جدول قيام الساعة

Quote: اخطرها ادعاء النبوة وتحديد مواقيت ليوم القيامة والتشكيك فى عدد الصلوات والروح العدائية التى تنذر بالقتل والذبح

).

فالداير اقوله ما دام نحن ما أطباء ما في داعي للتشخيص (طبعاً بستثنى الناس البتقدم نصيحة حسب معلوماتها العامة عن الأمراض النفسية)، لكن الزول البيجزم بإنه في زول مجنون عديل دي الخطورة.


وبعدين لو هو مفتكر إنه النبي هو النبي يحى فدا موضوع ما فيه مشكلة، العالم دا جو فيه أنبياء كتار وفي ناس آمنوا بيهم وفي ناس كفروا بيهم، يعني عشان بقى عندكم كمبيوتر وآيباد خلاص قايلين الموضوع دا وقف.

الإستنادر بتاع قياس عقلكم ووضعه مقياس للآخر مسألة من الخطورة بمكان، لأنه شايف عادي إنه زول ينكر وجود الله ورسوله ما عندكم معاه مشكلة وما بتفتكروا إنه مجنون، لكن البيقول أنا نبي ويوحى الى بتقولوا مجنون (كفار قريش عديل كدا)

المهم خلو الموضوع بتاع (نفسي وجن) لصحبان محسن، (أنا ما واحد منهم بالمناسبة)، وواصلوا نقاشكم هنا وتفنيدكم لكلامه (زي ما بتعمل يا تبارك ويا مصطفى مدثر ).

ونختم بنكتة (حتدخلنا في زمرة الشياطين لكن النكتة حابكة)

قالوا بعد الإنتفاضة الترابي عامل ندوة في عطبرة وفي زول قاعد قدام وماسك جريدة والترابي يشيل ويتكلم وناسه يشيلوا ويكبروا والزول دا مركز بس في جريدتو، المهم (بتاعة النكتة ما بتاعة تبارك) أول ما فتحوا فرصة للأسئلة الزول دا رفع يدو، الترابي قال ليهم ادوا الزول دا فرصة، الزول مسك المايك ولسه بيقرأ في جريدته وقال ليهم (الجريدة دي فيها خبر عجيب، في واحد إدعى النبوة في أمريكا فمسكوهو وختوهو في السجنن فأنا بفتكر المشكلة مش في الكلام البيقول فيه الترابي هسع المشكلة إنه ما كان في بوليس قبل اربعطاشر قرن)