سؤال للعلمانيين السودانيين

Quote: الإسلام بالنسبة لشخص زيَّك ناكر للتراث الإسلامي وما معترف بيهو هو شنو؟ مش ياهو القرآن دا ولا شي تاني؟ والقرآن هو شنو غير المصحف؟ والمصحف دا موضوع مادي مستقل عن ذهنك ياخ، ولا المسلمين ديل لازم يجوا يفتحوا ليك راسك عشان يقروا القرآن؟ :-) سمح! يبقى حرق القرآن ما حينفي العلاقة المادية الكانت بينك وبين القرآن قبل عملية الحرق دي. أنا لمن قلت ليك نحرق القرآن يا تبارك، كان قصدي أقول لك: "إنه في شكل مادي هو اللي ساعدك في تكوين الفكرة" الإسلام دا إنت ما نجرته من راسك يا تبارك، وبرضو فكرة إنه الإسلام فيهو حرية وعدالة ووو إلخ برضو ما نجرته من راسك. ببساطة إنت قريت كلام مكتوب وفهمته بالطريقة الإنت شايفها. لنفترض إن القرآن دا حرقناهو، ياللا تعال قول لي، آية زي {الرجال قوَّامون على النساء بما فضَّل الله بعضهم على بعض} دي كيف كوَّنتَ منها فكرة العدالة؟ وآية زي {كُتب عليك القصاص في القتلى الحر بالحر والعبد بالعبد} كيف كوَّنت منها فكرة المساواة؟ وآية زي {ومن يبتغ غي الإسلام دينًا فلن يُقبل منه} كيف كوَّنتَ منها فكرة الحرية؟ وآية زي {واللائي لم يحضن} كيف كوَّنت منها فكرة الأخلاق؟ وآية زي { قاتلوا الذين لا يؤمنون بالله ولا باليوم الآخر ولا يحرمون ما حرم الله ورسوله ولا يدينون دين الحق من الذين أوتوا الكتاب حتى يعطوا الجزية عن يد وهم صاغرون} كيف كوَّنت منها فكرة حرية التدين. وآية زي {يا أيها النبي جاهد الكفار والمنافقين واغلظ عليهم ومأواهم جهنم وبئس المصير} كيف كوَّنت منها فكرة الرحمة؟

يا زول والله اسلامك دا اخير منّو داعش ...

(بعدين انا قلت تجربة معرفية شخصية ... ما قلت جاني وحي لامن كنت ساكن في زحل)





... المهم ...