|
Re: ناس الحاج يوسف 2 (Re: عمر عبد الخالق سعيد)
|
يا عمر لن تعرف معنى الحاج يوسف في الدواخل فهي الوطن وهي المنبت والمنشاة فيها اناس قل ان تجدهم في احياء اخرى رغم بعدنا عنها لاكثر من اربعة وعشرون عام لا زلنا نتنفس عشق الحاج يوسف من الصقعي الى الصهريج مربع عشرة من دار السلام الى ود دفيعة وحتى الكرتون كان الحاج يوسف بدون فيحاء وشقلة ونصر للمبالغة كنا نعرف بعض كانت الجميع يدرس ببحري بعد الابتدائي كانت بدون ثانوي عام خليل عالي ولن ننسى اباذر الغفاري وربنا يردو ومحمد سعد دياب اول مدير لود السائح فضيل كمال ونكيلة والمرحوح عبده محمد نصرالدين وود الشايقي من القبة وناس دار السلام يا لها من ايام لن ترجع عمر لا نكي الجراح علينا فانا اتنفس الحاج يوسف وخاصة المايقوما مربع 4
| |
|
|
|
|
|
|
Re: ناس الحاج يوسف 2 (Re: عز الدين ادريس محمد)
|
سلام للشباب الجميل جاييكم وبمعيتي رسالة من اخ فاضل وصلتني عبر الايميل هو ابن الحاج يوسف الدكتور محي الدين بكندا لا اريد تشويه مضمونها فهي موجهة للجميع بالرغم من إنها معنونة لصاحب الخيط عمر ود عبد الخالق..وقد أذن لنا الاخ محي الدين بالنشر.
Quote: الاخ عمر شكرا لهذا السرد الجميل والصور الجميله
أودّ ان اشكر الاخ طارق ابراهيم لأسف لا اعرفه شخصيا وإنما هذه فرصه سعيده لأتعرف عليه
أودّ ان اشكره شخصيا لذكر والدي محمد محي الدين يرحمه الله
وزكرهو بعض الاعمال الخيريه التي قام بها في منطقه الحاج يوسف و شرق النيل ومنها ايضا مستشفي ألبان جديد ومركز الكمبوني ف مربع واحد، وازكر انو شارع الردميه هذا تم رصفه اكثر من خمسين مره بالتراب الا ان رصف بعد محاولات عده.
وكل هذه الاعمال كانت بمجهود شعبي خالص مع رفاق دربه.
وكان والدي يحكي لنا كيف انهم بنو هذا المدارس والمستشفيات بكد وعرق واجتهاد ولم ينتظرو اي حكومه ولكن كان جهد ومجهود خالص منهم وأصدقائه رحم الله منهم من توفي وأمد الله ف إعمار الاخرين.
نسال الله انو كل واحد تعالج او درس وتخرج من هذه المدارس تكون في ميزان حسناتهم يوم لا ينفع مال ولا بنون الا من اتي الله بقلب سليم وعمل صالح...
والجميل يا اخي الا الان لا نعرف أجناس وأعراق الاخرين والأصحاب وإنما كل الناس سواسيه مختلف الأجناس والأعراق يتحابون ف الله فقط.
شكرا جزيلا مره اخري
وتحياتي لكم جميعا
اخوكم
د محي الدين محمد محي الدين
استشاري أمراض وجراحه القلب والشرايين
كندا |
| |
|
|
|
|
|
|
Re: ناس الحاج يوسف 2 (Re: mohmed khalail)
|
محمد خليل
شكرا وشكرا للدكتور محي الدين فهو ابن لأحد بناة الحاجيوسف المرحوم محمد محي الدين له افضال كثيرة لا يمكن حصرها رحمه الله رحمة واسعة
عندما كنت تلميذا اتذكر فقيد الوطن الاستاذ محمد محي الدين " رحمه الله" يوميا صباحا وهو يقل بسيارته كل مار الى المدرسة او العمل كان "البوكس" بشيل فوق حمولته بكثير ويوصل كل راكب الى مدرسته او اقرب نقطة لعمله بكل رحابة صدر وابتسامة لا تفارق محياه وكذلك في طريق عودته أو عند خروجه،،،، فقد سخّر نفسه للبر والتقوى ومساعدة الناس ،،،، له الرحمة والمغفرة
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
Quote:
بين الحنين ,, والوداع تتمدد الحروف عالما لا يفنى ولا يتمزق تتدرج بين نصوع البوح وخفوت الصمت الضاج بما لا يكتب ولا يقال
لا أجد وصفا مجزيا لما شعرته هنا تأتي الكلمات منك باسمه تحمل البشرى والفرح بين طياتها تعكس صورتها المتوهجه في اعماقنا جهرا تتسلل بعطرها الأنيق قسرا فتكون فينا لحظات جميلة نتلذذ بقضاءها ونرجو ان لا تنقضى
حفظك الله ورعاك |
الصباح الباهي لونك ...(وضاحة).... يا فجر المشارق
أسعد الله صباحك وإن كان مساءا وحفظك ورعاك.. ادهشتني كتابتك وردك..ويا بخت بوستينا بيك.. ومن العنوان يبدو اننا امام زولة كتابة لكن مقلة..
خلينا نقراك يا بنية..
لكِ التحية والتقدير..
| |
|
|
|
|
|
|
Re: ناس الحاج يوسف 2 (Re: mohmed khalail)
|
Quote: الصباح الباهي لونك ...(وضاحة).... يا فجر المشارق
أسعد الله صباحك وإن كان مساءا وحفظك ورعاك.. ادهشتني كتابتك وردك..ويا بخت بوستينا بيك.. ومن العنوان يبدو اننا امام زولة كتابة لكن مقلة..
خلينا نقراك يا بنية..
لكِ التحية والتقدير.. |
محمد الجميل الدواخل
في حضرتك يكون لمعاني كلمات العشق ولوعة الاشواق وفرحة اللقيا نكهة اخرى معتقة بالنور وعطر ازهار الصباح
فحروفك تشرق على مساحات الشعور كأبهى فجر
فتكشف عن جمال تضاريسها وحدة زواياها ورقة جداولها وانهارها
فا حديث أريجي شذي لا يصدر الا عن نبض قلب يعرف اسرار قراءته الا نبض القلب
كم يسعدني ان اقرأك هنا واينما حللت
كن بألف خير عزيزى
| |
|
|
|
|
|
|
Re: ناس الحاج يوسف 2 (Re: وضاحة)
|
عجيييييييييييييييييييييييييييييييييييييييييييييييب
صلاح احمد عيسي تعال شوف دفعتك في الصورة دي
------------ وضاحة
الصور ,,,,, الصور
| |
|
|
|
|
|
|
Re: ناس الحاج يوسف 2 (Re: ناصر فراج)
|
أحلى ناس..
جمعة مباركة
وان شاء الله دايما لمة حلوة..
Quote: في حضرتك يكون لمعاني كلمات العشق ولوعة الاشواق وفرحة اللقيا نكهة اخرى معتقة بالنور وعطر ازهار الصباح
فحروفك تشرق على مساحات الشعور كأبهى فجر
فتكشف عن جمال تضاريسها وحدة زواياها ورقة جداولها وانهارها
فا حديث أريجي شذي لا يصدر الا عن نبض قلب يعرف اسرار قراءته الا نبض القلب
كم يسعدني ان اقرأك هنا واينما حللت
|
وضاحة ..يا بنية من خبز الفنادق
انا كنت قايل نفسي كتاب لكن ..
طلعتني قاعد ساي (:
وكنت قايل نفسي حاجيوفابي معتق لكن..
بعد الصورة النزلتيها لقيتك ختريه خلاس..
فقلت لاني قدرك لا بطولك..
كتابة..وجذابة..
نحن نقرا بث (لول)
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
التحية مرة اخرى لجميع الحضور والتحية لك اخي محمد خليل وانت تصلنا باحد ابناء المنطقة ممن اسهم (والده) في تاريخ امتداد الحاج يوسف . الحديث عن العم والاب الروحي لجميع ابناء الحاج يوسف ممثلا لكياناتهم الاجتماعية والرياضية والثقافية الرمز / محمد محى الدين يطول ونوعد البوست بالمساهمة في ذالك ان شاء الله . سؤال أرجوا ان يجير الي الاخ الدكتور / محى الدين محمد محي الدين من ضمن الكيانات الاجتماعية التي كان يراعاها المرحوم / محمد محي الدين هي رابطة طلاب الحاج يوسف بجامعة القاهرة بالخرطوم ، اذكر انها قامت بالتوثق لتاريخ المنطقة بصوت الراحل على أشرطة كاسيت بمنزله وسلمت نسخه فوريه منه للمرحوم وكنت حاضرا .... هل بحوزة الاسرة الكريمة هذا التسجيل ؟؟ .......................................
| |
|
|
|
|
|
|
Re: ناس الحاج يوسف 2 (Re: Salah Ahmed Eisa)
|
تحياتي لاخ عمر عبد الخالق وجميع الاخوة بهذا الخيط المتميز...
واخص بالتحية الاخوان طارق ابراهيم وصلاح احمد عيسى على كلامهم الطيب
بحق الوالد المرحوم باذن الله محمد محي الدين
ويا صلاح حاول اتذكر لي تاريخ التسجيل او السنة وانا ان شاء الله بجتهد في ايجاد
هذا التسجيل... وبرضو حاول مع افراد المجموعة العملت التسجيل من اعضاء الرابطة
ان كنت مازلت على اتصال بهم...
تحياتي للجميع..
| |
|
|
|
|
|
|
Re: ناس الحاج يوسف 2 (Re: حسين نوباتيا)
|
فووووووووووووووووووووووووووووووووووق
-------------------------
تم تسليم البوست لصلاح ومحمد خليل
وفي اللجنة المرأة وجميع اللجان "وضاحة"
ومرحب يا حسين نوباتيا
| |
|
|
|
|
|
|
Re: ناس الحاج يوسف 2 (Re: حسين نوباتيا)
|
الاخ العزيز/ حسين نوباتيا لك التحايا اينما كنت وللاسرة الكريمة حقا سعيد باللقاء هنا للاسف الشديد لظرفا ما فقد هذا التسجيل الذي فرغ ايضا علي اول (جرئدة) مطبوعة تعكس نشاط الروابط بجامعة القاهرة بالفرع ،وحينها كانت فوافذنا الجرائد الحائطية ولهذا ايضا يرجع الفضل للاب الروحى لها الفقيد / محمد محى الدين تم التسجيل بمنزلكم العامر في سهرة ممتعة من ليالي رمضان 89 او 90 وافيدك علما نحن الان بصدد إحياء هذا الكيان في نسخة جديدة تحمل اسم خريجي رابطة طلاب الحاج يوسف بالفرع ،تقوم بتوثيق الانشطة السابقة بجانب مواصلة نشاطها الاجتماعي والثقافي بالمنطقة ،وفي هذا البوست تجد رابط الرابطة على الفيس بوك وايضا في هذا الحوش العامر (سودانيزاون لاين) . .............................................................. عمر .....وين الصور
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
وضاحة
احلي شي في الدنيا "تبوردب" اثناء ساعات العمل الرسمي Quote: وبنزل الدوام نقرى ليكم من بعيد ان شاء الله |
بعد الدوام مشغولين
-------------------------- الصووووووووووووووووور يا ناس
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
Quote: شايفة الجماعة دقوا طناش من الصورة هههههههه خايفين من شنو ؟ |
يا وضاحة انت بتاعة محن ياخ ..
خفنا نعلق المدام تكتشف الحقيقة ...
ثم نحن عجائز لكن النصيحة لي الله ما قدر ده هههههههههههههههههه
| |
|
|
|
|
|
|
Re: ناس الحاج يوسف 2 (Re: mohmed khalail)
|
الأخوة والأخوات/ البورداب والقراء وناس الحاج يوسف بصفة خاصة وصاحب البوست الأخ/ عمر عبد الخالق
السلام عليكم ورحمه الله وبركاته
بداية قد أنهارت دموعي خاصة عندما رأيت تلك الصور لطلاب مدرسة إمتداد مايو
وصراحة الفترات التي أجد فيها فرصة الدخول للمنبر أقراء ما يدور في هذا البوست وعندما حانت منذ قليل تلك الفرصة ووجدت كما ذكرت الصورة المعنية لم اتمالك نفسي
ما أقوله (الحاج يوسف) عــــــــــــالـــــــــــــــــــــم جـــــمــــــــيـــــــــــــــل
جميل بساكنيه جميل بزواره جميل بتعدد ثقافاته جميل بعلاقاته جميل بأنه قد ترك فينا محبه الناس دون تفضيل بين أبيض وأسمر وبين شمالي وجنوبي وشرقي وأوسطي وغربي
فكان هذا الخليط الذي رأيتموه في الصورة لهو شاهد على ذلك
نشأتنا في الحاج يوسف جعلت لنا صداقات مع كل القبائل (فكما كنا ننتظر موسم البلح والقمح كنا ننتظر كذلك وبفارق الصبر موسم الدليب والموز والنبق واللالوب وقصب السكر والصمغ العربي والقطن ,,,,و,,,,,,) الما عارف الدليب يسأل قوقل وأخاف قوقل زاتها ما تعرف؟؟؟؟ ههههههه
كانت أبواب بيوتنا مفتوحة كما كانت لدينا أبواب داخل المنزل مع كل جار
أنا من مواليد بحري المزاد وإنتقلنا للحاج يوسف في بداية السبعينات
من الحيطة الشرقية لمنزلنا كنت أرى الأشجار المتفرقة وصهريج مربع 10 ( لكن أتحداكم تعالوا بيتنا الأن وأطلعوا رأس البيت طبعا منزلنا أرضي والبيشوف الصهريج أديه مليون شلن هههههههه؟؟؟؟)
أنا من سكان مربع 3 الإمتداد شارع واحد محطة الكشك (حلوة الإمتداد دي) ههههه لأن شارع واحد يفصل الحاج يوسف الإمتداد شرقاً والحاج يوسف المايقوما وحلة المحس غرباً
في البوست السابق لناس الحاج يوسف أتذكر ارسلت إيميل أضفت بعض المعلومات وهي:
في زمن الرئيس السابق المرحوم جعفر نميري قام بتسمية الحاج يوسف (إمتداد مايو) تيمناً بثورة مايو وكانت الباصات يكتب عليها أيضاً (إمتداد مايو) وكانت الوحدة إسمها (مايو) فقاموا بتسميتها (إمتداد الوحدة)
المنطقة من شارع واحد (مربع 9) وحتى نهاية لفة شارع واحد (مربع 1) وشارع الردمية (مربع 6) ومربع 10 وحتى تقاطع شارع الردمية مع شارع واحد اللفة وحتى نهاية (مربع 2)
المنطقة كلها كانوا يسمونها إمتداد مايو جنوب أو (الأسر الكبيرة) لأن بيوتها كانت مخصصة للأسر التي لديها عداد أفراد كثيرين ومساحاتها من 360 متر وحتى 400 متر إمتداد مايو شمال أو (الأسر الصغيرة) بيوتها صغيرة 300 متر وهي كل المنطقة التي تقع شمال التقاطع المذكور لشارع واحد والردمية
وكانت الإشاعة زمان بأن الرئيس نميري أمر بأن تكون إمتداد مايو لمن يشوفها من أعلى بالطائرة مثلا يقراءها كما ذكرت (مايو) دلللللللللللللللل
أنا قرأت في (روضة عوضية) في بيتهم بمربع 5 مقابل ميدان الثوار زمان ومدارس امتداد مايو
وقرأت الإبتدائي في (مدرسة امتداد مايو جنوب الإبتدائية) والمتوسطة (مدرسة امتداد مايو جنوب المتوسطة) والثانوي العالي (مدرسة ود السائح)
طبعا جاتني نفسيات لأني في المرحلة المتوسطة كنت فرحان جداً بأنني سوف أنتقل لدراسة الثانوي العالي في مدرسة بحري الحكومية أو أي مدرسة في منطقة بحري وذلك كان سيتيح لي الإنتقال لبحري المزاد وإعادة الشقاوة التي كنا نمارسها (ما تفهموها غلط الشقاوة كانت سينما بحري والدافوري في ميدان المولد وأحيانا مقابل نادي التحرير والترفيه في شارع المعونة وكورنيش كبري بحري) ولكن عند وصولي للصف الثالث متوسط كان إفتتاح مدرسة ود السائح وكانت الضرية القاضية ببقائي ثلاث سنوات إضافية في نفس المنطقة (كانت كل المدارس في منطقة واحدة) ما عدا الثانوي العالي فقط يفصل بينها شارع كبير هو شارع الردمية حالياً....... عليكم الله ما نفسيات؟؟؟؟هههههه يعني 12 سنة زائدا سنة الروضة .... زي ما قال عادل إمام (14 سنة ثانوية عامة) الزول كان يحس بأنه قاعد في مدرسة واحدة كل السنوات دي.
المعذرة عندي كلام كثير ولكن سأعود باجزاء منه عشان ما تملوا من (النــقـــــه)
ملاحظة: عندي صور كثيرة زي التي إضافتها أختنا وضاحة ولكن للأسف موجودة في منزلنا بالحاج يوسف وداخل مخزن مليء (بالكرور)
أكيد لي عودة (عودة وإلا الثوار ههههههههههههههههه)
طيب راجعين
| |
|
|
|
|
|
|
Re: ناس الحاج يوسف 2 (Re: فتحي عباس نقد)
|
فتحي عباس نقد
لك الاشواق الحارة
ومخزن الصور يجب ح نكلف واحد من الفراعة عشان يسطو عليه
الوش دة عكس الواقع ، الدمعة ظلت حبيسة
Quote: المعذرة عندي كلام كثير ولكن سأعود باجزاء منه عشان ما تملوا من (النــقـــــه)
|
ننتظرك بفارغ الصبر
زمن جميل كنا من مربع عشرة نشوف مدرستكم "مايو شمال" وناس صلاح الحلفاوي الاصل الدنقلاوى الانتماء اول دفعة في مايو جنوب
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
سلام للجميع فتحى عباس .....وضاحة لكم التحية ....وبرجع ليكم وضاحة : ممكن الاستعانه بصديق ؟ الرابع من اليمين جلوس علي الكنبة الاستاذ المهذب / محمد يوسف ..................... عمر انا زمن صوري ابيض واسود
| |
|
|
|
|
|
|
Re: ناس الحاج يوسف 2 (Re: Salah Ahmed Eisa)
|
وضاحة الصوره دي فيها ربكة شديدة الاسم على اليافطة مدرسة الامتداد جنوب المتوسطة بنين وده الاسم الاول لها وبعدين ذي ما قال الاخ فتحي اطلق اسم مايو علي المنطقة ومرافقها ككل في زمن مايو ونحنا درسنا تحت اسم مدرسة امتداد مايو جنوب المتوسطة ، وزرعنا الشجر ده ذاتووو يعني ديل ممكن يكونوا بعدنا بمراحل . ،،،،،،،،،،،،،،،،،،،،،،،،،،،،،،،،، جاري البحث مع الفراعة
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
بقيادة المستشار القانوني الاخ الفاضل / حسن محمد خير النور موثق جميع فعاليات رابطة الحاج يوسف بالفرع تم التعرف على من بالصوره يا وضاحة ...وهي ما من بيتكم يا عمر من شارع بيتكم وتمثل دفعة 1998م قام بتوثيقها ابننا هيثم عابدين بصفحته بالفيس بوك ، وهم بالاسماء : على صالح ادريس/محمد موسى جبريل حقار/اسحق محمد عبدالله /سيف الدين عبدالفضيل بدر الدين عوض/نميرى خلف الله/الحسين ابراهيم الحسين/مرسال رابح نافع/التجانى ذكريا/ازهرى البشير عبدالناصر محمد الحسن/عثمان محمد الحسن/الرشيد ابراهيم عبد المرجى/محمد عثمان عبدالعزيز/منصور صالح فرج الله محمد محمد نور/مرتضى بشير/محى الدين محمد محى الدين/محمد صالح/محمد بشير(عياد) / مزمل عبده (فرينى) عبدالحفيظ عمر اسماعيل/بهاءالدين محمد ادريس/استاذ صديق/جعفر مكى تبوره/ياسر على عثمان مختار/عبدالمنعم السر امير الزبير/الزين الطاهر/مهدى الجدى/صلاح احمد محمد/غالب محمد ابراهيم/مجدى تاج السر/بهاءالدين محمد ادريس عصام محمود حميدان(قرمه)/استاذ عبدالواحد/طارق عبيد/ازهرى جعفر/عبدالوهاب بشير/مصطفى محمد احمد/الوليد حسن ميرغنى ادريس ابوزيد/محمد سوار ابايزيد/امير الطاهر عبدالقادر/حسن خضر حسن/محمد الحسن محجوب/عادل اسحق شريف طارق محجوب خيرى عمر(بلغ)/ياسر عبدالواحد/استاذ مدثر/استاذ احمد الغالى/استاذ......./الوكيل محمد خير/استاذ عصام عجوز استاذ محمد يوسف/هيثم عابدين/محمد نور عبدالله/ذكريا بابو ذكريا/محجوب رابح/اسامه حسن حسين/محمد عبد الله/التجانى مكى هارون هيثم عبدالرسول (كرومه)/بكرى عبدالرازق/محمد احمد النعمان/حاتم دهب ......................................................................................... الفراعة في انتظار الرد من الاخوان : محى الدين وحسين محمد محى الدين عن ما ذكر في مداخلتي السابقة بخصوص الشريط المسجل للاب الروحي عليه الرحمة / محمد محى الدين
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
ناس الحاج يوسف سلام...
شايف صور لي ناس مايو جنوب المتوسطة زمان بس بالألوان..
ناس دفعتنا من مايو جنوب كان بصورهم جلال المصوراتي الكان بلف على المدارس الفي بحري كلها وهو من اكبر الموثقين
لحياة طلاب الأبتدائي والمتوسط والثانوي زمن الأردية..
يعني حاولو نزل لينا صور الزمن داك...
يعني الفراعة يجيبو لينا ناس التاج حبيب الله ونجم الدين اخوهو وعبد الحفيظ عبد الحي وبرعي ومجاهد الطاهر
وود الشمش محمد ادريس والتجاني الفكي ونادر بليه ومحمد صبير وخالد عبد العزيز و.....
وناس جامعة الخرطوم يجيبو لينا ناس عمر غبوش وعلي اخوهو وطارق سري فرح ورفعت بشير وجلال عبد الحليم وابوبكر عبد العزيز
وعثمان محمد الحسن وعوض الله عمر حمدان وعماد فيزياء وعمر جبارة وماهر السر واسامة جوهر وعماد ميكانيكاوجمال فرنسي
والطيب حسيب واسكابشن منتصر والطيب العربي و.........
وللعقد بقية من كل الجامعات في الحاج يوسسف.
بجيكم راجع برواقة واحكي ليكم عن بص ابو رجيلة البسوقو عمكم سعدوبيركب الطلاب بعد ما يجيب وردية النسيج صباحا.
دمتم بخير....
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
Mohamed Hassen Abdallah ·
سلام تاني ... والتحية لك طارق وكل الحاجيوسفاب والضيوف .... احكو لسا عن عمنا محمد محي الدين وعن استاذ مكاوي وعن نادي الحاج يوسف وعن استاذ زكي وعن عرديب وعن فرقة القلب النابض وعن عماد فقيري وعثمان رمضان وعفاف ادم واحكو عن مجدي النور وماادراهم وعن كابو المحطة وكابو الفنان وصالحين ودكتور حسن رمضان والقزين ووووو كتااار .... احكو عن عم عبدالباسط وعمكم حبيب الله وعن عمكم حسن خليل (المغلق)....الحاج يوسف عالم جميل ورغم البعاد زي ماقال اخوناعزالدين بنتنفس الحاج يوسف... وياريت اي واحد/ة تجيبو الظروف بعندنا (باريس) يعتبر بيتي بيتو ودة رقمي مبذول ليكم مع كتير امنيتي بشوفتكم ..0033753770295 رد · أعجبني · متابعة المنشور · 24 سبتمبر، الساعة 02:37 مساءً ___________________________________
التحية ليك / محمد حسن عبدالله وعبرك نحى شباب الحاج يوسف بفرنسا .....
| |
|
|
|
|
|
|
Re: ناس الحاج يوسف 2 (Re: Mohammed Maher)
|
Quote: يا وضاحة انت بتاعة محن ياخ ..
خفنا نعلق المدام تكتشف الحقيقة ...
ثم نحن عجائز لكن النصيحة لي الله ما قدر ده هههههههههههههههههه |
هلا فيك محمد
خلاص اعمل نايم ههههههههههههه انت شكلك عملت بالمقولة البتقول Catch Them Young And Watch Them Grow
| |
|
|
|
|
|
|
Re: ناس الحاج يوسف 2 (Re: وضاحة)
|
Quote: وضاحة وصلاح والفراعة شكرا
بعد فك طلاسم الصورة من قبل الفراعة , وصلتنا معلومات سرية بأن الصورة دي ملطوشة من بيتنا
ولا كيف؟ |
هههههههههههههههههه ملطوشة من الفيس الفيس ياخى
| |
|
|
|
|
|
|
Re: ناس الحاج يوسف 2 (Re: وضاحة)
|
سلام حار لكل الاحباب بالحاج يوسف .... عندى تعليق على الصورة انو الشباب المذكورين ديل اغلبهم من شباب مربع 5 و 3 و 9 و 1 و 2 و 8 بالردمية ( المربعات الكبيرة ) و بحسب الصورة والاسماء دى فالشباب ديل كانو فى المتوسطة حقت الامتداد جنوب مابين 1986 - 1989 فيستحيل الصورة دى تكون عام 1998 . تحية لكل الشباب المذكورين تحت واغلبهم الان خارج السودان ومعظمهم يا ااما لعب فى المريخ - مربع 5 او الثوار مربع 3 او النضال
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
Quote: سلام للجميع هي 1989م يا وضاحة لكن بيني وبينك89-98 ما واحد |
صباح الخير يا صلاح حولاااااا بتبالغ يا صلاح تاكلنا عشرة سنة
89 دى انا يادوب بتعلم فى المشي وماسكة طرف ثوب ماما
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
يا شباب جيتكم ثاني
قبل أن أقول أي حاجة يا ناس الحاج قول لي الكلام ده كان بيحصل عندنا في الحاج يوسف وإلا كان عام (بس ما تقولوا فضحتنا؟؟؟؟؟هههههههه)
أتذكر يوم مشيت مدرسة إمتداد مايو جنوب الإبتدائية وعشان يسجلوني في الصف الأول (رأيت طلاب بيضربوا في طالبين أو ثلاثة وأتذكر ولم أنسى ذلك اليوم
كان واحد منهم يا شباب إسمه (طالب كابو) من مربع 2) ولما سألت اولاد حلتنا ليه ديل بيدقوا فيهم قالوا لي ديل (أوائل الصف)
من يومها أنا من دخلت المدرسة ما جيت في الأوائل هههههههههههه (عليكم الله يا شباب الكلام ده كان صحيح وإلا كان كذب)
بالنسبة للصور العندي أتذكر كما قال الأخوان في زمنا كانت (أبيض وأسود) وأنا اول سنة أولى كان عدد الطلاب 120 طالب تصدقوا
وأتذكر في الفصل ما كان في كراسي وكنب ولكن عبارة عن مصاطب مبنية (زي مصاطب الإستاد)
معليش تقول الواحد عنده (زهايمر) لكن من دفعتي كان صديقي المرحوم (ياسر طه بدوي) مربع 3 والصديق المرحوم (مجدي النور) مربع 1
وسأحاول تذكر البقية في الإبتدائي
أتذكر أننا قمنا بإنشاء وبناء مسرح المدرسة ويوم الإفتتاح كنا بنقوم بعمل بروفات وشافنا يومها (أستاذ التجاني) من يتذكره؟؟؟؟ طبعاً مسكنا ليك كلنا وبخرطوش الموية (الأسود) ودقانه دق لغاية الليلة ما أنساها
فترة المتوسطة الواحد بيتذكر منها الكثير (كان هنالك فصلين لكل سنة دراسية) فصل (أبوبكر) وفصل (عمر) وأنا أتذكر كنت في فصل أبوبكر وكان ضمن دفعتنا (إبن عمتي) أمير سري وأخوه طارق سري كان قدامنا وقبلهم سمير سري
كان معنا (الشقي) عصام فقيري (مربع 2) وساتي حسن (مربع3) وياسر سرالختم (مربع8) ومحي الدين حسن الأمين (مربع8) وعادل (مربع8) وفضل أزرق كورتكيلا والصادق أبو قرجة ومدني مكي كوه كافي وسآتيكم بالبقية لاحقا
| |
|
|
|
|
|
|
Re: ناس الحاج يوسف 2 (Re: فتحي عباس نقد)
|
تسجيل حضور متأخر وغائب في البوست الاولاني!! الاسم: Albino Akoon Ibrahim Akoon 1- الحاج يوسف مريع 2 خلف مدرسة ود السائح بنات يعني نفس الشارع بتاع عيادة دكتور حسن رمضان الله جابو( قاطع صرتي التانية) وما تسألوني لاني ذاتو ما عارف. ونفس الشارع بيوديك لي دكان الطاهر واتذكر واحد من جيراني اسمو المعز نوبي محسي وعندهم ###### ابن ###### اسمو بيغن كرهنا شارع بيتهم!!! وبرضو جيران تانين دناقلة واتذطر منهم عزالدين وخلفنا بيتنا في ميدان وجامع وكان في الميدان دا بيلعب شباب الحي وحارس الفريق ( نسيت) اسمو بس شبه حارس المريخ الاسطورة حامد بريمة!! اجمل ذكرياتي في محطة التقاطع ايام ما بتفرق لو ركبت بص شارع واحد ولا الردمية لانو البصين كانو بيتقاطعوا في محطة what? (...) ودا سر الاسم!! تسجيل اول ولما القي فرصة تانية حاسجل حضور بي مربع تاني وفي الردمية برضو!!! تعرفوا ليه شارع واحد شارع واحد وليه الردمية ما مربع شارع 10 او8 او 6؟!!
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
كلاً يعتز بجذوره وانا منبتي الحاج يوسف بس الحاج يوسف البنعرفها هي دار السلام المايقوما شرق وغرب والاسر الكبيرة والاسر الصغيرة عند صاحبي ربيع محمد كوكو من اولاد مربع عشرين وهو كان بالنسبة لنا نهاية الدنيا وصاحبنا السر بخيت كان في الشرطة ولعب في التحرير من زملائنا بالخرطوم القديمة فمن الزكريات الجميلة السر بخيت سجلوا التحرير ولعب اول كورة ضد المريح وكان لاعب لحموري كل خمس دقايق حموري يشيل السر في ظهرو والقون لعب نصف فقط وتاني ما شفنا السر بخيت يلعب كورة واغلب البكتبو يمكن ما عاصروا هذه الفترة ناس فضيل وكديس وكمال قون العودة والشيو من الشعلة (قبل الاهلي) وحيدر طيارة ومحمد ادريس كنا نحترم كبيرنا والله ما تلقي رجل كبير او امراة واقفين في البص ياليتها تعود تلك الايام كنا الفيحاء حفر كبير في الخريف نمشى نعوم فيها ونرعي الغنم مع اهلنا البطاحين والذي هم اصل الحاج يوسف وكان مبارات الهلال والامل والاحرا والسلام العودة والنجوم زي برشلونة ريال مدريد ناس حمد الاطرش انا ابن المايقوما محطة اليافطة والجامع وشارع الكس اهلنا المحس والدناقلة حيث المربي الكبير محي الدين محمد نصرالدين واخوه نصرالدين واخو محمود جمعيهم عملو في سلك التدريس يالها من ايام ولنا عودة لتلك الايام التي تجترها في كل لحظة
| |
|
|
|
|
|
|
Re: ناس الحاج يوسف 2 (Re: عز الدين ادريس محمد)
|
سلامات البينو
Quote: دكتور حسن رمضان الله جابو( قاطع صرتي التانية) وما تسألوني لاني ذاتو ما عارف. |
المهم انها اتقطعت يا البينو ما مهم ليه ههههههههههههه
سلامات عز الدين ادريس محمد
السلام وقورماهيا والاخوة واشبال الاخوة والموردة كلها فرق في ذلك الزمن الجميل من نفس المنطقة اها اخوك كان كابتن أشبال الاخوة وكانت لنا صولات وجولات..
| |
|
|
|
|
|
|
Re: ناس الحاج يوسف 2 (Re: عز الدين ادريس محمد)
|
اخوي عزالدين .. احب اليافطة واهل اليافطة!! بس اليافطة محطة من محطات الحاج يوسف او ال saint Joesph !! اتفقنا ام اختلفنا!! هاك دي بعد كوبر الترعة حلة كوكو+ المايقوما غرب وحلة كوكو لحدي التقاطع وبعدها المغاربة شمالا و(damn it) وبعد ولسع مع المغاربة.. القبة ولسع ماشين اليافطة.. وعندها تموت المغاربة!! ويبدأ الفيحاء حينها!! بمؤاربة!! ياخي الحاج يوسف امتداد عالم وقد يصل كسلا وشلاتين غدا وبعده اورشليم وواشنطن سياتل!! وحاج يوسف شمال جنوب شرق وغرب!! حاج يوسف و saint Joseph حتي النقاع ولسع محطة اولي..
| |
|
|
|
|
|
|
Re: ناس الحاج يوسف 2 (Re: Albino Akoon Ibrahim Akoon)
|
اخوي محمد خليل!! انشاء الله اتنفعت!! علي كل حال راجع اسم الوالد وانشاء الله ما تكون ما انا وان كان ابوي ما اكون!! اخوك شوية مغظوظ بس ود عمك!! وفيني عرق حبوباتنا! وكلنا قاعدين في منقد!! تعرف المنقد يعني شنو؟!!!!
| |
|
|
|
|
|
|
Re: ناس الحاج يوسف 2 (Re: Albino Akoon Ibrahim Akoon)
|
Quote: علي كل حال راجع اسم الوالد وانشاء الله ما تكون ما انا وان كان ابوي ما اكون!! اخوك شوية مغظوظ بس ود عمك!! وفيني عرق حبوباتنا! وكلنا قاعدين في منقد!! تعرف المنقد يعني شنو؟!!!! |
أخوي البينو ود العم,,
ياخ كيف ما بعرف المنقد ياخ نحن لما كان تكسرنا حكسوية بنقول عليها نار منقد (لقيتني كيف؟)
اها في دار السلام المغاربة محطة اليافطة كان في مكتبة نحن العالم وكان بها الصديق الصدوق إبراهيم كور دينق وكان مدربنا ولاحقا اصبح في الجهاز الفني للمنخب الشباب الكوتش يوسف عبد الله جون... بتعرفي اي من هذه الشخصيات الجميلة دي يا صديق؟
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
اخي البينو نعم الحاج الان عالم كبير ولكنني اتحدث عن حاج يوسف زمان التي ما زلنا نعشقها حاج يوسف بدون فيحاء ونصر شقلة ........ الخ حاج يوسف عشنا فيها طفولتنا وصبانا وشبابا وانشاء الله آخر عمرنا البينو تعرف كان في محطة اليافطة فريق قورماهيا وكان من اقوى الفرق بالمنطقة ناس التيمان وادريس كنا اخوة في الحي ياخى الحاج يوسف دي عالم رضعنا منه حب السودان الكبير تعرف اسواء ما في الحاج يوسف كانت تمركز للكيزان وخاصة الامنجية منهم ودوما ندعو الله في صباحا ومساءاً ربنا يخلص البلد منهم ونعود زي ما كنا بدون جهوية او قبلية
| |
|
|
|
|
|
|
|