من الذي ورط (الحزب الشيوعي العملاق) في هذه المواقف الهزيله؟!(النوبه قالوا كلمتهم) في(بريطانيا)!

Quote: تحياتي عبد الغفار والبركة فيكم ,شكرا علي التوضيح. شفتي ياتراجي بتفضحي نفسك كيف ؟؟لو مؤتمر ضد ياسر عرمان أو إجتماع سري كان قنا عادي لكن تظاهرة سرية وفي لندن وضد عرمان ؟ دي ماسمعنا بيها ؟ قتي لي الزول نزل بيان؟ من أين لك ان تثقي في زول نزل بيان وناس لندن ماسمعوا بي مظاهرتك دي؟ قنا ليكي ياتراجي من موضوع أستاذتنا القديرة فاطمة معلوماتك كلها عن لندن ومايحدث فيها مضروبة . مصدرك أبو مشاط معروف للجميع. بعدين بقيت أنا بقدرة قادر مسؤؤل كبير؟؟ مايهم الكلام الفارغ والمهبب البتكتبي فيه دا كدا بالعربي الفصيح يخدم النظام المجرم عشان كدة بوجه ليكي السؤال واضعا في الإعتبار تجاربك مع الحركات المسلحة اللفظتك في النهاية بعد ما قربت تفرتقيهم ! انا أكتب وأتساءل بصفتي مواطن سوداني مكتوي بنار النظام. لو ما عاجبك الحزب الشيوعي ولا عرمان , وين بديلك الذي يعارض بصدق ويمثل المواطن السوداني ؟؟ وين نموزجك الامثل القدمتيهو للشعب السوداني ؟؟عشان نطلع مظاهرات في كل المنافي ضد عرمان والحزب الشيوعي ونقول ليهم إإتلموا؟؟؟ ما أسهل الإساءات في الاسافير!فهي لا تحتاج إلا لنقرة كيبورد وإستفراغ كلام من شاكلة بائئس و ووو ! مشكلتك ياتراجي بتألفي كلام من راسك وتجي تختيهو هنا كحقايق! سأواصل.