|
|
 Re: ود شيقوق وودالبوش وود المنسي هام (Re: عبدالله ود البوش)
|
Quote: هههههههههههههههههههههههه
والله يا ود المنسي دي براها بتلاتة ضربات
خلاس احسبا ليهو ضربة واحدة في واجبة فقدان خاتمك |
والله والله والله يا ود البوش
عوفا وكت قتّا كدي
وإت حديث ما بنعقبو وياكا دليلنا ومشهادنا
أها الباقين كيف دبارتهم
المسنيح ود أبوسن يشيل ويرسل في الرسائل لما قلت لي أنت ماتضرب قال الشبكة
كعبة ... التقول الرسائل دي برسلا من شبكة سمك
يا الفاضلابي تكون داير مني ضربتين بي قصة الخير دي
| |
  
|
|
|
|
|
|
|
 Re: ود شيقوق وودالبوش وود المنسي هام (Re: الطيب شيقوق)
|
| Quote: هههههههههههها يا سلالالالالالالالالالالالالام والله تكون قالتها بتحسر صادق جدا |
اتا يا اخوي تتضحك كدي بعد تنفهق
ما تجيب ليك واحدة تتش بيها وتحصل عرض التش دا قبل انتهي عليك
كل ضحكة تعادل ضربة وضحكة الكلكلة بتلاتة ضربات
.
.
اتو يا ناس الصعيد وناس السافل عندكم تش المدمس بالعيش ؟ بلغة الاقتصاد التجارة البكماء او المقايضة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
الفاضلابي تراكا مسنوح و مسخوت
الكلام انا داسيهو ياخ
وفعلا والله شبكتي كعبة ... عان الزول دة ولهاطتو
يقول يعزو في خاتم ! عنو الوصفو ما يتوصف بركت شيخي داك
والنسب زولك جاب فيهو لوية
يقول البتلد ليهو نعجة نضرب ليهو .! مالو شايفنا معرسين لينا نعيز ؟
النعجة التعضيك ! شاحد الله ليك
انا زاتي حقتي راحت في زولن فيكوم ضرب لي
حقة فضة
قالو شيخ العرب في المركب وخرم
ها عرب في زول عندو سفة
واحد ناولو حقتو
شيخ العرب سف وجدعا في البحر
ها شبخ العرب دحين ما اتلومت .. تسف من حقتي وتجدعا
قال ليهو
داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم
حقتي دي سف منها شيخ العرب
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
بدر! والله كلكم مساخيت تراكم
ودالمكي دة بربدو علا قام يتلولو ويغالت
قالو اكلو اخوان واتحاسبو تجار
ضرب لبهو وصد راجع ضرب لي وزي ما ريالم اكتر من ريالنا كمان دقيقتنا اكتر من اللتم
اها نحمدو صبيان وشباب ولدنا وجبنا الجنا وهو مهكع وعجيز .. صبينتنا وحعتو في قلبو .. قال ولدتنا لينا نعجة .. والزول كايس مخلت معاي في بتي وبدور امشهدو
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم
حقتي دي سف منها شيخ العرب |
اقول حقة النيفيا ول سمعتوا بيها قلتها في المنبر دا خرطمية مرة وبكون في ناس بقلبن قالوا لي كرهتنا النيفيا ذاتا
اقولا ؟
يا شيقوق وود اب سن والفاضلابي واميرة وبسمات
والله كان حاسين بحسس ود المنسي دا كان كل يوم تضربوا ليهم تعزوهو في خاتمو الراح
وغلا ضربة تعزية وضربتين تلاتة فقدان وكيف اصبحت وكيف امسيت والضربة الرابعة ان شا ء الله جمعت ؟
ود المنسي دا حنين يا اخوانا وما بحمل الهببابي كلو كلو
اضربوا ليهو عليكم الله خلوهو انفش واطلع ليهو حس
الزول مغبون ومعتشم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
ود البوش حبابك وجيتا جيت
حرم كان تقعد
آ خوي ما كنت زول فارغة علا شايفك بقيت تتلهما
الشي دة كان حقة كان ضربنالو .. علا خويتم حتة حديدة لا دخلت ولا مرقت
الحقة علوان الفنجرة . حقة فضة وقدر ما تكون فاضي تمرقا من جيبك وتجيب قشة الكبريت تنضف في وسما الفوقا
وتديها طقة بي اصبعك وكوعك وتحشرها في جيبك
اها لامن تروح زي الراحت بهيمة لبنك وقدر ما تدخل يدك في جيبك بتطراها
لكن خوتيم وحاتك ما تطراهو ويوم تطراهو تلقاهو حز مصبعك الا يقطعو قطع حتان يمرق
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: دا عاشقي الفي قرينو كِتل
مدبور زندولّو حِجل
حظي الخاتمي مني ودر
بشارتو جنيه كرامتو عجل
بشارتو 1000 درهم وكرامتو عجل كن أعلن وين اريتم الهنود لو بقرو قولي دا اكيد قطع ك وقع في يد هندي
هم هنا كتار زي نمل الرتيلا في النجيلة
|
الله يعوضك ياخ
وربنا يرحم عمنا رحمطلة ود عبدالسيد (صاحب الياقوت)، فقد رحل هذه السنة، تعرف بمناسبة القصيدة دي قال في بتاً سمحة سألتو سؤالاً حيروا: قالت ليهو: الخاتم دا خاتم صح ولا قاصدبو شيتاً كُـتُر؟؟؟
Quote: الغنماية لما تعذبك امسك ليك جندبة واربط كراعا بي خيط
اربط الخيط في أضان الغنماية وارمي الجندبة المربوطة في اضانة جوة
|
والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية
زمان كان عندنا ولاداً غتيتين زيك كدي، كان عندهم سادية غريبة خلاس، يكاوشوا الفار يقبضوهو حي، يرموهو في حفرة ولا في قفص جداد ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار ..
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
| Quote: والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية |
لوووووووووووووووووووول لوليا لووووووووووووول
مبالغات
.
.
شكرا يا بدر فقد اضحكتني حتى وقع تلفوني الكشاف وكسر اللمبة ذاتا
ياخي وجودك هنا ذو نكهة حلاوة جكسا بس ههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: محمد عبدالقادر ضرار)
|
صباحكم زين يا الزينين
| Quote: داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم حقتي دي سف منها شيخ العرب |
صحي شيخ عرب
بقرأ في الكلام دا ومتخيل شيخ العرب قاعد في طرف المركب يصلح في سفته بطرف لسانه ويلملم في توبه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: جعفر محي الدين)
|
| Quote: بقرأ في الكلام دا ومتخيل شيخ العرب قاعد في طرف المركب يصلح في سفته بطرف لسانه ويلملم في توبه |
وفننننننننن فنن الحقة جبلغ في الموية وطق راحة ايدو العسير باصابع يدو اللمين التلاتة الفي النص وكرجم خشمو وعاين للجنبو وقاليهو قت لي كيف يا فالح ؟
وصاحب الحقة فاهرا فاهو مستغربا متحسرا مغيوظا وماقادر اقول بغم
.
.
يا جعفر مرورك هنا يسعدنا جدا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: الفاضلابي تراكا مسنوح و مسخوت
الكلام انا داسيهو ياخ
وفعلا والله شبكتي كعبة ... عان الزول دة ولهاطتو
يقول يعزو في خاتم ! عنو الوصفو ما يتوصف بركت شيخي داك
والنسب زولك جاب فيهو لوية
يقول البتلد ليهو نعجة نضرب ليهو .! مالو شايفنا معرسين لينا نعيز ؟
النعجة التعضيك ! شاحد الله ليك |
هنا بتكلم جادي يا أبوسن
ما هذا طبعي وماهذه شيمي
أن أقول ما فهمت أو صور لك عقلك أني اقصد أني اتصلت بك في ميلاد أبنك
ابنك أعده عزيز وعظيم ولد جا في بنات وكنت تدعوا الله أن يرزقك اياه
فكيف لي أن أكون اقصدك أنت
أنا قلت اني البتلد له نعجة أقصد الكل وليست أنت يا ابوسن
أرجوا ان تصدق كلامي والله حزنت جداً عندما قرأت مداخلتك هذه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: هنا بتكلم جادي يا أبوسن
ما هذا طبعي وماهذه شيمي
أن أقول ما فهمت أو صور لك عقلك أني اقصد أني اتصلت بك في ميلاد أبنك
ابنك أعده عزيز وعظيم ولد جا في بنات وكنت تدعوا الله أن يرزقك اياه
فكيف لي أن أكون اقصدك أنت
أنا قلت اني البتلد له نعجة أقصد الكل وليست أنت يا ابوسن
أرجوا ان تصدق كلامي والله حزنت جداً عندما قرأت مداخلتك هذه |
هوووي يامُدَّاح انتو اللِّتنين Off Point (ودالمنسي ود ابسن)
انا وكتين كتبت مداخلتي لي عبدالحفيض (رافِت النسب) قاصد ليهو كلامي الـ في الصفحة الـ قبل دي,,,
هو جاء داخل بلا لمبة وفي الضُلمة عِتِر فوق مداخلتك لي بتاعة النعجة
وكلام عبدالحفيض واضح يامك ـ الزول ماقاصدك بس المداخلة جابت مداخلة ـ ماشفتو قالّلك النعجة التعضيكـ ؟
المك ان زِعِل منو البهديهو ـ ـ يمين تاني تكتبلك كلام زي ده علا اركب لي عندك وافلقك بي عكازي الخاتِّيهو وراء السخان ده. ياودالبوش ماتحضرنا ـ
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: خالد
حرمت زعلتني
معقولة
احسبك عزيزا عندي
صديقا يحتملني واحتمله
بالغت
والله بالغت
ليه كدة
ليه
هل ممكن اتصور انك قاصد
لا والله
ولم يدر بخلدي
بل مكاواة ليك
بالغت عديل
وشك زاتو |
ود الرجال حبابك
لا والله ما زعلت منك
لكن زعلت من نفسي أني كان اتوخى في الحديث الحذر
أنا والله يا ابوسن عندما كتبت إن الواحد ولدت نعجتو بنتصل بي كان كلامي عام
فردك شممت فيه المزح لكن زعلت من نفسي وحبيت أن تعرف أني لايمكن أن أهين بني آدم مهما كان
وبالذات في أهله ممكن مزح أن أمازحه
لكن تأكد نيتي نحوك صافية زي شُخب الحليب الصافي يرهج في الكبابي
كنت منزوي في بوستاتي لكن فيكم وجدت معاني الرجال اللذين أبحث عنهم والله بعتز بيكم كلكم أخوان ورجال
حارة وباردة معاً والأخوات المعانا حتى البتاوقن بي الحيطة ( ناس بسمات ) والبتاوقن بي
بي الطوالة ( ناس سلافة الفن ) هن معزتهن في النفس كبيرة خوات عزيزات
فخري بيكم وسندي فيكم
وما عاش من يفرقنا
لكن تأكد أني ما قصدت من كلامي شئ يا أبوسن يا عزيز علي النفس
وتبقى الخوة محنة ومودة
طالبك ضربتين
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
| Quote: لكن تأكد نيتي نحوك صافية زي شُخب الحليب الصافي يرهج في الكبابي |
تعرف يا عبدالخفيض والمنسي ذَكَّرتوني ابوي واعمامي رحمة الله علي من مات ومن هو حي.
كانوا يِدَّلوا البحر لي زراعتن ومرات يتشكلو يختوه قرض وبالليل كل زول يجيب عشاهو في الديوان وياكلو مع بعض زي الماحصلت حاجة.
عندهن بابور فوق البحر شركة بيناتن ـ يوم البابور عاوز تصليح جابو المكنيكي والناس ملمومة راجية البنطون ـ الوالد الله يرحمه اتدخل في شغل المكنيكي قام عمي نهرو وقالُّو ات شن عَرّفك بالبوابير ـ ابوي انسحب براحة
واختفي من المكان ـ بعد شوية جات بت عمي ـ (الـ نَّهَر ابوي) شايلة الفطور لي ابوها واعمامها,, ابوها قال لها روحي شوفي عمك احمد خليهو يجي للفطور ـ البت تتلفت لمحت عمها قاعد في راس الجزيرة
مشت عليهو لقتو ماسكلو حجر اخرش من حجارة راس الجزيرة ويدعك فيهو بي ايدينو اللِّتنين نامن جابن الدم ويبكي ـ البت قاتْلو سجمي ياعمي مالك؟ قال لها أنا يازهرة ابوك ينهرني قدام الرجال ـ انا جيت اتفشا
في الحجر ده عشان ما اعوِّقو ونبقي سِيرة البلد.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: مشت عليهو لقتو ماسكلو حجر اخرش من حجارة راس الجزيرة ويدعك فيهو
بي ايدينو اللِّتنين نامن جابن الدم ويبكي ـ البت قاتْلو سجمي ياعمي مالك؟
قال لها أنا يازهرة ابوك ينهرني قدام الرجال ـ انا جيت اتفشا
في الحجر ده عشان ما اعوِّقو ونبقي سِيرة البلد. |
الفاضلابي الحبوب
والله من زعلت من عبدالحفيض
لكن حزنت أنا قلت كدي ليه حتى يفهما ابوسن غلط
وحبيت اوضح
والله وماك رايدني حليفة يوم ولدو ولدو فرحت فرح اللقا الرايحة وقعد في الواطا
شكرت الله زين الأعطى ودابوسن وليد يبقالو سند فوق محنة البنيات العندو
يا سلام يا الفاضلابي كان الأدب يغطي هولاء الرجال
ابوي كان صعب مرة أختلف مع واحد من حلتنا في مجمع ارفع يدك لي فوق وأشطو كف أمام كل الناس
حلَّ الموقف عمي ( هو أكبر منه سنا ) قام من محلو وجاء لابوي تاح كفتو كفين
ابوي مارفع عينو فيه ومشى البيت ( ايامها اخوي الاكبر حاضر الموقف وكان صغير )
وكان كلما يضربنا يذكرنا بهذه القصة لما نحاول نرد ضربه ضربا
ههههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم |
ههههههههههههههههههه
ههههههههههههههههههههههه
حرم عمك راجل
أسمعني
لقيت الرسالة الرديت ليك عليها وجاتك غلط
تحت رسالتك
عليك أمان الله قائمة طويلة طلبات ( بس بقول ما وصلت )
حقو الواحد يقول ليها مو خاتمك دا ( ذاتو راح ) هههههههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم |
صاحباً لي من عمارة الشيخ هجو ـ قال رجع من امريكا
قاعد تحت الشدرة مع عماً ليهو جزار الحلة ـ ومابيصلي
الناس جات راجعة من صلاة الجمعة وهو قاعد تحت الشدرة
مع ود اخوهو الجاي من امريكا ماسِكْلو مُطْرَق يجرجر بيها في الـ واطا
نامن الناس الجاية من الصلاة قَرَّبوا عليهن اتلفت علي ود اخوهو وقال ليهو:
هه يمين كُلهن سرَّاقين لحم.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: يا شيقوق وود اب سن والفاضلابي واميرة وبسمات
والله كان حاسين بحسس ود المنسي دا كان كل يوم تضربوا ليهم تعزوهو في خاتمو الراح
وغلا ضربة تعزية وضربتين تلاتة فقدان وكيف اصبحت وكيف امسيت والضربة الرابعة ان شا ء الله جمعت ؟
ود المنسي دا حنين يا اخوانا وما بحمل الهببابي كلو كلو
اضربوا ليهو عليكم الله خلوهو انفش واطلع ليهو حس
الزول مغبون ومعتشم |
حرَّم يا ود البـــــوش تستاهل غنوة حلوة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية
زمان كان عندنا ولاداً غتيتين زيك كدي، كان عندهم سادية غريبة خلاس، يكاوشوا الفار يقبضوهو حي، يرموهو في حفرة ولا في قفص جداد
ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار .. |
\
يابدر سلااام
والله ناسك ديل فاتو الوراهم القدامهم
قتا لي كفت المروحة جابها رب
هههههههههههههههه
دي الفاضلبي فاتت علي كيف ماعلق عليها
ههههههههههههههههههه
ياهو الخير ززول الفاضلابي ههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
في واحد في حلة ناس عمتي
زولا كعب بالحيل
ينعطن في المرايس من تصبح لامن تمسا
وفوق خمجي دا كلو زولاُ لئيم الطير في السماء يقول لي جيت من وين
يهوهو في الكلاب من كعابتو
أها مرة مرض وبقى محدر لي الموت وطبعا الزول المحدر للموت الناس بتحرسو
أها ناس الحلة جت عليهم مكسرين من يوم الخميس إلا راجل عمتي تب ما مشى عليهم
وأخو مكسر مع الناس يشيل ويرسل لي أخو لانو لاحظ أنو ما بين الناس المكسرين وداك يجي المرسال
ويطنش
يوم الجمعة زوج عمتنا إستحمى وفطر الفطور المجيه ومشى صلا الجمعة ورجع بيتو بنيتو سوت لي الغدا وبعد الدا شرب قهوتو
وما شغال بي الجماعة
يوم السبت من صباحاً بدري مشى عليهم يشوفوا ويطايب أهلوا المكسرين ومعاهم ناس الحلة
أها أخو جرا غادي من الناس قال ها زول ما عيب عليك تجي لي تالت يوم
قال
يعني هو من صلاحو داير يموت يوم الخميس يوم صيام الرسول وهو ما من ناسو
ولا مبروك وداير يموت يوم الجمعة
فوق شنو أجرجر وأجي ها بعدكان ميت اللموت ترا شوفتو
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: يقبضوهو حي، يرموهو في حفرة ولا في قفص جداد
ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار .. |
ديل فاتو الصِرب لي غادي
قُتَّا لي الوول كفت المروحة اتغابا فيها العِرفَة؟
عندنا جدنا ـ بحلب في البقرة وجناها يلاكِد في الشطُر
احماهو الحليب ـ جدنا دردم ايدو وفوق نخرة العجل
خلاهو كنيشة.
سلامات يابدر ـ ادخل لي جوه الديوان مفرّش وقدامو ممطر
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
يا شباب ما تتحسسوا ساكت
كلام خالد واضح وما أظن أب سن يسيء فهمو
البوست دا بقى واحة ظليلة في هجير البورد وجفافه
خلونا ناخد راحتنا ونستمتع بي عفويتكم
الزول ما بعيف كلام ود عمو
يا قول جنى البطانة اللقى قريبو يتسوك بي فرشتو
نهرو يا جنا مالك بتتسوك بي فرشتي ؟؟
قال ليهو: أول الزول بعيف خشم ود عمو ؟؟؟
تحياتي مثنى وثلاث ورباع
إتو حكاية النسب وصلت وين؟
نجضوا الموضوع دا وإن نطيتو نحن جاهزين
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
=
| Quote: يبقالو سند فوق محنة البنيات العندو |
أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة
Quote: و سمحه جنس سماح و المولي زادا محنه
كمــلت الأدب و رِقه و خجل محنّا
زي الـسيسبان في مشيتا بتتني
و ما بتشبه بشـر دي هديه من الجنه |
خالد ود محجوب المنسي يا بسمات
لم تزل (الحنينة وسُكرة) تعبئ دواخله،
و رغم أنها كسرت فيه أكثر من ضُلعة
فإنها ما تزال محبوسة هناك تتفلفص عبثاً
للعثور عن منافذ الخروج ولكنه يضمها ثانية من فرط محَّـنته.
فالحِنين (ود المنسي) يتحدث عن المَـحـَّـنة
وعن | Quote: كمَّلت الأدب و رِقه و خجل محنّا |
وهو يتحدث عن "حنان" بنات أبسن
الماليات عليهو "حنانو" قبل مجئ شقيقهن الحارس والفارس الصغير
تحياتي لكم أهل التاية والشاية ..
ويا أخي (بدرالدين) أختنا الملكة بسمات تدخل عليكم هنا
كما دخلت الملكة بلقيس هناك..
ومشت فوق ذلك الصرح الممرد
فرحبوا بها
(و افتحوا الليلة أبواب المدينة)
...
..
.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبيد الطيب)
|
الصادق يا حبيب
كيفنك أخوي
زي السيسبان .. في مشيتا بتتنى
وقطعة من الجنة
سمح والله
دي المشية البتكتل سيدا زي ما قال ود شعيت
كتلها مشيها ، حسان أصلو مو غلتان
حبابك وحباب بت السيد
فوجودها يطعم البوست، ويديهو نكهة خاصة
تحياتي لكما مثنى وثلاث ورباع
( "لكما" دي سمحة )
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
والله يا العبيد أنا بعجبني الزول البنجض شغلو
وعلي الطلاق العبيد دا إن شتّمك تتكيف
يعجبني سردك وإيرادك للقصص وألذ منها قطع الجراري البترميها في نص الحديث
زي الجبنة في فولاً غرقان بي زيت السمسم
بت السيد دي قالت من أتبرا ، أكيد بتعرف فول اتبرا الشهير ومطعم الدبّلو
البلا الياخدو
بمناسبة نجيض الشغل دي قالوا ود أب سن شافلو ولد يرقص رقيص رقبة
المهم عمك انبسط، عجبتو الرقصة، مشى هز فوق الولد ونقط فوقو قروش
بعدين الجماعة (المعــ يـــن) أشاعوا بأن أب سن بعجبوهو الولاد
قال لهم: الولد ما بعجبني والله، لكن بعجبني الزول البنجض شغلو
تحياتي مثنى وثلاث ورباع
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
| Quote: أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة |
الصادق ودعبدالله إنت وبسمات حبابكم طَنْ ....
وحبابك طَن حقوق النجر محفوظة لحنفي يابدر البوادي
Quote: وهو يتحدث عن "حنان" بنات أبسن
الماليات عليهو "حنانو" قبل مجئ شقيقهن الحارس والفارس الصغير
|
والله يا الصادق أظن مداخلتي إطاقشت مع مُداخلتك.....
أرسلتها وعملت ليها هوب حتَّان بعد داك شفت مداخلتك
أها الفارس دي بنات أب سن محتاجات ليهو شديد
وبعد سنتين تلاتة ، إن زرتهن بتلقاهِن يحلفن بيهو ويقولن:
"حات الويحيد"
الراحل المقيم الشيخ البرعي عندو مدحة رائعة آخرها بقول مخاطبا ود الخضر وقد رُزق بفارس جديد:
ود الخِِضْرِِ تَضْوِي بلودو
وليهو تبارك المولودو...
شكرا يا بدر البوادي علي السماحة والنافلة الزينة
لكن حلف إنت الوهيط البدقروهو من العين..............
قلت لي قطع الجراري ....... سمسمها مطفح وجبنتو غرقانة...............!
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
والله بوستي دة يزورو فوقو .. لم الناس السمحة ونفوسا طيبة
وحباب بسمات حرم تستاهلي الدم .
الصادق وبدر والعبيد ومحمد حلفت عليك تعيد مداخلتك الحذفتها
ودالمنسي بختف الكلام من نصو وينقز بيهو .. احمدو عندي عماد 8 سنوات .كنا بنعمل فرقة 4 سنة بين العيال . لكن المرة دي فلتت ما بين ميار و علاء سنة واحدة فأرتعبت زوجتي فهي تلد بعملية . وكنا خايفين
الاولاد مسمي علي اصحابي
عماد عثمان الخضر
علاءالدين جاد الله
وبرضو انا ابو بنات
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
الاستاذ الكبير. الصادق عبد الله الحسن
دائما مداخلتك انت الرويال ..كان بهنا او كان بهناك..
واذا انت ما شرحت لي كلمة محنة والانا الفهمتها بمعنى ""مصيبة""
كنت لباكر وبعد باكر زعلانة زعل اليابا فضل من خالد محجوب...
والله يجازي محنك يا خالد مش تشكل الكلمة....
والمهم. ومن هنا اقدم الاعتذارات لخالد والوصفنا بالحنان والمحنة ودي
براها بتخلينا نشيلك في عيونا يا اخو البنات....والمهم التاني اقدم لخالد
الشكر برضه الخلاني اتداخل هنا واقرا الكلمات التي سطرها نوار هذا البوست
الساطع ترحيبا بمداخلتي والانا كنت فاكرة باني اتحشرت في جلستكم واتحديت
مجالا مو مجالي....والشكر لكم جميعا .....
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
يا اخونا ناسف للانقطاعة بسبب زحمة الشغل
Quote: والله يا العبيد أنا بعجبني الزول البنجض شغلو
وعلي الطلاق العبيد دا إن شتّمك تتكيف |
والله دى صدقت فيها بالحيل يا بدر الدين
لكن ما اظن العبيد يفك ليهو كلمة اكان ما وزنها على ميزان من دهب
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote: كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعا وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم |
ااااااااااي يا بسمات - اول حاجة حبابك الف وسط عولك ديل - وتاني حاجة كلامك لود المنسي عجبني بالحيل باقي الزول دا شليّق بالحيل برمي الكلام قبال يوزنو سمح هههههها
وانا ذاتي كنت مافي ما عرفتو رمى الدرابة دي الا هسه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
حبابك بسمات يا معاين من الشباك
تعرفي انا ابوبنات ودفاعي عن البنات كأنو تبرئة لي من عيب . فما قاعد ادافع .. بكرت وتنيت بالبنات ولصق فيني الاسم .. واشتهرت اسفيريا ب ابوتوتا . وتوتا بكري .. وجبت الولد .. وكلهم عيالي والله احبهم علي قدم المساواة
ولكن للولد مأول في السودان .. هسة ريحني من جيب اللبن ومشي الكناتين .. وبقنا رفقا نمرق سوا . ارح يا عمدة .. وتزعل امو
هسة سايقو بي لبسو دة .فتناديهو وتلبسو سمح ويسرحو ليهو
مرقتنا في خشم الباب بفرتك شعرو .. وافك الشكة ..
وتزعل بناتي
الراجل عندك الا يكون مبهدل
ولكني اخشي ان تؤثر فيه ما يراه في اخواته
وانا زولا اغبش جني وجن مياصة الاولاد وخيابتم
ف
عمدة 8 سنة صحبي وطبيقي . نتقادم سوا لصلاة الجمعة
حبابك اللميرة بت اللمير
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: اولا اريد ان استميحكم عذرا في ان اقتحم عليكم جلستكم الحلوة دي وادلي بتعليق
لوم بسيط..
ولكن قبل كده عاوزة. اوضح لشنوا بقيت اتلصص عليكم من بعيد..انتهزت غياب بنت
مصطفى وقلت في نفسي كده ناخد استراحة من قصة سالم ويسلم واسامة ونشوف
بنت مصطفى كاتبة البوست بتاع الناس السمحين على اساس البوست ده ليه وميفن
ودخلت ..وقريت شوية من البداية وجيت للصفحة الاخيرة ..وبصراحة لقيت بنت
مصطفى ما عندها حق ابدا تصفكم بالناس السمحين .....انتو ما ناس سمحين وبس
والله انتو ناس سمحين ورائعين ومبدعين وبتزرعوا الفرحة في القلوب ..وبنت مصطفى
ظلمتكم ظلم الحسن والحسين
( ظلم الحسن والحسين دي تعلمتها من بنت مصطفى) ،،،،انا ما تميت قراءة كامل البوست
ولكن فقط من مشهد وسيناريو واحد عرفتكم انتو رائعين قدر شنو.....والمشهد ده حكاية
الزعلة الحاصلة بين الاساتذة ود ابو سن وخالد محجوب وعبد العزيز.....وقرات ردود
الافعال ....وعرفت لي شنوا انتو ناس سمحين ورائعين ومبدعين..واخلاقكم اخلاق ملائكة
وانا كان عندي قدرة كنت جمعت البوست ده في كتاب ونشرته ووزعته للناس هناى في الغربة
وفي داخل السودان مجان....الليلة يا جماعة يو ميك ماي دي you make my day
مرة ثانية عذرا اذا ما اقتحمت عليكم داركم دون استئذان ودون علم بنت مصطفى..
كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعار وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم.. |
الحبيبة بسمات بت الشيح ود عبدالرحيم
ونسايم عطبرة الحلوة
تهدينا وترسينا
ونقابل فيها ناس طيبين
فراقم كان مبيكنا
مرحب حبابك في ديوان ود أبوسن
أدخل كمدخلك في اللوم البسيط
وأرد اللوم ملامــة حنينة
أرجعي في بدء حديثي لاسمك اللذي كتبته بالأحمر
بسمات
بت الشيخ
ود عبدالرحمن
كرم الله جنس الرجال في الدنيا أن نحمل أسمائهم
والولد البحمل الأسم
لكن الله عادل وهو العدل لذا كرم النساء في ما أعظم من الدُنيا أن ننادى يوم القيامة باسماء أمهاتنا
وأنا عندما قلت للحبيب أبوسن جاك ولد يكون لك سند في محنة إخياتو
لأني أعلم البنت حنينة وهي البتلزم الوالدين حب وحنا وهي صغيرة وبر ومحنة عندما يكبرا
وزي ماقال
كلمة سند لم تأتي ولم تطلق إلا في مكانها
الولد البسد مكان ابو ويسد ما لا تستطع البنت سده
لا أقصد ما رميت له في أشياء غابت عنك
سند أي يفعل ويشيل الحمل عن ابوه ( لا أقصد الحمل المادي والمشاركة )
لكن الحمل التمثيلي في اي مكان
في الأفراح
في الأتراح
في كل مكان
ويوم يموت هو البوسد راسو الجابرة
البنت من يوما هي ركازة البيت ونحن معشر الأولاد من نسند هي الركازة ماتقع من ثقل الحمول ( إن بقى فينا فايدة )
نحن أكيد ناس نعتبر في نظر الكثيرين متخلفين لكن نعتز بتخلفنا لأننا جد نعتز ونفاخر بالمرأة
فهي
الأم
الأخت
الخالة
العمة
في البدء هي المحنة الجدة ( الحبوبة )
بسمات لا تحسسي من لفظ نقله والله لا نحمل اي عقد تفرق بين البنت والولد
وأنا اقولها لك صراحة ابني أحمد كنت أدعوا الله ليل نهار أن يكون بنت حتى أوسم بها اسم
( امي العزيزة عليه رحمة الله في حياتها ) لكن قدر الله وما شاء الله فعل
لك تحياتي ومودتي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: يا شباب ما تتحسسوا ساكت
كلام خالد واضح وما أظن أب سن يسيء فهمو
البوست دا بقى واحة ظليلة في هجير البورد وجفافه
خلونا ناخد راحتنا ونستمتع بي عفويتكم
الزول ما بعيف كلام ود عمو |
بدر وسلمان
التحيات لك يا جميل
يابدر نحن هربنا من حميم المهاترات وجينا نستظل في واحة حديثنا يكون فيها شغب حلو مذاقه
بطعم الشهد طيبا
حديث الأخت بسمات لوم وملامة العزيز مودة وحنان
أوضحت لها قصدي
ولك الشكر يا جميل على هذا الكلام الطيب يا حامل المسك
Quote: يا قول جنى البطانة اللقى قريبو يتسوك بي فرشتو
نهرو يا جنا مالك بتتسوك بي فرشتي ؟؟
قال ليهو: أول الزول بعيف خشم ود عمو ؟؟؟ |
ههههههههههههههه
مسلط إت يا بدر ....
وقول في محلو لزم
Quote: تحياتي مثنى وثلاث ورباع
إتو حكاية النسب وصلت وين؟
نجضوا الموضوع دا وإن نطيتو نحن جاهزين |
لك منا السلام والتحيات خمّسة ومسدسة هههههه نطلق ونسد الخانة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة
Quote: و سمحه جنس سماح و المولي زادا محنه
كمــلت الأدب و رِقه و خجل محنّا
زي الـسيسبان في مشيتا بتتني
و ما بتشبه بشـر دي هديه من الجنه
خالد ود محجوب المنسي يا بسمات
لم تزل (الحنينة وسُكرة) تعبئ دواخله،
و رغم أنها كسرت فيه أكثر من ضُلعة
فإنها ما تزال محبوسة هناك تتفلفص عبثاً
للعثور عن منافذ الخروج ولكنه يضمها ثانية من فرط محَّـنته.
فالحِنين (ود المنسي) يتحدث عن المَـحـَّـنة |
الحبيب الصادق الصدوق
لك شكري الجزيل محنة على هذه الكلمات الطيبة
وهي كلمة ندعوا لها من يوم دخلنا هذا المنبر
الحســــنة معطت شارب الأسد
والكلمة الطيبة هي الباقية وماكثة وما دونها يذهب جفاء
كلمـــة طيبة ضاربة في أعماق الأرض وتدا وفرعها يلامس عنان السماء تلثما
ودمت في رعاية المولى
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: تحيَّات نواضر لي بت الشيخ عبدالرحيم ولي بت السيد
أخوكي أبو بنات وبريدهِن شديد ....
عشان شفت البنات في والدي ووالدتي
نحن أولادهم إتفرقنا ....منا من هاجر ومنا من شايلاهاو في عُقلتها يعني مرة مع البهايم نشوقا ومرة معاهن سافلا "الجزو"
بس أخواتنا هنّ الصبرن معاهن..........!
إبنة خالتي كثيرا ما تمازحني ب "أبو البنوت"، وأحيانا تستشهد بشعر الحكامة بت الشيخ سالم ، عندما طالت مدّة إبن عمها مع الإبل في رحلة الجنوب
طالت بيك المدّ’
وعالت بيك أُم قجَّة
فكانت تمازحني وهي تردَّد شعر بت سالم
ومن غنا الجراري
الحُدْب الروسهن زاعِن
بارن ليك ما انباعِن
أبو البنوت الضَّاعِن
شرفن ليكا وراعِن
بعدين يا بت الشيخ بناتي من شدة مابريدهن مسميهن
"الحُم"
حتي إحداهُن عندما أهاتفها وأسألها من أخوتها..
تجيبني وهي ضاحكة :
الحُم يا أبوي طيبات خلاس.....!
والحُم يطلقها أهل البادية علي البنات الجميلات والوهيطات المعرضات وأمَّات نفل.....
شوفي هني ود السراج قال شنو عندما طال مكوثه برحلة الجزو "رحلة الشمال"
بدبكن ليكا فوق جمل الهداد ما بحودن
بخلنلك قفاهن بالمصاع متسودن
الحُم اللى مخالات الحديث بتقودن
يا الحُدب السِّمان ليهن بتين بتعودن
عندنا أخونا علي إبراهيم قبل سنين جابو ليهو ولد بعد ثلاث بنات ، ونحن في المستشفي ، عندما أخبروه بالولد
كورك تلات مراااات بصوت عااالي
قلت ليهو ياعمَّك علي هوِّن......أزعجت الناس...
فقال: ياعبيد ..علي أخوك جايبين فيهو تلاتة أقوان
جبت لي قون واحد ما أكورك... !
البنات ماهِن ساهلات تب....
بس يا بت الشيخ كان لقن ليهن أخو .....
أولا بضوِّي ليهن نار أبوهن...........!
وببقالهن دُخري لي الزمان الشين .............!
Quote: قال ليهو: أول الزول بعيف خشم ود عمو ؟؟؟
صدق وحاتك..............
الله يجازي محنك يا بدر البوادي..........! |
والله يا ودالمقدم لو كان عينة ادا بجيبك لتنثر هذه الدرر
كل يوم بنقولو لافُض فاك يا ود المقدم ربنا يحفظن ليك الحُم
ويخلف عليك بولداً يبقى ليهن ضُل وضرية
تحياتي ومودتي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: الاستاذ الكبير. الصادق عبد الله الحسن
دائما مداخلتك انت الرويال ..كان بهنا او كان بهناك..
واذا انت ما شرحت لي كلمة محنة والانا الفهمتها بمعنى ""مصيبة""
كنت لباكر وبعد باكر زعلانة زعل اليابا فضل من خالد محجوب...
والله يجازي محنك يا خالد مش تشكل الكلمة....
والمهم. ومن هنا اقدم الاعتذارات لخالد والوصفنا بالحنان والمحنة ودي
براها بتخلينا نشيلك في عيونا يا اخو البنات....والمهم التاني اقدم لخالد
الشكر برضه الخلاني اتداخل هنا واقرا الكلمات التي سطرها نوار هذا البوست
الساطع ترحيبا بمداخلتي والانا كنت فاكرة باني اتحشرت في جلستكم واتحديت
مجالا مو مجالي....والشكر لكم جميعا ..... |
ما بتتلامي واللوم يمين مو هّولك
تزينك بسمة شايلا من الاسم أللولك
يا بت الشيخ المن المَحنّة هدومك
أرقدي عافية أنا لا زعلان لا بلومك
خالد
أنا ذاتي طلعت غلطان في حديث لي مع أبـ سن عندما وضع صورته الحلوة ربنا يحفظها وماشاء الله
عليها ثلاثة قلت له خطبنا البنت لأحمد ولدي
قال أخوك ملان بنات
ولما وضعت زوجته أفتكرت أنه أول مولود له ولد
ومن هنا كان حديثي
حصل خير يا بسمات الخيرات كُتار ونحن ماسكين فيها قوي وكان ما سوينا الخير توسمنا به
اي نريد فعله
والله يا أخواتي وأخواني والله الفي قلوبنا ربنا يشهد بي
مابندور غير المحنَّة معاكم نرمي لها نلهث وراءها أجدوا لنا العُذر إن أخطأنا وهذا يددني أحمل
لكم أجمعين محنَّة صادقة صدوقة يعلم الله
رايمكم زي مابقول ودالمقدم العبيد
رايم فلان اي بريد فلان يا بسمات ما أظن تحتاج لي تنوين ههههههه
الأبيات الفوق دي ترجميها ولو قست عليك مفردة أستعيني بالأطلس هههه
تحياتي يا بسمات وحبابك في حوش ابوسن
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: وانا اساسا قروية وبدوية
من عطبرة) |
هييييييييع بت عبدالرحيم طلعت بِتَّنا
مرحب بيك بت العم ـ ويمين بكري
كان ما اداك باسورد اتنازَلِّك من حقتي دي
يلا يابت عبدالرحيم ـ اردمي المك (نامن يقول كفي)
ما تسامحيهو بي كلامو السمح ده ـ الزول ده دايرينو
يوم يِتْمولَص في الدارة دي ويرفع الحجبات ويجي
العريس ودابسن يمعَسو خمسة سيطان دي المواجبة الـ بِنعرفا
اما مواجبة الحنك دي ما معانا.
تسلمي يابنت البلد الحلوة .ـ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هيييييييع انا الرضعان فوق الخُلال
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: هييييييييع بت عبدالرحيم طلعت بِتَّنا
مرحب بيك بت العم ـ ويمين بكري
كان ما اداك باسورد اتنازَلِّك من حقتي دي
يلا يابت عبدالرحيم ـ اردمي المك (نامن يقول كفي)
ما تسامحيهو بي كلامو السمح ده ـ الزول ده دايرينو
يوم يِتْمولَص في الدارة دي ويرفع الحجبات ويجي
العريس ودابسن يمعَسو خمسة سيطان دي المواجبة الـ بِنعرفا
اما مواجبة الحنك دي ما معانا.
تسلمي يابنت البلد الحلوة .ـ
ــــــــــــــــــــــــــــــــــــــــــــــــ
هيييييييع انا الرضعان فوق الخُلال |
اولاً في التبادي خطك البتجرو دا يا مسنوح بفتل البوست بخلي ماشي زي النعــ ـجة المحينة لبن
وتانياً في التبادي كلامي من القليب لي الكي بورد هههههه
وتالتاً في التبادي
والله أول مافتحت اللابتوب في رأسي قصة وداير أحكيها لكن قُتا كان ودالفاضلابي وودالبوش ما بحكيها
تجي تقول لبسمات أردمي ( الله أريتو يردمك شيخي تور الجريف أبـ عنقريباًطار وركا عند بسبار )
أها القصة ذاتا ما بحكيها ليك يا مسنوح
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: تعرف ود المنسي والعقد النضيد
البنات حلوات والله . وطفولتهم سمحة .
وحنينات
معلبش شبكة وسؤ مزاج
ودالبوش قال داير يعتكف |
اي بالحيل بتحدثني بسماحة البنات في الأسرة وأنا أخو بنات
حرّم هن اللزمن أبوي وأمي عليها الرحمة وهن البوجبن ويتصدقن
والبنت في صغرها تتغردن فيك لكن الوليد يتملص منك زي الدبيب
ما بنعصر
تعرف هي بت الشيخ بسمات هي قرت ( ولداً يبقالك سند فوق البنات المِحنة .. مو المَحنّة )
وبارك الله في الصادق الصدوق العدل ليها راسها في فهم المفردة التي أقصدها
..........
ود البوش مالو معتكف ؟ ماشي مكة السنة دي
والله بختهم فركــة رجل
أنا والله ناوي السنة دي لكن القدم ليهو رافع
بإذن الله يا حجا يا معيد الأضحى في البلد وبجيك في كوستي إن الله هون القاسية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
| Quote: اولاً في التبادي خطك البتجرو دا يا مسنوح بفتل البوست |
اها اسوي شنو؟ يعني اجيب لي تيراب دُخُن ارميهو فوق الحَد؟
| Quote: بخلي ماشي زي النعــ ـجة المحينة لبن |
لا انت قصدك زي البقرة الـ واطيه حَبِلا
| Quote: لكن قُتا كان ودالفاضلابي وودالبوش ما بحكيها |
إنت ودالبوش ده لاميهو معاي في شنو؟ لي امس دي
ماك قاعد تشكر فيهو ونزَّلتلو مكتبة التلفزيون هدية؟
| Quote: الله أريتو يردمك شيخي تور الجريف أبـ عنقريباًطار وركا عند بسبار |
صاحبنا عبدالله محجوب من اولاد مدني معانا هنا ـ زول مسخوت خلاس.
يوم قاعدين في مناسبة في بروكلين ـ جات شُلة من ولاد الجريف فيهن
زي سبعة تمانية, دخلوا مع بعض.
عبدالله عاين ليهم كداااااااا وقال لهم:
إنتوا يالجرافة كَسَرْتوا في البلد دي مليتوها كدي الحكاية شنو؟
اصلو السفير الامريكي ده كان مَمَسِّكُن كمينة طوب ؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: صاحبنا عبدالله محجوب من اولاد مدني معانا هنا ـ زول مسخوت خلاس.
يوم قاعدين في مناسبة في بروكلين ـ جات شُلة من ولاد الجريف فيهن
زي سبعة تمانية, دخلوا مع بعض.
عبدالله عاين ليهم كداااااااا وقال لهم:
إنتوا يالجرافة كَسَرْتوا في البلد دي مليتوها كدي الحكاية شنو؟
اصلو السفير الامريكي ده كان مَمَسِّكُن كمينة طوب ؟ |
هههههههههههههه
والله دا زلاً مسلط ماتشوف لي باسورد عند بكري
لميتك مع ود البوش مَحنّة مو كُجنة يعني ماني مِكجنكم ( الجيم دي عطشا الله أريتك تعطس في وسط ناساً صانين )
النعــ جة المحينة بتمشي مفشقا جاي وجاي
لكن التور أو البقرة الواطية حبلا بتناتل فوق وترفع وتدلي رقبتا زي الفنان أبو اللمين
مرة أبوي لقاني بشاهد في أبوالمين بغني وقف عاين لي وقال لي دا منو دا العامل زي التور الواطي حبلو
لكن كلامك الحد ازرع لي فيهو دُخن كيفني بالحيل ضحكني لما إنكفيت زي مابقول ود البوش
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
| Quote: تعطس في وسط ناساً صانين ) |
لا وانت الصادق يمين اول امس راكب في القطر ماشي
الشغل ـ راكب جنبي واحد روسي بالله قولة تااااااش دي
سلمني ليها تسليم مفتِّش ـ ياكافي البلا لا قفل خشمو بي ايدو لا منديل ـ
ياخ انا كان ماخُفت من العرقلة قرَّبت اصُفْقو فوق قَدُّومو
اها هسع مشكلتي خايفا تِنْدَرِع في الارباب ـ امس يعاين لي ساكت معَوِّدو
علي الشيل ـ امو نامن اجي البيت زي الجاتا ليلة القدر عشان بتدرع فيني الشفع ـ
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: لا وانت الصادق يمين اول امس راكب في القطر ماشي
الشغل ـ راكب جنبي واحد روسي بالله قولة تااااااش دي
سلمني ليها تسليم مفتِّش ـ ياكافي البلا لا قفل خشمو بي ايدو لا منديل ـ
ياخ انا كان ماخُفت من العرقلة قرَّبت اصُفْقو فوق قَدُّومو
اها هسع مشكلتي خايفا تِنْدَرِع في الارباب ـ امس يعاين لي ساكت معَوِّدو
علي الشيل ـ امو نامن اجي البيت زي الجاتا ليلة القدر عشان بتدرع فيني الشفع ـ |
كان تسوي لي شغل الدكتور عوض دكام لليوغسلاف لما بدرس هناك كان بشيل معا كوممناديل وعطر بخاخ
وين ما وقف بِبُخ تشششششش
هههههههههههههههههههه قُتا لي قربت تضربو في قدومو ههههه كان تتلافا يتلافا أبـ جلابية
أبـ جلابية دا الشيخ حسن ودحسونة طباب المجنونة
يا بت الشيخ بسمات بقولوا كدي الناس لوزن القافية ممكن يعني تكون طباب المجنون
كيفتني الليلة عشان كدا بحكي ليك القصة
في المداخلة الجاية كان ما وقعت رب لاني نعسان اشبه واسالم في حروف الكي بورد
الله يغطي الأرباب من عطيسك
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
دي من حكاوي صاحبن لي من ناس المجر زميل
قال عمو كان ماشي علي الدور ويبقى العمدة وابو كبر خلاس ومريض
قاموا ناس نميري لغوا الإدارة الأهلية والعمد لا عمدة لا شيخ خط والحكاية جاطت
أها في حلتم بقى أمام الجامع
هو البصلي بي الناس
هو البعقد لي الداير يعرس
هو البصلي على الميت
هو البفتي
هو المقدم في أفراح الحلة وأتراحها
وعمو الشغلة دي بالحيل موجعا قلبو من جوة
بقى مابصلي الجمعة في الحلة
بصلي في حلة جنبهم يدور البوكسي حقو ويمش .. أها يوم قول يا بوكسي السواد أخرب
إنجبر يصلي مع الأمام المابدورو دا ...
قاعد يسمع في الخُطبة والأمام يخطب :
قال الله في مُحكم تنزيله كذا ....
قا رسول الله صلى الله عليه وسلم كذا .....
عمو وقف علي حيلو
وقال للأماما فالح في قال الله وقال الرسول علية الصلاة والسلام
أنتَّ قولك شنو مع الرُجال ؟
هههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
| Quote: لميتك مع ود البوش مَحنّة مو كُجنة يعني ماني مِكجنكم |
هي نان تلمني مع الزول الـ فات شيخو في السناحة؟
إنت بالصِّح هو وبت عمسيب غتسوا وين؟
غايتو بت عمسيب دي بتكون مندرعالا في ناس حيكومة
غايتو ياغتَّست حجرُن ياشفنا لي بوست تضامن معاها.
علا المسخوت ود البوش ده زي الـ مَشَبِّه عليهو شايفو
يدخل ويمرق في بوست ودالمدير زي ابوالدُّنان في المرِق اللِّيل البرندة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: هي نان تلمني مع الزول الـ فات شيخو في السناحة؟
إنت بالصِّح هو وبت عمسيب غتسوا وين؟
غايتو بت عمسيب دي بتكون مندرعالا في ناس حيكومة
غايتو ياغتَّست حجرُن ياشفنا لي بوست تضامن معاها.
علا المسخوت ود البوش ده زي الـ مَشَبِّه عليهو شايفو
يدخل ويمرق في بوست ودالمدير زي ابوالدُّنان في المرِق اللِّيل البرندة |
ههههههههه
ياتو بوست عليك الله ( ودالمدير عند إلف بوست زي مابقول فيسل هليل )
قالوا معتكف هو أصلو معتكف مننا نحن ولاشنو ؟
بمناسبة فيسل هليل
امس كُت نايم لما صبحت لقيت ليك تلفون من السعودية
أها رجعت لي من دغشن بدري رفع لي التلفون زول صوتو غريب علي
أدب .. تهذيب في حديثه
طلع الجميل محمد عبدالقادر ضرار
يا سلااام ياسلام فعلاً وحق وحقيقة رجل مثل مفردته العذبة رطابة ورقة
ودي حسنة منبر بكري بلمك في ناس حلوين شهد
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: وقال للأمام فالح في قال الله وقال الرسول علية الصلاة والسلام
أنتَّ قولك شنو مع الرُجال |
؟
هههههههه
عمَّك جاب آخرو
ده زي هاشم ولدنا دايرينو يعرِّس بت عمه وهو رافِتْ
الوساطات تقوم وتقعد ـ وكتين غِلبوا معاهو كلَّموا عمه التاني الساكن في الخرتوم ـ
اها شيل خُت شيل خُت قال لي عمه ياعمي البِت دي كبيرة وشينة!
عمه قالّلو يعني شنو ياهاشم ياولدي إنت اول زول يعَرِّس مرة اكبر مِنُّو؟
النبي عليه الصلاة والسلام عرَّس السيدة خديجة وهي اكبر مِنُّو.
هاشم قاللو: اها ياعمي انا والنبي تاني منو؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: امس كُت نايم لما صبحت لقيت ليك تلفون من السعودية
أها رجعت لي من دغشن بدري رفع لي التلفون زول صوتو غريب علي
أدب .. تهذيب في حديثه
طلع الجميل محمد عبدالقادر ضرار
يا سلااام ياسلام فعلاً وحق وحقيقة رجل مثل مفردته العذبة رطابة ورقة
ودي حسنة منبر بكري بلمك في ناس حلوين شهد |
نان وكت و دضرار بي يعرف يضرب من السعودية مالو جلاَّني من دون
امة بكري مع اني رحبت بيهو مرَّ عليكن من طرف انا فطاني التقول
انا القلت لي زولك بتاع الجامع ده انت قولك شنو؟
دِرار ولا تاخد في بالك دي مخاشنة ودية ساي عشان نَوَدِّكك في دفَسيبت
بكري دي ـ القول فيك ماقاله المك ودالمنسي ,, عارفين مشاغل الحياة.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
| Quote: هههههههههههههها الفاضلابي المسنووووووووووووووح تكون نجرتها من رويسك الزي سرج العجلة دا |
ياشيقا هاشم ده حي يزرق
هو شغال بناء مرة جاء الخرتوم يسترزق
سكن جيهة الكدرو ـ اها يوم مارق من البيت
لاقاهو تور هايج والتور مما شاف ليك هاشم
ودغررررري عليه التقول بيناتم رقبة
هاشم يشيل سفنجتو في ايدينو وعض الجلابية
ورقد صوف ـ والناس يكوركوا ليهو :
يازول انبطح في الواطا يازول انبطح في الواطا
الزول ما جعلي شافا عيب ـ وكت خلاااااس الـ فيهو جات
سلم امره لي الله التور وِصل لي عنده وقف وعاين ليهو مسافة
واخد بعضو وقدل ـ الظاهر حنَّ عليهو (يعرسولو كبيرة وشينة؟)
وينطحو تور دي كتيرة.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: بدرالدين بابكر مصطفى)
|
سلام اهل الدار
صدق يا بدر
بوست ما حقي طلق
بوست لم كل الذين احبهم . واحبهن
ما سمسار قوالة
ولا رفيقي بعقرو
ونفسي مكجنا
الناس السوا وبتنقروا
قبال انسي
ود ضرار الله لا ضراك .. اداني تلفون صباحي اولت البارح . رجل يفيض طيبة ووداعة ومحبة للناس
اتصل كاشفا عن نقاء نفس وحلف عليك تعيد مداخلتك
الفاضلابي يوم شكرك اريتنا مافي حقيت الخوة والعشرة
ودشيقوق اصبر اب هامة انا في الدرب وتفوتني حوفا
بسمات لسة ما واجبتني حاكت بت اللمير وبت عمسيب
ود البوش وموسي مال عدوكم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
اب سن
| Quote: ودشيقوق اصبر اب هامة انا في الدرب وتفوتني حوفا |
ياخ سيد الراكوبة برشها كويس وبفرشها كويس عشان الناس تجيهو تقعد كويمات كويمات تتونس وهو ما عليهو الا يا ولد جيب القهوة ويا ولد كب الشاي وواقف على طولو مبسوط بلمة الناس عندو
سيد الراكوبة بشيل العفص في الدبر انت فاكر ساي ؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
| Quote: ياخوانا انا ود العبيد ده طالبني مداخلة دحين اقيفوا خلونا الـ نَجْرُد الكشِف ده |
لا لا يا الحبيب
مشاركاتك الفوق ديل بلاهن كفاية
والله ضحكت ضحك شديد....
إنت عارف يا الفاضلابي بتعرف صرعة رباعتك ديلا خلااااس....
الطيب اخوي وخالد أخوي تقول خطرت معاهُن...............!
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبيد الطيب)
|
الزملاء الأحباب:
عبيد الطيب
بدر الدين بابكر
عبد الحفيظ ابو سن ( الرئيس صاحب البوست).. بس واحد فيكم يشرح لي " البوست يعني شنو..
وانا شايفة الناس كلها بتقول للمواضيع البوست.. وبقيت احاكيهم وقلت يمكن ده مصطلح لأعضاء المنبر
وانا خلاص قاعدة اكتب في رسالة لصاحب المنبر عشان يديني محل عبد العزيز الفاضلابي في المنبر وهو
يبدأ يكتب من الفيس بوك ....
الطيب شيقوق
خالد محجوب
عبد العزيز الفاضلابي
سليمان القرشي
مرحب بيكم كلكم وقد اخجلتم تواضعنا وشجعتوني اكمل قراءة كل صفحات هذا البوست ووصلت صفحة 7
وفيه بيقول بدر الدين بابكر هذه الفقرة:-
" غايتو الجلابية والعراقي سمحات في المناسبات الزي دي ، لكن في شغل ولا في أكل بعرقلن الزول.. يقعد يخمخم فيها ويلملم فيها لامن يمرقا ..
مرة قابلني واحد في جامعة الملك عبدالعزيز في جدة بس عمك دا كبير عجوز في السن، لابس جلابية وعمة، لقيت الطلبة بتعاملوا معاه بأريحية وبساطة تختلف عن باقي الأساتذة..
أها عمنا دا لو قابلتو في الشارع مستحيل اقول دكتور في الجامعة.
فعلاً الزول ما يحكم على زول تاني من مظهرو، ودونك قصة عوض دكام الشهيرة لامن كان بغسل في عربيتو"...
بس بد ر الدين ما ورانا تمامة القصة...
ومواصلة القراءة ولغاية الويك اند بكون تميت كافة المداخلات..
ونستكم رائعة وعفوية تنساب منها طيبة النفس وصفائها ...
وملحوظة لعبد العزيز الفاضلابي.. اذا انت من عطبرة لازم بتكون بتعرف ابوي الذي تربى ونشأ في حي السودنة في عطبرة ونحن كلنا مولودين في حي السودنة في عطبرة
واذا انت من عطبرة ممكن كمان تنورنا عطبرة دي سموها بلد الحديد والنار لشنو؟ وابوي دائما كان يقول لينا الحديد والنار انطفوا.. لكن انتوا ابقو قويين وولعوها ثاني..
ودمتم جميعا بخير وصحة وعافية....ولمن اسقط في الإمتحانات اضحكوا معاي...مع تحيات بنت مصطفى
احدى زميلاتي تقول ان عطبرة عشان كان فيها السكة حديد وسموها بلد الحديد والنار.. وطيب ما مدن السودان كلها كان فيها سكك حديدية...
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
Quote: بت السيد دي قالت من أتبرا ، أكيد بتعرف فول اتبرا الشهير ومطعم الدبّلو
البلا الياخدو |
اها عايني يابسمات طلعتي من السودنة وبدرالدين بابكر يقول لك مطعم الدبل .. ناس السودنة ديل يا بدرالدين ناس غير..
زمان نحن وكت نجي بي حيهم ده زي التكَننا حايميين في اوروبا ـ
ملاعب الغولف ـ حوض السباحة ـ المنتزه .. (وكنا بِنقول لها المنتزهة) ,, وشجر الزونيا ,, وثماره التي لم اذق مثلها في حياتي,,
والجداول التي تسقي اشجار اللبخ وارفة الظلال وطيورها المغردة,, والنيل يحرسها
وعلي الضفة الغربية تقع قريتي المِعطاءة (الفاضلاب) التي تمد المدينة بالبانها وخُضَرِها ولحومها ووقودها وطلحها لِتَزَّيَن نساءها ويزددن جمالاً علي جمالهن
...... آآآآآه يازمن والله يجازي الكان السبب .......
بنات السودنة كُنَّ السماء بدت لنا واستعصمت بالبعد عنا ,,,,, في زمن لاتعي الذاكرة منه الا كل جميل .
اذكر الاتراب الذين درسوا معي في مدرسة عطبرة الغربية الابتدائية من ولاد السودنة محمد شاذلي الولد المهذب كان اشطرنا في الرياضيات واول الفصل من الصف الاول حتي السادس
(زمنا كان الابتدائي ستة سنوات) هسع اكيد يكونوا زادوا لان البلد دي اي شئ فيها زاد الا جداول الضرب. واذكر منهم مبارك فخرالدين وآخرين
سقطوا من ثقوب الذاكرة التي هرمت في انتظار هذه اللحظة التاريخية التي تكاتبني فيها بنت من السودنة من وراء حجاب . الظاهر كتب علينا
ان لانري بنات السودنة الي أن تفارق الجِّته. وربما ان صَلُحت اعمالنا نراهم حوراً عِين يوم نأتي الله بقلب سليم ان شاء الله.
وبجيك راجع يابت الحي الراقي لعم عبدالرحيم وتسمية عطبرة وحديث الذكريات عن المدينة التي تعيش في اعماق كل من مر عليها ولو عابر سبيل.
(عدل بواسطة عبدالعزيز الفاضلابى on 09-11-2014, 06:19 PM)
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
اول بالتابادي جيتا جيتي يا بت السيد والف سلامة بالعودة
Quote: بس واحد فيكم يشرح لي " البوست يعني شنو..
|
غايتو بالعربي قد تعني موضوع مدرج للنقاش
لكيييييييييييييييين اتلهمت ليك قوقل واتاني تفسيرها بالانجليزي حيث قال :
Post
A post is a user-submitted message enclosed into a block containing the user's details and the date and time it was submitted. Members are usually allowed to edit or delete their own posts. Posts are contained in threads, where they appear as blocks one after another. The first post starts the thread; this may be called the TS (thread starter) or OP (original post). Posts that follow in the thread are meant to continue discussion about that post, or respond to other replies; it is not uncommon for discussions to be derailed.
On Western forums, the classic way to show a member's own details (such as name and avatar) has been on the left side of the post, in a narrow column of fixed width, with the post controls located on the right, at the bottom of the main body, above the signature block. In more recent forum software implementations, the Asian style of displaying the members' details above the post has been copied.
Posts have an internal limit usually measured in characters. Often one is required to have a message of minimum length of 10 characters. There is always an upper limit but it is rarely reached – most boards have it at either 10,000, 20,000, 30,000, or 50,000 characters.
Most forums keep track of a user's postcount. The postcount is a measurement of how many posts a certain user has made.[14] Users with higher postcounts are often considered more reputable than users with lower postcounts, but not always. For instance some forums have disabled postcounts with the hopes that doing so will emphasize the quality of information over quantity.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
| Quote: اول بالتابادي جيتا جيتي يا بت السيد والف سلامة بالعودة |
اها يامك عاين ـ ـ جا مَطَفِّرْ بلا بسم الله لاعارفا دي بت السودنة
لا عارفا اميرة ـ نديهو مبدأ الصالح فقد يكون تشابه عليه المها
بجامع الأميرية في كل فالإتنين أميرات.
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
الواحد شاعر انو اتلوم في الناس البتجي تطايبنا وتونسنا وتتونس معانا
وكلام شيقوق انا بعفص ليهم . لا والله ما كدة
المزاج مابي
وكتابة المجاملة ماهي طاعمة
وفوق دة و داك .البوست حق كل الناس
ديوان الحلة ما عندو سيد . اي زول بجيب طعامو . والضيف بتدلا فوقو ولا بسألو من وين ولا وين ولا جاي لي منو
قالو ضيف نزل وقت العشاء . واي واحد جايب عشاهو . اها لمو في الضيف
صلي علي النبي
لا لا ماكل
وقت كترو ليهو الصلاة
طلق ما داير
الضيف من جوعتو اتدمدم نام
اها جا واحدن متوخر
ها زول اتعشينا كلنا قبيل ..
اها والنايم دة
دة ضيف ابا العشا وقال متعشي
صحاهو
هازول حرم كان تنزل تاكل
الضيف انبسط
حرم جيعان بدور آكل حجابي ..علا راجي متل كلمتك دي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
الواحد شاعر انو اتلوم في الناس البتجي تطايبنا وتونسنا وتتونس معانا
وكلام شيقوق انا بعفص ليهم . لا والله ما كدة
المزاج مابي
وكتابة المجاملة ماهي طاعمة
وفوق دة و داك .البوست حق كل الناس
ديوان الحلة ما عندو سيد . اي زول بجيب طعامو . والضيف بتدلا فوقو ولا بسألو من وين ولا وين ولا جاي لي منو
قالو ضيف نزل وقت العشاء . واي واحد جايب عشاهو . اها لمو في الضيف
صلي علي النبي
لا لا ماكل
وقت كترو ليهو الصلاة
طلق ما داير
الضيف من جوعتو اتدمدم نام
اها جا واحدن متوخر
ها زول اتعشينا كلنا قبيل ..
اها والنايم دة
دة ضيف ابا العشا وقال متعشي
صحاهو
هازول حرم كان تنزل تاكل
الضيف انبسط
حرم جيعان بدور آكل حجابي ..علا راجي متل كلمتك دي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
الحبيب الطيب شيقوق
اوفيت وكفيت .. والمعني بقى واضح .. بس لكن مادام الكلمة اساسا كلمة انجليزية.. ما تستعملوا كلمة عربية بدل البوست..
وانا بكتب ليك الرد تذكرت انا ذاتي بتكتب العطلة الأسبوعية " الويك اند" .. الله يلعن سنين الغربة العوجت لسانا وبقينا نكتب
العربي باللاتيني...
وشكرا ودمت بخير وصحة وعافية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
الفاضلابي
المك انا قابضو بالثابتة .. جرسة شديدة
اللميرة بت اللمير
ياخ والله العربي دة بعولق التقنيات
موبايل .... جوال
ستيتس .... منشور
كمبيوتر....حاسوب
لابتوب .. ؟
مس كول .... مكالمة فائتة
وبعدينك شوف لامن تخشي جوة الجهاز اكان كمبيوتر ولا موبايل .. يعولق ليك الكلام
بستعمل الموبايل اللغة انجليزي واضح وساهل
اها
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
| Quote: الحبيب الطيب شيقوق .... اوفيت وكفيت .. والمعني بقى واضح |
عليكن الله شوفو مغسة بِت عبدالرحيم
انا بعد مداخلتي الـ كان تاني اكلت كسرة بملاح ام تكشو
مابقدر اكتب زيها ـ تجي تفطَّني وترد لشيخ المسانيح ده
الظاهر بنات السودنة ديل زي شجرة آدم وحواء ممنوع
الإقتراب ـ ثمح يابت عبدالرحيم نامن تجي اميرة بكلمها
بي عمايلك دي كوولها
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
الحبيب العزيز ولد حلتنا عبد العزيز الفاضلابي..
الله يجازيك بالخير يعني انت كمان زي بنت مصطفى طلعتني برجوازية من حي البرجوازيين... ودائما
بنت مصطفي، و( وهي البرجوزازية البتسافر كل سنة لجنيف واوسولو ولندن وتمشي للخرطوم مرتين في السنة)
تقول لي :" والله يا بسمات انا مستغربة برجوازية زيك ومولوده وفي خشمها معلقة دهب كيف بتسمتع بالقصائد البدوية
بتاعتنا... " وطبعا هي فاهمة غلط عشان انا بدرس في جامعة غالية على حسابي الخاص.. وهي ما عارفة ان اخوي واختي
هم البدفعوا لي رسوم الجامعة.. وكنت بقول ليها يا بنت مصطفى انا شربت من الأتبراوي الكاسح.. اي زول بيشرب من الأتبراوي
ما ممكن يكون برجوازي حتى ولو عنده مال قارون....
والمهم أعدتنا لذكريات الأتبراوي وحي السودنة والداخلة والمربعات وحي السوق والحصايا وكنا نزور هذه الأحياء كثيرا ..
وانا بتذكر ابوي دائما كان بيقول لمن رحلنا للخرطوم : يا حليل فول عم شناكة اليماني... وطبعا المعروف ان اسواق عطبرة كانت
مشهورة بالفول الطاعم والممكن تاكله بدون عيش... برضو تقول لي برجوازية..!!
وما دام جبت سيرة الجمال وحور العين ,, كانت هناك مسيحية تسكن في حينا واسمها سلوى.. وكن دائما بنهظر معاها ، وهي لا زالت شابة
يافعة صغيرة .. ما سمعنا واحدة مسيحية اسمها سلوى ومفروض تسلمي.. وتقول لينا هسع في فرق بين مسلمة ومسيحية ما كلنا اخوات..
وبنا انها كانت حسناء ولها جمال لا يخطؤها العين والشباب دائما بيعاكسوها في الطريق.. قلنا ليها في قصيدة كان بيغنيها فنان عطبرة المشهور
العطبراوي عن واحدة مسيحية واظن الأغنية دي قالوها فيك].. فتضحك فتقول :: انتو الفاهمين غلط لأن اسم سلوة الفى الاغنية ما اسمي ولكن
صفة ..
والأغنية تقول:
يا سلوة المحزون يا قيثارة القلب الجريح
يا درة فاقت على الأتراب بالقد المليح
يا زهرة أنفاسها كالعطر عبقت الضريح
أهوى جمالك والشعور بزينه القول الصريح
قد هزني منك الجمال فجئت بالشعر الفصيح
أهوى جمالك والكنيسة والمسيح
فترفقي يا هذه فالناس من جسد وروح...
والسماح لرئيس البوست الأستاذ عبد الحفيظ ابو سن فقد كدنا ان نخرج بكم من ونستكم الرائعة
والمسلية والممتعة وذهبنا نتجول في بقاع المدن الكبرى ..حيث الملل والإيقاع البطئ.. ولكن عطبرة
ومع انها مدينة كبيرة لكنها مدينة بدوية الطابع وأهلها كلهم يعيشون كالجسد الواحد اذا اشتكى منه
عضو تداعى له باقي الجسد بالسهر والحمى..
ودمتم بخير وصحة وعافية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
يا سلوة المحزون ... يا قيثارة القلب الجريح
يا درة فاقت على الاتراب... بالقـد المليـح
يا زهرة أنفاسها كالعطر... عَبَّقَ بالضريـح
أهوى جمالكِ والشعور يزينه القول الصريح
قد هـزني منك الجمـال فجئت بالشعر الفصيح
فترفقي يا هـذه .. فالناس من جســدٍ وروح
وبحق بطرس يا فتاتي. من شفى الرجل الكسيح
وبمريم العـذراء.. والأحبار والراعي الصلـيح
وبماري جرجس والصليب وبالكنيسة والمسيـح
بالقس بالمطران.. بالجرس المُرنُّ على السطوح
بمعاهـد الرهبان بالدير المقـدس .. بالمسـوح
برسائل الميلاد .. بالشجر المنور .. بالصـبوح
بقداسة البابا المعمـد .. بالمسـوح وبالذبيـح
أن ترحمي متعذباً يهواك في حُبٍ .. صحيــح
متى يتم لقـاؤنا ... في شاطئ النيل الفســيح
والموج والصفصاف والقمر المطل على السفوح
أنين ساقية تدور .. وصـوت مزمار يصــيح
بدت نجوم الفجـر بالأضواء في الافـق تلـوح
وتجئ شقشـقة الطيور كـرنة الوتر الذبيــح
هناك ينبـعث السـرور على النفوس فتستريح
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
متى يتم لقـاؤنا ... في شاطئ النيل الفســيح
والموج والصفصاف والقمر المطل على السفوح
أنين ساقية تدور .. وصـوت مزمار يصــيح
تعرفي يابت عبدالرحيم التلاتة قوافي ديل جرحن ليهن
مَغَوِّر مسافر في النسيج الحي ـ انا في الاصل تربال
أحِنُّ الي الربوع وماعليها ـ إلي الصحاب وأمسياتي
وشليل وينو ختفو الدودو .. وشليل وين راح ختفو التمساح
أحِنُّ إلي ياعَريف أردَ المِيزْ ـ والـ رِمَّة وحَرَّاسا في ليلة عريسها القمر
أحِنُّ الي ذلك الولد الذي دنياه وسعادته أرْوَتِّي ورا التيران
الولد الذي كان يركض خلف القَيِّلقَيِّلْ ويْقَبِّض في القبور ويشَرِّك للقماري
في وطن القماري والسواقي وانينها الذي رَضِعَ منه حليب الحُب. ورمي الشباك في النيل في الليل الهادي وسليقة الكانكيج (القرقور)
خلااااااس يا بسمات:
انا تهت في الآهات ومابرجـــــــــــع
وهسع ضُمَّة لاشايفِك ولا بسـمع
| |
|
|
|
|
|
|
| |
خالد علي محجوب المنسي
الطيب شيقوق
عبدالله ود البوش
عبدالحفيظ ابوسن
عبدالعزيز الفاضلابى
بدرالدين بابكر مصطفى
محمد عبدالقادر ضرار
جعفر محي الدين
الصادق عبدالله الحسن
عبيد الطيب
سليمان القرشي
فيس بوك
تويتر
انستقرام
يوتيوب
بنتيريست