الان -- والان -- ومباشرة -- ومن داخل القصر الجمهوري

Quote: الاخوه كمال علي ونصرالدين ونصر والصادق سلام عليكم ولو انو ده ماموضوع البوست لكن استاذكم افتي الجميع بردته حتي الخالة عيشة وهي ربة المنزل البسيطه وهي بتعوس في الكسره سمعت بتنفيذ الحكم علي محمود قالت بسسس الحمدلله الشنقوهو الكافر ده وقد افتي بردته كافة القوي السياسية والاكاديميه والدينيه والقيادات الحزبية والفكرية الاسلاميه وهيئة علماء السودان وجامعتي امدرمان الاسلاميه والخرطوم والازهر الشريف ومشايخه ورابطه العالم الاسلامي ووووووو, انا شنو وسط ديل كلهم؟؟ الاستاذ وبفضل بعض من مهاراته الخطابيه بدا في العمل النقابي والثوري وكان ماشي كويس لغاية ماوصل وانقلب علي ذاته و ادعاؤه الالوهيه وانه النبي الثاني للاسلام وانكاره الشهادتين والصلاه وانكار المعلوم من الدين بالضروره والصلاه والصيام الصمدي ووووووو فمات علي ذلك وهو كافر والكافر لاحرمة له اوا تريدون نصرة استاذكم وهو ميت بعد ان خذلتموه وهو بينكم حيا؟؟؟ الله يستر انتو الكم نفر المتمسكين بمنهجه ان ياتي عليكم زمان تقومون فيه بجلد زاتكم ندما زي ناسنا ديلك لايغرنكم ان فتحت لكم بعض المنابر الدولية المغرضه و الجهوله للحديث عن استاذكم ومنهجه والفهم الجديد للاسلام ويأتي زمان ان لم ترمو وراء ظهوركم هذه الخطرفات يحكم عليكم و تنصب لكم ذات المشانق وعشان ماتزعلو مني اللهم اغفر لعبدك الفقير محمود محمد طه وتجاوز عن سيئاته اللهم ارنا الحق حقا وارزقنا اتباعه وفكونا من الموضوع ده خلونا نشوف موضوع بوستينا والسلام عليكم ورحمة الله وبركاته