|
|
 مكوة وكورية «ألموني» وكاسيت و«مرحبا يا شوق»//
|
نفسي اجيب الطربيزة الكبيرة واختها في نص البرندة وافرش فيها بطانية حمرا وملاية المكوة
واولع الفحم في المنقد واشيل الجمر بالماشة واملأ المكوة وارفعها اديها هزة وانفخها بالجنبات محل الفتحات
واختها في حافة الطربيزة في حيمورة المكوة واجيب المسجل ابو باب مافي داك والشريط بيطلع منه
زي تفة التمباك وادخل سلكين المسجل في الكُبس المقَلدَم داك وسلكه جايي نازل من جحر من الاوضة
واشغل شريط ابراهيم عوض الفيهو اغنية من قساك واخت جنبه شريط وردي مرحبا يا شوق
ومحمد ميرغني ما بتقدر تتوب يا قلبي المودر وعثمان حسين ليه تقول ايامنا راحت وانتهينا
واردم الهدوم العايز اكويها في العنقريب الفي الزقاق وامي تجيب لي عراريق وجلاليب ابوي عشان
اكويهن معاي.. واشم ريحة السخينة حقت الفطور العاملاها لينا امي وهي بتعوس في الكسرة والفطير
واقعد ادندن مع المسجل واكوي ومرة اديها صفارة كدة مع مزيكة مرحبا يا شوق...
واقلب المسجل رادي وحقيبة الفن و(الجرحو نوسر بي ولع فيني جمرو الحي)
ميرغني المامون واحمد حسن جمعة.... وارجع اشغل المسجل تاني لمن اصل جلاليب ابوي
وعثمان حسين: ما بصدقكم... ويجي عوض كريمة ناطي من بيتهم بالحيطة الفي الزقاق
ولابس جلابيته المسهوكة ديك ويرقد جنب الهدوم المكويات ويرفع رجلينه المكلوجات في حيطة الزقاق
ماسك ليه مقص بيقص في بنطلون قديم عايز يعمله ردا للدافوزي... وامي تجيب لينا القنقروشة
في صينية الشاي وتختها في طرف العنقريب وعوض يشاغلها: احب فطيرك انا يا الشايقية..
ويقوم عوض يدخل التكل ويقطع ليه بصلة في صحن الطلس ومعاها طماطماية ويشيل ليه طرقتين كسرة من المعراكة
ويلخبت معاهم البصل والطماطم ويعجنهم ويكب فيهم زيت من الباغة وشوية شمار وشطوط
ويجي جنبي يلوغد فيهن: احب بت ابو دية دي ياخ عندها كِسرة بنت لبون ياخ..
ونخرينو تكون جارية من الشطوط ويمسح فيها بي كم جلابيته..
ويمشي الماسورة الجنب الباب يغسل يده ويتقرع ويديها كوز موية من الزير التحت النيمة..
ويجي ويطلع ليه شريط من جيبه ويخته في المسجل: زيدني من دلك شوية وكتر الاشواق عليا
ويمسك أكمام الجلابية ويديها خجة وكشفة كدة وامي تقول ليه: والله انت كان نفعتة شنب جبرين يقوم في امك كريمة
يقوم يضحك ويقول ليها: بنفع يا عشوش ياخ هسي بتشوفي
إنا لله ياخ
|
|
  
|
|
|
|
|
| العنوان |
الكاتب |
Date |
| مكوة وكورية «ألموني» وكاسيت و«مرحبا يا شوق»// | طارق جبريل | 07-22-14, 02:15 PM |
 Re: مكوة وكورية «ألموني» وكاسيت و«مرحبا يا شوق»// | Osman Musa | 07-22-14, 05:09 PM |
| Re: مكوة وكورية «ألموني» وكاسيت و«مرحبا يا شوق»// | معاوية الزبير | 07-22-14, 05:30 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-22-14, 07:29 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-22-14, 06:22 PM |
| Re: مكوة وكورية «ألموني» وكاسيت و«مرحبا يا شوق»// | garjah | 07-22-14, 09:38 PM |
| Re: مكوة وكورية «ألموني» وكاسيت و«مرحبا يا شوق»// | الطيب شيقوق | 07-22-14, 09:40 PM |
 Re: مكوة وكورية «ألموني» وكاسيت و«مرحبا يا شوق»// | معاوية المدير | 07-22-14, 09:51 PM |
| Re: مكوة وكورية «ألموني» وكاسيت و«مرحبا يا شوق»// | يحي قباني | 07-22-14, 10:06 PM |
| Re: مكوة وكورية «ألموني» وكاسيت و«مرحبا يا شوق»// | علي محمد الفكي | 07-22-14, 10:57 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-22-14, 11:51 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-25-14, 09:07 AM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-23-14, 00:16 AM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-23-14, 00:08 AM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-23-14, 00:05 AM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-22-14, 11:55 PM |
| Re: مكوة وكورية «ألموني» وكاسيت و«مرحبا يا شوق»// | محمد الكامل عبد الحليم | 07-25-14, 12:32 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-26-14, 02:59 PM |
| Re: مكوة وكورية «ألموني» وكاسيت و«مرحبا يا شوق»// | علي عبدالوهاب عثمان | 07-26-14, 03:48 PM |
| Re: مكوة وكورية «ألموني» وكاسيت و«مرحبا يا شوق»// | يحي قباني | 07-26-14, 03:52 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-26-14, 08:36 PM |
| Re: مكوة وكورية «ألموني» وكاسيت و«مرحبا يا شوق»// | طارق جبريل | 07-26-14, 05:03 PM |
|
| |
طارق جبريل
فيس بوك
تويتر
انستقرام
يوتيوب
بنتيريست