|
Re: ازمة النيو ليبرالية نظرة تحليلية (Re: Amjed)
|
Quote: الرابطة القومية بين الشعب السوداني محتاجة للخلق و ليس للاكتشاف لأنها غير موجودة اساسا |
لاحولا! طيب ماعشان كده بنطالب بي معطيات جديدة!
نعم وطبقا للمعطيات الحالية، الرابطة القومية للشعب السوداني، تحتاج لي خلق ذي ماقلت، وهذا خاطئ تماما، بل اس البلاء!
علي العكس الرابطة، وهي الثقافة السودانية، موجودة سلفا ولاتحتاج الي خلق، بقدرما ما بتحتاج الي ازالة ركام الرماد الحالي لنصل الي الجمرة!
ده الاinput بتاعنا الجديد، نحن القادمون من مواقع المركزية الافريقية، او السودانوية!
كل المطلوب ان نعيد توصيل "البلكات" الانفصلت مع سقوط دنقلا، عشان ما الكهرباء تجي بعد انقطاع دام قرابة ال600 سنة او اكثر!
هو لو ماكان الرباط الوثيق ده،، البلد كان زمان اتشلعت!
بالعدم لا اذكر ولا بلد واحدة، تعرضت لما تعرضنا له، وظلت حتي تاريخه "رسميا" علي الاقل، متماسكة!
ده في حد ذاتو اعجاز ينبئ عن مدي تجذر هذا "الرباط" بين السودانيين!
لذلك محجوب شريف تغني بالسودان، وانا اضيف من عندي، الشعب الواحد، ماقد كان، وماسيكون، انطلاقا من احساس "لدني" موجود في كل سوداني، علي نحو مبهم يصعب تفسيره او تبريره!
هذا الرباط يتجلي ويتنزل اكثر، في اكثر الجوانب بعدا بي معيار، نمط تفكيرنا الحالي.
نعم الجانب الروحي في ثقافتنا، وعكس مسلماتنا اليوم، هو اكثر مايربط بينا كسودانيين!
ماعايز اخوض في الحتة، لانو القارئ، قطع شك حيديني، "طرادتي" او ينزل بلا رجعة، فاحكتفي بالاشارة الي كون التصوف كمفتاح للشخصية السودانية، هو تقريبا في "جين"، كل سوداني وسودانية، من تركاكا، والي حلفا، من الجنينة وحتي القضارف، وبالميــــــــــــــــــلاد!
لذلك هذه الروح الكامنة، بادية في سلوك دينق، اكثر من احمد الريح مثلا!
لمان يجي اليوم الفيهو تاريخنا القديم ينقب ويكتب بايدي سودانية ومن خلال عيون سودانية، قطع شك اذا عشنا او حضرنا الزمن داك، سنصاب بالزهول، عندما ندرك، كيف لافرق مابين عقيدة دينق او بشاشا علي الاطلاق، في الحقيقة، مش في الشريعة!
التدليل علي كلامنا ده، داير كتاب بي حالوا، مش بوست، او سلسلة بوستات! يكفي القول في هذا المقام، ان الجيش، الاتي بي مصر القديمة كما نعرفها اليوم، للوجود، مؤسسا لاول دولة في التاريخ، ولاول اسرة فرعونية، بل اول فرعون، كان من جنوب السودان الحالي!
فلاجديد تحت الشمس، متي ماتعلق الامر بوحدة الشعب السوداني، والثقافة السودانية، مع التسليم، ان الدولة السودانية، او الدول السودانية، داخل نطاق الحدود الحالية، فكائن يولد، يشيخ، ويموت، ثم يولد من جديد بحدود مغايرة، وهكذا الي "يوم الدين" كما في الشريعة!
فحدودنا الحالية، رسمت بواسطة الاحتلال، لاتصلح كأساس لفهم او شرح تاريخنا وثقافتنا علي الاطلاق!
فمتي ما جا الكلام عن السودان او شعبو او تاريخو، فشيل الحدود وكل التقسيمات الحالية برة!
|
|
|
|
|
|
|
العنوان |
الكاتب |
Date |
ازمة النيو ليبرالية نظرة تحليلية | Amjed | 10-06-04, 10:34 AM |
Re: ازمة النيو ليبرالية نظرة تحليلية | Amjed | 10-07-04, 09:40 AM |
Re: ازمة النيو ليبرالية نظرة تحليلية | Bashasha | 10-07-04, 10:41 AM |
Re: ازمة النيو ليبرالية نظرة تحليلية | Amjed | 10-07-04, 10:49 AM |
Re: ازمة النيو ليبرالية نظرة تحليلية | Amjed | 10-07-04, 10:54 AM |
Re: ازمة النيو ليبرالية نظرة تحليلية | Bashasha | 10-07-04, 11:36 AM |
Re: ازمة النيو ليبرالية نظرة تحليلية | Amjed | 10-08-04, 09:32 AM |
Re: ازمة النيو ليبرالية نظرة تحليلية | Bashasha | 10-08-04, 11:00 AM |
Re: ازمة النيو ليبرالية نظرة تحليلية | Amjed | 10-08-04, 11:08 AM |
Re: ازمة النيو ليبرالية نظرة تحليلية | Bashasha | 10-08-04, 03:26 PM |
Re: ازمة النيو ليبرالية نظرة تحليلية | معتز تروتسكى | 10-08-04, 08:53 PM |
Re: ازمة النيو ليبرالية نظرة تحليلية | Amjed | 10-09-04, 09:22 AM |
Re: ازمة النيو ليبرالية نظرة تحليلية | حبيب نورة | 10-09-04, 09:51 AM |
Re: ازمة النيو ليبرالية نظرة تحليلية | Amjed | 10-09-04, 10:07 AM |
Re: ازمة النيو ليبرالية نظرة تحليلية | Bashasha | 10-09-04, 10:37 AM |
Re: ازمة النيو ليبرالية نظرة تحليلية | Bashasha | 10-09-04, 11:58 AM |
Re: ازمة النيو ليبرالية نظرة تحليلية | Amjed | 10-10-04, 08:40 AM |
|
|
|