فساد وأخبار أخرى

Quote: شاهد الفيديو: عجوز يعيش في الكهوف: البشير طردني من بيتي! فماذا اقول له؟ 09-03-2014 03:04 PM شبكة - عاين بحسرة وحنين قال - مرات بألمك لما تعاين للخرطه بتاعت السودان ,وتشوف انو الجنوب ! يصمت لبرهه وينطقها بصعوبه و بألم شديد - ما موجود. وبنفس الحسره وبشي من الخوف من مستقبل باقي اقاليم السودان , يواصل قوله - واذا استمر التنكيل دا برضو نفس الخرطه بتاعت الشمال دي ,ربما تتغير هذه الكلمات ليست من سياسي يعيش فى الخروطوم او فى المناطق الامنه في السودان , انما هي كلمات شخص يعيش فى مناطق الصراع بجبال النوبه , يبصح صباحا باصوات طائرات (السخوي) ويقضي نهاره على اصوات الصواريخ والراجمات , ويختم مساءه باصوات (الانتنوف) حالما بالا يسمع غدا صراخ الاطفال وانين النساء واهات الرجال , لكن دائما مايغيب حلمه عند صباح كل يوم جديد , فيرى الحيوانات تجري وتتسابق نحو الجبال , الكراكير , الوديان , الخيران , الغابات قبل البشر ففي مايو 2014م هاجم الجيش السوداني ومليشياته محلية (دلامي) بولاية جنوب كرفان – جبال النوبة و استولوا على منطقة (عبري)هذا الهجوم ادى الى هروب و نزوح السكان نحو الجبال والغابات والكراكير عدسة شبكة (عاين) التقت عدد من الذين نزحوا يفترشون العراء وبعضهم في الغابات و اخرون يختبؤن بين الصخور(الكراكير) كانت احوالهم سيئة للغاية و خاصة النساء والاطفال ,ليست لهم سوى الارض و السماء والملابس التى على اجسادهم ,لا اكل ,لا شرب ,لاغطاء يحكي احدهم بان الهجوم تم من قبل الجيش السوداني ومليشياته ,فتم حرق تدمير قريتهم (عبري) بالكامل وبحسره واسى يقول - حقروا العيوش والبهائم والبيوت وطردتوا المواطنين الى الجبال والوديان ويحكي رجلا اخر, ترى الحكمة في حديثه فيقول - الحكومة السودانية غير جاده في عملية السلام ,عدد من المرات توعد بوفق العدائيات ,وبكره تاني يجي الطيران يقذف الناس, كثير منهم تقطعت اطرافهم ,تشوه الكثير وقتل الكثير ويواصل في حكمته - الناس ما جادين فى حل مشكلة جبال النوبه ,على الحكومة الجلوس لمعرفة اصل مشكلة جبال النوبه ,وسبب وجذورالمشكلة شنو؟ والمشكلة شنو الجاب الحرب ؟ فاذا جذور المشكلة اتحلت بيكون اتحلت القضية كلها ,لكن جذور المشكلة لوما اتحلت – فالنار ما بتتغطى بالقش ,واذا غطيت النار بالقش النار تاني بتقوم فريق شبكة (عاين) استطلع عدد من النازحين ,خاصة نازحوا محلية (دلامي) قرية (عبري) فكانت قصصهم مؤلمة معاناتهم متشابهه وقاسية ,فما كان من فريق شبكة (عاين) الا ان يسألهم عن كيفية العيش فى هذه الجبال ,الكراكير ,الخيران والغابات وهم لا يمكلون ادنى مقومات العيش من غذاء و غطاء و بينهم كثير من الاطفال والنساء, فكانت اجابهتم فيها كثير من الاحباط فقالوا- نحنا نعمل شنو؟ ما في يدنا اي حاجة , نأكل من وين و نشرب منو ين؟ وعن احتيجاتهم يقولون ( قد تم حرق كل شي نمكله , البهائم ,العيش , الفراش, حتى البيوت نحن وصلنا هنا حفيانين ,مافي اى حاجة بس الواطه دي , قشيناها (نظفنها) و قعدتنا ,فنحن احتياجاتنا كثيره بل ينقصنا كل شي , هسع لو جات مطره ساكت نعمل شنو؟ هذة الاسئلة صعبه الاجابه على كل من كان فى المكان ,حتى فريق شبكة (عاين) ,لكن هناك رجل كبير فى سن ,يحمل معه جهاز راديو من طراز قديم , هذا كل ما تبقى من املاكه, فاصبح ذاك الرديو كمفتاح للامل , يتابعون به النشرات ساعة بساعة ,أملا في سماع خبر بايقاف هذة الطائرات اللعينة التى تمطرهم بالقنابل صيف شتاء و صباح مساء ,او ان احد المنظمات الانسانية تمن عليهم بالغذاء والدواء كان مؤشر الردايو مضبوط في احد المحطات التى تهتم بقضايا السودان ,و فى كل تلك اللحظات تحديدا كان احد سياسين السودانين المعارضين يتحدث عن مشاريع السلام , فكان الرجل المسن يتابع بشغف كبير وكـأنه يقول في صمته ان اسألتكم كاللغز , وهذا اللغز حله في مشروع السلام الشامل فريق شبكة (عاين) لم يغفل في ان يستطلع النساء, فبرغم المعاناة الكبيرة التى تجدها النساء بسبب هذة الحروب الدائرة الان في السودان ,الا ان نساء جبال النوبه الشامخات يلعبن دور عظيم وكبير جدا في هذه الظروف الصعبة خاصة في تربية الاطفال و كيفية حمايتهم من طائرة السخوي اللعينة فقالت احدهن بشجاعة وكلمات قوية ( دي ارضنا ,الرئيس يحاربنا ويهينا ويهين عيالنا , ودي ارض اجدانا ,ونحن سودانيين ,نمشي وين نحنا؟! نحن الاصل في السودان ,كنا في الشمال وما لقينا فيهو الشغل والراحه ,خلينا ليهو الشمال وجينا هنا ,ولحدي هسع بطارد فينا ,عايز يودينا وين ؟ وتواصل في الحديث الشجاع (نحنا عايزين الاهتمام بصحة اطفالنا ,اقلها يحسوا انهم بشر و عايشين على الارض ,نحن بقينا ذي الحيوانات ,هسع نحنا عايشين في الجبال وتحت الاشجار والغابات والنساء يلدن في العراء ,وفي ناس نايمين في الواطه من غير فراش وغيرنا عايشين في العمارات البيوت المفروشه والسجاد وطابخين بالبتجازات ,ودي رسالة للجميع وخاصة للرئيس ,وهو رئيس بيهين الاطفال والنساء والرجال فريق شبكة (عاين) عندما كان يتجول بين مواقع النازحين ,التقى ايضا افراد من جيش الحركة الشعبية شمال ,فأكدوا بان الطيران الحكومي يقذف المواطنين في الاحياء ,القرى الكراكيروالغابات ,القذف الذي يتم ليس على مناطق الجيش الشعبي اوالخطوط الامامية للجيش الشعبي ,وذكروا ايضا ان كل المناطق المحروقه الان هي للمواطنين ,وفي اشارة لطيران الحكومة قال احد عساكر الجيش الشعبي - السخوي دا حقنا ,والحرب دا حقنا نحنا , ليه هم بمشوا للمواطنين؟ خطة الحكومة ما كانت الاستيلاء علي قرية (عبري) فقط ,بل كانت الحكومة تخطط لاستهداف منطقة (مرديس) الغنية بالموارد والانتاج ,وكان القصد حرمنا المواطن من الانتاج ,هذا ما قاله احد المواطنين ,وهذا ما يؤكد اتهامات كثير من قيادات جبال النوبه و قيادات الحركة الشعبية شمال والمعارضة السودانية بان الحكومة السودنية تقصد بقذفها الجوي المستمرعلى المواطنين ومناطق الانتاج الرزاعي افقارهم و حرمانهم وتشريدهم وتجويعهم وقتلهم و ماتبقي يعيش في المعسكرات http://www.sudaneseonline.com/news-action-show-id-162293.htmhttp://www.sudaneseonline.com/news-action-show-id-162293.htm