|
|
 Re: هوايل ومقالآت شغلي الجديد ... (Re: معاوية المدير)
|
بعد تدريب لمدة يومين تاني أدوني المفتاح وطلقوني براي في الشوارع. نهرت الدحش وقعدت أنقُل
في ناس الصلآت الطيبة، والدحش مرّة يوصلني ومرآت يجهجهني، والحكاية طبعاً مربوطة بزمن،
وانا في المساسقة والجري والشلهتة لا قِدِرت دخلّت لي لُقمة في خشمي لا جُغمة موية لآمن إنتهيت
وقلت سلآم يا أهلي، واليوم التاني نفس الشي.
أها، في اليوم التالت شوية سلَكتَ حتي كمان لقيت لي فرقة إشتريت لي سندوتش جداد معاهو شرايح
بطاطس، وكباية بيبسي كولآ بتلجا. قلت كدي بِسراع بِسراع رميت لي بطاطصايات في حلقي وكشحت
لي فوقن جُغمة بيبسي، وقلت كدي نهرت عربيتي علي الجماعة. مشيت لقيت خمسة منتظرني، أربعة
عاديين ووآحد كرسي متحرك. طبعاً بتاع الكرسي المتحرك دا داير ليهو زمن عشان الوآحد يربطو قبل
يطلع، وانا جعان داير اخلص سريع سريع كان ألحق لي لُقمة. أها، وآحد يبدو عليهو الهدوء التام والعقلآنية،
دا ركب قدآم، ومرتين ووآحد تاني ركبو ورا. بعد تممت عليهم ومليت أوراقي مشيت لبتاع الكرسي المتحرك،
لقيتو زول مانع وكرسيهو مانع زيو. سألتو، يا زول إنت فلآن ؟. قال لي، ايآ. طوالي لزيتو وربِطك ربِطك
ربطتو وداير امشي علي سندوتشي كان جاني وآحد من شركة تانية قال لي، يا زول الزول دا ما تبع شركتكم،
دا تبعنا. راجعت الأوراق لقيت كلآمو صُح. قلت دي شقاوة شنو الوقعت فيها دي ؟. فكفِكك، فكفِكك، فكفكتو
ورجعت تاني أشوف زولي لقيتا مرا. اخدتها، اها ما مشينا ختوتين كان كرعيها ديل إتشنجن وقعدت ترجف !.
قالت لي، أمسك لي رُكبي، أمسك لي رُكبي. بخُلعة شديدة كنكشتلآ في ركبينا. بعد شوية هِدت دفرتها وعلي
العربية، ربطتها ومشيت عشان ادوِّر اطلع. قعدتي في الكرسي وقبل ما ادوّر العربية مديت إيدي عشان
اشيل لي حتة بطاطصاية كان القالكم زولي القلت عاقل ضرب السندوتش والبطاطص ويِجغّم في البيبسي
بمزاج. غضبت جِنِس غضب !، غِضبت جِنِس غضب في الدنيا دي !، وما فضل لي عِلآ اقطّع هدومي
وما عرفت اقولوا شنو زاتو ؟، كان هو عاين لي وبكل هدوء قال لي، الحاجات دي ظريفة، جبتها من وين ؟.
باقي الجماعة في العربية كأنوا ما حصلت حاجة، كانوا عاديين لأبعد حد والموقف لم يهز فيهم شعرة.
قطعّت الحكاية دي في حناني ودورت العربية. وآحدة من النسوان قالت لي، حا تنزلني انا أوّل؟.
ما إشتغلت بيها طلعت طوالي. حسب الجدول العندي نزلّت بتاعت الكرسي اوّل والزعل داير يكتلني.
اوآت دورت العربية المرا سعلتني، الدور الجاي انا ؟.حسب زهجتي إطارشتها، والزول اللكل السندوتش
راكب معاي قدآم وعادي كأنوا ما عمل حاجة، ودا السبب الحماني إتفشا. نزلّت وآحد تاني، اوآت دورت
سعلتني، الدور الجاي انا ؟. طنشتها. نزلّت البعدو، دورت العربية ما قالت شي !. فضلو هي واللكل
السندوتش وفضلنا كلنا ساكتين، وانا موجوع داير اطِق.
محل ساكن اللكل السندوتش دا الدحش طشَّ وأخدلو دقسة، كان الزول اللكل السندوتش قعد يوصف لي !.
قُتلو، إنت وكت عندك معرفة قدُر دي ماكل أكلي مالك ؟، وحركتو دي زادتني مغسة زيادة. قبل نصل
بيتو المرا سعلتني، الدور الجاي انا ؟. بزعل شديد جداً قتلها، حا انزّل الزول دا، وإنت آخر حاجة عشان
نِقتك الكتيرة دي. كان قالت لي، نآن انا والزول دا ما ساكنين سوا .
هههههههههههههههههههههههههه، فقعتها ضحكة كأن لم أضحك من قبل. قتلهم، إنتو يا ناس الصلآت
الطيّبة تفقعونا وتفشونا، الله يديكم العافية.
ود المدير...
|
|
 
|
|
|
|
|
| العنوان |
الكاتب |
Date |
| هوايل ومقالآت شغلي الجديد ... | معاوية المدير | 10-28-14, 09:32 AM |
 Re: هوايل ومقالآت شغلي الجديد ... | معاوية المدير | 10-28-14, 09:33 AM |
| Re: هوايل ومقالآت شغلي الجديد ... | معاوية المدير | 10-28-14, 09:35 AM |
| Re: هوايل ومقالآت شغلي الجديد ... | معاوية المدير | 10-28-14, 09:37 AM |
| Re: هوايل ومقالآت شغلي الجديد ... | معاوية المدير | 10-28-14, 09:49 AM |
| Re: هوايل ومقالآت شغلي الجديد ... | محمد عمر الفكي | 10-28-14, 10:53 AM |
| Re: هوايل ومقالآت شغلي الجديد ... | Haytham Ghaly | 10-28-14, 10:58 AM |
| Re: هوايل ومقالآت شغلي الجديد ... | حيدر حسن ميرغني | 10-28-14, 11:15 AM |
| Re: هوايل ومقالآت شغلي الجديد ... | محمد عمر الفكي | 10-29-14, 07:19 AM |
| Re: هوايل ومقالآت شغلي الجديد ... | ALWALEED ALSHEIKH | 10-29-14, 07:28 AM |
| Re: هوايل ومقالآت شغلي الجديد ... | محمد عمر الفكي | 10-29-14, 07:39 AM |
| Re: هوايل ومقالآت شغلي الجديد ... | ALWALEED ALSHEIKH | 10-29-14, 07:52 AM |
| Re: هوايل ومقالآت شغلي الجديد ... | محمد عمر الفكي | 10-29-14, 08:27 AM |
| Re: هوايل ومقالآت شغلي الجديد ... | محمد عمر الفكي | 10-29-14, 08:43 AM |
| Re: هوايل ومقالآت شغلي الجديد ... | محمد البشرى الخضر | 10-29-14, 09:35 AM |
| Re: هوايل ومقالآت شغلي الجديد ... | ismeil abbas | 10-29-14, 09:42 AM |
| Re: هوايل ومقالآت شغلي الجديد ... | ALWALEED ALSHEIKH | 10-29-14, 10:19 AM |
| Re: هوايل ومقالآت شغلي الجديد ... | محمد عمر الفكي | 10-29-14, 10:20 AM |
| Re: هوايل ومقالآت شغلي الجديد ... | ALWALEED ALSHEIKH | 10-29-14, 10:25 AM |
| Re: هوايل ومقالآت شغلي الجديد ... | Haytham Ghaly | 10-29-14, 11:15 AM |
| Re: هوايل ومقالآت شغلي الجديد ... | Haytham Ghaly | 10-29-14, 11:16 AM |
| Re: هوايل ومقالآت شغلي الجديد ... | محمد عمر الفكي | 10-29-14, 11:28 AM |
| Re: هوايل ومقالآت شغلي الجديد ... | حيدر حسن ميرغني | 10-29-14, 11:35 AM |
| Re: هوايل ومقالآت شغلي الجديد ... | معاوية المدير | 10-30-14, 06:46 AM |
| Re: هوايل ومقالآت شغلي الجديد ... | معاوية المدير | 10-30-14, 07:08 AM |
 Re: هوايل ومقالآت شغلي الجديد ... | معاوية المدير | 10-30-14, 07:11 AM |
| Re: هوايل ومقالآت شغلي الجديد ... | علي محمد الفكي | 10-30-14, 02:47 PM |
| Re: هوايل ومقالآت شغلي الجديد ... | علي محمد الفكي | 10-30-14, 02:56 PM |
| Re: هوايل ومقالآت شغلي الجديد ... | يحي قباني | 10-30-14, 03:28 PM |
| Re: هوايل ومقالآت شغلي الجديد ... | Osman Musa | 10-30-14, 04:10 PM |
| Re: هوايل ومقالآت شغلي الجديد ... | محمد عمر الفكي | 10-30-14, 05:13 PM |
| Re: هوايل ومقالآت شغلي الجديد ... | معاوية المدير | 10-30-14, 10:40 PM |
| Re: هوايل ومقالآت شغلي الجديد ... | معاوية المدير | 10-30-14, 10:48 PM |
| Re: هوايل ومقالآت شغلي الجديد ... | محمد عمر الفكي | 10-31-14, 03:54 AM |
| Re: هوايل ومقالآت شغلي الجديد ... | جلالدونا | 10-31-14, 09:32 PM |
| Re: هوايل ومقالآت شغلي الجديد ... | علي محمد الفكي | 11-02-14, 12:59 PM |
| Re: هوايل ومقالآت شغلي الجديد ... | محمد عمر الفكي | 11-02-14, 01:27 PM |
| Re: هوايل ومقالآت شغلي الجديد ... | وضاحة | 11-02-14, 01:36 PM |
 Re: هوايل ومقالآت شغلي الجديد ... | معاوية المدير | 11-03-14, 06:53 PM |
| Re: هوايل ومقالآت شغلي الجديد ... | معاوية المدير | 11-06-14, 07:16 AM |
| Re: هوايل ومقالآت شغلي الجديد ... | معاوية المدير | 11-09-14, 08:17 AM |
| Re: هوايل ومقالآت شغلي الجديد ... | معاوية المدير | 11-09-14, 09:03 AM |
| Re: هوايل ومقالآت شغلي الجديد ... | عبدالعزيز حسين عبدالرحيم | 11-09-14, 09:52 AM |
| Re: هوايل ومقالآت شغلي الجديد ... | معاوية المدير | 11-10-14, 08:08 PM |
| Re: هوايل ومقالآت شغلي الجديد ... | معاوية المدير | 11-13-14, 08:03 PM |
| Re: هوايل ومقالآت شغلي الجديد ... | معاوية المدير | 11-15-14, 08:14 AM |
| Re: هوايل ومقالآت شغلي الجديد ... | معاوية المدير | 11-15-14, 09:33 PM |
|
| |
معاوية المدير
فيس بوك
تويتر
انستقرام
يوتيوب
بنتيريست