عبر سفارة الرياض ـ جوازات السودان تلهط أموال الغلابة

Quote: الان جيت من السفارة والحق يقال والله طلعت مبسوط والضحكة مالية الوش مشيت السفارة اجدد جواز .. زوجة .. وتغيير مهنه فى جواز اخر معاملتين يعنى والحمد لله فى نص ساعة كنت راكب عربتى وراجع شغلى معاملات فى غاية السلاسة والسهولة والنظام والتنظيم ومن ملاحظاتى وانا زول لى قريب 16 سنه مغترب وبراجع السفارة كل زيارة لى بلقى التعامل فى السفارة افضل من اول وكل اجراء بعمله بلقى فى تحسن وسرعه ودقة اكتر من الاول .. دفعت 60 ريال رسوم تجديد الى 25/11/2015 ودفعت 160 ريال تعديل مهنه وما دفعونى ضرائب ولا سألونى زاتو عملت البرنت واديتو المحاسب .. ما دفعنى شى والله من (الكيف) ما سالت زاتو هل الغيت ولا على تانى شى ... قلت ما دام قالوا مافى شى الحمد لله اتخارجت - حامد شاكر حسن تعاملهم ومعاى موظفين من دول تانية فى الشغل عارفين انى مشيت السفارة لما جيت راجع ما صدقوا السرعه الخلصت فيها ... بالرغم من انو فى مراجعين كتار وزى اجراءاتى دى زمان .. يا استلمت اخر اليوم .. يا كمان قالو ليك تعال باكر .. انا والله اتكيفت شديد من تعاملهم اليوم وطبعا كل زول بنظر للامر من واقع تجربته ههههههههه تحياتى محمد