|
|
 Re: باركو لي الدكتوراه.........................!!!! (Re: أمين محمد سليمان)
|
Quote: ماتقول مع الصلعة والغرة الاصلية دي وبوست يحي المسيحي ..
عديييل دكتوراه في الفقه المقارن..
كم سنة كده ونشوف ليهو عباية انيقة كده ونمهد للقب الشيخ الدكتور. |
يا محمد علي : الصلعه قاعده والغره الكاذبه قاعده و البوست قاعد و خير البر عاجله !
كان هفت لي بليلنا ده أشد لي سلك للطريفي يرسل لي عبايه و باقي عدة الشغل (جلاليب وسبح و خلافو ) صباحات الله بخيرها أخوك يكون عندو البتاعه بتاعت الفقه المقارن ، إنت قايلنا كمان بنلعب ؟ 
| |
 
|
|
|
|
|
|
|
 Re: باركو لي الدكتوراه.........................!!!! (Re: أمين محمد سليمان)
|
أبو الحسين يا حاقد !! Quote: لكن حكاية دكتور دي و الله ما لايقة عليك........ ولو لبست ليك عشرين بدلة برضو نهائي ما لافقة معاك
|
زي ما قالت عفاف : لايقه جنس لووووواقه !!
مشكلتك إنو الحقد كبس علي قلبك بقيت ما عارف اللايق شنو و الما لايق شنو : ربنا يهديك يا أبو الحسين يا أخوي العندك ده ما بعالجو إلا رافع السماء بلا عمد !!!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
(تبارك) الذي بيده (العماقه ) !! Quote: الدكتور د. أمين محمد E سليمان (طبعاً مستحق اللقب دبل قبينة عميغ خالس)
المثل بقول ليك:
الما بعرف ... ما بدّوهو يغرف ...
(هسى المشكلة تتخلص من حموّر كيف؟ ... أقول ليك حاجة: ختّ ليو مسدس فى كباية الشاى)
|
شكرا علي التباريك و اللقب الدبل قبينه .
حمور ده كان ختيت ليه المسدس في الشاي بترصص أنا !!!
لي سنين عددا صابر و محتسب في موضوع حمور ده ، عظم الله الأجر !!!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
| Quote: كنا فاطرين انا والبدري ولابورتا وخضر , واميره وايمن الطيب بالتلفون .. سمــكـ عجيييب !! فااااتكـ .. يا دكتــور !! |
يا دكتوره درجتي العلميه و مكانتي الجديده ما بتسمح لي أتعاطي مع المذكورين أعلاه قاطبة ، بالله لو في زول من الناس دي عايز يتعاطي معاي في الشان العام أرجو أن يتم عن طريقك !!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
Quote: هلا يا امين
وياخي انا جيت ونفسي مقطوع عديل كده وقلت النوتة عزف سمفونية الاكاديميا وصار دكتور نحريرا
اذ بي احلق عبر الازمنة القديمة وهطلت سيرة صحبي الدكتور عمر اومو
|
والله يا كريم أخوك دربوكه ما يعزفها !!
بعدين كدي وريني سبب واحد إنو أعزف نوتة الدكتوراه دي ! إذا كان ممكن أفتح بوست و الناس تبارك و تهني : الشقا و التعب في شنو ؟!
| Quote: وغايتو لو انت بقيت دكتور فانني لن ارضي بغير بروفسير لصحبي البدري |
مافي زول اسمو البدري عبد الله يا كريم ، الشخصيه دي لا وجود لها علي أرض الواقع : شخصيه وهميه من (أولاد ) أفكار اميره الشيخ !!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
الريس ابا جهينه Quote: أولادي مصرين على القصة دي في عمري دة .. و أنا شايف حتى الماجستير كان مجازفة ...
ربنا يقويك .. إتوكل و أدخل المعترك عشان نتشجع
|
أوعك تسمع كلام أولادك ديل : العمر أقيم من انك تضيعو في قرايه اكاديميه ، خاصة لو ممكن تعملها في عشره دقايق بفتحة بوست : لو أولادك أصرو رسل لي في الخاص نفتح ليك بوست زي حقي ده و بعداك بورداب الرياض بتمو الباقي !!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
عمار يا حبيبنا ، ياخي عقبال من نبارك ليك (حجة الأسلام ) و إنت جاي من قم المقدسه ياخي  Quote: د.امين ,, دامت افاداته ,,,,,,,,, مبروك
اصح يا دكتور دي موضه قديمة ,,
الزمن زمن فنانين ومداحين ,,
كده ما تجي تبارك لي البوماتى الجديده
خاصة المدايح
طبعا البوم الاغاني الشبابية والكليب دي انت ما تنفع معاك ,, والاغانى الوطنبة , عارفك معارضه ,,
ومعا فنان لكل بيت |
ورينا شهادات الفنانين و المداحين بجيبوها من وين و أمشي أجيبها في ثانيه !!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
اربع وعشرين ساعة كلها وانت لسه دكتور وما بقيت بروف ؟؟ شوف ليك واحدة تانية (cut and paste) وانشاء الله ما حد حوش ....
_____
الواحد نفسو يلقي حاجةفي بلدنا ما اترمت في الماء الاسن للفساد والمفسدة؟؟ .. ما ذنب اجيال قادمة من نسلنا نحن الذين سهلنا بصورة او اخري امر الفساد بسوء ادارتنا لبلادنا وانانيتنا وتعلقنا بالشكليات دون مضمون ؟؟؟
| |
|
|
|
|
|
|
|
|
|
Re: باركو لي الدكتوراه.........................!!!! (Re: abubakr)
|
امين يا بياع . . .
تدقسونا تخلونا نمش السودان الشغيغ و تعمل ليك دكترة من ورانا !!؟؟
لا تثريب عليك اليوم - 4 يوليو - فقد حلل الله البيع و حرّم الربا . . .
اوعك من تربي دكترتك دي لي برففة عديييييييييييييل . . . سمح ؟
---------
دا يوم مبارك عديل . . و ح نعلنو في حزبنا يوم عيد رسمي ففيه تحررت امريكا الشغيغة و فيه تحرر اميينا العام من ربقة ( السائية ) و صار دال جنرال موتورز عديل
ياخ بمناسبة الاعياد دي . . تصدق في نفس اليوم دا تم نجاح عملية تفاوض شاقة و مضنية و بعد مخاض عسير طلعنا باتفاق مع ناشط حقوق الانسان ( الكبير ) خضر حسين خليل الشهير بخضر حسين ساي ، تم قبوله الكريم بالانضمام لصفوف حزبنا ( القيادة الثورة ) و يكون هو شخصياً ظلكم في الخرطوم و ممثل حصري لفخامتكم - بعد الدكترة اخدت ليه ألق خاص كمان ! - و في انتظار مباركتكم
مشتاقين و الله
و تقبل تحيات خضر حسين ( طبعاً لو ما دي ما كان خلاني دخلت من لابتوبو ذاتو )
| |
|
|
|
|
|
|
|
|
|
Re: باركو لي الدكتوراه.........................!!!! (Re: قيقراوي)
|
أخونا قيقا الذي بالسودان
ياخي بعد 48 ساعة ونيف حتى تبارك الدكتوراة
يبدو أن الحزب ترهل وأصابته حالة من الخمول
وأرجو من الدكتور أمين أن ينظر لينا في علاج هذه الحالة
خارج النص:
وينك يا رجل تكتب لينا ميثاق لكأس العالم وتفر تخلينا لبنات حواء ينتاشونا من كل صوب وحدب !
| |
|
|
|
|
|
|
|
|
|
Re: باركو لي الدكتوراه.........................!!!! (Re: خضر حسين خليل)
|
محمد عثماننا الذي نحب ، إنت وين ياخ ؟ Quote: يا د. أمين مبروك
غايتو تاني لو قلت لي قريبي محمد إي سليمان يا دكتور حيقول لك دكتور إنت
مشتاقين يا صديقي |
الحبشي يا محمد عثمان أنا بناديه بي يا دكتور عايزو يوم ينسي ما يصلحني إنو ما دكتور عشان كان يوم كركب معاي - وبراك عارفو ما مضمون - بطلع ليه من الأرشيف إنو عامل فيها دكتور و إنو ما صلحني لمن قلت ليه يا دكتور !!!
الزمن بقي صعب و أهم حاجه الواحد يامن ضهرو من نوائب الزمن الأسفيريه
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
صلاح يا حبيبنا ، إن شاء الله أمورك كلها طيبه ياخي .Quote: ما شاء الله مبارك دكتور أمين!
صدّقني لافقة جداً جداً!
وده الدكتور الإحنا عايزنو!
يعيش في قلب الأحداث،
ويتعامل معها بمنطق بسيط غير معقد!
بيد أنه هادف!
أجدد التهانئ الخالصة! |
شكرا لطيب تبريكاتك و عميق تهانيك يا صلاح ،
الواحد بيحاول يعيش في قلب الأحداث، و يتعامل معها بمنطق بسيط بالذات لمن يكون بتعامل مع ناس بسطاء و قليلي معرفه زي الناس الهنا ديل ، قدرنا أن نشتعل لننير الدرب للاخرين !!!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
Quote: اربع وعشرين ساعة كلها وانت لسه دكتور وما بقيت بروف ؟؟ شوف ليك واحدة تانية (cut and paste) وانشاء الله ما حد حوش ....
_____
|
يا باش ، الواعي ما بوصو !!
أخوك مستني الناس تتعود علي قصة دكتور دي ، بعدين ببقي بروف في ظرف اسبوعين كده إن شاء الله .
| Quote: الواحد نفسو يلقي حاجةفي بلدنا ما اترمت في الماء الاسن للفساد والمفسدة؟؟ .. ما ذنب اجيال قادمة من نسلنا نحن الذين سهلنا بصورة او اخري امر الفساد بسوء ادارتنا لبلادنا وانانيتنا وتعلقنا بالشكليات دون مضمون ؟؟؟ |
والله يا باشمهندس كلامك بيوجع و يحرق لانو حقيقي !! We kept passing the buck generation after generation لحدي ما بقي مافي حاجه نباصيها للاجيال الجايه غير خيبتنا !!!
| |
|
|
|
|
|
|
|
|
|
Re: باركو لي الدكتوراه.........................!!!! (Re: طارق الكوتش)
|
قيقا يا خيمة حزن منصوبه في قلوب الغلابه !!
الشوق يعصر مهجتي كالبرتقاله يا صديق ، بالله كيف وطننا الشقيق ؟!
Quote: تدقسونا تخلونا نمش السودان الشغيغ و تعمل ليك دكترة من ورانا !!؟؟
|
أبدا والله ، الساعه ١١ بالليل هفت لي أعمل دكتوراه ١١ و ربع اسبغت اللقب علي ذاتي الشريفه : تعبايه واحده ما تعبتها !!!
Quote: ياخ بمناسبة الاعياد دي . . تصدق في نفس اليوم دا تم نجاح عملية تفاوض شاقة و مضنية و بعد مخاض عسير طلعنا باتفاق مع ناشط حقوق الانسان ( الكبير ) خضر حسين خليل الشهير بخضر حسين ساي ، تم قبوله الكريم بالانضمام لصفوف حزبنا ( القيادة الثورة ) و يكون هو شخصياً ظلكم في الخرطوم و ممثل حصري لفخامتكم - بعد الدكترة اخدت ليه ألق خاص كمان ! - و في انتظار مباركتكم
|
يا قيقا ياخي أنا انسلخت من حزبكم ده كما ينسلخ جلد الخروف صبيحة العاشر من ذي الحجة !!
الأسباب كتيره و حا اعلنها في استقالتي العلنيه الحا أقدمها في القريب العاجل إن شاء الله .
الحزب يا قيقا بقي حقك إن شاء الله تجيب فيه عمر ود التومه مافي زول عندو كلام معاك !!!
| |
|
|
|
|
|
|
|
|
|
Re: باركو لي الدكتوراه.........................!!!! (Re: أمين محمد سليمان)
|
Quote: امين سلامات
والف مبروك ... وانشاء الله دائما من نجاح لنجاح
احتراماتى |
مداخلة أخونا الكوتش دي نبهتني لانو في بوستات التهنئه و العزاء الناس ما بتقرا البوست ، بتجي تخت كلامها و تمشي .
شكرا يا طارق علي حسن ظنك لكن أخوك أقصر قامه من إنو يعمل دكتوراه .
و يا اخوانا طالما القصه ممكن تتفهم جد ، أنا حا أرخي البوست و العاقبه عندكم في المسرات !!
| |
|
|
|
|
|
|
|
|
 Re: باركو لي الدكتوراه.........................!!!! (Re: أمين محمد سليمان)
|
العزيز امين
| Quote: مداخلة أخونا الكوتش دي نبهتني لانو في بوستات التهنئه و العزاء الناس ما بتقرا البوست ، بتجي تخت كلامها و تمشي |
دايرنى اقرأ اكتر من كده شنو >
| Quote: لييه ما أجي سودانيزاونلاين و أعلن إنو أنا بقيت دكتور بدون القرايه أم دق دي ؟ |
بالمناسبة انا متوقع انك تكون بروف عدييييييل كده وامينة ما امين > لوووووووووووووول
تحياتى
| |
|
|
|
|
|
|
| |
أمين محمد سليمان
محمد المرتضى حامد
محمد عبد الماجد الصايم
abubakr
قيقراوي
جعفر محي الدين
خضر حسين خليل
فيس بوك
تويتر
انستقرام
يوتيوب
بنتيريست