صورة الشهيد كاربينو الذي قتل بوشاية من احد الغواصات ... ( صورة )

Quote: الأمنجي صلاح جاكات إنت بقيت تنسى طبعاً سؤالك دا جاوبناك عليه في البوست الأصلي، ولمن أنا اتصلت بيك، وما في مشكلة نجاوبك عليه تاني، أنا طلعت ليك الفيزا وغنت اتفقت معاي إنك حتصل في ظرف اسبوع اسبوعين، أنا منتظر منك اتصال قلقت عليك اتصلت بناس قطر قالوا ما ظهرت، اتصلت بناس المطار الأرتري قالوا إنك جيت ورجعوك لليمن، حاولت ألقى زول في اليمن ما لميت في أي زول، دي القصة، وبرضه أنا اتصلت بيك وإنتا سألتني عن كل الملابسات دي بالتلفون وأنا جاوبتك. بل إنت قلت لي إنك حتفتح بلاغ وأنا اتبرعت إنه أنا ادفع تكاليف جيتي لقطر أو أي مكان في العالم، الكلام دا ليهو سنتين ونص ولحدي هسع ما قدرت تفتح البلاغ. لسبب بسيط إنك (كضاب) وأي قاضي حتقيف قداموا وتقول ليهو إنك كضبت على ضباط الجوازات حيقول ليك قضيتك خسرانة. ولحدي هسع بتكضب إنت يا صلاح كضاب من المطار ما اتصلت بي، وإذا إنت اتصلت بي كيف بعد ما إنت ظهرت في سودانيزاونلاي وأنا ضربت ليك تلفون ووريتك الحاصل شنو؟ ليه ما كان ممكن تحسمني من الأساس وتقول لي أنا قلت ليك شنو في التلفون لمن اتصلت بي إنت من المطار؟ وهسع عشان ما نمشي بعيد: إنت قلت إنك اتكلمت معاي في المطار، كدي تعال وقول لينا الحوار الدار بيناتنا أنا وإنت شنو؟ صلاح: ............................................. الصادق: ........................................... عفيناك من الإتصال المزعوم بيني وبين الضابط، تعال قول للقراء هنا أنا قلت ليك شنو في التلفون وإنت قلت لي شنو في التلفون؟ بسيطة جدا