|
(مُستراح) قصر الإمارات...
|
دُنية الله دي وكتين تعيش فيها كتير أماني ما تشوفلك جنس نصايب ومحن.. قوم يا ناصر ود اللمين سوقني ودني لي قصر اللمارات.. لقيتلكم النوافير دي تجَلجِغ قدام القصر وشوف عيني النور دة جوة ألمي (الموية).. وشيتا أحمر وشيتا اصفر وشيتا بنوفسو (بنفسجي).. وواحدين في البيبان (جمع باب) لابسلهم شيتا كدي مجرجر مع اللرض ويشيلوا يحنوا في رقابهم.. متل التكني رئيس ولا شيتا غلييييييد في البلد.. واصلو العربات دي من سماحتن وحات نضري تَمَلِح فيهن المولاح ضومة ضومة.. وأنا أشيل أنطط في عويناتي متل ضكر القعونج وكتين يكون يغوغي وكايسلو بُطان وغازي كرعينو في الطين وممرق رويسو حاريلو جكسوية قعونجية بت كلــــــــب كدة.. نان انا وكتين دخلت جوة القصر ما قربت أقول صدق وعده.. شي بنوت علي النجف سميحات ومتمرات وحات نضري إن كبوا فوقن العسل يندلق.. والواطة دي ملسااااااااااااااااااااااااااا وضومة ضومة تخليك علي البتتزحلق في الجليد.. والشمعدانات نورن باقي علي ضو القندران في خلا هيا وسنكات بالليل.. وناصر مسكين يشيل ويشرحلي... دة رخام آآبعرفه شنو.. ودة سجاد إيراني باليد.. ودي طفاية مذهبة.. قوم قربنا من مُستراحات الخرابة دة وناصر صاقعلي: ادخل شوف الجمال الهنا دة وأنا صاقعلو: في المستراح كمان في جمال... علمه واسع يا الحبيب.. أها قمت كدي دخلت ولقيتلي فلبيني انحنى لامن قرب يقص رقبتو وشايلو بشاكير لا تعرفن حلاوة قطن ولا تعرفن يتمسحوبن.. وحات نضري وكتين شميتن وحكيتن في وشي قايل نفسي يدلكوا فيني.. قمت كدي دخلت علي مستراح السرور دة.. وكتين فتحت الباب عيوني ديل نططتن تاني وشعر راسي وقف علي المغنطيس الكابسو الحديد.. قلت كدي قلعت شبشبي واديتها قدلة في الرخام الماهل وواسع داك.. وقلت كدي اتوهطت في مقعد السرور داك.. وحات ود الكرسني المقعد ماهل ونااااااااااااعم علي المرتبة المنجدنها جديدي.. وقلت كدي رفعت ركبي لااااافوق والخرابين ديلاك نزلت في أمان الله.. باقي كنت دافسها «مندي».. وقلت كدي سرحت في مُستراح جبيرين الزمان داك.. وحات نضري نحن مانا كنا عايشين شي... مهمشين ضومة ضومة.. ياخي تقعد في مستراح الجن داك وانت بي سفنجتك ام نخرة مقطوعة ديك ورابطها بي سلك دبارة.. وتحقص ركبيك ووسطك يبقى مليان عراريق وسروال وتغمت التِكة بيناتن... وتقعد تباصر في نصايب القراريص ديلاك واللُوبي عفن وتَقنت والعرق يُخر من تحت اضنيك.. ووكتين ينزل لببببببببببببببببب كدي وتسمع صوته تحت يبقالي لامن تقرب تزغرد.. والعجب وكتين يقولولك شوف المستراح دة ما يكون اتملا.. تشوفلك باقي جريدي وتولع فيها النار وترميها من جُحر المستراح وتتاوق.. وتلقى الاسمنت المسلح أليل القراريص والسخينة كابساتنه الصراصير ومع بقة النار كدي يقومن ينجارن علي الركشات في شارع الستين.. أها يا الحبان الله سهلي وبقيت في الموية افتحها من وين.. أعاين في المواسير علي صُرة الشافع الما قطعوها كويس.. مبعجات في الحيط وماني عارف افتحها كيفن.. يا اخوانا دي وكرة شنو دي... غمتها بي دي ما نفعها ضربتها بالبشكير ما نفع.. ربك ربك الخير يدي مشت تحتها إن كان شووووووووووو جات نازلي سوخنة وسمحي تشهيك الوضو.. قمت كدي مشيت يدي جنب الماسورة الصغيري الجنبها إن كان يطلعلي الصابون وينزل علي الاسكريم صلاتي علي محمد... صابونا سمح كدي وليه ريحي سمحي قربت اشيلو اتريحبو خفت يقبضوني وانا مارق.. تاني مديت ايدي علي ماسورتا صغووويري كدي علي مصران الخروف وكتين راسو يكون قطعه الضباح قبل يجرجرو إن كان تنزلي يا الحبان ريحي.. قالت كدي عطرت المستراح كله.. وقلت كدي اتريحت زيييييين ومليت خياشيمي.. وحات ربي دعيت لي الشيخ زايد في تربته... الرسول ما تقولوا للبشير يسويلن مستراحات متل ديل ويتحلل وعافين منه لله والرسول..
|
|
|
|
|
|
|
العنوان |
الكاتب |
Date |
(مُستراح) قصر الإمارات... | طارق جبريل | 09-01-14, 09:14 PM |
Re: (مُستراح) قصر الإمارات... | سليمان القرشي | 09-01-14, 10:27 PM |
Re: (مُستراح) قصر الإمارات... | ناصر احمد الامين | 09-01-14, 10:45 PM |
Re: (مُستراح) قصر الإمارات... | طارق جبريل | 09-02-14, 11:28 AM |
Re: (مُستراح) قصر الإمارات... | طارق جبريل | 09-02-14, 00:34 AM |
Re: (مُستراح) قصر الإمارات... | مصطفى البشارى | 09-02-14, 05:42 AM |
Re: (مُستراح) قصر الإمارات... | طارق جبريل | 09-02-14, 11:48 AM |
Re: (مُستراح) قصر الإمارات... | اسامه العريفي | 09-02-14, 06:05 AM |
Re: (مُستراح) قصر الإمارات... | abas | 09-02-14, 06:15 AM |
Re: (مُستراح) قصر الإمارات... | عبدالحليم حامد النعيم | 09-02-14, 07:06 AM |
Re: (مُستراح) قصر الإمارات... | طارق جبريل | 09-03-14, 10:53 AM |
Re: (مُستراح) قصر الإمارات... | طارق جبريل | 09-02-14, 12:29 PM |
Re: (مُستراح) قصر الإمارات... | abas | 09-04-14, 02:29 PM |
Re: (مُستراح) قصر الإمارات... | طارق جبريل | 09-02-14, 12:25 PM |
Re: (مُستراح) قصر الإمارات... | جمال خضر | 09-03-14, 11:18 AM |
Re: (مُستراح) قصر الإمارات... | محمد أبوالعزائم أبوالريش | 09-03-14, 11:57 AM |
Re: (مُستراح) قصر الإمارات... | أيمن الطيب | 09-03-14, 12:45 PM |
Re: (مُستراح) قصر الإمارات... | ناصر احمد الامين | 09-03-14, 01:01 PM |
Re: (مُستراح) قصر الإمارات... | Hololy | 09-03-14, 03:23 PM |
Re: (مُستراح) قصر الإمارات... | يحي قباني | 09-03-14, 03:25 PM |
Re: (مُستراح) قصر الإمارات... | طارق جبريل | 09-03-14, 08:29 PM |
Re: (مُستراح) قصر الإمارات... | طارق جبريل | 09-03-14, 08:31 PM |
Re: (مُستراح) قصر الإمارات... | طارق جبريل | 09-03-14, 08:23 PM |
Re: (مُستراح) قصر الإمارات... | طارق جبريل | 09-03-14, 08:07 PM |
Re: (مُستراح) قصر الإمارات... | طارق جبريل | 09-03-14, 07:56 PM |
Re: (مُستراح) قصر الإمارات... | طارق جبريل | 09-03-14, 07:39 PM |
Re: (مُستراح) قصر الإمارات... | محمد فضل الله المكى | 09-03-14, 08:15 PM |
Re: (مُستراح) قصر الإمارات... | محمد أبوالعزائم أبوالريش | 09-03-14, 10:37 PM |
Re: (مُستراح) قصر الإمارات... | طارق جبريل | 09-05-14, 01:17 PM |
Re: (مُستراح) قصر الإمارات... | طارق جبريل | 09-05-14, 01:15 PM |
Re: (مُستراح) قصر الإمارات... | Walid Safwat | 09-04-14, 02:10 PM |
Re: (مُستراح) قصر الإمارات... | طارق ابراهيم ابوالفضل | 09-04-14, 02:27 PM |
Re: (مُستراح) قصر الإمارات... | سليمان القرشي | 09-04-14, 04:13 PM |
Re: (مُستراح) قصر الإمارات... | معاوية المدير | 09-04-14, 07:35 PM |
Re: (مُستراح) قصر الإمارات... | الطيب شيقوق | 09-04-14, 07:39 PM |
Re: (مُستراح) قصر الإمارات... | طارق جبريل | 09-08-14, 09:35 AM |
Re: (مُستراح) قصر الإمارات... | طارق جبريل | 09-08-14, 09:33 AM |
Re: (مُستراح) قصر الإمارات... | abas | 09-05-14, 03:24 PM |
Re: (مُستراح) قصر الإمارات... | طارق جبريل | 09-06-14, 00:25 AM |
Re: (مُستراح) قصر الإمارات... | طارق جبريل | 09-06-14, 00:13 AM |
Re: (مُستراح) قصر الإمارات... | طارق جبريل | 09-05-14, 01:18 PM |
Re: (مُستراح) قصر الإمارات... | مصطفى البشارى | 09-08-14, 10:11 AM |
Re: (مُستراح) قصر الإمارات... | طارق جبريل | 09-08-14, 09:15 PM |
Re: (مُستراح) قصر الإمارات... | Sayed Ibrahim | 09-09-14, 10:29 AM |
|
|
|