ياخالتي نجاة ...السنة دي ماخبزتوا...؟ الله عليك ياحبيب نوره ( وجع وحنين )

Quote: مازلتُ أذكره وهو يجوبُ الأُفق مُصنقعـاً يُنقِّبُ عن الهلال، باسطاً كفهُ اليسرى على جبهتهِ حتى تقيهُ لسعة شمس الأصيل، سائلاً: "إنت يا حاج النزير خلي بالك الشهر ده كبييير،خلي الناس ديل صوّمونا غلت!" . "يا الطاهر إنت شن خبّرك؟ يعني إنت بتشوف أكتر من الحكومة؟" . يبصق التمباك ويضحك . "ها زول ها علي اليمين الهلال الشافتوا عيني ده هلال يوميييين؟" . يقولها وهو يمعط لحيتهُ المعشكبة في عدم إكتراث، ويبصق سفّة مدردمة هو الآخر، وكأنهُ يقول : "طّظ في الحكومة، الشهر ده كبييير الناس ديل خلّي بالك حسابهم فارق!!" .