توضيح حول المخالفات المرورية لسفارة السودان بلندن!!!

Quote: الأخ جعفر سومي سلامات، أولاً .. أنا بعتذر ليك لأني إضطريتك تشرح لي بروتوكولات دبلوماسية! ثانيا .. أرجوا إنك تقرأ مداخلتي مرة تانية لأنوا واضح إنك ما فهمت كلامي . إنت اوردت الإتفاقية بتاعت فينا في صدر البوست للتدليل على عدم قانونية فرض أية ضريبة كمثل رسوم الإزدحام Congestion Charges. وما أظن في داعي أنوا أقتبس ليك كلامك! أنا يأخي في مداخلتي ما إتكلمت نهائياً عن ضريبة الإزدحام دي .. أنا سألتك بصورة مباشرة عن مخالفات مواقف السيارات الغير مدفوعة من قبل السفارة وعن تبريرك الفطير (بالمناسبة دي ما إساءة) لعدم الدفع بحجة إنكم عندكم "سياسة بتحملوا السائق مسؤولية المخالفة" وانا ما عندي مشكلة مع الحتة بتاعت تحميل السائق المسؤولية، أنا إعتراضي على الكلام الغير منطقي وهو عدم دفع مخالفات مسجلة بإسم السفارة !! المنطق بقول إنكم تدفعوا المخالفة وتحاسبوا السائق بطريقتكم عشان إحنا الفينا مكفينا من الفضائح البأسم السودان! تالتا .. حسب ردك أعلاه إنت بتقول بأنوا إتفاقية فينا دي بتمنع الدول المستضيفة حتى من عمل مخالفات مواقف سيارات للبعثات الأجنبية. فارجوا أن تتكرم وتنزل لينا الإتفاقية خاصة عن الجزء البمنع الدول المستضيفة من إصدار مخالفات باركينغ لتعميم الفائدة على قرأ سودانيز أون لاين ومين عارف أمكن أحدهم يصبح دبلوماسي في المستقبل القريب! رأبعاً .. مافي شك أنوا من حق أي بعثة انوا يكون عندها موقف لكن هل دا بيعني إنك ممكن توقف اي كمية بتاعت عربات قدام السفارة؟؟