مكتبة د.امجد فريد

مكتبة انتفاضة (هبة) سبتمبر 2013
فى الذكرى الأولى لانتفاضة سبتمبر 2013: نحو إستراتيجية أشمل للحراك الطلابى فى السودان
قصيدة بمنـاسبة ثورة 23سبتمبر الطُـلابية
في ذكري (( الكوكبة السبتمبرية .... الشهداء )) قصائد .. صور .. فيديوهات
منتدى حتى نعود الغنائية/ استراليا يدعوكم لحضورالذكرى الأولى لـ هَبّة سبتمبر
اوفيت بالعهد الشهيد صلاح سنهوري
يا سبتمبر الممهور بالدم قائمة الشهداء تطول
في ذكرى شهداء سبتمبر: سيُسألون!

المنبر العام

آراء و مقالات ابحث

منتدى الانترنت

تحديث المنتدى

المتواجدون الآن

English Forum

تحميل الصور اكتب بالعربى

دليل الخريجين

اجتماعيات

الاخبار

أرشيف المنبرللنصف الثانى05 مكتبةالدراسات الجندرية الارشيف والمكتبات مواضيع توثيقية ومتميزة قوانيين و لوائح المنبر
مرحبا Guest [دخول]
أخر زيارة لك: 18-09-2014, 04:40 PM الرئيسية

مكتبة د.امجد فريد(Amjed)اناشيد ثورية مرة اخرى في ذكرى اكتوبر
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
09-10-2004, 11:33 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

اناشيد ثورية مرة اخرى في ذكرى اكتوبر

    اكتوبر الممهور بالدم
    صباح الخير
    اهلاً مساء النور
    زمنًا تجي وبتمر
    عبر النشيد المـُر
    تحت الغنا المحظور
    تنده تنادي الشعب
    الصامد المقهور
    هُب من ظلامك هُب
    الشمس جوه الجب
    والحكمة خلف السور
    ضمِّد جراح الحب
    والخاطر المكسور
    كنا بنسّنك سن
    في خندق الاصرار
    في خندق الاصرار
    يامـا
    ادخرنّا غناك
    ومسكنا فيهو النار
    بذلك التيار
    اكتوبر الممهور بالدم
    صباح الخير
    اهلاً مساء النور
                   |Articles |News |مقالات |اخبار

09-10-2004, 11:34 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    شهر عشره حبابو
    حبابو عشرة
    وابقوا عشرة على المباديء
    مبدأ الحرية اوّل
    لم يحوّر لم يأول
    والنضال سكة حياتنا
    مهما وكت السكّة طوّل
    ما تفرطوّا في الامانة
    كل شهيد روحو بتنادي
    ابقوا عشرة على المبادئ
    مبدأ التطهير يصير
    ما شعار خاوي وكبير
    الحساب لكل واحد
    للصنايعي وللوزير
    امشوا طهّرو بعدالة
    وابعدوا الفاشية غادي
    وابقوا عشرة على المبادي
    كل ثائر في جهادو
    قصدو تتحرر بلادو
    نحنا بنساعدو وندعمّ
    كل وقفاتو وعنادو
    اصلو هدف الثورة واحد
    والاعادي هي الاعادي
    ابقو عشرة على المبادي
                   |Articles |News |مقالات |اخبار

09-10-2004, 11:36 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    عشه كلمينا ميري ذكرينا

    محجوب شريف

    عَشّه .. كلّمينا
    ميرى.. ذكّرينا
    كل سنكى أحسن
    يبقى ..مسطرينا

    نحن شعب أسطى
    يلا .. جيبو مونا
    نبنى .. نبنى .. نبنى
    مسرحاً.. ونــــادى
    مصنعــاً وبوسته
    حرب لا لا لا لا
    كبرى .. استبــاليه
    صالــه للثقــافــه
    تســرح الغزاله
    جنبها ...الزرافه
    ركَ قمرى طار
    قيره قيره قيره
    نطَط الصغار
    صفّق الترولى
    طمن القطار
    حلقت وحلقت حمامة المطار

    كلّ طلقه بينا نحن تبقى وفره
    سمسما وبفره
    سكراً وشاى
    تترا سايكلين
    جاي وجاي وجاي
    مافى حاجه ساى
    كلّو عندو دِين
    كلّو عندو راى

    بور وبورسودان
    بارا والجنينه
    عبرى ولاّ واو
    حاجه مش كويسه
    كلّ زول براو
    هي سودانا بكره
    من سودانا ناو

    تكتب إنت تقرا
    تعرف السياسه
    في محل حراسه
    حجرة الدراسه
    تمشى إنت تلقى
    فى الضلمه لمبه
    ألف ضحكه حلوه .. تسندك بجنبه
    بى تمن طبنجه
    أحسن الكمنجه
    أحلى شكل منقه .. أحسن الحليب

    إيد وايد وايد
    تزرع الجديد
    غابة النشيد

    إيد وايد وايد
    ما في بينا سيد
    إيد وايد وايد
    نلحق البعيد

    نحنه مش مرقنا
    حته واحده جينا
    جينا لى السرقنا
    حقّنا وعصينا
    دمّنا وعرقنا
    ولّعوا الرتينا

    عَشّه كلّمينا
    ميري ذكّرينا
    كلّ سنكى أحسن
    يبقى مسطرينا
                   |Articles |News |مقالات |اخبار

09-10-2004, 11:37 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    أهلا أهلا بالأعياد

    محجوب شريف

    أهلا أهلا بالأعياد

    مرحب مرحب يا أجداد

    أفتح أفتح يا تاريخ

    أبعاد أبعاد

    وأملا عيون كل الأحفاد

    بالأمجاد

    أفتح محضر باسم الشعب

    بخط الشعب

    لوجه الشعب

    ومجد الشعب

    سجل
    أنحن الغضب الواعى

    ضمير الثورة على استعداد

    وبالمرصاد

    لكل عميل وكل دخيل

    بالمرصاد

    سجل سجل

    لا أغلال

    لا إستقلال مع إستغلال

    لا حرية بلا استبسال

    إستشهاد باستمرار

    على استعداد

    ويا استبداد

    خط النار إتعب وزاد

    وقول للشهدا الختو الزاد

    باسمنا هتفو

    وبينهم وبين
    الموت خطوات

    الجايين من قلب الشارع

    والجايين لى قلب الشارع

    من ثكنات

    سجل أنحنا

    برغم جرحنا

    إجتزنا المحنة

    ونحن الليلة أشد ثبات

    ونحن بخير

    ونحن وراكم في الجايات

    ولسه ولسه

    على إستعداد

    وشعبنا واقف بالمرصاد
                   |Articles |News |مقالات |اخبار

09-10-2004, 11:39 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    أغنية حب للخُرطوم


    غني يا خرطوم
    وغني
    شدّي أوتار المغني
    ضوي من جبهة شهيدك
    أمسياتك واطمئني
    نحن منك ريح وهبّت
    نار وشّبت
    في وجوه الخانو اسمك
    يا جميلة
    ونحن يا ست الحبايب
    من ثمارك
    في دروب الليل نهارك
    وقبل ما يطول انتظارك
    نحنا جينا
    ديل انحنا
    القالو فتنا
    وقالو متنا
    وقالوا للناس انتهينا
    جينا زى ما كنا
    حضنك يحتوينا
    لما فارسك فينا هبّ
    وعبّ حجرك بالمحبة
    وبالأماني
    صحا نار الثورة ثاني
    وجانا داخل
    زي شعاع الشمس من كل المداخل
    جانا أقدر
    ختّ من فوق كتفك ايدو
    وهزّ بالمنشور وبشّر
    يومها فرهد في عيونك
    غصن اخضر
    وفرحة اكبر
    من شجونك
    والسلاسل، ياجميلة
    يوما كان ميلاد شهيدك
    يلا غني
    ولاقي عيدك
    ولي ثمارك لقّي ايدك
    جيل مكافح حلا جيدك
    وفك قيدك
    ومن غضبنا الحّرو لافح
    يا ما باكر
    من زنازين العساكر
    نبني مجدك ومهرجانك
    وكل قطرة دم عشانك
    لي جديدك
    يا جميلـــة
                   |Articles |News |مقالات |اخبار

09-10-2004, 11:40 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    يا والدة يا مريم .. محجوب شريف

    ياعامرة حنية ..انا عندي زيك كم ..ياطيبة النية
    بشتاق وما بندم..اتصبري شوية .. ياوالدة يامريم ماني الوليد العاق
    لا خنت لا سراق.. والعسكري الفرّاق بين قلبك الساساق وبيني هو البندم والدايرو ما بنتم.. يا والدة يامريم
    عارف حنانك لي .. راجيك تلوليني دايمًا تقيلني وفي العين تشيليني .. القاهو عز الليل .. قلبك يدفيني
    ضلك علي مشرور ..قيلت في سنيني انا لو تعرفي الفيني انا كم بحبك كم والعسكري الفراق بين قلبك الساساق وبيني هو البندم
    والدايرو ما بنتّم
    طول النهار والليل في عيني شايلك شيل لكني شادي الحيل لا خوف علي لا هم .. هاك قلبي ليك منديل .. الدمعة لما تسيل .. قشيها يا مريم
    ما بركب السرجين وماني زول وشّين ياوالدة دينك كم
    دين الوطن كمّين
    ما شفتي ود الزين الكان وحيد امو
    قالولو ناسك كم ورينا ناسك وين؟ ورينا شان تسلم
    العودو خاتي الشق
    ما قال وحاتك طق تب ما وقف بين بين لي موتو يتقدم
    انا ما بجيب الشين
    انا ما بجيب الشين
    انا لو سقوني الدم.. والعسكري الفراق بين قلبك الساساق وبيني هو البندم والدايرو ما بنّتم
    وكم من حبيبًا لي .. كان مالي بينا دروب
    ما ودّع الحباّن
    ما وسدوه الطوب
    حي
    حي قولي ما حي ووب
    ما خلّى ساعة الموت
    يمة السرج مقلوب
    إتشتت الرصاص في جسمو واتقسم
    لاقاهو يتبسم
    والحولو حبلو وكان ريحة صباو تنشم
    زي التقول يوم داك يوم العرس يادوب
    انا ما بجيب الشين
    لو سقوني الدم والعسكري الفراق بين قلبك الساساق وبيني هو البندم
    يُّمـة السجن مليان
    رجالّة ما بتنداس
    الختّو قبلي الساس
    والشالو هّم الناس
    والفات وليدًا ليه
    وما مسّكو الكراس
    ما سمعو يتكلم
    ما نحن عود الفاس
    فرسان حمى وحراس
    في الحارة نتحزّم عشان القدر ما كاس مالاقي بيت يتلم
    عشان ماالطواهو الجوع
    المُتعب المعدم
    والعسكري الفراق بين قلبك الساسق وبين هو البندم .. والدايرو ما بنتّم
    ما تقولي شن سويت
    ما تبكي ما سويت غير البطمّن ناس
    بي همّهم حسيت
    حارس مع الفرسان
    حارس بلدنا البيت
    إخواني علّو السور .. انا طوبة ما ختيت
    ديل من زمان تاتيت لامن كتبت قريت
    وعرقنا ياما يدر
    يمّة اللبن والزيت
    الكسرة والكراس
    لي قشة الكبريت
    وتقولي جيدًا جيت
    راجع مع الفرسان
    فايت الحدود واسيت
    وتغني يا مريم
    لينا وتجرّي النّم
    والعسكري الفراق بين قلبك الساساق وبيني هو البندم
    والدايرو ما بنتّم
    يا والدة يا مريم
                   |Articles |News |مقالات |اخبار

09-10-2004, 11:43 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    الدعوة للجميع للمشاركة

    اكتوبر لن يخبو فينا سنظل نظل نجدده
    الظالم وهما يتمشدق هل يحسب انا نعبده
                   |Articles |News |مقالات |اخبار

09-10-2004, 03:10 PM

mahdy alamin

تاريخ التسجيل: 01-07-2004
مجموع المشاركات: 2025
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    اكتوبر الأخضر

    رمـيـة:-
    إسمك الظافر ينمو في ضمير الشعب
    إيماناً وبشرى وعلى الغابان والصحرائي
    يلتف وشاحا وبأيدينا توهجت
    ضياءً زسلاحا وتسلحنا بإكتوبرا
    لن نرجع شبرا سندق الصخرا حتى يخرج
    الصخر لنا زرعاً وخضرا ونزود المجد حتى بحفظ
    الدهـر لنا إسـماً ذكـرا.
    ********
    بأسـمك الاخضر يا اكتوبر الارض تـغـني
    الحقول اشـتعلت قـمـحاً ووعـداً وتمنى
    الكنوز إنفتحـت في باطن الأرض تـنـادي
    بأسـمك الشـعب إنتصـر
    حـائـط السـجـن إنـكســر
    والقـيود إنسـدلت جـدلت عـدس في الأيـادى
    *******
    كان اكتوبر في أمتنا منذ الأزل
    كان خلف الصبر والأحزان حيا صامداً منتظراً
    حتى إذا الصيح أطل
    أشعل التاريخ ناراً وإشتعل
    كان أكتوبر في غضبتنا الأولى مع المك النمر
    كان أسياف العشر ومع الماضى البطل
    وبجنب الغرشي يدعاهو القرشى حتى إنتصر
    بإسمك الأخضر ....
                   |Articles |News |مقالات |اخبار

09-10-2004, 03:13 PM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)
                   |Articles |News |مقالات |اخبار

10-10-2004, 08:45 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    النص الكامل
    شوك الشوق
    محمد الحسن حميد
    *********
    شوك الشوق لى الشوف آ خَىْ
    ضارب قطن النسج الحى
    يا منقاش أحزانى إنشرت
    وادى الفرح إتمدد صَى
    يا راحلين عِـنْ دُغُش الليل
    ما لاقيتو جناياً زى ..
    تكية نخل الفجُر الجاسِر
    فوق فى المتَرَة .. عَرَاجِنْ ضَى
    آ رعاوة .. العرب الرُّحّل
    ما لاقاكُنْ فى المطرانى ؟
    فى كاويقْ الجرف الأمحل
    بين أسراب الرهو الراحِل
    ساند أكتاف الليل الميّل
    عِنْ ساساق الغيمة عليكُن
    بين رقراق الخيمة معاكُن
    ما أديتوهو شِوَىْ ... بى حرجل؟
    *************
    آ رطّانة الليلُن ليّل
    ما لاقاكُن فى ونساتكُن؟
    بين الشادِى وبين كاساتكُن
    فى صلواتكن .. عِنْ دعواتكن
    أو .. دقساتكُن عِز خلواتكُن
    .. زول .. زول الله
    إن مِحِن .. آ .. بِسأل
    الهبّاد لى غُلبْ أخواتو
    الفرّاح عوّان الحلّىِ
    الفدّاع لى الليل ظُلماتو
    آ نجمات .. شقيش قولن لى
    ما لاقاك طالِع .. متدلّى ؟
    المطيوب من طيبة أُمّاتو
    كالفجّاج .. الندّ نباتو
    موج البحر اللّحَمَر هوجتو
    وعِرق العِرِق .. اللاّوى ثباتو
    جانا الشَدر الأخَدَر منو
    ونار الشدر الأخَدَر جاتو
    فات شِقيش ...
    أب قولاً واحِد ..
    وليش ما يرجع من غُرباتو
    طوّل طُول .. ما طلّ علينا
    وقاطِع مِننا جواباتو
    الغابات جات تنشِد منو
    والعربان راجين جياتو
    أديناهم عرقو .. وعَلَقو
    صورتو يقلِّب فى كِتْباتو
    ضُل رشاشو .. ركيزة زولو
    ساعة سِلمو .. ويوم حوباتو
    سِن طوريتو ولون أبرولو
    حِس طنبورو البى نغماتو
    لهْلَب عِشق الناس الفقرا
    وبرّد جوفُن .. بى غنواتو
    ... ويا غنواتو
    الدخلت فينا
    تمرق .. جينا على جِلاّتو
    وجِيداً جينا .. طلقنا وشينا
    وش الدنيا الليلة حلاتو
    وش أطفالنا الليلة حلاتو
    وغنى معانا غنانا هويتو
    غنِّى العالم
    غنى حياتو
    لا ساومنا عليها قضيتو
    ولا فكينا من إيدنا .. وَصَاتُو
    ألف شليل يا نورة يفوتو
    عشان ما يجيك شليلك زاتو
                   |Articles |News |مقالات |اخبار

10-10-2004, 08:58 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    مهدي الامين
    شكراً للمرور و المشاركة
    انور كينج
    اها انت مادام شفت كدا ما تنزل الاغاني عديل



    بين سجن وبيت اشباح
    وعطالة ودم مباح
    ومزلة تودى الغربة
    والغربة جراحة جراح
    والحل فى بلدك زاتة
    تتحدى سلاح بسلاح
    تهزم خفاش العتمة
    ويغسل سودانا صباح
    ************
    الخمج الماحق سوقنا
    من بعض وفا المحتاج
    والعبرة الرابطة حلوقنا
    من فيض كاس الدجال
    الوهم الداير يسوقنا
    اصبح مفضوح الحال
    ما فضل الا مروقنا
    وبسلاحنا نعدل الحال
    بسلاحنا نعدل المال
    *********
    يا غضبة نيلنا الطامح
    وكتين يكسح طوفان
    يا سيل الشعب الجامح
    فى الثورة بعد عصيان
    يا ضراع الولد الجارح
    بسلاحك فى المليان
    الكى للالم الناتح
    والعبرة لكل غبيان
                   |Articles |News |مقالات |اخبار

10-10-2004, 09:04 AM

فتحي البحيري

تاريخ التسجيل: 14-02-2003
مجموع المشاركات: 19109
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)
                   |Articles |News |مقالات |اخبار

10-10-2004, 09:06 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    من الواسوق أبت تطلع !!
    من الأبرول أبت تطلع !!
    من الأقلام أبت تطلع !!
    من المدفع طلع خازوق .. خوازيق البلد زادت
    يفيض النيل نحيض نحنَ .. يظل حال البلد واقف
    تقع محنه ولا النيل القديم ياهو … ولا يانا
    نعاين في الجروف تنهد … ولا يانا
    رقاب تمر الجدود تنقص … ولا يانا
    متين إيد الغبش تتمد لا قدام … لا قدام
    تتش عين الظلام بالضو .. تفرهد شتلة لا هدام ..
    ولا فيضاً يفوت الحد .. عقب يانيل تكون ياك ..
    ونكون أهل البلد بالجد ...
                   |Articles |News |مقالات |اخبار

11-10-2004, 02:50 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    اي المشارق لم نغازل شمسها ونزيل عن زيف الغموض خمارها
    اي المشانق لم نزلزل بالثبات وقارها
    اي الاناشيد السماويات لم نشدد لاجراس الجديد بشاشة اوتارها
                   |Articles |News |مقالات |اخبار

11-10-2004, 03:02 AM

معتز تروتسكى

تاريخ التسجيل: 14-01-2004
مجموع المشاركات: 9829
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    عـمـــــــــا قريب

    عمّا قريب..
    الهمبريب
    يفتح شبابيك الحبيب
    والحال يطيب
    يا محمد أحمد تستجِمْ
    والبيت يتمْ
    تتلم تلمْ
    تفرح فرح
    تحلم حِلِم
    كم تطمئن
    حقك يجيك لافيهو شك..
    يمكن واظن
    ويفوتو همْ
    والعدل يعمْ
    وتغني أمْ
    كادت تجن
    كبر الولد جُوّا السجن
    فاقداهو هى
    دا كلو كلو ينتهى
    دا كلو كلو ينبهى
    زولاً تريدو وتَشْتهِى
    تلقاهو فى
    لا فى السِّجِن..
    لا مختفى
    لا يقولو ليك ما تمشي لى
    دا كلّو كلّو ينتهى
    دا كلّو كلّو ينتهى
    دا كلّو كلّو ينتهى

    *صديقى الزميل امجد
    سااهم معاك من اجل اكتوبر
    ركز على محمد احمد دى فقط
    ربك يفك قيدو..
                   |Articles |News |مقالات |اخبار

13-10-2004, 02:41 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    حق الغنا

    محمد الحسن سالم حميد

    من حقي اغني لشعبي ومن حق الشعب عليا

    لا بـيدك تـمنع قـلبي ولاقلبي كمان بايديا

    عـلمني اغـني الطين المخرطة والطورية

    الـناس الـصابرا سنين بالحالة الما دغرية

    القابضة الجمرة في ايدا والجمرا تلهلب حية

    لا قـادرة الـجمرا تـقيدا ولا قادرة تولع فيا

    يـا قلبي بلاش تستعجل يا قلبي شوية شوية

    واصـلين الـما بتأجل اليوم الشمسو قوية

    لا الـقش بيهاب المنجل ولا طب النار الكية

    يـا صقر يا افة يا ريح لا تنفض عش قمريا

    مـن حـقو يـغني صريح زرية ورا زرية

    مـن حـقي اغـني الـعالم ابداع علم حرية

    انـساني شـعوب تـتسالم تـتكالم بي حنية

    عـلى نـخب الود نتنادم لا جنسي ولا لونية

    لا عـرق لا آه نـتقادم سـكتنا بياض النية

    مش كلنا جينا من آدم... مش آدم ابو البشرية

    الـسجن اذن يـترايم نـبنيها قـلاع ثورية

    عـقبان الـخير يـترادم والدنيا تمش دغرية

    مد كفك يا بني ادم... حرية... سلام... حرية

    حــــــــــريـــــــــة

    ســــــــــــــــــــلام

    حــــــــــريـــــــــة

    ســــــــــــــــــــلام

    حــــــــــريـــمن احلام محمد احمد يا معتز
                   |Articles |News |مقالات |اخبار

20-10-2004, 11:15 AM

Amjed

تاريخ التسجيل: 04-11-2002
مجموع المشاركات: 4430
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    أنا لست رعديداً يكبل خطوه ثقل الحديد
    وهناك أسراب الضحايا الكادحون العائدون
    مع الظلام من المصانع والحقول ملئوا الطريق
    عيونهم مجروحة الأغوار ذابلة البريق يتهامسون
    وسياط جلاد تسوق خطاهم ما تصنعون
    يجلجل الصوت الرهيب كأنه القدر اللعين
    تظل تفغر في الدجى المشئوم أفواه السجون ويغمغمون
    نحن الشعوب الكادحون
    وهناك قافلة تولول في متاهات الزمان وبلا دليل
    عمياء فاقدة المصير تمشى الملايين
    الحفاة العراة الجائعون مشردون
    في السفح في دنيا المزا بل والخرائب ينبشون
    والمترفون الهائمون يقهقهون ويضحكون
    يمزقون الليل في الحانات في دنيا الفتون
    والجاز ملتهب يضج حياله نهد وجيد
    موائد خضراء تطفح بالنبيذ والورود
    لهف من الشهوات يجتاز المعالم والصدور هل يسمعون ؟
    صخب الرعود صخب الملايين الجياع
    يشق أسماع الوجود ؟ لا يسمعون !!!
    إلا شهوات حياتهم وكأنهم صم الصخور
    وغداً نعود حتماً نعود
    للقرية الغناء للكوخ الموشح بالورود
    نسير فوق جماجم الأسياد مرفوعي البنود
    تزغرد الخالات والأطفال ترقص والصغار
    والنخل والصفصاف والسيال زاهر الثمار
    وسنابل القمح المنور بالحقول وبالديار
    لا لن نحيد عن الكفاح
    رائعة العطبراوي ومحي الدين فارس
                   |Articles |News |مقالات |اخبار

20-10-2004, 11:32 PM

Amir Mussaad

تاريخ التسجيل: 02-06-2004
مجموع المشاركات: 104
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)


    لطالما في بحرك في مي
    وتمرك مفدّع بالجريد
    شدرك أمد حد السمي
    وطينك ممدّد بالطمي........
    نبنيك اكييد
    نبنيك هوي
    نبنيك ايوه سوي سوي
    منّو و جديد
    @@@@@@@@@
    يا أيد أبوي علي أيد أخوي أيدي نا
    علي أيد و أيد
    تجدع بعيد في لجّة من راس ميضنة
    حيكومة الفقر الدمااااااااار ....
    الكضبت و الصهينة
    ...............................

    يا بلدي يا
    فردة جناحي التاني
    وكت الناس تطير لي عالما
    وا وجعة الزول البجيك
    وما يلقي فيك
    غير الهجير
    وناسا طوالي مسالما
    كل البشاشات القبيل
    يلقاها ميتة مسممّه
    الجاتا جاتا من الأرض
    ما جاتا من تالا السما
    ما أعتي غبنك يا ولد
    و أعدل قضيتك وأعظما
    لا ترجّع السيف الجفير
    و الدنيي فايري مصادمة
    .
    .
    .
    .
    .
    . أمير
    جايين جايين
    بالكتابة
    وغضبة الناس المهابة
                   |Articles |News |مقالات |اخبار

21-10-2004, 06:49 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    التحية لشهداء اكتوبر..

    المجد والخلود لشعبنا قاهر الديكتاتوريات..
                   |Articles |News |مقالات |اخبار

21-10-2004, 09:00 AM

محمد عبدالرحمن

تاريخ التسجيل: 15-03-2004
مجموع المشاركات: 9045
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Raja)

    قسما قسما .. يا أكتوبر
    نحمي شعارك .. ونجني ثمارك
    ونرفع راية الثورة الغالية ..
    عالية ترفرف فوق الساريه
    عليها شعار الثورة الأكبر
    وجهو الناير .. ناضر وأخضر
    ولسه بنحلف يا اكتوبر
    لما يطل .. في وجهنا ظالم
    بنحمي شعار الثورة نقاوم
    بنبني صفوف .. تتحدي وتهتف
    لما يعود الفجر الحالم
    يا أكتوبر ..

    عزيزي امجد

    كل عام وانت بخير

    التحيه لشهداء اكتوبر المجيد وشهداء النضال الوطني ، واكتوبر القادم نحلم بوطن يسعنا جميعا

    مودتي ...
                   |Articles |News |مقالات |اخبار

21-10-2004, 09:42 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)
                   |Articles |News |مقالات |اخبار

21-10-2004, 09:54 AM

Hani Abuelgasim

تاريخ التسجيل: 26-10-2003
مجموع المشاركات: 1102
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    يا قرشي الصبا الريان
    جبينك لاح يقطر دم
    اسمك في شارعنا
    لافتة ما بتنجم
    تشيلها أيادي ما بترتاح
    تشيلها مبادي لن تهزم
                   |Articles |News |مقالات |اخبار

21-10-2004, 10:41 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)


    اكتوبر الممهور بالدم
    صباح الخير
    اهلاً مساء النور
    زمنًا تجي وبتمر
    عبر النشيد المـُر
    تحت الغنا المحظور
    تنده تنادي الشعب
    الصامد المقهور
    هُب من ظلامك هُب
    الشمس جوه الجب
    والحكمة خلف السور
    ضمِّد جراح الحب
    والخاطر المكسور
    كنا بنسّنك سن
    في خندق الاصرار
    في خندق الاصرار
    يامـا
    ادخرنّا غناك
    ومسكنا فيهو النار
    بذلك التيار
    اكتوبر الممهور بالدم
    صباح الخير
    اهلاً مساء النور
                   |Articles |News |مقالات |اخبار

21-10-2004, 10:54 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)


    أصبح الصبح
    فلا السجن ولا السجان باق
    وإذا الفجر جناحان يرفان عليك
    وإذا الحزن الذي كحًل هاتيك المأقي
    فرحة نابعة من كل قلب يا بلادي
    أصبح الصبح وها نحن مع النور التقينا
    التقى جيل البطولات بجيل التضحيات
    التقى كل شهيد قهر الظلم ومات
    بشهيد لم يزل يبذر في الأرض بذور الذكريات
    أبدا ما هنت يا سوداننا يوما علينا
    بالذي أصبح شمسا في يدينا
    وغناء عاطرا تشدو به الريح
    فتختال الهوينا يا بلادي
    من كل قلب يا بلادي
                   |Articles |News |مقالات |اخبار

21-10-2004, 11:01 AM

الواثق تاج السر عبدالله

تاريخ التسجيل: 15-04-2004
مجموع المشاركات: 2116
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: Amjed)

    راهنت عليك يااكتوبر بتحدى

    انو الباب الجاب الريح ما انسدا
                   |Articles |News |مقالات |اخبار

21-10-2004, 02:58 PM

محمد عبدالرحمن

تاريخ التسجيل: 15-03-2004
مجموع المشاركات: 9045
للتواصل معنا
FaceBook
تويتر Twitter
YouTube
Google Plus

Re: اناشيد ثورية مرة اخرى في ذكرى اكتوبر (Re: الواثق تاج السر عبدالله)

    شهر عشره حبابو
    حبابو عشرة
    وابقوا عشرة على المباديء
    مبدأ الحرية اوّل
    لم يحوّر لم يأول
    والنضال سكة حياتنا
    مهما وكت السكّة طوّل
    ما تفرطوّا في الامانة
    كل شهيد روحو بتنادي
    ابقوا عشرة على المبادئ
    مبدأ التطهير يصير
    ما شعار خاوي وكبير
    الحساب لكل واحد
    للصنايعي وللوزير
    امشوا طهّرو بعدالة
    وابعدوا الفاشية غادي
    وابقوا عشرة على المبادي
    كل ثائر في جهادو
    قصدو تتحرر بلادو
    نحنا بنساعدو وندعمّ
    كل وقفاتو وعنادو
    اصلو هدف الثورة واحد
    والاعادي هي الاعادي
    ابقو عشرة على المبادي
                   |Articles |News |مقالات |اخبار

[رد على الموضوع] صفحة 1 من 1:   <<  1  >>

تعليقات قراء سودانيزاونلاين دوت كم على هذا الموضوع:

اناشيد ثورية مرة اخرى في ذكرى اكتوبر فى FaceBook

· دخول · أبحث · ملفك ·

Home الصفحة الاولى | المنبر العام | | مدخل أرشيف الربع الاول للعام 2014م | مدخل أرشيف الربع الرابع للعام 2013م | مدخل أرشيف الربع الثالث للعام 2013م | مدخل أرشيف الربع الثانى للعام 2013م | مدخل أرشيف الربع الاول للعام 2013م | مدخل أرشيف الربع الرابع للعام 2012م |مدخل أرشيف الربع الثالث للعام 2012م | مدخل أرشيف الربع الثاني للعام 2012 | مدخل أرشيف الربع الاول للعام 2012م |مدخل أرشيف الربع الرابع للعام 2011م |مدخل أرشيف الربع الثالث للعام 2011م |
مدخل أرشيف الربع الثاني للعام 2011 | مدخل أرشيف الربع الاول للعام 2011م | نمدخل أرشيف الربع الرابع للعام 2010م | مدخل أرشيف الربع الثالث للعام 2010م |أمدخل أرشيف الربع الثاني للعام 2010م | مدخل أرشيف الربع الاول للعام 2010م | مدخل أرشيف الربع الرابع للعام 2009م | مدخل أرشيف الربع الثالث للعام 2009م | مدخل أرشيف الربع الثاني للعام 2009م | مدخل أرشيف الربع الاول للعام 2009م |مدخل أرشيف الربع الرابع للعام 2008م |مدخل أرشيف الربع الثالث للعام 2008م |
مدخل أرشيف العام (2003م) | مدخل أرشيف العام (2002م) | مدخل أرشيف العام (2001م) | مكتبة الاستاذ محمود محمد طه |مكتبة البروفسير على المك | مكتبة د.جون قرنق | مكتبة الفساد| مكتبة ضحايا التعذيب | مكتبة الراحل الاستاذ الخاتم عدلان | مكتبة دارفور |مكتبة الدراسات الجندرية | مكتبة العالم البروفسيراسامة عبد الرحمن النور |
مواضيع توثيقية متميِّزة | مكتبة قضية سد كجبار | مكتبة حادثة يوم الاثنين الدامي | مكتبة مجزرة اللاجئين السودانيين في القاهرة بتاريخ 30 ديسمبر 2005م |مكتبة الموسيقار هاشم مرغنى(Hashim Merghani) | مكتبة عبد الخالق محجوب | مكتبة الشهيد محمد طه محمد احمد |مكتبة مركز الخاتم عدلان للأستنارة والتنمية البشرية | مكتبة الراحل الاستاذ الخاتم عدلان | مكتبة سودانيز أون لاين دوت كم |مكتبة تنادينا,الامل العام,نفيرنا | مكتبة الفنان الراحل مجدى النور محمد |
مكتبة العلامة عبد الله الطيب | مكتبة احداث امدرمان 10 مايو 2008 | مكتبة الشهيدة سهام عبد الرحمن | منبر اليوم الحار لخريجى كلية الهندسة و المعمار بجامعة الخرطوم |مكتبة الراحل المقيم الطيب صالح | مكتبة انتهاكات شرطة النظام العام السودانية | مكتبة من اقوالهم |مكتبة الاستاذ أبوذر على الأمين ياسين | منبر الشعبية | منبر ناس الزقازيق |مكتبة تهراقا الفن الدكتور محمد عثمان حسن صالح وردى | اخر الاخبار من السودان2004 |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |
|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

© Copyright 2001-02
Sudanese Online
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de