|
|
 Re: هل فعلا الشايقية حريصين وبخلاء؟! (Re: usama Babiker)
|
لالالا
الشوايقة نساءهم أجمل نساء.. ورجالهم أكرم رجال..
الحكاية اللصقوها فيهم الناس.. دي قديمة موش من الآن ولا من البارح
هي زي حكاية نكات الرباطاب.. البقوا يبنوا عليها الناس.. وفرق الكوميديا الآن تنسج عليها..
........
الشوايقة أذكياء.. وبي يعرفوا يرتبوا المسائل.. موش بخل هو.. ترتيب مسائل بفكر..
مثلا انتشرت هجرة الشوايقة من قبل الاستعمار.. لقلة الدخل هناك معظمهم هاجروا.. كسلا.. الأبيض.. العاصمة.. شندي. حجر الطير.. حجر العسل... عطبرة.. رفاعة.. القضارف.. مشوا موارد الانتاج والكثرة العددية من السودانيين. حتى البلد الفيها كثرة عددية قدروا يفتحوا فيها دكاكين في الأحياء.. التى عجز أصحاب البلد المعينة عن استدرار دخل فيها.. والتاجر والتجارة عموما تتطلب بعض الحرص.. عشان كدا من أهل المنطقة المعينة.. يصدر مثل هذا التهكم على الشوايقة. شئ غبطة. شئ غيرة.. شئ حسد.. بالعكس التعامل مع الشايقية ممتع جدا.. نحن جيرانهم المناصير نعرفهم كويس.. وإن كان لما نطلع برة المنطقة كلنا يطلقوا علينا شوايقة. لأن اللهجة واحدة تماما.. والتراث واحد تماما.. وكل شئ قريب من قريب.. مع بعض الاختلافات البسيطة جدا البي يعرفها الإنسان البي يعيش في تلك المنقطة.. يقدر يعرف دا.. شايقي. دا منصوري.. دا بديري.. دا أماري.. دا حامدابي.. لكن كل المجاميع ديل يحق أن يطلق عليهم اسم واحد.. مع بعض الامتيازات طبعا..
الحقيقة يتفرد الشوايقة بالحنية الزائدة والعاطفة الجياشة التى قل أن توجد في اي قبيلة تانية في السودان.. وحده ساكت عروس كان رحلوها من قرية الى قرية تلقى كل الحلة طلعت ودعتا.. وكل الحلة تبكي.. دا ناهيك عن إنو واحدة رحلوها كريمة من قراهم.. أو عطبرة أو الخرطوم..دي صعب يستحملوا فراقا خالص.. مرة كنا في مهمة.. في القرير.. بعدين معاي ناس من ناس الجزيرة.. لما جاء البص. القرير دي يكاد يكون كلها جات تبكي وسكليب شديد جنب البص.. الزول المعاي دا استغرب وقام سألني. الجماعة ديل ماشين الخرطوم.. أصحاب البكاء منو فيهم. خلينا نعزيهم قبل ما يركبوا البص نشيل معاهم الفاتحة... ضحكت شديد.. قلت ليهو القال ليك منو في بكاء وفي زول مات؟ قال لى ما ياهو ظاهر.. دي دايرة ليها كلام كمان؟
قلت ليهو أيوه دايرة ليها كلام كمان..
الشئ دا ما موت
دي عروس مرحلنها من هنا الى العاصمة.. وجيرانا وأهلا ما قادرين منها؟
قال لي أول مرة أشوف حالة زي دي في حياتي..
طيب العريس دا ما يبقى ود ناس يخليها ليهم شوية. لامن يهدوا شوية ويبلوا شوقهم فيها؟
قلت ليهو حا يبلوه لى متين عاد. الشئ دا كل مرة راح يتكرر حتى لو خلاها ليهم طول العمر؟
وفي النهاية العريس عايز عروسو؟ مافي طريقة
هذه المشاهد هي موجودة بصورة أو بأخرى في سوداننا الحبيب.. لكن في ديار شايق طعمها غير. ومكثفة ومركزة جدا..
وواضح الفراق والسفر والغربة في أشعارهم من زمان
شوف مثلا الشاعر حمّيد لما قال قصيدتو ( شن طعم الدروس ما دام مكانا مشى القطر.. كيفن ذاتا ترتاح النفوس تقبل قراية في سفر)
السفر دا ما كان السعودية ولا الخليج ولا لندن.. كان قبلوا الشاعر حميد في الثانوي في عطبرة الهجرة بس كانت لى عطبرة. والغياب بس حا يكون فترة الدراسة ويرجع لى قريتو بعد شهرين . الفترة الدراسية....
الشوايقة ما بخلاء. لكن جيدي التدبير للمادة بفكرهم....
....
صديق عبد الله ( منصوري)
|
|
 
|
|
|
|
|
| العنوان |
الكاتب |
Date |
| هل فعلا الشايقية حريصين وبخلاء؟! | عبدالعظيم مكى | 09-21-14, 10:51 AM |
| Re: هل فعلا الشايقية حريصين وبخلاء؟! | صبري طه | 09-21-14, 10:53 AM |
| Re: هل فعلا الشايقية حريصين وبخلاء؟! | أبوبكر عباس | 09-21-14, 11:00 AM |
| Re: هل فعلا الشايقية حريصين وبخلاء؟! | maman | 09-21-14, 11:13 AM |
 Re: هل فعلا الشايقية حريصين وبخلاء؟! | أيمن محمود | 09-21-14, 11:46 AM |
| Re: هل فعلا الشايقية حريصين وبخلاء؟! | حسين عمر الفكي | 09-21-14, 11:58 AM |
| Re: هل فعلا الشايقية حريصين وبخلاء؟! | وضاحة | 09-21-14, 12:21 PM |
| Re: هل فعلا الشايقية حريصين وبخلاء؟! | عبدالعظيم مكى | 09-21-14, 01:15 PM |
| Re: هل فعلا الشايقية حريصين وبخلاء؟! | عبدالعظيم مكى | 09-21-14, 01:33 PM |
| Re: هل فعلا الشايقية حريصين وبخلاء؟! | Othman Al-Hasan Babikir | 09-21-14, 01:32 PM |
| Re: هل فعلا الشايقية حريصين وبخلاء؟! | محمد البشرى الخضر | 09-21-14, 02:00 PM |
| Re: هل فعلا الشايقية حريصين وبخلاء؟! | خالد حاكم | 09-21-14, 02:07 PM |
| Re: هل فعلا الشايقية حريصين وبخلاء؟! | خالد المبارك | 09-21-14, 02:10 PM |
| Re: هل فعلا الشايقية حريصين وبخلاء؟! | خالد حاكم | 09-21-14, 02:37 PM |
| Re: هل فعلا الشايقية حريصين وبخلاء؟! | السر البشير | 09-21-14, 02:38 PM |
| Re: هل فعلا الشايقية حريصين وبخلاء؟! | عمر عثمان عبد الوهاب | 09-21-14, 02:52 PM |
| Re: هل فعلا الشايقية حريصين وبخلاء؟! | usama Babiker | 09-21-14, 03:07 PM |
| Re: هل فعلا الشايقية حريصين وبخلاء؟! | منصوري | 09-21-14, 03:44 PM |
| Re: هل فعلا الشايقية حريصين وبخلاء؟! | Osman Musa | 09-21-14, 04:18 PM |
| Re: هل فعلا الشايقية حريصين وبخلاء؟! | عبدالعظيم مكى | 09-21-14, 05:07 PM |
| Re: هل فعلا الشايقية حريصين وبخلاء؟! | عبدالعظيم مكى | 09-21-14, 05:16 PM |
| Re: هل فعلا الشايقية حريصين وبخلاء؟! | هجو الأقرع | 09-21-14, 09:46 PM |
| Re: هل فعلا الشايقية حريصين وبخلاء؟! | محمد البشرى الخضر | 09-21-14, 10:45 PM |
| Re: هل فعلا الشايقية حريصين وبخلاء؟! | بريمة محمد | 09-21-14, 11:29 PM |
| Re: هل فعلا الشايقية حريصين وبخلاء؟! | عبدالعظيم مكى | 09-22-14, 03:45 AM |
| Re: هل فعلا الشايقية حريصين وبخلاء؟! | أيمن دياب | 09-22-14, 08:55 AM |
| Re: هل فعلا الشايقية حريصين وبخلاء؟! | عماد احمد عباس | 09-22-14, 09:48 AM |
| Re: هل فعلا الشايقية حريصين وبخلاء؟! | بدرالدين بابكر مصطفى | 09-22-14, 10:00 AM |
| Re: هل فعلا الشايقية حريصين وبخلاء؟! | جعفر محمد امام | 09-22-14, 10:15 AM |
| Re: هل فعلا الشايقية حريصين وبخلاء؟! | محمد عبدالله حمدنا الله | 09-22-14, 11:10 AM |
| Re: هل فعلا الشايقية حريصين وبخلاء؟! | maman | 09-22-14, 12:15 PM |
| Re: هل فعلا الشايقية حريصين وبخلاء؟! | maman | 09-22-14, 12:20 PM |
| Re: هل فعلا الشايقية حريصين وبخلاء؟! | maman | 09-22-14, 12:24 PM |
| Re: هل فعلا الشايقية حريصين وبخلاء؟! | علي عبدالوهاب عثمان | 09-22-14, 01:38 PM |
| Re: هل فعلا الشايقية حريصين وبخلاء؟! | محمد البشرى الخضر | 09-22-14, 01:53 PM |
| Re: هل فعلا الشايقية حريصين وبخلاء؟! | خالد حاكم | 09-22-14, 02:39 PM |
| Re: هل فعلا الشايقية حريصين وبخلاء؟! | سيف اليزل برعي البدوي | 09-22-14, 03:03 PM |
| Re: هل فعلا الشايقية حريصين وبخلاء؟! | Al-Shaygi | 09-22-14, 09:16 PM |
| Re: هل فعلا الشايقية حريصين وبخلاء؟! | اميرة السيد | 09-22-14, 09:54 PM |
| Re: هل فعلا الشايقية حريصين وبخلاء؟! | محمد الكامل عبد الحليم | 09-23-14, 11:16 AM |
| Re: هل فعلا الشايقية حريصين وبخلاء؟! | عبدالعظيم مكى | 09-23-14, 12:22 PM |
|
| |
منصوري
فيس بوك
تويتر
انستقرام
يوتيوب
بنتيريست