|
Re: الاستوساخ ............!!!! (Re: معتز تروتسكى)
|
يا تروتسكي سلامات
عارف انا كنت خاتي لي زي كم نموذج لا يتعدي اصابع اليد الواحدة بعد اخدت لفة صغيرونة كدة عشان اكمل الباقي عليك امان الله قلت البوست دا نماذج ساي يفوق بوست الشعبية في عدد الصفحات .. فجليت الشغلة.. بس من بين كل خمسة اعضاء طلع ليك 2 بيستنضفوا وتلاتة بيستوسخوا حسب نظرية امين محمد سليمان
| |
|
|
|
|
|
|
Re: الاستوساخ ............!!!! (Re: HAIDER ALZAIN)
|
الأقطبوط أبو الحسين ، سلام من الله عليك . Quote: يعني مُـصـــر تستوسخني مع سبق الإصرار و الترصد ؟؟؟؟
يا خي سألتك سموك أمين نوته لييييييييييييييييييييييييييه ؟؟؟؟
و شايفك عشت حكاية إنك مُفكر بحق و حقيقة |
بالله عليك don't abuse المصطلح ده ، الموضوع ما إستوساخ ، ياخي ما ممكن نحن نفكر و انتو تخربو !! عشان يقع ليك أسمع النكته دي : قال ليك في شافع شايل ابريق و بغسل للناس في يدينهم في بيت بكاء و كل ما واحد من أعمامك يكون بغسل في يدو ، يسال الشافع ( إنت ود منو ؟ ) ، اها الجماعه كتار و الود خلاص قفلت معاه من كترة السؤال ، جاء واحد من أعمامك سالو ( إنت ود منو ؟ ) قال ليه أنا ود حرام !!! اها يا أبو الحسين يا أقطبوط أنا قربت أقول ليك أنا ود حرام بتاعت الشافع ده : من سنة البرلم 1986 و أنا بتسال السؤال ده ، امبارح دي سئيلي الله ، أنا في ولايه تانيه لشغل قابلت صديق قديم من السودان و كنا بنتكلم عن الجامعه و أيام الجامعه وفجاه سالني زي سؤالك ده : إنت يا نوته سموك نوته ليه ؟ اها أنا حا أجاوبك عشان تعرف إنو أنا من المفكرين المتواضعين : باختصار شديد في بداية سنة البرلم كنا مجموعه كبيره أولاد و بنات بنستعمل كلمة (نوته) دي في أي جمله ، كلمه ما عندها أي معني محشوره في نص الكلام ، أخونا و صاحبنا وليد مدني بقي يناديني أمين يا نوته ، بعد أسبوع كل أمة لا إله إلا الله بقت تناديني أمين نوته .
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
أحمد الأمين يا حبيبنا ، سلام Quote: الاخ امين ياخ تشكرات كميات على اعمال الفكر فى شرح الاستوساخ والنهى عنه وياحبذا لو تدعون القوم للا ستنضاف .... وبالمره تكوين هيئتكم العليا للامر بهذا والنهى عن ذاك. ولا نامت اعين المستوسخين.!! وياريت لو تواصل وتشرح لينابما انك مفكر عن الحالة التى تعترى المستوسخ وهو يأتى الفعل :)
|
ياخي لا شكر علي واجب ، دوري كمفكر إنو ارتفع بوعي الوهم الهنا ديل و زي ما براك شايف صعوبة الدور في ظل بساطة و قلة ثقافة معظم الناس في هذا المكان . بالنسبه للمستوسخين : في معظم الأحيان الواحد بكون ما عندو رد مقنع و لا حجه يجادل بيها الناس فيلجأ للاستوساخ كوسيله ناجحه للتهرب من النقاش ، عشان كده قلنا إنو معظم المستوسخين أكثر الناس سطحيه و أقلهم حجه و معرفه .
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: باختصار شديد في بداية سنة البرلم كنا مجموعه كبيره أولاد و بنات بنستعمل كلمة (نوته) دي في أي جمله ، كلمه ما عندها أي معني محشوره في نص الكلام ، أخونا و صاحبنا وليد مدني بقي يناديني أمين يا نوته ، بعد أسبوع كل أمة لا إله إلا الله بقت تناديني أمين نوته |
حا يجي يقول ليك : التبرير دا ما عجبني .. انت سموك نوته ليــه ..؟؟ انت يا امين ما عارف ابو الحسين دا كائن عنكوليبي وبيلق في الحاجه زي صباع الامير ..؟؟
| |
|
|
|
|
|
|
Re: الاستوساخ ............!!!! (Re: داليا الكباشى)
|
Quote: حا يجي يقول ليك : التبرير دا ما عجبني .. انت سموك نوته ليــه ..؟؟ انت يا امين ما عارف ابو الحسين دا كائن عنكوليبي وبيلق في الحاجه زي صباع الامير ..؟؟ |
الله إسامحك الحمد لله مداخلتي كانت قبل مداخلتك
إتفضحتي
علشان بس الناس دي كلها تتأكد من إني إنسان برئ
و إني مُستهدف
| |
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: الحمد لله مداخلتي كانت قبل مداخلتك
|
انت يا ابو الحسين فاشل في اي حاجه ..؟؟ شكـل ما بتعرف تشاكل.. وشوش ما بتعـرف تختـها .. كمان السـاعه والحساب ما بتعرفو ..؟؟
مداخلتي كانت الساعه ومداخلتك كانت الساعه يبقى ياتا القبل التانيـه ..؟؟ مششششششششم عالم تحب الغلاط بشكل
| |
|
|
|
|
|
|
Re: الاستوساخ ............!!!! (Re: داليا الكباشى)
|
Quote: وشوش ما بتعـرف تختـها .. |
في شكل فيهو وشوش ؟؟؟؟؟؟
Quote: مان السـاعه والحساب ما بتعرفو ..؟؟
مداخلتي كانت الساعه
Quote: 03:50
ومداخلتك كانت الساعه
Quote: 03:53
يبقى ياتا القبل التانيـه ..؟؟ |
علشان تعرفي إنو أنا زول الله الشكل ذاتو ما بعرفو و لو ما مصدقاني أسألي الطريفي
| |
|
|
|
|
|
|
Re: الاستوساخ ............!!!! (Re: ABUHUSSEIN)
|
سلامات يا معتز Quote: لو اعتمدنا على تحليل المقطع ده ، بقول ليك انا شخصيا قاعد استحقر البعض ، لكن بعد تجربة وليس من نظرة انطباعية او قراءة عابرة... لكن ببقى الاستغراب من الشخص الذي تكون نفسه "منقرفه" من الآخرين دون سبب ، وكثير هو بكون إسقاط الحالة النفسية في الأشخاص يعني بالبلدي كده زي المرأة البتتوحم لظروفها تجده تتضايق من الكثير وقد يكون زوجها شخصياً... لكن في الخلق لا الواحد بتوحم ولا نحن معنين بان يفرغ فينا اسقاطاتو النفسية واحباطاتو ومشاكلو!؟!؟
|
أن يستوسخ الانسان أخاه الانسان بسبب و بعد تجربة وليس من نظره انطباعيه او قراءه عابره فده طبيعي و عادي و يحدث في أرقي العائلات ، لكن أن يستوسخ الانسان أخاه الانسان دونما سبب غير إختلاف الراي فده المعترضين عليه .
Quote: عموما هي ظاهرة يمكن ان تناقش ، بس انا شخصيا ما متاكد بانو شرحك لي "استوساخ" دي نجر منك ولا من مراجع علمية قايتو ياهو كبينا نقتنا بناء على حسن النية اليبقي يبقى. |
يا معتز ياخي أنا راجل مفكر ، يعني ما ممكن أكون بنجر ساي !
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
الاخ امين
تحياتى
Quote: أن يستوسخ الانسان أخاه الانسان بسبب و بعد تجربة وليس من نظره انطباعيه او قراءه عابره فده طبيعي و عادي و يحدث في أرقي العائلات ، لكن أن يستوسخ الانسان أخاه الانسان دونما سبب غير إختلاف الراي فده المعترضين عليه . |
متفق معاك 100% بس نقول شنو اهو دا الحال
مودتى
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
صدقي يا حبيبنا Quote: متفق معاك 100% بس نقول شنو اهو دا الحال |
شكرا علي المرور و الاتفاق . يقول سيدي أمل في ( سفر التكوين ) :
ورأيت ابن آدم وهو يجن، فيقتلع الشجر المتطاول، يبصق فى البئر يلقى على صفحة النهر بالزيت، يسكن فى البيت؛ ثم يخبئ فى أسفل الباب قنبلة الموت، يؤوى العقارب فى دفء أضلاعه، ويورث أبناءه دينه.. واسمه.. وقميص الفتن. أصبح العقل مغترباً يتسول، يقذفه صبية بالحجارة، يوقفه الجند عند الحدود، وتسحب منه الحكومات جنسية الوطنى.. وتدرجه فى قوائم من يكرهون الوطن.
لو راي سيدي أمل ما يحدث في منبرنا من إستوساخ الانسان لاخيه الانسان لترك الشعر واكتفي ب( إيه الأرف ده !!!) !!
| |
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: والله يا أبوالحسين لقيتك بتاع مشاكل و كركبات لا يعلم بها إلا الذي فطر السماء بلا عمد ، داخل مع داليا في مشاكل بجاي و مطالب بايقاف تمبس بهناك ، الاسره دي خليها الله يرضي عليك !! |
أمين ياخي إنت عارفني كويس و الله داليا دي إستهدفتني عديل كدا و الله غلبني البسوي معاها
ياخي دي بتكون شغالة ليل و سبحان الله المكان البتشتغل فيهو دا الناس بطلو إمرضو علشان هي تتفرغ لينا نحن و تمرضنا نحن
ياخي البعرفو أنا الدكاترة بعالجو لكن العكس دي ما شفتها إلا هنا إكون الزمن إتغير للدرجة دي
| |
|
|
|
|
|
|
Re: الاستوساخ ............!!!! (Re: ABUHUSSEIN)
|
Quote: أمين ياخي إنت عارفني كويس و الله داليا دي إستهدفتني عديل كدا و الله غلبني البسوي معاها
ياخي دي بتكون شغالة ليل و سبحان الله المكان البتشتغل فيهو دا الناس بطلو إمرضو علشان هي تتفرغ لينا نحن و تمرضنا نحن
ياخي البعرفو أنا الدكاترة بعالجو لكن العكس دي ما شفتها إلا هنا إكون الزمن إتغير للدرجة دي |
يا أبا الحسين ، أما ان لك أن ترعوي ؟!! فلتترك داليا و شانها فانها في حماية بني منصور و لا حاجة لك بقتالهم !!
------- قلت أقولها ليك بالفصحي ، إحتمال تفهم و الكلام يقع ليك !!!
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
عاد يا خال حمور
بوستك دا ما عقدنا عدييييييل كدي النعمني قصة الفط دي او عدم الرد علي كل المداخلات دي بعملها لعدة اسباب
مرات لانو الزول مزاجو ما بجي للكتابة يعني حسب تعبيرك " الرد يكتبني ولا اكتبه " هههه ومرات لانه بتكون في ظروف منعتني من دخول النت لفترات طويلة ، اجي القي البوست اتأرشف ومرات في ناس بكرهوك البلي لمن تخلي البوست زاتو
لكن والله مافيهااستوساخ ابداً اها نحلها كيف نكتب الشروحات دي عقب كل فطة ؟
| |
|
|
|
|
|
|
Re: الاستوساخ ............!!!! (Re: الجندرية)
|
أختنا في الله و الوطن الجندريه ، سلام Quote: النعمني قصة الفط دي او عدم الرد علي كل المداخلات دي بعملها لعدة اسباب
مرات لانو الزول مزاجو ما بجي للكتابة يعني حسب تعبيرك " الرد يكتبني ولا اكتبه " هههه ومرات لانه بتكون في ظروف منعتني من دخول النت لفترات طويلة ، اجي القي البوست اتأرشف ومرات في ناس بكرهوك البلي لمن تخلي البوست زاتو
لكن والله مافيهااستوساخ ابداً اها نحلها كيف
|
لو ما عندك مزاج كتابه و رد علي الناس ، ما تفتحي بوست !!! الرد ما شرط يكون بالتفصيل ، انشالله كلمه و غتايتها !! أو ترصي الناس في لسته و تكتبي ليهم (شكرا علي المرور ) مثلا ، المهم لازم تشتغلي بعباد الله ديل !! الناس بتجي تعلق و تكتب رايها أو سؤالها فيما كتبتي : يبقي لازم تردي للناس دي : غير كده ده إستوساخ بائن بينونه كبري !!! بخصوص مسالة الأرشفه : إذا البوست طول و كنتي بتردي علي الناس فيهو و انتهت دورة حياتو و جاء زول نكتو من الصفحه الف و اتارشف بدون ما تردي علي زول أو زيلان فيهو : ده ما إستوساخ !!! لكن تفتحي بوست و ما تردي علي الناس من قولة تيت بحجة انك مشغوله ده إستوساخ : ما عندك وقت تردي علي الناس : ما تفتحي بوست !!! الشاهد في الحديث يا أخيه إنو القصه دي زي النضمي : البنضم معاك طالما في الموضوع الانتي إبتدرتي النقاش فيهو و طالما الكلام بادب و إحترام : انتي ملزمه أخلاقيا بالرد : غير كده فانتي من الذين يستوسخون عباد الله !!
| |
|
|
|
|
|
|
Re: الاستوساخ ............!!!! (Re: الجندرية)
|
لوووول - انها حرب شعواء يا اماني
ياااخ ده بيكون، بي كسر الراء، في جمعية لابادة المراة، قال كده بيييي عضمة لسانو
جات علي لستة شندلر للعمق دي؟
------------------- براحة يا امين لمن تجي طاير فينا الاتنين جوز، سمح؟ مهيضات الجناح و كده
| |
|
|
|
|
|
|
Re: الاستوساخ ............!!!! (Re: Rihab Khalifa)
|
Quote: لوووول - انها حرب شعواء يا اماني
ياااخ ده بيكون، بي كسر الراء، في جمعية لابادة المراة، قال كده بيييي عضمة لسانو
جات علي لستة شندلر للعمق دي؟ |
إنا لله و إنا إليه راجعون !! وين يا رحاب أنا قلت نعمل جمعية لابادة المراه ؟ يا زوله خافي الله ! أنا قلت نعمل جمعيه للقضاء علي المراه ، و القضاء هنا يعني المحاكم و كده !! ياخي أنا من ما الله خلقني و المراه مسئوله مني : أمي كانت مسؤله مني لحدي ما سلمتني لزوجتي : كان داير أتنفس نفس الله الواحد ده ، لازم استأذن : تقولي لي اباده ؟
---------------------- لو في اباده ، ياخي أنا مباد منذ الاف السنين !! ---------------------- لا حوجه لفتح بوست جديد ، يمكنك الاعتذار هنا !!
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: ياخي أنا من ما الله خلقني و المراه مسئوله مني : أمي كانت مسؤله مني لحدي ما سلمتني لزوجتي : كان داير أتنفس نفس الله الواحد ده ، لازم استأذن : تقولي لي اباده ؟ |
نعلن عميق إعجابنا بالسيديتين أعلاه, ونقول ليهم الله ح يعوضكن الجنة.
ياأمين , مافى إستوساخ إيجابى؟
| |
|
|
|
|
|
|
Re: الاستوساخ ............!!!! (Re: ندى عثمان حسن)
|
الاستاذ أمين
هل تقصد الاستفطاط؟؟؟
غايتو انا مره واحد عنده عزاء عزيتو وترحمة علي ميته
شكر الناس كلهم وفطاني ... افترضت حسن النية دخلت تاي عزيتو في أول
الصفحة التانية برضو فطاني .... يكون ده استوساخ
انت مش خال حمور برضك؟؟؟؟
| |
|
|
|
|
|
|
Re: الاستوساخ ............!!!! (Re: Rawia)
|
Quote: ياأمين , مافى إستوساخ إيجابى؟ |
بالنسبه لسؤالك يا أختاه ، أقول و بالله التوفيق : يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه !! هذا و الله أعلم !
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
رغيم الأب ، سلام يا حبيبنا Quote: هل تقصد الاستفطاط؟؟؟
|
هو الاستفطاط كما جاء ببعض المراجع و إن كان هناك ضعف في هذه الروايات !!!
Quote: غايتو انا مره واحد عنده عزاء عزيتو وترحمة علي ميته
شكر الناس كلهم وفطاني ... افترضت حسن النية دخلت تاي عزيتو في أول
الصفحة التانية برضو فطاني .... يكون ده استوساخ
|
ده إستوساخ بائن بينونه كبري ، مفروض تحمد الله الما طردك من البوست
Quote: انت مش خال حمور برضك؟؟؟؟ |
الكلام ده كان زمان يا رغيم ، حمور الان زميل في المنبر و أحد جرذان الأدب و طحالب الثقافه الذين أوصلو الأدب في السودان الشقيق لما هو عليه ألان !!! -------
--------
Quote: انت مش خال حمور برضك؟؟؟؟ |
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
أختنا راويه ، سلام Quote: أمين سلامات ياخ أنا في زول حاقر بي عينك عينك مع إنه مرة كدا ولفافة مني ساكت نزلت ليهو أغنية لطيفة
(ماوحشتكش) |
ده ما إستوساخ !! وعليك الله ما تتحسسي و تكبري الموضوع ساي ، الزول ده ببساطه كده انتي ما وحشتيو !!!
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه !! |
اها ياأمين , مش ماشة كويس؟
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
Quote: يوجد إستوساخ إيجابي و هو عدم الرد علي من رددت عليه سؤاله مرارا و تكرارا أو علي من إمتهن تخريب بوساتتك أو علي من يات بافعال إتفق عليها الناس أنها من سوء الأدب كاغارق البوستات و نحوه Amin |
و ضف الي الاستوساخ الايجابي، كما جاء في الاثر عن امين، في نقاشة عن المعيار الاخلاقي، استوساخ بوستات باكملها، لاقصاء الكتابات غير مقبولة
------------ I am liking this post more and more
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
يا سيدي أمين بن محمد صاحب النوتة لي مسألة شغلتني فافتني في أمرها زادك الله علما على علمك إن كان تجاهل الرد يُسمى في عرفكم بالإستوساخ فما تقولون في نقيضه وهو حركة إنتظار الرد أيّاما وليالي و "وسك" البوست و صاحبه حتى يتم الرد أهو " إلإستجداء" مثلا أم ماذا؟
أفدنا أصلحك الله
| |
|
|
|
|
|
|
Re: الاستوساخ ............!!!! (Re: محمد البشرى الخضر)
|
أخانا البشرى ، اني أحمد لك الله الذي لا إله إلا هو و أصلي و أسلم علي المبعوث رحمة للعالمين و بعد . تقول أخي الكريم :
Quote: يا سيدي أمين بن محمد صاحب النوتة لي مسألة شغلتني فافتني في أمرها زادك الله علما على علمك إن كان تجاهل الرد يُسمى في عرفكم بالإستوساخ فما تقولون في نقيضه وهو حركة إنتظار الرد أيّاما وليالي و "وسك" البوست و صاحبه حتى يتم الرد أهو " إلإستجداء" مثلا أم ماذا؟
أفدنا أصلحك الله |
أقول و بالله التوفيق : لا أعلم أحد ممن يعتد بهم إختلف في أن الاستوساخ يقع لحظة رد المستوسِخ علي شخص أخر جاء ترتيب مداخلته بعد المستوسَخ بغير إذن أو عذر معلوم . أما إذا طفق المستوسَخ يكرر سؤاله و لم يكن الغرض إحراج المستوسِخ أو بيان تناقضه أو ما شاكل انما فعلها إستجداء و استرخاصا أملا في اجابه أو رد فهو استوساخ النفس أعاذنا الله و اياك منه .
و الحمد لله من قبل و من بعد .
| |
|
|
|
|
|
|
Re: الاستوساخ ............!!!! (Re: أمين محمد سليمان)
|
بالله عامل فيها شيخ وتفتي كمان ؟!
ما اهو إنت مستوسخ ماسنجراتي البشحدك فيها ليك شهرين؟!
يآخ ان اصابتني المسغبة لمن شحدت بالشوارع وانت لافي لي وراء كلام المثقفاتية والمعايير ما اديتني وش..
هو الاستوساخ دا كيف ؟!
اكترها مش الشحدة .. عاين اليد الممدودة في بروفايلي دي أقنعك كيف تاني ؟!
بالله بطل استوساخ ورسل لي ان شاء الله عشرة الف دولار بس ومعاها كم كرتونة علوفة كدة ...
خلينا نقيم اودنا ونقدر نجي نناقشكم في الاستوساخ الحواري بعدها ،،،
ـــــــــــ حركات استوساخك المالي دي طفشت لابورتا من البورد وخلتو حايم في سوق ستة في عز ظهيرة السودان القائظة
| |
|
|
|
|
|
|
Re: الاستوساخ ............!!!! (Re: HAIDER ALZAIN)
|
Quote: بالله عامل فيها شيخ وتفتي كمان ؟!
ما اهو إنت مستوسخ ماسنجراتي البشحدك فيها ليك شهرين؟!
يآخ ان اصابتني المسغبة لمن شحدت بالشوارع وانت لافي لي وراء كلام المثقفاتية والمعايير ما اديتني وش..
هو الاستوساخ دا كيف ؟!
اكترها مش الشحدة .. عاين اليد الممدودة في بروفايلي دي أقنعك كيف تاني ؟!
بالله بطل استوساخ ورسل لي ان شاء الله عشرة الف دولار بس ومعاها كم كرتونة علوفة كدة ...
خلينا نقيم اودنا ونقدر نجي نناقشكم في الاستوساخ الحواري بعدها ،،،
ـــــــــــ حركات استوساخك المالي دي طفشت لابورتا من البورد وخلتو حايم في سوق ستة في عز ظهيرة السودان القائظة |
الأخ الطريفي ود الزين ، السلام عليكم و رحمة الله و بركاته ، اني أحمد لك الله الذي لا إله إلا هو و أصلي و أسلم علي سيدنا و نبينا محمد و علي اله و صحبه و من تبعهم باحسان و أسلم تسليما كثيرا ، أما بعد ، لست شيخا ، و لكني طالب علم أسال الله أن يعلمنا ما ينفعنا وأن ينفعنا بما علمنا ، أما عن الأستوساخ فانت به جدير و عليه حقيق طالما ظلت عاكفا علي شتم شاعرنا و أديبنا أخي الأستاذ صديق مهدي علي . و أما عن المال و العليفه ، فالمال مال الله و العليفه عليفته و ما أنا إلا وكيل عليهم ، أرسل لنا حاجتك نرسل لك ما يقيم الاود و يكفيك شر السؤال . و أما عن لابورتا فقد ارسلنا له مما قسم له الرازق فانكر و بطر ثم جاء المنبر فطغي و تجبر ، لم يراعي حقنا عليه فاكثر المزاح و اللعب و أمن عقابنا فساء الأدب !! نسال الله أن يجمعنا و اياكم علي طاعته و أن و يوفقنا لما يحب و يرضى ، و (أخر دعواهم أن الحمد لله رب العالمين ) .
| |
|
|
|
|
|
|
|