ريحة البن شباب زي الورد

Quote: نصر محي الدين يوقع في حلقة عشان غيرك ب : صباح الخير اتاريك كت مدسدس في حشا الرمله ولا فاكر بتلقي صباح ولا بتستغرقك فكره متكل بالاماني الفال كدرويش ساعة الحَضره تموت تحيا تظل مشدود ليوم بكرة حقيقه انو فيك الروح تستف حلقي بالعبرة صحيت يا اخوي وعيت من هول ها السكره؟ ضلام دايم عقل ساهم نقع من حفرة في حفرة وننقش في حشا الايام هُنا تستوطن العِبره هُنا ماتت شموخ احلام وبعثت شان عيون طفلة علي عيونا الشمس بتنوم علي ايدا الجروح تبرا علي رُغم الضلال حوليك تعلمها عيشة الستره متاع الدنيا مابيغريك تموت بس تنغرس بذره وطن اجمل من الامكان إخاء ..ماعيشة الحُقره شريعة الغاب مكانا الغاب هُنا احكامنا هي التسعى وتفصل بينا بالقانون ونصبح ذي زمان دولة ما اقطاعية حقت زول ولا حاكمنا فيها الغول ولا شان خوفنا ساكنا حنفضل بس نعيش بالفول حنرجع نحنا بالسودان وقت ماكان سواهو ذبول بعيد عن كل مايحصل وها الحال الِ مامعقول صحينا علي عمل خيري شباب تشبيهو الا زهور يدس احلامو في جيبو عشان ماحلم غيرو يطول ويلقي فجر صباح باكر بدون مايمر عليو مسئول شباب حيّتهم العافيه ومازان حق فعلهم قول وطفلة بريئه في ذاتها يخلوك تنتفض مذعور تقيف قدام مرايه الخوف تعاين لي دهور ودهور منو السارقنا هوي ياناس منو الخلانا دون احساس منو الوسواس منو الخناس منو الخلي الوطن افلاس واصبح لينا هو النخاس منو الدسانا من روحنا وعشنا عشان نعيش وخلاص .... هُنا استيقظت انثي هُنا استيقظت أمة تقلقل عنها مضجعها لتصحو علي ألق فكرة .... صباح الخير علي كل البعرفوا الخير صباح الخير عليك وطني