|
|
 دي أول مرة أتداخل معاك!!
|
من الأمور التي تثير الدهشة حقا في طقوس العزاء "البكا " السودانية هي المقدرة الفذة
للنساء صاحبات العزاء في تذكر كل وجوه النساء المعزيات منذ لحظة الصدمة الأولى و حتى
آخر أيام البكا..
و هذه الذاكرة العجيبة تظل متوقدة على مر الأيام ..بحيث أن الواحدة و بمجرد سماعها
بخبر وفاة أحد الأشخاص يمكنها ـن تحدد و بكل ثقة إن كان واجبا عليها العزاء أم أن
النساء من أهل المتوفى لم يقمن بتعزيتها في عزيزها و بالتالي فقد حان الوقت لترد
لهن الصاع صاعين.
|
|
 
|
|
|
|
|
|
|
|
Re: دي أول مرة أتداخل معاك!! (Re: سيف النصر محي الدين محمد أحمد)
|
ما عارف ليه بتذكر الحكاية دي كل ما أشوف واحد من الأعضاء كاتب للتاني:طبعا دي
أول مرة أتداخل معاك!! يا ربي تكون الحكاية دي موجودة في الجينات السودانية و لا
شنو؟..العضو يكون ليهو خمسة سنوات عضو في المنبر و عارف بالضبط هو أتداخل مع منو و
كم مرة .
عارف يا بكري يمكن يكون ما في داعي للأرشيف في وجود الذاكرات الرهيبة دي...أخير
توفر قريشاتك.
| |
|
|
|
|
|
|
|
|
|
Re: دي أول مرة أتداخل معاك!! (Re: سيف النصر محي الدين محمد أحمد)
|
كيفك يا سيف ..
كمان في نظرية تانية حارقاني في قلبي ..
مرة وأنا في نص شكلة كاربة ليها عجاج والبوست بتاعي جاني زول داخل رمى ليهو كلام دراب كدة أنا ما رضيت قمت أديتو في راسو !! بدل ما ياكلا في حنانو ويتخارج جاني تاني قال لي (أنا بختار البوستات البدخل فيها بي عناية وما قاعد أدخل بوستاتك) !!
قلت ليهو : طيب ياخي لمن دخلت البوست دا ، من برة ما شايفو مكتوب بي إسمي ولا ضهبت وجابك الشمار ؟!
شنكل :
وأظن من المرة ديك يا دوبو عرف معنى جملة (إختيار البوستات بي عناية) لأني تاني أصلو ما شفتو حايم في حتة انا بكون فيها !!
| |
|
|
|
|
|
|
|
|
|
Re: دي أول مرة أتداخل معاك!! (Re: Moawia Mohammed)
|
ناذر الخبير المنبري المخضرم
كيف حالك
| Quote: قلت ليهو : طيب ياخي لمن دخلت البوست دا ، من برة ما شايفو مكتوب بي إسمي ولا ضهبت وجابك الشمار ؟! |
عارف الشمار ده من الحاجات الأساسية البتخلي ناس كتار يدخلوا بعض البوستات كدي أكتب بوست بعنوان فلان الأنتهازي..ولا يا بكري أطالبك بأتخاذ اجراء عاجل ضد فلان ولا أي عنوان فيهو كلمة بشاشا أو تراجي و شوف الناس حتختارهم بعناية كيف.
| |
|
|
|
|
|
|
|
|
|
Re: دي أول مرة أتداخل معاك!! (Re: سيف النصر محي الدين محمد أحمد)
|
ود الموج ...
Quote: سيف النصر لو سمحت ممكن اتداخل معاك..
لكن بشرط تطرد لى ناذر ده،،، |
إنت والله ما عارفني ..
أنا قاعد في المنبر دا فش غبينة وفقع مرارة لي ناس معينين .. دي كل شغلتي وشعاري (يا فيها يا مفسيها) .. عشان كدة ناذر دا اختوهو وشوفو شغلتكم عشان ما أفسيها 
| |
|
|
|
|
|
|
|
|
|
Re: دي أول مرة أتداخل معاك!! (Re: ناذر محمد الخليفة)
|
الاستاذ/سيف النصر
تحياتى ودى اول مرة اتداخل معاك
وبعد اذنك
ــــــــــــــ
الاستاذ/ ناذر الخليفة
دى اول مرة اتداخل معاك
يس عندى ليك سؤال انت الكلام
السمح دا بتجيبوا من وين؟؟
يعنى بالواضح كدا كلامك كله منطق
حواء
| |
|
|
|
|
|
|
|
|
|
Re: دي أول مرة أتداخل معاك!! (Re: سيف النصر محي الدين محمد أحمد)
|
سلامات يا حواء ..
إنشالله بس ما تكون دي أخر مرة تتداخلي معاي ..
Quote: يس عندى ليك سؤال انت الكلام
السمح دا بتجيبوا من وين؟؟
يعنى بالواضح كدا كلامك كله منطق
|
الكلام السمح دا إتعلمتو في المنبر دا .. عارفة كيف ؟!
تقري بوستات ناس كدة نافد فيهم قدر ربنا وهم معروفين بي تجليطاتم الكتيرة والكبيرة وطوالي تقومي تكتبي عكسيو والنتيجة كلامي السمح دا
شنكل :
شكرا على كسير التلج
| |
|
|
|
|
|
|
|
|
|
Re: دي أول مرة أتداخل معاك!! (Re: سيف النصر محي الدين محمد أحمد)
|
Quote: كلامك عاجبنى وكل ما اقراء اضحك حتى
الاولاد لمن يشوفونى بضحك يقولو اكيد ماما
قاعدة تقراء فى كلام ناذر الخليفه |
.
ناذر
شفت كيف ؟ حواء دي في أول مداخله ليها معاي تقوم بدل ما تشّكرني..تشكّرك أنت.
صنفرة:
يا ناذر يا خوي و الله خايف يجي زول ناطي و يتهمني بالأنصرافية و إهمال قضايا الوطن الأساسية.
| |
|
|
|
|
|
|
|
|
|
Re: دي أول مرة أتداخل معاك!! (Re: ناذر محمد الخليفة)
|
| Quote: الجايات أنا ما حا احضرا لأني حا أتزوج عما قريب إنشاء الله ، وبعد داك حا إختار أصحابي على سنة الله ورسوله |
يا ناذر أنت ظاهر عليك داخل مؤسسة الزواج دي بفكر إنبطاحي عديل كده..يعني معنى كلامك ده أنو لازم "المدام" توقع بالموافقة على طلب الواحد في الأول حتى بعد كده يبقى صاحبك.
صنفرة
أسمع نصيحتي و أنا زول عندي خبرة عشره سنين زواج..أصحابك حددهم من الأول و أمسك فيهم قوي...لأنو بعد دخول القفص مافي حاجة مضمونة.
| |
|
|
|
|
|
|
| |
ناذر محمد الخليفة
Moawia Mohammed
الطيب بشير
حيدر حسن ميرغني
صديق الموج
حواء سليمان ابراهيم
معتز القريش
Rabab Elkarib
فيس بوك
تويتر
انستقرام
يوتيوب
بنتيريست