|
|
|
 Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: Abdelrahim Mansour)
|
الفينا مشهودة
محمد علي ابوقطاطي
الفينا مشهودة عارفانا المكارم انحنا بنقودا
والحارة بنخوضا
الزول بفتخر يباهي بالعندو
نحن اسياد شهامة والكرم جندو
ما في وسطنا واحداً ما انكرب زندو
البعجز يقع بيناتنا بنسندو
الحارة بنخوضا...
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الحارة بنخوضا..
الفينا مشهودة عارفانا المكارم انحنا بنقودا
والحارة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة
*
**
*
**
| |
 
|
|
|
|
|
|
|
|
Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: مبارك محمداني)
|
الأخ الإعلامي المتميز: مبارك محمداني
سلامات
| Quote: أخونا عبدالرحيم ليك التحية والتهنئة في هذا العمل الطيب الذي جسد ونقل للكل مراحل نجاح الدورة الحدث و البصمة في تاريخ هذه المنافسة بجد الصورة عبرت وأوفت لكل من يسال عن سر نجاح هذه الدورة المتميزة والتي عبر عنها بصدق وبرهان قاطع أناملكم وإحساسكم المرهف دوما ، ليك التحية ولكل من كانوا خلف هذا الجهد وبكل تفاني ونكران للذات في سبيل إسعاد الآخرين. |
شكرا كميات علي كلمات الثناء و الإطراء و نحن لم نعمل أكثر من نقل النجاح الذي كان موجود علي الواقع و الذي كان بطله الحقيقي جاليتكم العمالقة بتعاونها و بذلها الجهد و الوقت و المال للتحضير لمونديال و كرنفال الرياضة و الفرح، وإخراجه في أجمل شكل. و خروجكم شيب و شباب ، رجال و نساء و أطفال لاستقبال ضيوفكم و إكرامهم دليل قاطع إننا مازلنا بخير، و نحن كسودانيون رغم كل شئ و إي شئ ما زالت الفينا مشهودة، فالتحية لكم و لجاليتكم و دمتم دائما و أبدا وجه مشرق للسودان في بلاد المهجر.
عبدالرحيم منصور
نيويورك
*
**
| |
|
|
|
|
|
|
|
|
 Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: nazar eltom)
|
الأخ العزيز الوجيه: نزار التوم
سلامات
| Quote: ألف مليون شكر الحبيب الأستاذ منصور عبد الرحيم بكم زاد الكرنفال روعة وجمال اما ناس فيلي فالي الله الكمال نبارك لاوهايو البطولة هذا الفريق القوي جداً وقد وصل من قبل الي النهائي اكثر من مره ولم يوفق وبحمد الله كان اسود البني وصيف البطل أوفوا العهد ولم يخذلونا بعثتهم الكبيرة التي جاءت تشد من أزرهم وهذا هو ما راهنت عليه من قبل بان البني بها رجال يسدو عين الشمس في كل النواحي وهذا التوفيق من فضل الله ونحن في انتظار الصور وخاصة صور تتويج البني |
نحن و كل الحضور نشكركم علي الوقت الجميل الذي قضيناها في مدينة الكرام فيلادلفيا، فقد خططتم و رتبتم لمونديال و كرنفال الرياضة و الفرح و وفقكم الله و كلل جهدكم بالنجاح. ألف ألف مبروك و إلي الأمام و مزيد من التوفيق و النجاحات.
عبدالرحيم منصور
نيويورك
*
**
| |
|
|
|
|
|
|
|
|
|
Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: nazar eltom)
|
أخونا و حبيبنا مولانا عبدالعزيز الفاضلابي
سلامات، و بوستنا نور
| Quote: الشكر كميات للقائمين علي أمر هذا النشاط خاصة قطاع الناشئين عسي ولعل ان يبرز منهم من يمثل الولايات المتحدة في كاس العالم |
نحيي معكم القائمون علي مونديال و كرنفال الرياضة و الفرح فقد أبدعوا و أرخوا.
أما فلذاتنا التي تمشي علي الأرض فهم دائما اكبر هاجس لنا في بلاد المهجر، و جيد إنهم أحبوا لعب كرة القدم فهي الرياضة الأكثر ممارسة في السودان، و تجدهم يشاركون الآباء في هذا الحب، و رعايتهم الاهتمام بهم واجب الجميع، فهي هواية تغذية بالكثير من القيم الطيبة مثل التعاون و المثابرة علي تحقيق الأهداف، و تريض أبدانهم و تسليهم في أوقات الفراغ.
Quote:
بس كان عاوزنَّهم يَعَمِّروا ليهن عمار ابعدوهن من مِلحات الويكة والنعيمية واللغاويث دي. |
يا حبيبنا أنحنا لاقينها وين، يا حليل الناس البيطبخوا الويكة والنعيمية، أنحنا ما كثرت أمراضنا إلا من قلة أكل هذه الطيبات و الأكل الجماعي و بارك الله في طعام كثرت فيه الأيادي. يا حليل الصينية، ونادوا علي فلان و الناس تأكل و تتونس، منها غذاء للجسد و الروح.
من الطرائف، في واحده من المناسبات شارك معنا واحد من الأمريكان، و عجبوا ملاح الخدرة بالكسرة، و جهزوا ليهو صحنوا و قال داير شوكة و سكين عشان يأكل بيها ملاح الخدرة بالكسرة، الجماعة شرحوا ليهو انو بالذات الملاح دا و الكسرة بيتاكلوا باليد، زولك قال اوكي، و أكل و استمتع بأكل اليد و قال "نو مور فوركس". أكل الأكلات الشعبية دائما عندوا نغمة خاصة تهز اوتار الجميع.
| Quote: ده السبب الخلا ناس اشرف الباقر يشربوا الفيتا. |
أخونا اشرف، الكلام موجه ليك.
عبدالرحيم منصور
نيويورك
*
**
| |
|
|
|
|
|
|
|
|
 Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: Abdelrahim Mansour)
|
امتى ارجع لي أم در
عمر البنا
امتى ارجع لي أم در وأعوده
أشوف نعيم دنيتي وسعوده
امتى ارجع لي أم در وأعوده
امتى تلمع بروق رعوده
حظوظي تنجز لوعوده
روحي ضاعت في النار قعوده
لي هون يا ربي عوده
أشوف حبيبتي وانظر خدوده
عساها ترحم تكون ودوده
ومسامعي تسكر من ردوده
وتطفئ ناري الفاتت حدوده
أشواق كتيره الدموع شهوده
وللمنام العيون زهوده
في الهجر روحي ضاع مجهوده
لم تزل حافظه لعهوده
ما كانوا يعرفو ناس بلوده
الغرام من قبال ولوده
من يوم وضوعها الفى الخير خلوده
فاتنة طايعها و جلوده
أبواب لقاها أم خدود موصوده
ونار العذاب في الفؤاد محصوده
غير محاسنك مين يسوده
الملوك وياسر الاسوده
يا المن فراقك أيامي سوده
خلاف وصالك دايما كسوده
هناى ومنية روحي ومقصوده
أشوف رشيم يضوي بين فصوده
*
**
*
**
| |
|
|
|
|
|
|
|
|
|
Re: ~ مونديال و كرنفال الاتحاد السوداني لكرة القدم (ساسف) بفيلادلفيا، نجاح منقطع النظير - صور كميات (Re: Abdelrahim Mansour)
|
الأخ الفاضل: نزار التوم
سلامات
الابن: محمد نزار التوم - هذا الشبل من ذاك الأسد
| Quote: الف تحيه اخي الحبيب علي هذا الابداع وشكر خاص علي هذة الصورة وهي الي ابني محمد نزار ومن خلفة علم الوطن لعله يكون سودانيا اصيل كما كنت ومازلت انت اخي عبد الرحيم تمثل ابن البلد الاصيل |
صورة ابنكم و خلفه علم السودان بالجلابية السودانية في بلاد المهجر لها دلالات كثيرة و عظيمة أهمها إن السودان الوطن الأم مازال بالدواخل، و إن الوطنية و الانتماء يتشربه جيل الأبناء من الآباء إن رغبوا في ربط الأبناء بالوطن الأم. التحية لكم و انتم تزرعون و تنمون حب الوطن الأم في دواخل أبنائكم رغم البعاد، التحية لكم و انتم تحافظوا و تمارسوا العادات و المورثات السودانية في بلاد المهجر. و ربنا يباركه لكم و يحفظة من كل شر، اللهم آمين
عبدالرحيم منصور
نيويورك
*
**
| |
|
|
|
|
|
|
| |
Abdelrahim Mansour
ياسر عدوي
ساسف
husham eltayeb
مبارك محمداني
عبدالعزيز الفاضلابى
nazar eltom
علي جلاس
علي عبدالوهاب عثمان
فيس بوك
تويتر
انستقرام
يوتيوب
بنتيريست