|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
مبروك البنية يا بروف المعز... تتربى في العز وأكل الوز انشاء الله...
يا مجدي ...كل سنة وعلا طيبة وعقبال 100 شمعة أفراح ومسرة..
طارق عبده شخصيا... والله ده يوم الهنا...يا حلفا شوق عميان لمتعة النظر...ويا دوب البوست دخلوا الموثق الأكبر ...والراجل المواصل ..وبعرف مكان الزملاء كلهم...وهنيئا للمنبر بحلفا...
لا زلت |ذكر سؤال البروف القدير أستاذنا الجليل صالح يس لطارق عبده...why Halfonians look to other people as inferior to them ya Tariq..?? والله يا طارق كانت لنا أيام... وعليك الله لازم توثق لكل الأخوان وتوري الناس الويرأباوت بتاعت الناس كلهم بذاكرتك الحديدية..
حبة شمشرة:
يا جماعة الخير شايف البوست ده اتملأ بحبايبنا ناس مؤتمر الطلاب المستلقين... مجدي وطارق وفلان وفلان.. ونحن زمان ابينا نخش معاهم وزي ما قال فيهم الرائع دالي..(انتوا الطلاب المستلقين ديل استقلوا من شنو...؟؟ وبعد ما يتخرجوا..حيبقوا شنو...؟؟) ولفت ودارت الأيام والجماعة عملوا حزب المؤتمر(الأصلي)..مع بعض أساتذتنا الأجلاء...لكن دالي زي ما قال( والله زمان كنا بنتعب لحدي ما نقنع لينا شيوعي وللا كوز عشان يبقى جمهوري...حسع لقينا كوم المستقلين ده..بس نشيل ونخت...)... وين يا أخوانا حزب المؤتمر...؟؟ وحتعملوا شنو بعد ما الكيزان عملوا ليكم..(شفطوا مني بالنسبة للأسم وكده..)..
كتر خير يا بكري على اضافة طارق عبده محمد عبده داوود ..وعقبال صبري الأصولي وظافر وضحي وعناد..(تحياتي لتلك الأسرة العظيمة)
يا مجدي ورورنا المستقلين لسه مستقلين..وما تسالني انت مع شنو...
هوي يا المعز ود بادي جاييك..وقال لازم يعرف سر الجاذبية...وقال الرقم القياسي بتاعك هو دقيقة وثلاثة ثواني..
يا طارق أهديك:
أشريا أشريا أشريا..نظراتن أيي دوشفيا..أيكاي سكر أوصفيا أني أولتيك لأشريا
أبو سعوديا أومنا...ولا كويتيا اومنا..شنقلكبنكي أومنا..اني أولتيك أشريا
| |
 
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: د.علي الكوباني)
|
الاخ سوركتي
تحياتي والبيت بيتك...
ونشكر لك مداخلتك ونامل في المزيد...
وزي ماقلت الزمن ليس له حدود....
واسف للرد الذي اتي متاخرا لوعكه المت بي
والحمدلله خرجت للتو من المستشفي...
فارجو ان تقبل عذري...
والمصيبه في المستشفي بقلب في سودانيزاونلاين....
واصبحت غيور عليها لدرجه لايعلمها الا الله..
هل تعتبر هذه من حالات الادمان...
ام هي امل ومتنفس لنا جميعا...
والا ايه رائك يابكرى......
كوباني ياحزب البهجه.....
ابشرك الجماعه كلهم قدموا للتاشيرة.....
وان شاء الله جايين ...
بس يستلموا التاشيره...
اتعافي شويه واجيكم ....
ان كان في العمر بقيه.......
الرجاء الدعاء لي ولاهل بيتي...
واستغفر الله لي ولكم ....
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: د.علي الكوباني)
|
طارق عبدو شخشياً
والله يا مجدي تب ما قصرت
سلام يا طارق يا جميل
والله شوق رهيب
بعدين ألف سلامة ليك يا مجدي
وزي ما قال كوباني انت تعيا والعجايز الزيو شديدين يحمدوا ربهم 
..
ألف كفارة وسلامتك
..
ويا كوبا ما تشوف شر انت كمان وعيني باردة..
ما تجيك نزلة بت كلب كده بكرة تقول ده أنا ..
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
مجدي يبرى من الأذى وأنت كمان يا عزو...
وعلى أية حال عجايز ما عجايز..أريتنا بحالك يا معز..انت الزيك منو.. تسلم يا راقي...وتسلم أرقامك القياسية.. تحياتنا لك وليارا وجدية الحلوين..وأهديكم كلماتي مع الرائع ترباس:
أصلو الحلوين دايماً طيبين..هاشين باشين شايلين.. الريد في عيون سمحين
*****
ديل مكانهم فوق ما بطولوا الشوق ديمة أهل الذوق في المقام عالين
زي مسارب نور أو سنا البلور في الخيال بتدور والقلوب حابين
حارين راجين لي رضا الحلوين للوداد حافظين..
لك التحية يا شاعر الروائع...
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
فى عصر يوم من شهر مارس -ابريل على ما أذكر من عام 1980 وبعد احتكاك سياسى فى الصباح بين الطلاب فى المين وبالطابق الارضى من مستشفى الخرطوم القديمه جاء بعض الطلاب لزيارة زملائهم المصابين بالمستشفى ليحدث احتكاك ثان بين طالبين قُتل على إثره الطالب الغالى عبدالحكم من طلاب كلية الزراعه الاسلاميين والذى بدأ الاعتداء بضرب زميله من الشيوعيين (شحطه بسير أو سلك) فما كان من الأخير إلا أن أخرج مطواه وطعنه بها على قلبه (precordial stab)وتم نقل المصاب للطوارئ ومن ثم للمشرحه (مكان كوبانى السابق) ...الشئ الذى يحيرنى الآن أنه وأنا أقف على الركن الشمالى الشرقى لكلية الصيدله قبل صلاة المغرب شاهدت تجمعاً صامتاً كبيراً لا ادرى كيف تجمع افرادها من الاسلاميين من داخل وخارج الجامعه فى هذا الوقت الوجيز وكان يملأ الشارع (شارع القصر) على مد البصر ودخل لشارع الدكاترة حتى المشرحه للمطالبه بجثمان الطالب الغالى ....
الغريبه أنو فى ذلك الزمان مافى موبايلات ولا غيره!!!
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: sourketti)
|
Quote: أها،،نوأخوانك الهسة كيف؟؟؟؟؟؟؟؟؟
بوست بتاع جلاكين بس ولا شنو؟؟؟
|
بكرى بشير:
حقو نستولى على البوست دة
كلية الطب جامعة الخرطوم ...هى كل ما حدث معى فى السنوات السبع الماضية
الجغرافيا بايحاءاتها الجميلة...
قبة السير لى استاك يا بكرى
كتبت عنها هنا
وما يزال سقفها المستدير يتدلى على بشآبيب الشجن
- منو الجاب سيرة القباب؟؟؟
هذه القبة...نبتت تحتها ذكرياتى
ولم اكتب بعد عن مساطب الاسمنت قبالة اشجار المين
لم اكتب جيدا عن ميرى... وعشة
ولا عن جدنا فى المكان (سبستيان)
الرجل الذى يهرق خضرته اينما يذهب
.......
بكرى:
لم نكتب عن منتدى الهببباى
واربعاتنا انا وانت
عندما كنا نجلس فى منصة قاعة انيس
نعبث بعبقرية زهير الشعرية
ونصفق كثيرا جدا لتلك البنت الصغيرة التى نسيت اسمها
البنت التى تلف الطرحة وكانها تلف احزان العالم تحتها
وتقرأ الشعر بصوت خافت
- ومشاعر
وباشكلير...
باشكلير لم يفش غبينته فى الشعر بعد
............
يا سلاااااام على الذكريات
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: sourketti)
|
Quote: فى عصر يوم من شهر مارس -ابريل على ما أذكر من عام 1980 وبعد احتكاك سياسى فى الصباح بين الطلاب فى المين وبالطابق الارضى من مستشفى الخرطوم القديمه جاء بعض الطلاب لزيارة زملائهم المصابين بالمستشفى ليحدث احتكاك ثان بين طالبين قُتل على إثره الطالب الغالى عبدالحكم من طلاب كلية الزراعه الاسلاميين والذى بدأ الاعتداء بضرب زميله من الشيوعيين (شحطه بسير أو سلك) فما كان من الأخير إلا أن أخرج مطواه وطعنه بها على قلبه (precordial stab)وتم نقل المصاب للطوارئ ومن ثم للمشرحه (مكان كوبانى السابق) ...الشئ الذى يحيرنى الآن أنه وأنا أقف على الركن الشمالى الشرقى لكلية الصيدله قبل صلاة المغرب شاهدت تجمعاً صامتاً كبيراً لا ادرى كيف تجمع افرادها من الاسلاميين من داخل وخارج الجامعه فى هذا الوقت الوجيز وكان يملأ الشارع (شارع القصر) على مد البصر ودخل لشارع الدكاترة حتى المشرحه للمطالبه بجثمان الطالب الغالى ....
الغريبه أنو فى ذلك الزمان مافى موبايلات ولا غيره!!! |
الاخ سوركتي
تحياتي ....
السؤال ده بالذات نحولوا للاخ كوباني .....
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
منقة بس يا عزو ما شاء الله..ربنا يحفظها...
يا سوركتي...والله ذكرتنا يوم..كان عصيب... وكنا برالمة والجامعة في ذلك اليوم كانت مخيفة..وأنا والله خارجني ابن خالي العزيز حسن أحمد حسن (البطل)..ووقتها كان أحد امراء ألوية المجاهدين ، (قبل أن يذهب أمريكا ويترك الكيزان)...وبعد حصار في داخلية أربعات..بعد أن استجار بي أحد الأصدقاء الشيوعيين وقبلت جواره في غرفتي...والحمد لله كان قائد الكتيبة التي حاصرت الغرفة ابن خالي حسن..وقال لهم أنا أقبل جوار الكوباني لذلك الشخص..فنجونا..لكن وحاتك يا سوركتي الخوفة الدخلت فيني لليلة ما مرقت...
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الاخ كوباني
لك كل الود ولعزة السودان
شكرا لك لسؤالك عني
بخير انا والحمد لله
والله ما حالت ما اتزنقت
قلت ح يجبوني ليك تكشف علي 
كوباني لسه شايفك لسه ما سخنت
يعني المعز ده كلامو صاح والا شنو
لو ما صاح
نطالبكم بوصفكم قائد لحزب البهجه
بصرف الكوته كامله ولا للتخزين  
يعني اسع انا البوست لقيتو طاشى من الكليه
وقرب يحصل بيتكم في نمره اتنين
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الأخ مجدي تحياتي لك ولكل زملائك وكل المتداخلين والله يجازي محنك قدرت تطلع الناس دي من جحورها كيف ...
كنت ومازلت من المعجبين بشعر الأخ معز وتعرفت على الدكتور كوباني عن قرب وكلاهما فيه حس الشاعر ابن البلد ولا أريد أن أمدحهما وهم أهل لذلك ....
الدكتور كوباني كائن اجتماعي لا يعرف العيش دون الجماعة وإن أردت القضاء عليه فاعزله فهو لا يعرف أن يعيش إلا في جماعة يهم بهمها ويتألم بألمها ويفرح بفرحها ولنا معه من المواقف التي نستطيع أن نؤلف فيها كتب في إنسانيته ولكن ما استغربه كيف لطبيب شراح أن يكون شاعرا مرهفا والله الشيطان بتاعوا دة تركيبتو غريبة ، وبعدين يا كوباني شنو قصة المناديل بتاعة صاحبك دي ما عارفها ، بس من باب الشمار ليس إلا .... سلامي لكل أهل الإمارات وأخص النادي السوداني برأس الخيمة وأهله الطيبين ...
أما الأخ معز فليس بحاجة لكلمات أكتبها عنه ومنذ زمن بعيد تسللل إلى وجداننا رغم قناعتي بأنه حنكوش وإن قال غير ذلك أو فتح من البوستات ما ينفي ذلك فالحنكشة دي كما قيل state of mind وما بالضرورة يكون عندها مقاييس standards حنكوش كعمر بن أبي ربيعة في زمانه ولكن شاعر نحبه ونموت في شعره فالكلمة تنساب من شفتيه كنسمة رقيقة لا يترك لك خيارا إلا لتدخل لقلبك مباشرة وأجمل ما قرأت لك يا بروف معز رثاءك لوالدتك رحمة الله تغشاها والله لقد أبكيتني مرات ومرات ولوكنت شاعرا ما ظننت نفسي أكتب مثلها .....
أخي مجدي لدي طلب وأمنية فأما الطلب هو أن تعرجوا على كلية العلوم وأيامكم فيها ففيها قابلنا كل زملائنا الأطباء وهي محطة لابد منها للعبور لكلية الطب ، فأملي أن تكتب عن هذه الفترة التي نمتلك بعض تفاصيلها وسوف تظل أوراق ضغط نضغط بها في حينها ....
أما الأمنية أن أرى بعض المتداخلين من الأطباء ابناء دفعتي في بحري الحكومية مثل :
أسامة السنوسي
ياسر حامد إلياس
بيتروس أندرياس فاسيلي
محمد محمود ...
وغيرهم ممن لا أذكرهم الآن ...
عبد العظيم " دفعتهم" ، ظننت أنه عبد العظيم عبد الرحمن ولكن وجدت ملامحه مختلفة ويتكلم عن زمن طباشيري زامل فيه كوباني ومعز فهؤلاء من العهد الجوراسي ...
بنالتي :
كان الدكتور فتحي الربعة بكلية العلوم يمازح دائما طلابه من كلية الطب قائلا ، رجائي عندما تكبروا وتعملوا عيادات ، عندما نأتي إليكم خذوا ما تشتهون من أموال ولكن عالجونا بإخلاص ... أو هكذا حكاها من سمع الكلام منه مباشرة ...
ونحن نقول كما قال ونسحب كلمة خذوا ما تشتهون ...
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: انور الطيب)
|
Quote:
الأخ مجدي تحياتي لك ولكل زملائك وكل المتداخلين والله يجازي محنك قدرت تطلع الناس دي من جحورها كيف ...
كنت ومازلت من المعجبين بشعر الأخ معز وتعرفت على الدكتور كوباني عن قرب وكلاهما فيه حس الشاعر ابن البلد ولا أريد أن أمدحهما وهم أهل لذلك ....
الدكتور كوباني كائن اجتماعي لا يعرف العيش دون الجماعة وإن أردت القضاء عليه فاعزله فهو لا يعرف أن يعيش إلا في جماعة يهم بهمها ويتألم بألمها ويفرح بفرحها ولنا معه من المواقف التي نستطيع أن نؤلف فيها كتب في إنسانيته ولكن ما استغربه كيف لطبيب شراح أن يكون شاعرا مرهفا والله الشيطان بتاعوا دة تركيبتو غريبة ، وبعدين يا كوباني شنو قصة المناديل بتاعة صاحبك دي ما عارفها ، بس من باب الشمار ليس إلا .... سلامي لكل أهل الإمارات وأخص النادي السوداني برأس الخيمة وأهله الطيبين ...
أما الأخ معز فليس بحاجة لكلمات أكتبها عنه ومنذ زمن بعيد تسللل إلى وجداننا رغم قناعتي بأنه حنكوش وإن قال غير ذلك أو فتح من البوستات ما ينفي ذلك فالحنكشة دي كما قيل state of mind وما بالضرورة يكون عندها مقاييس standards حنكوش كعمر بن أبي ربيعة في زمانه ولكن شاعر نحبه ونموت في شعره فالكلمة تنساب من شفتيه كنسمة رقيقة لا يترك لك خيارا إلا لتدخل لقلبك مباشرة وأجمل ما قرأت لك يا بروف معز رثاءك لوالدتك رحمة الله تغشاها والله لقد أبكيتني مرات ومرات ولوكنت شاعرا ما ظننت نفسي أكتب مثلها .....
أخي مجدي لدي طلب وأمنية فأما الطلب هو أن تعرجوا على كلية العلوم وأيامكم فيها ففيها قابلنا كل زملائنا الأطباء وهي محطة لابد منها للعبور لكلية الطب ، فأملي أن تكتب عن هذه الفترة التي نمتلك بعض تفاصيلها وسوف تظل أوراق ضغط نضغط بها في حينها ....
أما الأمنية أن أرى بعض المتداخلين من الأطباء ابناء دفعتي في بحري الحكومية مثل :
أسامة السنوسي
ياسر حامد إلياس
بيتروس أندرياس فاسيلي
محمد محمود ...
وغيرهم ممن لا أذكرهم الآن ...
عبد العظيم " دفعتهم" ، ظننت أنه عبد العظيم عبد الرحمن ولكن وجدت ملامحه مختلفة ويتكلم عن زمن طباشيري زامل فيه كوباني ومعز فهؤلاء من العهد الجوراسي ...
بنالتي :
كان الدكتور فتحي الربعة بكلية العلوم يمازح دائما طلابه من كلية الطب قائلا ، رجائي عندما تكبروا وتعملوا عيادات ، عندما نأتي إليكم خذوا ما تشتهون من أموال ولكن عالجونا بإخلاص ... أو هكذا حكاها من سمع الكلام منه مباشرة ...
ونحن نقول كما قال ونسحب كلمة خذوا ما تشتهون ... |
شكرا ليك ياود الطيب
وطلباتك اوامر........
ومعها تحويل لعيادتي المعز وكوباني لاجراء اللازم
وبمناسبة المناسبة لك هذه الواقعه لي مع دكتور فتحي الربعه............
اذكر ونحن برالمه نحضر اخر محاضره لدكتور الربعه وكانت عن اسئله مراجعه TRUE OR FALSE ZOOLOGY وكان يقراء السؤال وعلينا ان
نختار الاجابه الصحيحهTRUE OR FALSE وتواصلت الاسئله وكانت عضم عديل والاجابه علي الهواء مباشره واذكر انه بدء في قراءة سؤال كان طويلا
وقبل ان يكمله قمت بالاجابه TRUE فضحك حتي كاد ان يقع وقال والله في ناس بباصو بالطريقه دي وضحكنا جميعا وكان ذلك اخر سؤال نادني
بعدها ومعي اربعه لنلز له الفلكسواجن العتيقه..... ...
والي لقاء ان كان في العمر بقيه............
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: ود محجوب)
|
الاخ ود محجوب
تحياتي
طلباتك اوامر...
وح اعمل مونتاج ...
واخراج...........
وممكن كمان نعمل ليك منهم صور باسبورت امريكي عدييييييييييييل
اي نعم ان كوباني كان ريئس جمعية التصوير...
لكن هل مازال يحتفظ بصور ....
فقد كانت ملك للجمعيه.........
الكلام ليك ياكوبا....
وبعدين ياودمحجوب ناس التصوير ديل بصوروا رسمي.....
وليست صور علي الطائر.
واكان مادفعت ليهم مقدما ما بصوروك حتي لو نطط....
ولا اظنك نسيت لستتهم وهم يبحثون عن المسجلين.
وانا كنت من اجل الذكرى ساكت.....
شائل كمرتي وحائم.........
اتحين الكرات الطائشه....
لاحرز لقطات علي السجيه وح تشوف......
ولك ودي
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: بكرى بشير:
حقو نستولى على البوست دة
كلية الطب جامعة الخرطوم ...هى كل ما حدث معى فى السنوات السبع الماضية
الجغرافيا بايحاءاتها الجميلة...
قبة السير لى استاك يا بكرى
كتبت عنها هنا
وما يزال سقفها المستدير يتدلى على بشآبيب الشجن
- منو الجاب سيرة القباب؟؟؟
هذه القبة...نبتت تحتها ذكرياتى
ولم اكتب بعد عن مساطب الاسمنت قبالة اشجار المين
لم اكتب جيدا عن ميرى... وعشة
ولا عن جدنا فى المكان (سبستيان)
الرجل الذى يهرق خضرته اينما يذهب
.......
بكرى:
لم نكتب عن منتدى الهببباى
واربعاتنا انا وانت
عندما كنا نجلس فى منصة قاعة انيس
نعبث بعبقرية زهير الشعرية
ونصفق كثيرا جدا لتلك البنت الصغيرة التى نسيت اسمها
البنت التى تلف الطرحة وكانها تلف احزان العالم تحتها
وتقرأ الشعر بصوت خافت
- ومشاعر
وباشكلير...
باشكلير لم يفش غبينته فى الشعر بعد
............
يا سلاااااام على الذكريات
|
ايزابيلا.........
لك التحيه ....
اين انت ..
وانت تحملين كل هذه الروعه من نقش الحروف الذهبيه...
التي تنسج كلمات ماسيه وجمل سحريه تشرق الشمس لاجلها...
اعذريني ان كنت حديث العهد بالمنبر...
اليوم فقط اكملت شهرا....
وبان هلاله باطلالتك هذه...
دلفت بسرعه علي بوستك القديم الجديد.....
فكنت قمة الروعه في نثر الحروف الجميله...
والكلمات المموسقه ....
والجمل التي تعطيك قمة الاحساس بانك في المكان ذاته ...
وفي زمانه ...
ياسرك عبقه وجماله....
حرام علي مثلك التوقف من نثر الفرح والجمال...
لا لا لا تبخلي وبني جيلك...
هذه حديقتكم ...
انثروا فيها ذكرياتكم ...
ارسموا فيها جميل لوحاتكم...
رتلوا فيها اهازيج انغامكم...
هنا او هناك فقط لنكن معا...
لنجمل هذا الكون باحرف ذهبيه وكلمات ماسيه..
لتشرق شمس الحريه....
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: : بكرى بشير:
حقو نستولى على البوست دة
كلية الطب جامعة الخرطوم ...هى كل ما حدث معى فى السنوات السبع الماضية
الجغرافيا بايحاءاتها الجميلة...
قبة السير لى استاك يا بكرى
كتبت عنها هنا
وما يزال سقفها المستدير يتدلى على بشآبيب الشجن
- منو الجاب سيرة القباب؟؟؟
هذه القبة...نبتت تحتها ذكرياتى
ولم اكتب بعد عن مساطب الاسمنت قبالة اشجار المين
لم اكتب جيدا عن ميرى... وعشة
ولا عن جدنا فى المكان (سبستيان)
الرجل الذى يهرق خضرته اينما يذهب
.......
بكرى:
لم نكتب عن منتدى الهببباى
واربعاتنا انا وانت
عندما كنا نجلس فى منصة قاعة انيس
نعبث بعبقرية زهير الشعرية
ونصفق كثيرا جدا لتلك البنت الصغيرة التى نسيت اسمها
البنت التى تلف الطرحة وكانها تلف احزان العالم تحتها
وتقرأ الشعر بصوت خافت
- ومشاعر
وباشكلير...
باشكلير لم يفش غبينته فى الشعر بعد
............
يا سلاااااام على الذكريات
|
ايزابيلا.........
لك التحيه ....
اين انت ..
وانت تحملين كل هذه الروعه من نقش الحروف الذهبيه...
التي تنسج كلمات ماسيه وجمل سحريه تشرق الشمس لاجلها...
اعذريني ان كنت حديث العهد بالمنبر...
اليوم فقط اكملت شهرا....
وبان هلاله باطلالتك هذه...
دلفت بسرعه علي بوستك القديم الجديد.....
فكنت قمة الروعه في نثر الحروف الجميله...
والكلمات المموسقه ....
والجمل التي تعطيك قمة الاحساس بانك في المكان ذاته ...
وفي زمانه ...
ياسرك عبقه وجماله....
حرام علي مثلك التوقف من نثر الفرح والجمال...
لا لا لا تبخلي وبني جيلك...
هذه حديقتكم ...
انثروا فيها ذكرياتكم ...
ارسموا فيها جميل لوحاتكم...
رتلوا فيها اهازيج انغامكم...
هنا او هناك فقط لنكن معا...
لنجمل هذا الكون باحرف ذهبيه وكلمات ماسيه..
لتشرق شمس الحريه...
.لك التحيه وفي انتظارك
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الدكتور مجدى
اشكرك جدا على وضع اللنك
- كتابتى عن المكان لم تنفد
وانا بنت مسكونة بالامكنة
- بالمناسبة
القوافل فى كلية الطب كانت واحة عظيمة
نتفيأ ظلالها ونتخير من البلاد اقصاها لنيمم انسانيتنا شطرها
اذكر اننى فى العام 2003 قمت بجمع عدد ضخم من الصور وصلت الى 500 صورة تقريبا...غطت الفترة منذ مطلع التسعينات وحتى عهدنا وقتها
كانت تتحدث عن القوافل والمناطق التى جالتها
والوجوه...وملامح الذين ذهبوا الى ربهم الاعلى
وكنا ندير اشرطة كاسيت مسجل فيها ما عرف ب(ادب القوافل)
حيث كنا نحرف الاغنيات ونؤلف الشعر
كانت النصوص شخوصا واسماءا ومواقف
النصوص لم تكن تكترث لحمولة التواريخ
وكنا نمثل المسرحيات فى مساءات الاصقاع البعيدة بعد كل يوم عمل مضنى
فى شواسع قفر بلا ماء ولا كهرباء
الا من شجوننا ورغبتنا فى المغامرة واستكشاف مواطن الالم فى بلادنا البعيدة
.............
شكلى حاعمل اسكاننق فى الغريب العاجل للصور دى
واهى فرصة للمقارنة بين زمنين
- انا مرابطة هنا بالمناسبة
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الي حبيب نورة ............
تحياتي............
اين انت ......
اننا نبحث عنك.....
لتخضر الصحاري.....
اخي فقط لا تتاخر...
حتي لايقتلنا العطش.........هذه القبة...نبتت تحتها ذكرياتى
Quote: العزيز
حبيب نورة
أدركت منذ زمن بعيد
أن الأمكنة التى سكنتها لزمن....
سكنتنى هى لأزمان
(وأن هؤلاء السحرة)
كانوا يأخذوننابهدوء مربك..ألى أرض السحر والحب....
والبهار
دائماأجد فيهم
تلك (اللسعة)التى أحسها
حين تمتلىء اللغة
بالحياة وبما هو أكثر من الحياة نفسها
كل سنة وانت كويس
ونورة برضو
|
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Dr. Moiz Bakhiet)
|
الاخ البروف ....
تحياتي.....
وشكرا لهذه اللقطه الرائعه....
طبعا انا عارفهم واحد واحد وانت برضوا ...
لذا لن اتدخل....
والبوست القادم ....
صور بس.................
يالله ياشباب ...
طبعا الصور لقافلة الابيض 1983....
المطلوب الاسماء واين هم الان...........
اتفقنا.........
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Dr. Moiz Bakhiet)
|
الاخ البروف ....
تحياتي.....
وشكرا لهذه اللقطه الرائعه....
طبعا انا عارفهم واحد واحد وانت برضوا ...
لذا لن اتدخل....
والبوست القادم ....
صور بس.................
يالله ياشباب ...
طبعا الصور لقافلة الابيض 1983....
المطلوب الاسماء واين هم الان...........
اتفقنا.........
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: د.علي الكوباني)
|
| Quote: يا سوركتي...والله ذكرتنا يوم..كان عصيب... وكنا برالمة والجامعة في ذلك اليوم كانت مخيفة..وأنا والله خارجني ابن خالي العزيز حسن أحمد حسن (البطل)..ووقتها كان أحد امراء ألوية المجاهدين ، (قبل أن يذهب أمريكا ويترك الكيزان)...وبعد حصار في داخلية أربعات..بعد أن استجار بي أحد الأصدقاء الشيوعيين وقبلت جواره في غرفتي...والحمد لله كان قائد الكتيبة التي حاصرت الغرفة ابن خالي حسن..وقال لهم أنا أقبل جوار الكوباني لذلك الشخص..فنجونا..لكن وحاتك يا سوركتي الخوفة الدخلت فيني لليلة ما مرقت |
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
| Quote: يا سوركتي...والله ذكرتنا يوم..كان عصيب... وكنا برالمة والجامعة في ذلك اليوم كانت مخيفة..وأنا والله خارجني ابن خالي العزيز حسن أحمد حسن (البطل)..ووقتها كان أحد امراء ألوية المجاهدين ، (قبل أن يذهب أمريكا ويترك الكيزان)...وبعد حصار في داخلية أربعات..بعد أن استجار بي أحد الأصدقاء الشيوعيين وقبلت جواره في غرفتي...والحمد لله كان قائد الكتيبة التي حاصرت الغرفة ابن خالي حسن..وقال لهم أنا أقبل جوار الكوباني لذلك الشخص..فنجونا..لكن وحاتك يا سوركتي الخوفة الدخلت فيني لليلة ما مرقت |
وينك ياكوباني ........
ان شاء الله عافيه.....
كلما امر علي هذا الكوت اضحك....
واتذكر واقعة كافتريا الكليه التي كنت بطلها ومعك احمدالمصري....
لما اخونا......واختنا...... واخرون دخلوا الكافتريا لضربي...
بسبب كريكاتيرات جبره والصحافه.......
واقارن بين هذه والكوت الفوق....
ما مصدق...
بتتذكر كم واحد اتعلق فيك...
غايتوا اناكنت مطشش...
لكن بتذكر بص الحاج يوسف مليان فوق وتحت ..
عز الضهر. ..
والنتره النترتها لو ماالاجاويد كنت اليوم داك حررت القدس
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
ياأنور يا جميل..وين انت ..؟؟ والله شوق شديد ورأس الخيمة كلها بتسأل عنك يا أستاذ يا راقي... والله نحن الغنا ده ذاتو الودانا المشرحة..لأنو العيانين هناك ما بنقوا ولا بتكلموا كتير...
والله يا مجدي من ما نشرت الصور دي عرفت أنو فعلاً نحن من عصر الجوراسيك..كان ما الجليدي الأول..يا أخي ده صور من زمن الشارلستون..والقمصان الضيقة..وتحرمني منك كمان..
غايتو يا أنور شكيتك علي الله..انا تختني مع معز عمر بخيت في عصر واحد...؟؟ وناس معز ديل أول من دخلوا الخلط الجزيئي والخلط السريع والخلط المركب...ونحن وقتها لم نشب عن الطوق بعد..ونادرا ما كنا نفارق السفرة...حتى قال فينا رئيس هيئة حلمنتيش العليا... (إن البرالمة إذا طلعوا على السلالم هزهزوها ..وإذا نزلوا فعلى السفر السلام...) ام ناس معز زي ما قال أنور كانت بهم حنكشه تثير الإعجاب فكانت لهم الأرقام القياسية...
يا سلام يا أنور على كلية العلوم...بروف الربعة ..بروف احمد عبد المجيد..بروف محمد الأمين..بروف إقبال..وبروف خان..ودكتور قطر حنفي...من ينسى أولئك العمالقة...
لا زلت أحفظ شيت الربعة عن ظهر قلب ..كوردايتس آر بايلاترالي سيمتريكال ..متاميركالي سقمنتد....وللا شنو يا طارق عبده
يا سلام بروف أحمد بالآفرو..ولمن يسطح بيك محمد الأمين وتخاف من إقبال..ولا تنسى البرابولا والهايبرابولا بتاعت عمك قطر حنفي...وبعدها ما خلينا قعونجة حايمة ولا صرصار...
لكن يا أنور أنت اظنك برضك من عصرنا بتاع الجوراسيك..لأنو شايف الرأس انصلع...وتكون يا صاحبي قضيت ليك كم سنة شغال قبل الجامعة...وخبرات وكده... لأنو المعز بالنسبة ليك ذي الشافع الجابو في ردو داك... ومعز ياأخوي ما من ناس جهوله أم سكاسك السبسبتو رأسك...ليمونجيل كريمك وفاوندايشن أساسك.. وحاة الله سيدي طبيعي وأصلي..وبعدين عبد العظيم ما دفعتنا وكان ورانا بسنتين...لكن عظمة كان فردة ماسكة نار..
يا ود محجوب رغم أني كنت رئيس جمعية التصوير ..لكن والله الصور ما عندي وكانت عهدة..وزي ما قال مجدي كنا بنبيعها بالحبة..والغريبة مرات الواحد بشتري الصورة..لمن يكون جنبو زول حلو..ومرات ما يشتري الصورة بتاعتو..ويقول ليك (طلعتوني شين...!!)..وطوالي بنقول ليهو مقولة المصور المصري للسوداني الذي أبدى امتعاض شديد من صورته..واعلن احتجاجه وأدانتو للتصوير الفرعوني..فقال له المصري.. يا بني الكاميرا دي آلة...تحط إرد...حيطلع إرد....!!)
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: د.علي الكوباني)
|
الاخ كوباني ........
تحياتي........
شايفك قمت بالترس الخلفي.....
لمن انور سحب صورتو من البروفايل
كدي جرب قوم بنمره اتنين النشوف المعز بيعمل شنو
حاشيه
ود محجوب ماقلت ليك الصور العند كوباني عهده..........
شفت الامانه دي كيف............
المتلك قليل ياكوباني...........
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: ياأنور يا جميل..وين انت ..؟؟ والله شوق شديد ورأس الخيمة كلها بتسأل عنك يا أستاذ يا راقي... والله نحن الغنا ده ذاتو الودانا المشرحة..لأنو العيانين هناك ما بنقوا ولا بتكلموا كتير...
والله يا مجدي من ما نشرت الصور دي عرفت أنو فعلاً نحن من عصر الجوراسيك..كان ما الجليدي الأول..يا أخي ده صور من زمن الشارلستون..والقمصان الضيقة..وتحرمني منك كمان..
غايتو يا أنور شكيتك علي الله..انا تختني مع معز عمر بخيت في عصر واحد...؟؟ وناس معز ديل أول من دخلوا الخلط الجزيئي والخلط السريع والخلط المركب...ونحن وقتها لم نشب عن الطوق بعد..ونادرا ما كنا نفارق السفرة...حتى قال فينا رئيس هيئة حلمنتيش العليا... (إن البرالمة إذا طلعوا على السلالم هزهزوها ..وإذا نزلوا فعلى السفر السلام...) ام ناس معز زي ما قال أنور كانت بهم حنكشه تثير الإعجاب فكانت لهم الأرقام القياسية...
يا سلام يا أنور على كلية العلوم...بروف الربعة ..بروف احمد عبد المجيد..بروف محمد الأمين..بروف إقبال..وبروف خان..ودكتور قطر حنفي...من ينسى أولئك العمالقة...
لا زلت أحفظ شيت الربعة عن ظهر قلب ..كوردايتس آر بايلاترالي سيمتريكال ..متاميركالي سقمنتد....وللا شنو يا طارق عبده
يا سلام بروف أحمد بالآفرو..ولمن يسطح بيك محمد الأمين وتخاف من إقبال..ولا تنسى البرابولا والهايبرابولا بتاعت عمك قطر حنفي...وبعدها ما خلينا قعونجة حايمة ولا صرصار...
لكن يا أنور أنت اظنك برضك من عصرنا بتاع الجوراسيك..لأنو شايف الرأس انصلع...وتكون يا صاحبي قضيت ليك كم سنة شغال قبل الجامعة...وخبرات وكده... لأنو المعز بالنسبة ليك ذي الشافع الجابو في ردو داك... ومعز ياأخوي ما من ناس جهوله أم سكاسك السبسبتو رأسك...ليمونجيل كريمك وفاوندايشن أساسك.. وحاة الله سيدي طبيعي وأصلي..وبعدين عبد العظيم ما دفعتنا وكان ورانا بسنتين...لكن عظمة كان فردة ماسكة نار..
يا ود محجوب رغم أني كنت رئيس جمعية التصوير ..لكن والله الصور ما عندي وكانت عهدة..وزي ما قال مجدي كنا بنبيعها بالحبة..والغريبة مرات الواحد بشتري الصورة..لمن يكون جنبو زول حلو..ومرات ما يشتري الصورة بتاعتو..ويقول ليك (طلعتوني شين...!!)..وطوالي بنقول ليهو مقولة المصور المصري للسوداني الذي أبدى امتعاض شديد من صورته..واعلن احتجاجه وأدانتو للتصوير الفرعوني..فقال له المصري..يا بني الكاميرا دي آلة...تحط إرد...حيطلع إرد....!!) |
الحق ياكوباني انور سحب صورتو من البروفايل
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: يا ود محجوب رغم أني كنت رئيس جمعية التصوير ..لكن والله الصور ما عندي وكانت عهدة..وزي ما قال مجدي كنا بنبيعها بالحبة..والغريبة مرات الواحد بشتري الصورة..لمن يكون جنبو زول حلو..ومرات ما يشتري الصورة بتاعتو..ويقول ليك (طلعتوني شين...!!)..وطوالي بنقول ليهو مقولة المصور المصري للسوداني الذي أبدى امتعاض شديد من صورته..واعلن احتجاجه وأدانتو للتصوير الفرعوني..فقال له المصري..يا بني الكاميرا دي آلة...تحط إرد...حيطلع إرد....!!)
|
ههههههههههههههههههههههههههها
((ابتسم تطلع الصورة احلى.))
يا مجدى انت صدقت كوبانى كان ببيع لينا الصور نحن .
والعهدة العندو وزعها للجنس الاخر.
تذكر يا كوبانى لما نتلم ونركب الكومر وتبدأ أغنية
((حجر الظلط مين بقيسو))
أو تذكر حفلة الزواج التى دعونا لها فى بارا واحياها الفنان الرائع عبد الرحمن عبد الله فى ليلة مقمرة.
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: ود محجوب)
|
الأخ كوباني ، تحياتي الحارة والله الواحد بعيش في جو تاني لما يقرا ليك والله يسمع ليك يا راجل يا رائع ..... وضحكتني بشيت الربعة دي وفي الدفعة القدام القدامنا ، دي دفعة ناس مجدي ، كان في مصريين وكان قدامهم مصري شاطر شوية وكان مقدد شيت الربعة دي وانت عارف المصريين يعجبوك ناس كسر ساكت ... المهم الشيت عقدتهم ومشو لصاحبهم ينجدهم وقال ليهم مافي أي مشكلة أي كلمة صعبة في الشيت دي بس ختو لي تحتها خط والجماعة ما صدقوا وقاموا خلو ليك الشيت دي كلها خطوط ورجعوا لصاحبهم .. اها صاحبهم دة ياكوباني شاف الخطوط وقال ليهم والله الكلمات دي كلها ما عارفها لكن والله أنا is وو was دي ماكنت بخط تحتها حاجة ...
الأخ مجدي والله سحب الصورة دي تكون مؤامرة من بكري وأنا نهائي ما سحبت صورة ومن هذا المنبر الحر أتقدم بشكوى ضد صاحب المنبر بكري أبوبكر وبعدين الصورة بتاعتي دي كانت وجيهة ومافي صلعة ولا غضروف يعني نظيفة والحمد لله وما حا أخلي بكري والله ممكن يكون هاكر كمان دي مصيبة تانية ...
والله اقول ليكم كونوا لجنة عشان الموضوع دة عشان يضيع برضوا
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
بالحيل يا ود محجوب...ودايما بقول بارا ما بتتعوض...وكلما ألاقي الدريري الجراح..وللا مبارك عووضة..تترى تلك الأيام الجميلة الحاضرة...
يا خوي البنات الحلوات كانت قروشهم حاضرة ...أما أنتو الكنتو مقحطين..(والواحد جزمتو أكبر منو..) من مشي الكداري... كدي أسأل أخونا وحبيبنا خالد محمد أحمد الكان معانا في اللجنة..وهو أمريكا... لكن أحمد خليل الفلسطيني كان عندو جمعية تصوير براهو...وعندو لقطات الخلط الناعم في الريسيس والكافتيريا من زمان.. وحاتك الزووم الكان عندو لو باعونا نحن والجمعية ما بنجيبوا...
يا مجدي ما تعمل لينا طريقة نعرف بها أولاد الطب ديل مشوا وين...لسه في غياهب السعودية وللا ناطحات امريكا...وللا العرجة لي مراحها...؟؟
لكن يا معز صورتكم بتاعت مكتب الرابطة...ما صورة..!!زي البيه وبزيد عليه..
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: د.علي الكوباني)
|
Quote: بالحيل يا ود محجوب...ودايما بقول بارا ما بتتعوض...وكلما ألاقي الدريري الجراح..وللا مبارك عووضة..تترى تلك الأيام الجميلة الحاضرة...
يا خوي البنات الحلوات كانت قروشهم حاضرة ...أما أنتو الكنتو مقحطين..(والواحد جزمتو أكبر منو..) من مشي الكداري... كدي أسأل أخونا وحبيبنا خالد محمد أحمد الكان معانا في اللجنة..وهو أمريكا... لكن أحمد خليل الفلسطيني كان عندو جمعية تصوير براهو...وعندو لقطات الخلط الناعم في الريسيس والكافتيريا من زمان.. وحاتك الزووم الكان عندو لو باعونا نحن والجمعية ما بنجيبوا...
|
بس انت قاعد قاعد لى شيل الحال . طيب وين النجاتيف . برضو سلمتو فى العهدة للدورة التالية.
اها الجماعة ديل وين يا كوبانى
برضو بارا
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
يا ود محجوب شكيتك على الله.. الصورة دي نكتها من وين... والله عظمة كان زي باقي الضلع...والله أنا ما عرفت روحي اذا في الصورة دي وللا لأ.. . بس خرسي لن تمحي من الذاكرة..هناك حيث نار القرآن الذي ظلت متقدة منذ قرون طويلة...تلك البقعة المدفون فيها ألف من حفظة القرآن الكريم... خرسي مركز التجانية الأشم... يا سلام يا ود محجوب ..لقطة حلوة..
يا أنور يا أخي أولاد كومبوني كانوا مسطحين في شيت الربعة تقول لي المصريين....؟؟ نحن كان معانا عشرة..كلهم دقوا الدلجة..ورجعوا مصر بسرعة المجري بتاع اسوان...ما عدا أحمد (الفلسطيني..المصري..السوداني ..السعودي)...وهو كان نعم الأخ والصديق..وسكنا مع بعض في حسيب ولم نتفارق إلى أن تخرجنا..فتفرقت بيننا السبل..وهو الآن من كبار الجراحين في السعودية..فله مني التحية أينما ما حل..
يا أنور مجدي ده أظنو ما شافك وأنت في الخليج...زي البيه وبزيد عليه.. والله صورتك حاشا ما بتندس..يا راقي..
يا عظمة..الصورة بتاعت خرسي دي دايرة ليها دراسة نفسية...أنوركسيا نيرفوسا...وللا شنو..؟؟
يا أخوانا طارق عبده وين...فين انت طارق...؟؟ ما شايف السودانيين دول عاملين ايه في البوست..؟؟
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: د.علي الكوباني)
|
كوبانى أزيك : بالله دا أنا الظاهر فى الصورة دى . والله فعلآ الواحد زمان كان مبشتن بشتنة شديدة .
ود محجوب شكرآ على نشر هذه الفضائح .
مجدى وين يازول قالوا الأيام دى حايم عندنا .حاولت أتصل بيك الليلة لكن تلفونك صامت.
لكم التحية جميعآ على هذه الذكريات اللذيذة وإنشاء الله بيجكم صادى ببعض الصور .
عبدالعظيم .
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Dr Abdelazim Abdelrahman)
|
Quote: كوبانى أزيك : بالله دا أنا الظاهر فى الصورة دى . والله فعلآ الواحد زمان كان مبشتن بشتنة شديدة .
ود محجوب شكرآ على نشر هذه الفضائح .
مجدى وين يازول قالوا الأيام دى حايم عندنا .حاولت أتصل بيك الليلة لكن تلفونك صامت.
لكم التحية جميعآ على هذه الذكريات اللذيذة وإنشاء الله بيجكم صادى ببعض الصور .
عبدالعظيم . |
الاخ عضمه تحياتي
اولا انا ماجيت حايم عندكم انا جيت لراحه والاستحمام زي مبقول ابوعاج..
ثانيا اتصلت بك عدة مرات وعامل اضان الحامل طرشا...
ثالثا لم تتصل ودي بحولها لي كوباني لتسجيلها وعمل اللازم كوباني واحد ما جاك وقال ليك انا جيت بيكون عندو شنو اضف لذلك عندو باكغراوند هسترى بتاع انوركسيا نيرفوسا??
اشكر الاخ المعز وهانئ وشكر خاص للاخ محمد حسين كسلا كما يحلو لي تسميته للمكالمه الطويل الحلوة بذكريات قافلة الابيض حيث كان كرم اهله الفياض حاضرا وخصة شوالات الرغيف التي مونوا بها القافله وارجو من الاخ بكري سرعه ضمه ليحكي لنا ايضا...
الشكر موصول الغالي اسامه ود محيي الدين لاتصاله من امريكا مستفسرا عن صحتي وعامة الاحوال...
ساعود غدا باذن الله لايرلندا وهذا المداخله فرضت علي من الاخ عضمه وزي ماقال الاخ طارق عبدو انا ما عارف ناس عضمه بيعالجو والا بيزدوا في الزباين وانا اضيف انا بقيت خائف عليهم يكنوا زباين....
الي ان نلتقي استغفر الله لي ولكم واسال الله عاجل الشفاء للاخ عضمه وياهانئ عليك الله خلي بالك منو والرسول وصي بسابع جار...
والي لقاء ان كان في العمر بقيه...
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
اهواك وهوايا يهوي هواك
ياقلب مالك والهوي
مالك ياقلب تهوى العذاب
اهواك كلمه
اعشقك جمله
ارتل في صباحاتك كلام
اغنيك لحنا
اهديك قلبا
يامعسولة العينين
وانا لم اراك
راءك قلبي
غناك شعري
ليتني ادري
انت حقيقه ام سراب
ياقلب قف
لاترتجف
ادري هواك
ادري مناك
لكن
اتدري حقيقة هو ام سراب
اهواك بدرا
اهواك لحنا
اهواك نغما
واهواك قصيده
ليتني ادري هواك
حقيقة هو ام سراب
ياقلبي مالك والهوي
ياقلبي مالك والعذاب
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: الطيب شيقوق)
|
جاييكم بي مهله,,,,
اولا كوجنتين بي 6
مارا صاد
اصلب العناصر.. مجدي ما تحكيها....
ولا احكيها انا بمناسبة الكاريكاتيرات...
والبت التي لم تطر عصافيرها الا وحملتني معها عصفورا اخرا... ( المحاره التي كتبت في القبه...)
كدا بس اروق!!!!!!!!!!!!!!
التحايا لكل الجميلين
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: ibrahim kojan)
|
Quote: جاييكم بي مهله,,,,
اولا كوجنتين بي 6
مارا صاد
اصلب العناصر.. مجدي ما تحكيها....
ولا احكيها انا بمناسبة الكاريكاتيرات...
والبت التي لم تطر عصافيرها الا وحملتني معها عصفورا اخرا... ( المحاره التي كتبت في القبه...)
كدا بس اروق!!!!!!!!!!!!!!
التحايا لكل الجميلين |
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: جاييكم بي مهله,,,,
اولا كوجنتين بي 6
مارا صاد
اصلب العناصر.. مجدي ما تحكيها....
ولا احكيها انا بمناسبة الكاريكاتيرات...
والبت التي لم تطر عصافيرها الا وحملتني معها عصفورا اخرا... ( المحاره التي كتبت في القبه...)
كدا بس اروق!!!!!!!!!!!!!!
التحايا لكل الجميلين |
الشريف ابراهيم
اولا قول بسم الله
وادخل برجلك اليمين
ونزل شنطتك الما بتفارقك دى من ضهرك
وبعد داك ادخل.
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: ود محجوب)
|
كوجان
ذاك الفتي ذو القلب الناصع البياض
رائع روعة اهلنا الطيبين
ذو انامل ذهبيه وخيال متدق وبديهة حاضره في كل زمان ومكان
لوحاته تحكي الكثير المثير الخطر
في بعضها صمت الكلام
يرسم الشخوص فتبين اجمل من صور سوني وسامسونج
الحانه وانغامه من المدرسه الكوجانيه النادره
المسرح يعشقه حتي الثماله
ويموت في بتهوفن وكل افراد المدارس الكلاسيكيه
ذو ذبذبات متكوجنه يحب الادب القديم الجديد العتيق
يحمل في ظهره كل املاكه
ومعها قلب يسع الجميع
ان حادثته اجاد
وان صمت فحينها تحتاج الي مكتبات...!
لم يدع لكل هذه الملكات ان تلهيه عن عشقه للقلب
فهو تفوق ايضا في طب وجراحة القلوب
انه كوجان الانسان الفنان البسيط
بساطة اهلنا الطيبين
مرحبا كوجان
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الاخ طارق احمد عبد الحفيظ..
هو صاحب الصوره المشار اليها...
المكان سكن القافله.....
الحمام ياطارق بالجردل من موية البرميل....
وكان وقتها السكرتير العام للرابطه....
ويظهر في الصوره ايضا...
هشام الفلسطيني الرجل النابغه....
والمدينا ضهره هو الاخ عبدالباسط السيد
وهو جراح الان واستاذ في جامعة الخرطوم
واشتهر في برنامج جنة الاطفال ...لاياعزوز
وفي الكليه قام بتلحين وعزف معظم اغاني الكورال ....
التحيه لهم جميعا
وكلهم ماشاء الله جراحين........
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: أخونا دكتور مجدي
تحية طيبة
لميتك في ودبادي تب وأرسلت لك تلفونه وقبل شوية كنت بتكلم معاه وشجعته انه يسجل في المنتدى
وهو يسلم عليك وسيدخل اليوم على هذا البوست إن شاء الله
لاني شوقته وذكرت بعض الأشياء التي ضحكتني فيه منها قوله "الجنى دا من نجضنا تب "
|
اخونا ود بادي........
سلام...........
طال الانتظار لضؤ القمر....
وريحة الدعاش والهمبريب...
ونزول المطر................
القهوه جاهزه والجنون راجينك !!
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: : أخونا دكتور مجدي
تحية طيبة
لميتك في ودبادي تب وأرسلت لك تلفونه وقبل شوية كنت بتكلم معاه وشجعته انه يسجل في المنتدى
وهو يسلم عليك وسيدخل اليوم على هذا البوست إن شاء الله
لاني شوقته وذكرت بعض الأشياء التي ضحكتني فيه منها قوله "الجنى دا من نجضنا تب "
|
اخونا ود بادي........
سلام...........
طال الانتظار لضؤ القمر....
وريحة الدعاش والهمبريب...
ونزول المطر................
القهوه جاهزه والجنون راجينك !!
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
Quote: زميل مهنتي
د.مجدي
لي عظيم الشرف بالتعرف عليك عبر هذا البوست... والذي سوف ينكاء جروحا وذكريات...كنا نحسب...أنها سوف تندمل...وترتعد وصالنا من ذكراها... ويقلق مضجعنا مجرد التفكير في محاولة نسيانها...لهذا بقي من بقي منا داخل الوطن بكل صدق ووطنيه قابضيين علي جمرة من نار.... والبعض الآخر آثر وإختار الإبنعاد والهجرة والبعد عن الوطن بعقل واع...وضميرمرتاح... ولعمري كان تصرف كلاهما.....ضرب جديد في الوطنيه
رغم حزننا العميق والذي سوف يطول...سوف أتوكل... وأنا متوكل دائما بحول الله في الولوج في هذا البوست... والذي بالتأكيد سوف يقلق مضجعي وإخوتي من مثلك والذي بعثرنا في كل وادي...فأصبحنا ذي مابيقول حميد
ذي الحي ومكفن.......الله يسامحك ويغفر ليك ياد.مجدي.... مالك علي
يا قلب
أناكت قايلك تبت من تعب السفر
ومن مخاواة القماري....ومن شراب موية المطر
ياقلب مالك علي
ما إنت عارف نقطة الضعف القديمه
جاي تسألني الدباره....
ياقلب مافيش دباره
الله يسامحك ويغفر ليك ويغفر لينا ياد.مجدي
لقد تحجرت مقلتي الآن واغرورقتا بالدموع....وأنا رجل عصي الدمع
أحذرك ياد.مجدي من هذا البوست الذي فتحته...وإلا... إحضر كفنك معاك...
فلاحياة بعد هذا البوست إذا أصررت عليه...إستغفرك اللهم من كل ذنب وأتوب إليك
بإسم الله الوحد الأحد
ياد.مجدي
بادي ذي بدء
سوف أنادي وأصيح... لأخي... وزميل غرفتي.... ورفيق دربي... أخي الذي لم تلده أمي....دفعتي... د.عمر محمودخالد.... الشاعر القدير....
اه شفت... أنا جايب معاي شنو...راجمه وكاسحة ألغام...مش حذرتك... وقلت ليك سوف تكون حرب لاهوادة فيها
ماذا تريد منا أن نحدثك ونوثقك لك?
أتريدأن نحدثك عن جلسات الإجتماع والتي بدأناها بعد أن أقنعنا بروف دأوؤد بذلك...وكيف كانت ليالينا مع الأدباء
محمد أحمد محجوب...والأستاذ الهادي آدم...وعمك حدباي
كيف أعدنا كأس الجامعه لكرة القدم بعد عشرين سنة عجاف...ضد مازدا(الآداب) وقرين شطه(الهندسه
كيف أغلقنا الجامعة سبع مرات خلال سته سنوات في محاولة لقلب نظام نميري
أحداث شعبان...واليوبيل الفضي لكلية الطب...كم عجمت عودنا هذه الأحداث الجسام وقوت نضالنا إلي يومنا هذا...لتعلمنا.... ما هو الوطن..... وماهي المنافي....ذي ما بيقول حبيبنا وزميل نضالنا الراحل المقيم... أصيل الدواخل الأستاذ الخاتم عدلان
والتي أدت في النهاية إلي إنتفاضة إبريل وألتي كان لنا نحن الأطباء شرف أن نكون حداة ركبها في صفها الأمامي...مات منامن قضي نحبه وبقي منا...من بقي...وما بدلو تبديلا
يا مجدي مالك علي
أعفيني يامجدي لقد إنسكب دمعي
يا دمعي ...ال إشتت...وغلب اللقاط
دعني أنام...أنا ذي مابيقول صديقي وأخي الآخر د.عمر عباس... أنا سهر النهار ده مابقدر عليه ولهذه قصة ظريفة طريفه سوف نحكيها إن أمد الله في عمرنا بعدهذا البوست
ومن الشوق والوصل رسول بيننا
أخوك د.متوكل محمود
لوس أنجلوس (المنافي) |
اخي متوكل
سلام...........
وين انت...............[
اشتقنا ليك.........
وفي انتظارك.........
........./B]
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
سلام يا شباب جيناكم صادين .
الأعزاء على كوبانى وطارق عبده : أخونا مجدى إسحاق مرسل ليكم وصية من السودان قال ليكم هو لاحظ إنو
خاتين single فى البروفايل بتاعكم وقد حاولت إقناع مجدى بأن هذه غلطة بريئة ولكنه شكك فى
نواياكم وقال دى بوهية عاملينها لزوم الصغرة والتشبب وهو مصر أن يصعد هذا الأمر إلى الجهات العليا
فى الأمارات وبريطانيا {عارفين طبعآ الجهات العليا ديل منو}. غايتو شيلو شيلتكم.
واللهم لقد بلغت.
المهم حصلوا صلحوا البروفايل سريع قبال خراب سوبا .
عبدالعظيم.
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Dr Abdelazim Abdelrahman)
|
Quote: سلام يا شباب جيناكم صادين .
الأعزاء على كوبانى وطارق عبده : أخونا مجدى إسحاق مرسل ليكم وصية من السودان قال ليكم هو لاحظ إنو
خاتين single فى البروفايل بتاعكم وقد حاولت إقناع مجدى بأن هذه غلطة بريئة ولكنه شكك فى
نواياكم وقال دى بوهية عاملينها لزوم الصغرة والتشبب وهو مصر أن يصعد هذا الأمر إلى الجهات العليا
فى الأمارات وبريطانيا {عارفين طبعآ الجهات العليا ديل منو}. غايتو شيلو شيلتكم.
واللهم لقد بلغت.
المهم حصلوا صلحوا البروفايل سريع قبال خراب سوبا .
عبدالعظيم. |
ياهانئ الزول ده ما وصيتك عليهو........
كوباني ياخوي ما تحصلوا الزول ده بقي زبوووووووووووون عديل ...
| |
|
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
[QUOTE]لاخ كوباني
لك تحياتي ...
لقد كانت لك صولات وجولات في الكليه مشهود لها وخاصة المناظرة السنويه بين ناس الباطنيه والجراحه...وقد كنت ركن اساسي في القوافل العلاجيه التي جابت جميع انحاء السودن ومعك اخيك الاصغر الصادق وكان العود والاغنيه الشهيره حبيبتي التي لازلنا نغنيها كلما تذكرنا تلك الاياموكان هذا جيل التمانينات فهل سطرت لنا تلك الايام وبالمناسبه لا يذكر علي الكوبني والا ذكر احمد المصري خفيف الدم مزيل الدبرسه فاين هو كما سمعت ومل جابو لي ان بروف جراح في جده الا زال هناك تحياتي يااحمد يامصري....القائمة تطول وسيب الجفاء ياودالقرشي واطلق لقلمك العنان ليسكب مداده تاريخا مدي الايام لاتنسي اركان النقاش ومؤتمر الطلاب المستقلين...اين انت ياالصائم وماذا فعل بك الدهر واخونا فتحي عبدالله اخصائي الطب النفسي هنا في ايرلندا...وين امال جبرالله وكمال عباس والنذير والبيلي ومحي الدين الدقوني وطارق عبدالفيظ والريس عبدالباقي احمدعبدالباقي يجاهدون العلم والمعرفه هنا في ايرلندا وحليمو ابوقاسم هنا ايضا وتنتابهم مبين الحين والاخر ذكريات الماضي فيسهبون في السرد حتي يسخن التليفون الاسماء كثيره هنا قابضين علي جمر الغربه والاغتراب....اين العندليب اماني قنديل وهند عمر النور واخيها هشام الفيلسوف عميق الفكر واين منال جبريل...والكثيرون منهم في اوربا والاكثريه في امريكا يربط بينهم حب السودان والوطنيه الصادقه ..والتحيه موصوله لنادر خوجلي وهو في بلده عسي ان نسمع منكم قريبا وياخي متوكل نعم انه بوست مثير خطر وياحبيبة عمري كلية الطب تفشي الخبر فلقد صدق حدثك ان هذا البوست تاريخ للسودان اذا سلك الطريق الي التوثيق والتحيه للاستاذ الدكتور الجزولي دفعالله بصفته اول ريئس وزراء في عهد الانتفاضه وتعظيم سلام للمشير سوار الذهب والاخ القوي عثمان عبدالله مد الله في عمرهم جميعا ومتعهم بالصحه والعافيه وكذا الحل لصاحب المبضع الفنان مستر شاكر زين السودان والعابدين والسماء كثيره كالنجوم التي تنير لك ظلمة الليل وتهديك الي طريق الصحيح....
ولازلنا ننتظر اسهامتكم جميعا في هذا هو التريخ وتقدمت كل الامم باحترامها لتاريخها دراسة وتوثيقا مهما كان قدره فهل فعلنا نحن..[/QUOTE]
| |
|
|
|
|
|
|
|
|
 Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
الاخوه الاعزاء....
ايه الركلسه دي.....
اوعا تكون فورة ملح اندروس ياكوباني....
وياخونا البروف انت سيد العارفين ....
ان تدوين تاريخ الكليه او اي تاريخ امه يقود الي نهضتها...
ناس عضمه وكوجان الواحد يمد راسو....
ويقول ليك بجيك صاد....
والصاد حرف من حروف اللغه العربيه....
وبالعاميه يعني سارجع لكم.....
ويادي عوده....
انه التاريخ لابد ان نوثقه ....
والا سوف لن يرحمنا ...
وساواصل انا كما بداءت....
لكن لابد من تدوين ذكرياتكم للاجيال القادمه...
وعادة ازدحام انيس ايام الامتحانات هنا لامكان لها....
خلونا نواصل كما بداءنا....
وحرف حرف نسجل ذكرياتنا....
الاخ بكري لازال عدد من اخوانا في انتظار التاشيره...
لعل المانع خير.........
ونلتقي ان كان في العمر بقيه
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
مجدي صباح الخير..
محارات الحزن تتفتح .. فتخرج لنا تلك الاحشيه المتقرحه .. المحفوظه في جرار زجاجيه في تلك القبه الضخمه....
كنت اخافها .. اخافها كثيرا.. واتساءل من اين اتوا بكل هؤلاء..؟؟
وما كل هذا .. المرض؟؟
حتي اتت تلك البنت التي تتمدد في عروقي نهرا من الانبهار ... و..
سألتني .. بعض أسئله طبيه .. تحسست بقايا عظامي وهي .. كثيره..
صوتها كان نجوالا بين أناشيد الريح والريح الاخري ...
لونها كان الاستواء ... القهوه في سكينتها..
ضحكتها قافله من الاستقامه .. الفرح ... والاشتهاء ...
فاجأتني بصباحاتها..
(طارق حسن) ...
يتساءل ماذا قلت ...
لم أقل شيئا.. فقط اتعبد في صمت لونها المدهش بإنعكاسات شمس تلك القبه التي أخافها وتخافني...
ربما كانت تلك الامسيه ..
ربما جهلي وقتذاك .. بسحر المساءات ...
ربما كان صوتك الازيز...
وتراتيله... المرعبه ...
ربما ... التراتيل..
المساءات..
الازيز...
ربما أثر البن... في صوتي .... قال (طارق)..
ربما كان خوفي من ان تكون رئتي محفوظه في إحدي الجرار يوما ..؟؟؟؟؟؟؟؟
لم أعبأ كثيرا أشعلت سيجاره....
وسحبتها كلها في نفس واحد طويل .. وقضيت مسائى نائما في تلك القبه ..
اما تلك البنت ؟؟؟؟
لم تقم معي .... ولم ترحل....
لم ترحل حتي الان...
وعشقت الجلوس الي تلك القبه ....
ومن اتي بعدي؟؟
لا احد..
لا احد...
في إحدي ظلمات الليالي الحالكه... أتوا بهراواتهم الضخمه وأخذوه....
كتبت بعدها...
محاره... يا لتلك القباب ... المرعبه بفتنتها؟
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: ibrahim kojan)
|
Quote: مجدي صباح الخير..
محارات الحزن تتفتح .. فتخرج لنا تلك الاحشيه المتقرحه .. المحفوظه في جرار زجاجيه في تلك القبه الضخمه....
كنت اخافها .. اخافها كثيرا.. واتساءل من اين اتوا بكل هؤلاء..؟؟
وما كل هذا .. المرض؟؟
حتي اتت تلك البنت التي تتمدد في عروقي نهرا من الانبهار ... و..
سألتني .. بعض أسئله طبيه .. تحسست بقايا عظامي وهي .. كثيره..
صوتها كان نجوالا بين أناشيد الريح والريح الاخري ...
لونها كان الاستواء ... القهوه في سكينتها..
ضحكتها قافله من الاستقامه .. الفرح ... والاشتهاء ...
فاجأتني بصباحاتها..
(طارق حسن) ...
يتساءل ماذا قلت ...
لم أقل شيئا.. فقط اتعبد في صمت لونها المدهش بإنعكاسات شمس تلك القبه التي أخافها وتخافني...
ربما كانت تلك الامسيه ..
ربما جهلي وقتذاك .. بسحر المساءات ...
ربما كان صوتك الازيز...
وتراتيله... المرعبه ...
ربما ... التراتيل..
المساءات..
الازيز...
ربما أثر البن... في صوتي .... قال (طارق)..
ربما كان خوفي من ان تكون رئتي محفوظه في إحدي الجرار يوما ..؟؟؟؟؟؟؟؟
لم أعبأ كثيرا أشعلت سيجاره....
وسحبتها كلها في نفس واحد طويل .. وقضيت مسائى نائما في تلك القبه ..
اما تلك البنت ؟؟؟؟
لم تقم معي .... ولم ترحل....
لم ترحل حتي الان...
وعشقت الجلوس الي تلك القبه ....
ومن اتي بعدي؟؟
لا احد..
لا احد...
في إحدي ظلمات الليالي الحالكه... أتوا بهراواتهم الضخمه وأخذوه....
كتبت بعدها...
محاره... يا لتلك القباب ... المرعبه بفتنتها؟ |
كوجان...
تحياتي وسلام مربع للروعه....
وهذه الاحرف التي تنساب من خلال المسمات ....
نعم لقد سكنت تلك القباب ..
بفتنتها المرعبه......
فاي لحن تختار ل محارة القباب المرعبه بفتنتها!!!!
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: Magdi Ahmed Elsheikh)
|
كنيسه الابيض الشهيره...
ايضا محمد حسن الشايقي....
في اقصي اليسار..
لم استطع تذكر اسم الاخ ...في اقصي اليمين
وهو من اولاد الابيض الكرماء..
وكان مرشدا لنا ومعانافي الصغيره والكبيره
واكرمنا واسرته كثيرا..
وهو قريب احد اخواتنا من بنات الابيض
علي ما اذكر نهي مكي
مذكرتي المدون فيها هذه الرحله لم تصلني من السودان بعد
وارجو من يتذكر اسمه ارساله لنا
واكيد امل التجاني مذكراه
اين انت بابت التجاني
وكيف الاهل جميعا
ووين عادل
اخر عهدي بيهو هج من اروبا ومشي الخليج
التحيه لكم
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: ibrahim kojan)
|
Quote: كنيسة الابيض...
في هذه الكنيسه كتبت ورقه صغيرة... دسستها بين أصابع محمود السراج...
أظن ترجمتها للفصحي بلغة هذا الاسفير اللعين..؟؟!!
(غريبان في هذه القافله..
غريبان .. ما ودعتنا المدينه .. ما بح صوت المسيح في الكنيسه..
لم تذرف المجدلية دمعة حزن..
تجف الدموع علي الوجنتين تموت.. تموت ..
وترحل في الغسق السرمدي بقية أنفاسنا الذابله..
غريبان..
يا أصدق الاصدقاء .. يا أخر القادمين علي الدرب
يا أخر السابله..)
مجدي ..
هنالك بنت كانت تضحك.. فيخرج صوتها ... يمر بمسمامعنا كأنه خارجا من نفق بالياسمين محفوف؟؟؟
تفج ظلام الليل بإبتسامتها....؟؟
أين ذهبت؟؟؟؟
ربما تصاعدت في الهواء بعد أن أصبحت غناءا للياسمين..
ذكريات تأتي ولا تقيم... فقط تتماها معنا الي الابد.....
الابيض 1985 لو لم تخني الذاكره! |
اخي ابراهيم...........
تحياتي ....
اتمني ان تاخذنا معك.....
لنسبح معا في بحرك الصافي..
العمييييييييييييييييييييييق....
| |
|
|
|
|
|
|
|
|
|
Re: منتدي الذكريات بكلية الطب ج الخرطوم زمان (Re: ibrahim kojan)
|
Quote: كنيسة الابيض...
في هذه الكنيسه كتبت ورقه صغيرة... دسستها بين أصابع محمود السراج...
أظن ترجمتها للفصحي بلغة هذا الاسفير اللعين..؟؟!!
(غريبان في هذه القافله..
غريبان .. ما ودعتنا المدينه .. ما بح صوت المسيح في الكنيسه..
لم تذرف المجدلية دمعة حزن..
تجف الدموع علي الوجنتين تموت.. تموت ..
وترحل في الغسق السرمدي بقية أنفاسنا الذابله..
غريبان..
يا أصدق الاصدقاء .. يا أخر القادمين علي الدرب
يا أخر السابله..)
مجدي ..
هنالك بنت كانت تضحك.. فيخرج صوتها ... يمر بمسمامعنا كأنه خارجا من نفق بالياسمين محفوف؟؟؟
تفج ظلام الليل بإبتسامتها....؟؟
أين ذهبت؟؟؟؟
ربما تصاعدت في الهواء بعد أن أصبحت غناءا للياسمين..
ذكريات تأتي ولا تقيم... فقط تتماها معنا الي الابد.....
الابيض 1985 لو لم تخني الذاكره! |
لك كل الود والاحترام...
نشتاق اليك....
واليك تشتاق تلك البقاع....
التي احببناها حتي النخاع...
فقط ...
خذنا اليها معك ....
بريشتك ويراعك ...
المتفرد بالمدرسة الكوجانيه....
| |
|
|
|
|
|
|
|
Magdi Ahmed Elsheikh
Dr. Moiz Bakhiet
sourketti
Ahmed al Qurashi
أيزابيلا
انور الطيب
ود محجوب
الطيب شيقوق
ibrahim kojan
فيس بوك
تويتر
انستقرام
يوتيوب
بنتيريست