باقامة حفل عشاء للوفد وكان زعماء الحزب الشيوعي السوداني عبد الخالق محجوب والشفيع احمد الشيخ
يفكران في اقامة حفل شاي بسيط للوفد الروسي..ولكن الامامىعبد الرحمن المهدي اقام حفل عشاء فخم للوفد
الروسي الزائر وقال لزعماء الحزب الشيوعي السوداني :"صحيحةانكم دعوتم الوفد الروسي لزيارة السودان
ولكن بمجرد وصول الوفد للسودا ن فهو ضيف السودان وليس فقط ضيف الحزب الشيوعي..وقد قام زعيما الحزب
الشيوعي السوداني عبد الخالق والشفيع بتقديم الشكر والعرفان للسيد عبد الرحمن المهدي لاريحيته وكرمه في
استقبال الوفد الشيوعي الروسي واعتباره ضيف للسودان.
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
يوسف ود ابوسنينة ده يا اميرة فى واحد من البوستات كان بتونس معانا
وجا يودعنا وقال ماش يعمل عُمرة وطلب مننا ندعو ليهو <<
قلت ليهو انت ماشى العمرة ولا ماشى الجبهة ـ البدعو لاخوهو منو؟
الطيبن والسمحين والحلويين والحلوات المكملات ستات البنات الما خمج بنات العز والمهله ( مدانا المصون من مهله )
الله يديكم العافية وجمعكم بخير وصحة ويرد لينا بت العم بت عمسيب غرقانة وين ما بنعرف وعودة الحبيب شيقا المسخ علينا الحله ( سبحان الله الواحد بشتاق ليه )
الفاضلابى يا اخوى المسخة خليها انا كان وصلت محل الدعاء بدعو ليكم لكن اسال سلامه الوصول بعدين ادعو للكل لما اوصل وانت بميزك بدعوة تورط ورطة لما تدعو شيخك شيقا يفكك منها
ود المنسى نورت والله وصلت محل النت بشوفك اتعدلت بالحيل ان الاجازة تكون متعه وسط الاهل .........................لكن ظنيتك ما خليت بتاعة شاى ما ضقت شايها
تلفون حبيبك برسلوا ليك بالواتس بن الكلب اسف ابن اب
ود ابوسن عامل حمد لبد ود بله دائماااااااااااااااا متالق اصلا اهلنا فداسى ديل من يومهم سمحين ســــــــــــــــــــــــــــــــــــــــــــــــــاكت فى مشيتهم فى الوطاء دى مختلفه غايتو طال العمر كان قل بسوى الفى راسى ان شاء الله .........كل زول يخمن ههههههههههههه والباقى على الله
والله يا ود المنسى دكتور الحريم شافتلها بلد غير تتاوق وتمرق فى راسها فى كلالالالالالالالالالام كتر
العريبى ود البوش عاوزين لينا نفرة لبكرى ابو صلعة عشان يرجعوا لينا اليومين التقول بكرى بقى كوز لافى عمته زى اصحاب ود الباوووووقة شكلوا بعملوا فى عملة الله يجيب العواقب سليمة
غايتو خرمجت زينتى النشوف البعدى يسوى شنو
وفتكم بعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالحفيظ ابوسن)
|
| Quote: ادعو لي ربنا يوفقني اخوكم وحلان وموكر |
سلام وصباح خير على الناس السمحين
زمان ياعبد الحفيظ نامن بنطون الفاضلاب يوحل
بجيبوا الكراكة من شركة ماسبيو عشان تقلعو
اها ان شاء الله ربنا يبعت لك كراكة من كنانة
وجب ندعو ليك ونحن فى السجود ان مد الله فى الاجال
وانت كمان ماتنسانا من الدعاء دعاء الانسان لاخيه بظهر الغيب مستجاب ,,
واوصيك بقراءة سورة الانبياء كاملة وبتدبر وخشوع ما وسعت خاصة الايات (68) الى (91)
وربنا يفك كرب كل الاحباب وكل من قال لااله الا الله.
عبدالحفيض اجدع لى تلفون بت عمسيب ـ طالبانى كتير خلاس
ود ابوسنينة دخل نادى المسانيح اميرة نرجو صرف بطاقة عضوية للعضو ابوسنينة.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
Quote: ود ابوسن عامل حمد لبد ود بله دائماااااااااااااااا متالق اصلا اهلنا فداسى ديل من يومهم سمحين ســــــــــــــــــــــــــــــــــــــــــــــــــاكت فى مشيتهم فى الوطاء دى مختلفه غايتو طال العمر كان قل بسوى الفى راسى ان شاء الله .........كل زول يخمن ههههههههههههه والباقى على الله
|
ياخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
اخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة.
غايتو الله يقدرنا على جزاكم .................... لكن جزاكم عند الله ان شاء الله
العريبى والمسانيح المعاه طبعا جمعتك كل واحد رابط عمة فى بطنة من الضحك وعاوزين ليهم سبب زى لكن البموت ما بلقاء خاصة ناس الصعيد الميوتهم طملة
الفاضلابى اليوم دخل نادى باريس ( المسانيح ) احمدك يا الله
لكن يا ودبلة ما ورطنى زى ورطه ابوى مع اهلى العوامرة فى الربع خلوووووه الف حوووووووول نفسة بحب بت عمة حب تمام وحلف ما يتنها ( الله يرحمه ويرحم اهلنا جميعا رسالتهم كانت واضحة زى الشمس الدنيا كثيررايح وقليلها رايح عاوز درب الاخرة وبس )
هسع اخوى مايمكن بدور استثمر مع عم عمى الوالى قلت ليه ات ناسينى من زمن القراية ما سالت منى قال اسال اخوك الكبير فى السعودية فى السودان اهلك معاى ههههههههههههههههههه
يسلموا ناس فداسى البملوا العين لما تدفق
العريبى الحاسد الله يرد لينا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
| Quote: الفاضلابى اليوم دخل نادى باريس ( المسانيح ) احمدك يا الله |
ود ابوسنينة إنت قريت عربى فى خلوة الجداد غَمَّد ولا شنو؟
دى بكتبوها كَدى (الفاضلابى اليوم دِخَّلْنِى نادى باريس ( المسانيح ) احمدك يا الله)
واحد صاحبنا يا ابوسنينة من نواحى ناس ودالبلة ديل
جاء نيويورك وقدم لجوء ـ وقصته طويلة من ضمنها
انو اتربى مع حبوبته ـ وطبعاً الخواجات عكاليت اثناء
ما بحكى فى قصته نامن جا عند حبوبته نطَّ واحد سأله:
عنوان حبوبتك فى السودان وتلفونها. قال لهم :
هو انا حبوبتى كان عندها تلفون كان جِيتْكُن هِنا؟| Quote: يا ناااااس كيفكم اشواقات |
الملكة ـ اشواقنا ليك قواسيب ـ الاميرة بسمات بى عذرها انتى عذرك شنو؟
بعد بديتى دبَاغ فى مسنوح البردانة وقفتى مالِك الزول ده كان وقفتى من دَبْغو بى فَرْهِد وكان فَرهد بى سَوِّي ليهو جَنِيَّة.
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبدالعزيز الفاضلابى)
|
عزيزي ود الفاضلابي
انا لمن وصلت من الإجازة لقيت ابو سنينة بقى عضو قديم ودخل نادي المسنوحين وراجعت مداخلاته ووجدت قصص وحكاوي رائعة
يعني ما عضو جديد .. وبت الشيخ عبد الرحيم ما قصرت ولازم تكون اصدرت بطاقة العضوية الكاملة من زمان..
وهاتفتها وطلبت منها تدخل البوست وترد ....ولمن قالت هي مشغولة بإنهاء فصل اسرة بن لادن وهي مزنوقة شديد للإستعداد لإختبارات
مدرسية وهي في وحكة وشدة.. ونصحتها وقلت ليها اقري سورة الأنبياء من الآية 68 لغاية الآية 91 زي ما قال ود حلتكم ود الفاضلاب
لود ابوسن والما عرفنا مشكلته شنو عشان نشارك في حلها..
والله يديك الصحة والعافية
العزيز ود المنسي
سمعنا من ود ابوسن ان والدك كان عيان وان شاء الله بقى طيب
والله يديه الصحة والعافية
ويديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
الاميرة بت الارباب مصطفى
مش سورة الأنبياء براها القرآن ده فيه مواقف لما الواحد يتدبرها ويحاول يستحضر الموقف وكأنه يراه اقل شئ يلين قلبه وزى مابقولوا اهلنا شَعَرة جلده تَكَلِّب ,, اديك امثلة ـ امسك المصحف وانتى راكبة المترونورث شايلة نيويورك وافتحى آل عمران وابدى من الاية (33 الى الاية 61)
واخدى ليك وقفة عند الايات 35 الى 37 ) واتخيلى الموقف وعظمته
وهولاء البشر الذين تخاطبهم الملائكة ومريم الفتاة الصغيرة التى يأتيها رزقها كما وصفته لزكريا ,, ثم ارتقبى الايات التى بعدها لتلتمسي ذكاء سيدنا زكريا عليه السلام فى فن الدعاء واغتنام اللحظة ليدعو لنفسه ان يرزقه الذرية الطيبة وما كان دعاؤه الا بفهمه لجواب مريم عليها السلام
وثقته فى الله (لذلك انا دائماً اقول لقريباتى واصحابى وزوجاتهم الذين لم يُرزقوا الذرية ان يدعوا الله بهذه الايات, (38 ومابعدها من آل عِمران) والايات (89 و 90) من سورة الانبياء.
وبت الارباب عبدالرحيم وهى مقبلة على الامتحانات قولى ليها تقرأ
الايات (25 ومابعدها) من سورة طه ,,
وانتى وهى كل يوم مارقات من بيتكن ماتنسين دعاء الخروج.
بسم الله لاقوة الا بالله ,, توكلت على الله ,, اللهم إنى اعوذ بك أن ازِل
او أُزَل ,, او اضِل او أُضَلْ ,, او أجْهَل او يُجْهَل علىَّ.
وإن خِفتى شَرَّ قوماً فقولى: اللهم انا نجعلك فى نحورهم ونعوذ بك من شرورهم.
وكذلك قولى:
اللهم انا نجعلك فى عقولهم وفى عيونهم وفى افواههم لاينطِقون الا عدلاً وسلاما.
وتذكرن ابتداء دعائكن بحمد الله ثم الصلاة على النبى واختمن بها.
ربنا يحفظكن ,,
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
ود ابوسنينة إنت قريت عربى فى خلوة الجداد غَمَّد ولا شنو؟
دى بكتبوها كَدى (الفاضلابى اليوم دِخَّلْنِى نادى باريس ( المسانيح ) احمدك يا الله)
رودددددددة يا بتاع الخلاوى انت هههههههههههههههههههههههههههههه
ات ما شايف المسنوح بقول فى شنو
يا اخى انا قريت خلوووووة والله الكيزان ما كانوا مسكوا البلد واو ودما المسنوح الصالح العام
الاميرة ود الفاضلابى من زماااااااااااااان مو مريحنى والله اتبين فيه ارجو السودان بتبروقة
برجع ليكم الصباحية المكتب متل زيارة المستشفى يوم الجمعة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
Quote: الغالية نعمات( نعومة)
كل سنة وانتي طيبة وربنا يحقق الأمنيات في هذا العام
وما تغيبي مننا كثير
والله يديكي الصحة والعافية
بركة بالعودة ود المنسي والحمد لله الانترنت اشتغل في شندي.. ولا يكون تلفونك زي تلفون ود ابوسن
والله يديك الصحة والعافية
يا الله انا مشواري بعيد وساكنة ولاية ثانية والقطر ساعة ونص.. |
في التبادي أنت منو ؟
النضم نضم أميرة بت مصطفى
وأول أمس القريبة دي كانت معانا بسمات بت عبدالرحيم
المهم معزتكن عندنا واحدة
وسلام ليكن الأتنين
والله شندي دي لو جيتها تاني ماتمرقي منها
عربا تلقي الواحد قاعد تحت الشدرة راعي في غنمو وشايل
Iphone
ههههههههه
ويشخت ( بس التقول بنضف في رز )
والله النت عندنا كباي زي جدول البحر لكن الوقت ضيق هناك محبة وحبان وما ملحقين
وتسلمن يا بسمات وأميرة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: افو يامك ـ ده كلام
ياخ انا سمعت انك متجدِّع فى جروف شندى
وتغنى تقول يالمريودة شتلة شندى اقول انساك قول ماعندى.
قلنا بدل نزعجك اخير نخليك تستمتع بحدايق المتمة والجوير
وتشرب شاهى المغربية فى مويس. |
بقيت زي ود الموية الواحدمايقدر يمسكك
عرفت تتخارج مني
والله جد يا الفاضلابي الوقت في شندي ما بحوق الحبان كتار وونستهم حلوة
والله من تصبح خالة تجيك داخلا بي بفطورها وتقيل معاك تمرق الخالة يجيك عم
يكرموك لما يخجلوك
زمان اول مرة أمشي شندي وعاي زوجتي المجرية عندي عمي ود عم ابوي تاج السر ود طه عليه رحمة الله
كان مريض وجلس ما بحوم
بناتو قالن لي ابونا قال خالد لو جاب مرتو تسلم علي والله أضبح لها تور
وبعرفو عمي بسويها مشيت لي براي وما سقت زوجتي
سألني وين زوجتك
كلمتو قلت سمعت من البنات أنك قلت حا تضبح تور
عشان كدا ما جبتها معاي
قال أها شنو ليك علي قسم أضبح ليها وأتقدر اجي أكل في عندكم في البيت
وفعلاً سواها
شندي الفاضلابي الناس فيها طيبتهم تجبرك أن تكون بينهم
تعرف في سفرتي دي مشيت الخرطوم مرتين لبعض الأجراءات العقيمة هذه
( مصادر رزق الحكومات .. تاشيرة أعفاء من التجنيد وسجم ورماد )
والمرتين قعدت يومين يومين
باقي أجازتي كلها منطلق بي عراقي وسروال طويل في شندي شي جناين وشي مترات وشي جزاير في البحر
أحلب وأصرر
شندي حلوة يا الفاضلابي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: والله كان جينا للحق البمشي العمرة والحج هو البدعو للناس التانين ،وخاصة اذا الناس التانين ديل
قاعدين في السودان يدعو ليهم الله يخلصهم من الشقاوة العايشين فيها ...
بس كمان الحاجة الغريبة انا لمن امشي السودان اجازة بلقى الناس تضحك من الاعماق وكانها ما عندها هم
ولا غم بالرغم من صعوبة المعيشة وصعوبة الحياة بصورة عامة ولمن تسال السبب تسمع البقول ليك :نحن
اتعودنا على كده وبيقولوا ا ذ ا كترت عليك الهموم ادمدم ونوم.... |
أنت منو أمرة ولا بسمات ؟؟
تعرفي يا الكتبت سنة 2000 مشت معاي زوجتي السودان أول مرة
وكان نفس ملاحظتك
قالت أجمل شئ الناس دي رغم المعناة بضحكو وحنان في بعض يل لو أهلي المجريين كانوا كلهم أنتحروا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: ود المنسى نورت والله وصلت محل النت بشوفك اتعدلت بالحيل ان الاجازة تكون متعه وسط الاهل
.........................لكن ظنيتك ما خليت بتاعة شاى ما ضقت شايها |
ود ابوسنينة
حبابك يا الحبيب
قبل يومين وأنا راجع من بورتسودان كنت عاوز أشتري لي خنجر هدندوة
قيت شاب هدندوي وجيهه عمر 17 سنة وزولك محدر السفة دقار لوري
قلت لي انت ما عارف التمباك حرام
قال التمباك جبنا نحن
ما جانا منكم
قلت كضاب في محلك دا التمباك جابوا الهدندوة
قال لي : كو نحن جبنا التمباك نحن جبنا ليكم الحج والعمرة والبركة أنتو ما بجي منكم إلا الشر
ويضحك ضحك
والله راجل ظريف ظرافة
قلت لي اسمع ما نعمل ليك عضوية مع بكري ابوبكر في المنبر
وتشارك معانا في حوش أميرة
قال لي بكري دا شنو مايكون مؤتمر وطني ؟
وحوش امير دا واقع وين هنا جاي في الشرق ولا عندكم غادي
زول عسل لو في طريقة كان جبتو ليكم هنا
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: بت عمسيب محكرة في السودان
ضربت طايبتها وكملت رصيدي وتاني حشرت رصيد يبقو ضربتين
خالد تلات ضرايب
والدو مريض كان وتماثل للشفاء وطيب
ود البوش لسة مركب قزاز .. العريس
المسانيح والمسنوحات
طلب
ادعو لي ربنا يوفقني اخوكم وحلان وموكر |
إت يا عبدالحفيض ما بتحسب انا والله أظني طالبك أردب تلفونات
فعلا يا الأحباب الوالد كان مريض والحمد الله رب العالمين تماثل للشفاء وعادت البسمة لي بنياتو
ولينا وبدأ يبني لي في شقة قال دي لي خالد الما لاقي محل دا في البيت لما يجي أجازة ههههههه
وبرضو عندنا أختنا الكبيرة عملنا ليها عملية في العين جراحية في بورتسودان لانو فيها طبيب
زاع صيته والعلاج نفسي
لك الشكر أخ ابوسن
زوك الأيام دي واقع واتس اب
وما بكتب برسل ( Voice massages )
قال أصبعو كبير لما يدوس في الحرف بكتب 3 حروف مع بعض
هههههههههه
يا سلام يا سلام يا سلام علي بت عمسيب زولة عسل والله
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: ياخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم
الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته
وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو
وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة
عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة. |
هههههههههههههه
ود بلة عليك امان الله لو أمتحنونا في قراءة ما تحت السطور بنجي الأوايل
ايمالدراسة عندنا اصاحبنا اتنين راكبين في البص ركب واحد جزائري في ابص
قام الشقي قال لي المسكين في واحد من جماعة الدولار ركب بصوت خافض( الجزائرين في مديتنا شغالين كلهم في العُملة )
المسكين ردا لي منو الجزائريين ( بصوت عالي )
قال لي نقطتها يا الضكر
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
Quote: واحد صاحبنا يا ابوسنينة من نواحى ناس ودالبلة ديل
جاء نيويورك وقدم لجوء ـ وقصته طويلة من ضمنها
انو اتربى مع حبوبته ـ وطبعاً الخواجات عكاليت اثناء
ما بحكى فى قصته نامن جا عند حبوبته نطَّ واحد سأله:
عنوان حبوبتك فى السودان وتلفونها. قال لهم :
هو انا حبوبتى كان عندها تلفون كان جِيتْكُن هِنا؟ |
هههههههههه
تِخت عليك يا مسنوح
مرة واحد من الفاضلاب في امريكا عمل ورق ( بالزواج ) مرة ماشي مع زوجته قولي كدي يا المرة أعتري واقعي
كان ورا سوداني كورك لي يا زل ارفع ورقك دا وقع
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
وضاحة اللماحة
ازيك وطولنا ..اشواقات واشواقات
قاعدة تغيبي كتير ولكن لمن تطلي بتنوري الدنيا
والله يديك الصحة والعافية
وكل سنة وانت طيبة
ود المنسي
من اول امس انا مسكت الدفة هنا والمسنوحة بسمات ماسكة
قصة بن لادن لغاية كمان يومين تلاتة..بس هي كمان موكرة زي ود ابوسن
ادعو ليها زي ما قاعدين تدعو لود ابوسن بالنجاح والتوفيق ..وهي لمن راسها
يكبس بتمشي لي استار بكس تذاكر هناك ..وقلت ليها لمن راسك كمان يكبس
ومعاك كباية القهوة افتحي بوست الناس السمحين واقري قصص وج شيقوق
وود بلة وود ابوسنينة المزاج يروق وتفهمي المسائل المعقدة..وهي لهسع منتظرة
قصة ود حلتها وج الفاضلاب وقصص مرة جد ود ابوسن
والله يديك الصحة والعافية
| |
|
|
|
|
|
|
|
|
 Re: ود ابوسن، ود شيقوق، ود البوش، ود المنسي، انتو ناس سمحين... (Re: وضاحة)
|
Quote: الملكة ـ اشواقنا ليك قواسيب ـ الاميرة بسمات بى عذرها انتى عذرك شنو؟
بعد بديتى دبَاغ فى مسنوح البردانة وقفتى مالِك الزول ده كان وقفتى من دَبْغو بى فَرْهِد وكان فَرهد بى سَوِّي ليهو جَنِيَّة. |
المك ياخى شوق الشوق
المسنوح طار للبكاء بعد يرجع بنظموا ليك هههههه
وحشتونى والله
كل ما اسمع الاغنية دى بتذكرك
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
الغالية وضاحة
غايتو انتي وبسمات الله يكون في عونكم وهي كمان متجرسة من الامتحانات
وبرضها بتقول لناس البوست ادعوا لي وهسع قربت تحفظ قصيدة ود بادي
وكل يوم تذكرني وتقول لي:"كان شوفتي يا يمة سلاطين العلم يدفروك بره زي دفر الطبالي"
وانا اقول ليها سبحان الله بالله الجرسة بتخلي البت البرجوازية بسمات تتقلب بدوية وقروية
وتنافس ود بادي في قصائد الحلمنتيشي...انتو قايلين علم امريكا لعب...تحسبو لعب!!!
لكن المهم دعواتنا معاكم ويوفقكم الله في كل خطوة.
والله يديك الصحة والعافية
وكدي استمعي للغنوة السمحة الجايبها ود المنسي وروقي مزاجك شوية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: المك ياخى شوق الشوق
المسنوح طار للبكاء بعد يرجع بنظموا ليك هههههه
وحشتونى والله
كل ما اسمع الاغنية دى بتذكرك |
سلام يامكة الدار سلام
كدى بتجيبى لنا الهوا من البردانة
اتى برضك اقرىى الآيات والأذكار الكتبناها لى اخواتك ديل.
واحد مسنوح ياوضاحة عنده دكان والحالة مْلَطِّشة معاهو
مشى لى شيخ أدَّاهو اذكار يقولها وعَلّموسورة الواقعة
وقال ليه بعد الحال يمشى معاك تجى تدفع البياض
المسنوح عمل بالنصيحة والحال مشى معاهو ونسى يمشى للشيخ
وفى يوم الشيخ راح لى دكان المسنوح لقاهو متروس زباين ـ قال ليهو
يازو بياضى وينو؟ المسنوح قال ليهو بياضك كم؟ قال ليهو مليون.
المسنوح قال ليهو مليون ليه ,,, الشيخ قال ليهو انا حَفَّظتك الواقعة.
المسنوح قال ليهو ويعنى شنو اصلها الواقعة دى من كلماتك انت؟
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: إسحاق بله الأمين)
|
Quote: إختيار جميل يا أخونا ود المنسي الرجل الظريف.
كلمات بسيطة ، جميلة ومعبرة وأداء رائع لفنانة شابة يرجى منها الكثير والمستقبل يفتح لها الأبواب.
قبل كده كتبت "بوست" في سودانيز أون لاين بعنوان" الليمونة الليلة يا" لأن كلماتها أيضا جميلة صادقة ومعبرة.
صادق الود |
سلام يا صافي النفس والسريرة
أخي ود البلة
نعم في البساطة كل الجمال ينداح لحنا شجي
نعم شادن بنت ... بنت بلد واصيلة ويرجى منها الكثير في أغاني الترث الكردفاني الدارفوري
وهي شاعرة وملحنة
الليمونة من أغاني التراث الحلوة أخي ودالبلة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: Yousif A Abusinina)
|
تحيَّات نواضر الحبيب خالد ودالمنسي
وألف سلامتك والدكم وربنا يخليهو لي عولو
وربنا يشفي شقيقتكم
وعودا حميدا ، وإن شاء الله كمان تكون مليت
جُربانك والضبية من عبق شندي وماجاورها،
ياخالدعندي صديق أسافير، في الفيس، من بلدكم
شندي أو الزيداب
زول بقول دوبيت عجيب، وزول بحب أهلو وبلدو
مهما زينو العاصمه وملوها مناظر
مابنسوني ناسك يالشموخك ظاهر
بلدي الساكنه روحي وبي هواهابجاهر
تفضل هي الاصل والباقي ست ما ظاهر
......................................
ناسك في التاخي على قلب فد راجل
بشيلو مع بعض يلفوكا هسي وعاجل
بلدي الخيرها وافر وما بتحصدو مناجل
بسيط إنسانا لكن في المحاصات راجل
تحيَّات زاكيات للجميع ،ومعزة صادقة
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: عبيد الطيب)
|
Quote: تحيَّات نواضر الحبيب خالد ودالمنسي
وألف سلامتك والدكم وربنا يخليهو لي عولو
وربنا يشفي شقيقتكم
وعودا حميدا ، وإن شاء الله كمان تكون مليت
جُربانك والضبية من عبق شندي وماجاورها،
ياخالدعندي صديق أسافير، في الفيس، من بلدكم
شندي أو الزيداب
زول بقول دوبيت عجيب، وزول بحب أهلو وبلدو
مهما زينو العاصمه وملوها مناظر
مابنسوني ناسك يالشموخك ظاهر
بلدي الساكنه روحي وبي هواهابجاهر
تفضل هي الاصل والباقي ست ما ظاهر
......................................
ناسك في التاخي على قلب فد راجل
بشيلو مع بعض يلفوكا هسي وعاجل
بلدي الخيرها وافر وما بتحصدو مناجل
بسيط إنسانا لكن في المحاصات راجل
تحيَّات زاكيات للجميع ،ومعزة صادقة |
العبيد ود المقدم الحبيب
بارك الله فيك يا الفحل الضو
حمداً لله قد شفى الوالد ودخلت قلوبنا الطمآنينة بشفاءه
وكمان سرنا نجاح عملية الشقيقة في زمان كثر فيه الأهمال في العمل الطبي
في بلادنا
بخصوص جرابي تب ملان لكن حدث في شندي حادث غريب عليها هزَّ شندي كلها
طمم بطني
هولاء القوم ( الإنقاذ ) هدوا كل القيم وفسد الشباب
والله يا المقدم ما أخفيك كنت ضمن مجموعة ذهبنا لتقصي هذا الموضوع وشفت العجب العجيب
من الشرطة ومن ولي أمر الشابة ومن أهل الشاب اللذي أختفى
كلام مجرد من كل قيم عهدناها في شندي
المهم يا سيدي نقول ربنا يستر خلقه
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
عزيزي ود المنسي
ما شاء الله حاضر البديهة وبتجيب اغاني في صميم المداخلات..واغاني فعلا روعة كروعتك
وما دام جرابك مليان حكاوي ..ما تبخل بيها على الحوش العامر بوجودكم انتو كلكم ..
بس تقل الحكاوي دي شوية للاسبوع الجاي عشان ضاربانا نزلة تقيلة،بعيد عنك، والدكتور
بيقول ده فايرس ولازم ياخد فترته لمدة اسبوع مع المساعدة باخذ المهدئات والشراب الساخن
واحتمال دخولنا للنت يقل خلال الاسبوع ده..
والله يديك الصحة والعافية..
عزيزي عبد العزيز الفاضلابي
المسنوحة بت حلتكم لمن تشوف كلمة عطبرة بتنسىى كل شئ ولقت بوست باسم مشاهير عطبرة..وما صدقت
والمهم وهي في تعليقها في البوست وجهت ليك نداء خاص...ونرجو الاستجابة ...وهي نادرا هذه الايام ما تدخل
النت..ولكن في البريكات بتمر على العناوين وتفتش في نوستالجيا عطبرة..
والله يديك الصحة والعافية
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: اميرة السيد)
|
Quote: عزيزي ود المنسي
ما شاء الله حاضر البديهة وبتجيب اغاني في صميم المداخلات..واغاني فعلا روعة كروعتك
وما دام جرابك مليان حكاوي ..ما تبخل بيها على الحوش العامر بوجودكم انتو كلكم ..
بس تقل الحكاوي دي شوية للاسبوع الجاي عشان ضاربانا نزلة تقيلة،بعيد عنك، والدكتور
بيقول ده فايرس ولازم ياخد فترته لمدة اسبوع مع المساعدة باخذ المهدئات والشراب الساخن
واحتمال دخولنا للنت يقل خلال الاسبوع ده..
والله يديك الصحة والعافية.. |
لك منَّا التحية العطرة يا غالية
بت مصطفى
كفارة وسلامتك
وألف عزيز كرامتك
فيروس النزلة لو عالجتي بتشفي في أسبوع ولو ما عالجتي بتشفي في سبعة ايام
عن حكاوي شندي إن شاء الله
فقط أطلع من المود السئ الأنا فيه يا بت مصطفى
ولك كل الشكر والتقدير والأحترام يا أمير
قالوا متألم شوية
يا أخي بعد الشر عليك
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: سليمان القرشي)
|
Quote: ود المنسى ياخ معذرة والف حمداً لله على سلامة الوالد والاخت
ربنا يجعلها كفارة وطهور ان شاء الله ـ والله كنت عاوز اضرب
ليك فى الاسكايب الويكند ده لكن والله الراس بقى زى شبكة قون
الهلال يوم مازينبى ,, لكن الجايات خير ان شاء الله |
المك الفاضلابي
مابتقصر يا ابوالعيال الحلوين
تشكر ومقدر يا أخوي وربنا ما يوريك شر في عزيز
تحياتي ومودتي لكن برضو اظهر في الويكند نتونس ياجميل
تحياتي ومودتي
| |
|
|
|
|
|
|
|
|
|
Re: ود ابوسن، ود شيقوق، ود البوش، ود المنسي، انتو ناس سمحين... (Re: خالد علي محجوب المنسي)
|
ست الدار بت أحمد جابر
وهنا تظهر أبدعات حميد الشعرية اللذي جسد الكثير من الشخصيات ليعبر بها
عن ما يجيش بخاطره ويريد توصيله
هذه المجموعة من الرسائل المتبادلة بين الزوجة ست الدار بت أحمد جابر وزوجها الزين
كانت أبان حكم العسكر الثاني
( مايـــو ) وأيام الإنفتاح على الغرب في زيل السادات ومن بعده حسني مبارك ونحن سايرين خلفهما
ست الدار بــت أحمد جابر
للشاعر محمد الحسن حميـــد
| |
|
|
|
|
|
|
| |
عبدالعزيز الفاضلابى
عبدالحفيظ ابوسن
الطيب شيقوق
Yousif A Abusinina
عواطف ادريس اسماعيل
عبيد الطيب
عزالدين عباس الفحل
خالد علي محجوب المنسي
إسحاق بله الأمين
سلمى الشيخ سلامة
نعمات عماد
وضاحة
سليمان القرشي
فيس بوك
تويتر
انستقرام
يوتيوب
بنتيريست