|
|
 Re: حسِبونا في الدواجنْ ..حسَبونا في الدواجنْ ! ( شعر) (Re: عاطف مكاوى)
|
بشرى سلامات
وعاطف مكاوي وكل الحضور.
جميلة يا بشرى ولكن واصل فيها. كدا شوية ياخ!
عجبني منظر أذن في حلة طنين!
فمن الضروري أن نعرف كيف تحررنا من (الدوجنة) من الدواجن
سلام يا عاطف مكاوي
والله قصة العالمية دي مرات تحس بيها كأننا بنتمنى الجنة ولا حاجة زيها للأدب السوداني!
يعني الأديب السوداني موعود بعالمية هو لم يفكر فيها لا لسبب إلاّ لأنه أنتج أدب في السودان.
السودانيون هكذا يريدون الحاجات! كتبت أدب؟ خلاص شوف طريقة للعالمية (واحتمال
يضيف: وبسرعة)!
أنا هسع بتخيل في أديب هولندي ولا من جرين لاند أو ريكيافيك قاعد مع مجموعة من
أصدقائه يتطارفون أجذاب الحديث ويقوم واحد يقول ليهو: عملت شنو في موضوع العالمية؟
العالمية دي بعد طلقوها فينا المصريين مافي زول بيعرف ليها معني!
وكمان العالمية دي مرات تطفي ومرات توّلع! عثمان سمبين بدأ كروائي وإشتهر ثم
قام حام وإدردر لغاية ما لموا فيهو شيوعيين في مرسيليا، تصوّر في المينا، طلّعوا ليهو
بعثة سينما في روسيا. قام مشى، وكان رجل شليق، درس سينما وأعلن أن السينما تعبر
عنه أكثر من الرواية. لكن طلعت ليهو مشاكل من ناس سنجور وأصدقاء الرأسمالية،
في طرائق كتابته للسيناريو والناس طشت من حقيقة إنه في الأصل كاتب رواية وانتهى
به الأمر بأنه لم يعد موجود في المشهد العالمي. ناس السينما يقولوا دا ودوهو مهرجان
كان أو قرطبة وناس الرواية يقولوا ليك: يا زول الراجل دا ساب الرواية وبقى سينمائي!
أتعس سنين عثمان سمبين كانت تلك التي توفي بعدها وقيل إنه كان مشغولاً بكتابة سيناريو
غير قابل للتنفيذ!
الطيب صالح كان ممكن يفوز بجائزة نوبل لأنه كانت حوله (جضة) كبيرة جداً، فوق شنو
ما عارف. لأن السودان الآن ينافس مصر ذات نفسها في مسألة التاريخ بل هناك من يدعي
بأن مدني مذكورة في القرآن الكريم وهناك علماء آثار بلجيك وهولنديين اكتشفوا أن حب
المصريين للسرقة لم يكن سببه الحكم العثماني فهم سرقوا حتى الآثار من جمهورية شمال
السودان! ألبير كامو فاز بنوبل وهو يقول: شن طعمها. فاز بها وبعدد أكبر حبتين من الطيب
صالح من المؤلفات. الطيب كان سيفرح بجائزة نوبل جداً، ألبير كامو ما اشتغل بيها الشغلة!
أنا شخصياُ أعتقد أن مشكلة الطيب صالح تكمن في تشخيصه لمصطفى سعيد وما كنت ح
أديهو أي جائزة لو كان الأمر بيدي فهو شخص لا يمثّل السوداني ولا في أي لحظة!
المهم نلقى الجائزة ما نلقى الشاعر أو العكس كما قال هاشم صديق!
يا أستاذ بشرى عليك الله صنقر للمقطع التاني.....والتالت!
|
|
  
|
|
|
|
|
| العنوان |
الكاتب |
Date |
| حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-20-14, 07:45 PM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-20-14, 08:07 PM |
| Re: حسِبونا في الدواجنْ ..حسَبونا في الدواجنْ ! ( شعر) | الطيب بشير | 08-20-14, 08:22 PM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-20-14, 08:52 PM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-20-14, 09:09 PM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 00:09 AM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 00:28 AM |
 Re: حسِبونا في الدواجنْ ..حسَبونا في الدواجنْ ! ( شعر) | munswor almophtah | 08-21-14, 01:11 AM |
| Re: حسِبونا في الدواجنْ ..حسَبونا في الدواجنْ ! ( شعر) | mustafa mudathir | 08-21-14, 01:28 AM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-21-14, 02:06 AM |
| Re: حسِبونا في الدواجنْ ..حسَبونا في الدواجنْ ! ( شعر) | munswor almophtah | 08-21-14, 02:49 AM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 03:39 AM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-21-14, 07:01 AM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 07:57 AM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-21-14, 09:09 AM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 02:39 PM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-21-14, 02:59 PM |
| Re: حسِبونا في الدواجنْ ..حسَبونا في الدواجنْ ! ( شعر) | عاطف مكاوى | 08-21-14, 06:21 PM |
| Re: حسِبونا في الدواجنْ ..حسَبونا في الدواجنْ ! ( شعر) | Bushra Elfadil | 08-22-14, 09:55 AM |
|
| |
mustafa mudathir
فيس بوك
تويتر
انستقرام
يوتيوب
بنتيريست