مناوشات في العامية السودانية

Quote: ملف عن فنيات كتابة اللغة السودانية المحكية ومعاني عباراتها بوست بسودانيز شارك فيه كل من : الطيب شيقوق/عبد الله الشقليني/جمال المنصوري امينة عيسى / مهدي صلاح/محمد البشرى الخضر/اساس/محمد المرتضى حامد/محمد حيدر المشرف / معاوية المدير/ سارة عيسى/عبد الله عثمان/كبر/فيصل محمد خليل/عبد الناصر الخطيب/صلاح عباس فقيري /راوية العباسي/المنصور جعفر/محمد أبو العزائم أبو الريش/اسماعيل عبد الله/عاصم فقيري/حيدر حسن ميرغني/طارق ميرغني/الشامي الحبر عبد الوهاب/وليد شنقراي/منى خوجلي/طارق جبريل/أبوذر عمر/تبارك شيخ الدين جبريل/ماجدة عوض خوجلي/ عبدالله إدريس/حمد عبد الغفار عمر/رشا بابكر/إبراهيم فضل لله/أبوجهينة/إقبال المرضي/عائشة موسى السعيد/إمام الصادق عبد العاطي/ زمراوي الولي / وأخير قمت بترتيبه وتبويبه ليصبح في متناول القراء اسفيريا. محمد على طه الملك ةةةةةةةةةةةةةةةةة يا جماعة والله في بالي من بدري افتح بوست بالعنوان دا عن لغتنا المحكية .. بطبيعة الحال اللغة المحكية هي لغة التواصل اليومي المحببة بين الناس في مجتمع ما .. بالصفة دي تبقى هي ما حكر على السودانيين .. وبنلقى لغة محكية مختلفة عن اللسان الفصيح في كل لغات العالم .. نحن كسودانيين عندنا عاميتنا بأصوات متعددة تعدد الكيانات البشرية .. معروفة في الوسط الثقافي باللغة العامية أو الدارجة السودانية .. يقولون إنها أقرب للفصحى .. ولكن ربما كانت لغة الوسط بين كافة الألسن هي الأوسع انتشاراً والأيسر للفهم .. لسببين في ظني : الأول ـ تكدس مؤسسات التعليم في المراحل العليا في المدن الكبرى .. والتاني ـ البرامج الإذاعية والتلفزيونية ، كلام المسرحيات ، أشعار ألاغاني .. بس الملاحظ إنو اللغة المحكية بين السودانيين بعد انتشار التعليم النظامي.... كان استخدامها محدود في المنابر الثقافية .. توسع بعد ظهور الانتر نت وانتشار مواقع التواصل الاجتماعي .. في ظني موقع سودانيز اون لاين ومواقع أخرى .. فتحوا مجال واسع للكتابة بالعامية.. وربما امتلك عدد مقدر من الكتاب .. القدرة على تطويع رسم الحروف.. لتأتي مطابقة أو قريبة من نطقها العامي .. أنا شخصيا استفدت كتير من كتاب هذا الموقع .. كنت بواجه صعوبة كبيرة في الكتابة بالعامية قبل الاشتراك (معاكم) هنا.. ولسه في طور التعلم .. اللغة المحكية فوق إنها قريبة للنفس في النقاشات .. لاحظت إنها تملك قدرة فائقة على الإمتاع والترويح على النفس .. وقادرة على الإقناع و الإثارة أو التهدئة .. شخصيا شايف في عمل كبير بيحصل .. ربما يلتفت ليهو في يوم من الأيام أهل الاختصاص في علوم اللغة .. (لكين لحد الوكت داك) .. رايكم شنو نحاول نوثق للكتابة بالعامية .. بكتابة الألفاظ ورسم حروفها حسب نطقها العامي .. ربما نلنا قصب السبق في بناء قاموس لرسم حروف لغتنا المحكية .. الأكرم : محمد تحية طيبة كتب البروفيسور " سيد حامد حريز " كتاباً حول منهاج كتابة اللغة العامية ، وهو خير دليل ، وقد كتبه قبل أكثر من عقد من الزمان . وفيه كل شيء . لا توجد لدي نسخة الآن عبد الله الشقليني ةةةةةةةةة زمان الانجليز عملو كتاب للدارجية السودانية، اسمه (sudanese colloquial arabic ) المؤلفين هم ( احمد حسين،اندرو بيرسون، وجانيت بيرسون ) والدي الله يطول في عمرو عندو واحد منو، كتاب ممتع ورائع.. فيهو قصص من التراث..ان شاء الله اذا لقيت النسخة ح ارفعها ليكم في البوست ده. جمال المنصوري ملف عن فنيات كتابة اللغة السودانية المحكية ومعاني عباراتها * اقراها بالطريقة دي / افهما بالطريقة دي = أقرأها بهذه الطريقة/ أفهمها بهذه الطريقة * يلّا / يلّاكا : هيا / هيا بنا * يلَا بلا يخمك / بلا ياخدك = يلّا هنا بمعنى أذهب يأخذك بلاء * ليه عايز تأدبنا = لماذا تريد أن تأدبنا، تقال في إطار اللوم على فعل أو تصرف لم يرضي المتكلم . * دودره = لفظ يطلق على الشخص المتعنت عندما يُحمل بحكمة من قبل العقلاء على تغيير رأيه أو تصرفاته. * النقة = كثرة تكرار الحديث . ( فلان دا فلقنا بى نقتو الكتيرة ) أي أزعجنا بحديث الكثير المتكرر. * الموية تكضب الغطاس = أي أن من يدعي الغطس فالماء هو الذي يثبت صدقه من كذبه وهذا المثل يضرب لمن يدعي القدرة على فعل شيء ما. * شِبكا = لفظ مشتق من الفعل (شبك ) يوصف به الشخص الذي يسعى لتشبيك الناس بعضهم ببعض ، يقولون ( الزول ده شِبكا أو بتاع شِبّك ابعد منو). * جاي يتلولح = أي جاء يتطوح في مشيته * مُوكّح = لعلها غير عربية تقابلها كلمة مورط ، يقولون ( الزول موكح ، أو وكحوهو ) أي متورط . * غلاسة = لعلها غير عربية وربما تعني المكر ، يقولون (عليك جنس غلاسة أو الزول ده غِلس غلاسة) . * دغالة = تقابلها ثقالة الدم يقولو ( بطل دغالتك دي ). * دمو تقيل = أي ثقيل الدم * عامل أرضي = تعبير وصفي لأفعال وتصرفات الإنسان الملحاح الذي يكثر من مضايقة الآخر. * فاكيها فينا = تعبير يقال لمن يدعي إنجاز ما على سبيل الفخر على الرغم من أن للمنجز ما يماثله أو يفوقه ، كما يقال للشخص المدعي . * تخين = غليظ بالو سلبَة* : السلبة اسم للحبل الغليظ والتعبير كناية على طول البال * القومة ليك = عبارة تقال للشخص تقديرا له يقول المنشد ( القومة ليك يا وطني ) * الشى دا مالو عامل كده ؟ : ما بال هذا الشيء يبدو هكذا ؟ * زي العجب : تقال كتعبير على حال معين مثل سلامة وصول شيء مرسل أو أكمال عمل بطريقة جيدة أو الخروج من مأذق بسلامة ، أمثلة : انقلبت بيهو العربية لكين طلع منها زي العجب ، أي انقلبت به عربة وخرج بسلام. الأمانة الرسلتها جات في مواعيدها زي العجب، أي الأمانة التي بعثتها وصلتني في موعدها تماما. * جاني أيديهو معلمات الله = أي أتاني فارغ اليدين ، تقال لمن لا يعطي في موطن العطاء أو يطلب منه أويتوقع منه جلب شيء ويأتي دونه. * اللفظ أبو/ أب : شنو يا أبو الشباب؟ = ماذا هناك / وراءك أيها الشاب ، لفظ ( أبو ) هنا وصف للمخاطب بكونه شاب حتى وإن لم يكن كذلك ، كما يستخدم اللفظ (أبو) واللفظ ( أب) بصورة راتبة في وصف حالة فيقولون أبو نضارة / أبو جلابية /أبو ساق .أب تفة / أب رقبة / أب صلعة أب ريالة ^__^ أبو ال###### /أبو الزفت = عبارة تقال كدليل على إعجاب المتكلم بحدث أو موقف استفز مشاعره. * اللفظ حِليل : له عدة استخدامات بدلالات متباينة : _ يا حِليلو : لفظ يستخدم كوصف لأحاسيس المتكلم وشعوره بالأسى أو الاشتياق الشديد لشخص غائب أو عزيز رحل . _ حِليلك : عندما يقال للمخاطب ( حِليلك ) فالمعنى هنا يأتي إما تحذيريا كقول ( زح من تحتها حللليلك بتقع فوقك ) أو كدلالة على جهل وتوهان المخاطب أو عدم معرفته بحدث أو شيء عام يعرفه الناس. _ حليل أمي/ حليل أبوي / حليل السمحين : عبارة يقولها المتكلم تعبيرا عن تعجبه أو عدم رضائه بواقعة أو تصرف أو خطأ منه نتج عنه تلف . * الكشة : _ يكش الشيء : أي يجمعه ، ويستخدم اللفظ كصفة مشهورة لحملات تنظيم الأسواق التي يقوم بها موظفو البلدية للباعة أو شرطة النظام العام للمتسولين وغيرهم . _ كشوهو: صفه للشخص الذي يقبض عليه في تلك الحملات . _ كوَش = احتكر الشيء. * كشكشة : لفظ يستخدم دلالة على الصوت الذي يحدثه الطرق على حلقات آلة الرق ، أو الصوت الذي يحدثه هز علبة بها نقود أو مجوهرات أو المشي فوق قش جاف . * البلد قاعدة في السهلة = أي البلد بلا حماية ومعرضة للنهب من كل سابل * البلد دي ما عندها وجيع = تعبير يقال كناية على عدم الحرص على المال العام وحسن رعايته وحفظة وعدم كفاءة وقدرة الأجهزة أو من يتولون المسؤولية العامة * أفَو = صوت يعبر عن حسرة أو فزع المتكلم عندما يتعرض لتقريع أو يوصم بالفشل أو سوء التصرف تجاه فعل أو موقف * رُحنا فيها = تعبير يبدي حسرة المتكلم وتشاؤمه * دُخانم يدخن وجوعم يمحَن = تعبير يقال لأهل المظاهر والبروبقاندة ةةةةةةةةةةةةةةةةةةةةة أدوات الإشارة ده : هذا دي : هذه داك : ذاك ياهوندي/ اهي دى : هذه هي ياهوندا / اهو ده : هاهو ياهونداك / اهو داك / هداك : ذاك هو ياهونديل / اهو ديل / اهم ديل : ها هم ذا ياهنديل / اهن ديل ( بكسر الهاء) : ها هن اهنديلك / اهم ديلك/ هديلك : ها هم أولئك ياهند ديك / اهي ديك : هي تلك فوقاني : إشارة إلي أعلا تحتاني : إشارة إلي الأسفل وسطاني/ وسَط : إشارة إلي الأوسط طرفاني : على الأطراف الإشارات المقرونة بالجهة صبحاني : إشارة إلي الشرقي غرباني : " " الغربي ريحاني : " " الشمالي صعداني : " " جنوبي قدامي : " " أمامي وراني : " " خلفي الاتجاهات شمال/ جنوب/ شرق /غرب بحري : شمال سافل : شمال قبلي : جنوب صعيد: جنوب صباح : شرق غروب: غرب فوق : اعلا تحت : اسفل قدام : امام ورا : خلف جوه : الداخل بره : الخارج قلبة وعدلة : وجه الشي الخارجي والخلفي وش وضهر : وجه الشيء وظهره الأوضاع في الأفعال الحركية قاعد : جالس واقف: يقف راقد : في وضع الرقاد متكي : يتكئ مدنقر : ينظر ووجه إلى الأرض مطنقر : وجهه إلى السماء ماشي : يمشي / كما يستخدم بمعنى ذاهب جاكي : جري غير سريع نطَه : قفز/ كما تستخدم بمعنى تغير الرأي / القرار / الاتفاق وقع : سقط فنقَل : حركة الاستلقاء على الظهر مع ارفع الساقين شنقَل : قلب الشيء على ظهره دردق : دحرج / أيضا تستخدم مجازا لوصف محاورة الشخص حتى يعترف بما كان ينكره أو يرفض فعله لزا : دفع الشيء مسك / قبض : فكَا : اطلق زحَا : ازاح زحف : سحف شدَه : جذب بقوة جرَا : سحب دهس / دعس : عفص جغمس / دغمس : عجن خلبت / خلبط : خلبوط : لخبط /لخباط / صفة للشخص الذي يلخبط نفض : نفض عكمو : ـــــــــــــــــــــــــــــــــــــ دكمو : ــــــــــــــــــــــــــــــــــــــ رشَا : بتشديد الشين ـ نثر الشيء / تستخدم أحيانا بطريقة مجازية بمعنى رماه بكلام أو حجج قوية ظعط / ظعمت : نتف الشيء تستخدم أيضا مجازيا بمعنى أقحمه وفي أحول أخرى .......... صنقَع ودنقَر : نظر إلى أعلا ثم إلى أسفل كناية على البحث والتأمل في موضوع أو فكرة ما هوزز راسه : هز رأسه لولح ايدينه : لوح يديه إتلفّت : يتلفت جا يقدِل : جاء متبخترا اتمطّى : يتمغى ويمط جسده إتمغّى : " " جسده اتمرمر / اتمرمغ في الواطا : دحرج جسده على التراب اتدردق من هنا لهناك : دحرج جسده على الأرض من هنا إلي هناك جدعت رقبتها لي ورا : بمعنى أرخت رأسها إلى الخلف إتعنقل في العنقريب ولا البمبر / إتندل في العنقريب : رقد مسترخيا على ظهره فوق( العنقريب = السرير) فكّ البيرق : جرى مسرعا أو هرب عَصَر بِرش الفراش : تقال لمن جالس أهل الفقيد طوال أيام العزاء دفر / دفع الشيء دفار : مصطلح أطلق على سيارات نصف نقل بعد تعديلها واستخدامها في نقل الركاب صرصر وشه : وجه عابس حدر ليهو : قطب جبينه دقس : اخذته سنة نوم أو سهوة يقولو ( دقس واتلحس ) كناية على المصير المؤلم حال عدم الانتباه لحس : علق وتستخدم مجازا مثل ( عقلو اتلحس ) أي فقد عقله اداهو لُكامية : ضربه بقبضة الكف نسبة الشخص الي جهته / قبيلته شمالي شرقاوي غرباوي جنوبي قروي ريافي / ريفي بدوي حضري بندراوي حلفاوى دينكاوى بجاوى كناني برتاوى شكري نوباوي هواري فوراوي حساني بقاري جعلي محسي شلكاوي بديري كباشي هوساوي فلاتي دنقلاوي هلالابي مريخابي موردابي أهلاوي ـ ـ الخ أي نسبة من هذا القبيل تنتهي بكسر الحرف القبل الأخير وياء معرجة أدوات وألفاظ وأمثال التعجب ! أجي : لغة نسائية تعجبية بمعنى معقول كُر عليَ : لفظ تستخدمه النساء تعوذا من فعل أو قول قبيح ( كُر عليَ فلانه طلقوها) بى صحك : هل أنت صادق فاكه منك / ماك نصيح : هل فقدت عقلك بس كدا ! : فقط هكذا عجيبة ! ترافقها هزة رأس عند الرجل/ وصوت يخرج من بين الشفتين بالنسبة للنساء غريبة ! معقول يحصل ده ! دي حكاية والله! قال عاقلين قال ! القصار طالو : مثل تعجبي ساخر يقال لمن يتطاول على من هو أكفأ منه التسويه بايدك يغلب اجاويدك : كناية للقول أو الفعل الذي يصدر منك لن يقدر على اصلاحه حتى من تستقطبهم من الاجاويد الكترابا : لفظ تعجبي يقال عند وقوع فعل جسيم غير متوقع بالله ! سبحان الله ! الله قادر ! هلاهلا ! وووب علي! سجمي / سجمنا يا بنات أمي !؟ حال الياباني والتاباني : مقولة تستخدمها النساء في مقام التعوذ من حالة سيئة وهي تعني ليته حال من يأبى أو تأبى لي الخير ألفاظ وحركات النداء / التنبيه يا : يا هوي : هو يا أنت هووووي : للتنبيه / التحذير الليلا هوي يا ليلا : الليلة ليلتكم اليوم يا هؤلاء سواتك دي : أفعالك هذه إنت / إت يا جنا : أنت يا وليد تعال هنا / هني : تعال إلى هنا عووك / عييييك : صوت للتنبيه كورك ليهو : نا داه ( الكوراك ضرب ) كناية عن الأصوات التي تطلق كنداء للحرب ( هررروووووب ) . اسمع هنا/ استمع إليَ. خلى بالك معاي / انتبه إليَ. ارخي لي اضانك / اقترب واسمعني( تقال عندما تريد الإخبار بصوت خافض). يا زول اعمل حسابك / تقال للتنبيه . اوعك : اياك اوعك تدقس : اياك تغفل الفاظ تدل على الأخذ أو الطلب والعطاء جيب : احضر هات : اعطني ناولني : احضر لي اديني :اعطيني طالبك : اطلبك أعمل ليَ كدا : افعل كذا. عايز : اريد دايرك : اريدك هاك : هاك خد : خذ امسك : اقبض شيل : ارفع / خذ الفاظ تدل على النوع ضكر : ذكر وستخدم في عبارات الثناء ( ولد ضكر ) انتاية : انثى راجل : رجل مره : مرأة جنا : طفل ود : ولد وليد ( بكسر الواو وتشديد اللام ) : تصغير لولد بت : بنت مريه : التشبه بالنساء ( مريه وسط بنات ) بنية ( بكسر الباء وتشديد الياء ) : تصغير البنت جهال : كناية عن الصغار شافع / شفع : الصغار صبيان : صبية نسوان : نساء بهم / بهايم: بهائم سعية : تطلق على كل أنوع البهائم التي يملكها الشخص ألفاظ تدل على الطرد والزجر أو المنع كرشو بتشديد الشين : طرده نهرو : زجره شخط فوقو : زجره بألفاظ حادة ادينا عرض أكتافك قوم من هنا : ابتعد عني فلزع : أذهب قوم لف : يستخدمها كثيرا كتاب مواقع التواصل والمنابر بمعنى أتركني وشأني امرق / امرق تمرق روحك : أخرج تخرج روحك أقعد/ تقعد فيك/ عليك حيطه : بمعني اجلس ويسقط عليك حائط ليبقيك جالسا امشي من هنا : اذهب من هنا غور من وشي : اغرب عن وجهي ما تعمل غاغة : لا تكثر الكلام بطل جوطة : أوقف الإزعاج بطل زحمة : لا تزحمني بالكلام أُ س : صوت يصدر بمعنى أصمت أسكت : اصمت انطمَ : اصمت قفل : اغلق فمك أي لا تتحدث وأي فعل مضارع مسبوق بـ ( ما ) النافية ( ما تأكل / ما تشرب الخ ) ألفاظ تدل على إهمال الشيء أو الإقلاع عنه سيبو / سيبك منو : اتركه افتح ليهو / فتح ليهو : أهمله خلي / خليهو : اتركه ما تشتغل بيهو : لا تهتم به مايهمك : لا يهمك عنو ما جمع : كناية عن اليأس من حدوث أو العثور على شيء صهين منو : أتركه أعمل نايم : كناية على عدم الاهتمام بمتابعة شيء الفاظ التمني عشان / فشان / اشان ( عشان اولادنا تتعلم ) : لكي اريت / ياريت : ليت / يا ليت ألفاظ وأصوات تقال ممن يعاف الشيء ولا يستسيغه: قرف يقرفق أخَي ـ بفتح الألف وتشديد الخاء : صوت يخرج للدلالة على أعافة الشيء كُخ / بضم الكاف أو كسرها : تقال للطفل ليتجنب تناول الأوساخ عووع : صوت من الحلق يعبر به من يعاف الشيء إفي : صوت يدل على شم رائحة ليست طيبة أصوات أخرى متنوعة : أحَي ـ بتشديد الحاء : تعبير عن الأسى والشعور بالألم ؤ : صوت يعمل محل واو المعية والعطف ( جونا الليلة احمد ؤ عثمان ) ولَا/ ولَ : تستخدم محل أو آ : يا أهن / أها : صوت يستخدم كرابط بين جملة وما بعدها بمعنى ثم ومن ثم ( اشترى حاجاتو كلها( أها ) لما جا للدفع ما لقي جزلانو احم احم : صوت نحنحة للفت الانتباه يوي يوي يييييوي : صوت الزغرودة يجغجغ : الصوت الذي يخرج عن سائل كثيف يغلي على النار يفور : يغلي يدلق : بمعنى يكب الشيء ويستخدم عادة للمواد السائلة فنى : جدع قذف بعيدا جغمة /جغم : رشف سائل بمقدار ملئ الفم بس : فقط / أيضا تستخدم بمعنى كفاية زقل الشيء : دفع الشيء جضمو : بمعني أقحمه بالحجة قح : سعل ( القحة ولا صمة الخشم ) مثل : بمعنى ان تسعل أفضل من أن تصمت يقال لمن يطلب منه القيام بأي شيء بدلا من الجلوس دون فعل ها : صوت يدل على عدم الاكتراث بالشيء جُب ( جيم معطشة مضمومة )/ تُب : تبا لك شخر : صوت يخرج أثناء النوم واااي : صوت يدل على التألم أخ : صوت من الحلق يدل على الاحساس بالألم أُف بضم الألف : صوت يدل على السأم والضيق بح : صوت يدل على ضياع الشيء أو ذهابه توشك : صوت يعبر عن دخول شيء في شيء بطريقة مسرعة ظووط : " " " " " " دل : صوت يعبر عن ارتطام شيء سييك : صوت حاد يعبر عن أنزلاق شيء أو احتكاك ( عجلات القطار ) بمب : صوت فرقعة بب : صوت يعبر عن السقوط شيء صغير( وقع بب ) كش : صوت انكسار الزجاج الفاظ لطرد الحيوانات الاليفة واستدعائها جر : يقال لزجر وابعاد الـكلـــــــب سو سو : يقال لجذب الجرو للحضور فس / بس : لطرد القط بُرَة : لاستدعاء القط كَر بفتح الكاف : صوت لطرد الدجاج كِت كِت : لاستدعاء الدجاج اعضاء الجسد كرعين : رجلين قورة : جبهة وش : وجه نخرة : أنف خشم : فم سنون : اسنان شلوفة ,جعها شلاليف : شفة / شفاه دقن : ذقن/ لحية بوذ : مقدمة الفم جضوم : خدود حنك : فك الفم سدر : صدر عضم :عظم شطر : نهد ضهر : ظهر ( الما عنده ضهر ينضرب على بطنو ) يقال لمن يظلم لضعف مسانديه صرة : سرة نوايط / كلوة : كلية أتي : الحويلة الصفراوية ولعل أصل الكلمة من اللغة النوبية فشفاش : الرئتين ضنب : ذنب رأس النيفة : رأس الخروف بعد سلقه ضلف : ظلف كوارع : أظلاف العجل بعد تنظيفها وسلقها ضفر : ظفر ضراع : ذراع نافوخ : صدغ أضان / ادان : أذن نضر : نظر مسميات أخرى كبش : خروف كديس : قط تور : ثور تيس : ذكر الغنم كدندارة / خنفساء بعشوم / صبرة : ثعلب كدروك : خنزير برى دبيب : ثعبان عنقريب : سرير خشبي منسوج بالحبال أو الجلد مخدة : مسند شدرة : شجر واطه : أرض شباك : نافذة خور : مجرى أو حفرة حيطه : حائط خدار : خضار حوش : ساحة أو باحة البيت عربية : سيارة باص : حافلة ركاب طيارة : طائرة مداس / مركوب / جزمة : حذاء /نعال برطوش : نعال مهترئة شبشب : حذاء خفيف بسيو أو غطاء صغير بدون كعب يلبس داخل البيت عرش : سقف كرنك : قطية من القش مخروطي الشكل راكوبة : مظلة تقام باعواد الخشب وتظلل بالقش أو عيدان القصب دربكة / دلوكة : طبل يدوي الصنع دوكة : صاج يصنع علية خبز الكسرة كسرة : رقائق من الخبز صنع من دقيق الذرة بعد تخميرة قراصة / حرف : خبز من دقيق القمح يصنع على الدوكة عشميق : ليف النخيل اوضة / اودة : غرفة / حجرة عشه بكسر العين : غرفة من القش صريف : سور من القش الفاظ دالة على الزمن وكت / وكتين : وقت /غير أنها تستخدم بمعنى (عندما ) ( وكتب جونا العيال مارقين ) حول : سنة الليلة : بمعنى هذا اليوم ضُهر : ظهر القايلة : وقت المقيل الدغش : الفجر بدري : مبكرا بكرة / باكر : غدا هسه / اسع : الآن بعدشوية : بعد قليل من الزمن طول : استغرق زمن أطول حالا : في الحال بسراع / فسراع : بسرعه دلوقت : في هذا الوقت براحة : على الراحه مهلة : فسحة مريحة من الزمن بشويش : بدون استعجال الالفاظ الدالة على صفة الاشخاص يُمّة : أمي أبوي : أبي حبوبة : الجدة أخوي : اخي خيتي : اختي ود أمي / بت أمي : الأخ / الأخت من جهة الأم نسيبي : صهري الأفعال قواعد عامة: 1 ـ في جميع الأفعال الماضية والمضارعة المنسوبة للمذكر أو المؤنث ـ ـ التي ينسب فيها الفعل لضمير الغائب مفردا كان أم جمع ـ ـ يكتب آخرها( بالواو) بدلا عن ( الهاء) أمثلة : * المنسوبة للمذكر: أكله / يأكله ـ شربه / يشربه : أكلو / ياكلو ـ شربو/ يشربو أكلته / سوف آكله : أكلتو / باكلو أكلوه / سوف يأكلون : أكلو ـ بياكلو * المنسوبة للمؤنث : أكلته : أكلتو سوف تأكله : بتاكلو أكلنه : أكلنو سوف يأكلنه : بياكلنو 2 ـ فعل المضارع المنسوب للمتكلم الذكر / المؤنث يكتب الفعل مسبوقا بحرف حاء أو باء أمثلة : سوف أشرب = حـ أشرب / بـ شرب سوف أذهب = حـ أمشي / بـ مشي 3 ـ ( ما ) النافية حرف ( ما ) ينقلب لحركة نافية للفعل إن جاء سابقا للفعل أمثلة : ما تمشي / ما مشى ما تزعل / ما زعل ما ترقد / ما رقد 4 ـ صيغ الاستفهام * أي فعل أو ضمير يليه أو يسبقه لفظ (مالك / مالو) أمثلة : إنت مالك؟ مالك إنت ؟ هو مالو ؟مالو هو ؟ هي مالا ؟ هم مالم ؟ هن مالن؟ الافعال بتكورك مالك ؟مالك بتكورك ؟ كورك مالو ؟ مالو كورك ؟ بتكوركو مالكم ؟ مالم كوركو بتكورك مالك؟ بتكوركن مالكن ؟ * أي فعل أو ضمير يسبقه أو يليه لفظ ( وين أو مين) أمثلة : وين إنت ؟ إنت وين ؟ مين إنت ؟ إنت مين ؟ راقد وين؟ وين راقد؟ مين راقد ؟ الراقد مين؟ * أي فعل يسبقه أو يليه أي من الالفاظ التالية : ( شنو ) ( ليه ) بتعمل شنو ؟ عملت شنو؟ جيت ليه ؟ ليه جايي ؟ * الألفاظ / وين / مين / شنو / إذا سبقهم أو تلاهم لفظ ( في) أو سبقهم اللفظ ( لي ) أمثله : وين في ؟ في وين ؟ مين في ؟ في مين ؟ في شنو ؟ شنو الفي ؟ لي وين ؟ لي مين ؟ لي شنو ؟ * اللفظ ( كده / كدا ) إذا سبقه أو تلاه فعل أو أي من الافاظ التالية : ( ليه) أو (هو) أو ( بس) أو ( خلاص) مثال : ليه كده ؟ كده ليه؟ كدا هو ؟ هو كده ؟ بس كده ؟ كدا بس ؟ كدا خلاص ؟ خلاص كده ؟ إشتراه كدا ؟ كده اشترا ؟ * أي فعل أو ضمير مسبوق أو يليه لفظ ( كيف ) أمثلة : إنت كيف ؟ كيفنك ؟ مشى كيف ؟ كيف يمشي ؟ * أي فعل يختم بعلامة الاستفهام أمثلة : نام ؟ بغني؟ أكل ؟ بيلبس ؟ جرى ؟ .. الخ 5 ـ الألفاظ النافية و المانعة * مش : دي مش عربيتك ده مش بيتكم مش شغلك ^ــــــ ^ * لا : لا تسوي كده لا تمش ليهم / لا تمشيلم لا يغلّت عليك ولا ي وس خ أيديك ولا واحد فيهم نجح .. ولا واحد منهم أكل .. الخ * أوع : أوعاك تقربو أوعاك تضربو أوعك تهبشو * بطّل بطّل غاغة بطّل نقة * كفاية كفاية كده كفاية رغي بس كفايه * وقّف وقّف الجوطه دي وقّف الكتابة الفاظ تستخدم في سياق الرجاء على الفعل أو الامتناع : النبي فوقك / فوقكم / فوقكِ/ فوكن ـ الرسول تقعد عليك الله عليك والديك عليك أمك / أبوك أرجوك لو ممكن لو امكن لو سمحت انكان ممكن / اكان ممكن انكان سمحت ما تجي ياخي الخ --- افعال الفعفعة : الرمرمة الدمدمة الهمهمة الكبكبة البغبغة النغنغة الزمزغة ---- إلا باوقيشن يفسرها ليك السحسحة ----- مفهومة من السياق ، بدون تأملات السفسفة الفخفخة النخنخة السكسكة الحتحتة الخ ----- افعال الفعللة : العنقلة الزغللة الشنكبة العنكبة المنتشة ^__^ (اتذكرت استخام قديم راج على أيام الديموقراطية ) الهنجكة ---((المنتشة والهنجكة تقال الى الذكر والأنثى .. للشخص الناعم بإفراط فى حركته أو طريقة كلامو .. يعنى كان مرة قالت ليك (أجى) مافيها حاجة .. لكن كان قالت ليك (أجييييييي) قول لها بطلى الهنجكة والمنتشة بتاعتك دى)) الخ- ملاحظات حول طريقة تركيب الجملة بالعامية : * مع أدوات الإشارة : في كل الجمل المحتوية على أي من أدوات الإشارة ( هذا – هذه ، ذاك – تلك ) تأتي أداة الإشارة لاحقة للمشار إلية وليس سابقة له كما في الفصحى . أمثلة : أنظر (لهذا الرجل) : عاين (للراجل دا). كان مع (هذه الشابة) عقد : (الشابة دي) كان معاها عقد. مع من قدم (ذاك الرجل) ؟ : (الزول أو الراجل داك) جا مع مين؟ لا تقرب (ذاك البئر) : أوع / ما / تقرّب (للبير ديك). لم (تجاهلتنا يا أخي) ؟ شنو (ياخي مالك فاتح لينا). * مع أفعال الماضي والمضارع : يأتي الفعل بعد الفاعل بعكس الفصحى. أمثلة: ذهب عثمان == عثمان مشى. حضر أو جاء محمد == محمد جا . سافرت فاطمة == فاطنة سافرت. غدا سوف (يذهب عثمان) == (عثمان ماشي) باكر أو بكرة.أو ( بكره عثمان ماشي). متى يحضر محمد ؟ == متين ( محمد جاي ) أو( محمد جاي) متين؟ * مع أدوات الاستفهام : تأتي أداة الاستفام سابقة للمخاطب أو المستفهم عنه كما في الفصحى وأحيانا تأتي لاحقة له على العكس من الفصحى . أمثلة : لماذا / لما / متى / أين / من / هل .. الخ : لماذا لا تكتب ؟ ليه ما بتكتب / ما بتكتب ليه؟ لما ذهب عثمان ؟ ليه مشى عثمان ؟ أو عثمان مشى ليه؟ متى وضعت عائشة؟ عشه ولدت متين ؟ أو متين ولدت عشه؟ أين المفتاح ؟ وين المفتاح؟ المفتاح وين؟ من بالباب ؟ مين في الباب ؟ أو الفي الباب منو؟ هل أنت مسافر يا محمد ؟ محمد انت مسافر؟ أو أنت مسافر يا محمد؟ في كل الاحوال تحذف الأداة (هل). * في الأسماء وبعض أفعال المضارع المنتهية بضمير الغائب (هم) تحذف الهاء عند النطق مع ضم وتشديد الحرف السابق للهاء المحذوفة.. أمثله: حضورهم : حضورّم أكلهم : أكلّم كتبهم : كتبَم أجسادهم : أجسادّم .. الخ تعابير خاصة بالعامية السودانية * سِت اللمنتي ليك = يا سيدي لك الأمان * لفظ قام : قام قال/ قام جرى/ قام صوف = قال / جرى / قام صوف أيضا كناية عن الجرى . اللفظ ( قام ) لفظ سوداني خالص يضاف للفعل دون أن يغير معناه ، وهذه التركيبة لعلها ترجع لتركيبة الجملة في اللغة النوبية. * جاني أيديهو معلمات الله = أي أتاني فارغ اليدين ، تقال لمن لا يعطي في موطن العطاء أو يطلب منه أويتوقع منه جلب شيء ويأتي دونه. * اللفظ أبو : شنو يا أبو الشباب؟ = ماذا هناك / وراءك أيها الشاب ، لفظ ( أبو ) هنا وصف للمخاطب بكونه شاب حتى وإن لم يكن كذلك ، كما يستخدم هذه اللفظ بصورة راتبة في وصف حالة فيقولون أبو نضارة / أبو جلابية /أبو ساق . أبو ال ك ل ب /أبو الزفت = عبارة تقال كدليل على إعجاب المتكلم بحدث أو موقف استفز مشاعره. * اللفظ حليل : له عدة استخدامات بدلالات متباينة : _ يا حليلو : لفظ يستخدم كوصف لأحاسيس المتكلم وشعوره بالأسى أو الاشتياق الشديد لشخص غائب أو عزيز رحل . _ حليلك : عندما يقال للمخاطب ( حليلك ) فالمعنى هنا يأتي إما تحذيريا كقول ( زح من تحتها حليلك بتقع فوقك ) أو كدلالة على جهل وتوهان المخاطب أو عدم معرفته بحدث أو شيء عام يعرفه الناس. _ حليل أمي/ حليل أبوي / حليل السمحين : عبارة يقولها المتكلم تعبيرا عن تعجبه أو عدم رضائه بواقعة أو تصرف أو خطأ منه نتج عنه تلف . * الكشة : _ يكش الشيء : أي يجمعه ، ويستخدم اللفظ كصفة مشهورة لحملات تنظيم الأسواق التي يقوم بها موظفو البلدية للباعة أو شرطة النظام العام للمتسولين وغيرهم . _ كشوهو: صفه للشخص الذي يقبض عليه في تلك الحملات . * كشكشة : لفظ يستخدم دلالة على الصوت الذي يحدثه الطرق على حلقات آلة الرق ، أو الصوت الذي يحدثه هز علبة بها نقود أو مجوهرات أو المشي فوق قش جاف . ( دخل القش وماقال كش) غِلّوتية سودانية أي فزورة بالمصرية . * طب / طاب : صوت يدل على بلوغ الشيء إلى مداه ( ملان طب ) ممتليء للآخر . * جبنة : دورق من الفخار المحروق له عنق طويل يستخدم كحفاظ للقهوة فقط ، غير أن له أيضا استخدام مجازي دلالة على اعتدال المزاج كقولهم ( الكيف جبنة ) . * شرغرق : إناء يصنع من الصفيح يستخدم خصيصا لغلي البن بعد سحنه. * فندقو فنديق : فندق العيش = طحنه يدويا باستخدام الفندق الخشبي يستخدم التعبير كناية على تعرض شخص ما للضرب المبرح. * راكب راسو : كناية على العناد حيث يقال ( بطل عناد وما تركب راسك ساكت ) . * فلان متعشي : يقال لمن ينجح في تسويق شيء أو إنجاز مهمة ويأخذ مقابل . * قال مفتح قال / قال أمين قال : عبارة تستخدم كدلالة على السخرية وغالبا ما تكون الكلمة المتوسطة بين قال ..وقال هو الفعل محل السخرية. * أقعد غادي : إبتعد عني ، اجلس بعيدا عني وهو تعبير يدل على عدم الرضا . * يازول أرع بقيدك : عبارة تحذيرية تقال بمعنى ألزم حدك . * دقس وتلحس : عبارة تقال لمن يضر بنفسه أو حقه نتيجة للغفلة * بالحتة الفيها الحديدة = اضربهم بيد من حديد . * درب السلامة للحول قريب : مثل سوداني يقال في طلب التأني وعدم العجلة المهلكة . * حساب ولّا كوار ياريس : مثل محاسبي يقال لمن يسعى للحصول على أكثر من حقه أو مغالطة صاحب حق في الحصول على حقه .. * إن إنت ما نضمت مين عاد؟ = إن لم تتكلم أنت فمن يحق له الحديث إذاً؟ * سكا = لا حقه _ ترانا ساكنهم = كما ترى نحن نلاحقهم . _ المساسكا = ملاحقة الشيء وتتبعه . * كحّل الشي = أي لمحه . * صقعو كف / قلم / اداهو كف = أي ضربه بالكف على خده . * كفتو = أي ضربه . * لازمتو / لزومو شنو؟ = مالذي يلزمنا عليه ؟ سؤال يطرح لمن يفعل أو يطلب من السائل فعل لا يراى فيه منفعة . * جلدا ما جلدك جر فوقو الشوك : مثل يقال لمن يسيء إستخدام أشياء الآخرين أو يؤذيهم * قاعدلو فوق رأي = لديه رأي أو فكرة أو فعل لم يفصح به بعد .. * قبيل = زمان / في قت مضى . ( قبيل مش قتلك أمشيلم ؟) ألم أقل لك منذ وقت إذهب لهم ؟ (قبيل شن قنا ) يقال في مقام الشماتة على فعل نُبّه إليه الشخص فلم ينتبه. * الخلا ولا الرفيق الفسل = أن تسير وحدك في الخلاء خير من مرافقة إنسان فسل. يقال في العادة لمن لا يستحب صحبتهم . * هيييع : صوت من الحلق يعبر عن الإعجاب * نقلو بى ضبانتو = أي نقله كما هو دون زيادة أو نقصان أو تعديل * راح في حق الله / الزول ودر : كناية على الضياع . * الوردة : الحمى . * يعوعي = صياح الديك ويوصف به المتكلم بصوت مزعج وحديث لا يستسغه المستمع . * كمان جابت ليها غلاط !: عبارة تقال في مقام التندر والتعجب من مغالطة الآخر لما يعتقده المتكلم حقيقة دامغة . * ختاها على بلاطة : أي بين ما يعنيه بوضوح دون مواربة. * الكُوشة : لفظ يطلق على مكب الزبالة * الركشة : موتر مصمم لنقل أفراد من الركاب ، ويستخدمه البعض مجازا لصغار السن ويقابله لفظ ( الكوامر – جمع كومر ) لكبار السن ، الكومر ماركة لسيارات نصف نقل متينة كانت تستخدمها في الماضي المؤسسات الحكومية في السودان. * قبضو كربون : كناية على الالتحام الشديد أو حالة التلبس . * قدر ما فرفر : وصف لمحاولة الخروج من مأذق دون جدوى. * الزول دا شاميني = هذا الشخص لا يطيقني لا يستلطفني . * بلعو كلامو : عبارة وصفية تقال مجازا بمعني اقحام القائل وإثبات خطل حديثه . * يلّا / يلّاكا : هيا / هيا بنا * ليه عايز تدينا = لماذا تريد أن تعطينا. * اقراها بالطريقة دي = أقرأها بهذه الطريقة * دودره = لفظ يطلق على الشخص المتعنت عندما يُحمل بحكمة من قبل العقلاء على تغيير رأيه أو تصرفاته. * النقة = كثرة تكرار الحديث . ( فلان دا فلقنا بى نقتو الكتيرة ) أي أزعجنا بحديث الكثير المتكرر. * الموية تكضب الغطاس = أي أن من يدعي الغطس فالماء هو الذي يثبت صدقه من كذبه وهذا المثل يضرب لمن يدعي القدرة على فعل شيء ما. * شِبكا = لفظ مشتق من الفعل (شبك ) يوصف به الشخص الذي يسعى لتشبيك الناس بعضهم ببعض ، يقولون ( الزول ده شِبكا أو بتاع شِبّك ابعد منو). * جاي يتلولح = أي جاء يتطوح في مشيته . * مُوكّح = لعلها غير عربية تقابلها كلمة مورط ، يقولون ( الزول موكح ، أو وكحوهو ) أي متورط .. * غلاسة = لعلها غير عربية وربما تعني المكر ، يقولون (عليك جني غلاسة أو الزول ده غلس غلاسة) . * دغالة = تقابلها ثقالة الدم يقولو ( بطل دغالتك دي ). * دمو تقيل = أي ثقيل الدم * عامل أرضي = تعبير وصفي لأفعال وتصرفات الإنسان الملحاح الذي يكثر من مضايقة الآخر. * فاكيها فينا = تعبير يقال لمن يدعي إنجاز ما على سبيل الفخر على الرغم من أن للمنجز ما يماثله أو يفوقه ، كما يقال للشخص المدعي . * دخانم يدخن وجوعم يمحن = تعبير يقال لأهل المظاهر والبروبقاندة بالفصحى ------- باللغة المحكية حسب صوتها حاجة آخرى ------ حاجة تانية شيء آخر ------ شي تاني يدع / ترك ------ خلا / يخليهو / سابو بها ------ بيها لما ------ لا من عندما ------ لمّا لكن ------ لاكين جدا ------ جدن إلى حد ------ لحد / لحدت وحياة ------ وحات هكذا ـ ------ كدا / كدا ذمتي ------ ضمتي ـ يصير ـ ------ يبقا / ببقا كتبها ------ كتبا قليل ـ ------ قليل / شوية فعل ـ ------ سوا ماذا ـ ------ شنو جاء ـ ------ جا سأل/ سألني ----- سأل/ سعلني حقه ------ ألليلو / حقو / هولو حق فلان ------ الليل فلان / تبع فلان عفوا / عذرا ------ معليش قلت لك ------ قتليك / قتلك أنت ------ إتا/ إت ليت ------ أريت / ياريت أين ------ وين أين هو ------ وينو الآن ------ هسه/ اسع( دلوكت ـ مصرية ) نظر ------ عاين أعطيني -------- أديني/ أدّني خاطر --------- خاتر أطلق / حلّ------ فكّ لعلك ---------- علك / نعلك أيضا----------- كمان/ برضو أعرف ---------- عارف / خابر مليء ---------- ملان/مليان ما ---------- ما/ مي يد ------------ ايد التي ---------- الي / الِ يجوّد الكلام----- يقعد النضّم / الكلام الكلام --------- النضّم / النضمي / الكلام كما أريد------- على كيفي / قال الشاعر( اقعد أقوم على كيفي ) المزاج -------- المزاج / الكيف شخص------------ زول فرد ----------- واحد / فرد واحد شيء------------ شي / حاجة نعم------------ أيوه/ آآي يا------------- يا / آ للنداء أنس –- -------- ونسة / ونسي تذكر----------- اطرا وقت ----------- وكت إن كان -------- أكان وحده/ وحدها—--- براها / وحّدا ( قبلها وحّدها) الذي في الغربة–الفي الغربة مباشر --------- طوالي / تستخدم أيضا للاستمرارية ( طوالي قاعد يجينا ) أبدا لم أره --- أصلا / أصلو ما شفتو لم أفهم/أتبين–- ما فهمتا / ما وقع ليّ قلت ----------- قتا/ قت صاحب الشيء------------ سيد الشي ذاتها ------------ ذتا يا اخواننا----------- ياخوانا يغضب ------------ يزعل / يحرد الحب ------------ الريدة وضع ------------ ختا يقرأ ------------ يقرا شيء حسن ------------ كويس / ويستخدم اللفظ بمعنى نعم أيضا وجد ------------- لقا استطيع/ في الإمكان---- اقدر ما هو اسمك؟ --------- اسمك مين/ شن سموك رأى / رآها / رآه----- شاف / شافا / شافو إذا ما كنت/إن لم تكن- إماكنت/إمابتكون إلى غاية------------- لغاية غايته ------------- غايتو عجبني --------------- سرني / عجبني / قال المغني ( عاجبني الكريم البسند الضعفان) جذع الشجرة----------- جضل متوقع --------------- متوقع / حاري نساء ---------------- نسوان / حريم مضى وقال ------------ قام قال مثلما كان ----------- زي ما كان مثل الأول ------------ متل الأول / زي الأول فيما بعد ------------ بعدين الحين --------------- دحين نعم إنك ------------- نعمنك ترجل عن الركب —------ نزل/ إندلّ ابتداء -------------- أول بالتبادي كذاب ---------------- كضاب/ كداب ذكر ----------------- ضكر اليس كذلك ----------- مش كده/ ملحوظة: اللفظ ( مش ) يستخدم ايضا للنفي كما بينت سابقا الم أقل لك ؟ ---------- مش قت ليك / ما قت ليك / ماقتلك العام الماضي --------- عامنوّل / السنة الفاتت جميل جدا ----------- سمح بالحيل / تستخدم ( سمح ) بمعنى حاضر ايضا قلت كذلك ------------ قتا كده/ قت كدي لنذهب / دعنا نذهب --- ارحكُم / ارحكاكُم / امشاكُم مرّ بكم /بي ------ غِشاكُم / غِشاني يقول الشاعر ( زي عيدا غشاني وفات عاد عم البلد اعياد ) مكان ---------------- مكان / بكان / محل اجلس فوق / تحت ------ قاعد فوق / قاعد تحت موجود أعلى / تحت ---- قاعد فوق / تحت مرحبا بك ------------ مرحب بيك كنس ----------------- قشا أيضا ---------------- برضو ثانيا / ثالثا-------- تاني / تالت لديه / عنده --------- عندو( راجع القاعدة) له ----------------- ليهو ( " " ) نهض ----------------- قام نهض واقفا ----------- قام على حيلو ظلام ----------------- ضلام / ضلمة لم يأت بعد ---------- لسه ما جا ليس بعد ------------- لسه فعل ----------------- سوا/ يقول المثل ( الحداث ما سواي) يجعلك تشتهي الكلام---- يشهيك في النضم بكذا ---------------- بى كدا أحضر ---------------- جاب / يستخدم اللفظ احيانا بمعنى الربح ( العربية جابت تمنا ) دعك منه ------------- سيبك منو/ خليك منو منه ----------------- منو ( راجع القاعدة) أنثى جميلة و حلوة --- زولة سمحة ؤ حلوة منتظر --------------- راجي