إستنكاح " نخبة" الغرابّة " على حكومة الجلابة

Quote: ناصر حسين ازييك أخوي,,, الغرب لا ينتج!!!! يا ناصر السودان ده مما قمنا عرفناهو إعتمد اقتصاديا على (مشروع الجزيرة- الصمغ العربي-والثروة الحيوانية) سابقا ومن ثم (البترول والثروة الحيوانية) حاليا ولو بس مسكنا في سابقا دي حتلقي الصمغ والثروة الحيوانية من الغرب..والعمالة المحركة لمشروع الجزيرة من الغرب ولو جيت لحاليا حتلقي البترول وهو عماد الاقتصاد بعد وفاة مشروع الجزيرة من الغرب ..فكيف يعني الغرب ما بينتج؟؟؟؟ ثم طريق الانقاذ الغربي اللسه ما انتهي وانت بتقول عليهو حيتم بإبتزاز الحكومة ..دفع اموالو ناس كردفان ودارفور من حصة سكرهم حينئذٍ واتحولت القروش بقرار رئاسي لطريق شريان الشمال يومها..وظلت الحكومة بتغش وتماطل فيهو وبتبني في الطرق في جهات تانية ..الطريق ده حق عدييييل والحقوق بتنتزع لا تستجدى..يا ناصر يا اخوي بحسبة بسيطة مافي اي طريق مسفلت بربط بين اي مدينة والتانية في ولاية غرب كردفان (ولاية البترول) ولا توجد مطارات ولا استادات ولا يحزنون..دقق في معلوماتك يا قريبي اهل الانقاذ ظلموا كل السودان ظلم الحسن والحسين بس ظلم ولايات الغرب بين وعظيم ولا يتحمل وزره الا هؤلاء الحاكمون (غرابا كانوا ام جلابة) ودم بخير يا أخي